ଯୁବକଙ୍କୁ ବିଭତ୍ସ ହତ୍ୟା; ଗୁଳି କଲେ, ହାଣିଲେ

ବାଲେଶ୍ୱର: ବାଲେଶ୍ୱରରେ ଫୁଟିଲା ଗୁଳି । କୁରୁଡ଼ା ଛକ ନିକଟରେ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଛି । ମୃତ ଯୁବକ ହେଲେ ସଦର ଥାନା ଜଗନ୍ନାଥପାଟଣା ଗାଁର ବିନୋଦ ବିହାରୀ ଦାସ । ବିନୋଦ ଗତକାଲି ରାତିରେ ଘରକୁ ବାଇକରେ ଫେରୁଥିବା ବେଳେ, ତାଙ୍କୁ କେହି ଦୁର୍ବୃତ୍ତ ପ୍ରଥମେ ଗୁଳିମାଡ଼ କରିଥିଲେ ।

ସେ ତଳେ ପଡ଼ିଯିବା ପରେ ତାଙ୍କ ମୁହଁକୁ ଭୁଜାଲିରେ ହାଣି ହତ୍ୟା କରିଥିବା ଜଣାପଡ଼ିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ବିନୋଦଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତ ବିନୋଦ ବାଲେଶ୍ୱର ସହରରେ ଭଡ଼ାଘରେ ରହୁଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ତଦନ୍ତ କରୁଛି ।