କୋଟିଆରେ କାର୍ଯ୍ୟକ୍ଷମ ହେଲା ଆଦର୍ଶ ବିଦ୍ୟାଳୟ

କୋରାପୁଟ: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ କୋଟିଆରେ ଆରମ୍ଭ ହେଲା ଆଦର୍ଶ ବିଦ୍ୟାଳୟ । ଆନ୍ଧ୍ର ସୀମାବର୍ତ୍ତୀ କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକ କୋଟିଆରେ କାର୍ଯ୍ୟକ୍ଷମ ହେଲା ଆଦର୍ଶ ବିଦ୍ୟାଳୟ । ଚଳିତ ଏକାଡେମିକ ସେସନରେ ବିଦ୍ୟାଳୟ କାର୍ଯ୍ୟକ୍ଷମ ହୋଇଛି । ମୋଟ ୫୯ ଜଣ ଛାତ୍ରଛାତ୍ରୀ ଷଷ୍ଠ ଶ୍ରେଣୀରେ ନାମ ଲେଖାଇଛନ୍ତି ।

 ଆଜିଠୁ ପାଠ ପଢା ମଧ୍ୟ ଆରମ୍ଭ ହୋଇଛି । ଛାତ୍ରଛାତ୍ରୀଙ୍କ ଯିବା ଆସିବା ପାଇଁ ମାଗଣା ସ୍ୱତନ୍ତ୍ର ବସ୍ ର ବ୍ୟବସ୍ଥା ରହିଛି । ହଷ୍ଟେଲ ଓ ସମସ୍ତ ଆନୁଷଂଘିକ ବ୍ୟବସ୍ଥା ରହିଥିବା ନେଇ ସୂଚନା  । ସିବିଏସଇ ପଦ୍ଧତିରେ ଏଠି ଗୁଣାତ୍ମକ ଶିକ୍ଷା କୋଟିଆ ପିଲାଙ୍କୁ ଦିଆଯିବ ।

ସ୍ଥାନୀୟ ଲୋକେ ଏହି ବିଦ୍ୟାଳୟ ଚାଲିବା ପରେ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି । ନିକଟରେ ମୁଖ୍ୟ ଶାସନ ସଚିବ କୋଟିଆ ଗସ୍ତ କରି ଆଦର୍ଶ ବିଦ୍ୟାଳୟ କାର୍ଯ୍ୟର ସମୀକ୍ଷା କରିଥିଲେ ଏବଂ କାର୍ଯକ୍ଷମ କରିବା ପାଇଁ ଏକ ସୀମା ନିର୍ଦ୍ଧାରଣ କରିଥିଲେ । ଆଜିଠୁ କୋଟିଆରେ ଆଦର୍ଶ ବିଦ୍ୟାଳୟ ଆରମ୍ଭ ହେବା ନେଇ ଲୋକସମ୍ପର୍କ ବିଭାଗ ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି ।