ପ୍ରଥମେ କାଳି, ତାପରେ ଜେଲ: ୟୁପିରେ ଜାନୁଆରୀ ୧୩ ଯାଏଁ ଜେଲରେ ରହିବେ ସୋମନାଥ ଭାରତୀ

ରାୟବରେଲୀ: ଦିଲ୍ଲୀର କେଜ୍ରିୱାଲ ସରକାରଙ୍କ ପୂର୍ବ ଆଇନ ମନ୍ତ୍ରୀ ସୋମନାଥ ଭାରତୀ ନିକଟରେ ମନ୍ତବ୍ୟ ଦେଇଥିଲେ ଯେ, ଉତ୍ତର ପ୍ରଦେଶର ଡାକ୍ତରଖାନାରେ ଛୁଆ ତ ଜନ୍ମ ହେଉଛନ୍ତି, କିନ୍ତୁ କୁକୁର ଛୁଆ ଜନ୍ମ ହେଉଛନ୍ତି । ଏହି ମନ୍ତବ୍ୟ ପରେ ସୋମବାର ଭାରତୀ ବିରୋଧରେ ଜଗଧିଶପୁର ଥାନାରେ ମାମଲା ଦାଖଲ କରାଯାଇଛି । ଏହି ମନ୍ତବ୍ୟ ପାଇଁ ଲୋକମାନଙ୍କ ମଧ୍ୟରେ ଏତେ ମାତ୍ରାରେ ଆକ୍ରୋଶ ଭରି ହୋଇରହିଥିଲା ଯେ, ସୋମନାଥ ଭାରତୀଙ୍କ ଉପରକୁ କାଳି ଫିଙ୍ଗାଯାଇଥିଲା । ଏନେଇ ସୋମନାଥ ଭାରତୀଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ବିବାଦ ଭିତରେ ସୋମନାଥ ଭାରତୀଙ୍କୁ ଗିରଫ କରାଯାଇଛି । ଏହାସହିତ ତାଙ୍କୁ ନ୍ୟାୟିକ ହେପାଜତରେ ପଠାଯାଇଛି ।

आदित्यनाथ सरकार की तानाशाही चरम पर है @AamAadmiParty ने स्कूल,अस्पताल की बदहाली का सवाल उठाया तो आदित्यनाथ जी ने AAP नेताओं को आतंकित करना शुरू कर दिया पूर्व मंत्री व विधायक @attorneybharti पर रायबरेली में भाजपाईयों ने हमला कर दिया और सोमनाथ को ही पुलिस ने गिरफ़्तार कर लिया है। pic.twitter.com/WJDwVzCjxh

— Sanjay Singh AAP (@SanjayAzadSln) January 11, 2021

ସୋମନାଥ ଭାରତୀ ଟ୍ୱିଟ କରି କହିଛନ୍ତି ଯେ, ‘ ମିଥ୍ୟା ମାମଲା, ପୋଲିସ ଏବଂ ଭଡ଼ାର ଗୁଣ୍ଡାର ଭୟ ନା ମତେ ପୂର୍ବରୁ ଥିଲା ନା ଆଗକୁ ରହିବ । ଯୋଗୀ ସରକାର ଯଦି ଆପଣ କେଜ୍ରୱାଲ ସରକାରଙ୍କ ଭଳି କାର୍ଯ୍ୟ କରିଥାନ୍ତେ ତେବେ ଆପଣଙ୍କୁ ଆଜି ଏମିତି କରିବାକୁ ପଡ଼ିନଥାନ୍ତା । ଆପଣଙ୍କ ରାଜନୈତିକ ଅନ୍ତ ସୁନିଶ୍ଚିତ । ପ୍ରଥମେ କାଳି ଫିଙ୍ଗି ପୋଲିସର ଉପସ୍ଥିତିରେ ଅକ୍ରମଣ କରାଅ ଆଉ ତାପରେ ମାମଲା ଦାଖଲ କର ।’

କାହିଁକି ଦେଇଥିଲେ ଏମିତି ମନ୍ତବ୍ୟ ?

ସୋମନାଥ ଭାରତୀ କହିଥିଲେ ଯେ, ‘ ଆମେ କେଜ୍ରିୱାଲ ମଡେଲ ନେଇ ଆସିଛୁ, କିନ୍ତୁ ଏଠିକାର ସ୍କୁଲ ଘର ଅତ୍ୟନ୍ତ ଖରାପ ପରିସ୍ଥିତିରେ ରହିଛି । ଡାକ୍ତରଖାନାରେ ଶିଶୁ ତ ଜନ୍ମ ଗ୍ରହଣ ହେଉଛନ୍ତି କିନ୍ତୁ କୁକୁର ଛୁଆ ଜନ୍ମ ହେଉଛନ୍ତି । ’ ସୂଚନା ଅନୁଯାୟୀ ସୋମନାଥ ଭାରତା ଏଭଳି ମନ୍ତବ୍ୟ ଏଥିପାଇଁ ଦେଲେ, କାରଣ ସେ ଯେତେବେଳେ ପ୍ରୟାଗରାଜର ସରକାରୀ ଡାକ୍ତରଖାନାକୁ ଯାଇଥିଲେ ସେଠାରେ କୁକୁର ଛୁଆ ବୁଲୁଥିବାର ଦେଖିଥିଲେ ।

ମାମଲା ଦାଖଲ କରି ଆରମ୍ଭ ହେଲା ତଦନ୍ତ

ସୂଚନା ଅନୁଯାୟୀ ଯେତେବେଳେ ପୂର୍ବତନ ମନ୍ତ୍ରୀ ସୋମନାଥ ଭାରତୀଙ୍କ ବିବାଦୀୟ ମନ୍ତବ୍ୟ ଗଣମାଧ୍ୟମର ମୁଖ୍ୟ ଖବର ପାଲଟିଲା, ସେତେବେଳେ ୟୁପି ସରକାର କ୍ରୋଧିତ ହେବାକୁ ଲାଗିଲେ । ଏହି କାରଣରୁ ରବିବାର ବିଳମ୍ବିତ ରାତିରେ ଜଗଦୀଶପୁରର ହରପାଲପୁର ନିବାସୀ ଶୋଭନାଥ ସାହୁ ସୋମନାଥ ଭାରତୀଙ୍କ ବିରୋଧରେ ମାମଲା ଦାଖଲ କରିଥିଲେ । ଥାନା ଅଧ୍ୟକ୍ଷ ରାଜେଷ ସିଂହଙ୍କ ସୂଚନା ଅନୁଯାୟୀ କ୍ରାଇମ ନମ୍ବର ୧୪/୨୦ ଧାରା ୫୦୫/୧୫୩ ଅଧିନରେ ସମାମଲା ଦାଖଲ କରି ପୋଲିସ ତଦନ୍ତ ଆରମ୍ଭ କରିଛି ।