୯୫ ଦିନରେ କଂଗ୍ରେସର ଭାରତ ଯୋଡ଼ ପଦଯାତ୍ରା, ହିମାଚଳରୁ ଫେରି ରାଜସ୍ଥାନରେ ରାହୁଲଙ୍କ ଆକ୍ସନ

ଜୟପୁର: ରାଜସ୍ଥାନରେ କଂଗ୍ରେସର ଭାରତ ଯୋଡ ଯାତ୍ରା । ବୁନ୍ଦି ଜିଲ୍ଲାରେ ସମର୍ଥକଙ୍କ ସହ ପଦଯାତ୍ରାରେ ସାମିଲ ହୋଇଛନ୍ତି ରାହୁଲ ଗାନ୍ଧୀ । ଆଜି ପଦଯାତ୍ରାରେ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସମେତ ରାଜସ୍ଥାନ କଂଗ୍ରେସର ବହୁ ବରିଷ୍ଠ ନେତା ମଧ୍ୟ ସାମିଲ ହୋଇଛନ୍ତି । ଗତକାଲି ହିମାଚଳରେ ମୁଖ୍ୟମନ୍ତ୍ରୀଙ୍କ ଶପଥ ସମାରୋହରେ ସାମିଲ ହୋଇଥିବା ବେଳେ, ଆଜି ସକାଳୁ ପୁଣି ରାଜସ୍ଥାନର ବୁନ୍ଦିରୁ ଆରମ୍ଭ ହୋଇଛି ପଦଯାତ୍ରା ।

ଆଜି ପଦଯାତ୍ରାରେ ରାହୁଲ ସମର୍ଥକଙ୍କ ବଳଦ ଗାଡ଼ିରେ ଚଢ଼ିଥିବା ଦେଖା ଯାଇଥିଲା । ଏହି ଭିଡିଓକୁ ଭାରତ ଯୋଡ ଅଫିସିଆଲ ଟୁଇଟର ହ୍ୟାଣ୍ଡେଲରେ ସେୟାର କରାଯାଇଛି । ସେପ୍ଟେମ୍ବର ୭ ତାରିଖରୁ ଭାରତ ଯୋଡ ଯାତ୍ରା ଆରମ୍ଭ ହୋଇଥିବା ବେଳେ, ୯୫ ଦିନରେ ଏହା ୮ ରାଜ୍ୟର ୪୦ ଜିଲ୍ଲା ଅତିକ୍ରମ କରିସାରିଛି । କନ୍ୟାକୁମାରୀରୁ ଆରମ୍ଭ ହୋଇଥିବା ଏହି ପଦଯାତ୍ରା ଆସନ୍ତା ଫେବୃୟାରୀରେ କାଶ୍ମୀରରେ ପହଞ୍ଚିବ ।