୨ଟି ସ୍ଥାନରେ ଠାବ ହେଲା ସେକ୍ସ ରାକେଟ୍

ନନ୍ଦିଘୋଷ ବ୍ୟୁରୋ: ନୀଳଗିରି ଥାନା ମର୍ଦ୍ଦରାଜପୁର ଅଞ୍ଚଳରେ ସେକ୍ସ ରାକେଟ ଠାବ କଲେ ଗ୍ରାମବାସୀ । ୨ ଯୁବତୀଙ୍କ ଉଦ୍ଧାର ସହ ଦୁଇ ଯୁବକ ଓ ଜଣେ ମହିଳାଙ୍କୁ ପୋଲିସର ଜିମା ଦେଲେ ଜନସାଧାରଣ । ଗାଁ ପାଖ ଏକ ଘରେ ଦେହ ବ୍ଯବସାୟ ଚାଲିଥିବାବେଳେ ଗାଁ ଲୋକ ସେଠାରେ ପହଞ୍ଚି ପୋଲିସକୁ ଖବର ଦେଇଥିଲେ । ପୋଲିସ ଅଭିଯୁକ୍ତଙ୍କୁ ଅଟକ ରଖି ତଦନ୍ତ କରୁଛି । ଉଦ୍ଧାର ଯୁବତୀ ବାରିପଦା ଓ ଭୁବନେଶ୍ବର ଅଞ୍ଚଳର ହୋଇଥିବା ସୂଚନା ମିଳିଛି । ଘଟଣାସ୍ଥଳରୁ ୩ଟି ବାଇକ ଓ ଗୋଟିଏ କାର ଜବତ ହୋଇଛି ।

ବଲାଙ୍ଗୀର ଜିଲ୍ଲା ଖର୍ସେଲପଡାରେ ସେକ୍ସ ରକେଟ ଠାବ ହୋଇଛି । ଟାଉନ୍ ଥାନା ପୋଲିସ  ରେଡ୍ କରି ୪ରୁ ୫ଜଣ ଯୁବତୀଙ୍କୁ ଉଦ୍ଧାର କରିବା ସହ ୪ ଯୁବକଙ୍କୁ ଅଟକ ରଖିଛି । ଘରକୁ ଚାରିପଟୁ ଘେରି ସେକ୍ସ ରାକେଟ ଠାବ କରିଛି ପୋଲିସ । ଭଡ଼ାଘରେ ଦୀର୍ଘଦିନ ଧରି ଦେହବ୍ଯବସାୟ ଚାଲିଥିବା ସୂଚନା ମିଳିଛି । ଘଟଣାସ୍ଥଳରୁ ଅନେକ ଆପତ୍ତିଜନକ ସାମଗ୍ରୀ ସହ ମଦ ଜବତ ହୋଇଛି ।