T20 World Cup: ସୁପର 12ର ପ୍ରଥମ ଦିନରେ ଜିତିଲେ ଅଷ୍ଟ୍ରେଲିଆ, ଇଂଲଣ୍ଡ

ଦୁବାଇ: ଟି-୨୦ ବିଶ୍ବକପର ସୁପର ଟୁଏଲଭ୍ ପର୍ଯ୍ୟାୟର ପ୍ରଥମ ଦିନରେ ଅଷ୍ଟ୍ରେଲିଆ ଓ ଇଂଲଣ୍ଡର ରୋମାଞ୍ଚକର ବିଜୟ । ପ୍ରଥମେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟରେ ହୋଇଥିଲା ମ୍ୟାଚ୍ । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ୯ ଓ୍ବିକେଟ ହରାଇ ୧୧୮ ରନ୍ କରିଥିଲା ଦକ୍ଷିଣ ଆଫ୍ରିକା । ମାର୍କରମ ସର୍ବାଧିକ ୪୦ ରନ୍ କରିଥିବାବେଳେ ଅନ୍ୟ ବ୍ୟାଟସମ୍ୟାନ ଭଲ ପ୍ରଦର୍ଶନ କରିନଥିଲେ ।

ଏହାର ଜବାବରେ ୫ ଓ୍ବିକେଟ୍ ହରାଇ ମ୍ୟାଚ୍ ଜିତି ନେଇଛି କଙ୍ଗାରୁ ଟିମ୍ । ସେପଟେ ଦ୍ବିତୀୟ ମ୍ୟାଚରେ ମୁହାଁମୁହଁ ହୋଇଥିଲେ ଓ୍ବେଷ୍ଟଇଣ୍ଡିଜ ଓ ଇଂଲଣ୍ଡ । ଓ୍ବେଣ୍ଟଇଣ୍ଡିଜ ମାତ୍ର ୫୫ ରନ୍ ଅଲଆଉଟ୍ ହୋଇଥିଲା । ଇଂଲଣ୍ଡର ଆଦିଲ ରସିଦ ସର୍ବାଧିକ ୪ଟି ଓ୍ବିକେଟ ନେଇଥିଲେ । ୫୫ ରନର ବିଜୟ ଲକ୍ଷ୍ୟକୁ ୪ ଓ୍ବିକେଟ ହରାଇ ହାସଲ କରିନେଇଥିଲା ଇଂଲଣ୍ଡ ।