ଆଜିଠୁ ରାଜ୍ୟରେ ଦିଆଯିବ ପ୍ରଥମ ପର୍ଯ୍ୟାୟର ବାକି ଥିବା କରୋନା ଟିକା

ଭୁବନେଶ୍ୱର: ଆଜିଠୁ ରାଜ୍ୟରେ ଦିଆଯିବ ପ୍ରଥମ ପର୍ଯ୍ୟାୟର ବାକି ଥିବା କରୋନା ଟିକା। ପ୍ରଥମ ପର୍ଯ୍ୟାୟରେ ବାକି ଥିବା ୧ ଲକ୍ଷ ୭୩ ହଜାର ୬୩୬ ଜଣଙ୍କୁ ଆଜିଠୁ ଟିକା ଦିଆଯିବ। ଟିକାକରଣ ପାଇଁ ଜିଲ୍ଲା ଗୁଡିକରୁ ମାଇକ୍ରୋପ୍ଲାନ ଆସିସାରିଛି। ଏହି ପ୍ରକ୍ରିୟା ଫେବ୍ରୁଆରୀ ୧୦ରେ ଶେଷହେବ। ଆଜି ଭୁବନେଶ୍ବରରେ ଓ ଆସନ୍ତାକାଲିଠୁ ସାରା ରାଜ୍ୟରେ ଟିକାକରଣ ଚାଲିବ। ପଞ୍ଜିକୃତ ହୋଇ ଟିକା ନେଇ ନଥିବା ସ୍ବାସ୍ଥ୍ୟକର୍ମୀଙ୍କୁ ପର୍ଯ୍ୟାୟକ୍ରମେ ଟିକାକରଣ ପାଇଁ ଡକାଯିବ। ରାଜସ୍ୱ, ଗୃହ ଓ ନଗର ଉନ୍ନୟନ ବିଭାଗର ସମ୍ମୁଖ ଯୋଦ୍ଧାମାନଙ୍କ ପାଇଁ ପଞ୍ଜୀକରଣର ଶେଷ ତାରିଖ ଆଗାମୀ ୩୧ ଯାଏଁ ବୃଦ୍ଧି କରିଛନ୍ତି ରାଜ୍ୟ ସରକାର।