ନନ୍ଦିଘୋଷ ବ୍ୟୁରୋ: ମହଙ୍ଗା ପଡ଼ିଲା ଲାଞ୍ଚ। ଚାକିରିରୁ ବିଦା ହେଲେ ଲାଞ୍ଚୁଆ ସବ୍-ରେଜିଷ୍ଟ୍ରାର । ବାଲିଆପାଳ ସବ୍-ରେଜିଷ୍ଟ୍ରାର ମନୀଷା ମିଶ୍ର ହୋଇଛନ୍ତି ବିଦା। ଲାଞ୍ଚ ନେବାବେଳେ ମନୀଷାଙ୍କୁ ଧରିଥିଲା ଭିଜିଲାନ୍ସ ଟିମ୍ । ପ୍ରୋବେସନ ପିରିୟଡରେ ଥାଇ ଲାଞ୍ଚ ନେଇଥିଲେ ମନୀଷା । ପ୍ରୋବେସନ ପିରିୟଡରେ ଲାଞ୍ଚ ନେବା ଯୋଗୁଁ ଆକ୍ସନ ନେଇଛନ୍ତି ସରକାର। ୨୦୨୪ରେ ORS ଅଧିକାରୀ ଭାବେ ଯୋଗଦେଇଥିଲେ ମନୀଷା।..
ସେପଟେ ଏନେଇ ପ୍ରତିକ୍ରିୟା ରଖିଲେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ। ଦୁର୍ନୀତି ପ୍ରତି ଶୂନ୍ୟ ସହନଶୀଳତା ସରକାରଙ୍କ ଲକ୍ଷ୍ୟ ବୋଲି କହିଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ । ବାଲିଆପାଳ ଡିଏସଆର ମନୀଷା ମିଶ୍ରଙ୍କୁ ଗତ ୬ ତାରିଖରେ ଭିଜିଲାନ୍ସ ଟ୍ରାପ କଲା । ଗିରଫ ହୋଇ ଜେଲ ଗଲେ । ୭ ତାରିଖରେ ରାଜସ୍ବ ବିଭାଗକୁ ଭିଜିଲାନ୍ସ ଅବଗତ କରାଇଲା । ଭିଜିଲାନ୍ସ ପୂରା ରିପୋର୍ଟ ଦେବା ପରେ କାର୍ଯ୍ୟାନୁଷ୍ଠାନ ହୋଇଛି । ଆହୁରି ଅନେକ ଲୋକଙ୍କ ବିରୋଧରେ ଅଭିଯୋଗ ଆସିଛି । ଆରଆଇ ମାନଙ୍କ ବିରୋଧରେ ଅନେକ ଅଭିଯୋଗ ଆସିଛି । ସେମାନେ ବି ସ୍କାନରେ ଅଛନ୍ତି । ତେଣୁ ସରକାର ସେମାନଙ୍କୁ ସାବଧାନ ହୋଇଯାଆନ୍ତୁ ବୋଲି କହୁଛନ୍ତି । କାରଣ ସରକାର କାହାରିକୁ ଛାଡିବେନି ବୋଲି ସୁରେଶ କହିଛନ୍ତି । ରାଜସ୍ବ ବିଭାଗ ୨୦ ପ୍ରତିଶତ ବାବୁଙ୍କ ବିରୋଧରେ ଭିଜିଲାନ୍ସ ରିପୋର୍ଟ ଆଧାରରେ ଆକ୍ସନ ନେଇଛି । ବାକି ୮୦ ପ୍ରତିଶତ ଲୋକଙ୍କ ଅଭିଯୋଗ ଆଧାରରେ ଆକ୍ସନ ହୋଇଛି । ସିସିଟିଭି ଫୁଟେଜ ଆଧାରରେ ଆକ୍ସନ ହେଉଛି ବୋଲି ଦୁର୍ନୀତିଖୋର ଅଧିକାରୀଙ୍କୁ ଏପରି ଚେତାବନୀ ଶୁଣାଇଛନ୍ତି ରାଜସ୍ୱ ମନ୍ତ୍ରୀ ।
