ମହିଳା ଦିବସ ଅବସରରେ ଜାତୀୟ କ୍ରିଏଟର୍ସ ଆୱାର୍ଡରେ ସମ୍ମାନିତ ହେଲେ କାମିଆ ଜାନି

ନନ୍ଦିଘୋଷ ବ୍ୟୁରା : ସୋସିଆଲ ମିଡିଆ ଇନଫ୍ଲୁଏନସର ତଥା ପ୍ରସିଦ୍ଧ ଟ୍ରାଭେଲ ଆଣ୍ଡ ଫୁଡ ବ୍ଲଗର ଏବଂ କର୍ଲି ଟେଲସ ୟୁଟ୍ଯୁବ ଚାନେଲର ପ୍ରତିଷ୍ଠାତା କାମିଆ ଜାନି ସମ୍ମାନିତ । ମହିଳା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଜାତୀୟ କ୍ରିଏଟର୍ସ ଆୱାର୍ଡରେ ସମ୍ମାନିତ କରିଛନ୍ତି । ତାଙ୍କୁ ସର୍ବଶ୍ରେଷ୍ଠ ଟ୍ରାଭେଲ କ୍ରିଏଟର ଭାବେ ସମ୍ମାନ ମିଳିଛି ।

ନିକଟରେ ସେ ପୁରୀ ଆସି ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନେଇ ଏକ ଭିଡିଓ ପ୍ରସ୍ତୁତ କରିଥିଲେ । ଯାହାକି ଖୁବ ପ୍ରଶଂସା ସାଉଁଟିଥିଲା । ସାରାଦେଶ ବୁଲି ସେ ବିଭିନ୍ନ ମନ୍ଦିରର କାହାଣୀ କହିବା ସହ ଦେଶର ବିଭିନ୍ନ ମନ୍ଦିରର ବିକାଶ ପାଇଁ ପ୍ରଧାନମନ୍ତ୍ରୀଙ୍କୁ ଧନ୍ଯବାଦ ଦେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିଲ୍ଲୀର ଭାରତ ମଣ୍ଡପରେ ସର୍ବପ୍ରଥମ ନ୍ୟାସନାଲ କ୍ରିଏଟିଭ୍ ଆୱାର୍ଡ ପ୍ରଦାନ କରିଛନ୍ତି। ଶୁକ୍ରବାର ଦିନ ରଣଭୀର ଆଲ୍ଲାବାଦିଆ, କାମିଆ ଜାନି, ଶ୍ରଦ୍ଧା ଜୈନ , ଆରଜେ ରାଉନାକ, ଅଙ୍କିତ ବାୟାନପୁରିଆଙ୍କ ସମେତ କେତେକ ଲୋକପ୍ରିୟ ଡିଜିଟାଲ ନିର୍ମାତାଙ୍କୁ ପୁରସ୍କୃତ କରାଯାଇଛି । ଏହି ସବୁ ଆୱାର୍ଡ ପାଇଁ ଦେଢ ଲକ୍ଷରୁ ଅଧିକ ନାମାଙ୍କନ ହୋଇଥିଲା ଏବଂ ୧୦ ଲକ୍ଷ ଭୋଟ ପଡିଥିଲା ।