ନୂଆଦିଲ୍ଲୀ: ୩୮ ଦିନରେ କଂଗ୍ରେସର ଭାରତ ଯୋଡୋ ଯାତ୍ରା । ୪ଟି ରାଜ୍ୟର ୧୬ ଜିଲ୍ଲା ଦେଇ ଆଜି ଆନ୍ଧ୍ରପ୍ରଦେଶରେ ପହଞ୍ଚିଛି ଏହି ପଦଯାତ୍ରା । ଆଜି ସକାଳୁ ଆନ୍ଧ୍ରପଦେଶ ଜଜିରାକଲ୍ଲୁ ଟୋଲପ୍ଲାଜା ନିକଟରୁ ପଦଯାତ୍ରା ଆରମ୍ଭ ହୋଇଛି । କରନୋଲରେ ପହଞ୍ଚିବା ପରେ ରାହୁଲ ଗାନ୍ଧୀଙ୍କ ସମେତ ଅନ୍ୟମାନଙ୍କୁ ସ୍ବାଗତ ପାଇଁ ରାଜ୍ୟ କଂଗ୍ରେସ ପକ୍ଷରୁ ବ୍ୟାପକ ଆୟୋଜନ କରାଯାଇଥିଲା।
ଆଜି ଆଲୁରୁ, ହାତୀ ବେଲଗଲ ଓ ମୁନିକୁରଥିରେ କଂଗ୍ରେସ ପଦଯାତ୍ରା କରାଯିବ। ଅପରାହ୍ନରେ ମିନିକୁରଥିଠାରେ ସାଧାରଣ ଲୋକଙ୍କୁ ସମ୍ବୋଧନ କରିବେ ରାହୁଲ। ଆସନ୍ତାକାଲି ଆଦୋନିଠାରେ କଂଗ୍ରେସ ପକ୍ଷରୁ ଏକ ସାଧାରଣ ସଭାର ଆୟୋଜନ କରାଯାଇଛି। ପ୍ରାୟ ଶହେ କିମି ଯାତ୍ରା ପରେ ଅକ୍ଟୋବର ୨୧ରେ ଆନ୍ଧ୍ରରୁ କର୍ଣ୍ଣାଟକ ଦେଇ ତେଲେଙ୍ଗାନା ଯିବ ପଦଯାତ୍ରା ।
