ଘରେ ଲୁଚି ରହିଥିଲା ବିଷାକ୍ତ ସାପ, ତାପରେ ଝିଅ ସହ …

ନନ୍ଦିଘୋଷ ବ୍ୟୁରୋ: ସାପ ଏପରି ଏକ ଜୀବ ଯାହାକୁ ଦେଖିବା ମାତ୍ରେ ଲୋକମାନେ ତୁରନ୍ତ ଦୌଡ଼ି ପଳାନ୍ତି, କିନ୍ତୁ ନିକଟରେ ଅଷ୍ଟ୍ରେଲିଆର ଏକ ଛୋଟ ଝିଅ ଏକ ଭିନ୍ନ ଉଦାହରଣ ସୃଷ୍ଟି କରିଛି। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ ଝିଅଟି ଭୟ ନକରି ତାଙ୍କ ଘରୁ ଏକ ବିଷାକ୍ତ ସାପକୁ ଝାଡ଼ୁ ସାହାଯ୍ୟରେ ଘଉଡ଼ାଇ ଦେଉଥିବାର ଦେଖିବାକୁ ମିଳୁଛି। ଝିଅଟିର ସାହସ ଦେଖି ନେଟିଜେନମାନେ ଆଶ୍ଚର୍ଯ୍ୟ ହୋଇଛନ୍ତି ଏବଂ ତାଙ୍କୁ ବହୁତ ପ୍ରଶଂସା କରୁଛନ୍ତି।

https://www.instagram.com/p/DOExxdRE6vT/?utm_source=ig_embed&utm_campaign=embed_video_watch_again

ଏହି ଭାଇରାଲ ଭିଡିଓର ଆରମ୍ଭରେ ଝିଅଟି ପ୍ରଥମେ ତାଙ୍କ ବାପାଙ୍କୁ ଘରେ ଲୁଚି ରହିଥିବା ଏକ ସାପ ବିଷୟରେ ସୂଚନା ଦେଉଛି । ଏହା ପରେ ସେ ତାଙ୍କୁ ସେହି ସ୍ଥାନକୁ ନେଉଛି ଯେଉଁଠାରେ ସାପଟି ଲୁଚି ରହିଥିଲା। କିନ୍ତୁ ଆପଣ ଦେଖିକି ଆଶ୍ଚର୍ଯ୍ୟ ହେବେ ଯେ ସାପଟିକୁ ଦେଖିବା ପରେ ଲୋକଟି ସମ୍ପୂର୍ଣ୍ଣ ଶାନ୍ତ ରହିକି ଝିଅକୁ ସାପକୁ ଘରୁ ବାହାର କରିଦେବାକୁ କହୁଛନ୍ତି । ବାପାଙ୍କ କଥା ଶୁଣି ଝିଅଟି ତୁରନ୍ତ ଘରର ପୋଛା ଆଣି ବାପାଙ୍କ ନିର୍ଦ୍ଦେଶ ଅନୁସାରେ ପୋଛା ସାହାଯ୍ୟରେ ସାପଟିକୁ ମାରି ଘରୁ ବାହାର କରିଦେଉଛି। ଆଶ୍ଚର୍ଯ୍ୟର କଥା ହେଉଛି ଏହି ସମୟ ମଧ୍ୟରେ ଝିଅଟିର ମୁହଁରେ କୌଣସି ଭୟ ନଥିଲା।

ଭିଡିଓରେ ଝିଅଟି ଏବଂ ତା’ର ବାପାମାଆଙ୍କ ଶାନ୍ତ ଆଚରଣ ଲୋକଙ୍କୁ ଆଶ୍ଚର୍ଯ୍ୟ କରୁଛି। କାରଣ ପରେ ଯେତେବେଳେ ମାଆ ଫେରି ଆସିଲା ସେ ମଧ୍ୟ ଘରୁ ସାପ ବାହାରକୁ ଆସୁଥିବାର ଦେଖି ଆଦୌ ଭୟଭୀତ ହେଲେ ନାହିଁ, ଏବଂ ଘରେ ଏପରି ପ୍ରବେଶ କଲେ ଯେପରି କିଛି ଘଟିନାହିଁ। କାରଣ ଅଷ୍ଟ୍ରେଲିଆରେ ଘରେ ସାପ ପ୍ରବେଶ କରିବା ଏକ ସାଧାରଣ କଥା। ଏହାକୁ @mattwright ନାମକ ଏକ ଆକାଉଣ୍ଟରୁ ଇନଷ୍ଟାଗ୍ରାମରେ ସେୟାର କରାଯାଇଛି, ଯାହାକୁ ୬୦ ଲକ୍ଷରୁ ଅଧିକ ଥର ଦେଖାଯାଇଛି। ଲୋକମାନେ ଭିଡିଓଟି ଉପରେ ବହୁତ କମେଣ୍ଟ କରୁଛନ୍ତି।