spot_img

Latest Posts

ଡିସେମ୍ବରରୁ ଧାନ ସଂଗ୍ରହ

ବଲାଙ୍ଗୀର: ଆରମ୍ଭ ହେଲା ଖରିଫ ଧାନ ସଂଗ୍ରହ ପ୍ରକ୍ରିୟା । ଡିସେମ୍ବର ୧୪ରୁ ବଲାଙ୍ଗୀର ଜିଲ୍ଲାରେ ଧାନ କ୍ରୟ । ପଞ୍ଜୀକରଣ କରିଛନ୍ତି ୧ ଲକ୍ଷ ୨୩ ହଜାର ୨୬୩ ଜଣ ଚାଷୀ । ୧୫୮ଟି ପାକ୍ସ ମାଧ୍ଯମରେ ଚାଷୀଙ୍କ ଠାରୁ କିଣାଯିବ ଧାନ । ଏନେଇ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଜିଲ୍ଲାପରିଷଦ କାର୍ଯ୍ୟାଳୟ ସମ୍ମିଳନୀ କକ୍ଷରେ ଏକ ବୈଠକ ଅନୁଷ୍ଠିତ ହୋଇଛି । ବୈଠକରେ ବଲାଙ୍ଗୀର ସାଂସଦ, ଜିଲ୍ଲା ଯୋଜନା ବୋର୍ଡ ଅଧ୍ଯକ୍ଷ, ଜିଲ୍ଳା ପରିଷଦ ଅଧ୍ଯକ୍ଷା, ଜିଲ୍ଳା ପ୍ରଶାସନର ଅଧିକାରୀ, ବଲାଙ୍ଗୀର ଜିଲ୍ଲା କୃଷକ ମହାସଙ୍ଘ ସଭାପତିଙ୍କ ସହ ଯୋଗାଣ, ସମବାୟ, କୃଷି, ଜଳସେଚନ ଓ ନିୟନ୍ତ୍ରୀତ ବଜାର କମିଟି ଅଧିକାରୀ ଓ ମିଲର୍ସମାନେ ଯୋଗଦେଇଥିଲେ I

ଚଳିତବର୍ଷ ଜିଲ୍ଲାର ୧ ଲକ୍ଷ ୨୩ ହଜାର ୨୬୩ ଜଣ ଚାଷୀ ପଞ୍ଜୀକରଣ କରିଛନ୍ତି I ୧୫୮ଟି ପ୍ରାଥମିକ କୃଷି ସମବାୟ ସମିତି ମାଧ୍ୟମରେ ଚାଷୀଙ୍କଠାରୁ ଧାନ କ୍ରୟ କରାଯିବ I ଧାନ ସଂଗ୍ରହ କେନ୍ଦ୍ରରେ ଆବଶ୍ୟକୀୟ ମୌଳିକ ସୁବିଧା ସୁନିଶ୍ଚିତ କରିବାକୁ ସମ୍ପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି I ଧାନ ସଂଗ୍ରହ ପ୍ରକ୍ରିୟା ସମ୍ପର୍କିତ ସମସ୍ତ ସୂଚନା ଚାଷୀଙ୍କ ନିକଟରେ ପହଞ୍ଚାଇବା ପାଇଁ ବ୍ୟାପକ ସଚେତନତା ଓ ପ୍ରଚାରପ୍ରସାର କରିବାକୁ ନିୟନ୍ତ୍ରିତ ବଜାର କମିଟିର ସମ୍ପାଦକମାନଙ୍କୁ ପରାମର୍ଶ ଦିଆଯାଇଛି I ସମସ୍ତ ଧାନ ସଂଗ୍ରହ କେନ୍ଦ୍ରରେ ସିସିଟିଭି କ୍ୟାମେରା, ଧାନ ସଂଗ୍ରହ ସମ୍ପର୍କିତ ଆବଶ୍ୟକ ରେଜିଷ୍ଟର ଓ ରେକର୍ଡ ସଂରକ୍ଷଣ ସହ ପ୍ଲାଇଙ୍ଗ ସ୍କ୍ବାଡ ଗଠନ କରି ନିୟମିତ ଯାଞ୍ଚ ଓ ତଦାରଖ କରାଯିବ ।

ଡିସେମ୍ବର ୧୪ରୁ ଖରିଫ ଧାନ ସଂଗ୍ରହ ନେଇ ନିଷ୍ପତ୍ତି ହୋଇଥିବାବେଳେ ଅବ୍ୟବସ୍ଥା, କଟନିଛଟନି ନେଇ କୃଷକ ମହାସଂଘ ଅସନ୍ତୋଷ ପ୍ରକାଶ କରିଛି I ଅନ୍ୟପଟେ ସରକାର ମିଲର୍ସଙ୍କୁ ଶୋଷଣ କରୁଥିବା ଅଭିଯୋଗ ଆଣିଛନ୍ତି ମିଲର୍ସ ଆସୋସିଏସନ୍ I…

Latest Posts

Don't Miss