ପୁରୀ: ଆରମ୍ଭ ହେଲା କାର୍ତ୍ତିକ ପଞ୍ଚୁକ ବ୍ରତ । ଚଳିତବର୍ଷ ୫ ଦିନ ପରିବର୍ତ୍ତେ ୪ ଦିନ ପାଳନ ହେବ ପଞ୍ଚୁକ । ଶ୍ରୀମନ୍ଦିରରେ ହରି ଉତ୍ଥାପନ ଏକାଦଶୀ । ଲକ୍ଷ୍ମନାରାୟଣ ବେଶରେ ଦର୍ଶନ ଦେଲେ ମହାପ୍ରଭୁ । ବିଶ୍ୱାସ ରହିଛି ପଞ୍ଚୁକ ବ୍ରତ ପାଳନ କଲେ ମାସ ତମାମ ହବିଷ ବ୍ରତ ସହ ସମାନ ଫଳପ୍ରାପ୍ତି ହୋଇଥାଏ l ତେଣୁ ବ୍ରତ ପାଳନ ସହ ମହାପ୍ରଭୁଙ୍କ ଦର୍ଶନ ପାଇଁ ପୁରୀରେ ପ୍ରବଳ ଭିଡ଼ ଦେଖିବାକୁ ମିଳିଛି । ଚଳିତବର୍ଷ ପଞ୍ଚୁକ ୫ ଦିନ ପରିବର୍ତ୍ତେ ୪ ଦିନ ପାଳନ ହେବ । ପ୍ରଥମ ଦିନ ବଡ଼ ଏକାଦଶୀରେ ଠିଆ କିଆ ବେଶ ବା ଲକ୍ଷ୍ମୀ ନାରାୟଣ ବେଶରେ ଦର୍ଶନ ଦେଉଛନ୍ତି ମହାପ୍ରଭୁ । ୪ମାସ ଶୟନ ନୀତି ସରିବାପରେ ଶ୍ରୀମନ୍ଦିରରେ ପାଳିତ ହେଉଛି ହରି ଉତ୍ଥାପନ ନୀତି ।
ଶ୍ରୀକ୍ଷେତ୍ରରେ ପଞ୍ଚୁକ ବ୍ରତ ପାଳନ ନେଇ ଲକ୍ଷାଧିକ ଭକ୍ତଙ୍କ ଭିଡ଼ ଜମିଥିବା ବେଳେ ସୁବିଧା ଦର୍ଶନ, ଭିଡ଼ ନିୟନ୍ତ୍ରଣ ତଥା ସୁରକ୍ଷା ନେଇ ବ୍ୟାପକ ଫୋଲିସ ଫୋର୍ସ ମୁତୟନ କରାଯାଇଛି l ଭକ୍ତ ଶ୍ରଦ୍ଧାଳୁ ମାନେ ବ୍ୟାରିକେରେ ସିଂହଦ୍ୱାର ଦେଇ ପ୍ରବେଶ କରି ମହାପ୍ରଭୁଙ୍କୁ ଦର୍ଶନ ପରେ ଅନ୍ୟ ୩ ଦ୍ୱାର ଦେଇ ପ୍ରସ୍ଥାନ କରୁଛନ୍ତି । ଶ୍ରଦ୍ଧାଳୁଙ୍କୁ ପାଇଁ ପିଇବା ପାଣି ସହ ଅନ୍ୟାନ୍ୟ ମୌଳିକ ସୁବିଧା ଯୋଗାଇ ଦିଆଯାଇଛି l ସୁରକ୍ଷା ପାଇଁ ୩୦ ପ୍ଲାଟୁନ ପୋଲିସ ମୁତୟନ ଅଛନ୍ତି ।
ପଞ୍ଚୁକରେ ଶ୍ରୀଜୀଉଙ୍କୁ ଦର୍ଶନ ନେଇ ଶ୍ରୀମନ୍ଦିରରେ ପ୍ରଶାସନିକ କଟକଣା ହେତୁ ସ୍ଥାନୀୟ ବାସିନ୍ଦା ମାନେ ନାହିଁ ନଥିବା ସମସ୍ୟା ଭୋଗିଥିବାବେଳେ ମହାପ୍ରସାଦ ପାଇବା ନେଇ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ।….

