ମକରାନା(ରାଜସ୍ଥାନ): ହାତରେ ଠେଙ୍ଗା ଧରି ଦୌଡୁଥିବା ଏହି ଡାକ୍ତର ହେଉଛନ୍ତି ରାଜସ୍ତାନର ମକରାନାର । କରୋନା ସଂକ୍ରମଣରୁ ଲୋକଙ୍କୁ ବଂଚାଇବା ପାଇଁ ଏହି ଡାକ୍ତର ଜଣକ ଷ୍ଟେଥୋସ୍କୋପ୍ ଛାଡି ଠେଙ୍ଗା ଧରିଛନ୍ତି ।
କଣ ପାଇଁ ଡାକ୍ତର ଉଠାଇଲେ ଠେଙ୍ଗା ?
ରାଜସ୍ତାନର ମକରାନାର ଲୁହାରପୁରା ଗାଁରେ ବାହାରୁ ଆସିଥିବା ୩୮ ଜଣ ଯୁବକଙ୍କୁ କ୍ୱାରେଣ୍ଟାଇନରେ ରଖାଯାଇଥିଲା । ସେମାନଙ୍କ ଯାଂଚ ପାଇଁ ଡାକ୍ତରୀ ଟିମ୍ ଉକ୍ତ ଅଂଚଳରେ ପହଂଚିଥିଲେ । ଫଟୋରେ ଦେଖାଯାଉଥିବା ଡାକ୍ତରଙ୍କ ନାମ ହେଉଛି ଡ.ଆବିଦ୍ । ଆବିଦ ଘଟଣାସ୍ଥଳରେ ପହଂଚିବା ପରେ କ୍ୱାରେଣ୍ଟାଇନରେ ଥିବା ଯୁବକଙ୍କ ମଧ୍ୟରୁ ଜଣେ ପଦାକୁ ବାହାରି ଆସିଥିଲେ । ତାଙ୍କୁ ଘର ଭିତରକୁ ଯିବାକୁ କୁହାଯାଇଥିଲେ ମଧ୍ୟ ସେ ଯାଇନଥିଲେ । ଏହି ସମୟରେ ସ୍ଥାନୀୟ ଲୋକ ମଧ୍ୟ ତାମସା ଦେଖିବାକୁ ଘଟଣାସ୍ଥଳରେ ପହଂଚିଥିଲେ । ଶେଷରେ ଯୁବକଙ୍କୁ ଡରାଇବା ପାଇଁ ଡ.ଆବିଦ କାର ଭିତରେ ରଖିଥିବା ଲାଠି ଉଠାଇ ତା’ପଛରେ ଦୌଡିଥିଲେ ।
ଡାକ୍ତର ଆବିଦ କ’ଣ କହୁଛନ୍ତି ?
ଡାକ୍ତର ଆବିଦଙ୍କ କହିବା ହେଉଛ ଆମେ ଲୋକଙ୍କ ଜୀବନ ବଂଚାଇବା ପାଇଁ ନିଜ ଜୀବନକୁ ବାଜିରେ ଲଗାଉଛୁ । କିନ୍ତୁ ଲୋକେ ସବୁକିଛିକୁ ହାଲୁକାରେ ନେଉଛନ୍ତି । ତେଣୁ ସେମାନଙ୍କୁ ଭୟ ମଧ୍ୟ ଦେଖାଇବାକୁ ପଡିବ ।
ଭାଇରସଟି ଆପଣଙ୍କ ଶରୀରରେ ଉପସ୍ଥିତ କୋଷଗୁଡ଼ିକରେ ଲାଗିବା ଏକ ବହୁତ ଲମ୍ବା ପ୍ରକ୍ରିୟା । ଏଥିରେ ଭାଇରସ୍ ପ୍ରଥମେ ଦେଖେ ଯେ ସଠିକ୍ କୋଷକୁ ଚିହ୍ନଟ କରିଛି କି ନାହିଁ । ଏଥିପାଇଁ, କୋଷର ଚାରିପାଖରେ ଥିବା ରାସାୟନିକ ପଦାର୍ଥ ଭାଇରସଙ୍କୁ ଜଣାଏ ଯେ ଏହି ଚିହ୍ନଟ କରାଯାଇଥିବା କୋଷଟି ସଠିକ୍ କି ନାହିଁ ।
ଆମେରିକାରେ କରୋନା ଜନିତ ମୃତ୍ୟୁସଂଖ୍ୟା ବଢିବାରେ ଲାଗିଥିବା ବେଳେ ଭାରତ ଦେଇଥିବା ମେଲେରିଆ ଔଷଧ କିଛି ଚମତ୍କାର ଦେଖାଇବ ବୋଲି ଆମେରିକା ବିଚାର କରୁଛି । ଖୋଦ ରାଷ୍ଟ୍ରପତି ଟ୍ରମ୍ପ ଏହି ଔଷଧକୁ ଗେମ୍ ଚେଂଜର କହି ସାରିଛନ୍ତି ।
