ଭୁବନେଶ୍ୱର (ଅରୁଣ କୁମାର ସାହୁ): ସ୍ମାର୍ଟ ସିଟିର ସ୍ମାର୍ଟ ଠକ।  ଫୋନ କଲରେ ଲୋକଙ୍କ ଠାରୁ ଲୁଟୁଥିଲା ଲକ୍ଷାଧିକ ଟଙ୍କା । ଏଭଳି ଏକ ହାଇପ୍ରୋଫାଇଲ ଠକ୍‌କୁ ବାନ୍ଧିଛି କମିଶନରେଟ୍‌ ପୋଲିସ । ହାଇପ୍ରୋଫାଇଲ ଠକ୍‌ ଜଣଙ୍କ ହେଉଛନ୍ତି ଭୁବନେଶ୍ୱର ସୌମ୍ୟଜିତ ତ୍ରିପାଠୀ।

ଦେଖିବାକୁ ପୂରା ସାଧା ସିଧ, ହେଲେ କାମରେ ପୂରା ଧୃତ । ଜବ୍‌ ପ୍ରୋଫାଇଲ ହେଉଛି ଗୁଗଲ ଏଡୱାର୍ଡସର ଓଡିଶା ସିଏମଆର ହେଡ । ଠକେଇ ପାଇଁ ଫୋନରେ ବିଜନେସମ୍ୟାନଙ୍କୁ କରୁଥିଲେ ଟାର୍ଗେଟ। ପୋଲିସ ସୂଚନା ଅନୁସାରେ ସୌମ୍ୟଜିତ ତ୍ରିପାଠୀ ନିଜକୁ ଯାଜପୁରର ପ୍ରୋଜେକ୍ଟ ଡାଇରେକ୍ଟର ପରିଚୟ ଦେଇ ସହିଦ ନଗର ଜଣେ ଇଲେକ୍ଟ୍ରି ଗେଜେଟର ମାଲିକ ନିକୁଞ୍ଜ ଖେମାନିଙ୍କୁ କଲ୍‌ କରିଥିଲେ । ଅଫିସ ପାଇଁ  ଆଇଫୋନ ଓ ଓପୋ ମୋବାଇଲ ଦରକାର ବୋଲି କହିଥିଲେ। ମାଲିକ ନିକୁଞ୍ଜ ଖେମେନି ସୌମ୍ୟଜିତ୍‌ଙ୍କ କଥାକୁ ବିଶ୍ୱାସ କରି ବିନା କୌଣସି ଯାଞ୍ଚରେ ମୋବାଇଲ ଦେବାକୁ ରାଜି ହୋଇଥିଲେ । କିନ୍ତୁ ଯାଜପୁର ଡେଲିଭରି ଦେବା ପାଇଁ ମନା କରିବାରୁ ଖଣ୍ଡଗିରିକୁ କିଛି କର୍ମଚାରୀ ରିସଭ କରିବା କଥା କହି ନିଜେ ଏହି ଦାମୀ ମୋବାଇଲ ରିସିଭ କରିଥିଲେ ସୌମ୍ୟଜିତ । ଆଉ ପରବର୍ତ୍ତୀ ସମୟରେ ନିକୁଞ୍ଜ  ଟଙ୍କା ମାଗିବାରୁ ଆଉ ଫୋନ ରିସିଭ କରି ନଥିଲେ।

ସୌମ୍ୟଜିତ ତ୍ରିପାଠୀଙ୍କ ନାମରେ ସହିଦନଗର ଥାନାରେ ଏତଲା ପରେ ସହିଦ ନଗର ପୋଲିସ ଓ ସ୍ପେଶାଲ ସ୍କ।ଡ ଆରମ୍ଭ କରିଥିଲା ଖୋଳତାଡ । ସୌମ୍ୟଜିତ କେବଳ ଡିଆରଡିଓ ନୁହେଁ ନିଜକୁ କମର୍ସିଆଲ ଅଫିସର ଓ ଗୁଗଲ ଏଡୱାର୍ଡସର ଓଡିଶାର ସିଏମଆର ହେଡ କହି ଫୋନ କରି ଲୋକଙ୍କୁ ଲଗାଉଥିଲେ ଚୂନ। ଲଗାଉଥିବା ତଦନ୍ତ ବେଳେ ଜଣାପଡ଼ିଛି  । ସୌମ୍ୟଜିତ ନିଜର ପରଚିୟ ବଦଳାଇ ତାଙ୍କ ବାପା ବିପିନ ତ୍ରାପାଠୀ ନାମରେ ଏଭଳି ଅନେକ ଲୋକଙ୍କୁ ଠକିଛନ୍ତି ।

ଆଉ ଏଭଳି ଠକେଇର ଶିକାର ହୋଇଛନ୍ତି ଜାତୀୟ ସ୍ତରର କରାଟେ ଭାଲିନା ଭାୱେଣ୍ଟିନ । ଘଟଣାମୁତାବକ  ସୌମ୍ୟଜିତ ଗୋଟିଏ ଆପେଲ ଫୋନକୁ କିଣ ଦାମ୍‌ଠାରୁ ୧୦ ହଜାର ଟଙ୍କା କମ୍‌ରେ ଦେବାକୁ କହି ତାଙ୍କ ଠାରୁ ଟଙ୍କା ନେଇଥିଲା । ଆପେଲ ମୋବାଇଲର ଅପରେସନ ପାଇଁ ବାରକୋଡର ଆବଶ୍ୟକ ପଡୁଥିବାରୁ କାଗଜପତ୍ରର ଆବଶ୍ୟକ ରହୁଥିଲା। ଏ ନେଇ କାଗଜପତ୍ର ମାଗିବାରୁ ଫୋନ ରିସିଭ କି ଧରାଛୁଆଁ ଦେଉନଥିଲା ଠକ। ଭାଲିଙ୍କ ଠାରୁ କେବଳ ମୋବାଇଲ ପାଇଁ ନୁହେଁ , ସ୍ତ୍ରୀ ଦେହ ଖରାପ ଅଛି କହି ୩ ଲକ୍ଷ ଟଙ୍କା ଧାର ନେଇ ଟଙ୍କା ଦେଉନଥିବା ମଧ୍ୟ ଅଭିଯ଼ୋଗ ହୋଇଛି ।

କେବଳ ସେତିକି ନୁହେଁ ଅନେକ ଲୋକଙ୍କୁ ମୋବାଇଲ  ଓ ଲାପଟପ ଦେବା ପାଇଁ କହି ଲକ୍ଷାଧିକ ଟଙ୍କା ଠକେଇ କରିଥିବା  ସ୍ପେଶାଲ ସ୍କ।ଡ ଜାଣିବାକୁ ପାଇଛି । ୩ଟି ମାମାଲାରେ ସୌମ୍ୟଜିତ ଠାରୁ  ୫ଟି ଆଇଫୋନ, ଗୋଟିଏ ଓପୋ, ଲାପଟପ, ପ୍ରିଣ୍ଟର ଓ କମ୍ପ୍ୟୁଟର ସିଷ୍ଟମ ଜବତ କରିଛି ପୋଲିସ।

ଠକ ସୌମ୍ୟଜିତଙ୍କ ବିରୋଧରେ ଠକେଇ ଅଭିଯ଼ୋଗ ସଂଖ୍ୟା ବଢୁଥିବାରୁ ତାଙ୍କୁ ରିମାଣ୍ଡରେ ଆଣିବ କମିଶନରେଟ ପୋଲିସ। ଅନ୍ୟପଟେ, ସାବଧାନ ହୋଇ ଯାଆନ୍ତୁ, ଆଉ ଏଭଳି  ଫୋନ କଲ ଠାରୁ ଦୂରେଇ ରହନ୍ତୁ, ନ ହେଲେ ଆପଣଙ୍କ ପକେଟରୁ ଟଙ୍କା ହୋଇ ଯିବ ଗାଏବ ।

ଦିଗପହଣ୍ଡି: ମା’ ଯିବାର ନଅ ଦିନ ହେଇଛି । ମା’ ଯିବାଠୁ ପୁଅ ମା’କୁ ଝୁରି ଝୁରି କାଠ ହେଇଯାଇଥିଲା । ଆଉ ଦଶାହ ବେଳେ ଆରପାରିରୁ ବୋଧେ ଡାକିଲା ମାଆ…. । ଆଉ ମା’ ଡାକୁ ଡାକୁ ପୁଅ ବି ଚାଲିଗଲା…… । ଏଭଳି ଏକ ଅଭବାନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଡେଙ୍ଗାଡିରେ ।

ଡେଙ୍ଗାଡ଼ି ଗାଁର ଜଣେ ମହିଳାଙ୍କର ଗତ ୧୬ ତାରିଖରେ  ବୟସାଧିକ କାରଣରୁ ମା’ର ମୃତ୍ୟୁ ହୋଇଥିଲା । ଆଉ ଆଜି ଦଶାହ ପାଇଁ ଚାଲିଥିଲା ପ୍ରସ୍ତୁତି । ସକାଳ ୪ଟାରେ ମା’ର ସଦ୍‌ଗତି ପାଇଁ ପୁଅ ପ୍ରଶାନ୍ତ ଜୁଳି ଜୁଳିଆ ହାଣ୍ଡି ଧରି ଗାଁ ମୁଣ୍ଡକୁ ଯାଇଥିଲେ । ସେଠାରୁ ଘରକୁ ଆସିଲା ପରେ ହଠାତ୍‌ ଅଚେତ ହୋଇ ପଡ଼ିଯାଇଥିଲେ । ସାହି ପଡ଼ିଶାଙ୍କ ସହାୟତାରେ ତାଙ୍କୁ ନିକଟସ୍ଥ ଆଡ଼ପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆାଯାଇଥିଲା । ହେଲେ ସେତେବେଳକୁ ଉଡ଼ିଯାଇଥିଲା ପ୍ରଶାନ୍ତଙ୍କ ପ୍ରାଣବାୟୁ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ମୃତ ପ୍ରଶାନ୍ତ ନେହୁରୁ ବିଦ୍ୟା ପୀଠରେ କିରାଣୀଭାବେ ଚାକିରି କରୁଥିଲେ । ଖବର ପାଇ ଶେଷ ଦର୍ଶନ ପାଇଁ ସ୍କୁଲ ଛାତ୍ରଛାତ୍ର ଅନ୍ୟ ଆତ୍ମୀୟଙ୍କ ଭିଡ଼ ଜମିଥିଲା । ଏନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଥିବା ବେଳେ ମା’କୁ ଝୁରି ଝୁରି ପୁଅ ଚାଲିଗଲା ବୋଲି ଲୋକେ କହୁଛନ୍ତି ।