କେନ୍ଦୁପତ୍ର ତୋଳାଳୀ ଓ କର୍ମଚାରୀ ମାନଙ୍କୁ ରାଜ୍ୟ ସରକାର ବାରମ୍ବାର ପ୍ରତାରଣା କରୁଥିବାର ଅଭିଯୋଗ ନେଇ ଆନ୍ଦୋଳନକୁ ଓହ୍ଲାଇଲେ ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ l ଗତକାଲିଠୁ କଳା ବ୍ୟାଚ ପିନ୍ଧି ବିଭିନ୍ନ ପତ୍ର ଫଡି ମାନଙ୍କରେ କେନ୍ଦୁପତ୍ର କର୍ମଚାରୀ ସଂଘ ଧାରଣା ଦେଇଥିବା ବେଳେ ଆଜିଠାରୁ କାର୍ଯ୍ୟବନ୍ଦ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି l ସବୁଠାରୁ ବଡ଼କଥା ହେଲା ପୂର୍ବ ସରକାର କେନ୍ଦୁପତ୍ର ତୋଳାଳୀ ଓ କର୍ମଚାରୀ ମାନଙ୍କୁ ପ୍ରତିବର୍ଷ ଏପ୍ରିଲ ମାସରେ ବୋନସ ଦେଉଥିବା ବେଳେ ବିଜେପି ସରକାର ଏ ପର୍ଯ୍ୟନ୍ତ ବୋନସ ଘୋଷଣା କରିନାହାନ୍ତି ଯାହାକୁ ତୀବ୍ର ବିରୋଧ କରିଛନ୍ତି କେନ୍ଦୁପତ୍ର କର୍ମଚାରୀ ସଂଘ ସଭାପତି ବିଜୟ ମହାନ୍ତି l ଅନ୍ୟପଟେ କନ୍ୟା ବିବାହ ସହାୟତା ସହ ଅନ୍ୟ ସୁବିଧା ସୁଯୋଗ ଦେବାରେ ରାଜ୍ୟ ସରକାର ବିଫଳ ବୋଲି କହିଛନ୍ତି କେନ୍ଦୁପତ୍ର କର୍ମଚାରୀ ସଂଘ ସାଧାରଣ ସମ୍ପାଦକ ସଂଜିତ ମହାନ୍ତି
Home Blog
ନବଜାତ ଶିଶୁ ଜନ୍ମ ପରେ ଉତ୍ତେଜନା, ଚିକିତ୍ସା ଅବହେଳାରୁ ଶିଶୁ ଗୁରୁତର ହୋଇଥିବା ଅଭିଯୋଗ
ଯାଜପୁର : ଜିଲ୍ଲା ମୁଖ୍ୟ ଚିକିତ୍ସାଳୟର ପ୍ରସୂତି ବିଭାଗରେ ନବଜାତ ଶିଶୁ ଜନ୍ମ ପରେ ଉତ୍ତେଜନା। ଚିକିତ୍ସା ଅବହେଳାରୁ ଶିଶୁ ଗୁରୁତର ହୋଇଥିବା ପୀଡ଼ିତାଙ୍କ ପରିବାର ପକ୍ଷରୁ ଅଭିଯୋଗ ହୋଇଛି। ଭଣ୍ଡାରିପୋଖରୀ ବ୍ଲକ କୁମ୍ଭାରିଆ ଗ୍ରାମର କୈଳାସ ଚନ୍ଦ୍ର ଓଝାଙ୍କ ପତ୍ନୀ ରଶ୍ମିତା ସୁତାରଙ୍କୁ ପ୍ରସୂତି ବିଭାଗରେ ଭର୍ତ୍ତି କରାଯାଇଥିଲା l ରଶ୍ମିତାଙ୍କ ଅପରେସନ ପରେ ଶିଶୁ ଜନ୍ମ ହୋଇଥିଲା l ଶିଶୁ ଜନ୍ମ ନେବା ପରେ ଗୁରୁତର ଥିବାରୁ ଯାଜପୁର ଶିଶୁ ବିଭାଗର ଆଇସିୟୁରେ ଭର୍ତ୍ତି କରାଯାଇଥିଲା। ଅବସ୍ଥା ଅଧିକ ଜଟିଳ ହେବାରୁ ଶିଶୁକୁ କଟକ ଶିଶୁଭବନକୁ ରେଫର କରିଥିଲେ ଡାକ୍ତର l ଶିଶୁ ଜନ୍ମ ପରେ ପରିବାର ଲୋକଙ୍କୁ ନ ଦେଖାଇ କଟକ ନେଇଯିବାକୁ କହିବାରୁ ମେଡିକାଲ ପରିସରରେ ଉତ୍ତେଜନା ଦେଖାଦେଇଥିଲା l ଦୀର୍ଘ ସମୟ ଧରି ଉତ୍ତେଜନା ଲାଗିରହିବା ପରେ ଘଟଣାସ୍ଥଳରେ ଯାଜପୁର ପୋଲିସ ପହଂଚି ବୁଝାସୁଝା କରିଥିଲେ l ପରେ ଶିଶୁକୁ କଟକ ସ୍ଥାନାନ୍ତର କରାଯାଇଥିଲା l ଡାକ୍ତରଙ୍କ ଚିକିତ୍ସା ଅବହେଳା ଅଭିଯୋଗ କରି ଉତେଜନା ସୃଷ୍ଟି କରିଥିଲେ ପରିବାର ଲୋକେ l ଅନ୍ୟପଟେ ଚିକିତ୍ସାରେ କୌଣସି ଅବହେଳା ହୋଇନଥିବା କହିଛନ୍ତି ଚିକିତ୍ସା ଅଧିକାରୀ। ଶିଶୁକୁ ସଠିକ ଚିକିତ୍ସା ଦିଆଯାଇଥିବା ସେ କହିଛନ୍ତି।
ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ
ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ । ଅପରାହ୍ନ ୪ଟାରେ କଟକସ୍ଥିତ ବୋର୍ଡ କାର୍ଯ୍ୟାଳୟରେ ପ୍ରକାଶ ପାଇବ ଫଳ । ଗଣଶିକ୍ଷାମନ୍ତ୍ରୀ , ଗଣଶିକ୍ଷା ସଚିବ ଓ ବୋର୍ଡ କର୍ତ୍ତୃପକ୍ଷଙ୍କ ଉପସ୍ଥିତିରେ ଫଳ ବାହାରିବ । ପରେ ପରେ ସଂଧ୍ଯା ୬ ଟାରୁ ବୋର୍ଡର ଦୁଇଟି ୱେବସାଇଟରେ ଫଳ ଉପଲବ୍ଧ ହେବ । ପରୀକ୍ଷାର୍ଥୀ ବୋର୍ଡ ୱେବସାଈଟ www.bseodisha.nic.in ଓ www.bseodisha.ac.in ରେ ଫଳ ପାଇ ପାରିବେ। ଏଥର ମାଟ୍ରିକ ପରୀକ୍ଷା ଫେବ୍ରୁୟାରୀ ୧୯ରୁ ମାର୍ଚ୍ଚ ୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା । ୩୦୮୨ ପରୀକ୍ଷା କେନ୍ଦ୍ରରେ ୫ ଲକ୍ଷ ୬୦ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ପରେ ମାର୍ଚ୍ଚ ୧୯ ତାରିଖରୁ ୫୧ ଟି କେନ୍ଦ୍ରରେ ଖାତା ମୂଲ୍ୟାୟନ ହୋଇଥିଲା। ସବୁ ପ୍ରକ୍ରିୟା ଭଲରେ ଓ ସଠିକ ସମୟରେ ସରିଥିବାରୁ ଠିକ ଦୁଇ ମାସ ମଧ୍ଯରେ ଫଳ ପ୍ରକାଶ ପାଉଛି। ଏଥର ଫଳ ତୃଟିଶୂନ୍ୟ ହେବ ବୋଲି ବୋର୍ଡ ସଭାପତି ଆଶା ରଖିଛନ୍ତି । ସେ ଆହୁରି ମଧ୍ଯ କହିଛନ୍ତି ଏଥର ପ୍ରଥମଥର ଲାଗି ଇଂରାଜି ଓ ଓଡିଆ ଭାଷାରେ ଗୋଟିଏ ସିଟରେ ମାଟ୍ରିକ ସାର୍ଟିଫିକେଟ ଦିଆଯିବ।…
ମେ ୬ ତାରିଖ ପର୍ଯ୍ୟନ୍ତ ଓଡ଼ିଶାର ଅଧିକାଂଶ ଅଞ୍ଚଳରେ ବିଜୁଳି ଘଡ଼ଘଡ଼ି ସହ ବର୍ଷା ସମ୍ଭାବନା
ତାତିରେ ଲାଗିଲା ବ୍ରେକ । ପଶ୍ଚିମବଙ୍ଗ ଉପରେ ସକ୍ରିୟ ରହିଛି ଘୂର୍ଣ୍ଣିବଳୟ । ପ୍ରଭାବରେ ମେ ୬ ତାରିଖ ପର୍ଯ୍ୟନ୍ତ ଓଡ଼ିଶାର ଅଧିକାଂଶ ଅଞ୍ଚଳରେ ବିଜୁଳି ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି । ୧୮ ଜିଲ୍ଲାକୁ ୟେଲୋ ୱର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର। ଘଡଘଡି ବିଜୁଳି ସହ ୫୦ ରୁ ୬୦ କିଲୋମିଟର ବେଗରେ ପବନ ବହିବା ସମ୍ଭାବନା ରହିଛି ।ଏନେଇ ମେ ୫ ତାରିଖ ଯାଏ ସମୁଦ୍ର ଭିତରକୁ ମତ୍ସ୍ୟଜୀବୀ ଙ୍କୁ ସମୁଦ୍ର ଭିତରକୁ ଯିବା ପାଇଁ ବାରଣ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ସେହିପରି ଆସନ୍ତା ୨୪ ଘଣ୍ଟାରେ ପଶ୍ଚିମ ଓ ଅଭୟନ୍ତରୀଣ ଓଡିଶା ର ୧୨ଜିଲ୍ଲାରେ ହିଟ ୱେଭ ରହିବ l
‘ଆମେରିକା ସହ ଏକ ଡିଲ୍ ଲାଗି ଇରାନ ଆଗ୍ରହୀ’
ଆମେରିକା ସହ ଏକ ଡିଲ୍ ଲାଗି ଇରାନ ଆଗ୍ରହୀ ରହିଛି। ମାତ୍ର ଇରାନ ଯେଉଁ ସବୁ ପ୍ରସ୍ତାବ ଦେଉଛି ତାହାକୁ ସେ ଗ୍ରହଣ କରିପାରୁନାହାନ୍ତି ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ଦୁଇ ରାଷ୍ଟ୍ର ମଧ୍ୟରେ ଶାନ୍ତି ପ୍ରତିଷ୍ଠା ଲାଗି ଆଲୋଚନା ଚାଲିଥିବାବେଳେ ଟ୍ରମ୍ପ ଏହା କହିଛନ୍ତି। ଇରାନ ସାମରିକ ସ୍ତରରେ ସବୁ କିଛି ହରାଇଥିବାରୁ ଡିଲ୍ ଲାଗି ଇରାନ ଆଗ୍ରହୀ ବୋଲି ଟ୍ରମ୍ପ କହିଛନ୍ତି। ଇରାନ ଓ ଆମେରିକା ମଧ୍ୟରେ ସିଧାସଳଖ କଥାବାର୍ତ୍ତା ଜରିଆରେ ସମାଧାନର ପଥ ବାହାରି ପାରି ନଥିବାବେଳେ ଏବେ ବି ଦୁଇ ରାଷ୍ଟ୍ର ମଧ୍ୟରେ ଅନୌପଚାରିକ ଆଲୋଚନା ଜାର ରହିଛି। ଆଣବିକ କାର୍ଯ୍ୟକ୍ରମ ପ୍ରସଙ୍ଗରେ ଇରାନ ଜିଦରେ ଅଟଳ ଥିବାରୁ ଦୁଇ ଦେଶ ମଧ୍ୟରେ କଥାବାର୍ତ୍ତା ବିଶେଷ ଫଳପ୍ରଦ ହୋଇପାରୁନାହିଁ।
ଦୁଇ ନେପାଳି ଯୁବତୀଙ୍କୁ ଖରାପ କାମରେ ଲଗାଇବାକୁ ଯୋଜନା ; ଯୁବତୀଙ୍କୁ ଚତୁରତାର ସହ ଉଦ୍ଧାର କଲେ ୨ଯୁବକ
ନନ୍ଦିଘୋଷ ବ୍ୟୁରୋ : ଦେହବେପାରରେ ଲିପ୍ତ ପାଇଁ ଆସିଥିଲେ ନେପାଳ ଯୁବତୀ । ଜଣେ ଯୁବକଙ୍କ ସହାୟତାରେ ଉଦ୍ଧାର କଲା କମିଶନରେଟ ପୋଲିସ । ପ୍ରଥମେ କୋଲକତାରେ ବିକ୍ରି ଓ ପରେ ଭୁବନେଶ୍ୱରରେ ବିକ୍ରି ପାଇଁ ହୋଇଥିଲା ଯୋଜନା । ମୋଟା ଅଙ୍କର ଅର୍ଥ ନେଇ ଦଲାଲ ସେମାନଙ୍କୁ ଦେହ ବେପାରରେ ଲଗାଉଥିବା ବେଳେ ଉଦ୍ଧାର କଲା ପୋଲିସ । ଚନ୍ଦ୍ରଶେଖରପୁର ଅଞ୍ଚଳରେ ଥିବା ଏକ ସର୍ଟ ଷ୍ଟେ ହୋମରେ ଦୁଇ ନେପାଳୀ ଯୁବତୀଙ୍କୁ ରଖିଛି ପୋଲିସ । ନେପାଳ ଦୂତାବାସ ସହାୟତାରେ ପୀଡିତା ଦ୍ୱୟଙ୍କୁ ନିଜ ଦେଶକୁ ଫେରାଇବାକୁ ଚାଲିଛି ଯୋଜନା ।
ଦୁଇ ନେପାଳି ଯୁବତୀଙ୍କୁ ନେପାଳରୁ କାମ ଯୋଗାଇ ଦେବାକୁ କହି କୋଲକତାରେ ବନ୍ଧକ ଭଳି ରଖି ଖରାପ କାମରେ ଲଗାଇବାକୁ ଯୋଜନା କରାଯାଉଥିବା ବେଳେ ଜଣେ ଓଡିଆ ଓ ଜଣେ ଆନ୍ଧ୍ରପ୍ରଦେଶ ର ଯୁବକ ତାଙ୍କୁ ସେଠାରୁ ଚତୁରତାର ସହ ଉଦ୍ଧାର କରିଥିଲେ। ତେବେ ଉଦ୍ଧାର ପରେ ସିଲିଗୁଡି, ସିକିମ୍,ନେପାଲ ସୀମା ବୁଲି କେଉଁଠି ସହାୟତା ପାଇଲେ ନାହିଁ ଦୁଇ ଯୁବକ। ଶେଷରେ ଗତ 22 ତାରିଖରେ ଭୁବନେଶ୍ରର ଆସି ଚନ୍ଦ୍ରଶେଖରପୁର ଥାନାରେ ଲିଖିତ ଭାବେ ଜଣାଇ ଯୁବତୀଙ୍କୁ ହସ୍ତାନ୍ତର କରିଛନ୍ତି। ଏବେ କିନ୍ତୁ କୋଲକାତାରୁ କିଛି ଯୁବକ ଓ ଜଣେ ଯୁବତୀ ଆସି ଯୁବକଙ୍କ ଗାଁରେ ଖୋଜାଖୋଜି କରିଛନ୍ତି। ଏବେ ଯୁବକ ଜଣକ ନିଜେ ଲୁଚିଛପି ରହିଥିବା ବେଳେ ପୋଲିସ ସଠିକ ବାଟରେ ଯୁବତୀଙ୍କୁ ତାଙ୍କ ଘରକୁ ପଠାଉ ବୋଲି ଚାହୁଁଛନ୍ତି।
ଶିଶୁ ଚାଲାଣର ନୂଆଁ ଫର୍ମୁଲା ; ସମର କୋର୍ସ , ସୁଟିଙ୍ଗ ନାମରେ ବାହାର ରାଜ୍ୟକୁ ଚାଲାଣ ହେଉଛନ୍ତି ଶିଶୁ
ନନ୍ଦିଘୋଷ ବ୍ୟୁରୋ : ଶିଶୁ ଚାଲାଣର ନୂଆଁ ଫର୍ମୁଲା । ସମର କୋର୍ସ , ସୁଟିଙ୍ଗ ନାମରେ ବାହାର ରାଜ୍ୟକୁ ଚାଲାଣ ହେଉଛନ୍ତି ଶିଶୁ । ସାଇ କ୍ରିଷ୍ଣା ବସ ରେ କିଛି ଶିଶୁ ଚାଲାଣ ହେଉଥିବା ଚାଇଲ୍ଡ ଲାଇନକୁ ଖବର ମିଳିଥିଲା । ମାଲକାନଗିରି ଥାନା ନିକଟରେ ବସଟିକୁ ଯାଞ୍ଚ କରି ଗାଡ଼ିରୁ କିଛି ଶିଶୁଙ୍କୁ ଉଦ୍ଧାର କରିଛି ଶିଶୁ ବିଭାଗ । ସେମାନଙ୍କ ସହ ଆଲୋଚନା ପରେ ସେମାନେ ବିଜୟୱାଡା ଯାଉଥିବା କହିଥିଲେ । ତେବେ ଉଦ୍ଧାର ଶିଶୁ ମାନଙ୍କୁ ସିଡବ୍ଲୁସି ରେ ହାଜର କରି ସେମାନଙ୍କୁ ତାଙ୍କ ପରିବାରକୁ ହସ୍ତାନ୍ତର କରାଯିବ ।
ଗୋଟେ ଛୁଆର ବାପା ହେବା ପରେ ବି ଯୁବତୀଙ୍କୁ ପ୍ରେମ ; ମିଛବିବାହ ସହ ପ୍ରତାରଣା କରି ବନ୍ଧାହେଲା ପ୍ରତାରକ ପୁରୁଷ
ନନ୍ଦିଘୋଷ ବ୍ୟୁରୋ : ଗୋଟେ ଛୁଆର ବାପା ହେବା ପରେ ବି ଯୁବତୀଙ୍କୁ ପ୍ରେମ । ମିଛ ବିବାହ ସହ ପ୍ରତାରଣା କରି ବନ୍ଧାହେଲା ପ୍ରତାରକ ପୁରୁଷ । ଏମିତି ଜଣେ ପ୍ରତାରକ ପୁରୁଷଙ୍କୁ ଗିରଫ କରି କୋର୍ଟଚାଲାଣ କରିଛି ଚନ୍ଦ୍ରଶେଖରପୁର ଥାନା ପୋଲିସ । ଗିରଫ ଅଭିଯୁକ୍ତ ହେଲେ ଗଞ୍ଜାମ ଭଞ୍ଜନଗର ଅଞ୍ଚଳରୁ ଆସି ଭୁବନେଶ୍ବର ଶ୍ରୀ ବିହାରରେ ରହୁଥିବା ୪୭ ବର୍ଷିୟ ଦେବରାଜ ବିଶୋୟୀ । ମାମଲାରୁ ଜଣାପଡିଛି ଦେବରାଜ ପୂର୍ବରୁ ବିବାହିତ ହୋଇଥିଲେ ମଧ୍ୟ ଏ ସମ୍ପର୍କରେ ସମସ୍ତ ତଥ୍ୟ ଲୁଚାଇ ଅନ୍ୟଜଣେ ଯୁବତୀଙ୍କ ସହ ପ୍ରେମ ସମ୍ପର୍କରେ ରହିଥିଲେ । ଏପରିକି ଗତ ୮ ମାସ ତଳେ ମନ୍ଦିରରେ ସମ୍ପୃକ୍ତ ଯୁବତୀ ତଥା ପୀଡିତାଙ୍କୁ ବିବାହ କରିବା ସହ ଉଭୟେ ସ୍ଵାମୀ ସ୍ତ୍ରୀ ଭାବେ ଭୁବନେଶ୍ବର ଶ୍ରୀ ବିହାର ଅଞ୍ଚଳରେ ରହୁଥିଲେ । ତେବେ ଗତ କିଛି ଦିନ ହେବ ଦେବରାଜ ହଠାତ୍ ଉଭାନ୍ ହୋଇଯାଇଥିଲେ । ପରେ ଯୁବତୀ ଜଣଙ୍କ ଜାଣିବାକୁ ପାଇଥିଲେ ଯେ ଦେବରାଜ ପୂର୍ବରୁ ବିବାହିତ । ତାଙ୍କର ପିଲାଟିଏ ମଧ୍ୟ ରହିଛି। ଏ ନେଇ ଯୁବତୀ ଦେବରାଜଙ୍କୁ ପଚାରିବାରୁ ଯୁବତୀଙ୍କ ସହ ଥିବା ସମ୍ପର୍କକୁ ସେ ଅସ୍ୱୀକାର କରିଥିଲେ । ଶେଷରେ ଯୁବତୀ ଜଣ ଙ୍କ ଚନ୍ଦ୍ରଶେଖରପୁର ଥାନାର ଦ୍ବାରସ୍ଥ ହୋଇଥିଲେ । ପୋଲିସ ତଦନ୍ତ କରିବା ସହ ପ୍ରତାରକ ଦେବରାଜଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ମେଡିକାଲର ଅବ୍ୟବସ୍ଥାକୁ ନେଇ ତାତିଲେ ଅଞ୍ଚଳବାସୀ ; ଶ୍ରୀରାମ ସେବା ଟ୍ରଷ୍ଟ ପକ୍ଷରୁ ମେଡିକାଲ ସାମ୍ନାରେ ଧାରଣା
ନନ୍ଦିଘୋଷ ବ୍ୟୁରୋ : ମେଡିକାଲର ଅବ୍ୟବସ୍ଥାକୁ ନେଇ ତାତିଲେ ଅଞ୍ଚଳବାସୀ । ଶ୍ରୀରାମ ସେବା ଟ୍ରଷ୍ଟ ପକ୍ଷରୁ ମେଡିକାଲ ସାମ୍ନାରେ ଧାରଣା । ଉଦଳାରେ ଥିବା ଉପଖଣ୍ଡ ଚିକିତ୍ସାଳୟରେ ବିଭିନ୍ନ ପ୍ରକାର ସମସ୍ୟା ରହିଛି । ମେଡିକାଲରେ ଥିବା ଲିଫ୍ଟ ଅଚଳ ଥିବାବେଳେ ପାନୀୟ ଜଳ ସମସ୍ୟା, ଅନେକ ସମୟରେ ରୋଗୀ ଏବଂ ସମ୍ପର୍କୀୟଙ୍କୁ ଦୁର୍ବ୍ୟବହାର କରାଯାଉଥିବା ଅଭିଯୋଗ ହୋଇଛି । ସିନିୟର ଡାକ୍ତର ଙ୍କ ବଦଳରେ ଜୁନିୟର ଡାକ୍ତର ମେଡିକାଲରେ ବେପରୁଆ ଭାବେ ରୋଗୀ ଦେଖୁଛନ୍ତି । ଅନେକ ସମୟରେ ରୋଗୀ ଦେଖାରେ ଅବହେଳା କରି ରୋଗୀଙ୍କୁ ବାରମ୍ବାର ରେଫର କରାଯାଉଥିବା ଅଭିଯୋଗ ହୋଇଛି । ବାରମ୍ବାର ଏ ନେଇ ଟ୍ରଷ୍ଟ ପକ୍ଷରୁ ଦାବି ଉଠାଇ ଥିବା ବେଳେ କେହି ଏଥିପ୍ରତି କର୍ଣ୍ଣପାତ ନ କରିବାରୁ ଆଜି ତାତିଛନ୍ତି ଅଞ୍ଚଳବାସୀ । ରୋଗୀ ସେବା ନାମରେ ଶୋଷଣ କରାଯାଉଥିବାରୁ ଏହାକୁ ବିରୋଧ କରି ତୁରନ୍ତ ସମାଧାନ କରା ନ ଗଲେ ଆଗାମୀ ଦିନରେ ଆନ୍ଦୋଳନ ବ୍ୟାପକ କରାଯିବ ବୋଲି କହିଛନ୍ତି ଆନ୍ଦୋଳନକାରୀ ।
ରାଉରକେଲା ଇସ୍ପାତ କାରଖାନା ମୁଖ୍ୟ ଫାଟକ ଆଗରେ ଶ୍ରମିକ ସଂଘ ପକ୍ଷରୁ ବିକ୍ଷୋଭ
ନନ୍ଦିଘୋଷ ବ୍ୟୁରୋ : ରାଉରକେଲା ଇସ୍ପାତ କାରଖାନା ମୁଖ୍ୟ ଫାଟକ ଆଗରେ ଶ୍ରମିକ ସଂଘ ପକ୍ଷରୁ ବିକ୍ଷୋଭ । ରାଉରକେଲା ଇସ୍ପାତ କାରଖାନା କର୍ମଚାରୀ ଙ୍କ ୩୯ ମାସର ବକେୟା ଦରମା ପ୍ରଦାନ କରିବା ନୁତନ ମଜୁରୀ ଚୁକ୍ତିନାମା କାର୍ଯ୍ୟକାରୀ କରିବା, ଇସ୍ପାତ କାରଖାନାର ୪୦ ଶତକଡା କର୍ମଚାରୀଙ୍କୁ ଛଟେଇ କରିବା ପାଇଁ ଆରମ୍ଭ ହୋଇଥିଵା ଉଦ୍ୟମକୁ ବିରୋଧ କରି ଆନ୍ଦୋଳନ କରାଯାଇଛି । ଏହାସହ ରାଉରକେଲା ଇସ୍ପାତ କାରଖାନାର ଅଫିସରଙ୍କୁ ଗେଟରେ ଯାଞ୍ଚ ନକରିବା ପାଇଁ ହୋଇଥିବା ନିଷ୍ପତ୍ତିକୁ ବିରୋଧ କରାଯାଇଛି । ରାଉରକେଲା ଶ୍ରମିକ ସଂଘ ସାଧାରଣ ସମ୍ପାଦକ ପ୍ରଶାନ୍ତ ବେହେରାଙ୍କ ନେତୃତ୍ବରେ ଆନ୍ଦୋଳନ କରାଯାଇଛି । ରାଉରକେଲା ଇସ୍ପାତ କାରଖାନା ଲାଭରେ ଚାଲିଥିବାରୁ କର୍ମଚାରୀଙ୍କ ଵକେୟା ଏରିୟର ପ୍ରଦାନ କରିବା ସହ ସମସ୍ତ ବକେୟା ଅର୍ଥ ପ୍ରଦାନ କରିବା ପାଇଁ ଦାବି କରାଯାଇଛି ।