ବ୍ରାଜିଲ: ଆଜିକାଲି ବିବାହା ଓ ବିଚ୍ଛେଦ ସାଧାରଣ କଥା ହୋଇଗଲାଣି । ପ୍ରେମ କରି ବିବାହ କରିଥିଲେ ମଧ୍ୟ ସାମାନ୍ୟ କଥା ପାଇଁ ମନମତାନ୍ତର ହୋଇ ବିବାହ ବିଚ୍ଛେଦ ହେଉଛି । ସମ୍ପର୍କର ମାନେ ଏବେର ଯୁବ ପିଡି ବୁଝି ପାରୁ ନାହାନ୍ତି  । ଏହି ଭିତରେ ପ୍ରେମ ବିବାହ କରି ୮୪ବର୍ଷ ଏକାଠି ରହି  ରେକର୍ଡ କରିଛନ୍ତି ବ୍ରାଜିଲର ଦମ୍ପତି ।  ବ୍ରାଜିଲ ଦମ୍ପତିଙ୍କ ନିଆରା ପ୍ରେମ କାହାଣୀ । ପ୍ରେମ ବିବାହ କରିଥିଲେ ଏହି ଦମ୍ପତି । ତାଙ୍କ ପ୍ରେମ କାହାଣୀ ଅତ୍ୟନ୍ତ ନିଆରା ।୧୦୫ ବର୍ଷୀୟ ମାନୋଏଲ୍ ଆଞ୍ଜେଲିମ୍ ଡିନୋ ଏବଂ ୧୦୧ ବର୍ଷୀୟା ମାରିଆ ଡି ସୌସା ଡିନୋ ଗିନିଜ୍ ୱାର୍ଲ୍ଡ ରେକର୍ଡର ଅଧିକାରୀ ହୋଇଛନ୍ତି। କେମିତି ଥିଲା ତାଙ୍କର ଏହି ପ୍ରେମ କାହାଣୀ ଆସନ୍ତୁ ଜାଣିବା ।

ଗିନିଜ ଓ୍ବାଲର୍ଡ ରେକର୍ଡ ଅନୁସରେ୧୯୩୬ ମସିହାରେ ଏହି ଦମ୍ପତି ଦୁହେଁ ଦୁହିଁଙ୍କୁ ପ୍ରଥମେ ଭେଟିଥିଲା । ମାନୋଏଲ୍ ଏବଂ ମାରିଆ ପ୍ରଥମ ଥର ପାଇଁ ୧୯୩୬ ମସିହାରେ କୃଷି କାର୍ଯ୍ୟ କରୁଥିବା ବେଳେ ସାକ୍ଷାତ କରିଥିଲେ। ମାନୋଏଲ ଆଲମେଇଡା ଅଞ୍ଚଳକୁ ବୋଆ ଭିଆଗେମ୍ ଜିଲ୍ଲାରେ ରାପାଡୁରା (ଏକ ପାରମ୍ପରିକ ବ୍ରାଜିଲିୟାନ୍ ମିଠା) ଆଣିବା ପାଇଁ ଯାଇଥିଲେ, ସେଇଠୁ ଆରମ୍ଭ ହୋଇଥିଲା ମାନୋଏଲ୍ ଆଞ୍ଜେଲିମ୍ ଡିନୋ ଏବଂ ମାରିଆ ଡି ସୌସା ଡିନୋଙ୍କ ପ୍ରେମ। ମାନୋଏଲ୍ ପ୍ରଥମ ଦେଖାରେ ମାରିଆଙ୍କ ପ୍ରମରେ ପଡିଯାଇଥିଲେ  । ୧୯୪୦ ମସିହାରେ ଦୁହେଁ ଦୁହିଁଙ୍କୁ ବିବାହ କରିବା ପାଇଁ ସ୍ଥିର କରିଥିଲେ। କିନ୍ତୁ ପ୍ରଥମେ ମାରିଆଙ୍କ ମାଆ ଏହି ବିବାହ ପାଇଁ ରାଜି ହୋଇନଥିଲେ। ମାତ୍ରପରେ ମାନୋଏଲ୍ ତାଙ୍କ ପରିବାରକୁ ରାଜି କରାଇଥିଲେ। ସେଥିପାଇଁ ସେ ଏକ ଘର ମଧ୍ୟ ନିର୍ମାଣ କରିଥିଲେ। ପରିବାରକୁ ଏହି ବିବାହ ପାଇଁ ରାଜି କରାଇବା ପରେ  ମାନୋଏଲ୍ ଏବଂ ମାରିଆ ବିବାହ କରିଥିଲେ ।  ସେ ନିଜେ ଗଢିଥିବା ଘରେ ସାଂସାରିକ ଜୀବନ ଆରମ୍ଭ କଲେ। ତାଙ୍କର ୧୩ ଜଣ ସନ୍ତାନ ହୋଇଥିଲେ। ସେତେବେଳେ ତାଙ୍କୁ ପରିବାର ପୋଷଣ କରିବା ପାଇଁ ଖୁବ ସଂଘର୍ଷ କରିବାକୁ ପଡିଥିଲା । ହେଲେ ଏହି ଖରାପ ପରିସ୍ଥିତିରେ ମଧ୍ୟ କେହି କାହା ହାତ ଛାଡି ନଥିଲେ । ସେବେଠାରୁ ୧୦୦ ବର୍ଷ ହୋଇଗଲାଣିଦୁହେଁ ଦୁହିଁଙ୍କ ସହ ରହିଛିନ୍ତି । ସାତ ଜନ୍ମ ପାଇଁ ସାଥି ହୋଇ ରହିବା ପାଇଁ ଯେଉଁ ଶପଥ ନେଇଥିଲେ ଦୁହେଁ ସେହି ପ୍ରତିଶୃତିକୁ ପାଳନ କରୁଛନ୍ତି । ଜୀବନର ପ୍ରତିଟି ସମୟରେ ଦୁହେଁ ସାଥି ହୋଇ ରହିଛନ୍ତି । ଜୀବନର ଅନେକ ଘାତ ପ୍ରତିଘାତ ପରେ ମଧ୍ୟ ଉଭୟ ଉଭୟଙ୍କ ହାତ ଛାଡ଼ି ନାହାନ୍ତି । ଏ ପରିଣତ ବୟସରେ ବି ସେମାନେ ଏକାଠି ଓ ଶାନ୍ତିରେ ଜୀବନ ଅତିବାହିତ କରୁଛନ୍ତି। ଅଧିକ ବୟସ ହେତୁ ସେମାନେ ପ୍ରାୟତଃ ଦିନରେ ବିଶ୍ରାମ ନିଅନ୍ତି କିନ୍ତୁ ସନ୍ଧ୍ୟା ୬ଟାରେ ରେଡିଓରେ ଜପମାଳା ପ୍ରାର୍ଥନା ଶୁଣିବା ପାଇଁ ମାରିଆଙ୍କ ସହ ବୈଠକ ଘରେ ଯୋଗ ଦିଅନ୍ତି, ତାପରେ ଟେଲିଭିଜନରେ ପ୍ରସାରିତ ହେଉଥିବା କାର୍ଯ୍ୟକ୍ରମ ଦେଖନ୍ତି। ଏକ ଦୀର୍ଘସ୍ଥାୟୀ ବିବାହର ରହସ୍ୟ କଣ ପଚାରିବାରୁ ମରିଆ କହିଛନ୍ତି ପ୍ରେମ ଅତି ସରଳ । ଏହାକୁ ସବୁଠାରୁ ଅତ୍ୟଧୁନିକ  କମ୍ପ୍ୟୁଟର ମଧ୍ୟ ଗଣନା କରିପାରିବ ନାହିଁ ।

ଲଙ୍ଗଏଭିଟିକ୍ୱେଷ୍ଟ ଏକ ସଂଗଠନ ଯାହା ଶତାୟୁ ଲୋକଙ୍କ ଜୀବନୀ ନେଇ ଅନୁସନ୍ଧାନ କରେ। ସଂଗଠନଟି ଇନଷ୍ଟାଗ୍ରାମରେ ଏହି ବ୍ରାଜିଲ ଦମ୍ପତିଙ୍କ ପ୍ରେରଣାଦାୟକ ପ୍ରେମ କାହାଣୀ ଓ ଜୀବନ ସଂପର୍କରେ ଭିଡିଓ ସେୟାର କରିଛି। ଭାଲେଣ୍ଟାଇନ୍ସ ଡେ ଅନୁଯାୟୀ, ଏହି ଦମ୍ପତି ବିବାହର ୮୪ ବର୍ଷ ୭୭ ଦିନ ଧରି ଏକାଠିରହିଆସୁଛନ୍ତି  ।