ନୂଆଦିଲ୍ଲୀ: ଦିଲ୍ଲୀ ଆମ୍ ଆଦମୀ ପାର୍ଟିର ବିଧାୟକ ଅମାନତୁଲ୍ଲା ଖାନଙ୍କୁ ଖୋଜୁଛି ପୋଲିସ । ଅମାନତୁଲ୍ଲା ଖାନଙ୍କୁ ଧରିବା ପାଇଁ ଦିଲ୍ଲୀ ପୋଲିସ ମିଳିତ ଅପରେସନ ଚଳାଇଛି।ଅମାନତୁଲ୍ଲା ଖାନଙ୍କୁ ଖୋଜିବା ପାଇଁ ଦିଲ୍ଲୀ, ରାଜସ୍ଥାନ ଏବଂ ଉତ୍ତର ପ୍ରଦେଶରେ ଚଢାଉ କରାଯାଇଛି । ଏପର୍ଯ୍ୟନ୍ତ ପ୍ରାୟ ୧୨ଟି ସ୍ଥାନରେ ଚଢାଉ କରିଛି ଦିଲ୍ଲୀ ପୋଲିସ। ଖୁବ୍ ଶୀଘ୍ର ଅମାନତୁଲ୍ଲାଙ୍କୁ ଗିରଫ କରାଯିବ ବୋଲି ଦିଲ୍ଲୀ ପୋଲିସ କହିଛି ।
ପୋଲିସ ସୂଚନା ଅନୁଯାୟୀ, ଏଫଆଇଆର ପଞ୍ଜିକୃତ ହେବା ପରେ ଅଭିଯୁକ୍ତ ଅମାନତୁଲ୍ଲା ଖାନଙ୍କ ମୋବାଇଲ ଫୋନ୍ ବନ୍ଦ ହୋଇଯାଇଥିଲା। ସେଥିପାଇଁ ତାଙ୍କୁ ଟ୍ରାକ୍ କରିବା ସମ୍ଭବ ହୋଇପାରୁ ନାହିଁ। ପୋଲିସ ସନ୍ଦେହ କରୁଛି ଯେ କିଛି ଲୋକ ଅମାନତୁଲ୍ଲାଙ୍କୁ ଲୁଚାଇ ରଖିଥାଇ ପାରନ୍ତି।
ଆପଣଙ୍କୁ କହି ରଖୁଛୁ ଯେ, ୩୦୭ ମାମଲାର PO କୁ ଫେରାର କରିବା ଏବଂ ସରକାରୀ କାର୍ଯ୍ୟରେ ବାଧା ସୃଷ୍ଟି କରିଥିବାରୁ ଅମାନତୁଲ୍ଲା ଖାନଙ୍କ ବିରୋଧରେ ଏଫଆଇଆର ପଞ୍ଜିକୃତ ହୋଇଥିଲା।
ଅମାନତୁଲ୍ଲା ଖାନଙ୍କ ଉପରେ ପୋଲିସ ଦଙ୍ଗା ସହ ଜଡିତ ବିଏନଏସର ଧାରା ୧୯୧ (୨) ମଧ୍ୟ ଲଗାଇଛି, କାରଣ ସେ ଏକ ଭିଡ଼ ଜମାଇ ସ୍ଥିତି ଖରାପ କରିବାକୁ ଚେଷ୍ଟା କରିଥିଲେ। ବିଏନଏସ ୧୯୦ ଧାରା ମଧ୍ୟ ଲାଗୁ କରାଯାଇଛି, ଯାହାର ଅର୍ଥ ହେଉଛି ଯଦି ଜଣେ ବ୍ୟକ୍ତି ଏକ ବେଆଇନ ସଭାରେ ଭାଗ ନେଇଥାଏ ଏବଂ ସେହି ସଭାର ଉଦ୍ଦେଶ୍ୟରେ କୌଣସି ଅପରାଧ ଘଟେ, ତେବେ ସେହି ବ୍ୟକ୍ତି ମଧ୍ୟ ଦୋଷୀ ବିବେଚିତ ହେବେ। ଅନେକ ଧାରା ଜାମିନବିହୀନ ଅଟେ। ଜାମିଆ ନଗରରେ ପୋଲିସ ଦଳ ଉପରେ ଆକ୍ରମଣର ନେତୃତ୍ୱ ନେଇଥିବାରୁ ଦିଲ୍ଲୀ ପୋଲିସ ସୋମବାର ଓଖଲା ବିଧାୟକ ଅମାନତୁଲ୍ଲା ଖାନଙ୍କ ବିରୋଧରେ ଏଫଆଇଆର ପଞ୍ଜିକରଣ କରିଛି।
