ଭୁବନେଶ୍ବର : ବେପରୁଆ ପୋଲିସିଂ, ବେକାବୁ ଅପରାଧ । ଛୋଟ ଛୋଟ କଥାରେ ସବୁ କିଛି ଛାରଖାର । ପୂର୍ବ ଶତ୍ରୁତାରୁ ପେଟ୍ରୋଲ ଢାଳି ଜାଳି ଦେଲେ କାର୍ । ରାତି ପ୍ରାୟ ୩ ଟା । ସ୍ଥାନ ଲକ୍ଷ୍ମୀସାଗର ଥାନା ଅନ୍ତର୍ଗତ ଚିନ୍ତାମଣିଶ୍ୱର। ହଠାତ ନିଆଁରେ ହୁତୁହୁତୁ ହୋଇ ଜଳିଲା ଏକ କାର । ଫୁଲ ତୋଳିବାକୁ ଉଠିଥିବା ଲୋକ ପାଟି କରିବା ଭିତରେ କାରଟି ପ୍ରାୟତଃ ଶତ ପ୍ରତିଶତ ପୋଡି ସାରିଥିଲା । କାରରେ ଲାଗିଥିବା ନିଆଁ ଏତେ ଭୟଙ୍କର ଥିଲା ଯେ ଆଗରେ ଓ ପଛରେ ପାର୍କ ହୋଇଥିବା ଦୁଇଟି ଅଟୋ ମଧ୍ୟ ଜଳିଯାଇଛି । ନିଆଁରେ ଜଳି କାର ଉପରେ ଯାଇଥିବା ବିଦ୍ୟୁତ ତାର ମଧ୍ୟ ଛିଣ୍ଡି ଗାଡି ଉପରେ ପଡିଛି । ଏସବୁ ଦେଖିବା ପରେ ସନ୍ଦେହ ହୋଇଥିଲା, ହୁଏତ ସର୍ଟସର୍କିଟ ରୁ ଗାଡି ପୋଡିଯାଇଛି । କିନ୍ତୁ ସିସିଟିଭି ସାମ୍ନାକୁ ଆସିବା ପରେ ଧରାପଡିଥିଲା ସତ । ପୂର୍ବ ଶତ୍ରୁତାକୁ କେନ୍ଦ୍ର କରି ଗାଡ଼ିରେ ଲଗାଯାଇଥିଲା ନିଆଁ ।
ମିଳିଥିବା ସିସିଟିଭିରେ କଏଦ ଦୃଶ୍ୟ ମୁତାବକ ବିଳମ୍ବିତ ରାତି ପ୍ରାୟ ୨ ଟା ୪୫ ରୁ ଗାଡି ନିକଟରେ ବୁଲୁଥିଲା ଜଣେ ଦୁର୍ବୃତ୍ତ। ମୁହଁରେ ଭିଡିଥିଲା ଗାମୁଛା । ହାତରେ ଧରିଥିଲା ପେଟ୍ରୋଲ ଭର୍ତ୍ତି ବୋତଲ । ଆଉ ସୁଯୋଗ ପାଇବା କ୍ଷଣି ଲଗାଇ ଦେଇଥିଲା ନିଆଁ । ପରେ ଲକ୍ଷ୍ମୀସାଗର ଥାନା ପୋଲିସ ସ୍ପଟ ଭିଜିଟ କରିବା ସହ ଏତଲା ରୁଜୁ କରିଛି । ପୂର୍ବ ଶତ୍ରୁତାକୁ କେନ୍ଦ୍ରକରି ନିଶାସକ୍ତ ଯୁବକ ଏଭଳି କାଣ୍ଡ ଭିଆଇଥିବା ଜାଣିବାକୁ ପାଇଛି ପୋଲିସ ।
ରାଜଧାନୀରେ ମୁଖାପିନ୍ଧା ଦୁର୍ବୃତ୍ତଙ୍କ ଉନ୍ମତ୍ତକାଣ୍ଡ, ପେଟ୍ରୋଲ ଢାଳି ଜାଳିଦେଲେ ୩ ଗାଡ଼ି
ମରଣଯନ୍ତା ପାଲଟିଛି କଟକ ଜିଲ୍ଲା ବାଙ୍କୀ- ତ୍ରିଶୂଳିଆ ରାସ୍ତା
ବାଙ୍କୀ : ରାସ୍ତା ସାରା ବଡ଼ବଡ଼ ଖାଲ । ଦୈନିକ ଘଟୁଛି ଦୁର୍ଘଟଣା । ଏ ହେଉଛି ବାଙ୍କୀରୁ କଟକ ଓ ଭୁବନେଶ୍ଵରକୁ ସଂଯୋଗ କରୁଥିବା ମୁଖ୍ୟ ରାସ୍ତାର ଦୂରାବସ୍ଥା । ଏହି ରାସ୍ତା ଦେଇ ଦୈନିକ ଶହ ଶହ ଗାଡ଼ି ଯାଆସ କରୁଛନ୍ତି । ହେଲେ ପ୍ରାୟ ବର୍ଷେ ହେଲା ରାସ୍ତାର ମରାମତି ହେଉନି । ଫଳରେ ତ୍ରିଶୂଳିଆ ଠାରୁ ବାଙ୍କୀ ପର୍ଯ୍ୟନ୍ତ ରାସ୍ତା ବେହାଲ ହୋଇପଡିଛି । ରାସ୍ତାର ଦୂରାବସ୍ଥା ପାଇଁ ଅନେକ ସମୟରେ ଛୋଟ ବଡ ଦୁର୍ଘଟଣା ଘଟୁଛି । ରାସ୍ତା ମରାମତି ପାଇଁ ସ୍ଥାନୀୟ ଲୋକେ ଅନେକ ଥର ବାଙ୍କୀ ପୂର୍ତ୍ତ ବିଭାଗର ଦୃଷ୍ଟି ଆକର୍ଷଣ କଲେଣି ହେଲେ ଫଳ ଶୂନ । …
ଏହି ରାସ୍ତା ଦେଇ ଦୈନିକ କଟକ ଓ ଭୁବନେଶ୍ବରରୁ ଅନୁଗୁଳ, ଢେଙ୍କାନାଳ ଓ ସମ୍ବଲପୁରକୁ ବହୁ ଗାଡ଼ି ଯାତାୟତ କରୁଛି। ହେଲେ ରାସ୍ତାର ଅବସ୍ଥା ସୁଧୁରିବାର ନାଁ ଧରୁନି । ବାଙ୍କୀ ପୂର୍ତ୍ତ ବିଭାଗ ସମସ୍ୟା ପ୍ରତି ଦୃଷ୍ଟିପାତ ନକରିବାରୁ କଟକ ଜିଲ୍ଲାପାଳଙ୍କ ନିକଟରେ ଦ୍ଵାରସ୍ଥ ହୋଇଥିଲେ ଅଞ୍ଚଳବାସୀ । ସମାଧାନର ପ୍ରତିଶୃତି ଦେଇଛନ୍ତି ଜିଲ୍ଲାପାଳ । ଜିଲ୍ଲାପାଳଙ୍କ ପ୍ରତିଶୃତି କେବେ କାର୍ଯ୍ୟକାରୀ ହେଉଛି ? ତାକୁ ହିଁ ଅପେକ୍ଷା ।
ମେଡିକାଲରେ ନାହାନ୍ତି ଆବଶ୍ୟକୀୟ ଡାକ୍ତର, ଖାଲିପଡ଼ିଛି ବିଶେଷଜ୍ଞ ପଦବୀ
କୋଣାର୍କ : ନାହିଁ ନାହିଁରେ ଚାଲିଛି ଅସ୍ତରଙ୍ଗ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର । ମେଡିକାଲରେ ନାହାନ୍ତି ଆବଶ୍ୟକୀୟ ଡାକ୍ତର । ଖାଲିପଡ଼ିଛି ବିଶେଷଜ୍ଞ ପଦ ପଦବୀ । ହନ୍ତସନ୍ତ ହେଉଛନ୍ତି ରୋଗୀ । ପ୍ରହସନ ପାଲଟିଛି ସୁସ୍ଥ ନାରୀ ଓ ସଶକ୍ତ ପରିବାର ଅଭିଯାନ। ପୁରୀ ଜିଲ୍ଲା ଅସ୍ତରଙ୍ଗ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଉପରେ ୧୫ ଗୋଟି ପଞ୍ଚାୟତର ଲୋକେ ନିର୍ଭର କରନ୍ତି । ହେଲେ ମେଡିକାଲରେ MBBS ଡାକ୍ତରଙ୍କୁ ଛାଡିଦେଲେ ଜଣେ ବି ସ୍ପେଶିଆଲିଷ୍ଟ ନାହାନ୍ତି । ଭେଷଜ, ଶଲ୍ୟ, ଶିଶୁ, ସ୍ତ୍ରୀ ଓ ପ୍ରସୂତି ବିଭାଗ ଭଳି ଗୁରୁତ୍ଵପୂର୍ଣ୍ଣ ବିଭାଗରେ ବିଶେଷଜ୍ଞ ପଦବୀ ଫାଙ୍କା ପଡିଛି । ମେଡିକାଲରେ ମାତ୍ର ୯ ଗୋଟି ଶଯ୍ୟା ରହିଛି । ଫଳରେ ଅନେକ ଗୁରୁତର ରୋଗୀଙ୍କୁ ବେଡ଼ ମିଳୁନାହିଁ । କଷ୍ଟ ଭୋଗୁଛନ୍ତି ସ୍ଥାନୀୟ ଅଞ୍ଚଳବାସୀ । ବାଧ୍ୟ ହୋଇ କିଛି ଲୋକ ଘରୋଇ ହସ୍ପିଟାଲ ମୁହାଁ ହେଲେଣି ।
ମେଡିକାଲ ଛାତରୁ ପ୍ଲାଷ୍ଟର ଖସିଗଲାଣି । ମେଡିକାଲରେ ଶବ ବାହକ ଗାଡିଟିଏ ନଥିବାରୁ ଗରିବ ଓ ଅସହାୟ ବ୍ୟକ୍ତି ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଖାଲି ସେତିକି ନୁହେଁ ମେଡିକାଲ ପରିସରରେ ହଜାର ହଜାର ଟଙ୍କା ବ୍ୟୟରେ ଲଗାଯାଇଥିବା ଔଷଧୀୟ ବୃକ୍ଷ ନଷ୍ଟ ହୋଇଗଲାଣି । ମେଡିକାଲରେ ଲାଗି ରହିଥିବା ସମସ୍ୟାକୁ ଦୃଷ୍ଟି ଦେଇ ପୂର୍ବ ସରକାର ମାଷ୍ଟର ପ୍ଲାନ ତିଆରି କରିଥିଲେ । ହସ୍ପିଟାଲ ସ୍ଥାନାନ୍ତର କରିବା ପାଇଁ ଜାଗା ଚିହ୍ନଟ କରିଥିଲେ । ହେଲେ ବିଜେପି ସରକାରରେ କାର୍ଯ୍ୟ ତ୍ଵରାନ୍ଵିତ ହୋଇପାରୁନି । ଯାହାକୁ ନେଇ ସାଧାରଣରେ ତୀବ୍ର ଅସନ୍ତୋଷ ଦେଖାଦେଇଛି । ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଦୀର୍ଘ ୧୦ ବର୍ଷରୁ ଉର୍ଦ୍ଧ୍ଵ ହେବ ଗୋଟିଏ ସ୍ଥାନରେ କୁଜି ନେତାଙ୍କ ଛତ୍ର ଛାୟା ତଳେ ରହି ଦୁର୍ନୀତି ଲିପ୍ତ ଥିବା ଅଭିଯୋଗ ହୋଇଛି । ତାଙ୍କୁ ତୁରନ୍ତ ମେଡ଼ିକାଲରୁ ଅନ୍ୟତ୍ର ବଦଳି କରାଯିବା ସହ ଭିତ୍ତିଭୂମି ସୁଦୃଢ କରିବାକୁ ଦାବି ହୋଇଛି ।
ହିଞ୍ଜିଳିକାଟୁରେ ବଢିବାରେ ଲାଗିଛି ମଶାଙ୍କ ପ୍ରାଦୁର୍ଭାବ, କଲବଲ ସହରବାସୀ
ହିଞ୍ଜିଳିକାଟୁ : ବଢୁଛି ମଶାଙ୍କ ପ୍ରାଦୁର୍ଭାବ । କଲବଲ ସହରବାସୀ । ମଶା ଦମନ କରିବାରେ ଫେଲ ମ୍ୟୁନିସିପାଲିଟି । ଟିକିଏ ନଜର ପକାନ୍ତୁ ଏ ଦୃଶ୍ୟ ଉପରେ କେମିତି ଚାରିଆଡ଼େ ପଡିଛି କୁଢକୁଢ ଅଳିଆ ଆବର୍ଜନା । ମୁକୁଳା ପଡିଛି ଡ୍ରେନ । ଏ ହେଉଛି ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ସହରର ଅବସ୍ଥା । ନା ଅଳିଆ ଆବର୍ଜନା ସଫା ହେଉଛି ନା ଡ୍ରେନରେ ସ୍ଲାପ ପଡୁଛି । ଫଳରେ ସହରରେ ମଶାଙ୍କ ପ୍ରାଦୁର୍ଭାବ ବଢିବାରେ ଲାଗିଛି । ଘରେ କିମ୍ବା ବାହାରେ ସବୁଠି ଭଣଭଣ ହେଉଛନ୍ତି ମଶା । ମଶାବତୀ ଓ ଲିକ୍ୟୁଡି ମଧ୍ୟ ଖାତିରି କରୁନାହାନ୍ତି ମଶା ପଲ । ସଞ୍ଜ ନଇଁବା କ୍ଷଣି ମଶା ଦାଉରୁ ବଞ୍ଚିବା ଲୋକଙ୍କ ପାଇଁ ମୁସ୍କିଲ ହୋଇପଡୁଛି । ହେଲେ ମ୍ୟୁନିସିପାଲିଟି ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଉନି । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସ୍ଥାନୀୟ ବୁଦ୍ଧିଜୀବୀ ।
ସହରର ୨୧ଟି ୱାର୍ଡର ସାହି ଓ ଗଳି କନ୍ଦିରେ ନିୟମିତ ଭାବେ ଡ୍ରେନ ସଫା ହେଉନଥିବାରୁ ମଶାଙ୍କ ପ୍ରାଦୁର୍ଭାବ ବଢିବାରେ ଲାଗିଛି । ମ୍ୟୁନିସିପାଲିଟି ପକ୍ଷରୁ ଲୋକ ଦେଖାଣିଆ ଭାବେ ଟିଫା ମେସିନରେ ଧୂଆଁ ଛଡାଯାଉଛି । ହେଲେ ସେଥିରେ କୌଣସି ଔଷଧୀୟ ସାମଗ୍ରୀ ମିଶୁନଥିବା ଅଭିଯୋଗ ହୋଇଛି । ସହରରେ ଡେଙ୍ଗୁ ଓ ମ୍ୟାଲେରିଆ ରୋଗ ବ୍ୟାପିବା ପୂର୍ବରୁ ମ୍ୟୁନିସିପାଲିଟି ପକ୍ଷରୁ ଡ୍ରେନ ସଫା କରାଯିବା ସହ ମଶା ତେଲ ସିଞ୍ଚନ କରିବାକୁ ଦାବି ହୋଇଛି । ଅନ୍ୟପଟେ ଏ ସଂପର୍କରେ କ୍ୟାମେରା ଆଗରେ ମୁହଁ ଖୋଲିଲେ ନାହିଁ ପୌର କାର୍ଯ୍ୟନିର୍ବାହୀ ଅଧିକାରୀ ।
ପାଠପଢ଼ା ଛାଡି ଘୋଡା ଚାଳନାରେ ଆଗ୍ରହ, ଜାଣନ୍ତୁ ୧୩ ବର୍ଷୀୟ କିମ୍ ଜୁ ଏଙ୍କ ବିଷୟରେ…
ନନ୍ଦିଘୋଷ ବ୍ୟୁରୋ ; ଉତ୍ତର କୋରିଆର କିମ୍ ଜଙ୍ଗ ଉନ୍ ତାଙ୍କର ୧୩ ବର୍ଷୀୟ ଝିଅ କିମ୍ ଜୁ-ଆଏଙ୍କୁ ତାଙ୍କର ଉତ୍ତରାଧିକାରୀ ଭାବରେ ନିଯୁକ୍ତ କରିବାକୁ ଯାଉଛନ୍ତି। ଦକ୍ଷିଣ କୋରିଆର ଗୁଇନ୍ଦା ସଂସ୍ଥା ଏ ବିଷୟରେ ସିଓଲର ଆଇନ ପ୍ରଣୟକମାନଙ୍କୁ ସୂଚନା ଦେଇଛି। କୁହାଯାଉଛି ଯେ କିମ୍ ଜଙ୍ଗ-ଉନ୍ ଆସନ୍ତା ମାସରେ ହେବାକୁ ଥିବା ଦଳର ସାଧାରଣ ବୈଠକରେ ଏ ସମ୍ପର୍କରେ ଏକ ବଡ଼ ଘୋଷଣା କରିପାରନ୍ତି। ୨୦୨୨ ମସିହାରେ, କିମ୍ ଜଙ୍ଗ-ଉନ୍ ତାଙ୍କ ଝିଅ ଜୁ-ଆଏଙ୍କୁ ପ୍ରଥମ ଥର ପାଇଁ ସାର୍ବଜନୀନ କରିଥିଲେ।
କିମ୍ ଜୁ ଏ ୨୦୧୩ ମସିହାରେ ଜନ୍ମଗ୍ରହଣ କରିଥିଲେ ଏବଂ ଅବସରପ୍ରାପ୍ତ ଆମେରିକୀୟ ବାସ୍କେଟବଲ୍ ଖେଳାଳି ଡେନିସ୍ ରୋଡମ୍ୟାନ୍ ତାଙ୍କୁ ପ୍ରଥମେ ଦୁନିଆ ଆଗରେ ପ୍ରକାଶ କରିଥିଲେ। ଡେନିସ୍ଙ୍କ ଅନୁସାରେ, ସେ କିମ୍ ଙ୍କ ଝିଅକୁ ମଧ୍ୟ ନିଜ କୋଳରେ ଧରିଥିଲେ।
ଉତ୍ତର କୋରିଆର ଜଣେ ଅନ୍ତର୍ନିହିତ ବ୍ୟକ୍ତିଙ୍କ ଅନୁସାରେ, କିମ୍ ଜଙ୍ଗ ଉନ୍ଙ୍କ ପରିବାରରେ ଶିକ୍ଷା ପ୍ରାଥମିକତା ନୁହେଁ। କିମ୍ ଜଙ୍ଗ ଉନ୍ କିମ୍ବା ତାଙ୍କ ବାପା କିମ୍ବା ଜେଜେବାପା ଉଚ୍ଚଶିକ୍ଷିତ ନଥିଲେ। ସ୍କୁଲ୍ ଯିବା ପରିବର୍ତ୍ତେ, କିମ୍ ଏକ ସାମରିକ-ପରିଚାଳିତ କଲେଜରେ ପଢ଼ିଥିଲେ, ଯେଉଁଠାରେ ସେ ଅସ୍ତ୍ରଶସ୍ତ୍ରର ଜଟିଳତା ଶିଖିଥିଲେ। କିମ୍ ଜଙ୍ଗ ଉନ୍ ପରି, ସେ ତାଙ୍କ ଝିଅକୁ ସ୍କୁଲ ପଠାନ୍ତି ନାହିଁ। ଯଦି କିମ୍ ଜୁ-ଏ ସ୍କୁଲରେ ପଢ଼ିଥାନ୍ତେ, ତେବେ ତାଙ୍କ କେଶ ଲମ୍ବା ହୋଇନଥାନ୍ତା, ଯେପରି ଉତ୍ତର କୋରିଆରେ ଯୁବତୀମାନଙ୍କୁ କାନ ତଳେ କେଶ ରଖିବାକୁ ଅନୁମତି ନାହିଁ। କିମ୍ ଜୁ-ଏ ତାଙ୍କର ପ୍ରାରମ୍ଭିକ ଶିକ୍ଷା ତାଙ୍କ ମାଆଙ୍କଠାରୁ ପାଇଥିଲେ।
ଏନଆଇଏସ ଅନୁଯାୟୀ, କିମ୍ ଜୁ ଏ ସ୍କିଇଂ ଏବଂ ଘୋଡା ଚାଳନାରେ ପ୍ରିୟ। କିମ୍ ଜୁ ଏ ଚଢ଼ିବାର ଅନେକ ଫଟୋ ଭାଇରାଲ ହୋଇଛି। କିମ୍ ପରିବାରରେ ଘୋଡା ଚାଳନକୁ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାର୍ଯ୍ୟକଳାପ ଭାବରେ ବିବେଚନା କରାଯାଏ। କିମ୍ ଜୋଙ୍ଗ ଉନ୍ ମଧ୍ୟ ଜଣେ ଆଗ୍ରହୀ ଘୋଡା ଚାଳନାକାରୀ। କିମ୍ ଜଙ୍ଗ ଉନ୍ ତାଙ୍କ ଝିଅକୁ କୂଟନୀତି ଏବଂ ଶିଷ୍ଟାଚାର ଶିଖାଇବାକୁ ମଧ୍ୟ ଚେଷ୍ଟା କରନ୍ତି। ଏହି କାରଣରୁ ସେ ତାଙ୍କୁ ପ୍ରତ୍ୟେକ ବଡ଼ କାର୍ଯ୍ୟକ୍ରମରେ, ଏପରିକି ଅସ୍ତ୍ରଶସ୍ତ୍ର ପରୀକ୍ଷାକୁ ମଧ୍ୟ ନେଇଯାଆନ୍ତି।
କିମ୍ ପରିବାର ବିଷୟରେ ଏପର୍ଯ୍ୟନ୍ତ ଉପଲବ୍ଧ ସୂଚନା ଅନୁଯାୟୀ, ସର୍ବୋଚ୍ଚ ନେତାଙ୍କର ତିନୋଟି ସନ୍ତାନ ଅଛନ୍ତି। ଗୋଟିଏ ଝିଅ ଏବଂ ଗୋଟିଏ ପୁଅ ବିଷୟରେ ସୂଚନା ଉପଲବ୍ଧ ହେଲେ ମଧ୍ୟ, ତୃତୀୟ ସନ୍ତାନର ଲିଙ୍ଗ ଅଜଣା। ପ୍ରଶ୍ନ ଉଠେ: କିମ୍ ପରିବାରରେ ପୁଅ ଥିବା ସତ୍ତ୍ୱେ, ଯିଏ ସର୍ବଦା ପୁରୁଷମାନଙ୍କୁ ସିଂହାସନ ଦେଇ ଆସିଛି, କାହିଁକି ଜଣେ ଝିଅକୁ ଉତ୍ତରାଧିକାରୀ ଭାବରେ ବାଛି ନିଆଯାଉଛି? NIS ROK ସଂସଦକୁ କହିଛି ଯେ କିମ୍ ଜଙ୍ଗଙ୍କ ବଡ଼ ସନ୍ତାନ ଜଣେ ପୁଅ ଯାହାକୁ ଅପ୍ରକାଶିତ ଅକ୍ଷମତା ଯୋଗୁଁ ସାଧାରଣ ଦୃଷ୍ଟିରୁ ଦୂରରେ ରଖାଯାଇଥିଲା। ଜଣେ ଅବସରପ୍ରାପ୍ତ NIS ପ୍ରଶାସକ ସମାନ ଦାବି କରିଛନ୍ତି। ସେ କହିଛନ୍ତି ଯେ କିମ୍ଙ୍କ ପୁଅ ବହୁତ ଦୁର୍ବଳ ଏବଂ ତେଣୁ ସେ ତାଙ୍କୁ ସାଧାରଣରେ ବାହାରକୁ ଆଣନ୍ତି ନାହିଁ।
ରୁଷ ଠାରୁ ଅଧିକ S-୪୦୦ କ୍ଷେପଣାସ୍ତ୍ର କିଣିବ ଭାରତ, ପ୍ରତିରକ୍ଷା ମନ୍ତ୍ରଣାଳୟର ମଞ୍ଜୁରୀ…
ନନ୍ଦିଘୋଷ ବ୍ୟୁରୋ : ଆହୁରି ବଢିବ ଭାରତର ଶକ୍ତି । ଭାରତ ରୁଷଠାରୁ ଅଧିକ S-୪୦୦ କ୍ଷେପଣାସ୍ତ୍ର କିଣିବ । ଭାରତ ଏହାର ସୀମାରେ ବଢ଼ୁଥିବା ଚ୍ୟାଲେଞ୍ଜର ମୁକାବିଲା ପାଇଁ ନିଜର ସାମରିକ କ୍ଷମତା ବୃଦ୍ଧି କରିବ । ପ୍ରତିରକ୍ଷା ମନ୍ତ୍ରୀଙ୍କ ଅଧ୍ୟକ୍ଷତାରେ ପ୍ରତିରକ୍ଷା ଅଧିଗ୍ରହଣ ପରିଷଦ (DAC) ରୁଷଠାରୁ ରାଫେଲ ଜେଟ୍ ଏବଂ ୨୮୮ଟି ଅତିରିକ୍ତ S-୪୦୦ ଭୂପୃଷ୍ଠରୁ ଆକାଶ କ୍ଷେପଣାସ୍ତ୍ର କ୍ରୟକୁ ଅନୁମୋଦନ କରିଛି।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ପ୍ରତିରକ୍ଷା ଅଧିଗ୍ରହଣ ପରିଷଦ ପ୍ରାୟ ୧୦,୦୦୦ କୋଟିରେ ରୁଷରୁ S-୪୦୦ କ୍ଷେପଣାସ୍ତ୍ର କ୍ରୟ ପାଇଁ ଆବଶ୍ୟକତାର ସ୍ୱୀକୃତି ପ୍ରଦାନ କରିଛି। କ୍ରୟ ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ ସମ୍ପୂର୍ଣ୍ଣ କ୍ରୟ ଫାଷ୍ଟ ଟ୍ରାକ୍ ପ୍ରକ୍ରିୟା ଅଧୀନରେ କରାଯିବ। ଏହି ସମୟରେ, ପୂର୍ବରୁ ସ୍ୱାକ୍ଷରିତ ଚୁକ୍ତିନାମା ଅନୁଯାୟୀ ଭାରତ ଚଳିତ ବର୍ଷ ଜୁନ୍ ଏବଂ ନଭେମ୍ବରରେ ଆଉ ଦୁଇଟି S-୪୦୦ ସିଷ୍ଟମ ପାଇବାର କାର୍ଯ୍ୟକ୍ରମ ରହିଛି।
ସୂତ୍ର ଅନୁଯାୟୀ, ଏହି ଚୁକ୍ତି ସମୟରେ ଭାରତ ରୁଷଠାରୁ ୧୨୦ଟି କ୍ଷୁଦ୍ର ଦୂରଗାମୀ କ୍ଷେପଣାସ୍ତ୍ର ଏବଂ ୧୬୮ଟି ଦୂରଗାମୀ କ୍ଷେପଣାସ୍ତ୍ର ହାସଲ କରିବ। ଗତ ବର୍ଷ ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ଦ୍ୱାରା ଆରମ୍ଭ ହୋଇଥିବା ଅପରେସନ ସିନ୍ଦୂର ପରେ ଏପରି କ୍ଷେପଣାସ୍ତ୍ରର ଆବଶ୍ୟକତା ଯଥେଷ୍ଟ ବୃଦ୍ଧି ପାଇଛି।
ଭାରତୀୟ ସେନା ମେ ୨୦୨୫ରେ ଅପରେସନ ସିନ୍ଦୂର ସମୟରେ S-୪୦୦ ସିଷ୍ଟମର ବ୍ୟାପକ ବ୍ୟବହାର କରିଥିଲା। ୪୦୦ କିଲୋମିଟର, ୨୦୦ କିଲୋମିଟର, ୧୫୦ କିଲୋମିଟର ଏବଂ ୪୦କିଲୋମିଟର ଦୂରତା ବିଶିଷ୍ଟ ଏହି କ୍ଷେପଣାସ୍ତ୍ରଗୁଡ଼ିକୁ ଶତ୍ରୁ ପକ୍ଷର ଯୁଦ୍ଧ ବିମାନ, AWACS, ଗୁଇନ୍ଦା ବିମାନ ଏବଂ ଡ୍ରୋନଗୁଡ଼ିକୁ ଅଟକାଇବା ପାଇଁ ବ୍ୟବହାର କରାଯାଇଥିଲା। ଭାରତ ପାକିସ୍ତାନର ପଞ୍ଜାବ ପ୍ରଦେଶରେ ୩୧୪ କିଲୋମିଟର ଦୂରରେ S-୪୦୦ ଦୂରଗାମୀ କ୍ଷେପଣାସ୍ତ୍ର ସାହାଯ୍ୟରେ ଏକ ବଡ଼ ବିମାନକୁ ମଧ୍ୟ ଟାର୍ଗେଟ କରିଥିଲା, ଯାହା ଫଳରେ ପାକିସ୍ତାନକୁ ଏହାର ଅନେକ ବିମାନ ପଶ୍ଚିମ କ୍ଷେତ୍ରକୁ ସ୍ଥାନାନ୍ତର କରିବାକୁ ବାଧ୍ୟ କରିଥିଲା।
ଭାରତୀୟ ବାୟୁସେନା ରୁଷଠାରୁ ଆହୁରି ପାଞ୍ଚଟି S୪୦୦ ସିଷ୍ଟମ ଏବଂ ପାଣ୍ଟସିର ସର୍ଟ ରେଞ୍ଜ ଏୟାର ଡିଫେନ୍ସ ସିଷ୍ଟମ କିଣିବା ବିଷୟରେ ବିଚାର କରୁଛି। ପାଣ୍ଟସିର ସିଷ୍ଟମଟି ବିଶେଷ ଭାବରେ ସଶସ୍ତ୍ର ଏବଂ କାମିକାଜେ ଡ୍ରୋନକୁ ଗୁଳି କରି ଖସାଇ ଦେବା ପାଇଁ ଡିଜାଇନ୍ କରାଯାଇଛି। S-୪୦୦ ଏବଂ ପାଣ୍ଟସିର ମିଶ୍ରଣ ଭାରତକୁ ସୀମା ପାରରୁ ବାୟୁ ବିପଦକୁ ନିରପେକ୍ଷ କରିବାରେ ସକ୍ଷମ ଏକ ଦୃଢ଼ ସ୍ତରଯୁକ୍ତ ବାୟୁ ପ୍ରତିରକ୍ଷା କବଚ ତିଆରି କରିବାକୁ ଅନୁମତି ଦେବ।
ଋଷିଆର S-୪୦୦ ସିଷ୍ଟମ ୪୦୦ କିଲୋମିଟର ପର୍ଯ୍ୟନ୍ତ ଦୂରତାରେ ଶତ୍ରୁ ବିମାନ, ବାଲିଷ୍ଟିକ୍ କ୍ଷେପଣାସ୍ତ୍ର ଏବଂ ଡ୍ରୋନକୁ ଟ୍ରାକିଂ ଏବଂ ଧ୍ୱଂସ କରିବାରେ ସକ୍ଷମ। ଏହାର ଅନନ୍ୟ କ୍ଷମତା ହେଉଛି ଏକକାଳୀନ ଅନେକ ଲକ୍ଷ୍ୟକୁ ଟାର୍ଗେଟ କରିବାର କ୍ଷମତା। ଏହାକୁ ଭାରତର ବହୁ-ସ୍ତରୀୟ ବାୟୁ ପ୍ରତିରକ୍ଷା ପ୍ରଣାଳୀର ମେରୁଦଣ୍ଡ ବୋଲି ବିବେଚନା କରାଯାଏ। ଏହି ନୂତନ କ୍ରୟ ସହିତ, ଭାରତ ଏହାର ବାୟୁ ସୀମାର ସୁରକ୍ଷାକୁ ଆହୁରି ସୁଦୃଢ଼ କରିବା ପାଇଁ ଆଗକୁ ବଢ଼ିଛି। ପୂର୍ବରୁ, ଗୁରୁବାର ଦିନ, ପ୍ରତିରକ୍ଷା ମନ୍ତ୍ରଣାଳୟ ଫ୍ରାନ୍ସରୁ ୧୧୪ଟି ରାଫେଲ ଯୁଦ୍ଧ ବିମାନ କ୍ରୟକୁ ଅନୁମୋଦନ କରିଥିଲା।
ଛାତ୍ରୀଙ୍କୁ ଅଶାଳୀନ ବ୍ୟବହାର ପଡିଲା ମହଙ୍ଗା, ବନ୍ଧା ହେଲା ରୋଡ ରୋମିଓ
ବାଲିପାଟଣା : ପାନେ ପାଇଲା ରୋଡ ରୋମିଓ । ରାଜଧାନୀ ଉପକଣ୍ଠ ବାଲିପାଟଣା ଥାନା ଅଂଚଳରେ କଲେଜ ଛାତ୍ରୀଙ୍କୁ ଅଶ୍ଳିଳ ଇଙ୍ଗିତ ସହ ଅଶାଳୀନ ବ୍ୟବହାର କରିବା ପଡିଲା ମହଙ୍ଗା। ଗଛରେ ବନ୍ଧା ହେଲା ରୋଡ ରୋମିଓ । ମାଣିକ ସାହିର କିଛି କଲେଜ ଛାତ୍ରୀ କେନାଲ ବନ୍ଧ ରାସ୍ତାରେ ନିମାପଡ଼ା ସ୍ଥିତ ଏକ ଘରୋଇ କୋଚିଙ୍ଗ ସେଣ୍ଟରକୁ ପଢିବାକୁ ଯାଉଥିଲେ । ପୂର୍ବରୁ ଜଣେ ଯୁବକ ପଦ୍ମପୁର ନିକଟରେ ଲୁଚି ରହିଥିଲା । ଛାତ୍ରୀ ମାନଙ୍କୁ ଦେଖି ଅଭିଯୁକ୍ତ ଅଶ୍ଳିଳ ଇଙ୍ଗିତ କରିବା ସହ ଦୁର୍ବ୍ୟବହାର କରିଥିଲା । ଛାତ୍ରୀ ମାନେ ଚିତ୍କାର କରିବାରୁ ସ୍ଥାନୀୟ ଲୋକ ଘଟଣାସ୍ଥଳରେ ପହଁଞ୍ଚି ଅଭିଯୁକ୍ତକୁ କାବୁ କରିଥିଲେ । ଅଭିଯୁକ୍ତ ନିମାପଡ଼ାର ହେମନ୍ତ ନାୟକକୁ ସ୍ଥାନୀୟ ଲୋକେ ଏକ ଗଛ ରେ ବାନ୍ଧି ପୋଲିସକୁ ଖବର ଦେଇଥିଲେ । ବାଲିପାଟଣା ଥାନା ପୋଲିସ ଘଟଣାସ୍ଥଳରେ ପହଁଞ୍ଚି ରୋଡ ରୋମିଓକୁ ଥାନାରେ ଅଟକ ରଖିଛି । ତେବେ ଏହି ରୋଡ ରୋମିଓ ବାରମ୍ବାର ଛାତ୍ରୀ ମାନଙ୍କୁ ଏକୁଟିଆ ଦେଖି ଅଶାଳୀନ ବ୍ୟବହାର କରୁଥିବା ଛାତ୍ରୀ ମାନେ ଅଭିଯୋଗ କରିଛନ୍ତି ।
ବାଂଲାଦେଶରେ ବେଗମ ଶାସନର ଅନ୍ତ, ତାରିକ ରେହମାନ ହୋଇପାରନ୍ତି ବାଂଲାଦେଶର ପରବର୍ତ୍ତୀ ପ୍ରଧାନମନ୍ତ୍ରୀ
ନନ୍ଦିଘୋଷ ବ୍ୟୁରୋ ; ବାଂଲାଦେଶରେ ବେଗମ ଶାସନର ଅନ୍ତ। ଏବେ ଜଣେ ପୁରୁଷ ଧରିବେ ମଙ୍ଗ। ବିଏନପି ଦଳର ତାରିକ ରେହମାନ ହୋଇପାରନ୍ତି ବାଂଲାଦେଶର ପରବର୍ତ୍ତୀ ପ୍ରଧାନମନ୍ତ୍ରୀ। ବାଂଲାଦେଶ ନିର୍ବାଚନରେ ତାଙ୍କର ଦଳ ନ୍ୟାସନାଲିଷ୍ଟ ପାର୍ଟି, ବିଏନପି ର ବୃହତ ବିଜୟ । ୨୫ ବର୍ଷ ପରେ ପୁଣି କ୍ଷମତାକୁ ଫେରିଛି ବିଏନପି। ୩୦୦ ଆସନ ମଧ୍ୟରୁ ୨୦୦ରୁ ଅଧିକ ଆସନରେ ଆଗୁଆ ଅଛି ଏହି ଦଳର ମେଣ୍ଟ। ବିଜୟ ଏକରକମର ପକ୍କା। ଏହି ଦଳ ସରକାର ଗଠନ କରିବାକୁ ଯାଉଛି। ଦଳର ମୁଖ୍ୟ ତାରିକ ରେହମାନ ଦୁଇଟି ଆସନରୁ ବିଜୟୀ ହୋଇଛନ୍ତି। କୌଣସି ବିଜୟ ଶୋଭାଯାତ୍ରା ନ କରିବାକୁ ସେ ଦଳର କର୍ମୀ ଓ ନେତାମାନଙ୍କୁ ନିର୍ଦ୍ଦେଶ ଦେଇଛନ୍ତି। ତା ବଦଳରେ ହେବ ପ୍ରାର୍ଥନା। ନାଗରିକଙ୍କ ସୁରକ୍ଷା ତାଙ୍କର ପ୍ରାଥମିକତା ହେବ ବୋଲି କହିଛନ୍ତି ତାରିକ। ୩୦୦ ଆସନ ବିଶିଷ୍ଟ ବାଂଲାଦେଶ ପାର୍ଲାମେଣ୍ଟର ୨୯୯ ଆସନରେ ଭୋଟ ହୋଇଥିଲା। ଗୋଟିଏ ଆସନରେ ଜଣେ ପ୍ରାର୍ଥୀଙ୍କ ମୃତ୍ଯୁ ହେବାରୁ ସେହି ଆସନରେ ଭୋଟ ହୋଇନାହିଁ। ଦ୍ଵିତୀୟ ସ୍ଥାନରେ ରହିଛି ଜମାତ ଇ ଇସଲାମିର ମେଣ୍ଟ। ଏହାର ଶୋଚନୀୟ ପରାଜୟ ହୋଇଛି। ଏହି ନିର୍ବାଚନରେ ଭାଗ ନେଇପାରିନାହିଁ ଆୱାମି ଲିଗ୍। କାରଣ ୟୁନୁସଙ୍କ ନେତୃତ୍ଵାଧୀନ ମଧ୍ୟବର୍ତ୍ତୀକାଳୀନ ସରକାର ଆବାମି ଲିଗ୍ କୁ ବ୍ୟାନ କରିଥିଲେ। ଏହି ନିର୍ବାଚନକୁ ବେଆଇନ କହି ଅସିଦ୍ଧ ଘୋଷଣା କରିବାକୁ ଦାବି କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନା । ୨୦୨୪ ଛାତ୍ର ଆନ୍ଦୋଳନରେ ହସିନାଙ୍କ ସରକାର ଭାଙ୍ଗିଥିଲା। ଦେଶରେ ବ୍ୟାପକ ହିଂସାକାଣ୍ଡ ହୋଇଥିଲା । ଶହ ଶହ ଲୋକଙ୍କ ମୃତ୍ଯୁ ସାଙ୍ଗକୁ ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ହସିନା ସରକାରର ପତନ ପରେ ସେଠାରେ ସଂଖ୍ୟାଲଘଙ୍କ ଉପରେ ବଢ଼ିଥିଲା ଆକ୍ରମଣ । ତେବେ ଗତ ଡିସେମ୍ଵର ମାସରେ ଦେଶକୁ ଫେରି ନିର୍ବାଚନରେ ଭାଗ ନେଇଥିଲେ ତାରିକ ରେହମାନ । ସେ ହେଉଛନ୍ତି ପୂର୍ବତନ ପ୍ରଧାନମନ୍ତ୍ରୀ ଖାଲେଦା ଜିଆଙ୍କ ପୁଅ। ଡିସେମ୍ଵରରେ ମାଆଙ୍କ ମୃତ୍ୟୁ ପରେ ସେ ଦଳର ନେତୃତ୍ଵ ନେଉଛନ୍ତି। ଏବେ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ବହୁ ବର୍ଷ ଧରି ବାଂଲାଦେଶରେ ଦୁଇ ମହିଳା ନେତ୍ରୀଙ୍କ ଦବଦବା ରହିଥିଲା। ଆବାମି ଲିଗ୍ ର ଶେଖ ହସିନା ଓ ବିଏନପିର ଖାଲେଦା ଜିଆଙ୍କ ପ୍ରାଧାନ୍ଯ ରହିଥିଲା । ଖାଲେଦା ଆରପାରିକି ଚାଲି ଯାଇଥିବା ବେଳେ ଦେଶରୁ ପଳାୟନ କରି ଭାରତରେ ରହୁଛନ୍ତି ହସିନା। ବହୁ ବର୍ଷରେ ବାଂଲାଦେଶର ରାଜନୀତି ଓ ଶାସନ ଜଣେ ପୁରୁଷ ହାତକୁ ଯିବ।
ବ୍ୟାଣ୍ଡ ବଜାଉଥିବା ଜଣେ ନାବାଳକକୁ ଗୁଳିମାଡ, ହସ୍ପିଟାଲରେ ହଙ୍ଗାମା…
ନନ୍ଦିଘୋଷ ବ୍ୟୁରୋ : ମଧ୍ୟପ୍ରଦେଶର ସାଗରର ମୋତି ନଗର ଥାନା ଅଞ୍ଚଳର ଗୋଲା କୁଆଁ ନିକଟରେ ଗୁରୁବାର ବିଳମ୍ବିତ ରାତିରେ ଜଣେ ନାବାଳକକୁ ଗୁଳି କରି ହତ୍ୟା କରାଯାଇଛି । ଏହି ଘଟଣାରେ ପରେ ମୃତକଙ୍କ ପରିବାର ମୋତି ନଗର ଥାନା ସମ୍ମୁଖରେ ପ୍ରତିବାଦ କରିଛନ୍ତି। ବୁନ୍ଦେଲଖଣ୍ଡ ମେଡିକାଲ କଲେଜରେ ମଧ୍ୟ ଉତ୍ତେଜନା ପ୍ରକାଶ ପାଇଛି।
ଏକ ବିବାହ ଉତ୍ସବ ସମୟରେ, ବିବାହ ଶୋଭାଯାତ୍ରାରେ ବ୍ୟାଣ୍ଡ ବଜାଇବାକୁ ଆସିଥିବା ଷ୍ଟେସନ ଅଞ୍ଚଳର ୧୭ ବର୍ଷୀୟ ବାସିନ୍ଦା ବିବେକ ବଂଶଲଙ୍କ ଉପରେ ରାଇଫଲରୁ ଗୁଳି ବାଜିଥିଲା। ତାଙ୍କୁ ତୁରନ୍ତ ବୁନ୍ଦେଲଖଣ୍ଡ ମେଡିକାଲ କଲେଜକୁ ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ମୃତ୍ୟୁ ପରେ, ମୃତକଙ୍କ ସମ୍ପର୍କୀୟମାନେ ମେଡିକାଲ କଲେଜରେ ହଙ୍ଗାମା କରିଥିଲେ। ପରିସ୍ଥିତି ନିୟନ୍ତ୍ରଣ କରିବା ପାଇଁ ଏକ ବଡ଼ ପୋଲିସ ଫୋର୍ସ ପହଞ୍ଚିଥିଲା। ଏହି ସମୟରେ, ମୃତକଙ୍କ ସମ୍ପର୍କୀୟମାନେ ମୋତି ନଗର ପୋଲିସ ଷ୍ଟେସନ ସମ୍ମୁଖରେ ସମସ୍ତ ବ୍ୟାଣ୍ଡ ଉପକରଣ ରାସ୍ତାରେ ରଖି ଅଭିଯୁକ୍ତଙ୍କୁ ଗିରଫ କରିବାକୁ ଦାବି କରିଥିଲେ। ଘଟଣାସ୍ଥଳରେ ପହଞ୍ଚିଥିବା ସିଏସପି ଏବଂ ଅନ୍ୟ ପୋଲିସ ଅଧିକାରୀମାନେ ପରିବାରକୁ ପରାମର୍ଶ ଦେଇଥିଲେ ଏବଂ ଅଭିଯୁକ୍ତଙ୍କୁ ଚିହ୍ନଟ କରି ତାଙ୍କୁ ହେପାଜତକୁ ନେଇଥିବା ଦାବି କରିଥିଲେ।
ମୃତକଙ୍କ ବନ୍ଧୁମାନେ କହିଛନ୍ତି ଯେ ସୋନି ପରିବାରର ବିବାହ ଶୋଭାଯାତ୍ରା ହୋଟେଲ ସାଗର ସରୋଜରେ ଥିଲାବେଳେ ହଠାତ୍ ଗୁଳି ବାଜିଲା ଏବଂ ବିବେକ ତଳେ ପଡ଼ିଗଲେ। ତାଙ୍କ ଶରୀରରୁ ରକ୍ତ ବାହାରୁଥିବା ଦେଖି ତାଙ୍କ ବନ୍ଧୁମାନେ ତୁରନ୍ତ ତାଙ୍କୁ ବଡ଼ ବଜାରର ଏକ ଘରୋଇ ହସ୍ପିଟାଲକୁ ନେଇଗଲେ, ଯେଉଁଠାରୁ ତାଙ୍କୁ ବିଏମସିକୁ ସ୍ଥାନାନ୍ତର କରାଯାଇଥିଲା। ସେଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ମୃତକଙ୍କ ବନ୍ଧୁମାନେ କହିଛନ୍ତି ଯେ ବିବେକ ପରିବାରର ଏକମାତ୍ର ପୁଅ ଥିଲେ।
ଉଲ୍ଲେଖନୀୟ ଯେ ମୋତି ନଗର ପୋଲିସ ଷ୍ଟେସନ ଅଞ୍ଚଳରେ ଚାରି ଦିନ ମଧ୍ୟରେ ଏହା ଦ୍ୱିତୀୟ ହତ୍ୟାକାଣ୍ଡ। ପୂର୍ବରୁ, ଧର୍ମଶ୍ରୀରେ ପଡ଼ୋଶୀମାନେ ସମ୍ପତ୍ତି ବିବାଦକୁ ନେଇ ଜଣେ ମଧ୍ୟବୟସ୍କ ବ୍ୟକ୍ତିଙ୍କୁ ବାଡ଼ିରେ ପିଟି ହତ୍ୟା କରିଥିଲେ। ଗୁରୁବାର ଗୁଳିକାଣ୍ଡ ପରେ, ପୋଲିସ ବିବାହ ଶୋଭାଯାତ୍ରା ସମୟରେ କାର୍ଯ୍ୟ କରୁଥିବା କ୍ୟାମେରାର ଫୁଟେଜ୍ ଯାଞ୍ଚ କରୁଛି। ଖବର ମିଳିଛି ଯେ ଶୋଭାଯାତ୍ରାରେ ଅଂଶଗ୍ରହଣକାରୀମାନେ ଅଭିଯୁକ୍ତ ଗୁଳିକାଣ୍ଡକାରୀଙ୍କୁ ଧରି ପୋଲିସକୁ ହସ୍ତାନ୍ତର କରିଛନ୍ତି
ସହି ପରିଲାନି ବିଶ୍ୱାସଘାତକତା, ପ୍ରେମିକର ଘର ଦୁଆରେ ବିଷ ପିଇଲା ପ୍ରେମିକା
ନନ୍ଦିଘୋଷ ବ୍ୟୁରୋ ; ବିଶ୍ୱାସଘାତକତା ପାଇଁ ଜୀବନ ହାରିଲେ । ପ୍ରେମ ସପ୍ତାହରେ ପ୍ରେମିକାର ମୃତ୍ୟୁ । ବିଶ୍ୱାସଘାତକତା ସହି ନ ପାରି ପ୍ରେମିକର ଘର ଦୁଆରେ ବିଷ ପିଇଲା ପ୍ରେମିକା । ଏମିତି ଘଟଣା ଦେଖିବାକୁ ମିଳିଛି । ଉତ୍ତର ପ୍ରଦେଶର ଇଟାୱା ଜିଲ୍ଲାର ଭର୍ଥନା ସହରରେ ଏକ ଚାଞ୍ଚଲ୍ୟକର ଘଟଣା ଘଟିଛି। ପ୍ରେମ ସମ୍ପର୍କ ପରେ ପ୍ରେମିକ ବିବାହ କରିବାକୁ ମନା କରିବାରୁ ଜଣେ ୨୨ ବର୍ଷୀୟା ଯୁବତୀ ବିଷ ପିଇ ଜୀବନ ହାରିବାକୁ ଚେଷ୍ଟା କରିଥିଲେ। ତାଙ୍କ ଅବସ୍ଥା ଖରାପ ହେବା ପରେ, ତାଙ୍କ ପରିବାର ତାଙ୍କୁ ତୁରନ୍ତ ଏକ ସମ୍ପ୍ରଦାୟ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ, ଯେଉଁଠାରେ ପ୍ରାଥମିକ ଚିକିତ୍ସା ପରେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ଡାକ୍ତରଖାନାକୁ ରେଫର କରାଯାଇଥିଲା।
ମହିଳା ଜଣକ ଯୁବକଙ୍କ ବିରୋଧରେ ବିବାହର ମିଥ୍ୟା ପ୍ରତିଶ୍ରୁତି ଦେଇ ତାଙ୍କୁ ଶୋଷଣ ଏବଂ ଧମକ ଦେଉଥିବା ଅଭିଯୋଗ କରିଛନ୍ତି। ପୀଡିତାଙ୍କ ଅଭିଯୋଗକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି। ମୂଳତଃ ଇକଡିଲ ଅଞ୍ଚଳର ଏହି ମହିଳା ବର୍ତ୍ତମାନ ଭର୍ଥନା ସହରରେ ରୁହନ୍ତି। ପ୍ରାୟ ଦୁଇ ବର୍ଷ ପୂର୍ବେ ସେ ସୋସିଆଲ ମିଡିଆ ମାଧ୍ୟମରେ ବ୍ରଜରାଜ ନଗରର ଜଣେ ଯୁବକଙ୍କୁ ଭେଟିଥିଲେ। ପ୍ରାରମ୍ଭରେ ସେମାନଙ୍କ ମଧ୍ୟରେ ସାଧାରଣ କଥାବାର୍ତ୍ତା ହେଉଥିଲା, କିନ୍ତୁ ଧୀରେ ଧୀରେ ନିକଟତର ହୋଇଉଠିଥିଲା।
ମହିଳା ଜଣକ ଦାବି କରିଛନ୍ତି ଯେ ପୁରୁଷ ଜଣକ ତାଙ୍କୁ ବିବାହ କରିବାକୁ ପ୍ରତିଶ୍ରୁତି ଦେଇଥିଲେ। ଏହି ବିଶ୍ୱାସ ଉପରେ ସେ ସମ୍ପର୍କରେ ରହିଥିଲେ। ତାଙ୍କ ପରିବାର ଅନୁଯାୟୀ, ମହିଳାଙ୍କ ତାଙ୍କ ଉପରେ ପୂର୍ଣ୍ଣ ବିଶ୍ୱାସ ଥିଲା ଏବଂ ସେମାନେ ସେମାନଙ୍କ ଭବିଷ୍ୟତ ପ୍ରତି ଗମ୍ଭୀର ଥିଲେ। ତେଣୁ, ଯେତେବେଳେ ସେ ତାଙ୍କୁ ବିବାହ କରିବାକୁ ମନା କଲେ, ସେ ଗଭୀର ଭାବରେ ମର୍ମାହତ ହୋଇଗଲେ।
ରିପୋର୍ଟ ଅନୁଯାୟୀ ମହିଳା ଜଣକ ପୁରୁଷଙ୍କ ସହ ପୁଣି ଥରେ ବିବାହ ପ୍ରସଙ୍ଗ ଉଠାଇଥିଲେ। ଗତକାଲି ରାତିରେ ସେମାନଙ୍କର ଫୋନ୍ରେ ଲମ୍ବା କଥାବାର୍ତ୍ତା ହୋଇଥିଲା। ମହିଳା ଜଣକ ଅଭିଯୋଗ କରିଛନ୍ତି ଯେ ପାରିବାରିକ କାରଣ ଦର୍ଶାଇ ପୁରୁଷ ଜଣକ ତାଙ୍କୁ ବିବାହ କରିବାକୁ ସିଧାସଳଖ ମନା କରିଦେଇଥିଲେ।
ଯୁବତୀ ଜଣକ ସିଧା ତାଙ୍କ ଘରକୁ ଚାଲିଗଲେ। ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ଏବଂ ହଙ୍ଗାମା ଆରମ୍ଭ ହୋଇଗଲା। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ସମୟ ମଧ୍ୟରେ ଯୁବତୀ ଜଣକ ଘର ବାହାରେ ଏକ ବିଷାକ୍ତ ପଦାର୍ଥ ପିଇ ଦେଇଥିଲେ। କିଛି ମିନିଟ୍ ମଧ୍ୟରେ ତାଙ୍କ ଅବସ୍ଥା ଖରାପ ହୋଇଗଲା। ସୂଚନା ପାଇବା ପରେ ତାଙ୍କ ପରିବାର ଲୋକ ତାଙ୍କୁ ତୁରନ୍ତ ଆମ୍ବୁଲାନ୍ସରେ ସାମୁଦାୟିକ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ। ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କ ଅବସ୍ଥା ଗୁରୁତର ଘୋଷଣା କରି ଜିଲ୍ଲା ଡାକ୍ତରଖାନାକୁ ରେଫର କରିଥିଲେ।
ପୀଡିତା କହିଛନ୍ତି ଯେ ଯୁବକଙ୍କ ପରିବାର ତାଙ୍କୁ ଧମକ ଦେଉଥିଲେ, ଯେତେବେଳେ ସେ ବ୍ୟକ୍ତିଗତ ଭାବରେ ତାଙ୍କୁ ବିବାହ କରିବାକୁ ପ୍ରତିଶ୍ରୁତି ଦେଇଥିଲେ। ମହିଳା କହିଛନ୍ତି ଯେ ଫେବୃଆରୀ ୧୦ ତାରିଖରେ ସେ କାର୍ଯ୍ୟାନୁଷ୍ଠାନ ଦାବି କରି ପୋଲିସ ଷ୍ଟେସନରେ ଏକ ଆବେଦନ ଦାଖଲ କରିଥିଲେ। ସେ ଅଭିଯୋଗ କରିଛନ୍ତି ଯେ ତାଙ୍କ ଅଭିଯୋଗ ସତ୍ତ୍ୱେ, କୌଣସି ଠୋସ୍ କାର୍ଯ୍ୟାନୁଷ୍ଠାନ ନିଆଯାଇ ନଥିଲା।
ମହିଳା ଜଣକ କହିଛନ୍ତି ଯେ ସବୁ ଦିଗରୁ ନିରାଶା ଏବଂ ଯୁବକଙ୍କ ପ୍ରଚାର ପରେ ସେ ମାନସିକ ଭାଙ୍ଗିପଡ଼ିଥିଲେ। ଏହି ଚାପରେ ସେ ଏହି ବିପଦପୂର୍ଣ୍ଣ ପଦକ୍ଷେପ ନେଇଥିଲେ। ପୋଲିସ କହିଛି ଯେ ସେମାନେ ଏହି ମାମଲା ଉପରେ ନଜର ରଖିଛନ୍ତି ଏବଂ ତଦନ୍ତ ପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବେ।