ନନ୍ଦିଘୋଷ ବ୍ୟୁରୋ: ରାଜଧାନୀରେ କାୟା ମେଲାଇଲାଣି ଜଣ୍ଡିସ । ଖାସ୍ କରି ଶିକ୍ଷାନୁଷ୍ଠାନ ଗୁଡ଼ିକର ହଷ୍ଟେଲ ଏବଂ ଆପାର୍ଟମେଣ୍ଟରେ ଏହା ବ୍ୟାପିବାରେ ଲାଗୁଛି । ରାଜ୍ୟର ଅଗ୍ରଣୀ ଶିକ୍ଷାନୁଷ୍ଠାନ ଓୟୁଏଟିରେ ଜଣ୍ଡିସ ବହୁ ମାତ୍ରାରେ ବ୍ୟାପିଛି । ହେଲେ ଏହାକୁ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଲୁଚାଉଥିବାରୁ ସ୍ବାସ୍ଥ୍ୟ ବିଭାଗ କଡ଼ା ତାଗିଦ କରିଛି । ସ୍ବାସ୍ଥ୍ୟ ବିଭାଗର ଟିମ୍ ଓୟୁଏଟିର କୋଣଅନୁକୋଣ ଯାଞ୍ଚ କରିଛନ୍ତି । ଖୁବ୍ ଶୀଘ୍ର ଓ୍ବାଟକୋ ଆସି ଏଠାରେ ପାଣି ନମୁନା ପରୀକ୍ଷା କରିବ । ଓୟୁଏଟି ହଷ୍ଟେଲ ଓ ଗାଡ଼କୋଣରୁ ଜଣ୍ଡିସ ଖବର ପାଇବା ପରେ ସିଟି ହେଲଥ ୟୁନିଟର ଟିମ ଘଟଣାସ୍ଥଳକୁ ଯାଇ ରୋଗୀଙ୍କ ସଂଖ୍ୟା ଅନୁଧ୍ୟାନ କରିଛନ୍ତି । ହେଲେ ଜଣ୍ଡିସ ବ୍ୟାପିବା ଦିନଠାରୁ ଓୟୁଏଟି ଏହାକୁ ଚପାଇବାକୁ ଚେଷ୍ଟା କରିଥିବାରୁ ଚିନ୍ତା ବଢିଯାଇଛି । ସେପଟେ ଓୟୁଏଟି କର୍ତ୍ତୃପକ୍ଷଙ୍କୁ କଡ଼ା ତାଗିଦ କଲେ ଭୁବନେଶ୍ବର ଏଡିୟୁପିଏଚଓ ଡାକ୍ତର ନୀଳମଣି ସେନାପତି । ଏତେ ଦିନରୁ ଲେଡିଜ୍ ହଷ୍ଟେଲରେ ଜଣ୍ଡିସ ବ୍ୟାପିଲାଣି । ହେଲେ ସ୍ବାସ୍ଥ୍ୟ ବିଭାଗକୁ ଖବର ଦେଇ ନଥିଲା ଓୟୁଏଟି । ଏହି ଘଟଣାକୁ ନ ଚପାଇବାକୁ ଏଡିୟୁପିଏଚଓ ପରାମର୍ଶ ଦେଇଛନ୍ତି । କାରଣ ଲୁଚାଇଲେ ଏହା ଆହୁରି ବ୍ୟାପିବ । ଘଟଣା ଜାଣିଲେ ଯାଇ ତା ନିରାକରଣ ହୋଇପାରିବ । ଏ ଯାଏଁ ଓୟୁଏଟିର ୧୨ ଜଣ ଛାତ୍ରୀଙ୍କୁ ଜଣ୍ଡିସ ହୋଇଥିବା ଖବର ମିଳିଛି । ହେଲେ ଓୟୁଏଟି ୪ ଜଣଙ୍କୁ ଜଣ୍ଡିସ ହୋଇଥିବା କହିବାରୁ ସ୍ବାସ୍ଥ୍ୟ ବିଭାଗ ଟିମ ସେଠାରେ ପହଂଚି ଯାଞ୍ଚ କରିଛନ୍ତି । ହଷ୍ଟେଲର ପ୍ରତି ରୁମ ଯାଞ୍ଚ ହେବା ସହ ଏପିଡେମୋଲୋଜିଷ୍ଟ ଓ ମାଇକ୍ରୋ ଵୟୋଲୋଜିଷ୍ଟଙ୍କ ସହଯୋଗ ନିଆଯାଉଛି । ଓୟୁଏଟି ପକ୍ଷରୁ ପାଣି ପରୀକ୍ଷା ପାଇଁ ୱାଟକୋକୁ ଚିଠି କରାଯିବ । ଏଡିୟୁପିଏଚଓ ମଧ୍ୟ ୱାଟକୋକୁ ଚିଠି କରିବେ ।
ଆଇସିସିକୁ ଏମିତି ଚିଠି ଲେଖିଲା ପିସିବି, କହିଲା ଯଦି ଭାରତ ନଆସେ ତାହେଲେ..
ନନ୍ଦିଘୋଷ ବ୍ୟୁରୋ: ଚାମ୍ପିୟନ୍ସ ଟ୍ରଫି ୨୦୨୫କୁ ନେଇ ଗଣମାଧ୍ୟମରେ ଥମିବାର ନାଁ ନେଉନି ଚର୍ଚ୍ଚା । ପାକିସ୍ତାନ ଏହି ଟୁର୍ଣ୍ଣମେଣ୍ଟ ଆୟୋଜନ କରୁଥିବାବେଳେ ଭାରତ ଯିବାକୁ ସିଧାସଳଖ ମନା କରି ଦେଇଛି । ତେବେ ହାଇବ୍ରିଡ୍ ମଡେଲରେ ମ୍ୟାଚ ଅନୁଷ୍ଠିତ ହେବ ବୋଲି ଅନୁମାନ କରାଯାଉଛି । ମାତ୍ର ଏହାରିଭିତରେ ପିସିବି ପକ୍ଷରୁ ଆଇସିସିକୁ ଚିଠି ଲେଖାଯାଇଛି । ଯେଉଁଥିରେ ପିସିବି ପକ୍ଷରୁ କୁହାଯାଇଛି କି, ଭାରତ କାହିଁକି ପାକିସ୍ତାନ ଆସିବା ପାଇଁ ଚାହୁଁନାହିଁ ? ଆଉ ଏବେ ଯଦି ସ୍ଥାନ ପରିବର୍ତ୍ତନ କରାଯାଇ ପାକିସ୍ତାନ ବଦଳରେ ଅନ୍ୟ କେଉଁଠି ମ୍ୟାଚ୍ ଅନୁଷ୍ଠିତ ହୁଏ ତାହେଲେ ଚାମ୍ପିୟନ୍ସ ଟ୍ରଫିକୁ ବୟକଟ୍ କରିବ ପାକିସ୍ତାନ । ଏଭଳି ପାକିସ୍ତାନ ପକ୍ଷରୁ ଚିଠିରେ ଉଲ୍ଲେଖ କରାଯାଇଛି ।
ତେବେ ଏକ ଜାତୀୟ ଗଣମାଧ୍ୟମରୁ ରିପୋର୍ଟକୁ ଯଦି ବିଶ୍ବାସ କରାଯାଏ ତାହେଲେ କୁହାଯାଉଛି କି, ଚଳିତ ଚାମ୍ପିୟନ୍ସ ଟ୍ରଫି ଦକ୍ଷିଣ ଆଫ୍ରିକାରେ ଖେଳାଯାଇପାରେ । ମାତ୍ର ଏହା ଏହଯାବତ ସ୍ପଷ୍ଠ ହୋଇନାହିଁ । ସେପଟେ ପାକିସ୍ତାନ ପକ୍ଷରୁ କୁହାଯାଇଛି କି, ଯଦି ଭାରତ ପାକିସ୍ତାନ ଆସିବା ପାଇଁ ଚାହୁଁନାହିଁ, ତାହେଲେ ଭାରତ ସ୍ଥାନରେ ଶ୍ରୀଲଙ୍କାକୁ ସୁଯୋଗ ଦିଆଯାଉ । ମାତ୍ର ହାଇବ୍ରିଡ୍ ମଡେଲରେ ଆୟୋଜନକୁ ମଧ୍ୟ ପାକିସ୍ତାନ ଏକପ୍ରକାର ମନା କରିଛି । କୁହାଯାଉଥିଲା କି, ଭାରତର ମ୍ୟାଚ ଗୁଡ଼ିକ ପାକିସ୍ତାନ ବାହାରେ ଖେଳାଯିବ । କିନ୍ତୁ ପାକିସ୍ତାନ ସିଧାସଳଖ ଭାରତ ସହ ଖେଳିବାକୁ ମଧ୍ୟ ମନା କରି ଦେଇଛି ।
ଗଞ୍ଜାମ ଜିଲ୍ଲାକୁ ଆସିଛି ମହାରାଷ୍ଟ୍ରର ମହାବଳ ବାଘ
ନନ୍ଦିଘୋଷ ବ୍ୟୁରୋ: ଗଞ୍ଜାମ ଜିଲ୍ଲାକୁ ଆସିଛି ମହାରାଷ୍ଟ୍ରର ମହାବଳ ବାଘ । ବାଘ ଚଳପ୍ରଚଳକୁ ନେଇ ବ୍ରହ୍ମପୁର ଡିଏଫଓ ଶନି ଖୋଖର ପ୍ରେସମିଟରେ ସୂଚନା ଦେଇଛନ୍ତି । ବିଭିନ୍ନ ବନାଞ୍ଚଳରେ ବର୍ତ୍ତମାନ ମହାବଳ ବାଘ ଚଳପ୍ରଚଳ କରୁଛି । ଦିଗପହଣ୍ଡି ବନାଞ୍ଚଳ ପକ୍ଷରୁ ବିଭିନ୍ନ ବନାଞ୍ଚଳରେ ଲାଗିଛି ଟ୍ରାପ କ୍ୟାମେରା । ବର୍ତ୍ତମାନ ସୁଦ୍ଧା ବାଘ ୬ଟି ଗୃହପାଳିତ ପଶୁକୁ ଆକ୍ରମଣ କରି ମାରିସାରିଲାଣି । ୬ଟି ଗୃହପାଳିତ ପଶୁଙ୍କ ମାଲିକ ମାନଙ୍କୁ ୫୮ ହଜାର ୫୦୦ ଟଙ୍କା କ୍ଷତିପୂରଣ ପ୍ରଦାନ କରିବା ନେଇ ପଦକ୍ଷେପ ନିଆଯାଇଛି । ବର୍ତ୍ତମାନ ସୁଦ୍ଧା ବାଘ କୌଣସି ମଣିଷକୁ ଆଘାତ କରିନାହିଁ । ଏସିଏଫଙ୍କ ନେତୃତ୍ୱରେ ବାଘର ଚଳପ୍ରଚଳ ଜାଣିବାକୁ ନେଇ ଟିମ୍ ଗଠନ ହୋଇଛି । ତିନୋଟି ଟିମ୍ ଜରିଆରେ ବାଘର ଚଳପ୍ରଚଳକୁ ନେଇ ୨୪ ଘଣ୍ଟିଆ ନଜର ରଖାଯାଇଛି । ବାଘକୁ ନେଇ ଫେକ୍ ଭିଡିଓ ସୋସିଆଲ ମିଡିଆରେ ଭାଇରଲ୍ ନକରିବାକୁ ବନବିଭାଗର ଲୋକଙ୍କୁ ନିବେଦନ କରିଛନ୍ତି।
ଗୋବିନ୍ଦାଙ୍କ ଭାଣିଜୀ, ଯାହାଙ୍କୁ ବିବାହ କରିଛନ୍ତି ଭାରତୀୟ କ୍ରିକେଟର
ନନ୍ଦିଘୋଷ ବ୍ୟୁରୋ: ଗୋବିନ୍ଦାଙ୍କ ଭାଣିଜୀ, ଯିଏକି ଜଣେ ଭାରତୀୟ କ୍ରିକେଟରଙ୍କୁ ବିବାହ କରିଛନ୍ତି । ଆମେ ଯାହାଙ୍କ କଥା କହୁଛୁ ସେ ହେଉଛନ୍ତି ସାଚ୍ଚୀ । ନୀତିଶ ରାଣାଙ୍କ ପତ୍ନୀ । ଯିଏକି ହିସାବରେ ଗୋବିନ୍ଦାଙ୍କ ଭାଣିଜୀ ହେବେ । କପିଲ ଶର୍ମା ସୋ’ରେ ଗୋବିନ୍ଦାଙ୍କ ଭଣଜା କ୍ରୀଷ୍ଣା ଏକଦା କହିଥିଲେ କି, ସାଚ୍ଚୀ ହେଉଛନ୍ତି ତାଙ୍କ ସମ୍ପର୍କୀୟ ଭଉଣୀ । ଏଣୁ ହିସାବରେ ସେ ହେଉଛନ୍ତି ଗୋବିନ୍ଦାଙ୍କ ଭାଣିଜୀ । ଆଉ ସାଚ୍ଚୀ ହେଉଛନ୍ତି ଭାରତୀୟ କ୍ରିକେଟର ନୀତିଶ ରାଣାଙ୍କ ପତ୍ନୀ । ଉଭୟଙ୍କ ପ୍ରେମ ବିବାହ ହୋଇଛି । ସାଚ୍ଚୀଙ୍କ ଭାଇ ଏବଂ ନୀତିଶ ଉଭୟ ଭଲ ବନ୍ଧୁ । ସେମାନେ ଫୁଲବଲ ଖେଳନ୍ତି । ଏହି ସମୟରେ ସେମାନଙ୍କ ଦେଖା ଆଉ ପ୍ରେମ ହୋଇଥିଲେ । ପରେ ବିବାହ କରିଥିଲେ ।
କହି ରଖୁଛୁ କି, ନୀତିଶ ରାଣା ଚଳିତ ସିଜିନର ମେଗା ଅକ୍ସନରେ ଭାଗ ନେଉଛନ୍ତି । ତାଙ୍କର ବେସ୍ ପ୍ରାଇସ୍ ଦେଢ଼ କୋଟି ଟଙ୍କା ରହିଛି । ଗତ ସିଜିନରେ ସେ କୋଲକାତା ନାଇଟ ରାଇଡର୍ସ ପକ୍ଷରୁ ଖେଳିଥିଲେ । ମାତ୍ର ତାଙ୍କୁ ୨ଟି ମ୍ୟାଚରେ ଦଳ ଖେଳିବା ପାଇଁ ଦେଇଥିଲା । ତେବେ ୨୦୨୩ ସିଜିନରରେ କୋଲକାତା ନାଇଟ ରାଇଡର୍ସର ଅଧିନାୟକ ପଦ ସମ୍ଭାଳିଥିଲେ ନୀତିଶ । ଦଳ ୧୪ ମ୍ୟାଚରୁ ମାତ୍ର ୬ଟି ଜିତିଥିଲା । ତେବେ ଜଣେ ଅଲରାଉଣ୍ଡଭାବେ ଆଇପିଏଲରେ ନୀତିଶଙ୍କ ଭଲ ରେକର୍ଡ ରହିଛି ।
ଶ୍ରୀମନ୍ଦିରରେ ପଶିଗଲେ ଅଣହିନ୍ଦୁ
ନନ୍ଦିଘୋଷ ବ୍ୟୁରୋ: ଶ୍ରୀମନ୍ଦିରରେ ପଶିଗଲେ ଅଣହିନ୍ଦୁ। ସୁରକ୍ଷା ବ୍ୟବସ୍ଥାକୁ ଭେଦକରି ମନ୍ଦିରର ଗୁମୁଟ ଭିତରକୁ ପଶିଗଲେ ଅଣହିନ୍ଦୁ ମହିଳା। ମାଣ୍ଡାରିନ୍ ଭାଷାରେ କଥାବାର୍ତ୍ତା କରୁଥିବାରୁ ହୋଇଥିଲା ସନ୍ଦେହ। ତେବେ ଏହି ଚାଇନିଜ୍ ମହିଳା ଜଣକ ଶ୍ରୀମନ୍ଦିର ପୋଲିସକୁ ଚ୍ୟାଲେଞ୍ଜ ଦେଇ ଲୋକଙ୍କ ଭିଡ ଭିତରେ ମନ୍ଦିର ଭିତରକୁ ପ୍ରବେଶ କରିଥିବା ଦେଖିବାକୁ ମିଳିଛି। ମହିଳା ଜଣକ ସିଂହଦ୍ବାର ମଧ୍ୟ ଦେଇ ଗୁମୁଟ ମଧ୍ୟକୁ ପ୍ରବେଶ କରିଥିବା ବେଳେ, ଶ୍ରୀଜଗନ୍ନାଥ ଟେମ୍ପୁଲ ପୋଲିସ ମହିଳାଙ୍କୁ ମନ୍ଦିର ବାହାରକୁ ଆଣିଥିଲା। ପରବର୍ତ୍ତି ସମୟରେ ମହିଳା ଜଣଙ୍କୁ ପୋଲିସର ଅସ୍ଥାୟୀ କ୍ୟାମ୍ପ ମଧ୍ୟକୁ ନିଆଯାଇଥିଲା। ତଦନ୍ତ ପରେ ମହିଳାଙ୍କୁ ବ୍ୟାରିକେଡ୍ ବାହାରକୁ ଛାଡି ଦିଆଯାଇଛି।
ଧର୍ମ ଆଧାରିତ ହ୍ବାଟ୍ସଆପ ଗ୍ରୁପ ପାଇଁ ନିମ୍ବମ୍ବିତ ହେଲେ IAS ଅଧିକାରୀ!
ନନ୍ଦିଘୋଷ ବ୍ୟୁରୋ: କେରଳରୁ ସାମନାକୁ ଆସିଲା ଏକ ବଡ଼ ଖବର । ଧର୍ମ ଆଧାରିତ ହ୍ବାଟ୍ସଆପ ଗ୍ରୁପ ବନାଇବା ମାମଲାରେ କେରଳର ବିଜୟନ ସରକାର ଏକ ବଡ଼ ପଦକ୍ଷେପ ନେଇଛନ୍ତି । ଆଇଏଏସ ଅଧିକାରୀଙ୍କ ନମ୍ବରରେ ବନାଯାଇଥିବା ଏହି ଗ୍ରୁପକୁ ନେଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । ଯାହାକୁ ନେଇ ସରକାର ଆକ୍ସନ ନେଇଛନ୍ତି । ଏହି ଘଟଣାରେ ଗୋପାଳକୃଷ୍ଣନଙ୍କୁ ସସପେଣ୍ଡ କରାଯାଇଥିବାବେଳେ ଅନ୍ୟ ଜଣେ ଆଇଏଏସ ଅଧିକାରୀଙ୍କ ଉପରେ ଆକ୍ସନ ହୋଇଛି । ଗୋପାଳକୃଷ୍ଣନ କହିଛନ୍ତି କି, ସେ ଏହି ଗ୍ରୁପ ବନାଇ ନାହାନ୍ତି । ତାଙ୍କ ନମ୍ବରକୁ କେହି ହ୍ୟାକ୍ କରି ଏଭଳି ଗ୍ରୁପ ବନାଇଥିବା କହିଛନ୍ତି ।
ଅଷ୍ଟ୍ରେଲିଆରେ ଲୁଚି ଅଭ୍ୟାସ କରୁଛି କି ଟିମ ଇଣ୍ଡିଆ ?
ନନ୍ଦିଘୋଷ ବ୍ୟୁରୋ: ଆସନ୍ତା ୨୨ ତାରିଖରୁ ଭାରତ- ଅଷ୍ଟ୍ରେଲିଆ ମଧ୍ୟରେ ବର୍ଡର ଗାଭାସ୍କର ଟ୍ରଫି ଖେଳାଯିବାକୁ ଯାଉଛି । ୫ ମ୍ୟାଚ ବିଶିଷ୍ଟ ଏହି ସିରିଜରେ ବିଜୟ ହେବା ଲକ୍ଷ୍ୟରେ ରହିଛି ଟିମ ଇଣ୍ଡିଆ । କାରଣ ଏହି ସିରିଜ ଭାରତର ବିଶ୍ବ ଟେଷ୍ଟ ଚାମ୍ପିୟନସିପର ଭାଗ୍ୟ ନିର୍ଦ୍ଧାରଣ କରିବ । ତେବେ ସୋମବାର ଭାରତୀୟ ଅଷ୍ଟ୍ରେଲିଆରେ ପହଞ୍ଚିଛି । ସେଠାରେ ଦଳ ଗୁପ୍ତଭାବେ ଅଭ୍ୟାସ ଜାରି ରଖିଛି । ଏଭଳି ଏକ ଖବର ଏବେ ନଜରକୁ ଆସିଛି । କାରଣ ମଙ୍ଗଳବାର ଟିମ ଇଣ୍ଡିଆ ଅଭ୍ୟାସ ଆରମ୍ଭ କରିଛି । ତେବେ ଅଭ୍ୟାସ କରୁଥିବା ସ୍ଥାନରେ କଳା କପଡ଼ା ଲଗାଯାଇଛି । ତେବେ ଏଭଳି କାହିଁକି ହୋଇଛି ତାହା ସ୍ପଷ୍ଠ ହୋଇନାହିଁ । ମାତ୍ର କୁହାଯାଉଛି କି, ଅଷ୍ଟ୍ରେଲିଆ ଗଣମାଧ୍ୟମ ଆଗରୁ ବଞ୍ଚିବା ପାଇଁ ଏଭଳି କରାଯାଇଥାଇପାରେ । ମାତ୍ର ଏହା କେତେ ସତ୍ୟ ତାହା ସ୍ପଷ୍ଠ ହୋଇନାହିଁ । ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜରେ ଭାରତର ଶୋଚନୀୟ ପରାଜୟ ପରେ ଏବେ ଦଳର ପ୍ରଦର୍ଶନକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
The WACA nets are covered from public view. Which, of course, means India are in town.
It was a similar sight when India were in Perth during the 2022 T20 World Cup pic.twitter.com/KByXQBOWiE
— Tristan Lavalette (@trislavalette) November 12, 2024
ବିଜେପିର ବରିଷ୍ଠ ବିଧାୟକଙ୍କ ମନ୍ତବ୍ୟ ଠିକ୍ ନୁହେଁ : ରାମଚନ୍ଦ୍ର କାଡ଼ାମ
ନନ୍ଦିଘୋଷ ବ୍ୟୁରୋ: ଆମ୍ବଟାକୁଆ ପ୍ରସଙ୍ଗରେ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ତୀବ୍ର ପ୍ରତିକ୍ରିୟା । ବିଜେପିର ବରିଷ୍ଠ ବିଧାୟକଙ୍କ ଏଭଳି ମନ୍ତବ୍ୟ ଠିକ୍ ନୁହେଁ। ଆଦିବାସୀ ଅଖାଦ୍ୟ ଖାଆନ୍ତି ନାହିଁ। ଅଭାବ ହେଲେ ଅଖାଦ୍ୟ ଖାଇବାକୁ ବାଧ୍ୟ ହୁଅନ୍ତି। ଆମ୍ବ ଟାକୁଆ ଆଦିବାସୀଙ୍କ ପାରମ୍ପରିକ ଖାଦ୍ୟ ନୁହେଁ। ଅଖାଦ୍ୟ ଖାଇ ଅନାହାର ମୃତ୍ୟୁ ହୋଇଛି। ଏଥିପାଇଁ ପାଇଁ ସରକାର ପଦକ୍ଷେପ ନେବା ଆବଶ୍ୟକ। ତିନିମାସ ହେବ ଲୋକଙ୍କ ପାଖରେ ରାସନ ପହଞ୍ଚି ନାହିଁ। E-KYC ନାଁରେ ଲୋକଙ୍କୁ ରାସନ୍ ଦିଆଯାଇନାହିଁ। ରାସନ ନପହଞ୍ଚିବାରୁ ଲୋକ ଆମ୍ବ ଟାକୁଆ ଖାଉଛନ୍ତି। ଖାଦ୍ୟ ସୁରକ୍ଷା ପାଇଁ ଆଇନ ହୋଇଛି। ଲୋକ ଚାଉଳ ଖାଉନାହାନ୍ତି ବୋଲି କହି ବରିଷ୍ଠ ବିଧାୟକ ଭୁଲ ତଥ୍ୟ ନ ରଖନ୍ତୁ। ତିନି ମାସ ହେବ ରାସନ୍ ପହଞ୍ଚିନି। କିପରି ଲୋକଙ୍କ ପାଖରେ ରାସନ୍ ପହଞ୍ଚିବ ବ୍ୟବସ୍ଥା କରିବା ଆବଶ୍ୟକ। ସରକାର ଏଥିପ୍ରତି ଧ୍ୟାନ ନ ଦେଲେ ସରକାରଙ୍କୁ ବହୁ ମୂଲ୍ୟ ଦେବାକୁ ପଡ଼ିବ ବୋଲି ସରକାରଙ୍କୁ ଚେତାଇ ଦେଇଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ ।
ପରକୀୟା ପ୍ରୀତି ପାଇଁ ବିଷ ଦେଇ ସ୍ତ୍ରୀକୁ ମାରିଦେଲା ସ୍ଵାମୀ
ଢେଙ୍କାନାଳ: ପରକୀୟା ପ୍ରୀତି ପାଇଁ ବିଷ ଦେଇ ସ୍ତ୍ରୀକୁ ମାରିଦେଲା ସ୍ଵାମୀ। ଭାପୁର ଫାଣ୍ଡି ଅନ୍ତର୍ଗତ ବାଳିଆମ୍ବା ଗ୍ରାମରେ ଅଭାବନୀୟ ଘଟଣା । ମଦ୍ୟପ ସ୍ଵାମୀର ପରକୀୟା ପ୍ରୀତିକୁ ପତ୍ନୀଙ୍କ ବିରୋଧ ଯୋଗୁଁ ହରାଇଲା ଜୀବନ। ନୃଶଂସ ସ୍ଵାମୀ ମାଡ଼ ମାରିବା ପରେ କୀଟନାଶକ ପିଆଇ ହତ୍ୟା କରିଛି ଅଭିଯୁକ୍ତ। ୧୧ ବର୍ଷ ତଳେ ବାଙ୍କୀ ବ୍ଲକ କଡ଼ାମଲ୍ ଗ୍ରାମର ଅମିତା ରଣା ଢ଼େଙ୍କାନାଳ ଭାପୁର ଫାଣ୍ଡି ଅଧୀନ ବାଲିଅମ୍ବା ଗାଁର ପ୍ରଶାନ୍ତ ରଣାକୁ ବାହା ହୋଇଥିଲେ । ସେମାନଙ୍କର ୨ଟି ପୁଅ ଅଛନ୍ତି। ଗତ କିଛି ବର୍ଷ ଧରି ସ୍ଵାମୀ ପ୍ରଶାନ୍ତ ଯୌତୁକ ପାଇଁ ୩ଲକ୍ଷ ଟଙ୍କା ଲାଗି ସ୍ତ୍ରୀକୁ ନାନାଦି ନିର୍ଯ୍ୟାତନା ଦେଇ ଆସୁଥିଲେ ।
ମାତ୍ର ସେ ଯେଉଁ କାଜୁ ଫ୍ୟାକ୍ଟ୍ରିରେ କାମ କରୁଥିଲେ ସେଠି ଅନ୍ୟ ଜଣେ ମହିଳାଙ୍କ ସହିତ ସମ୍ପର୍କ ରେ ଥିବା କଥା ସ୍ତ୍ରୀ ଅମିତା ଜାଣିବା ପରେ ଉଭୟଙ୍କ ଭିତରେ ପାଟିତୁଣ୍ଡ ହେଉଥିଲା। ଏନେଇ ସ୍ଵାମୀ ପ୍ରଶାନ୍ତ ମାରପିଟ କରୁଥିଲେ ବୋଲି ଅମିତାଙ୍କ ପାରିବାର ଲୋକ ଅଭିଯୋଗ କରିଛନ୍ତି । କିନ୍ତୁ ଗତକାଲି ସକାଳେ ଅମିତାକୁ ସ୍ବାମୀ ବାଡିଆପିଟା କରିବା ପରେ ପାଟି ଖୋଲି କୀଟନାଶକ ଔଷଧ ପିଆଇଦେବା ଫଳରେ ତାଙ୍କର ମୃତ୍ୟୁ ଘଟିଥିଲା। ସ୍ଥାନୀୟ ଶଙ୍କରପୁର CHC ରେ ଭର୍ତ୍ତି କରିବା ପରେ ସେଠାରେ ତାଙ୍କୁ ମୃତ ଘୋଷଣା କରାଯାଇଛି। ଏ ସଂକ୍ରାନ୍ତରେ ଭାପୁର ଫାଣ୍ଡିରେ ହାତ୍ୟା ମାମଲା ରୁଜୁ ହୋଇଛି ।
ଏ ହେଉଛନ୍ତି ଆମେରିକାର ‘ଅଜିତ ଡୋଭାଲ’ : ଯାହାଙ୍କର ନାମ ଶୁଣିଲେ ଥରିଉଠେ ଚୀନ
ନନ୍ଦିଘୋଷ ବ୍ୟୁରୋ: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମାଇକେଲ ୱାଲ୍ଟଜଙ୍କୁ ନୂତନ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଭାବରେ ନିଯୁକ୍ତ କରିଛନ୍ତି। ୱାଲ୍ଟ ଜଣେ ଅବସରପ୍ରାପ୍ତ ଆର୍ମି ନ୍ୟାସନାଲ ଗାର୍ଡ ଅଧିକାରୀ ତଥା ରିପବ୍ଲିକାନ୍ କଂଗ୍ରେସ କର୍ମୀ। ସେ ଚୀନ୍ର ଜଣେ କଠୋର ସମାଲୋଚକ ଏବଂ ଭାରତର ସମର୍ଥକ ଭାବରେ ବିବେଚିତ ହୁଅନ୍ତି।। କୋଭିଡ -19 ଏବଂ ଉଇଗୁରୁ ଅତ୍ୟାଚାର ପାଇଁ ସେ ଚାଇନାକୁ ଦାୟୀ କରିଛନ୍ତି।
ୱାଲ୍ଟଜ୍ ରିପବ୍ଲିକାନ୍ ପାର୍ଟିର ତିନିଥର ସାଂସଦ ହୋଇସାରିଛନ୍ତି । ସେ ପୂର୍ବ-କେନ୍ଦ୍ରୀୟ ଫ୍ଲୋରିଡା ବାସିନ୍ଦା । ମାଇକେଲ ୱାଲ୍ଟ ଟ୍ରମ୍ପଙ୍କ ଜଣେ ଦୃ୍ଢ ସମର୍ଥକ ଅଟନ୍ତି। ଚୀନ୍ ପ୍ରତି ତାଙ୍କର କଠୋର ଆଭିମୁଖ୍ୟ ରହିଛି ବୋଲି ବିବେଚନା କରାଯାଏ। ୱାଲ୍ଟ ଚାଇନାକୁ କୋଭିଡ -19 ପାଇଁ ଦାୟୀ କରିଥିଲେ। ସେ ଚୀନ୍କୁ ମୁସଲିମ ଉଇଗୁରୁଙ୍କ ଉପରେ ଅତ୍ୟାଚାର କରିଥିବା ଅଭିଯୋଗ କରିଛନ୍ତି। ଏହି କାରଣରୁ ସେ ବେଜିଂରେ ହେବାକୁ ଥିବା ୨୦୨୨ ଶୀତକାଳୀନ ଅଲିମ୍ପିକ୍ସକୁ ବଏକଟ୍ କରିବାକୁ ଆମେରିକାକୁ ଆହ୍ବାନ କରିଥିଲେ। ସେ ପେଣ୍ଟାଗନରେ ନୀତି ପରାମର୍ଶଦାତା ଭାବରେ ମଧ୍ୟ କାର୍ଯ୍ୟ କରିଛନ୍ତି ।
ବାଇଡେନଙ୍କୁ ସମାଲୋଚନା ଏବଂ ଟ୍ରମ୍ପଙ୍କୁ ସମର୍ଥନ
ହାଉସ ଆର୍ମଡ ସେବା କମିଟିର ସଭାପତି ଭାବରେ ମାଇକ ୱାଲ୍ଟଜ ଆଫଗାନିସ୍ତାନରୁ ଆମେରିକୀୟ ସୈନ୍ୟ ପ୍ରତ୍ୟାହାର ନେଇ ରାଷ୍ଟ୍ରପତି ବାଇଡେନଙ୍କ ଉପରେ ପ୍ରଶ୍ନ ଉଠାଇଥିଲେ। ସେହି ସମୟରେ ଭୁଲବଶତଃ ବହୁ ସଂଖ୍ୟକ ଅସ୍ତ୍ର ତାଲିବାନଙ୍କ ହାତକୁ ଚାଲିଯାଇଥିଲା । ଜାତୀୟ ସୁରକ୍ଷା ପରାମର୍ଶଦାତା ଭାବରେ ୱାଲ୍ଟ ୱେଷ୍ଟ ୱିଙ୍ଗ ମଧ୍ୟରେ ଆମେରିକାର ବୈଦେଶିକ ନୀତିର ସମନ୍ୱୟ ରକ୍ଷା କରିବେ ଏବଂ ରାଷ୍ଟ୍ରପତିଙ୍କୁ ବିଶ୍ବର ବିକାଶ ବିଷୟରେ ସୂଚନା ଦେବେ।
ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳରେ ୱାଲ୍ଟ ଗୁରୁତ୍ୱପୂର୍ଣ୍ଣ
ୱାଲ୍ଟ ନ୍ୟାସନାଲ ଗାର୍ଡରେ କର୍ଣ୍ଣେଲ ଭାବରେ କାର୍ଯ୍ୟ କରିଛନ୍ତି। ସାମରିକ ସେବା ବ୍ୟତୀତ ମାଇକ୍ ୱାଲ୍ଟଜ୍ ମେଟିସ୍ ସଲ୍ୟୁସନ୍ ନାମକ ଏକ କମ୍ପାନୀର ନେତୃତ୍ୱ ନେଇଥିଲେ। ବିଭିନ୍ନ କ୍ଷେତ୍ରରେ ଟ୍ରମ୍ପଙ୍କ ନିଷ୍ପତ୍ତିକୁ ୱାଲ୍ଟ ସମର୍ଥନ କରିଛନ୍ତି । ନାଟୋ ଏବଂ ୟୁକ୍ରେନ ଉପରେ ତାଙ୍କର ଆଭିମୁଖ୍ୟ ମଧ୍ୟ ବିଶ୍ୱକୁ ନୂଆ ରାସ୍ତା ଦେଖେଇବ । ୟୁକ୍ରେନ ଉପରେ ତାଙ୍କର ମତ ସମୟ ସହିତ ବିକଶିତ ହୋଇଛି । ୨୦୨୨ ରେ ଋଷର ଆକ୍ରମଣ ପରେ ୱାଲ୍ଟଜ ଜୋ ବାଇଡେନଙ୍କୁ କିଭିକୁ ଅଧିକ ଅସ୍ତ୍ର ଯୋଗାଇବାକୁ ନିବେଦନ କରିଥିଲେ ।ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳ ସମୟରେ ରିଚାର୍ଡ ଗୋଲଡବର୍ଗ ଜାତୀୟ ସୁରକ୍ଷା ପରିଷଦରେ କାର୍ଯ୍ୟ କରୁଥିଲେ । ସେ ୱାଲ୍ଟଜଙ୍କୁ ଜଣେ ପ୍ରଭାବଶାଳୀ ବ୍ୟକ୍ତି ଭାବରେ ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ ଆମେରିକାର ସେବା ସଦସ୍ୟ ତଥା କ୍ୟାପିଟାଲ ହିଲରେ ଅଭିଜ୍ଞତା ଥିବା ହେତୁ ୱାଲ୍ଟଜ ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଦାୟିତ୍ବ ବହନ କରିବେ ।