ନନ୍ଦିଘୋଷ ବ୍ୟୁରୋ: ଦୀପାବଳି ଅବସରରେ ବଲିଉଡର ଦୁଇଟି ଫିଲ୍ମ ରିଲିଜ ହୋଇଥିବାବେଳେ ଟକ୍କର ଚାଲିଛି । ’ଭୁଲଭୁଲେୟା- ୩’ ଏବଂ ’ସିଙ୍ଘମ ଏଗେନ’ ରିଲିଜ ହୋଇଛି । ଏହି ଦୁଇ ଫିଲ୍ମ ଏବେ ବକ୍ସ ଅଫିସରେ ଭଲ ରୋଜଗାର କରୁଛି । ମଲ୍ଟିଷ୍ଟାର ଫିଲ୍ମ ’ସିଙ୍ଘମ ଏଗେନ’ରେ ଅଜୟ ଦେବଗନଙ୍କ ସହ ଅକ୍ଷୟ କୁମାର, ରଣବୀର ସିଂ, କରିନା କପୁର,ଦୀପିକା ପାଦୁକୋନ, ଟାଇଗର ସ୍ରଫ୍ ଏବଂ ଅର୍ଜୁନ କପୁରଙ୍କ ଭଳି ଅଭିନେତାମାନେ ନଜର ଆସିଛନ୍ତି । କେବଳ ଏତିକି ନୁହେଁ ସଲମାନ ଖାନ ମଧ୍ୟ ଏଥିରେ ନଜର ଆସିଛନ୍ତି । ସେପଟେ ଭୁଲ ଭୁଲେୟା ୩ ମଧ୍ୟ ଦର୍ଶକଙ୍କ ମଧ୍ୟରେ ବେଶ ପ୍ରଂଶସା ସାଉଁଣ୍ଟୁଛି । ଏଥିରେ ମାଧୁରୀ ଦିକ୍ଷିତ, ବିଦ୍ୟା ବାଲାନ ଏବଂ କାର୍ତ୍ତିକ ଆର୍ଯ୍ୟନଙ୍କ ଭଳି କଳାକାରମାନେ ନଜର ଆସିଛନ୍ତି । ଏହି ଦୁଇ ଫିଲ୍ମ ମଧ୍ୟ କଡ଼ା ଟକ୍କର ହେଉଥିବାବେଳେ ବକ୍ସ ଅଫିସରେ ମଧ୍ୟ ରୋଜଗାର ପାଖାପାଖି ସମାନ ରହିଛି ।
ସିଙ୍ଘମ ଏଗେନ ପ୍ରଥମରୁ ଭଲ ରୋଜଗାର କରିଛି । ଭାରତରେ କେବଳ ୪୩. ୫୦ ଟଙ୍କା ରୋଜଗାର କରିଛି । ସେପଟେ ଭୁଲ ଭୁଲେୟା ୩୫. ୫୦ କୋଟି ଟଙ୍କା ରୋଜଗାର କରିଛି । ଦିଲ୍ଲୀ ଏନସିଆଣ ଏବଂ କୋଲକାତାରେ ଉଭୟ ଫିଲ୍ମ ପାଇଁ କମ ହଲ ମିଳିଛି । ଯାହାକୁ ନେଇ ସମାଲୋଚନାର ଶିକାର ହେବାକୁ ପଡ଼ିଛି । ମାତ୍ର ଉଭୟ ଫିଲ୍ମକୁ ଦର୍ଶକେ ବେଶ ପସନ୍ଦ କରୁଛନ୍ତି ।
