ନନ୍ଦିଘୋଷ ବ୍ୟୁରୋ: କୋଲକତା ଟ୍ରେନି ଡାକ୍ତର ଦୁଷ୍କର୍ମ ହତ୍ୟା ଘଟଣା ସମଗ୍ର ଦେଶରେ ଚାଞ୍ଚଲ୍ୟ ଖେଳାଇ ଦେଇଛି । ଆମ ଦେଶରେ ପ୍ରତି ୨୦ ମିନିଟରେ ଜଣେ ମହିଳା ଦୁଷ୍କର୍ମର ଶିକାର ହେଉଛନ୍ତି । ଏଭଳି ଅଭିଯୋଗ ସାମନାକୁ ଆସିବା ପରେ ଦେଶରେ ମହିଳାଙ୍କ ସୁରକ୍ଷା ନେଇ ପ୍ରଶ୍ନ ଉଠିଛି । ଅପରାଧ ହାର, ସର୍ବସାଧାରଣ ପରିବହନ ସ୍ଥିତି, ରାତି ସମୟରେ ସୁରକ୍ଷା, ଆଇନ ବ୍ୟବସ୍ଥା ଓ ସାମାଜିକ ବାତାବରଣକୁ ନେଇ ଏହି ୫ ସହର ମହିଳାଙ୍କ ପାଇଁ ସର୍ବୋତ୍ତମ ଅଟେ ।
ଅପେକ୍ଷାକୃତ କମ ଅପରାଧ ଦର ଓ ଭଲ ଆଧାରଭୂତ ସଂରଚନା ପାଇଁ ଜଣାଯାଏ ମହାରାଷ୍ଟ୍ରର ପୁଣେ । ଯୁବପୀଢୀଙ୍କ ଜନସଂଖ୍ୟା ବହୁଳ ଓ ପ୍ରଗତିଶୀଳ ସଂସ୍କୃତି କାରଣରୁ ଏହି ସହର ମହିଳାଙ୍କ ପାଇଁ ସୁରକ୍ଷିତ ଅଟେ । ସାଧାରଣ ପରିବହନ ଓ ମହିଳା ସୁରକ୍ଷା ମାମଲାରେ ଏହି ସହର ଆଗରେ ରହିଛି ।
ଦେଶର ଅନ୍ୟ ସହର ମୁକାବିଲାରେ କର୍ଣ୍ଣାଟକର ବେଙ୍ଗାଲୁରୁ ସୁରକ୍ଷିତ ସହର ଭାବେ ଗଣାଯାଏ । କସମୋପଲିଟାନ ସଂସ୍କୃତି, ଆଇଟି କମ୍ପାନୀ ହବ୍ ଓ ପରିବେଶ ମହିଳାଙ୍କ ସୁରକ୍ଷା ପାଇଁ ଅନୁକୂଳ ରହିଥାଏ । ପ୍ରାୟ ରାତି ସାରା ଉଜାଗର ରହିଥାଏ ବେଙ୍ଗାଲୁରୁ ସହର ।
ମହିଳାଙ୍କ ସୁରକ୍ଷା ପାଇଁ ତେଲାଙ୍ଗାନାର ହାଇଦ୍ରାବାଦ ସହର ପ୍ରାୟ ନୂଆ ପ୍ରୟାସ କରିଆସୁଛି । ମହିଳାଙ୍କ ସୁରକ୍ଷା ଦେବା ପାଇଁ ସର୍ବସାଧାରଣ ସ୍ଥାନ ତଥା ବସ ମେଟ୍ରୋ,ଟ୍ୟାକ୍ସି ଅଟୋ ଆଦିରେ ସି ଟିମ୍ ସମସ୍ତ ବ୍ୟବସ୍ଥା କରିଆସୁଛି ।
ଋଢିବାଦୀ ସଂସ୍କୃତି କାରଣରୁ ତାମିଲନାଡୁର ଚେନ୍ନାଇ ମହିଳାଙ୍କ ପାଇଁ ସୁରକ୍ଷିତ ଅଟେ । ଏଠାରେ ବସ ଓ ମେଟ୍ରୋରେ ମହିଳାଙ୍କ ସଂରକ୍ଷିତ ସିଟ୍ର ବ୍ୟବସ୍ଥା କରାୟାଇଛି । ସେହିପରି ଅପରାଧ ହାର ଅନ୍ୟ ସହର ତୁଳନାରେ ଏଠାରେ କମ ରହିଛି ।
ମହିଳାଙ୍କ ପାଇଁ ଗୁଜୁରାଟର ଅହମ୍ମଦାବାଦ ସୁରକ୍ଷିତ ସହର ରୂପେ ବିବେଚନା କରାଯାଏ । ଏଠାରେ ଅପରାଧ ହାର ଅନ୍ୟ ସହର ମୁକାବିଲାରେ କମ ହୋଇଥାଏ । ସହରର ପରିଚ୍ଛନ୍ନତା, ସୁରକ୍ଷିତ ସର୍ବସାଧାରଣ ସ୍ଥାନ ଓ ସମ୍ମାନଜନକ ସାମାଜିକ ବାତାବରଣ ମହିଳାଙ୍କ ପାଇଁ ଅନୁକୂଳ ସ୍ଥାନ ହୋଇଥାଏ ।
