ନନ୍ଦିଘୋଷ ବ୍ୟୁରୋ : କନ୍ୟାଶ୍ରମରେ ୯ ଅନ୍ତେବାସୀ ଛାତ୍ରୀ ଅସୁସ୍ଥ । ଅସ୍ବାଭିକ ଆଚରଣ ସହ ଛାତ୍ରୀମାନେ କାନ୍ଦିବା ଆରମ୍ଭ କରିଛନ୍ତି । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତେଲକୋଇ ବ୍ଲକ କରଦାଙ୍ଗି ଉଚ୍ଚ ବିଦ୍ୟାଳୟରେ । ସମସ୍ତ ଅସୁସ୍ଥ ଛାତ୍ରୀଙ୍କୁ ତେଲକୋଇ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଭୂତ ଲାଗିଥିବା ଅଭିଭାବକ ମାନେ ସନ୍ଦେହ କରୁଛନ୍ତି । ଆଜି ଦିନ ୧୧ଟାରେ ପ୍ରଥମେ ଜଣେ ଛାତ୍ରୀ ଅସ୍ବାଭିକ ଆଚରଣ କରିଥିଲେ । ପରେ ଅନ୍ୟ ପିଲାଙ୍କୁ ଧିରେ ଧିରେ ବ୍ୟାପିଥିଲା। ପିଲାମାନେ ଅସ୍ବାଭାବିକ ଆଚରଣ କରିବା ସହ ଝୁଲିବା ଆରମ୍ଭ କରିଥିଲେ। ସମସ୍ତ ଛାତ୍ରୀଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି । ଡାକ୍ତରଙ୍କ କହିବା କଥା ଏହା ସାଇକୋଲିଜ ପ୍ରୋବ୍ଲେମ । କିଛି ସମୟ ପରେ ଆପେ ଆପେ ଠିକ୍ ହୋଇଯିବ ।
ଟି-୨୦ ବିଶ୍ବକପ୍: ବାହାର ହେବ ପାକିସ୍ତାନ, ବାଂଲାଦେଶକୁ ମିଳିବ ସୁଯୋଗ
ଟି-୨୦ ବିଶ୍ବକପ୍: ବାହାର ହେବ ପାକିସ୍ତାନ, ବାଂଲାଦେଶକୁ ମିଳିବ ସୁଯୋଗ
ନନ୍ଦିଘୋଷ ବ୍ୟୁରୋ: ୨୦୨୬ ଟି-୨୦ ବିଶ୍ବକପକୁ ନେଇ ଘଡି କେ ଘୋଡ଼ା ଛୁଟୁଛି । ଘଣ୍ଟା କେଇଟା ବିତୁନି ଆସୁଛି ନୂଆ ନୂଆ ଅପଡେଟ୍ । ବାଂଲାଦେଶ ବିଶ୍ବକପରୁ ବାହାର ହେବା ଓ ପାକିସ୍ତାନର ନଖରାମୀ ଖବରର ସିରୋନାମା ପାଲଟିଥିବା ବେଳେ ଆସିଛି ଏକ ବଡ଼ ଖବର । ଯଦି ଖବର ସତ ହୁଏ, ତେବେ ବାଂଲାଦେଶ କ୍ରିକେଟ୍ କଣ୍ଟ୍ରୋଲ ବୋର୍ଡ ବରର୍ବାଦ ହେବାରୁ ଅଳ୍ପକେ ବଞ୍ଚିଯିବ । ଆଉ ତା’ଠାରୁ ବଡ଼ ଖବର ହେଲା ବାଂଲାଦେଶକୁ ଉସକାଇ ବିଶ୍ବକପକୁ ବିବାଦ ମଧ୍ୟକୁ ଟାଣି ନେଇଥିବା ପାକିସ୍ତାନ କ୍ରିକେଟ କଣ୍ଟ୍ରୋଲ ବୋର୍ଡର ଭବିଷ୍ୟତ ଅନିଶ୍ଚିତତା ଭିତରକୁ ଚାଲିଯିବ । ଆଉ ଏଥର ଆଇସିସି ପିସିବିକୁ ଏମିତି ଚୋଟ ଦେବ, ଯାହା ପାକିସ୍ତାନକୁ ଦୁଃସ୍ବପ୍ନ ହୋଇ ପିଛା କରିବ ।
ମିଳିଥିବା ସୂଚନା ଅନୁସାରେ ବାଂଲାଦେଶ ବିବାଦକୁ ନେଇ ପାକିସ୍ତାନ ଶୁକ୍ରବାର ବଡ଼ ପଦକ୍ଷେପ ନେଇପାରେ । ପିସିବି ମୁଖ୍ୟ ମୋହସିନ ନକଓ୍ବି ପ୍ରଧାନମନ୍ତ୍ରୀ ଶେହେବାଜ ଶରିଫଙ୍କ ସହ ଏହାକୁ ନେଇ ଆଲୋଚନା କରିଛନ୍ତି । ଆଉ ଏଥିରେ ଭାରତ ବିପକ୍ଷରେ ମ୍ୟାଚ୍ ପାକିସ୍ତାନ ବୟକଟ କରିବାକୁ ଘୋଷଣା କରିପାରେ । ଯାହା ଶୁକ୍ରବାର ସ୍ପଷ୍ଟ ହୋଇଯିବ । ହେଲେ ଏବେ ଏମିତି ଶୁଣିବାକୁ ମିଳୁଛି ଯଦି ପାକିସ୍ତାନ ଟିମ୍ ଭାରତ ବିପକ୍ଷ ମ୍ୟାଚ୍ ବୟକଟ କରେ ତେବେ ଆଇସିସି ବଡ଼ ପଦକ୍ଷେପ ନେବାକୁ ଯୋଜନା କରୁଛି । ଟି-୨୦ ବିଶ୍ବକପରୁ ପାକିସ୍ତାନକୁ ବାହାର କରିବା ସହ ଆଇସିସି ପୁଣି ଥରେ ବାଂଲାଦେଶକୁ ସୁଯୋଗ ଦେବାକୁ ଯୋଜନା କରିଛି ।
ପାକିସ୍ତାନ ସ୍ଥାନରେ ଖେଳିବ ବାଂଲାଦେଶ
ମିଡିଆ ରିପୋର୍ଟ ଅନୁସାରେ, ପାକିସ୍ତାନର କୁଚକ୍ରି ନୀତିକୁ କାଟ ଦେବାକୁ ଆଇସିସି ପାକିସ୍ତାନକୁ ହଟାଇ ତା’ ସ୍ଥାନରେ ଗ୍ରୁପ-ଏ ରେ ବାଂଲାଦେଶକୁ ସ୍ଥାନ ଦେଇପାରେ । ରିପୋର୍ଟ ଅନୁସାରେ, ଯଦି ପାକିସ୍ତାନ ମ୍ୟାଚ୍ ବୟକଟ କଲା ତେବେ ଗ୍ରୁପ-ଏ ରେ ତା’ ସ୍ଥାନରେ ବାଂଲାଦେଶକୁ ସୁଯୋଗ ଦିଆଯିବ । ଏହାସହ ବାଂଲାଦେଶର ସମସ୍ତ ମ୍ୟାଚ୍ ଶ୍ରୀଲଙ୍କାରେ ଖେଳାଯିବ ।
ଭାରତ ସହ ମ୍ୟାଚ୍ ବୟକଟ କଲେ ପାକିସ୍ତାନର କ’ଣ ହେବ ?
ରିପୋର୍ଟ ଅନୁସାରେ, ପାକିସ୍ତାନ ପୂରା ଟୁର୍ଣ୍ଣାମେଣ୍ଟ ନୁହେଁ, ୧୫ ଫେବ୍ରୁଆରୀକୁ ଖେଳାଯିବାକୁ ଥିବା ଭାରତ ବିପକ୍ଷ ମ୍ୟାଚ୍ ବୟକଟ କରିବାକୁ ଯୋଜନା କରୁଛି । ହେଲେ ଏମିତି ହେବା ସହଜ ନୁହେଁ । କାରଣ, ପାକିସ୍ତାନକୁ ଏହାର ଗମ୍ଭୀର ପରିଣାମ ଭୋଗିବାକୁ ପଡ଼ିପାରେ । ପାକିସ୍ତାନ ଟିମ ଉପରେ ଏକାଧିକ ପ୍ରତିବନ୍ଧକ ଲାଗିପାରେ । ଆଇସିସି ସହ ପାକିସ୍ତାନ କରିଥିବା ବୁଝାମଣାକୁ ଉଲ୍ଲଂଘନ ବୋଲି ବିବେଚନା କରାଯିବ । ଏପରି କି ଆଇସିସି ପାକିସ୍ତାନକୁ ବିଶ୍ବକପ୍ ଓ ଏସିଆ କପ ପରି ଟୁର୍ଣ୍ଣାମେଶ୍ଟରୁ ବାହାରର ରାସ୍ତା ଦେଖାଇ ପାରେ ।
ଚତୁର୍ଥୀ ରାତିରେ ଶିଶୁକନ୍ୟାକୁ ଜନ୍ମ ଦେଲେ ମହିଳା
ଚତୁର୍ଥୀ ରାତିରେ ଶିଶୁକନ୍ୟାକୁ ଜନ୍ମ ଦେଲେ ମହିଳା
ନନ୍ଦିଘୋଷ ବ୍ୟୁରୋ: ଚତୁର୍ଥୀ ରାତିରେ ମହିଳାଙ୍କ କାଟିଲା ପେଟ । ଯନ୍ତ୍ରଣାରେ ସ୍ତ୍ରୀ ଛଟପଟ ହେଉଥିବା ଦେଖି ଡରିଗଲେ ସ୍ବାମୀ । ଘରକୁ ମହିଳା ଡକ୍ତରଙ୍କ ଡକାଯାଇଥିଲା । କିଛି ସମୟ ପରେ ମହିଳା ଜଣଙ୍କ ଏକ ଶିଶୁଙ୍କୁ ଜନ୍ମ ଦେଇଥିଲେ । ଖବର ଶୁଣି ଆପଣ ବି ଚକିତ ହୋଇଯାଇଥିବେ । ଏବେ ଜାଣନ୍ତୁ ପୂରା ଘଟଣା କ’ଣ ଥିଲା । ଉତ୍ତର ପ୍ରଦେଶର ରାମପୁରରେ ଘଟଣା ଘଟିଛି । ଅଜିମନଗର ଥାନା ଅନ୍ତର୍ଗତ ଏକ ଗାଁରେ ଜଣେ ଯୁବକଙ୍କୁ ଜଣେ ଯୁବତୀଙ୍କୁ ପ୍ରେମ ହୋଇଯାଇଥିଲା । ଏହାପରେ ଉଭୟଙ୍କ ମଧ୍ୟରେ ଶାରିରୀକ ସମ୍ପର୍କ ହୋଇଥିଲା । ପରେ ଦୁଇ ପରିବାର ଉଭୟଙ୍କ ବିବାହ କରାଇବାକୁ ରାଜି ହୋଇଯାଇଥିଲେ ।
ସତ ଜାଣି ସମସ୍ତେ ଆଶ୍ଚର୍ଯ୍ୟ
ଯୁବତୀଙ୍କ ବିବାହ ସ୍ଥିର ହୋଇଥିଲେ ବି ଦୁଇ ପରିବାର ସେ ଗର୍ଭବତୀ ଥିବା ଜାଣି ନଥିଲେ । ବିବାହ ପରେ ଚତୁର୍ଥି ରାତିରେ ମହିଳାଙ୍କ ପେଟ ଜୋରେ ଜୋରେ କାଟିଥିଲା । ଏନେଇ ସେ ତାଙ୍କ ସ୍ବାମୀଙ୍କୁ କହିଥିଲେ । ସ୍ବାମୀ ରୁମରୁ ବାହାରକୁ ଯାଇ ପରିବାର ଲୋକଙ୍କୁ ଖବର ଦେଇଥିଲେ । ଏହାପରେ ଜଣେ ମହିଳା ଡାକ୍ତର ଘରକୁ ଆସି ଚେକଅପ କରିବା ପରେ ମହିଳା ଗର୍ଭବତୀ ଥିବା କହିଥିଲେ । ଏହାସହ ପିଲା ହେବା ସମୟ ହୋଇଯାଇଛି ତୁରନ୍ତ ପ୍ରସବ କରିବାକୁ ପଡ଼ିବ ପୋଲି ଡାକ୍ତର କହିଥିଲେ । ପ୍ରଥମେ ଘର ଲୋକ ଭାବିଥିଲେ ବିବାହ ଉତ୍ସବକୁ ନେଇ ଯୁବତୀ ଥକ୍କା ହୋଇଯାଇଥିବା ଭାବୁଥିଲେ । ହେଲେ ଡାକ୍ତରଙ୍କ ପାଖରୁ ସତ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ ।
ପିଲା ଜନ୍ମ ପରେ ସ୍ବାମୀ ଖୁସିରେ ନାଚିଲେ
ମହିଳା ଜଣଙ୍କ ଏକ ଝିଅକୁ ଜନ୍ମ ଦେଇଥିଲେ । ଝିଅକୁ ଦେଖି ମହିଳାଙ୍କ ସ୍ବାମୀ ଖୁସିରେ ନାଚିବାକୁ ଲାଗିଥିଲେ । ଘଟଣାକୁ ନେଇ ଥାନାରେ କୌଣସି ଅଭିଯୋଗ ହୋଇ ନଥିବା ସ୍ଥାନୀୟ ପୋଲିସ ଅଧିକାରୀ କହିଛନ୍ତି । ଘଟଣାକୁ ନେଇ ପୂରା ଅଞ୍ଚଳରେ ଚର୍ଚ୍ଚା ଲାଗି ରହିଛି । ଘଟଣା ଉପରେ ନଜର ରଖାଯାଇଥିବା ପୋଲିସ କହିଛି ।
ମଦ କାରବାର ନେଇ ଝିଅକୁ ହଇରାଣ କରାଯିବାରୁ ବିଷ ପିଇ ବାପାଙ୍କ ଆତ୍ମହତ୍ୟା
ମଦ କାରବାର ନେଇ ଝିଅକୁ ହଇରାଣ କରାଯିବାରୁ ବିଷ ପିଇ ବାପାଙ୍କ ଆତ୍ମହତ୍ୟା
ନନ୍ଦିଘୋଷ ବ୍ୟୁରୋ: ମଦ କାରବାରକୁ ନେଇ ଝିଅକୁ ହଇରାଣ କରାଯିବାରୁ ବାପା ବିଷ ପିଇ ଆତ୍ମହତ୍ୟା କରିଥିବାର ଅଭିଯୋଗ । ଘଟଣା ଘଟିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଚଡ଼ଦିଆ ଗାଁରେ । ଅଞ୍ଚଳରେ ମଦ କାରବାର ବଢ଼ିବାରୁ ତାକୁ ବିରୋଧ କରି ସ୍ଥାନୀୟ ମହିଳା ମହାସଂଘ ଚୋରା ମଦ ଦୋକାନ ଭାଙ୍ଗିବା ସହ ବଜାର ବନ୍ଦ କରିଥିଲେ ।
ଚୋରା ମଦ ଦୋକାନ କରିଥିବା ଲକ୍ଷ୍ମୀପ୍ରିୟା ପରିଡାଙ୍କ ଅଭିଯୋଗ ଅନୁଯାୟୀ ତାଙ୍କୁ ବଜାରକୁ ଡାକି ମାନସିକ ନିର୍ଯାତନା ଦିଆଯାଇଥିଲା । ୧ ଲକ୍ଷ ଟଙ୍କାର ଜରିମାନା ବି କରିଥିଲେ ଲୋକେ । ସରପଞ୍ଚଙ୍କ ହସ୍ତକ୍ଷେପ ପରେ ତାକୁ ୩୦ ହଜାର କରାଯାଇଥିଲା । ଲକ୍ଷ୍ମୀପ୍ରିୟା ୧୦ ହଜାର ଟଙ୍କା ଦାଖଲ କରିଥିଲେ । ବାକି ପଇସା ନ ଦେଲେ ଗାଁ ଦାଣ୍ଡରେ ଜୋତାମାଳ ପିନ୍ଧାଇ ବୁଲାଯିବ ବୋଲି ଧମକ ଦିଆଯାଇଥିଲା । ଏହାକୁ ସହି ପାରି ନଥିଲେ ଲକ୍ଷ୍ମୀଙ୍କ ବାପା । ଏହାକୁ ନେଇ ସେ ଗତ ରାତିରେ ବିଷ ପିଇଥିଲେ । ହସ୍ପିଟାଲ ନିଆଯାଇଥିଲେ ମଧ୍ୟ ତାଙ୍କର ମୃତ୍ଯୁ ଘଟିଥିଲା । ଉକ୍ତ ଘଟଣାକୁ ନେଇ ଲକ୍ଷ୍ମୀପ୍ରିୟା ବାଂଶଡା ଥାନାରେ ଅଭିଯୋଗ କରିଛନ୍ତି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ତଦନ୍ତ କରୁଛି । ମହିଳା ମହାସଂଘ କାର୍ଯ୍ୟକର୍ତ୍ତା ମାନସିକତା ନିର୍ଯାତନା କଥାକୁ ଅସ୍ଵୀକାର କରିଛନ୍ତି ।
ବେଦାନ୍ତ କଳିଙ୍ଗ ଲାନସର୍ସ ହକି ଇଣ୍ଡିଆ ଲିଗ ଚାମ୍ପିଅନ
ବେଦାନ୍ତ କଳିଙ୍ଗ ଲାନସର୍ସ ହକି ଇଣ୍ଡିଆ ଲିଗ ଚାମ୍ପିଅନ
ନନ୍ଦିଘୋଷ ବ୍ୟୁରୋ: ହକି ଇଣ୍ଡିଆ ଲିଗ ଚାମ୍ପିଅନ ହେଲା ବେଦାନ୍ତ କଳିଙ୍ଗ ଲାନସର୍ସ । ଭୁବନେଶ୍ଵର କଳିଙ୍ଗ ଷ୍ଟାଡିୟମରେ ଆୟୋଜିତ ଫାଇନାଲ୍ ମ୍ୟାଚରେ ରାଞ୍ଚି ରୟାଲ୍ସକୁ ୩- ୨ରେ ହରାଇ ଚାମ୍ପିଅନ ହୋଇଛି କଳିଙ୍ଗ ଲାନସର୍ସ । ଏହାକୁ ମିଶାଇ ଦଳ ଦ୍ଵିତୀୟ ଥର ଚାମ୍ପିଅନ ହୋଇଛି । ଏହା ପୂର୍ବରୁ ଦଳ ୨୦୧୭ରେ ମଧ୍ୟ ଚାମ୍ପିଅନ ହୋଇଥିଲା ।
ଗତକାଲି ହୋଇଥିବା ଫାଇନାଲ ମ୍ୟାଚରେ ଆରମ୍ଭରୁ ପ୍ରଭାବଶାଳୀ ପ୍ରଦର୍ଶନ କରିଥିଲା କଳିଙ୍ଗ ଲାନସର୍ସ । ମାତ୍ର ୪ ମିନିଟରେ ଏକ ପେନାଲଟି ଗୋଲ ଦେଇ ଦଳ ୧-୦ ରେ ଆଗୁଆ ରହିଥିଲା । ପରେ ରାଞ୍ଚି ଟିମ୍ ୯ ମିନିଟରେ ଏକ ଫିଲ୍ଡ ଗୋଲ ଦେଇ ମ୍ୟାଚକୁ ୧-୧ ସ୍ଥିତିକୁ ଆଣିଥିଲା । ଦ୍ଵିତୀୟ କ୍ଵାର୍ଟରରେ କଳିଙ୍ଗ ଲାନସର୍ସଙ୍କୁ ପଛକୁ ପଛ ୩ଟି ପେନାଲଟି ମିଳିଥିଲା । ଆଉ ଗୋଟିଏ ଗୋଲ କରିଥିଲା କଳିଙ୍ଗ ଲାନସର୍ସ । ଦିଲପ୍ରୀତ ସିଂଙ୍କ ଏହି ଗୋଲ ବଳରେ ଦଳକୁ ୨-୧ ରେ ଅଗ୍ରଣୀ କରାଇଥିଲା । ପରେ ପୁଣି ଦୁଇଟି ବ୍ୟାକ ଟୁ ବ୍ୟାକ ପେନାଲଟିରୁ ଗୋଟିଏ ଗୋଲ କରି ଦଳକୁ ୩-୧ ରେ ଆଗୁଆ କରିଥିଲେ ଆଲେକଜାଣ୍ଡାର ହେଣ୍ଡ୍ରିକ୍ସ । ଶେଷରେ ୩-୨ ରେ ଟାଇଟଲ ଜିତିଛି ଘରୋଇ ଦଳ ବେଦାନ୍ତ କଳିଙ୍ଗ ଲାନସର୍ସ । ଚାମ୍ପିଅନ ଟିମକୁ ସ୍ଵର୍ଣ୍ଣ ପଦକ ସହ ୩ କୋଟି ଟଙ୍କାର ପୁରସ୍କାର ରାଶି ମିଳିଛି ।
କାଲିଠାରୁ ସଂସଦର ବଜେଟ ଅଧିବେଶନ, ଆଜି ସର୍ବଦଳୀୟ ବୈଠକ
କାଲିଠାରୁ ସଂସଦର ବଜେଟ ଅଧିବେଶନ, ଆଜି ସର୍ବଦଳୀୟ ବୈଠକ
ନନ୍ଦିଘୋଷ ବ୍ୟୁରୋ: ଆସନ୍ତାକାଲିଠାରୁ ଆରମ୍ଭ ହେଉଛି ସଂସଦର ବଜେଟ ଅଧିବେଶନ । ପ୍ରଥମ ଦିନରେ ଉଭୟ ଗୃହର ମିଳିତ ଅଧିବେଶନକୁ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମ୍ବୋଧନ କରିବେ । ଏହା ପରେ ରବିବାର ଲୋକସଭାରେ ଆଗତ ହେବ ବଜେଟ । ପ୍ରଥମ ଥର ପାଇଁ ରବିବାର ବଜେଟ ଆସିବ । ସଂସଦର ବଜେଟ ଅଧିବେଶନ ପାଇଁ ଆଜି କେନ୍ଦ୍ର ସରକାର ଡାକିଛନ୍ତି ସର୍ବଦଳୀୟ ବୈଠକ । ଆଜି ଦିନ ୧୧ଟାରେ ବୈଠକ ହେବ ବୋଲି କହିଛନ୍ତି କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ।
ବଜେଟ ଅଧିବେଶନ ଦୁଇଟି ପର୍ଯ୍ୟାୟରେ ହେବ । ପ୍ରଥମ ପର୍ଯ୍ୟାୟ ଫେବୃଆରୀ ୧୩ରେ ଶେଷ ହେବାକୁ ଥିବା ବେଳେ ଦ୍ଵିତୀୟ ପର୍ଯ୍ୟାୟ ଅଧିବେଶନ ମାର୍ଚ୍ଚ ୯ରୁ ଆରମ୍ଭ ହୋଇ ଏପ୍ରିଲ ୨ ତାରିଖରେ ଶେଷ ହେବ । ଫେବୃଆରୀ ୨ରୁ ୪ ତାରିଖ ଯାଏଁ ୩ ଦିନ ଧରି ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ଯବାଦ ପ୍ରସ୍ତାବ ନେଇ ଆଲୋଚନା ହେବ । ଲୋକସଭାରେ ଏବେ ୯ଟି ବିଲ୍ ପଡ଼ି ରହିଛି । ବଜେଟ ସହିତ ଏହି ୯ଟି ବିଲ୍ ପାସ୍ କରିବାକୁ ଚେଷ୍ଟା କରିବେ କେନ୍ଦ୍ର ସରକାର ।
ମହିଳାଙ୍କୁ ଡିଜିଟାଲ ଆରେଷ୍ଟ କରି ୩୦ ଲକ୍ଷ ଟଙ୍କା ଲୁଟ୍
ମହିଳାଙ୍କୁ ଡିଜିଟାଲ ଆରେଷ୍ଟ କରି ୩୦ ଲକ୍ଷ ଟଙ୍କା ଲୁଟ୍
ନନ୍ଦିଘୋଷ ବ୍ୟୁରୋ: ରାଜଧାନୀରେ ମହିଳାଙ୍କୁ ଡିଜିଟାଲ ଆରେଷ୍ଟ କରି ୩୦ ଲକ୍ଷ ଟଙ୍କା ଲୁଟ୍ । ଭୁବନେଶ୍ୱର ସାଇବର ଥାନାରେ ଅଭିଯୋଗ ହେବା ପରେ ଠକକୁ ବାନ୍ଧିଲା ପୋଲିସ । ଉତ୍ତର ପ୍ରଦେଶରୁ ଠକ ଗୁଲିପାଗି ଚିରଞ୍ଜିବକୁ ଗିରଫ କରିଛି ଭୁବନେଶ୍ୱର ସାଇବର ଥାନା ପୋଲିସ । ଅଭିଯୁକ୍ତ ନିକଟରୁ ୨ଟି ମୋବାଇଲ ଫୋନ, ଗୋଟିଏ ATM କାର୍ଡ, ଗୋଟିଏ ଚେକ ବୁକ, ଗୋଟିଏ ପାନ କାର୍ଡ ଓ ଗୋଟିଏ ଆଧାର କାର୍ଡ ଜବତ ହୋଇଛି ।
୬ ନଭେମ୍ବର ୨୦୨୫ରେ ଲିଙ୍ଗରାଜ ଗୌରୀ ନଗର ଅଞ୍ଚଳର ସୁରମା ମଞ୍ଜରୀ ବୋଇଧର ନାମକ ଜଣେ ମହିଳାଙ୍କ ପାଖକୁ ଅଜଣା ନମ୍ବରରୁ ଆସିଥିଲା କଲ । ନିଜକୁ ଟିଆରଏଆଇର ଅଧିକାରୀ ପରିଚୟ ଦେଇ କଥା ହୋଇଥିଲା ଅଭିଯୁକ୍ତ । ତାଙ୍କ ସିମ କାର୍ଡ ବିଭିନ୍ନ ଅପରାଧରେ ବ୍ୟବହୃତ ହୋଇଥିବା କହି ସୁରମା ମଞ୍ଜରୀ ବୋଇଧରଙ୍କୁ ଭୟଭୀତ କରିଥିଲା ସେ । ମୁମ୍ବାଇ କୋଲାବ ଥାନାକୁ କଲ ଟ୍ରାନ୍ସଫର ହେବ କହି ଆଉ ଏକ ଅଜଣା ନମ୍ବରରୁ ମହିଳାଙ୍କ ପାଖକୁ ଭିଡ଼ିଓ କଲ ଆସିଥିଲା ।
ଏହା ପରେ ସାଇବର ଠକ ଭିଡ଼ିଓ କଲରେ ଆରେଷ୍ଟ ୱାରେଣ୍ଟ ଭଳି ବିଭିନ୍ନ କାଗଜ ପତ୍ର ଦେଖାଇଥିଲା । ଏହି ମାମଲା ଇଡିକୁ ଟ୍ରାନ୍ସଫର ହେବ କହି ଠକ ମହିଳାଙ୍କୁ ଡରାଇ ଥିଲା । ଘରୁ ବାହାରକୁ ନ ଯିବା ସହ କାହାକୁ ଫୋନ ନ କରିବା ପାଇଁ ଧମକାଇଥିଲା । ଟଙ୍କା ଟ୍ରାନ୍ସଫର ପାଇଁ ଠକ ମହିଳାଙ୍କୁ ବିଭିନ୍ନ ବ୍ୟାଙ୍କ ଆକାଉଣ୍ଟ ଦେଇଥିଲା । ଟଙ୍କା ନ ଦେଲେ ଆରେଷ୍ଟ କରିବାକୁ ଭୟଭୀତ କରାଇ ଥିଲା । ଏଥିରେ ଡରି ଯାଇ ମହିଳା ଜଣକ ୩ଟି ଆକାଉଣ୍ଟକୁ ୩୦ ଲକ୍ଷ ଟଙ୍କା ପଠାଇଥିଲେ ।
ବେଲଘର ରେଞ୍ଚ ଅଞ୍ଚଳରେ ହାତୀ ମୃତ୍ୟୁ ଘଟଣା, ନିଲମ୍ବନ ପରେ ରେଞ୍ଜର ଫେରାର
ବେଲଘର ରେଞ୍ଚ ଅଞ୍ଚଳରେ ହାତୀ ମୃତ୍ୟୁ ଘଟଣା, ନିଲମ୍ବନ ପରେ ରେଞ୍ଜର ଫେରାର
ନନ୍ଦିଘୋଷ ବ୍ୟୁରୋ: ବେଲଘର ରେଞ୍ଜରେ ହାତୀ ମୃତ୍ୟୁ ଘଟଣା । ମୃତ ହାତୀକୁ ୩୨ ଖଣ୍ଡ କରି ମାଟି ତଳେ ପୋତି ଦେଇଥିଲେ ରେଞ୍ଜର । ନିଲମ୍ବନ ପରେ ବେଲଘର ରେଞ୍ଜର ବିନୟ କୁମାର ବିଶି ଫେରାର୍ । ଗିରଫ ଭୟରେ ଫେରାର୍ ହୋଇଯାଇଥିବା ଜଣାପଡ଼ିଛି । ହାତୀ ମୃତ୍ୟୁ ଘଟଣାକୁ ଚପାଇ ଦେବାକୁ ଉଦ୍ୟମ କରିଥିଲେ ରେଞ୍ଜର । ଏଯାଏଁ ତାଙ୍କର ଟେର୍ ପାଉନି ବନ ବିଭାଗ ।
ବନ ବିଭାଗର ୮ ଜଣ ସ୍କ୍ୱାର୍ଡ କର୍ମଚାରୀଙ୍କୁ ପଚରାଉଚରା କରି ନୋଟିସରେ ଛାଡ଼ିଯାଇଥିବା ବେଳେ ତଦନ୍ତ ଜାରି ରହିଛି । ଘଟଣାରେ ଯିଏ ବି ସମ୍ପୃକ୍ତ ସେମାନଙ୍କ ବିରେଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବ୍ରହ୍ମପୁର ଆରସିସିଏଫ୍ କହିଛନ୍ତି ।
ସେପଟେ ଘଟଣାରେ ପ୍ରତିକ୍ରିୟା ରଖିଛନ୍ତି ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ । ସେ କହିଛନ୍ତି, ବନ ବିଭାଗ ତତ୍ପରତା ଦେଖାଉଛି । ଯେତେ ଦୋଷୀ ଅଛନ୍ତି ସମସ୍ତଙ୍କୁ ଧରାଯିବ । ଟିମ୍ ଗଠନ କରାଯାଇଛି, କାର୍ଯ୍ୟାନୁଷ୍ଠାନ ନିଆଯିବ । ଯେଉଁ ଜେସିବି ସାହାଯ୍ୟରେ ଗାତ ଖୋଲା ଯାଇଛି, ତାହାକୁ ସିଜ କରାଯିବା ସହ ୧୦ ଜଣଙ୍କୁ ଗିରଫ କରାଯାଇଛି । ଯିଏ ବି ସଂପୃକ୍ତ ଥିବେ ସେମାନଙ୍କ ସମ୍ପତି ଜବତ କରାଯିବ ବୋଲି ମନ୍ତ୍ରୀ କହିଛନ୍ତି ।
ମହମ୍ମଦ ମୋକିମଙ୍କ ନୂଆ ଦଳର ନାଁ ରହିବ ‘ଓଡ଼ିଶା ଜନତା କଂଗ୍ରେସ’
ମହମ୍ମଦ ମୋକିମଙ୍କ ନୂଆ ଦଳର ନାଁ ରହିବ ‘ଓଡ଼ିଶା ଜନତା କଂଗ୍ରେସ’
ନନ୍ଦିଘୋଷ ବ୍ୟୁରୋ: ସବୁ କଳ୍ପନା ଜଳ୍ପନାର ଅନ୍ତ । ନୂଆ ଦଳ ଗଢ଼ିବାକୁ ଯାଉଛନ୍ତି ମହମ୍ମଦ ମୋକିମ । ନୂଆ ଦଳର ନାଁ ରହିବ ଓଡି଼ଶା ଜନତା କଂଗ୍ରେସ । ସମର୍ଥକଙ୍କ ସହିତ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଥିବା ଜଣାପଡ଼ିଛି ।
ମିଳିଥିବା ସୂଚନା ଅନୁସାରେ ଗତକାଲି ରାଜଧାନୀରେ ମୋକିମ ନିଜ ସମର୍ଥକଙ୍କୁ ନେଇ ଏକ ବୈଠକ କରିଥିଲେ । ଏଥିରେ ଦଳର ନାଁ ରେଜିଷ୍ଟ୍ରେସନ ନେଇ ମତାମତ ନିଆ ଯାଇଥିଲା । ଆସନ୍ତା ମାର୍ଚ୍ଚ ସୁଦ୍ଧା ଦଳ ଗଠନ ପ୍ରକ୍ରିୟା ସମ୍ପୂର୍ଣ୍ଣ ହେବା ପରେ ବିଧିବଦ୍ଧ ଘୋଷଣା ହେବ ବୋଲି ଜଣାପଡ଼ିଛି ।
ଚାଇନା ପଲିଟିକ୍ସ: ଝିଅ ପାଇଁ ରାସ୍ତା ସଫା କରୁଛନ୍ତି ଜିନପିଙ୍ଗ
ଚାଇନା ପଲିଟିକ୍ସ: ଝିଅ ପାଇଁ ରାସ୍ତା ସଫା କରୁଛନ୍ତି ଜିନପିଙ୍ଗ
ନନ୍ଦିଘୋଷ ବ୍ୟୁରୋ: ୨୦୨୭ ଚୀନ ରାଜନୀତି ପାଇଁ ବଡ଼ ଗୁରୁତ୍ବ ବହନ କରୁଛି । ଏହିବର୍ଷ ଚୀନ କମ୍ୟୁନିଷ୍ଟ ପାର୍ଟି (ସିସିପି)ର ୨୧ତମ ଜାତୀୟ କଂଗ୍ରେସ ହେବାକୁ ଯାଉଛି । ଯେଉଁଥିରେ ନୂଆ କେନ୍ଦ୍ରୀୟ କମିଟି ଚୟନ କରାଯିବ । ଏହି କେନ୍ଦ୍ରୀୟ କମିଟି ଆଗକୁ କେନ୍ଦ୍ରୀୟ ମିଲେଟାରୀ କମିଶନ ପାଇଁ ସଦସ୍ୟଙ୍କୁ ନିଯୁକ୍ତି ଦେବ । ଏମିତିରେ ଚୀନର ନେତୃତ୍ବ ପରିବର୍ତ୍ତନକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଚାଇନାର ସରକାରୀ ମିଡିଆ ନିୟମତି ଚେତାବନୀ ଦେଇ କହୁଛି, ଯେଉଁ ଅଧିକାରୀମାନେ କେବଳ ନେତୃତ୍ବ ପରିବର୍ତ୍ତନକୁ ଅପେକ୍ଷା କରି କାମ କରିବାରୁ ବର୍ତ୍ତୁଛନ୍ତି ସେମାନଙ୍କ ବିରୋଧରେ ଶକ୍ତ କାର୍ଯ୍ୟାନୁଷ୍ଠାନ ନିଆଯିବ । ଚୀନ ରାଷ୍ଟ୍ରପତି ଶି ଜିନପିଙ୍ଗ ସିସିଡିଆଇ ବୈଠକରେ ସ୍ପଷ୍ଟ କରିସାରିଛନ୍ତି, ଚଳିତବର୍ଷ ଲୋକାଲ ଲେଭଲରେ ନେତୃତ୍ବ ପରିବର୍ତ୍ତନ ଆରମ୍ଭ ହେବ । ଦଳକୁ ଏମିତି ଲୋକ ଦରକାର ଯିଏ ସମ୍ପୂର୍ଣ୍ଣ ବିଶ୍ବସ୍ତ, ଭରଷାଯୋଗ୍ୟ ଓ ନିୟମିତ କାମ କରୁଥିବେ । ଆଶା କରାଯାଉଛି ଜିନପିଙ୍ଗ ତାଙ୍କ ଏକମାତ୍ର ଝିଅ ଶି ମିଙ୍ଗଜେଙ୍କୁ କ୍ଷମତାକୁ ଆଣିବାକୁ ଚାହୁଁଛନ୍ତି ।
ଶି ମିଙ୍ଗଜେ କିଏ ?
ଶି ମିଙ୍ଗଜେଙ୍କ ଜନ୍ମ ୧୯୯୨ ଜୁନ ୨୫ ତାରିଖରେ ପୁଜିୟାନ ପ୍ରାନ୍ତର ଫୁଝୋଉ ଶହରରେ ହୋଇଛି । ପ୍ରାରମ୍ଭିକ ପାଠପଢ଼ା ବେଞ୍ଜିଂ ଜିଙ୍ଗଶାନ ସ୍କୁଲରୁ କରିଛନ୍ତି । ଏହାପରେ ସେ ହାଙ୍ଗଝୋଉ ଫରେନ ଲାଙ୍ଗୁଏଜ ସ୍କୁଲରେ ପଢ଼ିଥିଲେ । ଏଠାରେ ସେ ଫ୍ରେଞ୍ଚ ଭାଷା ଶିକ୍ଷା ଲାଭ କରିଥିଲେ । ୨୦୧୦ରେ ମିଙ୍ଗଜେ ନିଜ ପରିଚୟ ଗୋପନ ରଖି ଆମେରିକାର ହାଓ୍ବାର୍ଡ ବିଶ୍ବବିଦ୍ୟାଳୟରେ ନାମ ଲେଖାଇଥିଲେ । ସେଠାରେ ସେ ମନୋବିଜ୍ଞାନ ପଢ଼ିବା ସହ ୨୦୧୪ରେ ବ୍ୟାଚଲର ଅଫ୍ ଆର୍ଟ୍ସରେ ଡିଗ୍ରୀ ହାସଲ କରିଛନ୍ତି ।
ଲୋ-ପ୍ରୋଫାଇଲ ଜୀବନ
ଶି ମିଙ୍ଗଜେଙ୍କୁ ସର୍ବସାଧାରଣରେ ବହୁତ କମ ଦେଖିବାକୁ ମିଳିଥାଏ । ୨୦୦୮ରେ ସିଚୁଆନ ଭୂକମ୍ପ ପରେ ତାଙ୍କୁ ଗୋଟିଏ ସପ୍ତାହ ହାନଓ୍ବାଙ୍ଗ ଅଞ୍ଚଳରେ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିବା ଦେଖିବାକୁ ମିଳିଥିଲା । ୨୦୧୩ରେ ତାଙ୍କୁ ମାଆବାପାଙ୍କ ସହ ଶନକ୍ସି ପ୍ରାନ୍ତର ୟାନଆନ ସ୍ଥିତ ଲିଆଙ୍ଗଜିୟାହୋ ଗାଁରେ ଦେଖିବାକୁ ମିଳିଥିଲା । ଯେଉଁଠି ସେ ମାଆବାପାଙ୍କ ସହ ମିଶି ସ୍ଥାନୀୟ ଲୋକଙ୍କୁ ଚୀନୀ ନବବର୍ଷର ଅଭିନନ୍ଦନ ଜଣାଉଥିବା ଦେଖିବାକୁ ମିଳିଥିଲା ।
ଶି ମିଙ୍ଗଜେ ନିଜକୁ ସବୁ ବେଳେ ଚର୍ଚ୍ଚାରୁ ଦୂରେଇ ରଖିଥାନ୍ତି । ତାଙ୍କ ଗୋପନୀୟତାକୁ ନେଇ ଚୀନ ସରକାର ବହୁତ ଶକ୍ତ । ୨୦୧୯ରେ ତାଙ୍କ କିଛି ସୂଚନା ଅନଲାଇନରେ ଲିକ୍ କରିଥିବା ବ୍ୟକ୍ତିଙ୍କୁ ୧୪ ବର୍ଷ ପାଇଁ ଜେଲକୁ ପଠାଇ ଦିଆଯାଇଥିଲା ।