ନନ୍ଦିଘୋଷ ବ୍ୟୁରୋ: ରାଜ୍ୟର ସମସ୍ତ ଶକ୍ତି ପୀଠରେ ନବରାତ୍ର ପୂଜା ଆରମ୍ଭ ହୋଇଛି । କୋଣାର୍କର ଅଧିଷ୍ଠାତ୍ରୀ ଦେବୀ ମା ରାମଚଣ୍ଡୀଙ୍କୁ ଆଜି ତ୍ରିପୁରା ମୋହିନୀ ବେଶରେ ସଜ୍ଜିତ କରାଯାଇଛି । କୋଣାର୍କ ପୁରୀ ବେଳା ମାର୍ଗସ୍ଥିତ ପବିତ୍ର କୁଶଭଦ୍ରା ନଦୀର ମୁହାଣ ନିକଟରେ ଅବସ୍ଥିତ ରାଜ୍ୟର ଅଷ୍ଠଶକ୍ତି ପୀଠ ମଧ୍ୟରୁ ଅନ୍ୟତମ ମା ରାମଚଣ୍ଡୀଙ୍କ ପୀଠ । ମା ରାମଚଣ୍ଡୀଙ୍କୁ ନେଇ ରହିଛି ଅନେକ କିମ୍ବଦନ୍ତୀ । ରାଜ୍ୟର ବହୁ ପ୍ରାଚୀନ ଶକ୍ତି ପୀଠ ମାନଙ୍କ ମଧ୍ୟରେ ଅନ୍ୟତନ ମା ରାମଚଣ୍ଡୀ । ସାରଳା ମହାଭାରତ ବର୍ଣ୍ଣନା ଅନୁଯାୟୀ ମହାପ୍ରଭୁ ଶ୍ରୀରାମଚନ୍ଦ୍ର ଲଙ୍କାକୁ ସେତୁ ବାନ୍ଧିବା ପୂର୍ବରୁ ଏହି ପୀଠରେ ମାଙ୍କ ପୂଜାର୍ଚନା କରି ଚଣ୍ଡୀପାଠ କରିଥିଲେ । ତ୍ରେତୟା ଯୁଗରୁ ଏହି ଶକ୍ତିପୀଠ ମା ରାମଚଣ୍ଡୀ ଭାବେ ନାମିତ ହୋଇ ପୂଜିତ ହେଉଛନ୍ତି । ମା ରାମଚଣ୍ଡୀ ଆଜି ତ୍ରିପୁରା ମୋହିନୀ ବେଶରେ ଶ୍ରଦ୍ଧାଳୁ ମାନଙ୍କୁ ଦର୍ଶନ ଦେଉଛନ୍ତି । ପାର୍ବଣର ଏହି ମହାର୍ଘ୍ୟ ସମୟରେ ମାଙ୍କୁ ଦର୍ଶନ କରି କରୁଣା ଲାଭ କରିବା ପାଇଁ ମାଙ୍କ ଭକ୍ତ ମାନଙ୍କ ଭିଡ ଦେଖିବାକୁ ମିଳିଛି ।
ଶ୍ରୀ ବଳଦେବଜୀଉଙ୍କ ମନ୍ଦିରରେ ବ୍ୟବହୃତ ଘିଅର ମାନ ନେଇ ପ୍ରଶ୍ନ ଉଠାଇଲେ ସେବାୟତ
ନନ୍ଦିଘୋଷ ବ୍ୟୁରୋ: ତୁଳସୀ କ୍ଷେତ୍ରର ଆରାଧ୍ୟ ଦେବତା ପ୍ରଭୁ ଶ୍ରୀ ବଳଦେବଜୀଉଙ୍କ ମନ୍ଦିରରେ ବ୍ୟବହୃତ ଘିଅର ମାନ ନେଇ ପ୍ରଶ୍ନ ଉଠାଇଛନ୍ତି ସେବାୟତ ନୃସିଂହ ପ୍ରସାଦ ପତ୍ରି। ଗୁରୁବାର ଦିନ ଦ୍ଵିପ୍ରହର ଧୂପ ପାଇଁ ପ୍ରସ୍ତୁତ ପ୍ରସାଦରେ ବ୍ୟବହାର ହୋଇଥିବା ଘିଅରୁ ଦୁର୍ଗନ୍ଧ ବାହାରିଥିବା ନେଇ ଦେବୋତ୍ତର କାର୍ଯ୍ୟାଳୟରେ ସେ ଅଭିଯୋଗ କରିଥିଲେ l କେବଳ ସେତିକି ନୁହେଁ ଓମଫେଡ ଘିଅ ଟିଣରେ ମାନୁଫାକଚରିଂ ଓ ଏକ୍ସପାଏରୀ ଡେଟ ମଧ୍ୟ ଲେଖା ନଥିବା ଜଣାପଡ଼ିଥିଲା l ଏ ନେଇ ଅଭିଯୋଗ କରାଯିବା ପରେ ତୁରନ୍ତ ମହଜୁଦ ଥିବା ଘିଅ ଫେରାଇ ନେଇଥିଲେ ମନ୍ଦିର କର୍ତ୍ତୃପକ୍ଷ l ପରେ ଦେବୋତ୍ତର କାର୍ୟାଳୟ ପକ୍ଷରୁ ନୂଆ ଘିଅ ଯୋଗାଇ ଦିଆଯାଇଥିଲା l ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି l
ଆଜି ହରିୟାଣା ନିର୍ବାଚନ, ଆସନ୍ତୁ ନଜର ପକାଇବା କେଉଁ ଆସନରୁ ଲଢ଼ୁଛନ୍ତିୁ କେଉଁ ହେବିଓ୍ବେଟ୍ ନେତା
ନନ୍ଦିଘୋଷ ବ୍ୟୁରୋ: ଆଜି ହରିୟାଣା ନିର୍ବାଚନ । ୯୦ ଆସନରେ ଭାଗ୍ୟ ପରୀକ୍ଷା କରୁଛନ୍ତି ନେତା । ତେବେ ଆଜି ବହୁ ହେବିଓ୍ବେଟ୍ ନେତାଙ୍କ ଭାଗ୍ୟ ପରୀକ୍ଷା ହେଉଛି । ଆସନ୍ତୁ ନଜର ପକାଇବା କେଉଁ ଆସନରୁ କିଏ ଲଢୁଛନ୍ତି। ବହୁଚର୍ଚ୍ଚିତ ଗଡ଼ି-ସାମ୍ପଲା କିଲୋଇ ଆସନରେ କଂଗ୍ରେସରୁ ଲଢୁଛନ୍ତି ପୂର୍ବତନ ମୁଖ୍ଯମନ୍ତ୍ରୀ ଭୂପିନ୍ଦର ସିଂ ହୁଡ୍ଡା। ତାଙ୍କ ବିରୋଧରେ ପ୍ରାର୍ଥୀ ଅଛନ୍ତି ବିଜେପିର ମଞ୍ଜୁ ହୁଡ୍ଡା।
() ତୋଷମ ଆସନରୁ ଲଢୁଛନ୍ତି କଂଗ୍ରେସର ଅନିରୁଦ୍ଧ ଚୌଧୁରୀ। ତାଙ୍କ ବିରୋଧରେ ପ୍ରାର୍ଥୀ ଅଛନ୍ତି ବିଜେପିର ଶ୍ରୁତି ଚୌଧୁରୀ। ପୂର୍ବତନ ମୁଖ୍ଯମନ୍ତ୍ରୀ ବଂଶୀଲାଲଙ୍କ ବଂଶଧର ଅନିରୁଦ୍ଧ ଓ ଶ୍ରୁତି। ବିସିସିଆଇର କୋଷାଧ୍ଯକ୍ଷ ଥିଲେ ଅନିରୁଦ୍ଧ।
() ଅମ୍ବାଲା କାଣ୍ଟନମେଣ୍ଟ ଆସନରେ ଲଢୁଛନ୍ତି କଂଗ୍ରେସ ପରିବିନ୍ଦର ସିଂ ପରୀ। ତାଙ୍କ ବିରୋଧରେ ପ୍ରାର୍ଥୀ ଅଛନ୍ତି ମନ୍ତ୍ରୀ ତଥା ବିଜେପି ନେତା ଅନିଲ ଭିଜ। ୬ ଥରର ବିଧାୟକ ଅନିଲ ଭିଜ।
() ଲଡୱାରେ ଲଢୁଛନ୍ତି ମୁଖ୍ଯମନ୍ତ୍ରୀ ନାଏବ ସିଂ ସାଇନି। ତାଙ୍କ ବିରୋଧରେ ପ୍ରାର୍ଥୀ ଅଛନ୍ତି କଂଗ୍ରେସର ମେବା ସିଂ। ମନୋହର ଲାଲ ଖଟ୍ଟରଙ୍କ ଇସ୍ତଫା ପରେ ସାଇନି ହୋଇଥିଲେ ସିଏମ।
() ବଦଲିରେ କଂଗ୍ରେସର ପ୍ରାର୍ଥୀ ହୋଇଛନ୍ତି କୁଳଦୀପ ଭାଟସ ତାଙ୍କ ବିରୋଧରେ ଲଢେଇ କରୁଛନ୍ତି ବିଜେପିର ଓ. ପି. ଧନକର। ହରିୟାଣାର ପୂର୍ବତନ ବିଜେପି ସଭାପତି ଧନକର।
() ହୋଡଲରୁ ପ୍ରାର୍ଥୀ ହୋଇଛନ୍ତି କଂଗ୍ରେସ ହେଭିୱେଟ ଉଦୟଭାନ। ହୋଡାଲ ଆସନରୁ ୪ ଥର ବିଜୟୀ ହୋଇଛନ୍ତି ଉଦୟ ଭାନ। ପିସିସି ସଭାପତି ଅଛନ୍ତି ଉଦୟ ଭାନ।
() ହିସାରରେ କଂଗ୍ରେସର ରାମ ନିବାସ ରାଡ଼ା, ବିଜେପିର କମଲ ଗୁପ୍ତା ଓ ସ୍ବାଧୀନ ପ୍ରାର୍ଥୀ ସାବିତ୍ରୀ ଜିନ୍ଦଲଙ୍କ ମଧ୍ଯରେ ହେଉଛି ଲଢେଇ। ଭାରତର ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ। ତାଙ୍କ ସ୍ବାମୀ ଓମ ପ୍ରକାଶ ଜିନ୍ଦଲ ହିସାରରୁ ଜିତିଥିଲେ ୩ ଥର
() କୈଥଲରେ ପ୍ରାର୍ଥୀ ଅଛନ୍ତି
ଆଦିତ୍ଯ ସୂର୍ଯେୱାଲା, କଂଗ୍ରେସ ହେଭିୱେଟ ରଣଦୀପ ସୂର୍ଯେୱାଲାଙ୍କ ପୁଅ ଆଦିତ୍ଯ। ତାଙ୍କୁ ଟକ୍କର ଦେଉଛନ୍ତି ବିଜେପିର ଲୀଲା ରାମ।
() ବହୁଚର୍ଚ୍ଚିତ ଆସନ ଜୁଲାନାରୁ କଂଗ୍ରେସ ପ୍ରାର୍ଥୀ ହୋଇଛନ୍ତି ରେସଲର ଭିନେଶ ଫୋଗଟ। ତାଙ୍କ ବିରୋଧରେ ପ୍ରାର୍ଥୀ ହୋଇଛନ୍ତି ବିଜେପିର ପରମିନ୍ଦର ସିଂ ଗୁଲ। ରେସଲର ଭାବେ ଖ୍ଯାତି ଅର୍ଜନ କରିଛନ୍ତି ଭିନେଶ।
() ଉଚାନାରେ କଂଗ୍ରେସର ବ୍ରିଜେନ୍ଦ୍ର ସିଂ, ବିଜେପିର ଦେବେନ୍ଦ୍ର ଅତ୍ରି, ଓ ଜେଜେପିର ଦୁଶ୍ଯନ୍ତ ଚୌଟାଲାଙ୍କ ମଧ୍ଯରେ ଲଢେଇ ହେଉଛି। ପୂର୍ବତନ ଉପମୁଖ୍ଯମନ୍ତ୍ରୀ ତଥା ଜେଜେପି ନେତା ଦୁଶ୍ଯନ୍ତ।
() ସିରସାରେ କଂଗ୍ରେସର ଗୋକୁଳ ସେଟିୟା, ଏଚଏଲପିର ଗୋପାଳ ଗୋୟଲ କାଣ୍ଡା ଓ ଆଇଏନଏଲଡିର ଅଭୟ ସିଂଙ୍କ ମଧ୍ଯରେ ହେଉଛି ଲଢେଇ।
() କର୍ଣ୍ଣଲରେ କଂଗ୍ରେସର ସୁମିତା ବିର୍କ, ବିଜେପିର ଜଗମୋହନ ଆନନ୍ଦଙ୍କ ମଧ୍ଯରେ ହେଉଛି ଟକ୍କର।
ଆଜି ନନ୍ଦିଘୋଷ ଟିଭିର ରିୟଲ ଇଷ୍ଟେଟ କନକ୍ଲେଭ ଓ ଆୱାର୍ଡ
ନନ୍ଦିଘୋଷ ବ୍ୟୁରୋ: ଖାଦ୍ୟ, ବସ୍ତ୍ର ପରେ ମଣିଷର ଅନ୍ୟତମ ମୌଳିକ ଆବଶ୍ୟକତାଟି ହେଉଛି ଘର । ଏ ସ୍ବପ୍ନ ଯେବେ ପୂରଣ ହୁଏ ଲାଗେ ଜୀବନ ସାର୍ଥକ ହୋଇଛି । ଆଜିର ଜନବହୁଳ ସହରୀ ସଭ୍ୟତା ଭିତରେ ପାଖରେ ପଇସା ଥିଲେ ମଧ୍ୟ ଅନେକ ସମୟରେ ନିଜର ଘରଟିଏ କରିବା ସମ୍ଭବ ହୋଇପାରେନି । ଏଥିପାଇଁ ବିଭିନ୍ନ କାରଣ ରହିଛି । ରିଅଲ ଇଷ୍ଟେଟ କ୍ଷେତ୍ରରେ ଅନେକ ସମସ୍ୟା ଓ ସମାଧାନକୁ ନେଇ ଆଜି ନନ୍ଦିଘୋଷ ଟିଭି ତରଫରୁ ଆୟୋଜିତ ହେଉଛି ସ୍ବତନ୍ତ୍ର କାର୍ଯ୍ୟକ୍ରମ ରିୟଲ ଇଷ୍ଟେଟ କନକ୍ଲେଭ ଓ ଆୱାର୍ଡ । ଆଜି ସନ୍ଧ୍ଯା ୫ଟାରୁ କାର୍ଯ୍ଯକ୍ରମ ଆରମ୍ଭ ହେବ । କାର୍ଯ୍ଯକ୍ରମରେ ବହୁ ଉଦ୍ଯୋଗୀ ଯୋଗଦେଇ ଆଲୋଚନା କରିବେ । ଦୁଇଟି ଆଲୋଚନା ଚକ୍ରରେ ସମସ୍ଯା ଓ ସମାଧାନ ନେଇ ବିସ୍ତୃତ ଆଲୋଚନା କରିଯିବ । ଏହି ଅବସରରେ ବିଭିନ୍ନ ବର୍ଗରେ ବିଶିଷ୍ଟ ବ୍ୟକ୍ତିବିଶେଷଙ୍କୁ ସମ୍ମାନିତ କରାଯିବ ।
ଆଜି ହରିୟାଣା ନିର୍ବାଚନ
ନନ୍ଦିଘୋଷ ବ୍ୟୁରୋ: ଆଜି ହରିୟାଣା ଭୋଟ। ୯୦ ଆସନରେ ଭାଗ୍ଯ ପରୀକ୍ଷା କରୁଛନ୍ତି ୧ହଜାର ୨୮ ପ୍ରାର୍ଥୀ । ମତ ସାବ୍ଯସ୍ତ କରିବେ ୨ କୋଟିରୁ ଅଧିକ ଭୋଟର। ମଇଦାନରେ ଅଛନ୍ତି ମୁଖ୍ଯମନ୍ତ୍ରୀ ନାଏବ ସିଂ ସଇନି, ପୂର୍ବତନ ମୁଖ୍ଯମନ୍ତ୍ରୀ ଭୂପିନ୍ଦର ସିଂ ହୁଡ଼ା, ପୂର୍ବତନ ଉପମୁଖ୍ଯମନ୍ତ୍ରୀ ଦୁଶ୍ଯନ୍ତ ଚୌଟାଲା, ରେସଲର ଭିନେଶ ଫୋଗଟ ଓ ଭାରତର ସବୁଠାରୁ ଧନୀ ମହିଳା ସାବିତ୍ରୀ ଜିନ୍ଦଲ ପ୍ରମୁଖ। ସମସ୍ତ ଆସନରେ ଏକାକୀ ଲଢୁଛି ବିଜେପି। ଇଣ୍ଡି ମେଣ୍ଟରେ ସାମିଲ କଂଗ୍ରେସ ଓ ସିପିଏମ। କଂଗ୍ରେସ ୮୯ ଓ ସିପିଏମ ଗୋଟିଏ ଆସନରେ ଲଢୁଛନ୍ତି। ଜନନାୟକ ଜନତା ପାର୍ଟି-JJP ଓ ଆଜାଦ ସମାଜ ପାର୍ଟି-ASP ମଧ୍ଯରେ ହୋଇଛି ମେଣ୍ଟ। ନିର୍ବାଚନରେ ଜେଜେପି ୬୬ ଓ ଏଏସପି ଲଢୁଛି ୧୨ ଆସନରେ। ସେହିପରି ଆଇଏନଏଲଡି ଓ ବିଏସପି ମଧ୍ଯରେ ମେଣ୍ଟ ହୋଇଛି। ଆଇଏନଏଲଡି ୫୧ ଓ ବିଏସପି ୩୫ ଆସନରେ ଲଢୁଛନ୍ତି।
ଆମ୍ ଆଦମୀ ପାର୍ଟି ଏକାକୀ ଲଢୁଛି ୮୮ ଆସନରେ। ଏସୟୁସିଆଇ ୮, ସିପିଆଇ ୨, ଏନସିପି(ଏସପି) ଗୋଟିଏରେ ଲଢୁଛନ୍ତି। ସରକାର ଗଠନରେ ଜେଜେପି ହୋଇପାରେ କିଙ୍ଗମେକର। ୨୦୧୯ରେ ବିଜେପି ଓ ଜେଜେପି ମିଶି କରିଥିଲେ ସରକାର ଏବଂ ମନୋହର ଲାଲ ଖଟ୍ଟର ହୋଇଥିଲେ ମୁଖ୍ଯମନ୍ତ୍ରୀ। ଜେଜେପିର ଦୁଶ୍ଯନ୍ତ ଚୌଟାଲା ହୋଇଥିଲେ ଉପମୁଖ୍ଯମନ୍ତ୍ରୀ। ତେବେ ବିଜେପି ସହ ବିବାଦରୁ ଉପମୁଖ୍ଯମନ୍ତ୍ରୀ ପଦରୁ ଇସ୍ତଫା ଦେଇଥିଲେ ଦୁଶ୍ଯନ୍ତ। ଗତ ଲୋକସଭା ନିର୍ବାଚନରେ ଭଲ କରିଥିଲା କଂଗ୍ରେସ। ୧୦ ଆସନରୁ ବିଜେପିକୁ ୫ ଓ କଂଗ୍ରେସକୁ ୫ ଆସନ ମିଳିଥିଲା। ୨୦୧୯ରେ ବିଜେପି ୪୦, କଂଗ୍ରେସ ୩୧, ଜେଜେପି ୧୦, ଆଇଏନଏଲଡି ୧ ଆସନ ପାଇଥିଲେ।
ଆଇଏନଏଲଡିର ପ୍ରତିଷ୍ଠାତା ଦେବୀଲାଲଙ୍କ ପୁଅ ଓମ ପ୍ରକାଶ ଚୌଟାଲା ଏବଂ ଓମ ପ୍ରକାଶଙ୍କ ଦୁଇ ପୁଅ ଅଜୟ ଚୌଟାଲା ଓ ଅଭୟ ଚୌଟାଲା। ତେବେ ଅଜୟଙ୍କ ପୁଅ ଦୁଶ୍ଯନ୍ତ ଗଠନ କରିଥିଲେ ଜେଜେପି ଏବଂ ଅଭୟ ଚୌଟାଲା ନେଉଛନ୍ତି ଆଇଏନଏଲଡିର ନେତୃତ୍ବ। ରାଜ୍ଯରେ ଆଇଏନଏଲଡି ନିଜର ପ୍ରଭାବ ହରାଇ ବସିଛି। ରାଜ୍ଯରେ ବେକାରୀ ସମସ୍ଯା ମୁଖ୍ଯ ପ୍ରସଙ୍ଗ ହୋଇଛି। ଏହା ସହ ଚାଷୀଙ୍କ ସମସ୍ଯା ନେଇ ଅଡୁଆରେ ବିଜେପି ରହିଛି। ବିଜେପିରେ କନ୍ଦଳ ଥିବାରୁ ଖଟ୍ଟରଙ୍କୁ ହଟାଇ ନାଏବ ସିଂ ସଇନି ହୋଇଥିଲେ ସିଏମ। ୨୦୦୫ରୁ ୨୦୧୪ମୁଖ୍ଯମନ୍ତ୍ରୀ ଥିଲେ କଂଗ୍ରେସର ଭୂପିନ୍ଦର ସିଂ ହୁଡ୍ଡା। ୨୦୧୪ରୁ ମାର୍ଚ୍ଚ ୨୦୨୪ ଯାଏ ମୁଖ୍ଯମନ୍ତ୍ରୀ ଥିଲେ ବିଜେପିର ମନୋହରଲାଲ ଖଟ୍ଟର। ୨୦୨୪ ମାର୍ଚ୍ଚରୁ ବର୍ତ୍ତମାନ ଯାଏ ମୁଖ୍ଯମନ୍ତ୍ରୀ ଅଛନ୍ତି ନାଏବ ସିଂ ସଇନି।
ଚଳିତବର୍ଷ ହବିଷ୍ୟାଳୀ ଯୋଜନାରେ ଅନ୍ତର୍ଭୁକ୍ତ ହେବେ ମାତ୍ର ୨୫ ଶହ, ସରକାରଙ୍କ ପାରିବା ପଣିଆକୁ ନେଇ ଉଠିଲା ପ୍ରଶ୍ନ
ଭୁବନେଶ୍ବର: ଚଳିତବର୍ଷ ପୁରୀରେ ହବିଷ୍ୟାଳୀ ଯୋଜନାରେ କେବଳ ୨୫ ଶହ ଜଣଙ୍କୁ ଅନ୍ତର୍ଭୁକ୍ତ କରାଯିବ । ଏନେଇ ଆଗାମୀ ୬ରୁ ୧୧ ତାରିଖ ପର୍ଯ୍ୟନ୍ତ ଅନଲାଇନରେ ପଞ୍ଜିକରଣ ଆରମ୍ଭ ହେବା ସହ ଯୋଗ୍ୟ ହିତାଧିକାରୀ ୧୭ ତାରିଖ ଦିନ ପୁରୀରେ ପହଞ୍ଚି ଯୋଜନାରେ ଅନ୍ତର୍ଭୁକ୍ତ ହେବେ । ତେବେ ୪ଟି ଶିବିରରେ ମାଆମାନଙ୍କ ମାଗଣାରେ ରହିବା, ମହାପ୍ରସାଦ ସେବନ, ଦର୍ଶନ ଓ ପୂଜାପାଠର ବ୍ୟବସ୍ଥା ସହ ଆନୁସଙ୍ଗିକ ସୁବିଧା ଯୋଗାଇଦେବ ପ୍ରଶାସନ । ସ୍ପଟ ପଞ୍ଜିକରଣକୁ ମନା କରାଯାଇଥିବା ବେଳେ ସଂଖ୍ୟା ୨୫ ଶହ ମଧ୍ୟରେ ସୀମିତ ରହିଥିବାରୁ ରାଜ୍ଯ ସରକାରଙ୍କ ପାରିବା ପଣିଆ ଉପରେ ଆକ୍ଷେପ କରିଛନ୍ତି ସଂସାଦ ଓ ସେବାୟତ ।
ୱେବସାଇଟ୍ redistrict.odisha.gov.in ମାଧ୍ୟମରେ ହାବିଷ୍ୟାଳୀମାନେ ପଞ୍ଜିକରଣ କରିପାରିବେ । ଆଗାମୀ ୬ ତାରିଖରୁ ଆରମ୍ଭ ହୋଇ ୧୧ ତାରିଖ ପର୍ଯ୍ୟନ୍ତ ଚାଲିବ ପଞ୍ଜିକରଣ ପ୍ରକ୍ରିୟା । ଚଳିତବର୍ଷ ସ୍ପଟ ପଞ୍ଜିକରଣ ହେବ ନାହିଁ । କେବଳ ୨୫ ଶହ ହବିଷ୍ଯାଳୀଙ୍କ ପାଇଁ ୪ଟି ଶିବିରରେ ହେବ ବ୍ଯବସ୍ଥା । ଆସନ୍ତା ୧୭ ତାରିଖରେ ହିତାଧିକାରୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇ ଶିବିରରେ ରଖାଯିବାକୁ ଅନୁମତି ପ୍ରଦାନ କରାଯିବ ବୋଲି ପୁରୀ ଜିଲ୍ଲାପାଳ କହିଛନ୍ତି ।
ଗତ ବିଜେଡି ସରକାର ସମୟର ଏକ ପ୍ରମୁଖ ଯୋଜନା ଥିଲା ହବିଷ୍ଯାଳୀ ଯୋଜନା । ଏହାଦ୍ବାରା ବହୁ ଗରିବ ଗୁରୁବା ମାଆମାନେ ଉପକୃତ ହେଉଛନ୍ତି । ଗତବର୍ଷ ରାଜ୍ୟର ବିଭିନ୍ନ ପ୍ରାନ୍ତରୁ ୩୨ ଶହ ମାଆ ଏହି ଯୋଜନାରେ ଉପକୃତ ହୋଇଥିଲେ । ଚଳିତବର୍ଷ ସଂଖ୍ୟା ବୃଦ୍ଧି ହେବ ପରିବର୍ତ୍ତେ କମାଇ ଦିଆଯାଇଥିବାରୁ ବିଜେପି ସରକାର ଉପରେ ପ୍ରଶ୍ନ ଉଠାଇଛନ୍ତି ରାଜ୍ୟସଭା ସାଂସଦ । ପୂର୍ବରୁ ସ୍ପଟ ପଞ୍ଜିକରଣ ବ୍ୟବସ୍ଥା ଥିବା ବେଳେ ଚଳିତବର୍ଷ ଏହାକୁ ଉଠାଯାଇଥିବା ଦୁର୍ଭାଗ୍ୟଜନକ ବୋଲି କହିଛନ୍ତି ସାଂସଦ ।
ହୀରାକୁଦ ଜଳଭଣ୍ଡାରକୁ ଭୂମିକମ୍ପ ଡର, ୬୭ ବର୍ଷ ପରେ ସୁରକ୍ଷା ନେଇ ହେବ ସର୍ଭେ
ଭୁବନେଶ୍ବର: ବିପଦରେ ହୀରାକୁଦ ଜଳଭଣ୍ଡାର । ରାଜ୍ୟର ସର୍ବବୃହତ ନଦୀବନ୍ଧ ପ୍ରତି ରହିଛି ଭୂମିକମ୍ପ ଡର । ୬୭ ବର୍ଷ ପରେ ଏହାର ସୁରକ୍ଷା ନେଇ ହେବ ସର୍ଭେ । କେନ୍ଦ୍ର ସରକାରଙ୍କ ପାଇଲଟ ଯୋଜନାରେ ସାମିଲ ହୋଇଛି ହୀରାକୁଦ ଜଳଭଣ୍ଡାର । ଅକ୍ଟୋବର ୨୨ ଓ ୨୩ ତାରିଖ ଦୁଇଦିନ ଧରି ଜୟପୁରର ଏମଏନଆଇଟି ସଂସ୍ଥା ହୀରାକୁଦ ସୁରକ୍ଷା ନେଇ ସର୍ଭେ କରିବେ । ଜଳଭଣ୍ଡାରର ଇନଫ୍ଲୋ ଓ ଆଉଟ ଫ୍ଲୋ ନିୟନ୍ତ୍ରଣ କରିବାକୁ ହୋଇଥିବା ରୁଲ୍ କର୍ଭ ନିୟମରେ ବି ହୋଇପାରେ ପରିବର୍ତ୍ତନ । ଜଳଭଣ୍ଡାରରେ ପଟୁମାଟି ଜମା ହୋଇ ଜଳଧାରଣ କ୍ଷମତା କମୁଥିବାରୁ ରୁଲ୍ କର୍ଭ ଉପରେ ପୁର୍ନବିଚାରର ଆବଶ୍ୟକତା ରହିଛି ବୋଲି ବିଶେଷଜ୍ଞ କହିଛନ୍ତି ।
ହୀରାକୁଦ ନଦୀବନ୍ଧର ହେବ ବିସ୍ତୃତ ସର୍ଭେ । ଭୂମିକମ୍ପ ଜୋନ୍ ୨ରୁ ୩କୁ ଉନ୍ନୀତ ହୋଇଛି ମହାନଦୀ ବେସିନ । ହୀରାକୁଦ ଡ୍ୟାମ ଭୂମିକମ୍ପ ସମ୍ଭାଳିବା ପାଇଁ କେତେ ସକ୍ଷମ ? ୧୯୫୭ରେ ନିର୍ମିତ ଏହି ନଦୀବନ୍ଧ ୬୭ ବର୍ଷ ପରେ କେତେ ସୁଦୃଢ ରହିଛି ? ଏସବୁ ଜାଣିବା ପାଇଁ ଡ୍ୟାମ ନିରାପତ୍ତା ବିଭାଗ ପକ୍ଷରୁ କରାଯିବ ବ୍ୟାପକ ସର୍ଭେ । ଜୟପୁରର ମାଲଭିୟା ନ୍ୟାସନାଲ ଇନଷ୍ଟିଚ୍ୟୁଟ ଟେକ୍ନୋଲୋଜି ହୀରାକୁଦର ବାସ୍ତବ ସ୍ଥିତି ନୀରିକ୍ଷଣ କରିବ । ଅକ୍ଟୋବର ୨୨ ଓ ୨୩ରେ ଏହାର ଷ୍ଟ୍ରକଚର, ଡିଜାଇନ ବାବଦରେ ବିସ୍ତୃତ ସର୍ଭେ ହେବ । ଜଳସମ୍ପଦ ବିଭାଗ ପକ୍ଷରୁ ଏ ନେଇ ମହାନଦୀ ଡିଭିଜନକୁ ଚିଠି ଲେଖି ପ୍ରସ୍ତୁତ ରହିବା ସହ ଆବଶ୍ୟକୀୟ ତଥ୍ୟ ଦେବାକୁ କୁହାଯାଇଛି ।
୧୯୫୭ରେ କେନ୍ଦ୍ରୀୟ ଜଳ କମିଶନ ହୀରାକୁଦ ନଦୀବନ୍ଧର ଡିଜାଇନକୁ ଅନୁମୋଦନ କରିଥିଲେ । ସମୟ ବଦଳିବା ଅନୁସାରେ ନୂଆ ନୂଆ ସମସ୍ୟା ବି ସାମ୍ନାକୁ ଅସୁଛି । ହୀରାକୁଦ କେବଳ ଓଡ଼ିଶା ଗର୍ବ ଗୌରବ ନୁହଁ, ବରଂ ହୀରାକୁଦ ଡ୍ୟାମ ଉପରେ ୧୬ଟି ଜିଲ୍ଲା ନିର୍ଭରଶୀଳ । ଏସବୁ ଦୃଷ୍ଟିକୋଣରୁ ହୀରାକୁଦର ସୁରକ୍ଷା ବି ଜରୁରୀ । କେନ୍ଦ୍ର ସରକାର ନୂଆ କରି ଡ୍ୟାମ ନିରାପତ୍ତା ମନ୍ତ୍ରାଳୟ ଖୋଲିବା ପରେ ଦେଶର କିଛି ଡ୍ୟାମ ସୁରକ୍ଷା ବାବଦରେ ପାଇଲଟ ଭିତ୍ତିରେ ସର୍ଭେ କାମ କରିବାକୁ ଯାଉଛନ୍ତି । ଏଥିରେ ହୀରାକୁଦ ସ୍ଥାନ ପାଇଛି । ସୁରକ୍ଷା ସାଙ୍ଗକୁ ପଟୁମାଟି ଯୋଗୁଁ ଜଳଭଣ୍ଡାରର ଜଳଧାରଣ କ୍ଷମତା କମି ଚାଲିଛି । ଜଳଭଣ୍ଡାରକୁ କେତେ ପାଣି ଆସୁଛି ଓ କେତେ ପାଣି ଯାଉଛି, ତାହା ନିର୍ଦ୍ଧାରଣ କରିବାକୁ ରୁଲ କର୍ଭ ନିୟମ ରହିଛି । ଏଥିରେ ବି ପରିବର୍ତ୍ତନ ଜରୁରୀ ବୋଲି ବିଶେଷଜ୍ଞ କହିଛନ୍ତି ।
ସର୍ଭେ ପୂର୍ବରୁ ହୀରାକୁଦର ବିଗତ ବର୍ଷର ଅନେକ ତଥ୍ୟ ମାଗିଛି ଏମଏନ୍ଆଇଟି ସଂସ୍ଥା । ୧୬ଟି ଜିଲ୍ଲାରେ ଜଳସେଚନ, ବିଜୁଳି ଉତ୍ପାଦନ, ଶିଳ୍ପକୁ ପାଣି ଯୋଗାଣ ସବୁ କିଛି ନିର୍ଭର କରୁଛି ହୀରାକୁଦର ସୁରକ୍ଷା ଉପରେ ।
ରାଜଭବନରେ ରାଜନୀତି: ପାଲଟିଛି ଝାଡ଼ଖଣ୍ଡ ନିର୍ବାଚନୀ ୱାର୍ ରୁମ୍ !
ଭୁବନେଶ୍ବର: ବିବାଦରେ ଓଡ଼ିଶାର ରାଜଭବନ। ଏଠାରେ ପ୍ରସ୍ତୁତ ହେଉଛି ଝାଡ଼ଖଣ୍ଡ ବିଧାନସଭା ନିର୍ବାଚନର ରଣନୀତି । ଏପରିକି ରାଜଭବନ ନିର୍ବାଚନୀ ୱାର୍ ରୁମ୍ ପାଲିଟଛି ବୋଲି ଅଭିଯୋଗ କରୁଛନ୍ତି ବିରୋଧୀ । ରାଜ୍ୟପାଳଙ୍କ ପଦ ମର୍ଯ୍ୟାଦା ଉପରେ ବି ପ୍ରଶ୍ନ ଉଠାଇଛନ୍ତି । କଂଗ୍ରେସ ତ କହିଲାଣି, ରାଜଭବନରେ ରାଜନୈତିକ କାର୍ଯ୍ୟକ୍ରମ କରାଯାଉଥିବାରୁ, ରାଷ୍ଟ୍ରପତିଙ୍କ ନିକଟରେ ଫେରାଦ ହେବ । ରାଜ୍ୟପାଳ ପଦ ମର୍ଯ୍ୟାଦା ରଖନ୍ତୁ ବୋଲି ବିଜେଡି କହିଥିବା ବେଳେ ବିରୋଧୀଙ୍କ ଏହି ଅଭିଯୋଗକୁ ଖଣ୍ଡନ କରିଛି ବିଜେପି ।
ବିଜେଡି ପ୍ରଥମେ ଏହି ସଙ୍ଗୀନ ଅଭିଯୋଗ ଆଣିବା ପରେ କଂଗ୍ରେସ ମଧ୍ୟ ସମାନ ଅଭିଯୋଗ କରିଛି । କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ କହିଛନ୍ତି, ରାଜଭବନ ପରିସରରେ ନିର୍ଦ୍ଦିଷ୍ଟ ଦଳ ପାଇଁ ନିର୍ବାଚନୀ ରଣନୀତି ପ୍ରସ୍ତୁତ ହେବା ନିନ୍ଦନୀୟ । ଝାଡ଼ଖଣ୍ଡ ବିଜେପିର ରାଜନୈତିକ ମୁରବୀ ସାଜିଛନ୍ତି ରାଜ୍ୟପାଳ । ଏନେଇ କଂଗ୍ରେସ ରାଷ୍ଟ୍ରପତିଙ୍କୁ ଦାବିପତ୍ର ଦେବ । ରାଜନୀତି କରୁଥିବାରୁ ଓଡ଼ିଶାର ରାଜ୍ୟପାଳ ନିଜ ପଦରେ ରହିବା ଉଚିତ ନୁହେଁ ବୋଲି କହିଛନ୍ତି ରାମଚନ୍ଦ୍ର କାଡ଼ାମ । ତାଙ୍କର ଏହି ଅଭିଯୋଗକୁ ଖଣ୍ଡନ କରିଛି ବିଜେପି । ବିଧାୟକ ଭାସ୍କର ମଢ଼େଇ କହିଛନ୍ତି, ରାଜ୍ୟପାଳ ଓ ରାଜଭବନକୁ ନେଇ ଯେଉଁ ଅଭିଯୋଗ ବିରୋଧୀ କରୁଛନ୍ତି, ତାର ସତ୍ୟତା ନାହିଁ ।
ରାଜଭବନରେ ରାଜନୈତିକ କାର୍ଯ୍ୟକ୍ରମ ଚାଲିଥିବା ଅଭିଯୋଗ କରି ବିଜେଡି ଆଗରୁ ପ୍ରଶ୍ନ ଉଠାଇଥିଲା । ରାଜ୍ୟପାଳ ଏଥିରେ ସଂପୃକ୍ତ ଅଛନ୍ତି କି ନାହିଁ, ସ୍ପଷ୍ଟୀକରଣ ମାଗିଥିଲା । ଦଳ ଅଭିଯୋଗ କରିଥିଲା, ଓଡ଼ିଶାର ରାଜଭବନ ଗତ କିଛି ମାସ ଧରି ରାଜନୈତିକ ହବ ସାଜିଛି । ବିଜେଡି ବିଧାୟକ ପ୍ରଦୀପ ଦିସାରୀ କହିଛନ୍ତି, ରାଜ୍ୟପାଳ ନିରପେକ୍ଷ ହେବା ଦରକାର । ସେ ନିଜର ପଦ ମର୍ଯ୍ୟାଦା ରକ୍ଷା କରନ୍ତୁ, ନହେଲେ ତାଙ୍କୁ ବିରୋଧ କରାଯିବ ।
କିଛି ଦିନ ତଳେ ରାଜଭବନ ଆସି ରାଜ୍ୟପାଳ ରଘୁବର ଦାସଙ୍କୁ ଭେଟିଥିଲେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମା । ଏହା ପରେ ମୋହନ ମାଝୀ ପ୍ରଚାର କରିବାକୁ ଝାଡ଼ଖଣ୍ଡ ଯାଇଥିଲେ । ଏହି ଦୁଇ ଘଟଣାରେ କିଛି ସିଧାସଳଖ ସଂପର୍କ ଅଛି କି ବୋଲି ପ୍ରଶ୍ନ ଉଠାଇଥିଲେ ବିରୋଧୀ । ସେହିପରି ବିଜେପିର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ଭେଙ୍କେୟା ନାଇଡୁ ବି କିଛି ଦିନ ତଳେ ରାଜଭବନରେ ରହିଥିଲେ । ଏମିତି ବି ଚର୍ଚ୍ଚା ହେଉଛି ଯେ, ରାଜ୍ୟପାଳ ରଘୁବର ଦାସ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ରେସରେ ଅଛନ୍ତି । ଏସବୁକୁ ନେଇ ତେଜୁଛି ରାଜନୀତି ।
ସୁନା ବଜାରରେ ନିଆଁ: କିଣିବା ଛାଡନ୍ତୁ, ଚାହିଁବା ମାନ
ଭୁବନେଶ୍ବର: ଦିନକୁ ଦିନ ଆକାଶ ଛୁଆଁ ହେଉଛି ସୁନା ଦର । ୨୪ କ୍ଯାରେଟ ସୁନା ୧୦ ଗ୍ରାମ ପିଛା ୭୫ ହଜାର ଟଙ୍କା ପାର୍ କଲାଣି । ୨୨ କ୍ଯାରେଟ ଦର ୭୦ ହଜାର ପାଖାପାଖି । ମନ ଥିଲେ ବି ଦରକୁ ଦେଖି ଦୋକାନରୁ ମୁହଁ ଫେରାଇ ନେଇଛନ୍ତି ଗ୍ରାହକ, ହାତବାନ୍ଧି ବସିଛନ୍ତି ବ୍ଯବସାୟୀ ।
ପାର୍ବଣରେ ସୁନା ଦର ହେଲାଣି ଅସମ୍ଭାଳ । ଆଗକୁ ହାତ ମାରି ହେବନି । ଲଗାତାର କିଛି ମାସ ହେଲା ସୁନା ଦର ବଢି ସର୍ବକାଳୀନ ସ୍ତରରେ ପହଞ୍ଚିଲାଣି । ୨୪ କ୍ଯାରେଟ ସୁନା ୧୦ ଗ୍ରାମ ପିଛା ପାର କଲାଣି ୭୫ ହଜାର । ୨୨ କ୍ଯାରେଟ ୭୦ ହଜାର ପାଖାପାଖି । ତଥ୍ଯ କହୁଛି କେବଳ ଚଳିତବର୍ଷ ସୁନା ୧୨ ହଜାର ଟଙ୍କା ମହଙ୍ଗା ହେଲାଣି । ଜାନୁଆରୀ ଏକ ତାରିଖରେ ୨୪ କ୍ଯାରେଟ ସୁନା ୧୦ ଗ୍ରାମ ପିଛା ଥିଲା ପ୍ରାୟ ୬୩ ହଜାର । ଯାହାକି ଏବେ ୭୫ ହଜାର ପାର୍ କଲାଣି । ଯାହାକୁ ନେଇ ଉଭୟ ଗ୍ରାହକ ଓ ବ୍ଯବସାୟୀ ଚିନ୍ତାରେ ପଡ଼ିଛନ୍ତି ।
କାହିଁକି ଦିନକୁ ଦିନ ଅମୁଲମୂଲ ହେଉଛି ସୁନା ?
କୁହାଯାଉଛି ସୁନା ଏକ ଭରସାଯୋଗ୍ଯ ନିବେଶ । ଉଚ୍ଚ ମୁଦ୍ରାସ୍ପ୍ରୀତି ଓ ବିନିମୟ ମୁଦ୍ରା ମୂଲ୍ଯରେ ଅସ୍ଥିରତା ଯୋଗୁଁ ଲୋକେ ସୁନାରେ ନିବେଶ କରୁଛନ୍ତି । ଷ୍ଟକ କିମ୍ବା ବଣ୍ଡ ମୂଲ୍ଯରେ ହ୍ରାସ ଘଟିଲେ ସୁନାରେ ନିବେଶ ବଢିଥାଏ । ଏହାଛଡ଼ା ମଧ୍ଯପ୍ରାଚ୍ଯରେ ଉତ୍ତେଜନା ପାଇଁ ବିଶ୍ବ ବଜାର ହ୍ରାସ ଘଟିଛି । ଏହାର ସିଧାସଳଖ ପ୍ରଭାବ ପଡ଼ିଛି ଗୋଲ୍ଡ ମାର୍କେଟ ଉପରେ । ଫଳରେ ସୁନା ଦର ରେକର୍ଡ ସ୍ତରରେ ପହଞ୍ଚିଛି । ଏଭଳି ଚଢା ଦାମକୁ ଦେଖି ମନ ଥିଲେ ସୁନା କିଣିବାକୁ ହାତ ଯାଉନି ।
ସେହିପରି ଗତ ୨୯ ତାରିଖରେ ରୁପା ସର୍ବାକାଳୀନସ୍ତର ୯୪ ହଜାର ୨୮୦ ଟଙ୍କାକୁ ଛୁଇଁଥିଲା । ପରେ ଦର ହ୍ରାସ ପାଇ ଏବେ କେଜି ପିଛା ୯୦ ହଜାର ୯୩୦ ଟଙ୍କାରେ ପହଞ୍ଚିଛି ।
୫ ବର୍ଷ ପରେ ପଦାକୁ ବାହାରିଲେ ଇରାନ ସୁପ୍ରିମ ଲିଡର ଖୋମେଇନି, ମୁସଲିମ ଏକତା ପାଇଁ ଦେଲେ ଆହ୍ବାନ
ନୂଆଦିଲ୍ଲୀ: ମଧ୍ଯପ୍ରାଚ୍ଯ ଅସ୍ଥିରତା ମଧ୍ଯରେ ଇରାନ ସୁପ୍ରିମ ଲିଡର ଆୟାତୋଲ୍ଲା ଖୋମେଇନିଙ୍କୁ ଗର୍ଜନ । ମୁସଲିମ ଏକତା ଲାଗି ମୁସଲିମ ରାଷ୍ଟ୍ରଙ୍କୁ ଦେଇଛନ୍ତି ଆହ୍ବାନ । ଇସ୍ରାଏଲର ଟପ୍ ଟାର୍ଗେଟରେ ଥିବା ଖୋମେଇନି ପ୍ରଥମ ଥର ଲାଗି ୫ ବର୍ଷରେ ଦେଇଛନ୍ତି ଉଦବୋଧନ । ହିଜବୁଲ୍ଲା ମୁଖ୍ଯ ହସନ ନସରଲ୍ଲାଙ୍କ ମରଶରୀରକୁ ଏକ ଗୋପନ ସ୍ଥାନରେ ସମାଧି ଦିଆଯାଇଛି । ଦକ୍ଷିଣାଞ୍ଚଳ ଲେବାନନ ଛାଡି ଚାଲିଯିବା ଲାଗି ଲୋକଙ୍କୁ ନିର୍ଦ୍ଦେଶ ଦେଇଛି ଆଇଡିଏଫ ।
ଇରାନର ଶତ୍ରୁଙ୍କୁ କରାଯିବ ପରାସ୍ତ । ମଧ୍ଯପ୍ରାଚ୍ଯର ଅଶାନ୍ତ ପରିବେଶ ମଧ୍ଯରେ ଦେଶବାସୀଙ୍କୁ ଏପରି ଉଦବୋଧନ ଦେଇଛନ୍ତି ଇରାନ ସୁପ୍ରିମ ଲିଡର ଆୟାତୋଲ୍ଲା ଖୋମେନେଇ । ମୁସଲିମ ଏକତା ଲାଗି ମୁସଲିମ ରାଷ୍ଟ୍ରଙ୍କୁ ଦେଇଛନ୍ତି ଆହ୍ବାନ । ଶୁକ୍ରବାର ଅଭିଭାଷଣରେ ସେ ଲେବାନନ ଓ ପାଲେଷ୍ଟାଇନବାସୀଙ୍କୁ ସମର୍ଥନ ଘୋଷଣା କରିଛନ୍ତି । ତେହରାନର ଅଲ ଅକସା ମସଜିଦରୁ ହଜାର ହଜାର ଲୋକଙ୍କୁ ଏହି ଆହ୍ବାନ ଦେଇଛନ୍ତି ଖୋମେଇନି । ଏହାସହ ଇସ୍ରାଏଲ ଉପରେ ଇରାନ କରିଥିବା ହମଲାକୁ ଯଥାର୍ଥ ଦର୍ଶାଇଛନ୍ତି ।
ସେ କହିଛନ୍ତି, ହମାସ ଓ ହିଜବୁଲ୍ଲା ବିରୋଧରେ ଇସ୍ରାଏଲ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରୁ । ଇସ୍ରାଏଲର ଟପ୍ ଟାର୍ଗେଟରେ ଥିବା ଖୋମେଇନି ପ୍ରଥମ ଥର ଲାଗି ୫ ବର୍ଷରେ ଏହି ଉଦବୋଧନ ଦେଇଛନ୍ତି । ନିଜ ଅଭିଭାଷଣରେ ନିହତ ହିଜବୁଲ୍ଲା ନେତା ହସନ ନସରଲ୍ଲାଙ୍କୁ ସେ ପ୍ରଶଂସା କରିଛନ୍ତି । ନସରଲ୍ଲାଙ୍କ ଅନୁପ୍ରେରଣା ଅନୁସାରେ ସମସ୍ତେ କାର୍ଯ୍ୟ କରିବେ ବୋଲି ସେ ଆହ୍ବାନ ଦେଇଛନ୍ତି । ଏହାସହ ହିଜବୁଲ୍ଲା ସଂଗଠନ ଏକ ପବିତ୍ର ସଂଗଠନ ବୋଲି ସେ କହିଛନ୍ତି । ଲେବାନନର ଜିହାଦରେ ସମସ୍ତେ ସାମିଲ ହେବାକୁ ସେ ଆହ୍ବାନ ଦେଇଛନ୍ତି । ଗତବର୍ଷ ଅକ୍ଟୋବର ୭ରେ ଇସ୍ରାଏଲ ଉପରେ ହମାସର ଆକ୍ରମଣକୁ ଯଥାର୍ଥ କହିଛନ୍ତି ସୁପ୍ରିମ ଲିଡର । ଇହୁଦିମାନେ ମୂଳପୋଛ ହେବେ ବୋଲି ସେ ଚେତାବନୀ ଦେଇଛନ୍ତି ।
ସେପଟେ ଲେବାନନ ଉପରେ ଇସ୍ରାଏଲ ଜାରି ରଖିଛି ଏୟାରଷ୍ଟ୍ରାଇକ । ଗତ ୨୪ ଘଣ୍ଟାରେ ପ୍ରାଣ ହରାଇଛନ୍ତି ୩୭ ଜଣ । ଆହତ ହୋଇଛନ୍ତି ୧୫୦ । ଦାହିୟେ ସ୍ଥିତ ହିଜବୁଲ୍ଲା ମୁଖ୍ୟାଳୟରେ ଗତ ସେପ୍ଟେମ୍ବର ୨୭ରେ ହୋଇଥିବା ଏୟାର ଷ୍ଟ୍ରାଇକରେ ପ୍ରାଣ ହରାଇଥିଲେ ହିଜବୁଲ୍ଲା ନେତା ହସନ ନସରଲ୍ଲା । ହିଜବୁଲ୍ଲା ମୁଖ୍ଯ ହସନ ନସରଲ୍ଲାଙ୍କ ମରଶରୀରକୁ ଏକ ଗୋପନ ସ୍ଥାନରେ ସମାଧି ଦିଆଯାଇଛି । ଅନୁକୂଳ ପରିବେଶ ଉପୁଜିଲେ ତାଙ୍କର ପ୍ରକୃତ ଶେଷକୃତ୍ଯ ହେବ ।
ତେଣେ ଆମେରିକା ରାଷ୍ଟ୍ରପତି ଜୋ ବାଇଡେନ କହିଛନ୍ତି ମଧ୍ଯପ୍ରାଚ୍ଯରେ ସେପରି କୌଣସି ପୂର୍ଣ୍ଣକାଳୀନ ଯୁଦ୍ଧ ହେବ ନାହିଁ । ଅନ୍ଯପଟେ ଇରାନ ଉପରେ ପ୍ରତିଶୋଧ ନେବା ଲାଗି ଇସ୍ରାଏଲ ଯୋଜନା କରୁଥିବା ସୂଚନା ମିଳିଛି । ଦକ୍ଷିଣାଞ୍ଚଳ ଲେବାନନ ଛାଡି ଚାଲିଯିବା ଲାଗି ଲୋକଙ୍କୁ ନିର୍ଦ୍ଦେଶ ଦେଇଛି ଇସ୍ରାଏଲ ସାମରିକ ବାହିନୀ । ବର୍ତ୍ତମାନ ସୁଦ୍ଧା ୧୨ ଲକ୍ଷ ଲୋକ ଭିଟାମାଟି ଛାଡିଥିବା କୁହାଯାଇଛି ।
ସେପଟେ ଇସ୍ରାଏଲ ହମଲାରେ ପ୍ରାଣ ହରାଇଛନ୍ତି ହିଜବୁଲ୍ଲାର ନୂଆ ଚିଫ୍ ହୋଶେମ ସଫିଦ୍ଦିନ । କିଛି ଦିନ ତଳେ ହିଜବୁଲ୍ଲା ନେତା ହସନ ନସରଲ୍ଲାର ମୃତ୍ଯୁ ପରେ ସେ ନେଇଥିଲା ଦାୟିତ୍ଵ । ୨୦୧୭ରେ ସଫିଦ୍ଦିନକୁ ଆତଙ୍କବାଦୀ ଭାବେ ଘୋଷଣା କରିଥିଲା ଆମେରିକା ।