ନନ୍ଦିଘୋଷ ବ୍ୟୁରୋ: ରାଜ୍ଯପାଳଙ୍କ ପୁଅ ଓଡିଆ ଅଧିକାରୀଙ୍କୁ ମାଡ ମାରିଲେ । ହେଲେ ଏପର୍ଯ୍ୟନ୍ତ ତାର ରିପୋର୍ଟ ଆସିଲାନି । ଏ ନେଇ କ୍ଷୋଭ ପ୍ରକାଶ କରିଛନ୍ତି ବିଜେଡି ବିଧାୟକ ସାରଦା ନାୟକ । ଆଇନ ଆଗରେ ସମସ୍ତେ ସମାନ । ରାଜ୍ୟପାଳଙ୍କ ପୁଅ ସରକାରୀ ଅଧିକାରୀଙ୍କୁ ଦୁର୍ବ୍ଯବହାର କଲେ । ଜିଲାପାଳ ତଦନ୍ତ କରିବେ ବୋଲି ସରକାରଙ୍କ ପକ୍ଷରୁ ବିବୃତି ଆସିଲା । ଯଦି ତଦନ୍ତ କଲେ ଜିଲ୍ଲାପାଳଙ୍କ ରିପୋର୍ଟ ଆସିଲାନି କାହିଁକି ବୋଲି ପ୍ରଶ୍ନ କରିଛନ୍ତି ସାରଦା । ଆଇନ ସବୁବେଳେ ସମସ୍ତଙ୍କ ଲାଗି ସମାନ ବୋଲି ଆମେ ସବୁବେଳେ କହିଛୁ । ଯେଉଁ ଘଟଣା ହୋଇଥିଲା ତାହା ଓଡିଶାର ସମ୍ମାନ ଓ ରାଜଭବନର ସମ୍ମାନକୁ ଆଞ୍ଚ ଲାଗିଥିଲା । ତେଣୁ ଜନସାଧାରଣ ତାହାର ବିଚାର କରିବେ ବୋଲି କହିଛନ୍ତି ସାରଦା ।
ଫିକା ପଡ଼ିଲା ନୂଆଦିଲ୍ଲୀ ନିବେଶକ ସମ୍ମେଳନ, ପୁଞ୍ଜି ନିବେଶକ ଓ ଶିଳ୍ପ ମୁଖ୍ୟଙ୍କୁ କେନ୍ଦ୍ରମନ୍ତ୍ରୀଙ୍କ ଧମକ!
ନନ୍ଦିଘୋଷ ବ୍ୟୁରୋ: ରାଜ୍ୟରେ ପୁଞ୍ଜି ନିବେଶ ପାଇଁ ନିବେଶକଙ୍କୁ ଉତ୍ସାହିତ କରୁଥିଲେ ନବୀନ ପଟ୍ଟନାୟକ। ସ୍ବତନ୍ତ୍ର ଶିଳ୍ପ ନୀତି, ଏକକ ବାତାୟନ, ଭୂ-ବ୍ୟାଙ୍କ ସ୍ଥାପନ ଦ୍ବାରା ରାଜ୍ୟରେ ଶିଳ୍ପ ସ୍ଥାପନ ପାଇଁ ଏକ ଅନୁକୂଳ ବାତାବରଣ ସୃଷ୍ଟି ହୋଇଥିଲା। ଯେଉଁଥି ପାଇଁ ଓଡ଼ିଶାରେ ପୁଞ୍ଜି ନିବେଶ ପାଇଁ ଆଗ୍ରହ ପ୍ରକାଶ କରୁଥିଲେ ନିବେଶକ। ଏବେ ସେହି ଧାରାକୁ ବଜାର ରଖି ଆସନ୍ତ ୫ ବର୍ଷରେ ୫ ଲକ୍ଷ କୋଟି ଟଙ୍କା ନିବେଶ ପାଇଁ ସ୍ବପ୍ନ ଦେଖୁଛନ୍ତି ମୋହନ ସରକାର। ଆସନ୍ତ ଜାନୁଆରୀ ମାସରେ ହେବାକୁ ଥିବା ମେକ୍ ଇନ୍ ଓଡ଼ିଶା ଉତ୍କର୍ଷ ଓଡ଼ିଶା ନିବେଶକ ସମ୍ମେଳନ ପାଇଁ ବିଭିନ୍ନ ଦେଶର ରାଷ୍ଟ୍ରଦୂତଙ୍କ ସହ ଦିଲ୍ଲୀରେ ବୈଠକ କରିଛନ୍ତି ମୁଖ୍ୟମନ୍ତ୍ରୀ। କିନ୍ତୁ ଦିଲ୍ଲୀର ନିବେଶକ ସମ୍ମେଳନରେ ଘଟିଥିବା ଘଟଣାକୁ ନେଇ ଏବେ ନିରାଶ ହୋଇଛନ୍ତି ନିବେଶକ।
ଏପରିକି ଓଡ଼ିଶାରେ ନିବେଶ କରିବାକୁ ନିବେଶକ ଚାହୁଁନଥିବା କିଛି ନିବେଶକ ମତ ରଖିଛନ୍ତି। ସମ୍ମେଳନରେ ପୁଞ୍ଜି ନିବେଶକ ଓ ଶିଳ୍ପ ମୁଖ୍ୟଙ୍କୁ ପରୋକ୍ଷରେ କେନ୍ଦ୍ରମନ୍ତ୍ରୀ ଜୁଏଲ ଓରାମ ଧମକ ଦେଇଥିବା ଅଭିଯୋଗ ହୋଇଛି। ଶିଳ୍ପ ସଂସ୍ଥାର ମୁଖ୍ୟଙ୍କୁ ଜୁଏଲ ଯେପରି ନିଶାନା କଲେ ତାହା ରାଜ୍ୟରେ ନିବେଶ ରାସ୍ତାକୁ ବନ୍ଦ କରିଦେଇଥିବା କୁହାଯାଉଛି। ଜୁଏଲ କହିଥିଲେ ଯେ, ରାଜ୍ୟକୁ ଶିଳ୍ପ ସ୍ଥାପନ ନେଇ ଆସୁଥିବା କମ୍ପାନୀ କର୍ତ୍ତୃପକ୍ଷ କେବଳ ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ, ମୁଖ୍ୟ ସଚିବ ଓ ବାଭାଗୀୟ ସଚିବଙ୍କୁ ଖାଲି ଭେଟୁଛନ୍ତି। କିନ୍ତୁ ଜନ ପ୍ରତିନିଧିଙ୍କୁ ଭେଟୁ ନାହାନ୍ତି କି ଗୁରୁତ୍ବ ଦେଉନାହାନ୍ତି। କମ୍ପାନୀ ନିଜ ଇଚ୍ଛା ଅନୁସାରେ କାରଖାନା ବସାଇବାକୁ ସ୍ଥାନ ବାଛିବେ ନାହିଁ।
କେଉଁଠି କାରଖାନା ବସାଯିବ, ତାହା ଆମେ କହିବୁ ବୋଲି କହିଥିଲେ ଜୁଏଲ। ଆମର ଟର୍ମ ଆଣ୍ଡ କଣ୍ଡିସନ କମ୍ପାନୀମାନଙ୍କୁ ମାନିବାକୁ ପଡ଼ିବ। ଏହା ନକଲେ ଯେତେ ବୁଝାମଣାପତ୍ର ସ୍ବାକ୍ଷର କଲେ ବି କାରଖାନା ବସିପାରିବ ନାହିଁ। କମ୍ପାନୀ ଗୁଡ଼ିକ ସିଏସଆର ପାଣ୍ଠି କେଉଁଠି ଖର୍ଚ୍ଚ କରିବେ, ସେ ସମ୍ପର୍କରେ ଲୋକ ପ୍ରତିନିଧିଙ୍କୁ ଅବଗତ କରାଇବେ। ଏପରି କହି ଶିଳ୍ପ ସଂସ୍ଥାକୁ ପରୋକ୍ଷରେ ଚେତାଇ ଦେଇଥିଲେ ଜୁଏଲ ଓରାମ। ତେବେ ଜୁଏଲଙ୍କ ଏଭଳି ମନ୍ତବ୍ୟ ପରେ ନିରାଶ ହୋଇଛନ୍ତି ନିବେଶକ। ଏପରି ଅସ୍ଥିର ପରିବେଶରେ ରାଜ୍ୟରେ ନିବେଶ କରିବାକୁ ଅନାଗ୍ରହ ପ୍ରକାଶ କରିଛନ୍ତି ନିବେଶକ।
ଓଡିଶା ରାଜଭବନ ଏବେ ରାଜନୀତି ପ୍ଲାଟଫର୍ମ : ଜୟଦେବ ଜେନା
ଭେଙ୍କେୟା ନାଇଡୁଙ୍କ ଟୁଇଟ ନେଇ ବରିଷ୍ଠ କଂଗ୍ରେସ ନେତା ଜୟଦେବ ଜେନାଙ୍କ ପ୍ରତିକ୍ରିୟା । ଓଡିଶା ରାଜଭବନ ଏବେ ରାଜନୀତି ପ୍ଲାଟଫର୍ମ ସାଜିଛି l ବିଜେପି ନେତାମାନେ ବସି ଏଠି ଆଲୋଚନା କରୁଛନ୍ତି l ଓଡିଶା ରାଜଭବନ ଏବେ ରାଜନୈତିକ ଚର୍ଚ୍ଚା ଭବନ ପାଲଟିଛି l ଝାଡ଼ଖଣ୍ଡ ନିର୍ବାଚନ ପାଇଁ ହେମନ୍ତ ଶର୍ମା ଓଡ଼ିଶା ରାଜଭବନରେ ରଣନୀତି ପ୍ରସ୍ତୁତ କରୁଛନ୍ତି l ସେ ଝାଡ଼ଖଣ୍ଡ ନିର୍ବାଚନ ଦାୟିତ୍ବରେ ଅଛନ୍ତି l ତେଣୁ ରାଜନୀତି ଆଲୋଚନା ହେଉନାହିଁ ବୋଲି କହିବା ଠିକ୍ ନୁହେଁ l ରାଜନୀତି ଆଲୋଚନା ନିଶ୍ଚୟେ ହେଉଛି ବୋଲି କହିଛନ୍ତି ଜୟଦେବ । ଓଡିଶାର ରାଜ୍ୟପାଳ ଝାଡ଼ଖଣ୍ଡ ପାଇଁ ବିଜେପି ଅଘୋଷିତ ମୁଖ୍ୟମନ୍ତ୍ରୀ ପ୍ରାର୍ଥୀ l କାହିଁକି ରାଜଭବନ ନେଇ ଅଭିଯୋଗକୁ ଖଣ୍ଡନ କରୁନାହାନ୍ତି ରାଜ୍ୟପାଳ ବୋଲି କହିଛନ୍ତି ଜୟଦେବ ଜେନା।
ଏନକାଉଣ୍ଟରରେ ୨ ଆତଙ୍କବାଦୀ ନିହତ
ନନ୍ଦିଘୋଷ ବ୍ୟୁରୋ: ଜାମ୍ମୁ ଓ କାଶ୍ମୀର କୁପୱାଡ଼ାରେ ଅପରେସନ ଗୁଗଲଧାର। ନିରାପତ୍ତା ବାହିନୀର ଏନକାଉଣ୍ଟରରେ ପ୍ରାଣ ହରାଇଛନ୍ତି ୨ ଆତଙ୍କୀ। ସେପଟେ ଘଟଣାସ୍ଥଳରୁ ଜବତ ହୋଇଛି ବିପୁଳ ଅସ୍ତ୍ରଶସ୍ତ୍ର। କୁପୱାଡାରେ ବ୍ଯାପକ ସର୍ଚ୍ଚ ଅପରେସନ ଜାରି ରହିଛି। ବିଭିନ୍ନ ସ୍ଥାନରେ ସନ୍ଦିଗ୍ଧ କାର୍ଯ୍ଯକଳାପ ଠାବ ହେବା ସହ ଆତଙ୍କୀମାନଙ୍କ ଆଡୁ ଗୁଳିମାଡ ହେବାରୁ ଏହାର ଜବାବ ଦେଇଛି ଆର୍ମି। ଏକ ଅନୁପ୍ରବେଶ ଉଦ୍ଯମ ସମ୍ପର୍କରେ ଗୁଇନ୍ଦା ତଥ୍ଯ ଆଧାରରେ ଗତକାଲି ଖବର ଆସିବା ପରେ ଭାରତୀୟ ସେନା ଓ ଜାମ୍ମୁ ଓ କାଶ୍ମୀର ପୋଲିସ ପକ୍ଷରୁ କୁପୱାଡାର ଗୁଗଲଧାରରେ ଆରମ୍ଭ ହୋଇଥିଲା ଅପରେସନ। ଆଜି ସକାଳେ କୁପୱାଡା ଜିଲ୍ଲାରେ ନିୟନ୍ତ୍ରଣ ରେଖାରେ ହୋଇଥିବା ଅନୁପ୍ରବେଶ ଉଦ୍ଯମକୁ ବି ପଣ୍ଡ କରାଯାଇଛି। ଗତକାଲି ନିୟନ୍ତ୍ରଣ ରେଖାରେ ଏକ ଲ୍ଯାଣ୍ଡମାଇନ ବିସ୍ଫୋରଣରେ ୨ ଜଣ ଯବାନ ଆହତ ହୋଇଥିଲେ।
ଛତିଶଗଡ଼ରେ ନକ୍ସଲ ବିରୋଧୀ ଅପରେସନ : ଉଦ୍ଧାର ହେଲାଣି ୩୧ ମୃତଦେହ
ନନ୍ଦିଘୋଷ ବ୍ୟୁରୋ: ଛତିଶଗଡ଼ରେ ନକ୍ସଲ ବିରୋଧୀ ଅପରେସନରେ ବର୍ତ୍ତମାନ ସୁଦ୍ଧା ଉଦ୍ଧାର ହୋଇଛି ୩୧ ମୃତଦେହ। ନାରାୟଣପୁର-ଦାନ୍ତୱାଡା ସୀମାନ୍ତର ମାଦ୍ ଇଲାକାରେ ଡିଆରଜି ଦାନ୍ତେୱାଡା ଓ ଏସଟିଏଫ ନାରାୟଣପୁରର ହୋଇଥିବା ମିଳିତ ଅପରେସନ ପରେ ମୃତଦେହ ଉଦ୍ଧାର ପ୍ରକ୍ରିୟା ଜାରି ରହିଛି। ଏହି ଅପରେସନ ବେଳେ ଜଣେ ଡିଆରଜି ଯବାନ ଆହତ ହୋଇଥିଲେ। ଆଡ୍ଡାସ୍ଥଳୀରୁ ଏଲଏମଜି ରାଇଫଲ, ଏକେ ୪୭, ଏସଏଲଆର ରାଇଫଲ, ଇନସାସ ରାଇଫଲ, କାଲିବର, ୩୦୩ ରାଇଫଲ ଓ ଅନ୍ଯାନ୍ଯ ଅସ୍ତ୍ରଶସ୍ତ୍ର ଜବତ ହୋଇଛି ବୋଲି କହିଛନ୍ତ ବସ୍ତର ଆଇଜି ପି. ସୁନ୍ଦରରାଜ। ଗତକାଲି ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩୧ ଜଣ ନକ୍ସଲ ନିହତ ହୋଇଥିଲେ। ନାରାୟଣପୁର ଓ ଦନ୍ତେୱାଡ଼ା ଜିଲ୍ଲାର ସୀମାନ୍ତରେ ହୋଇଥିଲା ଏହି ଏନକାଉଣ୍ଟର।
ମାଓ ବାଦୀମାନେ କ୍ୟାମ୍ପ କରିଥିବାର ଗୁଇନ୍ଦା ସୂଚନା ପରେ ଗୁରୁବାରରୁ ଅପରେସନ ଆରମ୍ଭ ହୋଇଥିଲା। ଛୋଟ ଛୋଟ ଟିମରେ ବିଭକ୍ତ ହୋଇ ଆଖପାଖ ଗାଁରେ ପହଞ୍ଚିଥିଲେ ଡିଷ୍ଟ୍ରିକ ରିଜର୍ଭ ଗାର୍ଡ- DRG ଓ ସ୍ପେସାଲ ଟାସ୍କ ଫୋର୍ସର ମିଳିତ ଟିମ। ଗୁରୁବାରରୁ ଏନକାଉଣ୍ଟର ଆରମ୍ଭ ହୋଇଥିଲା। ଗତକାଲି ଦିନ ସାଢ଼େ ବାରଟାରେ ମୁହାଁମୁହିଁ ହୋଇଥିଲେ ସୁରକ୍ଷା କର୍ମୀ ଓ ନକ୍ସଲ। ଲାଲବାହିନୀ ମୁକାବିଲା କରିନପାରି ଛତ୍ରଭଙ୍ଗ ଦେଇଥିଲେ। ସେଠାରୁ ଫେରାର ଥିବା ନକ୍ସଲକୁ ଧରିବାକୁ କମ୍ଵିଂ ଜାରି ରହିଛି। ଚଳିତ ବର୍ଷ କେବଳ ବସ୍ତର ଅଞ୍ଚଳରେ ୧୬୦ରୁ ଅଧିକ ମାଓବାଦୀ ନିହତ ହେଲେଣି।
ଭରତପୁର ଥାନାରେ କ୍ଯାପଟେନ ଓ ବାନ୍ଧବୀଙ୍କୁ ନିର୍ଯାତନା ମାମଲା, ବିଚାର ବିଭାଗୀୟ ତଦନ୍ତ କମିଶନଙ୍କ ପକ୍ଷରୁ ସତ୍ୟପାଠ ଦାଖଲ ପାଇଁ ଆହ୍ବାନ
ନନ୍ଦିଘୋଷ ବ୍ୟୁରୋ: ଭରତପୁର ଥାନାରେ କ୍ୟାପଟେନ ଓ ବାନ୍ଧବୀଙ୍କୁ ନିର୍ଯାତନା ମାମଲା । ବିଚାର ବିଭାଗୀୟ ତଦନ୍ତ କମିଶନଙ୍କ ପକ୍ଷରୁ ସତ୍ୟାପଠ ଦାଖଲ ପାଇଁ ଆହ୍ବାନ କରାଯାଇଛି । ଘଟଣାରେ ପ୍ରତକ୍ଷ କିମ୍ବା ପରୋକ୍ଷରେ ଜଡିତ ଥିଲେ ସତ୍ୟାପାଠ ଦାଖଲ କରିବାକୁ କୁହାଯାଇଛି । ଏଥି ସହିତ ସାଧାରଣ ଜନତା, ଅବସରପ୍ରାପ୍ତ ଅମଲାତନ୍ତ୍ର, ସଚେତନ ନାଗରିକ, ପୋଲିସ ଅଧିକାରୀ, ଆଇନଜୀବୀ ଓ ଅନ୍ଯ କୌଣସି ବର୍ଗର ଲୋକ ସତ୍ଯପାଠ ଦାଖଲ ପାଇଁ ଏଥିରେ ଅନୁରୋଧ କରାଯାଇଛି। କ୍ୟାପଟେନ ଓ ତାଙ୍କ ବାନ୍ଧବୀ ମଧ୍ୟ ସତ୍ୟପାଠ ଦାଖଲ କରିପାରିବେ । ନିଲମ୍ବିତ ପୋଲିସ କର୍ମଚାରୀ ବି ସତ୍ୟାପଠ ଦାଖଲ କରିପାରିବେ । ବିଜ୍ଞପ୍ତି ପ୍ରକାଶ ର ୨୧ ଦିନ ମଧ୍ଯ ରେ ସତ୍ଯପାଠ ଦାଖଲ କରିହେବ । ସତ୍ୟପାଠ ଦାଖଲ ପରେ କମିଶନ ସମସ୍ତଙ୍କୁ ସମନ କରି ତଦନ୍ତ କରିବେ । ସତ୍ଯପାଠ ଦାଖଲ କରୁଥିବା ବ୍ୟକ୍ତିବିଶେଷ ନିଜର ସଂପୂର୍ଣ୍ଣ ଡାକଠିକଣା, ଇ-ମେଲ ଠିକଣା ଓ ହ୍ବାଟସ ଅପ ନମ୍ବର ଦେବାକୁ ବିଜ୍ଞପ୍ତିରେ ଅନୁରୋଧ କରାଯାଇଛି।
କଟକରେ ରାବଣ ପୋଡ଼ିରେ ହେବ ନାହିଁ ବାଣ ପ୍ରତିଯୋଗିତା
ନନ୍ଦିଘୋଷ ବ୍ୟୁରୋ: କଟକରେ ରାବଣ ପୋଡ଼ିରେ ହେବ ନାହିଁ ବାଣ ପ୍ରତିଯୋଗିତା। ନିର୍ଦ୍ଦେଶ ଦେଲେ ହାଇକୋର୍ଟ । କେବଳ ପରିବେଶ ଅନୁକୂଳ ରଙ୍ଗୀନ ବାଣ ବ୍ୟବହାର ପାଇଁ ଆଡଭୋକେଟ କମିଟି ପ୍ରସ୍ତାବ ଦୋଇଛନ୍ତି । ରାବଣ ପୋଡ଼ି ପାଇଁ ବାଲିଯାତ୍ରା ତଳ ପଡ଼ିଆରେ ସମସ୍ତ ପ୍ରକାରର ବ୍ୟବସ୍ଥା ୧୦ ତାରିଖ ଭିତରେ ଯୋଗାଇଦେବାକୁ ସିଏମସି, ଜିଲ୍ଲା ପ୍ରଶାସନକୁ ହାଇକୋର୍ଟ ନିର୍ଦ୍ଦେଶ ନିର୍ଦ୍ଦେଶ ଦେଇଛନ୍ତି । ସେହିପରି ଭିଡକୁ ଦୃଷ୍ଟିରେ ରଖି ଟ୍ରାଫିକ ପରିଚାଳନା ପାଇଁ ଡିସିପିଙ୍କୁ ନିର୍ଦ୍ଦେଶ।
ଘୋଷଣା ହେଲା ଯୁକ୍ତ ଦୁଇ ପରୀକ୍ଷା ତାରିଖ
ନନ୍ଦିଘୋଷ ବ୍ୟୁରୋ: ଘୋଷଣା ହେଲା ଯୁକ୍ତ ଦୁଇ ପରୀକ୍ଷା ତାରିଖ। ପରୀକ୍ଷା ତାରିଖ ଘୋଷଣା କରିଛନ୍ତି CHSE ପରୀକ୍ଷା ନିୟନ୍ତ୍ରକ ଡକ୍ଟର ପ୍ରଶାନ୍ତ କୁମାର ପରିଡା। ଏଥର ଯୁକ୍ତ ଦୁଇ ପରୀକ୍ଷା ଦୁଇ ଭାଗରେ ହେବ। ଇଣ୍ଟରନାଲ ଓ ମେନ ପରୀକ୍ଷା। ଇଣ୍ଟରନାଲ ଡ଼ିସେମ୍ବର 26 ରୁ 30 ଯାଏଁ ହେବ ପରୀକ୍ଷା। ଜାନୁଆରୀ 2 ରୁ 12 ଭିତରେ ହେବ ପ୍ରାକ୍ଟିକାଲ ପରୀକ୍ଷା। ଫେବୃଆରୀ 15 ରୁ ମାର୍ଚ୍ଚ 20 ଭିତରେ ମେନ ପରୀକ୍ଷା ହେବ। ସମସ୍ତ ଷ୍ଟ୍ରିମର ଫଳାଫଳ ପରୀକ୍ଷା ସରିବାର 45 ଦିନ ଭିତରେ ବାହାରିବ। ଫର୍ମ ଫିଲ ଅପ ଚାଲିଛି। ଯେଉଁମାନେ କରି ନାହାନ୍ତି, ଫାଇନ ଡେଟରେ କରିବେ. 75% ଉପସ୍ଥାନ ନଥିଲେ, ମିଳିବନି ଆଡମିଟ କାର୍ଡ. କିଛି କଲେଜରେ ଯେଉଁଠି ପିଲାମାନଙ୍କ ଉପସ୍ଥାନ କମ ଥିବ, ସେମାନଙ୍କୁ ଶ୍ରେଣୀ ଗୃହକୁ ଆଣିବାକୁ କଲେଜ ଅଧ୍ୟକ୍ଷ ସଚେତନ କରନ୍ତୁ ।
ମନ୍ଦିରର କବାଟ ଭାଙ୍ଗି ନେଇଗଲେ ଠାକୁରଙ୍କ ଅଳଙ୍କାର
ନନ୍ଦିଘୋଷ ବ୍ୟୁରୋ: ଲୁଟେରାଙ୍କ ଟାର୍ଗେଟରେ ଏବେ ମନ୍ଦିର । ଶେଷରେ ମନ୍ଦିର କବାଟ ଭାଙ୍ଗି ମନ୍ଦିର ଭିତରୁ ସିଦ୍ଧ ମହାବୀରଙ୍କ ଅଳଙ୍କାର ଚୋରି କଲେ ଲୁଟେରା । ପୁରୀ ଜିଲ୍ଲା ନୟାହାଟ ଫାଣ୍ଡି ଅନ୍ତର୍ଗତ ଜଙ୍ଗଲବୋରି ପଂଚାୟତ ମଧୁବନ ଗାରେ ଥିବା ସିଦ୍ଧ ମହାବୀର ମନ୍ଦିରରୁ ବିଳମ୍ବିତ ରାତିରେ ଲୁଟ ହୋଇଛି । ଲୁଟେରା ମନ୍ଦିର ଫାଟକ ଭାଙ୍ଗି ହନୁମାନଙ୍କ ରୂପା ମୁକୁଟ ୩ଟା, ହାର ୩ଟା, ଗଦା ୧ଟା, ଠାକୁରଙ୍କ ଛତ୍ରୀ ୧ଟା, ଠାକୁରଙ୍କ ପାଦ ୨ଟା, ରୂପାଆଖି ୨ଟା, ଘଣ୍ଟ, ଝାଞ୍ଜ ଶହ ମନ୍ଦିର ଭିତରେ ଥିବା ୨୦ହଜାର ଟଙ୍କା ଚୋରି କରିନେଇଛନ୍ତି । ଆଗକୁ ପାର୍ବଣ ଥିବାରୁ ଲୁଟେରାଙ୍କ ଟାର୍ଗେଟ ବିଭିନ୍ନ ମନ୍ଦିର ରହିଛି । ଆଜି ସକାଳୁ ପୂଜକ ମନ୍ଦିର ପୂଜା କରିବାକୁ ଆସିଥିବା ବେଳେ ଏଭଳି ଚୋରି ହୋଇଥିବା ଦେଖି ସ୍ଥାନୀୟ ଲୋକଙ୍କୁ କହିବା ପରେ ନୟାହାଟ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ କରିଛଇ ।
ଭବାନୀପାଟଣାରେ ଫରେଷ୍ଟର ସଞ୍ଜୟ ନାଏକଙ୍କ ମୃତ୍ଯୁ ଘଟଣା : ୩ ବନ ବିଭାଗ ଅଧିକାରୀଙ୍କୁ ଜେରା ଆରମ୍ଭ
ନନ୍ଦିଘୋଷ ବ୍ୟୁରୋ: କଳାହାଣ୍ଡି ଭବାନୀପାଟଣାରେ ଫରେଷ୍ଟର ସଞ୍ଜୟ ନାୟକଙ୍କ ମୃତ୍ଯୁ ଘଟଣାରେ ତନାଘନା। ୩ ବନ ବିଭାଗ ଅଧିକାରୀଙ୍କୁ ଜେରା ଆରମ୍ଭ କରିଛି ଟାଉନ ଥାନା ପୋଲିସ। ଗତ ୧୮ ତାରିଖରେ ଭବାନୀପାଟଣା ସ୍ଥିତ ସରକାରୀ କ୍ୱାଟର୍ସରୁ ଫରେଷ୍ଟର ସଞ୍ଜୟ ନାଏକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା। ପରିବାର ଲୋକେ ସିଲଭି କଲଚର DFO ଦେବେନ୍ଦ୍ର ବେହେରାଙ୍କ ନାଁରେ ଅଭିଯୋଗ ଆଣିଥିଲେ। ଘଟଣାରେ କଳାହାଣ୍ଡି ପୋଲିସ ଟାଉନ ଥାନାରେରେ ରାୟଗଡା ଆରିଆ ରେଞ୍ଜର ପ୍ରକାଶ ରଥ, DFO ଦେବେନ୍ଦ୍ର ବେହେରା ଓ ACF ରଜନିକାନ୍ତ ରାଉତରାୟଙ୍କୁ ଜେରା କରୁଛି ପୋଲିସ। ମୃତକଙ୍କ ପରିବାର ଆଣିଥିବା ଅଭିଯୋଗ କେତେ ସତ । ସୁଇସାଇଡ ନୋଟରେ ଲେଖାଥିବା କଥାର ଗୁରୁତ୍ବ କେତେ। ଡିଏଫଓଙ୍କୁ ମୃତ ସଞ୍ଜୟଙ୍କୁ ଚାପ ପକାଉଥିଲେ କି ନାହିଁ । ଏହିଭଳି ଅନେକ ପ୍ରଶ୍ନର ଉତ୍ତର ଖୋଜିଛି ପୋଲିସ ।