ନନ୍ଦିଘୋଷ ବ୍ୟୁରୋ: ଘୂର୍ଣ୍ଣିବଳୟ ସାଙ୍ଗକୁ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ଆସନ୍ତାକାଲିଠୁ ବଢିବ ବର୍ଷା । ୧୭ ତାରିଖ ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷା ସମ୍ଭାବନା ରହିଛି । ଝାଡ଼ଖଣ୍ଡ ଓ ସଂଲଗ୍ନ ଅଞ୍ଚଳରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ଆସନ୍ତା ୨୪ ଘଣ୍ଟା ମଧ୍ୟରେ କିଛି କିଛି ସ୍ଥାନରେ ବିଜୁଳି ଘଡଘଡି ସହ ବର୍ଷାର ସମ୍ଭାବନା ରହିଛି । ବାଲେଶ୍ଵର, ଭଦ୍ରକ, ଯାଜପୁର, କେନ୍ଦ୍ରାପଡ଼ା,କଟକ, ଜଗତସିଂହପୁର, ସୁନ୍ଦରଗଡ଼,ଝାରସୁଗୁଡ଼ା, ବରଗଡ, ସମ୍ବଲପୁର, ଦେଓଗଡ଼, ଅନୁଗୁଳ, ଢେଙ୍କାନାଳ, କେଉଁଝର, ମୟୂରଭଞ୍ଜରେ ରହିବ ବର୍ଷାର ପ୍ରଭାବ । ୬ ଜିଲ୍ଲାରେ ୭ ରୁ ୧୧ ସେମି ବର୍ଷା ସମ୍ଭାବନା ଥିବାରୁ ଏହି ସବୁ ଜିଲ୍ଲାକୁ ୟଲୋ ୱାର୍ଣ୍ଣିଂ ଜାରି କରାଯାଇଛି । ସେହିପରି ୧୪ ତାରିଖ ପାଇଁ ୪ ଜିଲ୍ଲାକୁ ଜାରି ହୋଇଛି ୟେଲୋ ୱାର୍ଣ୍ଣିଂ । ୧୮ ତାରିଖକୁ ବଦଳିବ ପାଗ । ଚଳିତ ମୌସୁମୀ ସିଜିନରେ ରାଜ୍ୟରେ ଜୁନ ୧ରୁ ଏଯାବତ ୬୩୪ ଦଶମିକ ୯ ମିଲିମିଟର ବର୍ଷା ରେକର୍ଡ ହୋଇଛି । ଏବେବି ୯ ପ୍ରତିଶତ ନିଅଁଟିଆ ବର୍ଷା ହୋଇଥିବା ସୂଚନା ଦେଇଛି ପାଣିପାଗ କେନ୍ଦ୍ର । ଗୋଟିଏ ଜିଲ୍ଲା ମାଲକାନଗିରିରେ ସ୍ଵାଭାବିକ ଠାରୁ ଅତ୍ୟଧିକ ବର୍ଷା ହୋଇଥିବା ବେଳେ ୪ ଜିଲ୍ଲାରେ ଅଧିକ ବର୍ଷା ଓ ୧୬ ଜିଲ୍ଲାରେ ସ୍ୱାଭାବିକ ଓ ବାକି ୧୦ ଜିଲ୍ଲାରେ ନିଅଣ୍ଟିଆ ବର୍ଷା ହୋଇଛି ।
କେନ୍ଦ୍ରସରକାର ଶ୍ରମ ଏବଂ ରୋଜଗାର ମନ୍ତ୍ରାଳୟରେ କନଭର୍ଜେନ୍ସ କର୍ମଶାଳା
ନନ୍ଦିଘୋଷ ବ୍ୟୁରୋ: କେନ୍ଦ୍ରସରକାର ଶ୍ରମ ଏବଂ ରୋଜଗାର ମନ୍ତ୍ରାଳୟରେ କନଭର୍ଜେନ୍ସ କର୍ମଶାଳା ଅନୁଷ୍ଠିତ ହୋଇଛି । କେନ୍ଦ୍ରସରକାରଙ୍କ ଅଧୀନରେ ଥିବା ରାଜ୍ଯ ଶ୍ରମ ଓ କର୍ମଚାରୀ ବୀମା ନିଗମ, ଭବିଷ୍ଯନିଧି ପାଣ୍ଠି, ସମାଜ କଲ୍ଯାଣ, DGFASLI, ନ୍ଯାସନାଲ କ୍ଯାରିୟର ସର୍ଭିସ ସେଣ୍ଚର, ଶ୍ରମ, ଖଣି ଓ ନିରାପତ୍ତା ଓ ନ୍ଯାସନାଲ କ୍ଯାରିୟର ସର୍ଭିସ ସେଣ୍ଚର SCJST ବିଭାଗର ସଚିବ ଓ ଅତିରିକ୍ତ ନିର୍ଦ୍ଦେଶକ ପ୍ରମୁଖ ଯୋଗ ଦେଇଥିଲେ । ହିତାଧିକାରୀ ମାନଙ୍କୁ ESI ପକ୍ଷରୁ ଦିଆଯାଇଥିବା ସମସ୍ତ ଯୋଜନାର କିପରି ଲାଭ ଉଠାଇ ପାରିବେ ସେ ନେଇ ଆଲୋଚନା କରାଯାଇଥିଲା । ଲଭାର୍ଥୀମାନେ ସ୍ବାସ୍ଥ୍ୟସେବା ଠୁ ଆରମ୍ଭ କରି ଆର୍ଥିକ ସହାୟତା ପର୍ଯ୍ୟନ୍ତ ସବୁ ପ୍ରକାରର ସୁବିଧା ପାଇବେ । ଏଥିସହ ESIC ସହ ଆଧାର ନମ୍ବର ଯୋଡିବା ବର୍ତ୍ତମାନ ସମୟରେ ବେଶ୍ ଗୁରତ୍ବପୂର୍ଣ । ଆଧାର ନମ୍ବର ଯୋଡିବା ଦ୍ଵାରା କିପରି ହିତାଧିକାରୀ ଅଧିକ ସୁବିଧା ପାଇପାରିବେ ସେ ନେଇ ମଧ୍ୟ ସଚେତନତା କରାଯାଇଛି । AAA+ ଆପ ମାଧ୍ୟମରେରେ ସମସ୍ତ କାମ କରିପାରିବେ ହିତାଧିକାରୀ । କର୍ମଚାରୀ ରାଜ୍ୟ ବୀମା ବା ESI ହେଉଛି ବିଶ୍ବର ସର୍ବୋତ୍ତମ ସ୍ବାସ୍ଥ୍ୟ ବୀମା ସ୍କିମ୍ । ଏଣୁ ESI ଉପଭୋକ୍ତା ଓ ସେମାନଙ୍କ ପରିବାରବର୍ଗ ଏହାର ଫାଇଦା ନେବା ଉଚିତ୍ ବୋଲି କହିଛନ୍ତି ESIର ଆଂଚଳିକ ନିର୍ଦ୍ଦେଶକ ସୁକାନ୍ତ ଚନ୍ଦ୍ର ଦାସ ।
ବହୁଚର୍ଚ୍ଚିତ ବିତ୍ତିହୋତ୍ର ମହାନ୍ତିଙ୍କ ପରଲୋକ
ନନ୍ଦିଘୋଷ ବ୍ୟୁରୋ: ବହୁଚର୍ଚ୍ଚିତ ବିତ୍ତିହୋତ୍ର ମହାନ୍ତିଙ୍କ ପରଲୋକ । ଜର୍ମାନୀ ଯୁବତୀଙ୍କ ସହ ଦୁଷ୍କର୍ମ ଅଭିଯୋଗରେ ୭ ବର୍ଷ ସଜା ପାଇଥିବା ଅଭିଯୁକ୍ତ ବିତ୍ତିହୋତ୍ର ମହାନ୍ତିଙ୍କର ମୃତ୍ୟୁ ହୋଇଯାଇଛି । ବିତ୍ତିହୋତ୍ର ହେଉଛନ୍ତି ବରିଷ୍ଠ ଆଇପିଏସ ବିଦ୍ୟା ଭୂଷଣ ମହାନ୍ତିଙ୍କ ପୁଅ । ସେ ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଥିବା ବେଳେ କ୍ୟାନ୍ସରରେ ତାଙ୍କର ମୃତ୍ୟୁ ଘଟିଛି। ଏପ୍ରିଲ ୧୨, ୨୦୦୬ରେ ରାଜସ୍ଥାନର ଅଲୱାରରେ ଜଣେ ଜର୍ମାନୀ ଯୁବତୀଙ୍କୁ ଦୁଷ୍କର୍ମ ଘଟଣାରେ ଗିରଫ ହୋଇଥିଲେ ବିତ୍ତିହୋତ୍ର । ମା’ ଙ୍କ ଅସୁସ୍ଥତା ନେଇ ପାରୋଲରେ ଆସିଥିବା ବେଳେ ଫେରାର ହୋଇଯାଇଥିଲେ ଏହି ଅଭିଯୁକ୍ତ। ପରେ ପୁଣି ୨୦୧୩ରେ ସେ ଗିରଫ ହୋଇଥିଲେ । ଏକ ବ୍ୟାଙ୍କରୁ କାର୍ଯ୍ୟରତ ଥିବା ବେଳେ କେରଳରୁ ଧରା ପଡ଼ିଥିଲେ ବିତ୍ତିହୋତ୍ରକ୍ୟାନ୍ସରରେ ଗତ କିଛିଦିନ ଧରି ସେ ପୀଡିତ ଥିଲେ । ଆଜି ସକାଳୁ ତାଙ୍କର ମୃତ୍ୟୁ ଘଟିଛି । ମାଜିଷ୍ଟ୍ରେଟଙ୍କ ଉପସ୍ଥିତିରେ ତାଙ୍କର ମୃତଦେହ ଏମ୍ସ ଭୁବନେଶ୍ୱରରେ ବ୍ୟବଚ୍ଛେଦ କରାଯାଇଛି ।
ଦଶ ମାସର ଶିଶୁକୁ କାଉଡ଼ିରେ ବୋହି ବୋଲବମ୍ ଗଲେ ବାପା
ନନ୍ଦିଘୋଷ ବ୍ୟୁରୋ: ଦଶ ମାସର ଶିଶୁକୁ କାଉଡ଼ିରେ ବୋହି ବୋଲବମ୍ ଗଲେ ବାପା । ଏଭଳି ନିଆରା କାଉଡିଆଙ୍କୁ ଦେଖିବାକୁ ମିଳିଛି ଗୁପ୍ତେଶ୍ୱର ରାସ୍ତାରେ । କାଉଡ଼ିଆ ଜଣକ ହେଲେ କୋରାପୁଟ ଜିଲ୍ଲା ଜୟପୁର ସହରର ଶଙ୍କର କୁଲଦୀପ । ଶଙ୍କର ପୁଅଟିଏ ପାଇଁ ବାବା ଗୁପ୍ତେଶ୍ୱରଙ୍କ ନିକଟରେ ମାନସିକ କରିଥିଲେ l ମାନସିକ ପୂରଣ ହେବା ପରେ ବାବା ଗୁପ୍ତେଶ୍ୱରଙ୍କ ଦର୍ଶନ ପାଇଁ ବାହାରିଛନ୍ତି । କାଉଡ଼ିର ଗୋଟିଏ ପଟେ ପୁଅ ଓ ଅନ୍ୟପଟେ ପୁଅ ଓଜନର ପାଣି କଳସୀ ଧରି ଯାଉଛନ୍ତି । ପ୍ରାୟ ୫୦ କିଲୋମିଟର ଏଭଳି ଚାଲିଚାଲି ଯାଇ ବାବାଙ୍କ ନିକଟରେ ଜଳାଭିଷେକ କରିଛନ୍ତି ।
୭୧ ତମ ରାଜ୍ୟ ଭାରୋତ୍ତୋଳନ ଚାମ୍ପିଅନସିପ୍ ଉଦଯାପିତ
ନନ୍ଦିଘୋଷ ବ୍ୟୁରୋ: ବ୍ରହ୍ମପୁର ମହାତ୍ମା ଗାନ୍ଧୀ ଷ୍ଟାଡିୟମ ଭାରୋତ୍ତୋଳନ ହଲ୍ ପରିସରରେ ଶୁକ୍ରବାର ଦିନ ଆରମ୍ଭ ହୋଇଥିବା ୭୧ ତମ ରାଜ୍ୟ ଭାରୋତ୍ତୋଳନ ଚାମ୍ପିଅନସିପ୍ ଉଦଯାପିତ ହୋଇଯାଇଛି । ୧୫ ଜିଲ୍ଲାର ୧୫୦ ପ୍ରତିଯୋଗୀଙ୍କୁ ନେଇ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ଶେଷ ଦିନରେ କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ପୁରୁଷ ସିନିୟର୍ ବର୍ଗରେ ଗଞ୍ଜାମର ମୁନା ନାୟକ, ୟୁଥରେ ଗଞ୍ଜାମର ହର୍ଷବର୍ଦ୍ଧନ ସାହୁ ଓ ଜୁନିୟର୍ ବର୍ଗରେ ଖୋର୍ଦ୍ଧାର ସଦାନନ୍ଦ ବରିହା ଶ୍ରେଷ୍ଠ ଭରୋତ୍ତୋଳକ ଭାବେ ପୁରସ୍କୃତ ହୋଇଛନ୍ତି । ସେହିପରି ମହିଳା ସିନିୟର୍ ବର୍ଗରେ ମୟୂରଭଞ୍ଜର ସ୍ନେହା ସୋରେନ୍ ଏବଂ ଯୁଥ୍ ଓ ଜୁନିୟରରେ ନବରଙ୍ଗପୁରର ମୀନା ସାନ୍ତା ଶ୍ରେଷ୍ଠ ଭରୋତ୍ତୋଳକ ଭାବେ ପୁରସ୍କୃତ ହୋଇଛନ୍ତି। ତିନି ଦିନର ପ୍ରତିଯୋଗିତାରେ ଗଞ୍ଜାମ ଜିଲ୍ଲାର ଖେଳାଳିଙ୍କ ଆଧିପତ୍ଯ ଦେଖିବାକୁ ମିଳିଥିଲା । ଗଞ୍ଜାମ ଜିଲ୍ଲା ଦଳଗତ ଚାମ୍ପିଅନ୍ ହୋଇଥିବା ବେଳେ ଖୋର୍ଦ୍ଧା ଓ ଢେଙ୍କାନାଳ ଯଥାକ୍ରମେ ପ୍ରଥମ ଓ ଦ୍ଵିତୀୟ ଉପବିଜେତା ହୋଇଛନ୍ତି । ରାଜ୍ୟ ସଂଘ ସମ୍ପାଦକ ରବି କୁମାର, ନାରାୟଣ ସାହୁ, ରମେଶ ପାଢ଼ି, ଚନ୍ଦ୍ରଶେଖର ସାହୁ, ଗାଗାରିନ୍ ନାୟକ, ରାନୁ ମହାନ୍ତି, ରାଜେଶ୍ଵରୀ ବେହେରା ସମେତ ମୋଟ ୩୨ ଜଣ ପରିଚାଳକ ଓ ବୈଷୟିକ ଅଧିକାରୀ ଖେଳ ପରିଚାଳନା ଏବଂ ବିଜେତାଙ୍କୁ ପୁରସ୍କୃତ କରିଥିଲେ।
ଦେବଗଡ ଜିଲ୍ଲା ପୋଲିସର ତଦନ୍ତ ବ୍ଯବସ୍ଥା ସଂପୂର୍ଣ୍ଣ ଅବହେଳିତ!
ନନ୍ଦିଘୋଷ ବ୍ୟୁରୋ: ଏବେ ନାହିଁ ନାହିଁରେ ଚାଲିଛି ଦେବଗଡ ଜିଲ୍ଲା ପୋଲିସ ବ୍ୟବସ୍ଥା । ହତ୍ୟାପରେ ରାସ୍ତାରେ ମୃତଦେହ ପଡୁଛି ୮ରୁ ୧୦ଘଣ୍ଟା । ଚୋରୀ ଡକାୟତିର ତଦନ୍ତ ପାଇଁ ପଡୋଶୀ ଜିଲ୍ଲାର ସାଇଣ୍ଟିଫିକ୍ ଟିମ୍ ଉପରେ ନିର୍ଭର କରିବାକୁ ପଡୁଛି । ଭାରତୀୟ ନ୍ୟାୟ ସଂହିତା ଅନୁସାରେ ବୈଜ୍ଞାନିକ ପଦ୍ଧତିରେ ତଦନ୍ତ ନହେଲେ କୋର୍ଟରେ ତାହା ଗ୍ରହଣୀୟ ହୋଇପାରୁନାହିଁ । ଅସୁବିଧାରେ ପଡୁଛନ୍ତି ତଦନ୍ତକାରୀ ଅଧିକାରୀ, ଦେବଗଡ ଜିଲ୍ଲାର ସବୁ ଅପରାଧିକ ମାମଲାର ତଦନ୍ତ ପାଇଁ ପଡୋଶୀ ଜିଲ୍ଲାର ସାଇଣ୍ଟିଫିକ୍ ଟିମ୍ ଉପରେ ନିର୍ଭର କରିବାକୁ ପଡୁଛି ।
ଦେବଗଡ ଜିଲ୍ଲା ଗଠନର ୩୦ବର୍ଷ ପୁରିଛି । ହେଲେ ଜିଲ୍ଲାରେ ଆଜି ମଧ୍ୟ ସଂପୂର୍ଣ୍ଣ ଭିତ୍ତିଭୂମିର ବିକାଶ ହୋଇ ହୋଇପାରିନି । ସବୁଠାରୁ ବଡକଥା ହେଲା ଜିଲ୍ଲା ପୋଲିସର ତଦନ୍ତ ବ୍ୟବସ୍ଥା ସଂପୂର୍ଣ୍ଣ ଅବହେଳିତ ହୋଇ ରହିଯାଇଛି । ଆବଶ୍ୟକୀୟ ଭିତ୍ତିଭୂମି ନଥିବାରୁ ଅପରାଧିକ ତଦନ୍ତରେ ଗୁରୁତର ବାଧା ସୃଷ୍ଟି ହେଉଛି । ରାଜ୍ୟ ଗୃହ ବିଭାଗ ଅଧୀନରେ ସମସ୍ତ ପୁଲିସ ଜିଲ୍ଲାରେ ଡିଏଫଏସଏଲ ଖୋଲାଯିବାର ବ୍ୟବସ୍ଥା ଥିଲେ ମଧ୍ୟ ଏ ପର୍ଯ୍ୟନ୍ତ ଦେବଗଡଜିଲ୍ଲାରେ ତାହା ଖୋଲିପାରିନାହିଁ । ଫଳରେ ତଦନ୍ତ ପ୍ରକ୍ରିୟାରେ ଗୁରୁତର ଅବ୍ୟବସ୍ଥା ଦେଖିବାକୁ ମିଳିଛି ।
ଗତକାଲି କୁଣ୍ଢେଇଗୋଳା ଥାନା ବୁଢାପାଳ ଫାଣ୍ଡି ଅନ୍ତର୍ଗତ ଗମ୍ଭାରୀପାଳ ଗ୍ରାମରେ ତାସ ଖେଳକୁ ନେଇ ଘଟିଥିଲା ହତ୍ୟାକାଣ୍ଡ l ତାସଖେଳରେ ବଚସାକୁ କେନ୍ଦ୍ର କରି, ଅଜୟ ମୁଖିକୁ ଟାଙ୍ଗିଆରେ ହାଣି ହତ୍ୟା କରିଥିଲେ ଦୁଇ ସାଙ୍ଗ । ୨ ଅଭିଯୁକ୍ତ ସାଙ୍ଗ ଅଟକ ଥିଲେ ଓ ଜଣେ ଫେରାର ହୋଇଯାଇଥିଲେ । ଗତକାଲି ରାତିରେ ହତ୍ୟାକାଣ୍ଡ ଘଟିଥିଲେ ମଧ୍ୟ ମୃତଦେହ ଉଠିବାକୁ ଲାଗିଥିଲା ୨୩ଘଣ୍ଟା । କାରଣ ଦେବଗଡଜିଲ୍ଲାରେ ଡିଏଫଏସଏଲ ବା ସାଇଣ୍ଟିଫିକ୍ ଟିମ୍ ନଥିବାରୁ ତଦନ୍ତ ପାଇଁ ଢେଙ୍କାନାଳ ଜିଲ୍ଲାରୁ ସାଇଣ୍ଟିଫିକ୍ ଟିମ୍ କୁ ଡକାଯାଇଥିଲା । ଟିମ୍ ପହଞ୍ଚିବାରୁ ପରେ ତଦନ୍ତ କରାଯାଇ ମୃତଦେହ ଘଟଣାସ୍ଥଳରୁ ଉଠାଯାଇଥିଲା । ଏଭଳି ଘଟଣା ପ୍ରତିଦିନ ଘଟୁଥିବାରୁ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।
ଦେବଗଡଜିଲ୍ଲାର ଗୁରୁତ୍ୱପୂର୍ଣ ମାମଲାର ତଦନ୍ତ ପାଇଁ ପଡୋଶୀ ଅନୁଗୁଳ, ଢେଙ୍କାନାଳ କିମ୍ବା ସମ୍ବଲପୁର ଜିଲ୍ଲାର ସାଇଣ୍ଟିଫିକ ଟିମ ଉପରେ ଭରସା କରିବାକୁ ପଡୁଛି । କେତେକ ହତ୍ୟା ଘଟଣାରେ ସାଇଣ୍ଟିଫିକ ଟିମ ପହଞ୍ଚିବାକୁ 24 ଘଣ୍ଟାରୁ ଉର୍ଦ୍ଧ ସମୟ ଲାଗୁଥିବା ବେଳେ ଚୋରି ଡକାୟତି ଭଳି ମାମଲାରେ ଘଟଣାର 5ଦିନ ପର୍ଯ୍ୟନ୍ତ ସାଇଣ୍ଟିଫିକ ଟିମ ପହଞ୍ଚି ପାରୁନଥିବାରୁ ବହୁ ବିଳମ୍ବରେ ତଦନ୍ତ କରାଯାଉଛି ।
ସ୍କୁଲରେ ଏବିଡିଓ ଓ ବିଇଓଙ୍କୁ ତାଲା
ନନ୍ଦିଘୋଷ ବ୍ୟୁରୋ: ବାଲେଶ୍ବର ଜିଲ୍ଲା ଶ୍ରୀଜଙ୍ଗରେ ଥିବା ବାଞ୍ଛାନିଧି ନୋଡ଼ାଲ ସ୍କୁଲରେ ଖାଦ୍ୟ ଫିଙ୍ଗା ଘଟଣା । ସମାଧାନ ପାଇଁ ବସିଥିବା ବୈଠକରେ ତୁଟିଲାନି ବିବାଦ । ଲିଖିତ ପ୍ରତିଶୃତି ଦାବିକରି ବ୍ଲକ୍ ଶିକ୍ଷା ଅଧିକାରୀ ଓ ଅତିରିକ୍ତ ବ୍ଲକ୍ ଶିକ୍ଷା ଅଧିକାରୀଙ୍କୁ ସ୍କୁଲ ଭିତରେ ତାଲା ପକାଇଲେ ଅଭିଭାବକ ଓ ପରିଚାଳନା କମିଟି । ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦ୍ଦେଶରେ ବ୍ଲକ୍ ଶିକ୍ଷା ଅଧିକାରୀ କାଳନ୍ଦୀ ସୋରେନ୍ ସ୍କୁଲକୁ ଯାଇ ସ୍ବୟଂ ସହାୟିକା ଗୋଷ୍ଠୀ ଓ ପରିଚାଳନା କମିଟିକୁ ନେଇ ଆଲୋଚନା କରିଥିଲେ । ଛାତ୍ରଛାତ୍ରୀଙ୍କ ପାଇଁ ରନ୍ଧା ଯାଇଥିବା ଖାଦ୍ୟ କାହିଁକି ଫିଙ୍ଗା ଯାଇଥିଲା । ଛାତ୍ରଛାତ୍ରୀଙ୍କୁ କାହିଁକି ବିସ୍କୁଟ ବଣ୍ଟା ଯାଇଥିଲା । ଏହି ଘଟଣା ପଛରେ କଣ ରହିଛି କାରଣ । ଏମିତି ଏକାଧିକ ସମସ୍ୟା ସମ୍ପର୍କରେ ତଦନ୍ତ କରାଯାଇଥିଲା । ପରିଚାଳନା କମିଟି ତରଫରୁ ନିମ୍ନ ମାନର ଖାଦ୍ୟ ଦିଆଯାଉଥିବା, ତରକାରୀରେ ଆଳୁର ପରିମାଣ କମ ଥିବା, ତରକାରୀ ମଧ୍ୟ କମ ଦିଆଯାଉଥିବା ଅଭିଯୋଗ କରାଯାଇଥିଲା । ତେବେ ସ୍ବୟଂ ସହାୟିକା ଗୋଷ୍ଠୀ ଖାଦ୍ୟ ଫିଙ୍ଗି ଥିବାରୁ ଦୁଃଖ ପ୍ରକାଶ କରିଛନ୍ତି ବ୍ଲକ ଶିକ୍ଷା ଅଧିକାରୀ । ସେହିପରି ବଜାର ଦର୍ ବୃଦ୍ଧି ହୋଇଥିବାରୁ ଆଳୁ ଓ ତରକାରୀର ପରିମାଣ କମ୍ ଥିବା ମଧ୍ୟ ଏସ୍ଏଚ୍ଜି ତରଫରୁ କୁହାଯାଇଛି । ଘଟଣାର ତଦନ୍ତକରି କାହିଁକି ଛାତ୍ରଛାତ୍ରୀଙ୍କୁ ଖାଇବାକୁ ନଦେଇ ଫିଙ୍ଗାଗଲା, ସେନେଇ ଖାଦ୍ୟ ପ୍ରସ୍ତୁତି ଦାୟିତ୍ବରେ ଥିବା ଏସ୍ଚ୍ଜିକୁ କାରଣ ଦର୍ଶାଅ ନୋଟିସ୍ ଜାରୀ କରିଛନ୍ତି ବ୍ଲକ୍ ଶିକ୍ଷା ଅଧିକାରୀ । ତଦନ୍ତ ରିପୋର୍ଟ ଆସିବା ପରେ ଏସ୍ଏଚ୍ଜି ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି ।
ଭୂମି ପୂଜନ କରିବାକୁ ଯାଇ ହଟ୍ଟହଟ୍ଟା ହେଲେ କେନ୍ଦ୍ର ଖଣି ମନ୍ତ୍ରୀ ସତୀଶ ଚନ୍ଦ୍ର ଦୁବେ
ନନ୍ଦିଘୋଷ ବ୍ୟୁରୋ: ସେରୁବନ୍ଧ ପାହାଡକୁ ଖଣି ଖନନ ପାଇଁ ଭୂମି ପୂଜନ କରିବାକୁ ଯାଇ ହଟ୍ଟହଟ୍ଟା ହେଲେ କେନ୍ଦ୍ର ଖଣି ଓ କୋଇଲା ମନ୍ତ୍ରୀ । ଦାମନଯୋଡି ନାଲକୋକୁ ପଟାଙ୍ଗି ତହସିଲ ସେରୁବନ୍ଧ ପାହାଡରୁ ବାର୍ଷିକ ୩ ଦଶମିକ ୫ ମିଲିୟନ ଟନ ବକ୍ସାଇଟ ଖନନ ସକାଶେ ଅନୁମତି ମିଳିଛି । ଯାହାକୁ ତୀବ୍ର ବିରୋଧ କରିଛନ୍ତି ୪ ପଞ୍ଚାୟତ ଲୋକ । ଫଳରେ ଭୁମିପୂଜନ କାର୍ଯ୍ୟକ୍ରମରେ ଯୋଗ ନଦେଇ ଅଧା ରାସ୍ତାରୁ ଫେରି ଆସିଥିଲେ କେନ୍ଦ୍ର ଖଣି ଓ କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେ।
ଖଣି ଖନନକୁ ତୀବ୍ର ବିରୋଧ । ତାତିଲେ ସ୍ଥାନୀୟ ବାସିନ୍ଦା।ଖଣି ଖନନ ପାଇଁ ସେରୁବନ୍ଧ ପାହାଡକୁ ଭୂମି ପୂଜନ କରିବାକୁ ଯାଉଥିବା ବେଳେ କେନ୍ଦ୍ର ଖଣି ଓ କୋଇଲା ମନ୍ତ୍ରୀଙ୍କୁ ତୀବ୍ର ବିରୋଧ । ଫଳରେ ଭୁମିପୂଜନ କାର୍ଯ୍ୟକ୍ରମରେ ଯୋଗ ନଦେଇ ଅଧା ରାସ୍ତାରୁ ଫେରି ଯାଇଛନ୍ତି କେନ୍ଦ୍ର ଖଣି ଓ କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେ । ସେରୁବନ୍ଧ ପାହାଡରୁ ବାର୍ଷିକ ୩ ଦଶମିକ ୫ ମିଲିୟନ ଟନ ବକ୍ସାଇଟ ଖନନ ପାଇଁ ନାଲକୋକୁ ଅନୁମତି ମିଳିଛି । ଖଣିରୁ ପ୍ରାୟ ୨୫ କିମି ଉର୍ଦ୍ଧ୍ବ ଦୂରରୁ କନଭେୟାର ବେଲଟ ଯୋଗେ ଦାମନଯୋଡି ପ୍ଲାଣ୍ଟକୁ ବକ୍ସାଇଟ ପରିବହନ କରାଯିବ । ଯାହାକୁ ତୀବ୍ର ବିରୋଧ କରିଛନ୍ତି ଅଞ୍ଚଳବାସୀ । ଝରଣା ପାଣିକୁ ବ୍ଯବହାର କରି ପାହାଡ ତଳେ ଶହଶହ ଏକର ଜମିରେ ଧାନ, ମାଣ୍ଡିଆ ,ସୁଆଁ ଓ ପନିପରିବା ଚାଷ କରି ହଜାର ହଜାର ପରିବାର ଜୀବିକା ନିର୍ବାହ କରୁଛନ୍ତି । ଖଣି ଖନନ ହେଲେ ଚାଷ କାର୍ଯ୍ଯ ବାଧାପ୍ରାପ୍ତ ହେବ ବୋଲି ଅଭିଯୋଗ ହେଇଛି ।
୫ମ ପର୍ଯ୍ୟାୟ ସମ୍ପ୍ରସାରଣ କରି ଦାମନଯୋଡି ପ୍ଲାଣ୍ଟରୁ ନାଲକୋ ବାର୍ଷିକ ୧ ମିଲିୟନ ମେଟ୍ରିକ ଟନ ଅଧିକା ଅଲୁମିନା ଉତ୍ପାଦନ କରିବାକୁ ଲକ୍ଷ୍ୟ ରଖିଛି । ତୋବୋ ସ୍ଥାନୀୟ ଜନସାଧାରଣଙ୍କ ସମର୍ଥନ ନଥାଇ ଖଣି ଖନନ କରିବାକୁ ଉଦ୍ୟମ କରୁଛି ନାଲକୋ । କେନ୍ଦ୍ର ଖଣି ରାଷ୍ଟ୍ରମନ୍ତ୍ରୀଙ୍କ ଗସ୍ତକୁ ଗୁପ୍ତ ରଖି ଚତୁରତାର ସହ ଭୂମି ପୂଜନ କରିବାକୁ ନାଲକୋ ଉଦ୍ୟମ କରିଥିଲା । ଥୁରିଆ ରାସ୍ତା ଦେଇ କେନ୍ଦ୍ରମନ୍ତ୍ରୀଙ୍କୁ ସେରୁବନ୍ଧ ଖଣି ଅଂଚଳକୁ କଡା ସୁରକ୍ଷା ମଧ୍ୟରେ ନେଉଥିବା ବେଳେ , ସୂଚନା ପାଇ ରାସ୍ତା ଅବରୋଧ କରିଥିଲେ ସ୍ଥାନୀୟ ଲୋକ । ପୋଲିସ ଓ ପ୍ରଶାସନ ବିକ୍ଷୋଭକାରୀଙ୍କୁ ବୁଝାଇବାକୁ ଚେଷ୍ଟା କରି ବିଫଳ ହୋଇଥିଲେ । ପରିସ୍ଥିତି ଅଧିକ ଖରାପ ହେବାରୁ ମନ୍ତ୍ରୀ ବିଶାଖା ପାଟଣା ଫେରି ଯାଇଥିଲେ । ଏ ସମ୍ପର୍କରେ ନାଲକୋ କର୍ତ୍ତୃପକ୍ଷ ବା ଜିଲ୍ଲା ପ୍ରଶାସନ କୌଣସି ମତାମତ ଦେଉନାହାନ୍ତି । ଅପରପକ୍ଷେ ପଟାଙ୍ଗି ସରପଂଚ ,ପଟାଙ୍ଗି ଜିଲ୍ଲା ପରିଷଦ ସଦସ୍ୟା ଲୋକମତକୁ ସମର୍ଥନ କରିଛନ୍ତି ।
୧୦୧ ରେ ପହଞ୍ଚିଲା ସତ୍ୟଜିତର ଗାର୍ଲଫ୍ରେଣ୍ଡ ଲିଷ୍ଟ
ନନ୍ଦିଘୋଷ ବ୍ୟୁରୋ: ପୁଣି ଲମ୍ବିଲା ରୋମିଓ ସତ୍ୟଜିତ ସାମଲର ପ୍ରେମିକା ତାଲିକା । ୧୦୧ ରେ ପହଞ୍ଚିଲା ସତ୍ୟଜିତର ଗାର୍ଲଫ୍ରେଣ୍ଡ ଲିଷ୍ଟ । କ୍ୟାପିଟାଲ ଥାନାରେ ଅଭିଯୋଗ କଲେ ସନ୍ଦିଗ୍ଧ ଯୁବତୀ । ଲକ୍ଷାଧିକ ଟଙ୍କା ଠକେଇ ନେଇ ଅଭିଯୋଗ ଆଣିଛନ୍ତି ଯୁବତୀ । ଠକେଇ ଟଙ୍କାରେ ଜମି, ସୁନା ଓ ଗାଡି କିଣିଥିଲା ସତ୍ୟଜିତ । ପୁରୀ ଓ ଯାଜପୁର ରେ ଜମି ସମ୍ପର୍କରେ ତହସିଲଦାରଙ୍କ ସହ କଥା ହେଲା ପୋଲିସ ।ମାଟ୍ରିମୋନିଆଲ ସାଇଟରୁ ମିଳିଲା ସାଙ୍ଘାତିକ ସୁରାକ । ଭିନ୍ନ ଭିନ୍ନ ଫଟୋ ଦେଇ ଶତାଧିକ ପ୍ରୋଫାଇଲ ବନାଇଥିଲେ ସତ୍ୟଜିତ । ଫରେନ ଯୁବତୀଙ୍କୁ ବିବାହ ପାଇଁ ପଠାଉଥିଲା ରିକ୍ୟୁଏଷ୍ଟ । ବ୍ୟାଙ୍କ ଆକାଉଣ୍ଟ କୁ ଠାବ କରି ଅଧିକ ତଦନ୍ତ ଚାଲିଛି । ଦ୍ଵିତୀୟ ଥର ପାଇଁ ରିମାଣ୍ଡ ବେଳେ ସତ୍ୟଜିତକୁ ଚାଲିଛି ଜେରା । ବର୍ତ୍ତମାନ ସୁଦ୍ଧା ୩ ଟି ଦାମୀ କାର ଓ ଗୋଟିଏ ବୁଲେଟ ଜବତ କରାଯାଇଛି ।
ହାର୍ଡ ଡ୍ରାଇଭ ଓ ଲାପଟପ ରୁ ମିଳିଛି ବହୁ ଆପତ୍ତିଜନକ ଭିଡିଓ । ୫ ଦିନିଆ ରିମାଣ୍ଡରେ ମାରାଥନ ଜେରା କରୁଛି ପୋଲିସ । ୨ ଟି ସ୍ପେଶାଲ ଟିମ ଗଠନ କରାଯାଇ ରାଜ୍ୟ ଓ ରାଜ୍ୟ ବାହାରକୁ ପଠାଯାଇଛି । କିନ୍ତୁ ଏହାରି ଭିତରେ ପୋଲିସ ପାଖକୁ ଆସିଛି ଆଉ ଏକ ନୂଆ ଅଭିଯୋଗ । ଠକେଇ ଓ ଆର୍ମସ ଆକ୍ଟରେ ୩ ଟି ମାମଲା ରୁଜୁ କରାଯାଇଛି ।
ହିଣ୍ଡେନବର୍ଗ ରିପୋର୍ଟକୁ ନେଇ ଜୋର ଧରିଲା ରାଜନୀତି
ନନ୍ଦିଘୋଷ ବ୍ୟୁରୋ: ହିଣ୍ଡେନବର୍ଗ ରିପୋର୍ଟକୁ ନେଇ ଜୋର ଧରିଲା ରାଜନୀତି । ପୂର୍ବତନ ପିସିସି ସଭାପତି ଶରତ ପଟ୍ଟନାୟକ ଦାବି କରିଛନ୍ତି ଯେ, ଅଭିଯୋଗ ନେଇ ତଦନ୍ତ କରିବାକୁ କାହିଁକି ଡରୁଛନ୍ତି କେନ୍ଦ୍ର ସରକାର । ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ଜେପିସି ତଦନ୍ତ ଦାବି ସବୁ ମହଲରେ ସ୍ବାଗତ କରାଯାଉଛି । କ୍ଷେତ ବାଡ଼ ଖାଇଲା ଭଳି ମାର୍କେଟକୁ ଯାହାର ଜଗିବା ଦାୟିତ୍ବ ସେହି ସଂସ୍ଥାର ବିଶ୍ବସନୀୟତା ନେଇ ଯଦି ପ୍ରଶ୍ନ ଉଠୁଛି ତାହେଲେ ବିରୋଧୀ ରାଜନୀତି କରୁଛନ୍ତି ବୋଲି ବିଜେପି କହିବା ଦୁର୍ଭାଗ୍ଯଜନକ । ସେପଟେ ବାମ ଦଳ ବି ଏହି ପ୍ରସଙ୍ଗରେ ବାମଦଳ ବି କେନ୍ଦ୍ରକୁ ଘେରିଛି । ଜେପିସି ତଦନ୍ତ ଦାବି କରିବା ସହ ସେବି ମୁଖିଆ ମାଧବୀ ବୁଚ ତୁରନ୍ତ ତାଙ୍କ ପଦରୁ ଇସ୍ତଫା ଦିଅନ୍ତୁ ବୋଲି ସିପିଆଇଏମ ଓ ଆପ ଦାବି କରିଛନ୍ତି । ହିଣ୍ଡେନବର୍ଗ ରିପୋର୍ଟକୁ ନେଇ ସେୟାର ବଜାର ହଲଚଲ ହେବା ପରେ କେନ୍ଦ୍ର ସରକାରଙ୍କ ଆଭିମୁଖ୍ଯକୁ ନେଇ ପ୍ରଶ୍ନ ଉଠାଇଛନ୍ତି ମାର୍କେଟ ବିଶେଷଜ୍ଞ ।