ନନ୍ଦିଘୋଷ ବ୍ୟୁରୋ: ଉତ୍ତର ପ୍ରଦେଶରେ ବୋଲବମ୍ ଭକ୍ତ ଯାଉଥିବା ରାସ୍ତାରେ ଦୋକାନୀମାନେ ନେମ୍ ପ୍ଲେଟ୍ ଲଗାଇବା ଆଦେଶ ପରେ ବିବାଦ ଲାଗି ରହିଛି । ଏାକୁ ନେଇ ନେତାଙ୍କ ମଧ୍ୟରେ ବୟାନବାଜି ଚାଲିଥିବା ବେଳେ ଏଥିରେ ଏବେ ଏଣ୍ଟ୍ରି ମାରିଛନ୍ତି ବଲିଉଡ଼ ସେଲିବ୍ରିଟି । ନେମ୍ ପ୍ଲେଟକୁ ନେଇ ସେନୁ ସୁଦଙ୍କ ସୋସିଆଲ ମିଡିଆରେ ଏହାକୁ ନେଇ ପୋଷ୍ଟ କରିବା ପରେ ତାଙ୍କୁ ଅଭିନେତ୍ରୀ ତଥା ରାଜନେତା କଙ୍ଗନା ରଣାଓ୍ବତ ଜବାବ ଦେଇଛନ୍ତି ।

ସୋନୁଙ୍କ ମାନବତା ପୋଷ୍ଟରେ କଙ୍ଗନାଙ୍କ ଜବାବ

ତିନି ଦିନ ହେଲା ନେମ୍ ପ୍ଲେଟ୍ ବିବାଦ ଲାଗି ରହିଥିବା ବେଳେ ଅଭିନେତା ସୋନୁ ସୁଦ ଏଥିରେ ଏଣ୍ଟ୍ରି ମାରିଛନ୍ତି । ସୋସିଆଲ ମିଡ଼ିଆରେ ଏକ ପୋଷ୍ଟ କରି ସୋନୁ ଲେଖିଥିଲେ, ପ୍ରତି ଦୋକାନରେ ଗୋଟିଏ ପ୍ରକାର ନେମ୍ ପ୍ଲେଟ ରହିବା ଦରକାର ଓ ଏହା ମାନବତା ବୋଲି ଉଲ୍ଲେଖ ରହିବା ଦରକାର । ଏହାପରେ ସୋନୁଙ୍କ ପୋଷ୍ଟରେ କଙ୍ଗନାଙ୍କ ଏଣ୍ଟ୍ରି ହୋଇଥିଲା । ଏଥିରେ ସେ କମେଣ୍ଟ କରି ଲେଖିଥିଲେ ହଲାଲକୁ ମାନବତାରେ ରିପ୍ଲେସ କରି ଦିଆଯିବା ଦରକାର ।

ସୋସିଆଲ ମିଡିଆରେ ଉଭୟଙ୍କ ବାକଯୁଦ୍ଧରେ ଅନ୍ୟ ୟୁଜର୍ସ ବି ଏଣ୍ଟ୍ରି ମାରିବା ସହ ସୋନୁ ସୁଦଙ୍କୁ ଟ୍ରୋଲ କରିବା ଆରମ୍ଭ କରି ଦେଇଥିଲେ । ଜଣେ ୟୁଜର୍ସ ସୋନୁଙ୍କୁ ଟ୍ୟାଗ କରି ଲେଖିଛନ୍ତି, ‘ଛେପ ଲଗା ରୁଟି ସୋନୁ ସୁଦଙ୍କ ପାଖକୁ ପାର୍ସଲ କରାଯାଉ, କାରଣ ଭାଇଚାର କାଏମ ରହିବା ଦରକାର ।’ ଏହି ୟୁଜର୍ସଙ୍କ କମେଣ୍ଟର ଉତ୍ତର ଦେବାକୁ ଯାଇ ସୋନୁ ଲେଖିଥିଲେ, ‘ଶ୍ରୀମରା ବି ଶବରୀର ଅଇଁଣ୍ଠା ଖାଇଥିଲେ । ମୁଁ କାହିଁକି ଖାଇ ପାରିବିନ । ହିଂସାକୁ ଅହିଂସା ଦ୍ବାରା ହରାଇ ହେବ ଭାଇ । କେବଳ ମାନବିକତା ରହିବା ଦରକାର ।’

ଏହି ପୋଷ୍ଟ ଉପରେ ଉପରେ କଙ୍ଗନା ମଧ୍ୟ ନିଜ ପ୍ରତିକ୍ରିୟା ରଖିଥିଲେ । ସେ ଉଲ୍ଲେଖ କରିଥିଲେ, ‘ଏବେ ସୋନୁ ଜୀ ଭଗବାନ ଏବଂ ଧର୍ମକୁ ନେଇ ନିଜ ସିର୍ଦ୍ଧାନ୍ତ ଅନୁସାରେ ରାମାୟଣର ନିର୍ଦ୍ଦେଶନର କରିବେ । ଭଲ କଥା, ବଲିଉଡ଼ରୁ ଆଉ ଏକ ରାମାୟଣ ଆସିବାକୁ ଯାଉଛି ।’

ସୋନୁଙ୍କ ୟୁଟର୍ଣ୍ଣ

ଏହି ତୁ ତୁ ମେଁ ମେଁ ଭିତର ସୋନୁ ସୁଦ ହୁଏତ ଜାଣିଗଲେ ଛେପ ପକା ପୋଷ୍ଟକୁ ନେଇ ବିବାଦ ବଢ଼ିପାରେ । ତେଣୁ ସେ ଆଉ ଏକ ପୋଷ୍ଟ କରିଛନ୍ତି । ଏଥିରେ ସେ ଉଲ୍ଲେଖ କରିଛନ୍ତି, ‘ଖାଇବାରେ ଛେପ ପକାଇବାକୁ ମୁଁ ଠିକ୍ ବୋଲି କେବେ କହିନାହିଁ । ଏହା ସେମାନଙ୍କ ଚରିତ୍ର, ଯାହା କେବେ ବଦଳିବନି । ଏଥିପାଇଁ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ବି ନିଆଯାଉ । ହେଲେ ମାନବିକତାକୁ ମାନବିକତା ହୋଇ ରହିବାକୁ ଦିଆଯାଉ । ୟୁପି ସରକାରଙ୍କ କାମର ମୁଁ ସବୁଠାରୁ ବଡ଼ ପ୍ରଶଂସକ । ୟୁପି, ବିହାରର ପ୍ରତି ଘର ମୋ ପରିବାର ।’