ମୁମ୍ବାଇ: କେବେ ଆସିବ ମିର୍ଜାପୁର ୩ ? ତାକୁ ସାରା ଦେଶର ପ୍ରଶଂସକ ଅନାଇ ବସିଥିବା ବେଳେ ରିଲିଜ ହୋଇଛି ଏହାର ଟ୍ରେଲର୍ । ଗତ ଦୁଇ ସିଜିନରେ ନିଜର ଜଲଓ୍ବା ଦେଖାଇଥିବା ମିର୍ଜାପୁର ସିରିଜର ତୃତୀୟ ସିଜିନ ଜୁଲାଇ ୫ରୁ ଆସୁଛି । ଏବେ ଏହାର ଟ୍ରେଲର୍ ରିଲିଜ ହୋଇଛି । ଟ୍ରେଲରଟି ଗତ ଦୁଇ ସିଜିନଠାରୁ ଅଧିକ ଦମଦାର ଲାଗୁଛି । ଯାହା ଓ୍ବେବ୍ ସିରିଜ ଦୁନିଆରେ ଇତିହାସ ରଚିବାକୁ ଯାଉଛି । ଆସନ୍ତୁ ଜାଣିବା ଟ୍ରେଲରରେ ଥିବା କିଛି ଘଟଣାକ୍ରମ ଉପରେ, ଯାହା ଆପଣଙ୍କୁ ବି ଚକିତ କରିବ ।
ପଙ୍କଜ ତ୍ରିପାଠୀଙ୍କ ଗୋଟିଏ ଝଲକ୍
କୁହାଯାଏ ବଡ଼ ଖେଳାଳି ନିଜର ସବୁଠାରୁ ବଡ଼ ଅସ୍ତ୍ରକୁ ଲୁଚାଇ ରଖିଥାଏ । ଅନ୍ୟଥା ନିହାତି ଆବଶ୍ୟକ ହେଲେ ଏହାର ବ୍ୟବହାର କରିଥାଏ । ମିର୍ଜାପୁର ୩ର ମେକର୍ସ ବି ଏମିତି କରିଛନ୍ତି । ଏହି ଟ୍ରେଲରରେ ଆପଣ କାଲିନ ଭୟା ଓରଡ଼ ପଙ୍କଜ ତ୍ରିପାଠୀଙ୍କୁ ଖୋଜି ହେଉଥିବେ । ଏମିତି ଲାଗିବ ଟ୍ରେଲରରେ ତାଙ୍କୁ ଦେଖିବାକୁ ମିଳିବନି । ହେଲେ ଟ୍ରେଲରର ଶେଷରେ ତାଙ୍କୁ ଦେଖିବାକୁ ମିଳିବ । ଆଉ କାଲିନ ଭୟାଙ୍କ ଏଣ୍ଟ୍ରି ସହ ପୂରା ପରିବେଶ ଧୂଆଁ ଧୂଆଁ ହୋଇଯାଉଛି । ଆଉ ଏହାରି ଭିତରେ ଶିଭିବ କାଲିନ ଭୟାଙ୍କ ଦମଦାର ଡାୟଲଗ ‘ହାମ୍ ଓ୍ବ କରବାଏଙ୍ଗେ, ଜୋ ପୂର୍ବାଞ୍ଚଳ କୀ ଇତିହାସ ମେ ଆଜ୍ ତକ କଭି ନେହିଁ ହୁଆ ।’ ଟ୍ରେଲର ଦେଖିଲେ ବି ଏମିତି ଲାଗୁଛି, ମେକର୍ସ କିଛି ନୂଆ ଟ୍ରାଏଲ କରିଛନ୍ତି ।
‘ଭାଓଲେନ୍ସ ତୋ ମହାରୀ USP ହୈ ନା…
ଟ୍ରେଲର ଆରମ୍ଭରେ ଗୁଡ୍ଡୁ ପଣ୍ଡିତ ତ୍ରିପାଠୀ ଛକରେ ଥିବା କାଲିନ ଭୟାଙ୍କ ପ୍ରତିମୂର୍ତ୍ତି ଭାଙ୍ଗୁ ଥିବା ଦେଖିବାକୁ ମିଳୁଛି । ଏହି ସିଜିନରେ ମୁନନା ଭୟା ନଥିବାରୁ ସିଧା କାଲିନ ଭୟା ଓ ଗୁଡ୍ଡୁ ପଣ୍ଡିତଙ୍କ ମଧ୍ୟରେ ଟକ୍କର ହେବାକୁ ଯାଉଛି । ଟ୍ରେଲର ଜରିଆରେ ମେକର୍ସ ଗତ ସିଜିନ ତୁଳନାରେ ଅଧିକ ଆକ୍ରମଣାତ୍ମକ ଦୃଶ୍ୟ ଦେବାକୁ ଚେଷ୍ଟା କରିଛନ୍ତି । ଏଥିରେ ଗୁଡ୍ଡୁ ପଣ୍ଡିତ କହୁଥିବା ଶୁଣିବାକୁ ମିଳୁଛି ‘ଭାଓଲେନ୍ସ ତୋ ମହାରୀ USP ହୈ ନା…’ ।
ସିଜିନ୍ ୩ରେ ପ୍ରତିଶୋଧର ନିଆଁ
ଏହି ରକ୍ତାକ୍ତ ଟ୍ରେଲର ବହୁତ କିଛି ସଙ୍କେତ ଦେଉଛି । ଏହି ସିଜିନରେ ଶ୍ବାତା ତ୍ରିପାଠୀ ଚରିତ୍ର ଲେଡି ଡନ୍ ଭାବେ ଦେଖିବାକୁ ମିଳିବ । ବିଜୟ ବର୍ମାଙ୍କ ଚରିତ୍ର ବି ଆହୁରି ଅଧିକ ମଜଭୁତ ହେବ ବୋଲି ଆଶା କରାଯାଉଛି । ଏହାସହ ମୁନ୍ନା ଭୟାଙ୍କ ପତ୍ନୀଙ୍କ ଜଲଓ୍ବା ମଧ୍ୟ ଦେଖିବା ଭଳି ହୋଇଛି । ସେ ଗୁଡ୍ଡୁ ପଣ୍ଡିତକୁ ଶେଷ କରିଦେବାକୁ ଚାହୁଁଛନ୍ତି । ସେପଟେ କାଲିନ ଭୟାଙ୍କ ପତ୍ନୀ ତାଙ୍କ ବିପକ୍ଷରେ ଛିଡା ହୋଇଥିବା ଦେଖିବାକୁ ମିଳିବ । ମୋଟାମୋଟି ଭାବେ ମିର୍ଜାପୁର ୩ ରେ ପ୍ରତିଶୋଧର ନିଆଁ ଦେଖିବାକୁ ମିଳିବ ।
ମାହୋଲ ବନାଉଛି ଇଣ୍ଟିମେଣ୍ଟ ସିନ୍
ଟ୍ରେଲରେ ଦୁଇଟି ଜିନିଷ ଅଲଗା ରଖାଯାଇଛି । ଏଥିରେ ମାତ୍ର ଥରେ ଅପଶବ୍ଦ ବ୍ୟବହାର ହୋଇଛି । ଅନ୍ୟ ସିଜିନ ପରି ଏଥିରେ ବି ଭରପୂର ଗାଳିଗୁଲଜ ଥିବ । ହେଲେ ରିଲିଜ ପୂର୍ବରୁ ଆଲୋଚନାରୁ ବଞ୍ଚିବା ପାଇଁ ମେକର୍ସ ଗାଳିଗୁଲଜ ବ୍ୟବହାର କରିନାହାନ୍ତି । ଗତ ଦୁଇ ସିଜନରେ ଗାଳିଗୁଲଜକୁ ନେଇ ବହୁ ସମାଲୋଚନା ହୋଇଥିଲା । ଏହାସହ ସେକ୍ସ ଓ ଅଶ୍ଳୀଳତାକୁ ନେଇ ବହୁ ସମାଲୋଚନା କରାଯାଇଥିଲା । ଏହି କାରଣରୁ ଏହି ଟ୍ରେଲରରେ କିଛି ସ୍ଥାନରେ ଇଣ୍ଟିମେଣ୍ଟ ସିନକୁ କେବଳ ଟିଜ୍ କରାଯାଇଛି । କାରଣ ଦର୍ଶକଙ୍କ ପାଇଁ ମାହୋଲ ବି ବନାଇ ରଖିବାକୁ ପଡିବ ।
ଭରି ରହିଛି କୌତୁହଳ
ଚଳିତ ସିଜିନରେ ଗୁଡ୍ଡୁ ଭୟା ଚରିତ୍ର ହିରୋ ହେବାକୁ ଯାଉଛି । ତାକୁ ନିଜ ପୁରୁଣା ଅନ୍ଦାଜରେ ଦେଖାଇବାକୁ ଚେଷ୍ଟା କରାଯାଇଛି । ଗୁଡ୍ଡୁ ଓ ବୀନା ମଧ୍ୟରେ ଏକ ପ୍ରକାର ସେକ୍ସୁଆଲ ଟେନସନ ଦେଖାଇବାକୁ ଚେଷ୍ଟା କରାଯାଇଛି । ଗୋଲୁ ଓ ଗୁଡ୍ଡୁ ମଧ୍ୟରେ ବି ଏମିତି କିଛି ଦେଖାଇବାକୁ ଚେଷ୍ଟା କରାଯାଇଛି । ଏହାସହ ଗୁଡ୍ଡୁ ବାପାର ଟେକ୍ ଚାଲୁଛି । କହିବାକୁ ଚାହୁଁଛୁ, ମେକର୍ସ ସବୁକିଛି ଟିଜ୍ କରି ଦର୍ଶକଙ୍କ ମଧ୍ୟରେ କୌତୁହଳ ସୃଷ୍ଟି କରିବାକୁ ଚେଷ୍ଟା କରିଛନ୍ତି ।
