ନନ୍ଦିଘୋଷ ବ୍ୟୁରୋ : ଡାକ୍ତରଖାନା ପରିସରରୁ ଔଷଧ ଦୋକାନ ହଟିବ । ଏ ନେଇ ରାଜ୍ୟ ସ୍ବାସ୍ଥ୍ୟ ସଚିବ ଶାଳିନୀ ପଣ୍ଡିତ ସମସ୍ତ ସିଡିଏମଓଙ୍କ ସମେତ ଏମକେସିଜି ମେଡିକାଲ ଓ ଭିମସାର ମେଡିକାଲ କଲେଜର ଡିନ୍ ଓ ଅଧ୍ୟକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି । ଫେବୃଆରୀ ୨୦୧୫ରେ ମେଡିକାଲ୍ କ୍ୟାମ୍ପସ ମଧ୍ୟରେ ଥିବା ଔଷଧ ଦୋକାନୀ ଲାଇସେନ୍ସ ଅବଧି ବୃଦ୍ଧି କରିବାକୁ ଆବେଦନ କରିଥିଲେ । ହାଇକୋର୍ଟ ସମସ୍ତ ଆବେଦନର ଶୁଣାଣୀ କରି ଲାଇସେନ୍ସ ଅବଧି ବୃଦ୍ଧିକୁ ନାକଚ କରିଦେବା ସହ ମେଡିକାଲ କ୍ୟାମ୍ପସରେ ନୂଆ ଔଷଧ ଦୋକାନ ଖୋଲିବା ପାଇଁ ଅନୁମତି ଦେବାକୁ ମନା କରିଦେଇଥିଲେ । କିଛି ଔଷଧ ଦୋକାନଙ୍କ ଲାଇସେନ୍ସ ଅବଧି ସରିଯାଇଥିଲେ ମଧ୍ୟ,କୋର୍ଟଙ୍କ ଅନ୍ତରୀଣ ଆଦେଶ ବଳରେ ଔଷଧ ଦୋକାନ ଗୁଡିକ ଚାଲୁରହିଥିଲା । ୧୯.୦୪.୨୪ରେ ହାଇକୋର୍ଟ ଏକ ନିର୍ଦ୍ଦେଶନାମା ଜାରି କରି ମେଡିକାଲ କ୍ୟାମ୍ପସ ଭିତରେ ଥିବା ସମସ୍ତ ଔଷଧ ଦୋକାନକୁ ନୋଟିସ ଜାରି କରିବାର ୧୫ ଦିନ ମଧ୍ୟରେ ଖାଲି କରିବା ସହ ସମସ୍ତ ବକେୟା ପାଉଣା ସଂଗ୍ରହ କରିବାକୁ ନିର୍ଦ୍ଦେଶ ନେଇଛନ୍ତି ।
ମହିଳାମାନଙ୍କୁ ଘରୁ ଡାକିଆଣିଲେ, ହାତରେ ଖଲି ଧରେଇ ଲୋକହସା କଲେ
ଆଠମଲ୍ଲିକ : ସମ୍ବଲପୁର ସାଂସଦୀୟର କ୍ଷେତ୍ର ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀ, କିଶୋର ନଗର ବର ପଡିଆ ଠାରେ, ବିଜେପିର ନିର୍ବାଚନ ପ୍ରଚାର ସଭାକୁ, ବିଜେପି କର୍ମୀ ମାନେ ସକାଳୁ ଆଖ ପାଖ ଗାଁ ମହିଳା ମାନଙ୍କୁ ଘରୁ ଡାକିଆଣି ମହିଳାମାନଙ୍କୁ ଖାଇବାକୁ ଦେଇନଥିଲେ ଫଳରେ ହାତରେ ଖଲି ଧରି ଲୋକହସା କରିଥିଲେ । ଅସହ୍ୟ ହେବାରୁ ଭୋକରେ ଡହଳ ବିକଳ ହେଉଥିବା ମହିଳାମାନେ ଅତିଷ୍ଟ ହୋଇଥିଲେ । ସମ୍ବଲପୁର ବିଜେପି ସାଂସଦ ପାର୍ଥି ଧର୍ମେନ୍ଦ୍ର ପ୍ରଧାନଙ୍କ ସମେତ ବିଜେପି ଦଳକୁ ବିରୋଧ କରିବା ସହ ସମାଲୋଚନ କରିଥିଲେ । ଯାହାର ଭିଡ଼ିଓ ଏବେ ଶୋଇସିଆଲ ମିଡ଼ିଆ ରେ ଭାଇରାଲ ହେଉଛି । ଅନ୍ୟ ପଟେ ଆଠମଲ୍ଲିକ ନିର୍ବାଚନ ମଣ୍ଡଳୀ ରେ ଏପ୍ରିଲି ୨୪ରେ ଧର୍ମେନ୍ଦ୍ର ପ୍ରଧାନଙ୍କ ରୋଡ଼ ଶୋରେ ବିଜେପି ନେତାଙ୍କ ଗାଡ଼ି ସାଧାରଣ ଜନତାଙ୍କୁ ମଡ଼େଇ ଚାଲି ଯାଇଥିଲା । ସେପଟେ ଆଠମଲ୍ଲିକ ଥାନା ସମୁଖରେ ନାବାଳକ ଓ ନାବାଳିକା ଙ୍କୁ ଧର୍ମେନ୍ଦ୍ର ପ୍ରଧାନଙ୍କ ନିର୍ବାଚନୀ ପ୍ରଚାରେ ହାତରେ ଦଳୀୟ ପତାକା ଧରାଇ ଭବିଷ୍ୟତକୁ ଅନ୍ଧାର ଆଡେ ଠେଲିଦେଉଛି ବିଜେପି । ଏ ସବୁକୁ ନେଇ ଆଠମଲ୍ଲିକ ଜନସାଧାରଣଙ୍କ ମନରେ ତୀବ୍ର ଅସନ୍ତୋଷ ଦେଖା ଦେଇଛି ।
ଶେଷ ହେଲା ଦ୍ବିତୀୟ ପର୍ଯ୍ୟାୟ ମତଦାନ, ସିଲ୍ ହେଲା ପ୍ରାର୍ଥୀଙ୍କ ଭାଗ୍ଯ
ନନ୍ଦିଘୋଷ ବ୍ୟୁରୋ : ଦ୍ବିତୀୟ ପର୍ଯ୍ୟାୟ ମତଦାନ ଶେଷ । ୧୩ ରାଜ୍ୟର ୮୮ ଆସନରେ ୧୨୧୦ ପ୍ରାର୍ଥୀଙ୍କ ଭାଗ୍ଯ ସିଲ୍। କଂଗ୍ରେସ ନେତା ରାହୁଲ ଗାନ୍ଧୀ, କେ.ସି. ଭେନୁଗୋପାଲ, ତାରିକ ଅନୱର, ଶଶୀ ଥରୁରଙ୍କ ଭାଗ୍ୟ ନିର୍ଦ୍ଧାରଣ କରିଛନ୍ତି ଭୋଟର। ପୂର୍ବତନ ମୁଖ୍ଯମନ୍ତ୍ରୀ ଏଚ.ଡି.କୁମାରସ୍ବାମୀ, ଭୂପେଶ ବଘେଲ, କେରଳର ପୂର୍ବତନ ମୁଖ୍ଯମନ୍ତ୍ରୀ ଏକେ ଆଣ୍ଟୋନିଙ୍କ ପୁଅ ଅନିଲ ଆଣ୍ଟୋନି, ରାଜସ୍ଥାନର ପୂର୍ବତନ ମୁଖ୍ଯମନ୍ତ୍ରୀ ଅଶୋକ ଗେହଲଟଙ୍କ ପୁଅ ବୈଭବ ପଟେଲ, ରାଜସ୍ଥାନର ପୂର୍ବତନ ମୁଖ୍ଯମନ୍ତ୍ରୀ ବସୁନ୍ଧରା ରାଜେଙ୍କ ପୁଅ ଦୁଶ୍ଯନ୍ତ ସିଂଙ୍କର ବି ହୋଇଛି ଭାଗ୍ଯ ପରୀକ୍ଷା। ସେହିପରି ଅଭିନେତ୍ରୀ ହେମାମାଳିନୀ, ଅରୁଣ ଗୋଭିଲଙ୍କର ବି ଭାଗ୍ଯ ହୋଇଛି ସିଲ୍। ମଇଦାନରେ ୧୦୦ ମହିଳା ପ୍ରାର୍ଥୀ ଥିବାବେଳେ ୩୯୦ କୋଟିପତି ପ୍ରାର୍ଥୀ ରହିଥିଲେ। ସାରା ଦେଶବାସୀଙ୍କ ନଜର ରହିଛି କେରଳ ୱାୟନାଡ ସିଟ୍ ଉପରେ। ଏଠାରେ ପ୍ରତିଦ୍ବନ୍ଦ୍ବିତା କରୁଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ସେଠାରେ ଇଣ୍ଡିଆ ମେଣ୍ଟ ବିଫଳ ହୋଇଥିବାରୁ ରାହୁଲ ସଙ୍କଟର ସମ୍ମୁଖୀନ ହୋଇପାରନ୍ତି। ଆସାମର ୫ ଲୋକସଭା ଆସନ, ବିହାରର ୫, ଛତିଶଗଡ଼ ୩, କର୍ଣ୍ଣାଟକର ୧୪, କେରଳର ୨୦, ମଧ୍ୟପ୍ରଦେଶର ୬, ମହାରାଷ୍ଟ୍ରର ୮, ଉତ୍ତରପ୍ରଦେଶର ୮, ରାଜସ୍ଥାନର ୧୩, ପଶ୍ଚିମବଂଗର ୩ ସହ ତ୍ରିପୁରା, ମଣିପୁର ଓ ଜମ୍ମୁ କାଶ୍ମୀର ଗୋଟିଏ ଲେଖାଏ ଆସନରେ ଭୋଟ ଗ୍ରହଣ ହୋଇଛି। ମେ ୭ରେ ତୃତୀୟ ପର୍ଯ୍ୟାୟ ନିର୍ବାଚନ ହେବ।
ପ୍ରବଳ ଗରମରେ ଆଉଟୁପାଉଟୁ ସାରା ରାଜ୍ଯ
ଭୁବନେଶ୍ୱର : ବଢୁଛି ପାରଦ, ପ୍ରବଳ ଗରମରେ ଆଉଟୁପାଉଟୁ ସାରା ରାଜ୍ଯ । ଆଗାମୀ ୫ ଦିନ ଯାଏଁ ତାତିରୁ ନିସ୍ତାର ମିଳିବନି ବୋଲି ସତର୍କ କଲା ପାଣିପାଗ ବିଭାଗ । 30 ତାରିଖ ଯାଏ ରାଜ୍ୟର ଅଧିକାଂଶ ଜିଲ୍ଲାକୁ ରେଡ ଆଲର୍ଟ ଜାରି । ଉତ୍ତର ଆଭ୍ୟନ୍ତରୀଣ, ଉପକୂଳ, ଓଡ଼ିଶା ସମେତ ରାଜ୍ୟର ଅଧିକାଂଶ ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି । ଆଭ୍ୟନ୍ତରୀଣ ଓଡିଶାରେ 45 କିମ୍ବା ତାଠୁ ଅଧିକ ତାପମାତ୍ରା ରେକର୍ଡ ହୋଇପାରେ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଦିନ 11 ରୁ 3ଟା ଭିତରେ ବାହାରକୁ ବାହାରିଲେ ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ପରାମର୍ଶ ଦିଆଯାଇଛି । ଆଗାମୀ 2 ଦିନ ଦକ୍ଷିଣ ଓଡ଼ିଶା ସମେତ ଆଖପାଖ ଅଞ୍ଚଳରେ କାଳ ବୈଶାଖୀ ବର୍ଷା ସମ୍ଭାବନା ରହିଛି । କୋରାପୁଟ, ମାଲକାନଗିରି, ଗଞ୍ଜାମ, ଗଜପତି, ଖୋର୍ଦ୍ଧାର ଗୋଟିଏ ଦୁଇଟି ସ୍ଥାନରେ ବର୍ଷା ହୋଇପାରେ । କାଳବୈଶାଖୀ ସତ୍ତ୍ବେ ଗରମରୁ ନିସ୍ତାର ମିଳିବନ ବୋଲି ସତର୍କ କରିଛି ବିଭାଗ । ପଶ୍ଚିମ ଦିଗରୁ ଶୁଷ୍କ ପବନ ପ୍ରବାହିତ ହେଉଥିବାରୁ ଗରମ ବଢୁଛି । ତେଣୁ ଅତ୍ଯନ୍ତ ଜରୁରୀ ନଥିଲେ ପଦାକୁ ନ ବାହାରିବାକୁ ସତର୍କ କରିଛି ପାଣିପାଗ ବିଭାଗ ।
ପଶ୍ଚିମ ଓଡ଼ିଶାରେ ପାଞ୍ଚ ପାଞ୍ଚ ଜଣ ସାଂସଦ ନିର୍ବାଚିତ ହୋଇ କଣ କରିଛନ୍ତି : ପ୍ରଣବ ପ୍ରକାଶ ଦାସ
କୁଚିଣ୍ଡା : କୁଚିଣ୍ଡା ନିର୍ବାଚନ ମଣ୍ଡଳୀର ଜମନକିରାରେ ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କୁ ଭବ୍ଯ ସ୍ବାଗତ କରାଯାଇଛି । ଏକ ବିଶାଳ ବାଇକ ରାଲି କରି ସମର୍ଥକମାନେ ସଭାସ୍ଥଳକୁ ପାଛୋଟି ଆଣିଥିଲେ । ଏହି ଅବସରରେ ସେଠାରେ ଉପସ୍ଥିତ ଥିଲେ କୁଚିଣ୍ଡା ବିଧାୟକ ବିଧାୟକ ପ୍ରାର୍ଥୀ ରାଜେନ୍ଦ୍ର ଛତ୍ରିଆ । ଭବ୍ଯସ୍ବାଗତ ଲାଗି ସମସ୍ତଙ୍କୁ ଧନ୍ଯବାଦ ଜଣାଇବା ସହ ଉପସ୍ଥିତ ହଜାର ହଜାର ମହିଳାଙ୍କ ପ୍ରଶଂସା କରିଥିଲେ । ଏତେ ଖରାରେ ଆସି ସଭାରେ ଉପସ୍ଥିତ ରହିଥିବାରୁ ସେ ଋଣୀ ବୋଲି କହିଥିଲେ । ପଶ୍ଚିମ ଓଡ଼ିଶାରେ ପାଞ୍ଚ ପାଞ୍ଚ ଜଣ ସାଂସଦ ନିର୍ବାଚିତ ହୋଇ ଦିଲ୍ଲୀ ଗଲେ ବି ଚୁପ ରହିଥିଲେ । ବିଗତ ଦିନ ମାନଙ୍କରେ କଣ ବିକାଶ କରିଛନ୍ତି ବୋଲି ପ୍ରଶ୍ନ କରିଥିଲେ ପ୍ରଣବ । ନିର୍ବାଚନ ପରେ ତାଙ୍କର ଦେଖା ମିଳେ ନାହିଁ କହି ବିରୋଧୀଙ୍କୁ ଟାର୍ଗେଟ କରିଥିଲେ ପ୍ରଣବ ।
ସମ୍ବଲପୁରରେ ସାମଗ୍ରିକ ବିକାଶ ନେଇ ବରିଷ୍ଠ ନାଗରିକଙ୍କ ସହ ଆଲୋଚା କଲେ ପ୍ରଣବ ପ୍ରକାଶ ଦାସ
ସମ୍ବଲପୁର : ସମ୍ବଲପୁରର ଅସ୍ମିତା, କଳା ଓ ସଂସ୍କୃତିର ସାମଗ୍ରିକ ବିକାଶ ନେଇ ବରିଷ୍ଠ ନାଗରିକଙ୍କ ସହ ଆଲୋଚା କରିଛନ୍ତି ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସ । ଏହି ସମୟରେ ସମ୍ବଲପୁର ବିଧାନସଭା ପ୍ରାର୍ଥୀ ରୋହିତ ପୂଜାରି ଓ ଦଳର ବରିଷ୍ଠ ନେତାମାନେ ଉପସ୍ଥିତ ଥିଲେ । ଏହି ଅବସରରେ ସମ୍ବଲପୁରର ବିଭିନ୍ନ ସମସ୍ୟା ଉପରେ ବରିଷ୍ଠ ନାଗରିକମାନେ ଆଲୋଚନା କରିଥିଲେ । ସମଲେଶ୍ୱରୀ ମନ୍ଦିରର ଉନ୍ନତିକରଣ ଏବଂ ବିଏସକେୱାଇ ପାଇଁ ମୁଖ୍ଯମନ୍ତ୍ରୀଙ୍କୁ ସମସ୍ତେ କୃତଜ୍ଞତା ପ୍ରଦାନ କରିଥିଲେ । ରହିଥିବା ସମସ୍ଯାର ସମାଧାନ ସହ ଲୋକଙ୍କ ଇଚ୍ଛାନୁସାରେ ସବୁ କାମ କରାଯିବ ବୋଲି ପ୍ରଣବ ପ୍ରକାଶ ଦାସ ପ୍ରତୃଶୃତି ଦେଇଛନ୍ତି । ପ୍ରଣବ କହିଛନ୍ତି, ସମ୍ବଲପୁରରେ ମୋତେ ପ୍ରାର୍ଥୀ କରିବା ମୁଖ୍ଯମନ୍ତ୍ରୀଙ୍କ ଦୂରଦୃଷ୍ଟି । ମୁଖ୍ୟମନ୍ତ୍ରୀ ପଶ୍ଚିମ ଓଡିଶା ପାଇଁ ଅନେକ ଯୋଜନା କରିଛନ୍ତି । ଆଗକୁ ଏହା ଜାରି ରହିବ l ସବୁବେଳେ ସମ୍ବଲପୁରବାସୀଙ୍କ ପାଖରେ ରହିଛି ବୋଲି ପ୍ରଣବ ପ୍ରତିଶୃତି ଦେଇଛନ୍ତି ।
୫ହଜାର ଭାରତୀୟଙ୍କୁ ଦେଶରୁ ବିତାଡିତ କରାଯିବ ବୋଲି କାହିଁକି କହିଲେ ଋଷି ସୁନାକ ?
ନନ୍ଦିଘୋଷ ବ୍ୟୁରୋ : ନିକଟରେ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନାକ ବ୍ରିଟେନରେ ଭାରତୀୟ ଶରଣାର୍ଥୀମାନଙ୍କ ପାଇଁ ରୁୱାଣ୍ଡା ବିଲ୍ ପାରିତ କରିଛନ୍ତି, ଏହା ପରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ତାଙ୍କ ନିଷ୍ପତ୍ତିକୁ ସମାଲୋଚନା କରିଛନ୍ତି। ମାକ୍ରୋନ୍ କହିଛନ୍ତି ଯେ ଆଫ୍ରିକାରେ ରୁୱାଣ୍ଡାକୁ ବ୍ରିଟେନରେ ଆଶ୍ରୟ ନେଉଥିବା ଲୋକଙ୍କୁ ପଠାଇବା ଏକ ପ୍ରଭାବହୀନ ଯୋଜନା । ସେମାନେ କହିଛନ୍ତି ଯେ ଏହା ଆମକୁ ତୃତୀୟ ଦେଶ ଉପରେ ନୂତନ ନିର୍ଭରଶୀଳତାର ପଥରେ ନେଇଯିବ। ଏପ୍ରିଲ୍ ୨୫ରେ, ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ପ୍ୟାରିସର ସୋରବୋନ୍ ବିଶ୍ୱବିଦ୍ୟାଳୟକୁ ଯାଇଥିଲେ ଯେଉଁଠାରେ ୟୁରୋପୀୟ ୟୁନିଅନର ଭବିଷ୍ୟତ ବିଷୟରେ ଏକ ଅଭିଭାଷଣରେ ସେ ରୁୱାଣ୍ଡା ବିଲ୍କୁ ସମାଲୋଚନା କରି କହିଥିଲେ ଯେ ମୁଁ ଏକ ମଡେଲରେ ବିଶ୍ୱାସ କରେ ନାହିଁ ଯେଉଁଥିରେ ଏକ ତୃତୀୟ ଦେଶ ଏହା ଆଫ୍ରିକୀୟ ମାଳଦ୍ବୀପ କିମ୍ବା ଅନ୍ୟାନ୍ୟ ସ୍ଥାନରେ ଲୋକଙ୍କୁ ଖୋଜିବା ଏବଂ ଏହା ମଧ୍ୟ ଯେଉଁମାନେ ଆମ ମାଟିରେ ବେଆଇନ ଭାବରେ ପ୍ରବେଶ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଆମେ ସନ୍ଦେହର ଏକ ଭୌଗୋଳିକ ନୀତି ସୃଷ୍ଟି କରୁଛୁ ଯାହା ଆମର ମୂଲ୍ୟବୋଧକୁ ବିଶ୍ୱାସ କରିବ ଏବଂ ନୂତନ ନିର୍ଭରଶୀଳତା ସୃଷ୍ଟି କରିବ ? ସଂପୂର୍ଣ୍ଣ ପ୍ରଭାବହୀନ ବୋଲି ପ୍ରମାଣିତ କରିବ ।
ସମସ୍ତ ଭାରତୀୟଙ୍କୁ ରୁୱାଣ୍ଡା ପଠାଯିବ
ବ୍ରିଟେନରେ ସମୁଦାୟ ୫୦୦୦ଭାରତୀୟ ଶରଣାର୍ଥୀ ଅଛନ୍ତି, ସେଥିମଧ୍ୟରୁ କିଛି ଭାରତୀୟ ବ୍ରିଟେନରେ ଆଇନଗତ ଭାବରେ ରହିଛନ୍ତି ଏବଂ କିଛି ଭାରତୀୟ ବେଆଇନ ଭାବେ ରହିଛନ୍ତି ଏବଂ ସମସ୍ତେ ବ୍ରିଟେନରେ ଆଶ୍ରୟ ନେବାକୁ ଚାହୁଁଛନ୍ତି। ଏପ୍ରିଲ୍ ୨୩ରେ, ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନାକ ଏହି ସମସ୍ତ ଲୋକଙ୍କୁ ରୁୱାଣ୍ଡା ପଠାଇବା ପାଇଁ ଏକ ଆଇନ ପ୍ରଣୟନ କରିଥିଲେ। ପ୍ରଧାନମନ୍ତ୍ରୀ ଋଷି ସୁନାକଙ୍କ ସରକାର ପାଇଁ ଏହି ନିୟମ ଏକ ପ୍ରମୁଖ ନୀତି। ଏହି ବିଲ୍ ଅନୁଯାୟୀ ଜୁନ୍ ସୁଦ୍ଧା ଏହି ସମସ୍ତ ଭାରତୀୟଙ୍କୁ ରୁୱାଣ୍ଡା ପଠାଯିବ। ଭାରତୀୟଙ୍କ ସହ ୫ବର୍ଷ ଚୁକ୍ତି ହେବ ସମସ୍ତ ଭାରତୀୟଙ୍କ ମଧ୍ୟରୁ ଅଧିକାଂଶ ୧୮ ରୁ ୨୯ ବର୍ଷ ବୟସରେ ଅଛନ୍ତି। ସମସ୍ତ ଭାରତୀୟଙ୍କୁ ରୁୱାଣ୍ଡାକୁ ନିର୍ବାସିତ କରାଯିବା ସହିତ ୫ ବର୍ଷର ଚୁକ୍ତି ହେବ। ରୁୱାଣ୍ଡା ଯାଉଥିବା ପ୍ରତ୍ୟେକ ଶରଣାର୍ଥୀ ପାଇଁ ରୁୱାଣ୍ଡାକୁ ୬୩ଲକ୍ଷ ଟଙ୍କା ଏବଂ ସମସ୍ତ ଶରଣାର୍ଥୀଙ୍କୁ ୧୮.୯୦୦ ଟଙ୍କା ପ୍ରଦାନ କରାଯିବ। ଆକଳନ କରାଯାଇଛି ଯେ ୨୦୨୪ ମସିହାରେ ଅତି କମରେ ୨୦୦୦ ଭାରତୀୟ ବ୍ରିଟେନକୁ ବେଆଇନ ଭାବେ ଆସିବେ।
ପାଟଣାଗଡ ବିଜେଡିରେ ଯୋଗଦେଲେ ଏକାଧିକ ବିଜେପି ଓ କଂଗ୍ରେସ କର୍ମୀ
ପାଟଣାଗଡ : ପାଟଣାଗଡ ବଢୁଛି ବିଜେଡି ବଳ। ବିଜେଡିରେ ଯୋଗଦେଲେ ୩୦ରୁ ଉର୍ଦ୍ଧ୍ବ ବିଜେପି ଓ କଂଗ୍ରେସ କର୍ମୀ। ପାଟଣାଗଡ ବିଜେଡି କାର୍ଯ୍ୟାଳୟ ଠାରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ଵଚ୍ଛ ନିର୍ମଳ ଶାସନରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି। ପାଟଣାଗଡ ବିଧାୟକ ସରୋଜ କୁମାର ମେହେରଙ୍କ ଉପସ୍ଥିତିରେ ବେଲପଡା ବ୍ଲକ ସୁଲେକେଲା ଓ ବଙ୍ଗୋମୁଣ୍ଡାବାହାଲ ଗାଁର ୩୦ରୁ ଉର୍ଦ୍ଧ୍ବ ବିଜେପି ଓ କଂଗ୍ରେସ କର୍ମୀ ବିଜେଡିରେ ମିଶିଛନ୍ତି। କାର୍ଯ୍ୟକ୍ରମରେ ଏନ୍ଏସି ଉପନଗରପାଳ ପ୍ରଫୁଲ୍ଲ କୁମାର ମେହେର, ପ୍ରଦୀପ ପୁରୋହିତ, ଗୁପ ମେହେର ଙ୍କ ସମେତ ବହୁ ବିଜେଡି କର୍ମୀ ଉପସ୍ଥିତ ଥିଲେ।
ଯାଜପୁରରେ ବିରୋଧୀ ବିଜେପି ଛାଡି ବିଜେଡିରେ ସାମିଲ ହେଲେ ଶତାଧିକ କର୍ମୀ
ଯାଜପୁର : ବିଜେଡିର ମିଶ୍ରଣ ପର୍ବ। ଯାଜପୁରରେ ବିରୋଧୀ ବିଜେପି ଛାଡି ବିଜେଡିରେ ସାମିଲ ହୋଇଛନ୍ତି ଶତାଧିକ କର୍ମୀ। କାଳୀମେଘା ଠାରେ ଆୟୋଜିତ କାର୍ଯ୍ୟକ୍ରମରେ ନେତା ଓ କର୍ମୀ ବିଜେଡିରେ ଯୋଗ ଦେଇଛନ୍ତି। ସୁଶୀଲ ମହାନ୍ତିଙ୍କ ନେତୃତ୍ୱରେ ଜାହାନପୁର ପଂଚାୟତର ଶତାଧିକ ବିଜେପି କର୍ମୀ ଓ ଯାଜପୁର ଟାଉନ ପୌରାଞ୍ଚଳର ଅନେକ କର୍ମୀ ବିଜେଡିରେ ଯୋଗଦାନ କରିଛନ୍ତି । ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶଙ୍କ ପ୍ରତିନିଧି ଭବ ପ୍ରସାଦ ଦାଶ ଦଳୀୟ ଉତ୍ତରୀୟ ଦେଇ କର୍ମୀଙ୍କୁ ଦଳକୁ ସ୍ଵାଗତ କରିଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶଧାରାରେ ଅନୁପ୍ରାଣିତ ହୋଇ ବିଜେଡିରେ ଯୋଗ ଦେଇଛନ୍ତି। ବିଜେଡିରେ ସାମିଲ ହୋଇଥିବା ମଧ୍ୟରେ ଯୁବ କର୍ମୀ ଅଭିଷେକ ରାଉତ ଅଛନ୍ତି। ଯାଜପୁରରେ ନିର୍ବାଚନକୁ ନେଇ ରାଜନୀତି ଉଷ୍ମତା ଦେଖିବାକୁ ମିଳିଥିବାବେଳେ ଅନେକ ବିରୋଧୀ ନେତା ଓ କର୍ମୀ ଅସନ୍ତୁଷ୍ଟ ହୋଇ ବିଜେଡିରେ ଯୋଗ ଦେଇଛନ୍ତି।
ଯଦି ନିର୍ବାଚନରେ ଦୁଇ ପ୍ରାର୍ଥୀ ସମାନ ଭୋଟ୍ ପାଆନ୍ତି, ତେବେ ବିଜେତା କିପରି ସ୍ଥିର ହେବ ?
ନନ୍ଦିଘୋଷ ବ୍ୟୁରୋ : ଲୋକସଭା ନିର୍ବାଚନ ୨୦୨୪ର ଦ୍ୱିତୀୟ ପର୍ଯ୍ୟାୟ ଭୋଟ୍ ଚାଲିଛି। ୧୩ଟି ରାଜ୍ୟରେ ୮୮ ଆସନରେ ମତଦାନ ହେଉଛି । ଏହି ପର୍ଯ୍ୟାୟରେ ୧୫.୮୮ କୋଟି ଭୋଟର ଅନ୍ତର୍ଭୁକ୍ତ, ଯେଉଁମାନଙ୍କ ମଧ୍ୟରୁ ୮.୦୮ କୋଟି ପୁରୁଷ ଏବଂ ୭.୮ କୋଟି ମହିଳା ଭୋଟର | ମୋଟ ୭ ଟି ପର୍ଯ୍ୟାୟରେ ନିର୍ବାଚନ ଭୋଟିଂ ପ୍ରକ୍ରିୟା ଶେଷ ହେବ। ସମସ୍ତ ଆସନରେ ଦିଆଯାଇଥିବା ଭୋଟ ଗଣନା ଜୁନ୍ ୪ରେ ହେବ | ଭୋଟ୍ ଗଣିବା ସମୟରେ ଏହା ଅନେକ ଥର ଘଟିଛି ଯେତେବେଳେ ଦୁଇଜଣ ପ୍ରାର୍ଥୀ ଗୋଟିଏ ଆସନରେ ସମାନ ସଂଖ୍ୟକ ଭୋଟ୍ ପାଇଥିଲେ। ଏଭଳି ପରିସ୍ଥିତିରେ ବିଜେତା କିପରି ସ୍ଥିର ହୁଏ ? ଏହି ମାମଲାଗୁଡ଼ିକରେ ଲୋକ ପ୍ରତିନିଧୀ ଅଧିନିୟମ ଅନୁଯାୟୀ ଲଟେରୀ ମାଧ୍ୟମରେ ନିଷ୍ପତ୍ତି ନିଆଯାଏ | ନିର୍ବାଚନରେ ଅନୁଷ୍ଠିତ ଏହି ଲଟେରୀ କିପରି କାମ କରେ ଆସନ୍ତୁ ଜାଣିବା ।
ଭୋଟ୍ ଗଣିବା ପାଇଁ କିଏ ଦାୟୀ ?
ନିର୍ବାଚନମଣ୍ଡଳୀରେ ନିର୍ବାଚନ ପରିଚାଳନା ପାଇଁ ରିଟର୍ଣ୍ଣିଂ ଅଫିସର ଦାୟୀ। ଭୋଟ୍ ଗଣିବା ମଧ୍ୟ ତାଙ୍କର ଦାୟିତ୍। ଲୋକ ପ୍ରତିନିଧୀ ଅଧିନିୟମର ଧାରା ୬୪ଅନୁଯାୟୀ, ପ୍ରତ୍ୟେକ ନିର୍ବାଚନରେ ଯେଉଁଠାରେ ଭୋଟ୍ ଗ୍ରହଣ ହୁଏ, ରିଟର୍ନି ଅଫିସରଙ୍କ ତତ୍ତ୍ୱାବଧାନ ଏବଂ ନିର୍ଦ୍ଦେଶରେ ଭୋଟ୍ ଗଣନା କରାଯିବ। ଏହା ବ୍ୟତୀତ, ଏହି ବିଭାଗ ପ୍ରତ୍ୟେକ ପ୍ରତିଯୋଗୀ ପ୍ରାର୍ଥୀ, ତାଙ୍କ ନିର୍ବାଚନ ଏଜେଣ୍ଟ ଏବଂ ଗଣନାକାରୀ ଏଜେଣ୍ଟମାନଙ୍କୁ ଭୋଟ୍ ଗଣନା ସମୟରେ ଉପସ୍ଥିତ ରହିବାକୁ ଅଧିକାର ପ୍ରଦାନ କରାଯାଇଛି ।
ଯଦି ନିର୍ବାଚନରେ ଦୁଇ ଜଣ ସମାନ ସଂଖ୍ୟକ ଭୋଟ୍ ପାଆନ୍ତି ତେବେ କ’ଣ ହେବ ?
ଗଣନା ସମାପ୍ତ ହେବା ପରେ ଯେତେବେଳେ ଯେତେବେଳେ ସମାନ ସଂଖ୍ୟକ ଭୋଟ୍ ପାଆନ୍ତି, ସେତେବେଳେ ଲୋକ ନିୟମର ଧାରା ୬୫ଅନୁଯାୟୀ ଚୂଡ଼ାନ୍ତ ନିଷ୍ପତ୍ତି ନିଆଯାଏ । ଏହି କ୍ଷେତ୍ରରେ ରିଟର୍ଣ୍ଣିଂ ଅଧିକାରୀ ଲଟେରୀ ମାଧ୍ୟମରେ ପ୍ରାର୍ଥୀଙ୍କ ମଧ୍ୟରେ ନିଷ୍ପତ୍ତି ନିଅନ୍ତି। ଲଟେରୀ ବ୍ୟବସ୍ଥାରେ ସମାନ ସଂଖ୍ୟକ ଭୋଟ୍ ପାଇଥିବା ପ୍ରାର୍ଥୀଙ୍କ ନାମ ଧାରଣ କରିଥିବା ସ୍ଲିପଗୁଡିକ ଏକ ବାକ୍ସରେ ରଖାଯାଏ । ତା’ପରେ ବାକ୍ସକୁ ହଲାଇବା ପରେ ରିଟର୍ନ ଅଫିସର ଏଥିରୁ ଏକ ସ୍ଲିପ୍ ବାହାର କରନ୍ତି । ଯେକୌଣସି ପ୍ରାର୍ଥୀଙ୍କ ନାମରେ ଏକ ଅତିରିକ୍ତ ଭୋଟ୍ ବିବେଚନା କରାଯାଏ ଯାହାର ନାମ ଖସିଯାଏ । ଏହିପରି, ଯଦି ଲଟେରୀ ମାଧ୍ୟମରେ ଗୋଟିଏ ଭୋଟ୍ ବୃଦ୍ଧି ହୁଏ, ତେବେ ଦୁଇ ପ୍ରାର୍ଥୀଙ୍କ ମଧ୍ୟରୁ ଜଣେ ବିଜେତା ଘୋଷିତ ହେବେ ।