ନନ୍ଦିଘୋଷ ବ୍ୟୁରୋ: ଜୟପୁର ବିଧାନସଭା ଲାଗି ପ୍ରାର୍ଥିପତ୍ର ଦାଖଲ କଲେ କଂଗ୍ରେସ ପ୍ରାର୍ଥୀ ତାରା ପ୍ରସାଦ ବାହିନିପତି। ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ସେ ପ୍ରାର୍ଥିପତ୍ର ଦାଖଲ କରିଛନ୍ତି। ମା ଭଗବତୀ ଓ ଜଗତଜନନୀଙ୍କ ମନ୍ଦିରରେ ପୂଜା କରି ହଜାର ହଜାର ସମର୍ଥକଙ୍କ ସହିତ ଶୋଭାଯାତ୍ରାରେ ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ। ସାଥିରେ ସ୍ତ୍ରୀ ତଥା ରାଜ୍ୟ ମହିଳା କଂଗ୍ରେସ ସଭାନେତ୍ରୀ ମୀନାକ୍ଷୀ ବାହିନୀପତି ଥିଲେ । ତାରାଙ୍କ ନାମାଙ୍କନବେଳେ ସାଂସଦ ପ୍ରାର୍ଥୀ ସପ୍ତଗିରି ଉଲକା ରହିଥିଲେ । ଜୟପୁର ନିର୍ବାଚନ ମଣ୍ଡଳୀରେ ଷ୍ଟାର ପ୍ରଚାରକ ମଧ୍ଯ ଆସିବେ ବୋଲି କହିଛନ୍ତି ତାରା । କଂଗ୍ରେସ ନେତା ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀଙ୍କ ସମେତ ବହୁ ତାରକା ପ୍ରଚାରକ ଜୟପୁର ଆସିବେ ବୋଲି ସେ କହିଛନ୍ତି। ସେପଟେ କୋଟପାଡ ବିଧାନସଭା ଆସନ ପାଇଁ କଂଗ୍ରେସ ପ୍ରାର୍ଥୀ ଅନାମ ଦିଆନ ମଧ୍ଯ ନାମାଙ୍କନ ପତ୍ର ଦାଖଲ କରିଛନ୍ତି ।
ଅଯୋଧ୍ୟା ପରେ ଆଲିବାଗ୍, ଅମିତାଭ କିଣିଥିବା ଜମିର ଦାମ ଶୁଣିଲେ ହୋଇଯିବେ ଆଶ୍ଚର୍ଯ୍ୟ
ନନ୍ଦିଘୋଷ ବ୍ୟୁରୋ: ଜମିରେ ନିବେଶ କରୁଛନ୍ତି ବିଗ୍ ବି । ବଲିଉଡ ସୁପରଷ୍ଟାର ଅମିତାଭ ବଚ୍ଚନ ଏବେ ଆଲିବାଗରେ ଏକ ଜମି କିଣିଛନ୍ତି । ଅମିତାଭ ୧୦ ହଜାର ସ୍କ୍ବୋୟାର ଫିଟର ଜମି ୧୦ କୋଟି ଟଙ୍କାରେ କିଣିଥିବା ଜଣାପଡ଼ିଛି । hoablରୁ ସେ ଏହି ଜମି କିଣିଛନ୍ତି । ୨୦ ଏକର ଜମି ପରିବ୍ୟାପ୍ତ ଆଲିବାଗ ପ୍ରୋଜେକ୍ଟର ଅମିତାଭ କିଣିଥିବା ଜମି ହେଉଛି ହେଉଛି ଏକ ଅଂଶ । ତେବେ ରାମ ମନ୍ଦିର ପ୍ରତିଷ୍ଠା ପୂର୍ବରୁ ଅଯୋଧ୍ୟାରେ ମଧ୍ୟ ନିଜର ଜମି କିଣିଛନ୍ତି ଅମିତାଭ । ସେ ୧୪ କୋଟି ୫୦ ଲକ୍ଷ ଟଙ୍କା ବିନିମୟରେ ଅଯୋଧ୍ୟାରେ ଜମି କରିଥିଲେ । ସେପଟେ ଆଲିବାଗରେ ଜମି କିଣିବା ପୂର୍ବରୁ ଅନୁଷ୍ମା ଏବଂ ଦିପିକା ମଧ୍ୟ ଏଠାରେ ଜମି କିଣିଛନ୍ତି । ତେବେ ଅମିତାଭ ଏବେ ଜମିରେ ଟଙ୍କା ନିବେଶ କରୁଥିବା ଦେଖିବାକୁ ମିଳୁଛି । ତେବେ ମୁମ୍ବାଇର ଜଲସା ବଙ୍ଗଳାରେ ଅମିତାଭ ପରିବାର ସହ ରୁହନ୍ତି । ତାଙ୍କର ଅନ୍ୟଏକ ବଙ୍ଗଳା ତାଙ୍କ ଝିଅ ଶ୍ବେତାଙ୍କୁ ଉପହାର ସ୍ବରୁପ ଦେଇଛନ୍ତି ।
କେଶବ ମହାରାଜଙ୍କୁ ଜୟ ଶ୍ରୀ ରାମ କହିଲେ ଇଶାନ କିଶାନ, ଆଉ ତା’ପରେ..
ନନ୍ଦିଘୋଷ ବ୍ୟୁରୋ: ସୋମବାର ଆଇପିଏଲର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ରାଜସ୍ଥାନ ରୟାଲନ୍ସକୁ ଭେଟିବାକୁ ଯାଉଛି ମୁମ୍ବାଇ ଇଣ୍ଡିଆନ୍ସ । ଟେବୁଲ ଟପରେ ରହିଥିବା ରାଜସ୍ଥାନ ୭ ମ୍ୟାଚରୁ ୬ ବିଜୟ ହାସଲ କରିଛି । ଆଜିର ମ୍ୟାଚ ବିଜୟ ପରେ ଦଳ ପ୍ଲେଅଫର ନିକଟତର ହେବ । ସେପଟେ ମୁମ୍ବାଇ ୭ଟି ମ୍ୟାଚରୁ ୩ ବିଜୟ ହାସଲ କରିଛି । ରାଜସ୍ଥାନର ଅଧା ପଏଣ୍ଟ ପାଇଛି ମୁମ୍ବାଇ । ତେବେ ମ୍ୟାଚ ପୂର୍ବରୁ ଉଭୟ ଦଳର ଖେଳାଳିଙ୍କ ବହୁ ମଜାଳିଆ ଭିଡିଓ ମାନ ନିଜ ନିଜର ପେଜରେ ଦେଖିବାକୁ ମିଳିଛି । ରାଜସ୍ଥାନ ରୟାଲ୍ସର ସୋସିଆଲ ମିଡିଆ ପେଜରେ ସେୟାର ହୋଇଥିବା ଏକ ଭିଡିଓରେ ଦେଖିବାକୁ ମିଳିଛି କି, ଇଶାନ କିଶାନ ଏବଂ ଚହଲ ନଜର ଆସିଛନ୍ତି । ଏଭଳି ସମୟରେ କେଶବ ମହାରାଜ ଇଶାନଙ୍କ ପାଖକୁ ଯାଇଛନ୍ତି । ଇଶାନ କିଶାନ ହିନ୍ଦୀରେ କହିଛନ୍ତି କି, ଭାଇ ତୁମେ ହିନ୍ଦୀ ଭଲଭାବେ ବୁଝିପାର । ହିନ୍ଦି କହିପାରିବ ତ । ଏହାସହ ସେ ତାଙ୍କୁ ଜୟ ଶ୍ରୀରାମ ବୋଲି ମଧ୍ୟ କହିଛନ୍ତି । ରାମ ଭକ୍ତଭାବେ ଜଣାଶୁଣା କେଶବ ମହାରାଜ ମଧ୍ୟ ଜୟ ଶ୍ରୀରାମ କହିଥିଲେ । ତେବେ ଏହି ଭିଡିଓଟି ଏବେ ସୋସିଆଲ ମିଡିଆରେ ୟୁଜର୍ସମାନେ ବେଶ ପସନ୍ଦ କରୁଥିବାବଳେ ସେୟାର ମଧ୍ୟ କରୁଛନ୍ତି ।
— Rajasthan Royals (@rajasthanroyals) April 22, 2024
ଖଡିଆଳ ବ୍ଲକରେ କାଳବୈଶାଖୀର ତାଣ୍ଡବ
ନନ୍ଦିଘୋଷ ବ୍ୟୁରୋ: ନୂଆପଡ଼ା ଜିଲ୍ଲା ଖଡିଆଳ ବ୍ଲକରେ କାଳବୈଶାଖୀର ତାଣ୍ଡବ। ପ୍ରବଳ ବର୍ଷା ଓ ପବନରୁ ବ୍ଯାପକ ଫସଲ ନଷ୍ଟ ହୋଇଛି। ଖଡିଆଳ ବ୍ଲକରେ ହଠାତ କାଳବୈଶାଖୀ ଆସିବାରୁ ଲାଗି ରହିଥିବା ତାତିରୁ ସାମାନ୍ଯ ଆଶ୍ଵସ୍ତି ମିଳିଥିଲା। ତେବେ କାଳବୈଶାଖୀ ବର୍ଷାରେ ବ୍ଯାପକ ଫସଲ ନଷ୍ଟ ହୋଇଛି। ଅନେକ ସ୍ଥାନରେ କୁଆପଥର ଶହ ବର୍ଷା ଓ ପବନରୁ ପରିବା ଚାଷୀ କ୍ଷତି ସହିଛନ୍ତି। ଅନେକ ସ୍ଥାନରେ ଗଛ ଭାଙ୍ଗିଛି। ବିରିଘାଟ ଗାଁରେ ଅନେକ ଚାଷୀଙ୍କ ଆମ୍ବ ବଗିଚା ନଷ୍ଟ ହୋଇଛି। ଗଛରୁ ସବୁ ଆମ୍ବ ଝଡିଯାଇଛି। ଆମ୍ବ ତୋଳିବା ପୂର୍ବରୁ ଚାଷୀଙ୍କୁ କ୍ଷତିର ସାମନା କରିବାକୁ ପଡିଛି।
ତିହାର ଜେଲ ପ୍ରଶାସନ ମିଛ କହୁଛନ୍ତି: ମୁଁ ପ୍ରତିଦିନ ଇନସୁଲିନ ମାଗୁଥିଲି: ଅରବିନ୍ଦ କେଜ୍ରିଓ୍ବାଲ
ନନ୍ଦିଘୋଷ ବ୍ୟୁରୋ: ତିହାର ଜେଲ ପ୍ରଶାସନ ଉପରେ ଗୁରୁତର ଆରୋପ ଲଗାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । କେଜ୍ରିଓ୍ବାଲ ଏକ ଚିଠି ମାଧ୍ୟମରେ ଜଣାଇଛନ୍ତି କି, ମୋ ସ୍ବାସ୍ଥ୍ୟ ସମ୍ପର୍କରେ ଜେଲ ପ୍ରଶାସନ ପକ୍ଷରୁ ଦିଆଯାଉଥିବା ତଥ୍ୟ ସମ୍ପୂର୍ଣ୍ଣ ମିଛ । ମୋର ସୁଗାର ଲେବଲ ଏବଂ ଇନସୁଲିନ ପ୍ରସଙ୍ଗରେ ଦିଆଯାଇଥିବା ତଥ୍ୟ ଭୁଲ୍ । ମୁଁ ପ୍ରତିଦିନ ଇନସୁଲିନ ପାଇଁ କହୁଥିବାବେଳେ ଏହାକୁ ଶୁଣା ଯାଉନଥିଲା । ଏପରିକି ପ୍ରଶାସନ ରାଜେନୖତିକ ଚାପରେ ପଡ଼ି ମିଛ ତଥ୍ୟ ଦେଉଛନ୍ତି । ମୁଁ ଖବରକାଗଜରୋ ପଢିଥିବା ରିପୋର୍ଟରେ ଯେଭଳି ପ୍ରକାଶ ପାଇଛି ତାହା ମଧ୍ୟ ମିଛ । ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସର ଜଣେ ବରିଷ୍ଠ ଚିକିତ୍ସକ ମୋ ସହ ଭିଡିଓ କଲରେ କଥା ହୋଇ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ । ସେ ମଧ୍ୟ ମୋତେ ସ୍ବାସ୍ଥ୍ୟ ସମ୍ପର୍କରେ ପରାମର୍ଶ ଦେଇଥିବା କୁହାଇଛି । କିନ୍ତୁ ଏଭଳି କିଛି ହୋଇନାହିଁ ।
ଅନ୍ୟପଟେ ଯେତେବେଳେ ବି ମୋତେ ଡାକ୍ତର ଚିକିତ୍ସା ପାଇଁ ଆସନ୍ତି ମୁଁ ସେତେବେଳେ ତାଙ୍କୁ ଜଣାଇଛି କି, ମୋର ସୁଗାର ଲେବଲ ଅଧିକ ରହିଛି । ମାତ୍ର ଏହାକୁ ସେ ଶୁଣିନାହାନ୍ତି । ଏପରିକି ମୋତେ ଇନସୁଲିନ ଦରକାର ବୋଲି କହିଛି । ମୋର ସୁଗାର ଲେବର ୨୫୦-୩୨୦ ପର୍ଯ୍ୟନ୍ତ ପହଞ୍ଚିଛି । କିନ୍ତୁ ରାଜେନୖତିକ ଚାପରେ କୌଣସି ଚିକିତ୍ସା ମଧ୍ୟ କରାଯାଇନାହିଁ ।
କାହିଁକି କଟିଛି ପ୍ରବୋଧଙ୍କ ଟିକେଟ? କଂଗ୍ରେସ ପ୍ରଭାରୀ ଅଜୟ କୁମାର ରଖିଲେ ପ୍ରତିକ୍ରିୟା
ନନ୍ଦିଘୋଷ ବ୍ୟୁରୋ: ଟିକେଟ କନ୍ଦଳକୁ ନେଇ ପ୍ରତିକ୍ରିୟା ରଖିଛନ୍ତି ପ୍ରଭାରୀ ଅଜୟ କୁମାର । ସବୁ ଦଳରେ ଟିକେଟ ପାଇଁ ବିଶୃଙ୍ଖଳା ଚାଳିଛି। ଯାହାକୁ ନ ମିଳିବ ସେ ଅଭିଯୋଗ କରିବା ସ୍ବାଭାବିକ। ୧୦ରୁ ୧୫ ସିଟରେ ସମସ୍ୟା ରହିଛି। ସେ ଜାଗାରେ ବିଚାର ବିମର୍ଶ ଚାଲିଛି। ବାକି ସବୁ ସିଟ୍ ରେ ଠିକ୍ ଠାକ୍ ଅଛି। ପ୍ରବୋଧ ତିର୍କିଙ୍କ ଟିକେଟ କଟାକୁ ନେଇ ପ୍ରତିକ୍ରିୟା ରଖିଛନ୍ତି ଅଜୟ କୁମାର। ସେ କହିଁଛନ୍ତି ଆମେ ତାଙ୍କୁ ହିଁ ଟିକେଟ ଦେଇଥିଲୁ। ସେ ଯେହେତୁ ରାଜନୀତି ପରିବାରର ନୁହନ୍ତି ତାଙ୍କ ପ୍ରଚାର ଜୋର ଧରିଲାନି। ଅଶାନୁରୂପକ ହେଲାନି। ତେଣୁ ତାଙ୍କୁ ପରିବର୍ତ୍ତନ କରାଗଲା। କେନ୍ଦୁଝରରେ ମୋହନ ହେମ୍ବ୍ରମଙ୍କ ବଦଳରେ ବିନୋଦ ବିହାରୀ ନାୟକଙ୍କୁ ଦିଆଗଲା। କାରଣ କେନ୍ଦୁଝର ଜିଲ୍ଲା କଂଗେସ ରେ ପ୍ରବଳ ବିରୋଧ ସହ ସମୂହ ଇସ୍ତଫା ଦେବାରୁ ତାଙ୍କୁ ପରିବର୍ତ୍ତନ କରାଗଲା।
ଧର୍ମେନ୍ଦ୍ରଙ୍କ ସଭାରେ ଚେୟାର ଖାଲି
ସମ୍ବଲପୁର: କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ପ୍ରାର୍ଥିୀ ଧର୍ମେନ୍ଦ୍ର ପ୍ରଧାନଙ୍କ ସଭାରେ ପୁଣି ଖାଲି ପଡିଲା ଚେୟାର। ହାଇଭୋଲଟେଜ ସିଟରେ ଧର୍ମେନ୍ଦ୍ରଙ୍କ ସଭାରେ ପ୍ରାୟ ସଭାରେ ଚେୟାର ଖାଲି ପଡୁଛି ତ ଆଉ କେଉଁଠି ତାଙ୍କୁ ଦେଖିବା ମାତ୍ରେ ଲୋକେ ସଭା ଛାଡି ପଳାଉଛନ୍ତି। ସୋମବାର ମଧ୍ଯ ସେପରି ଏକ ଦୃଶ୍ୟ ଦେଖିବାକୁ ମିଳିଛି । ସମ୍ବଲପୁର ପିଏଚଡି ପଡିଆରେ ଆୟୋଜିତ ଏକ ମିଶ୍ରଣ ପର୍ବରେ ଧର୍ମେନ୍ଦ୍ର ସାମିଲ ହୋଇଥିଲେ । ସେ କହିବାକୁ ଉଠିବା କ୍ଷଣି ଲୋକମାନେ ଉଠି ପଳାଇଥିଲେ । ମାତ୍ର କିଛି ସମୟ ପରେ ସଭାସ୍ଥଳରେ ଶହ ଶହ ଚେୟାର ଖାଲି ହୋଇଯାଇଥିବା ଦେଖିବାକୁ ମିଳିଥିଲା । ସମ୍ବଲପୁର ପାଇଁ କେନ୍ଦ୍ରମନ୍ତ୍ରୀ କିଛି କରିନାହାଁନ୍ତି । କେନ୍ଦ୍ରରେ ଶିକ୍ଷାମନ୍ତ୍ରୀ ଥିବା ସତ୍ତ୍ବେ ଗୋଟିଏ ବି କେନ୍ଦ୍ରୀୟ ବିଦ୍ଯାଳୟ କରିପାରିଲେନି। ଏହାକୁ ନେଇ ଧର୍ମେନ୍ଦ୍ରଙ୍କ ବିରୋଧରେ ସବୁଠି ବିରୋଧ ଦେଖିବାକୁ ମିଳୁଛି। ସଭାରେ ସମ୍ବଲପୁର ବିଧାନସଭା ପ୍ରାର୍ଥୀ ଜୟନାରାୟଣ ମିଶ୍ର ମଧ୍ଯ ଉପସ୍ଥିତ ଥିଲେ। ସେ ମଧ୍ଯ ଭାଷଣ ଦେବାବେଳେ ଖାଲି ପଡିଥିଲା ଶତାଧିକ ଚେୟାର। ଗତ ଶନିବାର ମଧ୍ଯ ଏପରି ଦୃଶ୍ଯ ଦେଖିବାକୁ ମିଳିଥିଲା ଏକ ଭଜନ ସମାରୋହରେ। ଭଜନ ସମାରୋହରେ ଧର୍ମେନ୍ଦ୍ର ପହଞ୍ଚିବା କ୍ଷଣି ଲୋକେ ଉଠି ପଳାଇଥିଲେ। ଏପରି ଘଟଣା ଏବେ ସାରା ସମ୍ବଲପୁରରେ ଚର୍ଚ୍ଚାର ବିଷୟ ପାଲଟିଛି।
ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା ସହିତ ମୈଦାନରେ ବିଜେଡ଼ିର ୩୪ ମହିଳା ପ୍ରାର୍ଥୀ
ଭୁବନେଶ୍ୱର : ବିଜେଡ଼ ସୋମବାର ଦିନ ଏହାର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି । ସପ୍ତମ ପର୍ଯ୍ୟାୟରେ ଦଳ ୬ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି । । ଏହି ୬ ପ୍ରାର୍ଥୀଙ୍କୁ ମିଶାଇ ବିଜେଡ଼ିର ମୋଟ ଘୋଷିତ ପ୍ରାର୍ଥୀଙ୍କ ସଂଖ୍ୟା ୧୪୧ରେ ପହଂଚିଛି । ଯେଉଁମାନଙ୍କ ମଧ୍ୟରେ ଅଛନ୍ତି ୩୪ ଜଣ ମହିଳା ପ୍ରାର୍ଥୀ । ସୋମବାର ଦିନ ଘୋଷିତ ପ୍ରାର୍ଥୀଙ୍କ ମଧ୍ୟରେ ଅଛନ୍ତି ଦୁଇ ଜଣ ମହିଳା ପ୍ରାର୍ଥୀ । ସେମାନେ ହେଲେ ଅର୍ଚ୍ଚନାରେଖା ବେହେରା ଓ ରଞ୍ଜିତା ମାରାଣ୍ଡି । ଅର୍ଚ୍ଚନା ଦଳ ଟିକେଟରେ ରଘୁନାଥପଲ୍ଲୀରୁ ନିର୍ବାଚନ ଲଢିବେ । ଏହା ତାଙ୍କର ପ୍ରଥମ ନିର୍ବାଚନ ହେବାକୁ ଯାଉଛି । ସେହିଭଳି ରଞ୍ଜିତା ମାରାଣ୍ଡି ମଧ୍ୟ ପ୍ରଥମ ଥର ପାଇଁ ବାଙ୍ଗିରୀପୋଷିରୁ ନିର୍ବାଚନ ଲଢିବେ ।
ମୈଦାନରେ ୩୪ ମହିଳା ପ୍ରାର୍ଥୀ
ବିଧାନସଭା ଓ ସଂସଦରେ ମହିଳାଙ୍କୁ ସଂରକ୍ଷଣ ଦେବାକୁ ଜାତୀୟ ସ୍ତରରେ ଦାବି ହୋଇ ଆସୁଛି । ବିଭିନ୍ନ ଦଳ ଏନେଇ ପ୍ରତିଶ୍ରୁତି ଦେଇଛନ୍ତି । କିନ୍ତୁ ତୃଣମୂଳ ସ୍ତରରେ ଏହାକୁ କେବଳ ବିଜେଡି ହିଁ କରି ଦେଖାଉଛି । ବିଜେଡ଼ିର ବିଧାନସଭା ପ୍ରାର୍ଥୀ ତାଲିକା ଏହାର ଉଦାହରଣ । ଏପର୍ଯ୍ୟନ୍ତ ବିଜେଡ଼ି ୭ ଟି ପର୍ଯ୍ୟାୟରେ ୧୪୧ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିବା ବେଳେ ସେମାନଙ୍କ ମଧ୍ୟରେ ଅଛନ୍ତି ୩୪ ଜଣ ମହିଳା ପ୍ରାର୍ଥୀ । ଆସନ୍ତୁ ନଜର ପକାଇବା ବିଜେଡ଼ିର ମହିଳା ପ୍ରାର୍ଥୀଙ୍କ ଉପରେ ଯେଉଁମାନେ ମୈଦାନରେ ବିରୋଧୀଙ୍କୁ ଦେବାକୁ ଯାଉଛନ୍ତି ଟକ୍କର ।
ବିଜେଡ଼ିର ୩୪ ମହିଳା ପ୍ରାର୍ଥୀ, କିଏ କେଉଁଠାରୁ ଲଢୁଛନ୍ତି ?
ରାୟଗଡ଼ା – ଅନୁସୟା ମାଝି ବିଜେପୁର – ରୀତା ସାହୁ ଅତାବିରା – ସ୍ନେହାଙ୍ଗିନି ଛୁରିଆ
ବସ୍ତା – ସୁବାସିନୀ ଜେନା ବିଞ୍ଝାରପୁର – ପ୍ରମିଳା ମଲ୍ଲିକ ଯାଜପୁର – ସୁଜାତା ସାହୁ
ଟିଟଲାଗଡ଼ – ଟୁକୁନି ସାହୁ ନବରଙ୍ଗପୁର – କୌଶଲ୍ୟା ପ୍ରଧାନୀ ଭବାନୀପାଟଣା – ଲତିକା ନାୟକ
କବିସୂର୍ଯ୍ୟନଗର – ଲତିକା ପ୍ରଧାନ ସୋରଡ଼ା – ସଂଘମିତ୍ରା ସ୍ୱାଇଁ ଝାରସୁଗୁଡ଼ା – ଦୀପାଳି ଦାସ
ବ୍ରଜରାଜନଗର – ଅଳକା ମହାନ୍ତି ବଡସାହି – ଅନୂସୟା ପାତ୍ର ମୋରୋଡ଼ା – ପ୍ରିତିନନ୍ଦା କାନୁନଗୋ
ଫୁଲବାଣୀ – ଜୟଶ୍ରୀ କହଁର ଆସ୍କା – ମଞ୍ଜୁଳା ସ୍ୱାଇଁ କେନ୍ଦୁଝର – ଶ୍ରୀମତୀ ମୀନା ମାଝୀ
ରାଇରଙ୍ଗପୁର – ରାଇସେନ ମୁର୍ମୁ ଲକ୍ଷ୍ମୀପୁର – ପ୍ରଭୁ ଜାନୀ ପାରାଦୀପ – ଗୀତାଞ୍ଜଳି ରାଉତରାୟ
ନର୍ଲା – ମନୋରମା ମହାନ୍ତି ଚିତ୍ରକୋଣ୍ଡା – ଲକ୍ଷ୍ମୀପିୟା ନାୟକ ପଦ୍ମପୁର – ବର୍ଷା ସିଂହ ବରିହା
ଅନୁଗୁଳ – ସଞ୍ଜୁକ୍ତା ସିଂ ଦେବଗଡ଼ – ଅରୁନ୍ଧତୀ କୁମାରୀ ଦେବୀ ଜୟପୁର – ଇନ୍ଦିରା ନନ୍ଦ
କରଞ୍ଜିଆ- ବାସନ୍ତି ହେମ୍ବ୍ରମ ସିମୂଳିଆ- ସୁଭାଶିନୀ ସାହୁ ରେମୁଣା- ବିଦ୍ୟାସ୍ମିତା ମହାଳିକ
ବଡଚଣା- ବର୍ଷା ପ୍ରିୟଦର୍ଶିନୀ ରଘୁନାଥପଲ୍ଲୀ: ଅର୍ଚ୍ଚନାରେଖା ବେହେରା ବାଙ୍ଗିରୀପୋଷି: ରଞ୍ଜିତା ମାରାଣ୍ଡି
ସାନଖେମୁଣ୍ଡି – ସୁଶ୍ରୀ ସୁଲକ୍ଷଣା ଗୀତାଞ୍ଜଳି ଦେବୀ
ଇସ୍ତଫା ଦେଲେ କାକଟପୁର ବିଜେପି ଅଶାୟୀ ବିଶ୍ବଭୂଷଣ ଦାସ
କାକଟପୁର: ବିଜେପି ଉପରେ ବର୍ଷି ଇସ୍ତଫା ଦେଲେ କାକଟପୁର ବିଜେପି ଅଶାୟୀ ପ୍ରାର୍ଥୀ ବିଶ୍ବଭୂଷଣ ଦାସ । ବିଜେପି ବାଇଧର ମଲ୍ଲିକଙ୍କୁ ପ୍ରାର୍ଥୀ କରିବା ପରେ ଶୀର୍ଷ ନେତୃତ୍ବକୁ ସମାଲୋଚନା କରି ଦଳରୁ ଇସ୍ତଫା ଦେଇଛନ୍ତି ବିଶ୍ବଭୂଷଣ ।
ବିଶ୍ବଭୂଷଣ ଅଭିଯୋଗ କରିଛନ୍ତି, ବିଭିନ୍ନ ପ୍ରକାର ପ୍ରଲୋଭନ ଦେଖାଇ, ବାଧ୍ଯକରି ବିଜେପି ନେତାମାନେ ଦଳକୁ ଆଣିଥିଲେ । ବିଜେପି ରାଜ୍ଯ ସଭାପତି ମନମୋହନ ସାମଲ ରାତି ଅଧରେ ଟିକେଟ ଦେବାକୁ ପ୍ରତିଶୃତି ଦେଇଥିଲେ । ହେଲେ ଟିକେଟ ନଦେଇ ପରେ ଭଣ୍ଡାଇଦେଲେ । ମନମୋହନ ସାମଲଙ୍କୁ ମିଛୁଆ ନେତା କହି ସମାଲୋଚନା କରିଛନ୍ତି ବିଶ୍ବଭୂଷଣ ।
ବିଜେପି ପାଇଁ ମାନସିକ ଯନ୍ତ୍ରଣା ଭୋଗୁଥିବା କହିବା ସହ ଯୁବପିଢିଙ୍କୁ ଦଳ ଧୋକା ଦେଉଛି ବୋଲି ସେ ଅଭିଯୋଗ କରିଛନ୍ତି । ଆଗାମୀ ନିର୍ବାଚନରେ ଉଚିତ ଜବାବ ଦେବୁ ବୋଲି ବିଜେପିକୁ ବିଶ୍ବଭୂଷଣ ଚେତାବନୀ ଦେଇଛନ୍ତି ।
ମମତା ସରକାରଙ୍କୁ ବଡ଼ ଝଟକା, ୨୦୧୬ ସ୍କୁଲ ନିଯୁକ୍ତିକୁ ବାତିଲ କଲେ କୋଲକାତା ହାଇକୋର୍ଟ
କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସରକାରଙ୍କୁ ଆଜି କିଛି ସମୟ ପୁର୍ବରୁ କୋଲକାତା ହାଇକୋର୍ଟରୁ ଏକ ବଡ଼ ଝଟକା ଲାଗିଛି । ସରକାରୀ ପ୍ରାୟୋଜିତ ତଥା ସହାୟକ ବିଦ୍ୟାଳୟରେ ୨୦୧୬ ରାଜ୍ୟ ସ୍ତରୀୟ ପରୀକ୍ଷା ମାଧ୍ୟମରେ ନିଯୁକ୍ତ ଶିକ୍ଷକ ତଥା ଅଣଶିକ୍ଷକ କର୍ମଚାରୀଙ୍କ ସମସ୍ତ ନିଯୁକ୍ତିକୁ କୋର୍ଟ ବାତିଲ କରିଛନ୍ତି । କୋର୍ଟଙ୍କ ଏହି ନିଷ୍ପତ୍ତି ଯୋଗୁଁ ୨୫ ହଜାରରୁ ଅଧିକ ଶିକ୍ଷକ ରାଜ୍ୟରେ ଚାକିରି ହରାଇଛନ୍ତି ।
୨୦୧୬ ରେ ପଶ୍ଚିମବଙ୍ଗରେ ଅନୁଷ୍ଠିତ ସ୍କୁଲ ନିଯୁକ୍ତିରେ ଅନିୟମିତତା ଦେଖିବାକୁ ମିଳିଥିଲା । ଏହା ପରେ ପିଟିସନ ଏବଂ ଆବେଦନ କରାଯାଇଥିଲା ଏବଂ ଏହି ମାମଲା କୋଲକାତା ହାଇ କୋର୍ଟଙ୍କ ନିକଟକୁ ଆସିଥିଲା । ସ୍କୁଲ ନିଯୁକ୍ତି ଦୁର୍ନୀତିର ଯାଞ୍ଚ କରୁଥିବା ସିବିଆଇ ପୂର୍ବତନ ରାଜ୍ୟ ଶିକ୍ଷା ମନ୍ତ୍ରୀ ପାର୍ଥ ଚାଟାର୍ଜୀ ଏବଂ ପଶ୍ଚିମବଙ୍ଗ ରାଜ୍ୟ ର ସ୍କୁଲ ସେବା ଆୟୋଗ (ଏସଏସସି) ରେ ପଦବୀରେ ଥିବା କିଛି ଅଧିକାରୀଙ୍କୁ ମଧ୍ୟ ଗିରଫ କରିଥିଲା । ଏଥିସହିତ ସ୍କୁଲ ନିଯୁକ୍ତି ସ୍କାମର ଯାଞ୍ଚ ପାଇଁ କୋର୍ଟ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କୁ ମଧ୍ୟ ନିର୍ଦ୍ଦେଶ ଦେଇଛନ୍ତି ।
ଜଷ୍ଟିସ ଦେବଙ୍ଗସୁ ବାସାକ ଏବଂ ଜଷ୍ଟିସ ମହମ୍ମଦ ଶବର ରଶିଦିଙ୍କୁ ନେଇ କୋଲକାତା ହାଇକୋର୍ଟର ଏକ ଡିଭିଜନ ବେଞ୍ଚ ଏହି ବିଦ୍ୟାଳୟରେ ଚାକିରି ପାଇଁ ନିଯୁକ୍ତି ପ୍ରକ୍ରିୟା ବାତିଲ କରିବାକୁ ନେଇଛନ୍ତି ନିଷ୍ପତ୍ତି । କୋର୍ଟର ଏହି ନିଷ୍ପତ୍ତି କାରଣରୁ ୨୫,୭୫୩ ଶିକ୍ଷକ ରାଜ୍ୟରେ ଚାକିରି ହରାଇଛନ୍ତି । ତେବେ ସମସ୍ତ ଶିକ୍ଷକ ଏବଂ ଅଣଶିକ୍ଷକ କର୍ମଚାରୀଙ୍କ ଦରମାକୁ ସପ୍ତାହ ମଧ୍ୟରେ ଫେରସ୍ତ କରିବାକୁ କୋର୍ଟ ମମତା ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।
ରାଜ୍ୟ ପଶ୍ଚିମବଙ୍ଗରେ ମମତା ବାନାର୍ଜୀ ସରକାର ୨୦୧୬ ରେ ବିଦ୍ୟାଳୟରେ ଶିକ୍ଷକ ଏବଂ ଅଣଶିକ୍ଷକ କର୍ମଚାରୀ ନିଯୁକ୍ତ କରିଥିଲେ । ଏହି ନିଯୁକ୍ତି ମାଧ୍ୟମରେ ମାଧ୍ୟମିକ ଏବଂ ଉଚ୍ଚ ମାଧ୍ୟମିକ ବିଦ୍ୟାଳୟଗୁଡ଼ିକ ପାଇଁ ଶିକ୍ଷକ ଚୟନ କରାଯାଉଥିଲା । ବିଦ୍ୟାଳୟରେ ଅଣଶିକ୍ଷକ କର୍ମଚାରୀଙ୍କ ପାଇଁ ଗ୍ରୁପ୍ ସି ଏବଂ ଗ୍ରୁପ୍ ଡି ବର୍ଗ ଅଧୀନରେ ଯୁବକମାନଙ୍କୁ ନିଯୁକ୍ତି ଦିଆଯାଉଥିଲା । ତେବେ ନିଯୁକ୍ତି ପରୀକ୍ଷା ପାଇଁ ପ୍ରାର୍ଥୀଙ୍କ ଦ୍ୱାରା ଦାଖଲ ହୋଇଥିବା ଓଏମଆର ସିଟରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା ।
ନିଯୁକ୍ତି ପ୍ରକ୍ରିୟାରେ ଅନିୟମିତତା ମାମଲା ପୁଣି କଲିକତା ହାଇକୋର୍ଟରେ ପହଞ୍ଚିଥିଲା । ଏହି ପରିପ୍ରେକ୍ଷୀରେ କୋର୍ଟରେ ଅନେକ ପିଟିସନ ଦାଖଲ କରାଯାଇଥିଲା ଯେଉଁଥିରେ ନିଯୁକ୍ତି ପ୍ରକ୍ରିୟାର ଅନୁସନ୍ଧାନ ପାଇଁ ଦାବି ଉଠିଥିଲା । ଏହି ସମସ୍ତ ଆବେଦନକୁ କୋର୍ଟ ଏକତ୍ର ଶୁଣାଣି କରିଛନ୍ତି । ଏହି ନିଯୁକ୍ତି ସ୍କାମର ତଦନ୍ତ ପାଇଁ ହାଇକୋର୍ଟ ମଧ୍ୟ ସିବିଆଇକୁ ନିର୍ଦ୍ଦେଶ ଦେଇଥିଲେ । ଏହା ପରେ ଅନୁସନ୍ଧାନକାରୀ ସଂସ୍ଥା ଏହାର ତଦନ୍ତ ରିପୋର୍ଟକୁ ଦୁଇ ମାସ ମଧ୍ୟରେ କୋର୍ଟରେ ଦାଖଲ କରିଥିଲେ । ରିପୋର୍ଟ ପାଇବା ପରେ ମାର୍ଚ୍ଚ ୨୦ ରେ ଶୁଣାଣି ଶେଷ ହୋଇଥିଲା ଏବଂ ଆଜି ଏହି ନିଷ୍ପତ୍ତି ନିଆଯାଇଛି ।