spot_img
Home Blog Page 2362

୨୪ ଘଣ୍ଟାରେ ସ୍ବାଭାବିକ ଠାରୁ ୩ହଜାର ୮୯୬ ପ୍ରତିଶତ ଅଧିକ ବର୍ଷା

ଭୁବନେଶ୍ବର: ସାରା ରାଜ୍ୟରେ ଲାଗିରହିଛି ଅଦିନିଆ ବର୍ଷା। ଉପକୂଳରୁ ଆରମ୍ଭ କରି ଆଭ୍ୟନ୍ତରୀଣ ଓଡ଼ିଶାରେ ସବୁଆଡେ ଘଡଘଡି ବିଜୁଳି ସହ ପ୍ରବଳ ବର୍ଷା। ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟରେ ଏଭଳି ପାଗ ଜାରି ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ପ୍ରବଳ ବର୍ଷା ସହ ବିଜୁଳି ଘଡଘଡି ପାଇଁ ୬ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି। ୨୦ ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି। ୨୪ ଘଣ୍ଟା ମଧ୍ୟରେ ରାଜ୍ୟରେ ରେକର୍ଡ ବର୍ଷା ହୋଇଛି। ସ୍ବାଭାବିକ ଠାରୁ ୩ ହଜାର ୮୯୬ ପ୍ରତିଶତ ବର୍ଷା ରେକର୍ଡ ହୋଇଥିବା ବେଳେ ସ୍ବାଭାବିକ ଠାରୁ ୧୭ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିଛି। ୨୨ ତାରିଖରୁ ରାଜ୍ୟରେ ପାଗ ପରିବର୍ତ୍ତନ ହେବା ସହ ତାପମାତ୍ରା ବୃଦ୍ଧି ହେବ।

ଗ୍ରୀଷ୍ମରେ ବର୍ଷାର ରେକର୍ଡ। ୨୪ ଘଣ୍ଟାରେ ସ୍ବାଭାବିକ ଠାରୁ ୩ହଜାର ୮୯୬ ପ୍ରତିଶତ ଅଧିକ ବର୍ଷିଲା। ବୌଦ୍ଧରେ ୨୪ ଘଣ୍ଟାରେ ସର୍ବାଧିକ ୪୭ ହଜାର ୭ଶହ ପ୍ରତିଶତ ଅଧିକ ବର୍ଷା ହୋଇଛି। ନୂଆପଡାରେ ସ୍ବାଭାବିକ ଠାରୁ ୨୧ ହଜାର ୭ଶହ ପ୍ରତିଶତ ବୃଷ୍ଟିପାତ ରେକର୍ଡ। ବିଗତ ୫ ବର୍ଷ ଧରି ମାର୍ଚ୍ଚ ୧୬ ରୁ ୨୦ ଭିତରେ ହେଉଛି ଏମିତି ବର୍ଷା। ବର୍ଷା ପାଗ ପାଇଁ ସ୍ବାଭାବିକ ଠାରୁ ୧୭ ଡିଗ୍ରୀ ଯାଏଁ କମିଛି ତାପମାତ୍ରା। କାଲିଯାଏଁ ଲାଗିରହିବ ଏଭଳି ପାଗ। ୨୨ ତାରିଖରୁ ପାଗ ବଦଳିବ। ନିମ୍ନ ଚାପରେଖା ସହ ଉପକୂଳ ଓଡ଼ିଶା ବଙ୍ଗୋପସାଗରରେ ସୃଷ୍ଟି ହୋଇଥିବା ଗୁରୁଚାପ ବଳୟ ଏବଂ ବାଂଲାଦେଶ ନିକଟରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ପ୍ରଭାବରେ ରାଜ୍ୟରେ ଅଦିନିଆ ଲଗାଣ ବର୍ଷା ଜାରି ରହିଛି। ପ୍ରଭାବରେ ପ୍ରବଳ ବର୍ଷା ସାଙ୍ଗକୁ ବିଜୁଳି ଘଡଘଡି ଏବଂ କିଛି ସ୍ଥାନରେ କୁଆପଥର ବୃଷ୍ଟି ହୋଇଥିବା ସୂଚନା ଦେଇଛି ପାଣିପାଗ କେନ୍ଦ୍ର।

ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟରେ ଏଭଳି ପାଗ ଜାରି ରହିବ। ପ୍ରବଳ ବର୍ଷା ସହ ବିଜୁଳି ଘଡଘଡି ପାଇଁ ୬ଟି ଜିଲ୍ଲା କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ ଏବଂ ଗଜପତି ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି। ଏହି ସବୁ ଜିଲ୍ଲାରେ ୭୦ ରୁ ୧୧୦ ମିଲିମିଟର ପର୍ଯ୍ୟନ୍ତ ବର୍ଷା  ସମ୍ଭାବନା ଥିବାବେଳେ ଘଣ୍ଟାପ୍ରତି ୪୦ ରୁ ୫୦ କିମି ବେଗରେ ବହିବ ପବନ। ସେହିଭଳି ୨୦ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି।ଏଠାରେ ଘଣ୍ଟାପ୍ରତି ୩୦ ରୁ ୪୦ କିମି ବେଗରେ ପବନ ବହିବା ସମ୍ଭାବନା ରହିଛି। ୨୨ ତାରିଖରୁ ପୁଣି ବଢିବ ଖରା । ତାପମାତ୍ରା ୮ ରୁ ୧୦ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ। ୨୪ ତାରିଖ ବେଳକୁ ଦିନର ତାପମାତ୍ରା ପୁଣି ୩୮ ଡିଗ୍ରୀ ଛୁଇଁବ ବୋଲି କହିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର। ଗତ ୫ ବର୍ଷ ହେବ ମାର୍ଚ୍ଚ ୧୬ ରୁ ୨୦ ତାରିଖ ଭିତରେ ଏଭଳି ବର୍ଷା ହୋଇଥିବା ରେକର୍ଡ କହୁଛି। ୨୦୧୯ ଠାରୁ ଏହି ସମୟରେ ପଶ୍ଚିମଝଡ ସକ୍ରିୟ ରହୁଥିବାରୁ ଏଭଳି ପରିସ୍ଥିତି ଉପୁଜିଥିଲା।

 

 

ପ୍ରଣବ ବଖାଣିଲେ ନବୀନଙ୍କ ଆକର୍ଷଣ ବ୍ୟକ୍ତିତ୍ବର ରହସ୍ୟ

ଭୁବନେଶ୍ବର: ବିକାଶର ନିରବ ସାଧକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଓଡ଼ିଶାକୁ ଦେଶର ଶ୍ରେଷ୍ଠ ରାଜ୍ୟରେ ପରିଣତ ନକରିବା ଯାଏ ନବୀନ ବିଶ୍ରାମ ନେବେ ନାହିଁ। ମୁଖ୍ୟମନ୍ତ୍ରୀଙ୍କ ନେତୃତ୍ବରେ ବିକଶିତ ଓଡ଼ିଶା ନିର୍ମାଣ ଚାଲିଛି । ଶଙ୍ଖ ଭବନରେ ନବୀନଙ୍କ ଆକର୍ଷଣ ବ୍ୟକ୍ତିତ୍ବର ରହସ୍ୟ ବଖାଣିଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ। ସବୁ ସର୍ଭେରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁବେଳେ ଲୋକପ୍ରିୟ ଓ ନମ୍ବର ଓ୍ବାନ ମୁଖ୍ୟମନ୍ତ୍ରୀ ହୋଇ ମଧ୍ୟ ଓଡ଼ିଶାକୁ ଏକ ନମ୍ବର ରାଜ୍ୟରେ ପରିଣତ କରିବା ତାଙ୍କ ଏକମାତ୍ର ଲକ୍ଷ୍ଯ ବୋଲି ପ୍ରଣବ କହିଛନ୍ତି।

ନିରବ ସାଧକ ନବୀନ। ପ୍ରଣବ ବଖାଣିଲେ ନବୀନଙ୍କ ଆକର୍ଷଣ ବ୍ୟକ୍ତିତ୍ବର ରହସ୍ୟ। ନମ୍ବର ଓ୍ବାନ ନେତାଙ୍କ ଲକ୍ଷ୍ୟ।  ଓଡ଼ିଶାକୁ ଶ୍ରେଷ୍ଠ ରାଜ୍ୟରେ ପରିଣତ କରିବା। ଦିନରାତି ଏକ କରି ନିର୍ମାଣ କରିଚାଲିଛନ୍ତି ବିକଶିତ ଓଡ଼ିଶା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ରାଜନୀତିର ନିରବ ସାଧକ । କଥା କମ , କାମ ଅଧିକ । ଦିନରାତି ଏକ କରି ଓଡ଼ିଶାକୁ ଶ୍ରେଷ୍ଠ ରାଜ୍ୟରେ ପରିଣତ କରିବାକୁ  ପ୍ରୟାସ ଜାରି ରଖିଛନ୍ତି । ମୁଖ୍ୟମନ୍ତ୍ରୀଙ୍କ ଗୋଟିଏ ଲକ୍ଷ୍ୟ । ଓଡ଼ିଶାକୁ ଭାରତ ବର୍ଷର ଶ୍ରେଷ୍ଠ ରାଜ୍ୟରେ ପରିଣତ କରିବା ଓ ଓଡ଼ିଶାବାସୀଙ୍କୁ ସଶକ୍ତ କରିବା ।

ଶଙ୍ଖଭବନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆକର୍ଷଣୀୟ ବ୍ୟକ୍ତିତ୍ବକୁ ନେଇ ଏପରି କହିଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ପ୍ରଣବ କହିଛନ୍ତି ଜାତୀୟ ସ୍ତରରେ ବିଭିନ୍ନ ସଂସ୍ଥା ଓ ଗଣମାଧ୍ୟମ ଦ୍ବାରା କରାଯାଇଥିବା ସର୍ଭେ ରିପୋର୍ଟରେ ମୁଖ୍ୟମନ୍ତ୍ରୀ ସବୁବେଳେ ଲୋକପ୍ରିୟ ଓ ନମ୍ବର ଓ୍ବାନ ମୁଖ୍ୟମନ୍ତ୍ରୀ ହୋଇ ଆସୁଛନ୍ତି । ତାସତ୍ତ୍ବେ ବି ସେ କିନ୍ତୁ ନିଜର କର୍ତ୍ତବ୍ୟ ଜାରି ରଖିଛନ୍ତି । ଓଡ଼ିଶାକୁ କିପରି ନମ୍ବର ଓ୍ବାନ ରାଜ୍ୟରେ ପରିଣତ କରିବା ତାଙ୍କର ଏକମାତ୍ର ଲକ୍ଷ୍ଯ । ଆଉ ଏ ଲକ୍ଷ୍ୟ ପୂରଣ ନକରିବା ଯାଏ ସେ ବିଶ୍ରାମ ନେବ ନାହିଁ ବୋଲି ସଂକଳ୍ପ ନେଇଥିବା ପ୍ରଣବ କହିଛନ୍ତି।

ମୁଖ୍ୟମନ୍ତ୍ରୀଙ୍କ ନେତୃତ୍ବରେ ବିକାଶ ଆଜି ଓଡ଼ିଶାକୁ ନୂଆ ପରିଚୟ ଦେଇଛି । ୨୦୩୬କୁ ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନର ଶହେ ବର୍ଷ ପୂର୍ତ୍ତି ପାଳନ ହେବ। ସବୁ କ୍ଷେତ୍ରରେ ଓଡ଼ିଶାକୁ ଶ୍ରେଷ୍ଠ ରାଜ୍ୟରେ ପରିଶତ କରିବାକୁ ନବୀନ ଲକ୍ଷ୍ୟ ରଖିଛନ୍ତି । ଶିକ୍ଷା, ସ୍ବାସ୍ଥ୍ୟ, ଗମନାଗମନ, ଶିଳ୍ପ, ପର୍ଯ୍ୟଟନ ବିକାଶରେ ଓଡ଼ିଶାରେ ନୂଆ ଅଧ୍ୟାୟ ଆରମ୍ଭ ହୋଇଛି । ସେହିପରି ଆର୍ଥିକ ପରିଚାଳନାରେ ଓଡ଼ିଶା ଦେଶ ପାଇଁ ରୋଲ ମଡେଲ ସାଜିଥିବା ବେଳେ ଦ୍ରାରିଦ୍ର୍ଯ ହ୍ରାସ, ବେକାରୀ ହ୍ରାସ, ରାଜସ୍ବ ବୃଦ୍ଧି, ଖାଦ୍ୟ ବଳକା ରାଜ୍ୟରେ ଓଡ଼ିଶା ପରିଣତ ହୋଇ ମାଇଲଖୁଣ୍ଟ ଛୁଇଁଛି । ରାଜନୈତିକ ସମୀକ୍ଷକ ମଧ୍ୟ ମୁଖ୍ୟମନ୍ତ୍ରୀଙ୍କ ବ୍ୟକ୍ତିତ୍ବକୁ ନେଇ ବିଜେଡି ସାଂଗଠନିକ ସମ୍ପାଦକ ଯାହା କହିଛନ୍ତି ତାହା ଓଡ଼ିଶାର ଦ୍ରୁତ ବିକାଶରୁ ଜଳଜଳ କରି ଅନୁଭବ କରି ହେଉଛି ବୋଲି କହିଛନ୍ତି ।

୨୦୦୦ ମସିହାରୁ ନବୀନ ନିରବ ସାଧକ ଭାବେ ଓଡ଼ିଶାକୁ ବିକାଶକୁ ନୂଆ ପରିଚୟ ଦେଇଛନ୍ତି। ଯେଉଁଥିପାଇଁ ପ୍ରତ୍ୟେକ ନିର୍ବାଚନରେ ଓଡ଼ିଶାବାସୀ ନବୀନଙ୍କୁ ଆର୍ଶୀବାଦ କରି ବିଜୟ ତିଳକ ପିନ୍ଧାଉଛନ୍ତି । ନବୀନଙ୍କ ନିରବ ସାଧାନା ଯୋଗୁଁ ଉନ୍ନତି ପଥେ ଆଗେଇଚାଲିଛି ଓଡ଼ିଶା।

ଆଦିବାସୀ ବହୁଳ କୋରାପୁଟରେ ବଞ୍ଚି ରହିଛି ସଙ୍ଗାତ ପରମ୍ପରା

କୋରାପୁଟ: ଆଜିର ସ୍ବାର୍ଥବାଦୀ ଦୁନିଆରେ ଭାଇ ଭାଇ ମଧ୍ୟରେ ହେଉ କି ଭାଇ ଭଉଣୀ ମଧ୍ଯରେ କିମ୍ବା ବାପା ପୁଅ ମଧ୍ଯରେ ସଂପର୍କ ଭଲ ନଥାଏ । କିନ୍ତୁ ଆମେ ଆଜି ଏମିତି ଏକ ସଂପର୍କ ଦେଖାଇବାକୁ ଯାଉଛୁ ଯାହାକି ଆଜିର ସଭ୍ୟ ସମାଜକୁ ଏକ ବାର୍ତ୍ତା ଦେଉଛି । କୋରାପୁଟରେ ଏମିତି ଦୁଇଟି ଗାଁ ରହିଛି, ଯେଉଁ ଦୁଇ ଗାଁ ମଧ୍ଯରେ ବର୍ଷ ବର୍ଷ ଧରି ଚଳି ଆସିଛି ସଙ୍ଗାତ ପରମ୍ପରା ।

ସଙ୍ଗାତ । ଏହି ଡାକରେ ଯେତିକି ମଧୁରତା, ଭାବନାରେ ସେତିକି ଆତ୍ମୀୟତା । ସାଙ୍ଗଠାରୁ ଅଧିକ ନିଜର, ସ୍ବାର୍ଥ ବିହୀନ ସମ୍ପର୍କର ଆଧାର । ଭାବ ଓ ସୁଖ-ଦୁଃଖର ଆଦାନପ୍ରଦାନ । ବିଶ୍ବାସ ଓ ନିର୍ଭରଶୀଳ ପ୍ରତିଶ୍ରୁତିର ଅନ୍ଯ ଏକ ନାଁ । ହେଲେ ଆଜିର ଡିଜିଟାଲ ଯୁଗରେ ସୋସିଆଲ ମିଡିଆ ଏହି ସମ୍ପର୍କକୁ ବିଗାଡ଼ି ଦେଇଛି । କିନ୍ତୁ ଆଦିବାସୀ ବହୁଳ କୋରାପୁଟ ଜିଲ୍ଲାର ଅଧିବାସୀ ଯେତିକି ବିଶ୍ବାସୀ ସେତିକି ସରଳ । ସେମାନଙ୍କ ପରମ୍ପରାରେ ଏବେବି ବଞ୍ଚି ରହିଛି ଏହି ବିଶ୍ବାସର ରଜ୍ଜୁ । ଆମେ କହୁଛୁ ଗଡପଦର ଓ ଏକମ୍ବା ଗାଁର କଥା । ଏହି ଦୁଇ ଗାଁର ବନ୍ଧୁତା ସମସ୍ତଙ୍କ ପାଇଁ ଉଦାହରଣ ସାଜିଛି । ବାପ ଜେଜେ ଅମଳରୁ ସଙ୍ଗାତ ଗାଁ ଭାବେ ପରିଚିତ । ଯେଉଁଠି ସୁଖଦୁଃଖରେ ଖୋଜାପଡେ ସଙ୍ଗାତକୁ । ଆଉ ସଙ୍ଗାତ ଆସିଲେ ଖୁସି କହିଲେ ନସରେ । ଗୋଡ଼ ଧୋଇ, ପ୍ରଣାମ ଜଣାଇ ସ୍ବାଗତ କରନ୍ତି ପରିବାର ।

ପ୍ରତି ୫ ବର୍ଷରେ ଥରେ ଗଡପଦର ଗାଁରେ ବାଲିଯାତ୍ରା ହୁଏ । ଆଉ ଏହି ଯାତ୍ରାକୁ  ସଂଗାତ ଗାଁକୁ ହୁଏ ନିମନ୍ତ୍ରଣ । ଗଡପଦର ଗ୍ରାମବାସୀ ନିମନ୍ତ୍ରଣ ନେଇ ଏକମ୍ବା ପହଞ୍ଚିଲେ ଗ୍ରାମର ଛୋଟ ଠାରୁ ବଡ ଯାଏଁ ଗୋଡ ଛୁଇଁ ପ୍ରଣାମ କରନ୍ତି । ଗୋଡ଼ ଧୋଇ ଦେଇ ନାଚଗୀତରେ ସ୍ବାଗତ କରନ୍ତି । ଆଉ ସଙ୍ଗାତଙ୍କ ନିମନ୍ତ୍ରଣ ପରେ ଯଥାସାଧ୍ୟ ତଥା ଚାଉଳ, ଡାଲି, ପୂଜା ଜିନିଷ ନେଇ ପହଞ୍ଚି ଯାଆନ୍ତି ସଙ୍ଗାତଙ୍କ ଘରେ । ଏପରି ସମ୍ପର୍କ ସତରେ ବିରଳ ।

ରାଜଧାନୀରେ ମାତିଥିଲେ ଫୋରଟ୍ବେଣ୍ଟି ବଣ୍ଟି, ବବଲୀ ଯୋଡ଼ି

ଭୁବନେଶ୍ବର: ରାଜଧାନୀରେ ମାତିଛନ୍ତି ଫୋରଟ୍ବେଣ୍ଟି ବଣ୍ଟି, ବବଲୀ ଯୋଡ଼ି। OLX ରେ କାର୍ ବିକିବାକୁ ବିଜ୍ଞାପନ ଦେଇ ଲୋକଙ୍କୁ ଲଗାଉଛନ୍ତି ଚୁନ । ଗୋଟିଏ ଗାଡିକୁ ବିକ୍ରି କରିବା ନାଁ ରେ ଏକାଧିକ ଲୋକଙ୍କ ଠାରୁ ନେଇଛନ୍ତି ଆଡ଼ଭାନ୍ସ । ଆଡ଼ଭାନ୍ସ ଟଙ୍କା ନେଇଯିବା ପରେ ଆଉ ଦେଉ ନାହାନ୍ତି ଧରାଛୁଆଁ । ଆଡ଼ଭାନ୍ସ ଟଙ୍କା ନେଇ ଅଏସ କରୁଥିଲେ ଏହି ଯୋଡ଼ି। ଠକେଇ ଟଙ୍କାରେ ଗାଡ଼ି ଧରି ବୁଲୁଥିଲେ, ପୁଣି ଖୋଜୁଥିଲେ ନୂଆ ଶିକାର। ଗାଡ଼ି ବିକ୍ରି କରିବେ ବୋଲି ପ୍ରଥମେ OLX ରେ ଗାଡ଼ି ଫଟୋ ସାଙ୍ଗକୁ କମ୍ ଟଙ୍କା ପ୍ରାଇସ ରଖି ବିଜ୍ଞାପନ ଦେଉଥିଲେ। ଗାଡ଼ି କିଣିବାକୁ ଇଚ୍ଛୁକ ଲୋକ ଦିଆ ଯାଇଥିବା ମୋବାଇଲ ନମ୍ବରରେ କଲ କରି ଯୋଗାଯୋଗ କରୁଥିଲେ। କଲ କରି କଥା ହେବା ପରେ ଗ୍ରାହକଙ୍କୁ ଗାଡ଼ି ମଧ୍ୟ ଦେଖାଉଥିଲେ। ଗ୍ରାହକଙ୍କୁ ଗାଡ଼ି ପସନ୍ଦ ହେବା ପରେ ଅଗ୍ରୀମ ଟଙ୍କା ନେଇଯାଉଥିଲେ ଓ ଫେରାର ହୋଇଯାଉଥିଲେ । ଫେରାର ହେବା ପରେ ପୁଣି ସେଇ ସମାନ ଗାଡିକୁ ବିକ୍ରି କରିବାର ବିଜ୍ଞାପନ ଦେଉଥିଲେ । ଠକାମୀର ଶିକାର ହେବା ପରେ ଏହି ଠକ ଯୋଡିକୁ ଧରିବା ପାଇଁ ଯୋଜନା କରିଥିଲେ ଲୋକ। ଠକ ଯୋଡିଙ୍କୁ କାବୁ କରି ବଡ଼ଗଡ଼ ପୋଲିସକୁ ଜିମା ଦେଲେ ଠକାମୀର ଶିକାର ଲୋକ।

କଂଗ୍ରେସରେ ସାମିଲ ହେଲେ ଦାନିଶ ଅଲ୍ଲୀ

ନନ୍ଦିଘୋଷ ବ୍ୟୁରୋ: ନିର୍ବାଚନ ତାରିଖ ଯେତିକି ପାଖଉଛି ନେତାଙ୍କ ଦଳ ବଦଳ ସେତିକି ଘନଉଛି । କିଏ କେଉଁ ଦଳ ଛାଡୁଛି ତ ଆଉ କିଏ କେଉଁ ଦଳରେ ସାମିଲ ହେଉଛି । ତେବେ ଏହି କ୍ରମରେ କଂଗ୍ରେସରେ ସାମିଲ ହୋଇଛନ୍ତି ଅମରୋହାର ଲୋକସଭା ସାଂସଦ ଦାନିଶ ଅଲ୍ଲୀ କଂଗ୍ରେସରେ ସାମିଲ ହୋଇଛନ୍ତି । ଦାନିଶଙ୍କୁ ଗତ ବର୍ଷ ବହୁଜନ ସମାଜ ପାର୍ଟି ଦଳରୁ ବହିସ୍କାର କରିଥିଲା । ତେବେ ସେ କଂଗ୍ରେସରେ ସାମିଲ ହେବେ ବୋଲି ପୂର୍ବରୁ ଅନୁମାନ କରାଯାଉଥିବାବେଳେ ଏବେ ସେ ଦଳରେ ସାମିଲ ହୋଇଛନ୍ତି ।

ଅଦିନିଆ ବର୍ଷାରେ ବେହାଲ ଚାଷୀକୂଳ

ବାଲେଶ୍ବର: ବର୍ଷା ଧୋଇନେଲା ଚାଷୀର ଖୁସି। ଲଘୁଚାପ ଜନିତ ୩ ଦିନ ଧରି ଲଗାଣ ବର୍ଷାରେ ଚାଷୀ କୂଳ ହତାଶ। ବାଲେଶ୍ଵର ଜିଲ୍ଲା ଔପଦା ବ୍ଲକ ତଳକିଆ ପଞ୍ଚାୟତ ମାଟିଗଡା ଓ ପ୍ରତାପପୁର ଗାଁରେ ୧୩ରୁ ଅଧିକ ଚାଷୀ ଚିନ୍ତାରେ। ଋଣ ଆଣି କରିଥିଲେ ଚାଷ। ସରକାରୀ ସହାୟତା ଲୋଡିଛନ୍ତି ଚାଷୀ।

ବର୍ଷା ଧୋଇନେଲା ଚାଷୀର ଖୁସି । ଅଦିନିଆ ବର୍ଷାରେ ବେହାଲ ଚାଷୀକୂଳ । ୩ ଦିନ ଧରି ଚାଲିଥିବା ଲଗାଣ ବର୍ଷାରେ ବ୍ଯାପକ ଫସଲ କ୍ଷୟକ୍ଷତି। ବାଲେଶ୍ଵର ଜିଲ୍ଲା ଔପଦା ବ୍ଲକ ତଳକିଆ ପଞ୍ଚାୟତ ମାଟିଗଡା ଓ ପ୍ରତାପପୁର ଗାଁର ୧୩ରୁ ଅଧିକ ଚାଷୀ ଚିନ୍ତାରେ। ଲଗାଣ ବର୍ଷାରେ ଉଜୁଡିଯାଇଛି କଲରା ,ଜହ୍ନି ,ମକା, କ୍ଯାପସିକମ, ପୋଟଳ ,ମକା ଓ ଟମାଟ ଭଳି ପନିପରିବା। ଋଣ ଆଣି କରିଥିଲେ ଚାଷ। ଏବେ ପରିବାର କିପରି ପ୍ରତିପୋଷଣ କରିବେ ଏବଂ ଋଣ କିପରି ସୁଝିବେ ସେ ନେଇ ଚିନ୍ତାରେ ଚାଷୀକୂଳ।

ଗାଁରେ ଚାଷୀମାନେ ପ୍ରତିବର୍ଷ ପରି କ୍ଷେତରେ ବିଭିନ୍ନ ପନିପରିବା ଚାଷ କରି ନିଜର ପରିବାର ପ୍ରତିପୋଷଣ କରିଥାନ୍ତି । ହେଲେ ଏବେ ଅଦିନିଆ ବର୍ଷାରେ ଫସଲ ଉଜୁଡିଯାଇଛି । ଲଗାଣ ବର୍ଷା ଯୋଗୁଁ କ୍ଷେତରେ ପାଣି ଜମି ରହିଥିବାରୁ ପନିପରିବା ପଚି ନଷ୍ଟ ହେବାକୁ ଲାଗିଛି । ପନିପରିବା ମଧ୍ଯ ବଜାରରେ ବିକ୍ରି ହେଇପାରୁନାହିଁ ।

 

ଢେଙ୍କାନାଳରେ ଆତଙ୍କ ଖେଳାଇଛି ରେଡ ବ୍ଯାଣ୍ଡ ପୋକ

ଢେଙ୍କାନାଳ: ଢେଙ୍କାନାଳରେ ଆତଙ୍କ ଖେଳାଇଛି ଅଷ୍ଟ୍ରେଲିଆନ ବା ରେଡ ବ୍ଯାଣ୍ଡ ପୋକ। ଚାଷୀଙ୍କ ମୁଣ୍ଡରେ ପଡିଛି ଚଡକ। ଶହ ଶହ ହେକ୍ଟରର ଆମ୍ବ ଚାଷ ନଷ୍ଟ ହେଉଛି। ଆମ୍ବ ଗଛ ଡାଳରୁ ମାଟି ତଳକୁ ଖସିପଡୁଛି। ଔଷଧ ସିଞ୍ଚନ ପରେ ବି ଚାଷୀଙ୍କୁ ମିଳୁନି ସୁଫଳ।

ପୁଣି ଚାଷୀ ମୁଣ୍ଡରେ ଚଡକ। ଆମ୍ବ ଚାଷୀଙ୍କୁ ଘାରିଛି ଅଷ୍ଟ୍ରେଲିଆନ ବା ରେଡ ବ୍ଯାଣ୍ଡ ପୋକ ଭୟ । ଢେଙ୍କାନାଳ ଜିଲ୍ଲାର ଚାଷୀ ହତାଷ। ଶହ ଶହ ହେକ୍ଟର ଆମ୍ବ ଚାଷ ନଷ୍ଟ । ଆରମ୍ଭରୁ  ଆମ୍ବ ହେଉଛି ନଷ୍ଟ , ଭିତରୁ ପଚିଯାଉଛି । ନହେଲେ ଆମ୍ବ ଗଛ ଡାଳରୁ ମାଟି ତଳକୁ ଖସିପଡୁଛି  ଅବା ହଳଦିଆ ପଡି ଶୁଖିଯାଉଛି । ଔଷଧ ସିଞ୍ଚନ ପରେ ବି ଚାଷୀଙ୍କୁ ମିଳୁନି ସୁଫଳ । ୨୦୨୨ ମସିହାରେ ଉତ୍ତରପ୍ରଦେଶ ଓ ବିହାରରେ ଏହି ପୋକର ସଂକ୍ରମଣ ଦେଖିବାକୁ ମିଳିଥିଲା। ଚଳିତ ବର୍ଷ ଢେଙ୍କାନାଳରେ ପୋକର ସଂକ୍ରମଣ ବ୍ଯାପିବାରେ ଲାଗିଛି । ଯାହାକୁ ଦେଖି ଚାଷୀ ଆତଙ୍କିତ।

ଢେଙ୍କାନାଳ ଜିଲ୍ଲା ଆମ୍ବର ବିଦେଶର ରହିଛି ସ୍ଵତନ୍ତ୍ର ଚାହିଦା । ୧୦ ହେକ୍ଟର ଜମିରେ ଉତ୍ପାଦିତ ହୋଇଥାଏ ୫୦ ମେଟ୍ରିକ ଟନ ଆମ୍ବ । ବିନା ସାର ଓ କୀଟନାଶକ ପ୍ରୟୋଗରେ ଉତ୍ପାଦିତ ଆମ୍ବର ରହିଥାଏ ବେଶ ଚାହିଦା । ଆମ୍ବ ଗୁଡିକୁ ସ୍ଵତନ୍ତ୍ର ପ୍ଯାକେଜ କରି ଦିଲ୍ଲୀ, ଛତିଶଗଡ, କଲିକତା, ବିହାର ,ଉତ୍ତର ପ୍ରଦେଶ ସମେତ ବାହାର ଦେଶ ଦୁବାଇ, ବାଂଲାଦେଶ, ଆମେରିକାକୁ ହୋଇଥାଏ ରପ୍ତାନୀ । ହେଲେ ରେଡ ବ୍ଯାଣ୍ଡ ପୋକ ଚାଷୀଙ୍କ ନିଦ ହଜେଇଦେଇଛି । ଜିଲ୍ଲାରେ ସଂକ୍ରମଣ ରୋକିବା ପାଇଁ ବୈଜ୍ଞାନିକ ମାନଙ୍କ ସହ ଆଲୋଚନା କରିଛନ୍ତି ଜିଲ୍ଲା ଉଦ୍ଯାନ କୃଷି ଉପ ନିର୍ଦ୍ଦେଶକ।

 

ପ୍ରେମିକ ସହ ମିଶି ବାପା ଓ ଭାଇଙ୍କୁ ହତ୍ୟା କଲା ନାବାଳିକ ଝିଅ

ନନ୍ଦିଘୋଷ ବ୍ୟୁରୋ: ଜବଲପୁର ରେଲଓ୍ବେ କଲୋନୀରେ ଡବଲ ମର୍ଡର ଘଟଣାରେ ଗୋଟିଏ ପରେ ଗୋଟିଏ ସତ ସାମନାକୁ ଆସୁଛି । ରାଜକୁମାର ବିଶ୍ବକର୍ମା ଏବଂ ତାଙ୍କ ପୁଅ ହତ୍ୟା ଘଟଣାରେ ନିଜ ଝିଅ କାଭ୍ୟା ସାମିଲ ଥିବା ପୋଲିସ ସୂତ୍ରରୁ ଅନୁମାନ କରାଯାଉଛି । ତେବେ ପ୍ରେମ ବ୍ୟାପାରୁ ଏହି ହତ୍ୟା ଘଟଣାର ପରିକଳ୍ପନା କରାଯାଇଥିବା କୁହାଯାଉଛି । ମୁକୁଲ ନାମକ ଯୁବକଙ୍କୁ କାଭ୍ୟା ଭଲ ପାଉଥିବାବେଳେ ଉଭୟ ନେପାଳ ଫେରାର ହୋଇଯାଇଥିଲେ । ଯାହାକୁ ନେଇ ରାଜକୁମାର ଥାନାରେ ଏତଲା ଦେବା ସହ ମୁକୁଲ ନାମରେ ମାମଲା ମଧ୍ୟ ରିଲିଜ ହୋଇଥିଲା । ତେବେ ନିକଟରେ ମାଟ୍ରିକ ପରୀକ୍ଷା ଦେଇଥିବା କାଭ୍ୟା ମୁକୁଲଙ୍କ ସହ ଫୋନରେ କଥା ହେବା ସହ ସମ୍ପର୍କ ଅଧକ ଆଗେଇଥିଲେ । ତେବେ ପରିବାର ଲୋକେ ଏହାକୁ ବାରଣ କରୁଥିବାବେଳେ ଝିଅ ବାପା ଏବଂ ଭାଇଙ୍କୁ ମାରିବା ପାଇଁ ୬ ମାସ ହେବ ଯୋଜନା ପ୍ରସ୍ତୁତ କରିଥିଲା ।

ସିସିଟିଭି ଯାଞ୍ଚ ପରେ ଜଣା ପଡ଼ିଛି କି, ମୁକୁଲ ଏକ ଗ୍ୟାସ କଟର ଧରି ରାତିରେ ରେଲଓ୍ବେ କଲୋନୀରେ ରାତିରେ ବୁଲୁଥିଲା ।  ଏବଂ ଘରର ଝରକା ମଧ୍ୟ ଗ୍ୟାସ କଟରରେ କଟା ଯାଇଛି । ଉଭୟ ନିଜର ମୋବାଇଲ ଘରେ ଛାଡ଼ି ପଳାଇଥିଲେ । କାହିଁକି ନାଁ ପୋଲିସ ସେମାନଙ୍କୁ ଯେପରି ଟ୍ରାକ୍ କରିନପାରେ । ମାତ୍ର ସେମାନେ ଅନ୍ୟ ଏକ ମୋବାଇଲରୁ ରେଣ୍ଟୁରାଣ୍ଟରେ ଖାଇଥିବାବେଳେ ସେଠାରେ ପେମେଣ୍ଟ କରିଥିଲେ । ଏବଂ ସିସିଟିଭିରେ ମଧ୍ୟ କଏଦ ହୋଇଛି କି ଉଭୟ ପ୍ରଥମେ ସ୍କୁଟିରେ ଘରୁ ଯାଇଥିଲେ । ପୋଲିସ ସେମାନଙ୍କୁ ଖୋଜୁଥିବାବେଳେ ଏଯାବତ ପତ୍ତା ମିଳିନାହିଁ ।

ହାଜିପୁର ଆସନରେ ହେବ ଦାଦା-ପୁତୁରା ଲଢ଼େଇ!

ନନ୍ଦିଘୋଷ ବ୍ୟୁରୋ: ବିହାରର ହାଜିପୁର ଲୋକସଭା ଆସନରୁ ନିର୍ବାଚନ ଲଢ଼ିବେ ଚିରାଗ ପାଶଓ୍ବାନ । ସେ ଏନେଇ ଘୋଷଣା କରିବା ପରେ ବିହାର ରାଜନୀତିରେ ଆରମ୍ଭ ହୋଇଛି ହଟଚମଟ । କାହିଁକି ନାଁ ହାଜିପୁର ଆସନରେ ଏବେ ସାଂସଦ ଅଛନ୍ତି ଚିରାଗଙ୍କ ଦାଦା ପଶୁପତି ପାରସ । ବିହାରରେ ବିଜେପିର ଆସନ ଭାଗବଣ୍ଟା ସରିଥିବାବେଳେ ଚିରାଗଙ୍କ ଦଳକୁ ୫ଟି ଆସନ ମିଳିଥିବାବେଳେ ପଶୁପତିଙ୍କୁ ଗୋଟିଏ ମଧ୍ୟ ଆସନ ମିଳିନାହିଁ । ଯାହାକୁ ନେଇ ପଶୁପତି ରାଗିଥିବା କୁହାଯାଉଛି । ଏଣୁ ସେ ଇଣ୍ଡିଆ ମେଣ୍ଟରେ ସାମିଲ ହୋଇପାରନ୍ତି । ଯଦି ଏହି ଆସନରୁ ନିର୍ବାଚନ ଲଢ଼ନ୍ତି ତାହେଲେ ଦାଦା ପୁତୁରାଙ୍କ ମଧ୍ୟରେ ହେବ ଲଢ଼େଇ ।

ତେବେ ପଶୁପତିଙ୍କୁ ନେଇ ଏକ ପ୍ରତିକ୍ରିୟାରେ ଚିରାଗ କହିଛନ୍ତି କି, ସେ (ପଶୁପତି) କହିଛନ୍ତି କି, ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ରହିବି । ଏଣୁ ଏଭଳି ଏକ ସମୟରେ ସେ ନିଷ୍ପତ୍ତି ନେବା ଦରକାର କି, ୪୦୦ ପାର ଲଢ଼େଇରେ ଏନଡିଏକୁ ସମର୍ଥନ କରିବା ଉଚିତ । ମୋର କୌଣସି ସ୍ଥାନରେ କିଛି ଅସୁବିଧା ନାହିଁ । ହାଜିପୁର ମୋ ପିତାଙ୍କ ଆସନ ଅଟେ । ସେ ଏଠାକାର ଲୋକଙ୍କ ପାଇଁ ଅନେକ ସ୍ବପ୍ନ ଦେଖିଛନ୍ତି । ଯାହାକୁ ପୂରଣ କରିବା ମୋର କର୍ତ୍ତବ୍ୟ । ଚିରାଗଙ୍କ ପିତା ରାମ ଭିଲାସ ପାଶଓ୍ବାନ ହାଜିପୁର ଆସନରୁ ୯ଥର ସାଂସଦ ହୋଇଛନ୍ତି । ହାଜିପୁର ଆସନ ପାଶଓ୍ବାନ ପରିବାରର ଗଡ଼ଭାବେ ପରିଚିତ । ତେବେ ପଶୁପତି ମୋଦି ସରକାରଙ୍କ ମନ୍ତ୍ରୀ ମଣ୍ଡଳରୁ ଇସ୍ତଫା ଦେବେ ବୋଲି ଚର୍ଚ୍ଚା ହେଉଛି ।

ଜଙ୍ଗଲ ଭିତରୁ ମଣିଷ ଖପୁରି ଓ କଙ୍କାଳ ଉଦ୍ଧାର

ବାଙ୍କୀ: ଜଙ୍ଗଲ ଭିତରୁ ମଣିଷ ଖପୁରି ଓ କଙ୍କାଳ ଉଦ୍ଧାର। ବାଙ୍କୀ ଥାନା ଅନ୍ତର୍ଗତ ଡମପଡା ଅଗ୍ନିଶମ ବିଭାଗ ପଛପଟ କାଜୁ ଜଙ୍ଗଲରୁ କଙ୍କାଳ ଜବତ କରିଛି ପୋଲିସ । କିଛି ବ୍ଯକ୍ତି ଜଙ୍ଗଲ ଜଗିବାକୁ ଯାଇଥିବାବେଳେ ଖପୁରି ଓ କଙ୍କାଳ ଦେଖିବାକୁ ପାଇ ପୋଲିସକୁ ଖବର ଦେଇଥିଲେ। କଙ୍କାଳ ନିକଟରୁ ଗୋଟିଏ ବ୍ୟାଗ, କିଛି ଚିରା କପଡା ଓ ଜଣେ ଯୁବତୀଙ୍କର ପରିଚୟ ପତ୍ର ଜବତ ହୋଇଛି । ପରିଚୟ ପତ୍ରଟି ସ୍ଥାନୀୟ ଡମପଡ଼ା ଗାଁର ନିଖୋଜ ଯୁବତୀ ଝୁନା ଜେନାଙ୍କର ବୋଲି ସୂଚନା ମିଳିଛି। କଙ୍କାଳ ଓ ଖପୁରି ସେହି ଯୁବତୀଙ୍କର ହୋଇଥିବା ସନ୍ଦେହ କରାଯାଉଛି। ଯୁବତୀ ଜଣଙ୍କ ନିକଟସ୍ଥ ଏକ ଘରୋଇ ମସଲା କମ୍ପାନୀରେ କାର୍ଯ୍ୟ କରୁଥିଲେ । ମାତ୍ର ବର୍ଷେ ତଳୁ ସେ ନିଖୋଜ ହୋଇଥିବା ନେଇ ଥାନାରେ ପରିବାର ଲୋକ ଅଭିଯୋଗ କରିଥିଲେ । ମାତ୍ର ଏଯାଏଁ ତାଙ୍କର ପତ୍ତା ମିଳିନାହିଁ । ଯୁବତୀଙ୍କୁ କେହି ଅପହରଣ ପରେ ହତ୍ଯା କରିଥିବା ଅଭିଯୋଗ ହୋଇଛି। କଙ୍କାଳକୁ ଜବତ କରି ପୋଲିସ ତଦନ୍ତ ଜାରି ରଖିଛି।