spot_img
Home Blog Page 2377

ବାଜିଲା ବିଗୁଲ : ୭ ପର୍ଯ୍ୟାୟରେ ଦେଶବ୍ୟାପୀ ନିର୍ବାଚନ,ଜୁନ୍ ୪ର ଜଣା ପଡିବ କିଏ ଗଢୁଛି ସରକାର

ନନ୍ଦିଘୋଷ ବ୍ୟୁରୋ: ଲୋକସଭା ନିର୍ବାଚନ ୨୦୨୪ ପାଇଁ  ତାରିଖ ଘୋଷଣା ହୋଇଛି । ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଗତଥର ଭଳି ଏଥର ମଧ୍ୟ ସାତୋଟି ପର୍ଯ୍ୟାୟରେ ଭୋଟ୍ ଗ୍ରହଣ କରାଯିବ। ନିର୍ବାଚନ ଆୟୋଗର ଘୋଷଣା ଅନୁଯାୟୀ, ପ୍ରଥମ ପର୍ଯ୍ୟାୟ ଭୋଟ୍ ଏପ୍ରିଲ୍ ୧୯ ରେ ଅନୁଷ୍ଠିତ ହେବ ଯେଉଁଥିରେ ୧୦୨ ଲୋକସଭା ଆସନରେ ଭୋଟ୍ ଗ୍ରହଣ କରାଯିବ। ଏପ୍ରିଲ ୨୬ରେ ଦ୍ୱିତୀୟ ପର୍ଯ୍ୟାୟରେ ୮୯ ଲୋକସଭା ଆସନରେ ମତଦାନ ଅନୁଷ୍ଠିତ ହେବ। ମେ ୭ ରେ ତୃତୀୟ ପର୍ଯ୍ୟାୟରେ ୯୪ ଲୋକସଭା ଆସନରେ ମତଦାନ ହେବ। ଜୁନ୍ ୧୩ରେ ଚତୁର୍ଥ ପର୍ଯ୍ୟାୟରେ ୯୬ ଟି ଲୋକସଭା ଆସନରେ ଭୋଟ୍ ଅନୁଷ୍ଠିତ ହେବ, ପଞ୍ଚମ ପର୍ଯ୍ୟାୟ ମେ ୨୦ରେ ଅନୁଷ୍ଠିତ ହେବ, ଏହି ଦିନ ୪୯ ଟି ଲୋକସଭା ଆସନରେ ଭୋଟ୍ ଗ୍ରହଣ କରାଯିବ । ମେ ୨୫ରେ ଷଷ୍ଠ ପର୍ଯ୍ୟାୟରେ ୫୭ ଆସନରେ ଭୋଟ୍ ହେବ । ସପ୍ତମ ପର୍ଯ୍ୟାୟ ଭୋଟ୍  ଜୁନ୍ ୧ରେ ହେବ ଓ ଏଥିରେ ୫୭ଟି ସିଟ୍ ଉପରେ ଭୋଟ୍ ଗ୍ରହଣ କରାଯିବ।

ତାରିଖ ଘୋଷଣା ପୂର୍ବରୁ ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ସର୍ବ ବୃହତ ଗଣତନ୍ତ୍ରର ନିର୍ବାଚନ ଉପରେ ବିଶ୍ୱ ନଜର ରଖିଛି। ସେ କହିଛନ୍ତି ଯେ ନିରପେକ୍ଷ ଏବଂ ମୁକ୍ତ ନିର୍ବାଚନ କରିବାକୁ ଆମେ ସମ୍ପୂର୍ଣ୍ଣ ପ୍ରସ୍ତୁତ। ସେ କହିଛନ୍ତି ଯେ ଆୟୋଗର ଟିମ୍ ସମସ୍ତ ରାଜ୍ୟରେ ସର୍ଭେ କରିଛନ୍ତି ଏବଂ ସମସ୍ତ ବ୍ୟବସ୍ଥା କରିଛନ୍ତି। ସେ କହିଛନ୍ତି ଯେ ଆମେ ସମସ୍ତ ରାଜନୈତିକ ଦଳର ପ୍ରତିନିଧୀଙ୍କୁ ଭେଟି ଏହି ବ୍ୟବସ୍ଥାରେ ଉନ୍ନତି ଆଣିବା ପାଇଁ ସେମାନଙ୍କଠାରୁ ମତାମତ ନେଇଛୁ।

ଦେଶରେ ଯୁବକ ଏବଂ ମହିଳା ଭୋଟରଙ୍କ ସଂକ୍ୟା ବଢିଛି

ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ କମିଶନର କହିଛନ୍ତି ଯେ ଲୋକସଭା ନିର୍ବାଚନ ପାଇଁ ସାରା ଦେଶରେ ୧୦.୫ ଲକ୍ଷ ଭୋଟ୍ କେନ୍ଦ୍ର ପ୍ରତିଷ୍ଠା କରାଯାଇଛି। ୫୫ ଲକ୍ଷ ଇଭିଏମରେ ଭୋଟ୍ ଦିଆଯିବ । ସେ କହିଛନ୍ତି ଯେ ଦେଶରେ ପ୍ରାୟ ୯୭ କୋଟି ଭୋଟର ଅଛନ୍ତି । ଏଥର ଭୋଟର ତାଲିକାରେ ନୂଆକରି ୧.୮୨ କୋଟି ନୂତନ ଭୋଟର ପ୍ରଥମ ଥର ସାମିଲ ହୋଇଛନ୍ତି । ଏଥିମଧ୍ୟରୁ ୮୫ ଲକ୍ଷ ମହିଳା ଭୋଟର ଅଟନ୍ତି। ମୋଟ ଭୋଟରଙ୍କ ମଧ୍ୟରୁ ୪୯.୭ କୋଟି ପୁରୁଷ ଭୋଟର ହୋଇଥିବାବେଳେ ୪୭.୧ କୋଟି ମହିଳା ଭୋଟର ଅଟନ୍ତି। ଏହା ବ୍ୟତୀତ, ଏଭଳି ୨ ଲକ୍ଷ ୧୮ ହଜାର ଭୋଟର ଅଛନ୍ତି,ଯେଉଁମାନଙ୍କ  ବୟସ ୧୦୦ ବର୍ଷରୁ ଅଧିକ ହୋଇଥିବା ବେଳେ 82 ଲକ୍ଷ ଭୋଟରଙ୍କ ବୟସ ୮୫ବର୍ଷରୁ ଅଧିକ ।

ବରିଷ୍ଠ ଭୋଟରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ହେବ

ଭୋଟ୍କୁ ଉନ୍ନତ ତଥା ସୁବିଧାଜନକ କରିବା ପାଇଁ ଅନେକ ବ୍ୟବସ୍ଥା କରାଯାଇଛି ବୋଲି ମୁଖ୍ୟ ନିର୍ବାଚନ କମିଶନର କହିଛନ୍ତି। ସେ କହିଛନ୍ତି ଯେ 85 ବର୍ଷରୁ ଅଧିକ ଭୋଟରଙ୍କୁ ବୁଥକୁ ଆସିବା ଆବଶ୍ୟକ ନାହିଁ। ସେମାନଙ୍କୁ ଘରୁ ଭୋଟ୍ ଦେବାର ସୁବିଧା ଦିଆଯିବ। ସେ କହିଛନ୍ତି ଯେ ନାମାଙ୍କନପତ୍ର ପୂର୍ବରୁ ସମସ୍ତ ଭୋଟରଙ୍କୁ 12-D ଫର୍ମ ପଠାଯିବ । ଗଣତନ୍ତ୍ରର ଏହି ପର୍ବରେ ସର୍ବାଧିକ ଅଂଶଗ୍ରହଣ ନିଶ୍ଚିତ କରିବା ଆମର ପ୍ରୟାସ ହେବ ବୋଲି ସେ କହିଛନ୍ତି। ମୁଖ୍ୟ ନିର୍ବାଚନ ଆୟୋଗ କହିଛନ୍ତି ଯେ ସାରା ଦେଶରେ ମୁକ୍ତ ଏବଂ ନିରପେକ୍ଷ ନିର୍ବାଚନ ପାଇଁ କଡା ବ୍ୟବସ୍ଥା କରାଯାଇଛି। ସେ କହିଛନ୍ତି ଯେ ନିର୍ବାଚନ ସମୟରେ ହିଂସା ବନ୍ଦ କରିବାକୁ ଚାହୁଁଛନ୍ତି।

ରାଜନୈତିକ ଦଳଙ୍କ ପାଇଁ ଆୟୋଗର କଡା ନିର୍ଦ୍ଦେଶାବଳୀ

ମୁଖ୍ୟ ନିର୍ବାଚନ କମିଶନର କହିଛନ୍ତି ଯେ ଆଜିଠାରୁ ମତଦାନ ପର୍ଯ୍ୟନ୍ତ ସୋସିଆଲ ମିଡିଆରେ ଗୁଜବ କିମ୍ବା ମିଥ୍ୟା ଖବର ପ୍ରଚାର କରୁଥିବା ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ନିର୍ବାଚନ ପ୍ରଚାର ସମୟରେ ଘୃଣା ଭାଷଣ ନଦେବାକୁ ସେ ନେତାମାନଙ୍କୁ କହିଥିଲେ। ଅଭିଯାନରେ ଧାର୍ମିକ କିମ୍ବା ଜାତିଗତ ମନ୍ତବ୍ୟ ଦିଅନ୍ତୁ ନାହିଁ  । ବିଭ୍ରାନ୍ତିକର ବିଜ୍ଞାପନ ଦେବା ଏବଂ ଲକ୍ଷ୍ମଣରେଖା ଉଲ୍ଲଂଘନ କରିବା ଠାରୁ ଦୂରେଇ ରହିବାକୁ ସେ ରାଜନୈତିକ ଦଳଙ୍କୁ ପରାମର୍ଶ ଦେଇଛନ୍ତି ।  ପିଲାମାନଙ୍କୁ ନିର୍ବାଚନ ପ୍ରଚାରରେ ବ୍ୟବହାର କରିବା ଉଚିତ ନୁହେଁ ବୋଲି ସେ କହିଛନ୍ତି। ଷ୍ଟାର ପ୍ରଚାରକମାନଙ୍କ ପାଇଁ ମଧ୍ୟ କମିଶନ ଗାଇଡ୍ ଲାଇନ୍ ଜାରି କରିଛନ୍ତି । ରାଜୀବ କୁମାର କହିଛନ୍ତି ଯେ ସମସ୍ତ ପ୍ରକାରର ଗାଇଡଲାଇନ୍ ଉପରେ ନଜର ରଖିବା ଏବଂ ମତାମତ ଦେବା ପାଇଁ ୨୧୦୦ ପର୍ଯ୍ୟବେକ୍ଷକ ନିଯୁକ୍ତ ହୋଇଛନ୍ତି।

୧୭ ତମ ଲୋକସଭାର କାର୍ଯ୍ୟକାଳ ଜୁନ୍ ୧୬ରେ ଶେଷ ହେଉଛି

୧୭ତମ ଲୋକସଭାର କାର୍ଯ୍ୟକାଳ ୧୬ ଜୁନ୍ ୨୦୧୪ ରେ ଶେଷ ହେବାକୁ ଯାଉଛି। ଏହାପୂର୍ବରୁ ଏକ ନୂତନ ସରକାର ଗଠନ କରିବାକୁ ପଡିବ। ଦେଶରେ ସମୁଦାୟ ୫୪୩ ଲୋକସଭା ଆସନ ଅଛି ଏବଂ ସରକାର ଗଠନ ପାଇଁ କୌଣସି ଦଳ କିମ୍ବା ମେଣ୍ଟ ୨୭୨ ଆସନ ଆବଶ୍ୟକ କରନ୍ତି ।  ୨୦୧୯ ଲୋକସଭା ନିର୍ବାଚନ ବିଷୟରେ କହିବାକୁ ଗଲେ ୧୧ ଏପ୍ରିଲରୁ ୧୯  ମଇ ମଧ୍ୟରେ ୭ ଟି ପର୍ଯ୍ୟାୟରେ ଭୋଟ୍ ଗ୍ରହଣ କରାଯାଇଥିଲା ଏବଂ ଫଳାଫଳ ୨୩ ମଇରେ ଘୋଷଣା କରାଯାଇଥିଲା।

ଜାଣନ୍ତୁ ଓଡ଼ିଶାରେ କେଉଁଠି କେବେ ଲୋକସଭା ନିର୍ବାଚନ ?

ନନ୍ଦିଘୋଷ ବ୍ୟୁରୋ: ଓଡ଼ିଶାରେ ୪ଟି ପର୍ଯ୍ୟାୟରେ ହେବ ନିର୍ବାଚନ । ୨୧ ଲୋକସଭା ଆସନରେ କେବେ କେଉଁଠି ପଡ଼ିବ ଭୋଟ୍ । ଆସନ୍ତୁ ନଜର ପକାଇବା ।

ଲୋକସଭା ନିର୍ବାଚନ
ପ୍ରଥମ ପର୍ଯ୍ୟାୟ
କଳାହାଣ୍ଡି
ନବରଙ୍ଗପୁର
ବ୍ରହ୍ମପୁର
କୋରାପୁଟ

ଦ୍ବିତୀୟ ପର୍ଯ୍ୟାୟ
ବରଗଡ଼
ସୁନ୍ଦରଗଡ଼
ବଲାଙ୍ଗୀର
କନ୍ଧମାଳ
ଆସ୍କା

ତୃତୀୟ ପର୍ଯ୍ୟାୟ
ସମ୍ବଲପୁର
କେନ୍ଦୁଝର
ଢ଼େଙ୍କାନାଳ
କଟକ
ପୁରୀ
ଭୁବନେଶ୍ବର

ଚତୁର୍ଥ ପର୍ଯ୍ୟାୟ
ମୟୂରଭଞ୍ଜ
ବାଲେଶ୍ବର
ଭଦ୍ରକ
ଯାଜପୁର
କେନ୍ଦ୍ରାପଡ଼ା
ଜଗତସିଂହପୁର

 

ଓଡ଼ିଶାରେ ୪ଟି ପର୍ଯ୍ୟାୟରେ ହେବ ନିର୍ବାଚନ, ଜାଣନ୍ତୁ କେବେ କେଉଁଠି ପଡ଼ିବ ଭୋଟ

ନନ୍ଦିଘୋଷ ବ୍ୟୁରୋ: ନିର୍ବାଚନ କମିଶନଙ୍କ ପ୍ରେସମିଟ୍ । ଓଡ଼ିଶାରେ ନିର୍ବାଚନ ପାଇଁ ଘୋଷଣା ହେଲା ତାରିଖ । ଓଡ଼ିଶାରେ ୪ଟି ପର୍ଯ୍ୟାୟରେ ହେବ ନିର୍ବାଚନ । ମେ’ ୧୩ରେ ପ୍ରଥମ ପର୍ଯ୍ୟାୟ ଭୋଟ । ମେ’୨୦ ରେ ଦ୍ବିତୀୟ ପର୍ଯ୍ୟାୟ ଭୋଟ । ମେ’ ୨୫ରେ ତୃତୀୟ ପର୍ଯ୍ୟାୟ ଭୋଟ୍ । ଜୁନ୍ ୧ରେ ଚତୁର୍ଥ ପର୍ଯ୍ୟାୟ ଭୋଟ୍ । ଜୁନ୍ ୪ରେ ପ୍ରକାଶ ପାଇବ ଫଳାଫଳ ।

*୧୩ ମେ’ରେ ୨୮ଟି ବିଧାନସଭା କ୍ଷେତ୍ରରେ ଭୋଟ୍
*୨୦ ମେ’ରେ ୩୫ଟି ବିଧାନସଭା କ୍ଷେତ୍ରରେ ଭୋଟ୍
*୨୫ ମେ’ରେ ୪୨ଟି ବିଧାନସଭା କ୍ଷେତ୍ରରେ ଭୋଟ୍
*୧ ଜୁନରେ ୪୨ଟି ବିଧାନସଭା କ୍ଷେତ୍ରରେ ଭୋଟ୍

ନିର୍ବାଚନ ପାଇଁ ଆମ ଟିମ୍ ପ୍ରସ୍ତୁତ: ECI

ନନ୍ଦିଘୋଷ ବ୍ୟୁରୋ: ବାଜିଲା ନିର୍ବାଚନ ବିଗୁଲ । ନିର୍ବାଚନ କମିଶନଙ୍କ ପ୍ରେସମିଟ୍ । ନିର୍ବାଚନ ତାରିଖ ଘୋଷଣା କରୁଛନ୍ତି ରାଜୀବ କୁମାର । କହିଲେ ନିର୍ବାଚନ ପରିଚାଳନା ଲାଗି ଇସି ସମ୍ପୂର୍ଣ୍ଣ ପ୍ରସ୍ତୁତ । ୧୬ ଜୁନରେ ସରୁଛି ଲୋକସଭା କାର୍ଯ୍ୟକାଳ । ନିର୍ବାଚନ ପ୍ରସ୍ତୁତି ଲାଗି ୨ ବର୍ଷର କସରତ । ଦେଶରେ ୯୭ କୋଟି ପଞ୍ଜି ଭୋଟର ରହିଛନ୍ତି । ୮୩ ଲକ୍ଷ ଭୋଟରଙ୍କ ବୟସ ୮୦ ବର୍ଷରୁ ଅଧିକ । ୪୮ ହଜାର କିନ୍ନର ଭୋଟର । ସବୁ ବୁଥ ଲାଗି ସମସ୍ତ ପ୍ରକାର ସୁବିଧା କରାଯାଇଛି । ୧୨ ରାଜ୍ୟରେ ପୁରୁଷଙ୍କ ଅପେକ୍ଷା ମହିଳା ଭୋଟରଙ୍କ ସଂଖ୍ୟା ଅଧିକ ରହିଛନ୍ତି । ହେଲ୍ପ ଫାସିଲିଟି, ରାମ୍ପ ବ୍ୟବସ୍ଥା କରାଯାଇଛି । ୮୫ ବର୍ଷରୁ ଅଧିକ ବୟସର ଭୋଟରଙ୍କ ଘରକୁ ଯିବେ ପ୍ରତିନିଧି ।ହେଲିକପ୍ଟର, ହାତୀ, ହେଲିକପ୍ଟରରେ ବି ଯିବେ ପ୍ରତିନିଧି । ୧୦୦ ବର୍ଷରୁ ଅଧିକ ବୟସର ଭୋଟରଙ୍କ ସଂଖ୍ୟା ୨ ଲକ୍ଷ ୧୮ ହଜାର । ଅପରାଧ ରେକର୍ଡ ସମ୍ପର୍କରେ ବ୍ୟାପକ ସଚେତନତା କରାଯିବ । ଆଚରଣବିଧି ଉଲ୍ଲଂଘନ, ଅର୍ଥବଳ ବିରୋଧରେ କଡା କାର୍ଯ୍ୟାନୁଷ୍ଠାନ । ବାହୁବଳର ମୁକାବିଲା ସିଏପିଏଫ ମୁତୟନ କରାଯିବ ।

ପଞ୍ଚମ ପାଳିର ଶେଷ କ୍ୟାବିନେଟ ବୈଠକରେ କଣ ଥିଲା ମୁଖ୍ୟମନ୍ତ୍ରୀଙ୍କ ଅଭିଭାଷଣ

ଭୁବନେଶ୍ୱର : ଓଡ଼ିଶାବାସୀଙ୍କୁ ସେମାନଙ୍କ ସମର୍ଥନ ପାଇଁ କୃତଜ୍ଞତା । ପ୍ରଥମ ଥର ସରକାର ଗଠନ ବେଳେ ଓଡ଼ିଶା ମହାବାତ୍ୟା ଦ୍ୱାରା ପ୍ରଭାବିତ ଥିଲା । ବିଜୁବାବୁଙ୍କ ଦର୍ଶନ ଦେଇଥିଲା ମାର୍ଗଦର୍ଶନ । ଆମେ ସାଢେ ୪ କୋଟି ଓଡ଼ିଆଙ୍କ ଜୀବନରେ ଆଣିଛୁ ପରିବର୍ତ୍ତନ । ୫ ବର୍ଷର ସଙ୍କଳ୍ପ ନେଇ କରାଗଲା ସମୀକ୍ଷା । ନିର୍ବାଚନ ପ୍ରତିଶ୍ରୁତି ପାଳନ କରିଛନ୍ତି ରାଜ୍ୟ ସରକାର। ଗତ ୫ ବର୍ଷର ଶାସନ 5T ନୀତି ଉପରେ ଆଧାରିତ। ଏହି ସମୟ ଓଡ଼ିଶା ଇତିହାସର ମାଇଲ ଖୁଣ୍ଟ । ସ୍ୱଛ ଶାସନ ଓ ଟେକ୍ନୋଲୋଜି ଆଣିଛି ତୀବ୍ର ପରିବର୍ତ୍ତନ ।  କୋଭିଡକୁ ସଫଳ ଭାବେ ମୁକାବିଲା କରିଛି ରାଜ୍ୟ। ଦେଶକୁ ଅକ୍ସିଜେନ ଯୋଗାଇ ଉଦାହରଣ ସୃଷ୍ଟି କରିଛି ଓଡ଼ିଶା। ପାନୀୟ ଜଳ, ଶିକ୍ଷା, ସ୍ବାସ୍ଥ୍ୟ କ୍ଷେତ୍ରରେ ବିକାଶ ହୋଇଛି। ମା’ମାନଙ୍କ ପାଇଁ ମିଶନ ଶକ୍ତି ବିଭାଗ କରାଯାଇଛି। ଗମନାଗମନ କ୍ଷେତ୍ରରେ ଲକ୍ଷ୍ମୀ ଯୋଜନା ହୋଇଛି। ବଲାଙ୍ଗୀରରେ ଲୋୟର ସୁକତେଲ ପ୍ରକଳ୍ପ କାର୍ଯ୍ୟକାରୀ ହୋଇଛି। ବରଗଡ଼ ଜିଲ୍ଲାରେ ଗଙ୍ଗାଧର ମେହେର ଉଠା ଜଳସେଚନ ପ୍ରକଳ୍ପ କାର୍ଯ୍ୟକାରୀ କରିଛନ୍ତି ସରକାର। ଆଦିବାସୀ ଭାଇ ଭଉଣୀଙ୍କ କଳା, ସଂସ୍କୃତି ଓ ଶିକ୍ଷାକୁ ଗୁରୁତ୍ବ ଦିଆଯାଇଛି। ଆଦିବାସୀଙ୍କ ବିକାଶ ପାଇଁ ଗଠନ ହୋଇଛି ଏସଡିସି। ମୁଖ୍ୟମନ୍ତ୍ରୀ ଦେଖିଥିବାର ଓଡ଼ିଆ ଅସ୍ମିତାର ସ୍ବପ୍ନ ସାକାର ହୋଇଛି। ପୁଣି ଥରେ ନିର୍ବାଚନ ସମୟ ଆସିଛି।

ପୁଣି ସରକାର ଗଢ଼ିବା ନେଇ ଓଡ଼ିଶାବାସୀ ଆଶୀର୍ବାଦ ଅଜାଡିଦେବେ ବୋଲି ମୁଖ୍ୟମନ୍ତ୍ରୀ ଅଶା ରଖିଛନ୍ତି। ସମସ୍ତଙ୍କ ସହଯୋଗରେ ଓଡ଼ିଶାରେ ଦେଶରେ ଏକ ନମ୍ବର ରାଜ୍ୟ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ।  ଓଡ଼ିଶା ଏକମାତ୍ର ରାଜ୍ୟ ଯାହା ସମସ୍ତଙ୍କୁ ଦେଉଛି ମାଗଣା ଚିକିତ୍ସା । ଆମ ଯୁବକଙ୍କ ସମୃଦ୍ଧିର ପାସପୋର୍ଟ୍ ହେଉଛି ନବୀନ ମ୍ୟାଜିକ୍ କାର୍ଡ୍ । ବିନା ସୁଧରେ ଏକ ଲକ୍ଷଟଙ୍କାର ଋଣ ଯୋଜନା ’ସ୍ୱୟମ’ ହେଉଛି ଯୁବ ଶସକ୍ତିକରଣର ଉଦାହରଣ । ଓଡ଼ିଶା ଭାରତର କ୍ରୀଡ଼ା ରାଜଧାନୀ । ଆମର ମିଶନ ଶକ୍ତି ସଦସ୍ୟ ଦେଶ ପାଇଁ ଉଦାହରଣ ।

ରାଜ୍ୟ କ୍ୟାବିନେଟ ବୈଠକରେ ୭ବିଭାଗର ୧୪ ପ୍ରସ୍ତାବକୁ ମୋହର

ଭୁବନେଶ୍ୱର : ରାଜ୍ୟ କ୍ୟାବିନେଟର ୭ବିଭାଗର ୧୪ ପ୍ରସ୍ତାବ ଉପରେ ମୋହର । ଲୋକସେବା ଭବନରେ ରାଜ୍ଯ କ୍ଯାବିନେଟ୍ ଗୁରୁତ୍ୱପୂର୍ଣ୍ଣ ବୈଠକ ଶେଷ । ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଅଧ୍ଯକ୍ଷତାରେ ବସିଥିବା ବୈଠକରେ ବିଭିନ୍ନ ପ୍ରସ୍ତାବରେ ମୋହର ବାଜିଛି।  ପଂଚମ ପାଳିର ଶେଷ କ୍ୟାବିନେଟ୍ ବୈଠକରେ ୭ ବିଭାଗର ୧୪ ପ୍ରସ୍ତାବ ଉପରେ କ୍ୟାବିନେଟ୍ ମୋହର ବାଜିଛି । ସେଥିରେ ରହିଛି ଚନ୍ଦ୍ରଶେଖରପୁରରେ ହେବ ଯାଦବ ଭବନ । ଏଥିପାଇଁ ରାଜ୍ୟ ସରକାର ଚନ୍ଦ୍ରଶେଖରପୁର ମୌଜାରେ ଅଧ ଏକର ଜମି ଯୋଗାଇଦେବେ । ଅନ୍ୟପଟେ କଟକରେ ମହାନଦୀରେ ତିଆରି ହେବ ଉଚ୍ଚ ସେତୁ । ଜଳସେଚିତ ଅଂଚଳରେ ପୁରୁଣା କେନାଲର ହେବ ନବୀକରଣ । ଚାଉଳିଆଗଂଜରେ ହେବ ଡିଏଭି ଏସସିବି ମେଡିକାଲ ପବ୍ଲିକ୍ ସ୍କୁଲ । ସାଲେପୁର-ବ୍ରାହ୍ମଣଖଣ୍ଡ ସାହୁଖେତରେ ତିଆରି ହେବ ବ୍ରିଜ୍ । ପଂଚମ ପାଳିର ଶେଷ କ୍ୟାବିନେଟ୍ ବୈଠକରେ ୭ ବିଭାଗର ୧୪ ପ୍ରସ୍ତାବରେ ମୋହର  ଖୁଣ୍ଟୁଣି ଗ୍ରୀଡ୍ ଅପଗ୍ରେଡେସନ୍ ହେବ । ଶିଳ୍ପାୟନ ପାଇଁ ୭ଟି ତାରର ବିକାଶ କରାଯିବ । ଲାଇଭ୍ ଷ୍ଟକ୍ ଇନସପେକ୍ଟରଙ୍କର ହେବ  ୩ଟି ପଦୋନ୍ନତି । ଅମିନ ଓ ଏଆରଆଇ ପଦୋନ୍ନତିକୁ ଅନୁମତି । ଯେମିତି କି ଗମନାଗମନ କ୍ଷେତ୍ରରେ ସମସ୍ତେ ଉପକୃତ ହେବା ପାଇଁ ରାଜ୍ୟ ସରକାର ଲକ୍ଷ୍ମୀ ଭଳି ଯୋଜନାକୁ ହାତକୁ ନେଇଥିଲେ । ମାଲକାନାଗିରି ଭଳି ଜିଲ୍ଲାରେ ଦୂରତା କମାଇବା ପାଇଁ ବିମାନସେବା ଯୋଗାଇଛନ୍ତି ମୁଖ୍ୟମନ୍ତ୍ରୀ । ପ୍ରତ୍ୟେକ ପଞ୍ଚାୟତର ଉନ୍ନତି କରିବା ପାଇଁ ବିଭିନ୍ନ କମ୍ୟୁନିଟିକୁ ଗୁରୁତ୍ୱ ଦେଇଛନ୍ତି ।

ମହାପ୍ରଭୁ ଜଗନ୍ନାଥଙ୍କର ଜଣେ ପରମ ଭକ୍ତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେଣୁ ଶ୍ରୀମନ୍ଦିରର ଐତିହ ପ୍ରକଳ୍ପକୁ ଖୁବ ସୁନ୍ଦର ଭାବରେ ଗଢିତୋଳିଲେ । କେବଳ ସେତିକି ନୁହଁ ପଶ୍ଚିମ ଓଡ଼ିଶାର ଅଧିଷ୍ଟାତ୍ରୀ ଦେବୀ ମା ସମଲେଶ୍ୱରୀଙ୍କ ପୀଠକୁ ବି ନବୀକରଣ କରିଛନ୍ତି । ୫ ବର୍ଷର ସଙ୍କଳ୍ପ ନେଇ କରାଗଲା ସମୀକ୍ଷା। ନିର୍ବାଚନ ପ୍ରତିଶ୍ରୁତି ପାଳନ କରିଛନ୍ତି ରାଜ୍ୟ ସରକାର। କୋଭିଡକୁ ସଫଳ ଭାବେ ମୁକାବିଲା କରିଛି ରାଜ୍ୟ। ଦେଶକୁ ଅକ୍ସିଜେନ ଯୋଗାଇ ଉଦାହରଣ ସୃଷ୍ଟି କରିଛି ଓଡ଼ିଶା। ପାନୀୟ ଜଳ, ଶିକ୍ଷା, ସ୍ବାସ୍ଥ୍ୟ କ୍ଷେତ୍ରରେ ବିକାଶ ହୋଇଛି। ମା’ମାନଙ୍କ ପାଇଁ ମିଶନ ଶକ୍ତି ବିଭାଗ କରାଯାଇଛି। ଗମନାଗମନ କ୍ଷେତ୍ରରେ ଲକ୍ଷ୍ମୀ ଯୋଜନା ହୋଇଛି। ବଲାଙ୍ଗୀରରେ ଲୋୟର ସୁକତେଲ ପ୍ରକଳ୍ପ କାର୍ଯ୍ୟକାରୀ ହୋଇଛି। ବରଗଡ଼ ଜିଲ୍ଲାରେ ଗଙ୍ଗାଧର ମେହେର ଉଠା ଜଳସେଚନ ପ୍ରକଳ୍ପ କାର୍ଯ୍ୟକାରୀ କରିଛନ୍ତି ସରକାର। ଆଦିବାସୀ ଭାଇ ଭଉଣୀଙ୍କ କଳା, ସଂସ୍କୃତି ଓ ଶିକ୍ଷାକୁ ଗୁରୁତ୍ବ ଦିଆଯାଇଛି। ଆଦିବାସୀଙ୍କ ବିକାଶ ପାଇଁ ଗଠନ ହୋଇଛି ଏସଡିସି। ମୁଖ୍ୟମନ୍ତ୍ରୀ ଦେଖିଥିବାର ଓଡ଼ିଆ ଅସ୍ମିତାର ସ୍ବପ୍ନ ସାକାର ହୋଇଛି। ଣି ଥରେ ନିର୍ବାଚନ ସମୟ ଆସିଛି। ପୁଣି ସରକାର ଗଢ଼ିବା ନେଇ ଓଡ଼ିଶାବାସୀ ଆଶୀର୍ବାଦ ଅଜାଡିଦେବେ ବୋଲି ମୁଖ୍ୟମନ୍ତ୍ରୀ ଅଶା ରଖିଛନ୍ତି। ସମସ୍ତଙ୍କ ସହଯୋଗରେ ଓଡ଼ିଶାରେ ଦେଶରେ ଏକ ନମ୍ବର ରାଜ୍ୟ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।

ଏମସିଏଲ କୋଇଲା ଖଣି ଆଗରେ ଜମିହରା ପ୍ରଜାଙ୍କ ଆନ୍ଦୋଳନ

ଅନୁଗୁଳ : ଜମିହରା ପ୍ରଜାଙ୍କ ଆନ୍ଦୋଳନ। ଅନୁଗୁଳ ତାଳଚେର କଣିହାଁ ଠାରେ ଥିବା ଏମସିଏଲ କୋଇଲା ଖଣି ଆଗରେ ଆନ୍ଦୋଳନ। ଲୋକଙ୍କୁ କ୍ଷତିପୂରଣ ସହାୟତା ରାଶି ମଳିନଥିବା ଅଭିଯୋଗ। ଆନ୍ଦୋଳନ ଯୋଗୁଁ ଖଣିରୁ କୋଇଲା ଉତ୍ତୋଳନ ଓ ପରିବହନ ଠପ ହୋଇଯାଇଛି । କଣିହାଁ କୋଇଲା ଖଣିରେ ଗୁଣ୍ଡୁରିନାଳି ଗାଁ ପ୍ରଭାବିତ ହେଇଛି । ଏମସିଏଲ ପକ୍ଷରୁ ଜମି ଯାଉଥିବା ଅଞ୍ଚଳ ଗୁଡିକର ମାପଚୁପ ସରିଛି । ଏହାର ରିପୋର୍ଟ ପଠାଇଲେ ଲୋକଙ୍କୁ କ୍ଷତିପୂରଣ ସହାୟତା ରାଶି ମିଳିବ । ହେଲେ ଏମସିଏଲ ଦିନ ପରେ ଦିନ ଗଡାଇ ଚାଲିଛି, ରିପୋର୍ଟ ପଠାଉ ନାହିଁ ।

କ୍ଷତିପୂରଣ ପାଉନଥିବା ସହ ଚାକିରିରୁ ବଞ୍ଚିତ ହେଉଛନ୍ତି ଲୋକେ। ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ନେତୃତ୍ୱରେ ଖଣି ଆଗରେ ପ୍ରତିବାଦ ହୋଇଛି । ସମସ୍ଯାର ସମାଧାନ ନହେବା ଯାଏ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦିଆଯାଇଛି।

ଓଡିଶା ସରକାରଙ୍କ ବିକାଶ ଯୋଗୁ ସଂଗଠନ ଛାଡି ଆତ୍ମସମର୍ପଣ କଲି : ସୋମନାଥ

ବଲାଙ୍ଗୀର : ବଲାଙ୍ଗୀରରେ ହାର୍ଡକୋର ମାଓବାଦୀର ଆତ୍ମସମର୍ପଣ। ହାର୍ଡକୋର ମାଓବାଦୀ ସୋମନାଥ ଆଚେଲାର ଆତ୍ମସମର୍ପଣ। ବିବିଏମ ଡିଭିଜନର ଏସିଏମ ରାଙ୍କର ହାର୍ଡକୋର ମାଓବାଦୀ ସୋମନାଥ ଆଚେଲା। ୧୪ ବର୍ଷ ଧରି ଛତିଶଗଡ କାଙ୍କେରରେ ମାଓ କମାଣ୍ଡର ଭାବେ କାମ କରୁଥିଲା ସୋମନାଥ। ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେବେ ଆଇଜି ହିମାଂଶୁ ଲାଲ। ରାଜ୍ୟ ସରକାରଙ୍କ ତରଫରୁ ବାରମ୍ବାର କୁହାଯାଇଛି ସମାଜର ମୁଖ୍ୟସ୍ରୋତରେ ସାମିଲ ହେବାକୁ । ସୋମନାଥଙ୍କ ନାଁରେ 3 ଲକ୍ଷ ଟଙ୍କାର ପୁରସ୍କାର ରାଶି ଥିଲା । ୨୦୦୬ ମସିହାରେ ସେ ମାଓ ସଂଗଠନରେ ସାମିଲ ହୋଇଥିଲେ । ୨୦୧୧ରେ ପଦୋନ୍ନତି ମିଳିଥିଲା I ୨୦୧୬ ମସିହାରୁ ମାଓ କମାଣ୍ଡର ଭାବେ କାର୍ଯ୍ୟ କରୁଥିଲେ । ବିଭିନ୍ନ ମାଓ ହିଂସାରେ ସୋମନାଥର ସମ୍ପୃକ୍ତି ରହିଛି। ମହିଳା ମାନଙ୍କୁ ନିର୍ଯ୍ୟାତନା ଦିଆଯାଉଥିଲା, ଯୁବତୀ ମାନଙ୍କ ପ୍ରତି ଖରାପ ଆଚରଣ ତାକୁ ସହିନପାରି ମାଓ ସଂଗଠନ ଛାଡିଥିଲେ । ଓଡିଶା ସରକାରଙ୍କ ବିକାଶ ଓ ମାଓବାଦୀଙ୍କୁ ମୁଖ୍ୟସ୍ରୋତରେ ସାମିଲ କରିବା ଯୋଜନା ଯୋଗୁ ସଂଗଠନ ଛାଡି ଆତ୍ମସମର୍ପଣ କରିଥିବା କହିଛନ୍ତି ସୋମନାଥ ।

ଅନ୍ୟପଟେ କଳାହାଣ୍ଡି, ଯୁଗସାଇପାଟଣା ମନସ୍କା ଜଙ୍ଗଲ ରେ ଛତ୍ର ଭଙ୍ଗା ଦେଲେ ମାଓବାଦୀ । ମନସ୍କା ଜଙ୍ଗଲରେ ମାଓବାଦୀଙ୍କ ଚଳ ପ୍ରଚଳ ଥିବା ନେଇ ଖବର ପାଇ ସିଆରପିଏଫ୍ ଓ ଡିଭିଏଫ୍ ପକ୍ଷରୁ ମିଳିତ ଅପରେସନ କରାଯାଇଥିଲା। ସୁରକ୍ଷାକର୍ମୀ ଙ୍କୁ ଦେଖି ଛତ୍ର ଭଙ୍ଗ ଦେଇଥିଲେ ଲାଲବାହିନୀ। ସୁରକ୍ଷା କର୍ମୀଙ୍କ ସର୍ଚ୍ଚ ଅପରେସନରେ ବିପୁଳ ପରିମାଣର ମାଓ ସାମଗ୍ରୀ ଓ ବିଷ୍ପୋରକ ଜବତ ।

 

ଅମିତାଭ ବଚ୍ଚନ ସମ୍ପୂର୍ଣ୍ଣ ସୁସ୍ଥ ଅଛନ୍ତି, ସେ ନିଜେ ଅସୁସ୍ଥତାର ଖବରକୁ ଗୁଜବ ବୋଲି କହିଲେ

ମୁମ୍ବାଇ : ଗତ ଶୁକ୍ରବାର ଅପରାହ୍ନରେ ଏମିତି ଏକ ଖବର ସାମ୍ନାକୁ ଆସିଲା, ଯାହା ଅମିତାଭ ବଚ୍ଚନଙ୍କ ସମସ୍ତ ପ୍ରଶଂସକଙ୍କୁ ଚିନ୍ତାରେ ପକାଇଥିଲା। ଏକ ରିପୋର୍ଟରେ କୁହାଯାଇଥିଲା ଯେ ଅମିତାଭଙ୍କ ଗୋଡରେ କିଛି ଜାଗାରେ ରକ୍ତ ଜମାଟ ବାନ୍ଧିବା ପରେ ତାଙ୍କୁ ମୁମ୍ବାଇର କୋକିଲାବେନ୍ ହସ୍ପିଟାଲରେ ଭର୍ତ୍ତି କରାଯାଇଥିଲା ଏବଂ ପରେ ସେ ଆଞ୍ଜିଓପ୍ଲାଷ୍ଟି କରିଥିଲେ। କିନ୍ତୁ ବର୍ତ୍ତମାନ ଏହା ସାମ୍ନାକୁ ଆସିଛି ଯେ ସେପରି କିଛି ନାହିଁ | ଅମିତାଭ ବଚ୍ଚନ ସମ୍ପୂର୍ଣ୍ଣ ଭଲ ଅଛନ୍ତି। ଆମେ ଏହା କହୁ ନାହୁଁ, ବରଂ ବିଗ୍ ବି ନିଜେ ଏହା କହିଛନ୍ତି ।

ବାସ୍ତବରେ ଶୁକ୍ରବାର ସନ୍ଧ୍ୟାରେ ଅମିତାଭ ଏବଂ ତାଙ୍କ ପୁଅ ଅଭିଷେକ ବଚ୍ଚନଙ୍କ ସହ ଇଣ୍ଡିଆନ୍ ଷ୍ଟ୍ରିମ୍ ପ୍ରିମିୟର ଲିଗ୍ (ଆଇଏସପିଏଲ୍) ମ୍ୟାଚ୍ ଦେଖିବା ପାଇଁ ଆସିଥିଲେ। ତାଙ୍କର ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ତାଙ୍କୁ ତାଙ୍କ ସ୍ୱାସ୍ଥ୍ୟ ବିଷୟରେ ପଚରାଯାଉଛି। ଏହାର ଉତ୍ତର ଦେଇ ସେ କହୁଛନ୍ତି, ଯେ ଏହି ଖବର ସମ୍ପୂର୍ଣ୍ଣ ମିଥ୍ୟା ।

ଗୋପାଳ ସମାଜ ଭବନ ନିର୍ମାଣ କରିଥିବାରୁ, ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ

କୋଣାର୍କ : ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ ଗୋପାଳ ସମାଜ। କାକଟପୁର ମଙ୍ଗଳା ମନ୍ଦିର ସମ୍ମୁଖରେ କଲେ ସମୁହ ଦୀପ ଦାନ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫୦୦ ଡିସିମିଲ୍ ଭୂମି ଅଲ୍ ଓଡ଼ିଶା ଗୋପାଳ ସମାଜକୁ ପ୍ରଦାନ କରିଛନ୍ତି। ଓଡିଶାରେ ୧ କୋଟି ୫ଲକ୍ଷ ଗୋପାଳଙ୍କ ପାଇଁ ଭୁବେନଶ୍ବର ଚନ୍ଦ୍ରଶେଖରପୁର ଅଞ୍ଚଳରେ ନିର୍ମାଣ ହେବ ଗୋପାଳ ସମାଜ ଭବନ। ଭୁବନେଶ୍ୱର ଆସୁଥିବା ଗୋପାଳ ସମ୍ପ୍ରଦାୟର ଛାତ୍ରଛାତ୍ରୀ, ରୋଗୀ, ଏଠାରେ ରହିବାର ବ୍ୟବସ୍ଥା କରାଯିବ। ଏନେଇ ଓଡ଼ିଶା ଗୋପାଳ ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ମୁଖ୍ୟମନ୍ତ୍ରୀଙ୍କୁ ଧନ୍ଯବାଦ ଜଣାଇବା ସହ କାକଟପୁର ମଙ୍ଗଳା ମନ୍ଦିର ସାମ୍ନାରେ ଏକ ଭବ୍ୟ କାର୍ଯ୍ୟକ୍ରମରେ ସମୁହ ଦୀପ ଦାନ କରାଯାଇଛି।