spot_img
Home Blog Page 2376

ବ୍ରହ୍ମପୁର ସହରରେ ଉଦଘାଟିତ ହେଲା ନୂଆ ବାଇପାସ ରୋଡ଼

ବ୍ରହ୍ମପୁର: ବ୍ରହ୍ମପୁର ସହରରେ ଉଦଘାଟିତ ହେଲା ନୂଆ ବାଇପାସ ରୋଡ଼ । ବ୍ରହ୍ମପୁର ନୂଆ ବସ ଷ୍ଟାଣ୍ଡ ଠାରୁ ଭାବିନିପୁରକୁ ସଂଯୋଗ କରୁଛି ଏହି ନୂଆ ବାଇପାସ ରୋଡ । ଦୁଇ କୋଟି ଟଙ୍କାରେ ନିର୍ମିତ ହୋଇଥିବା ଏହି ବାଇପାସ ରୋଡର ଲମ୍ବା ୮୦୦ ମିଟର ରହିଛି । ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ, ବିଧାୟକ ବିକ୍ରମ ପଣ୍ଡା, ମେୟର ସଂଘମିତ୍ରା ଦଳେଇ, ଏମକେସିଜି ମେଡିକାଲର ଅଧିକ୍ଷକ ଡ଼ା ସୁଚିତ୍ରା ଦାସଙ୍କ ସମେତ ସ୍ଥାନୀୟ କର୍ପୋରେଟର ମାନଙ୍କ ଉପସ୍ଥିତିରେ ରୋଡର ଉଦଘାଟନ ହୋଇଛି । ଏହି ରୋଡ ଦ୍ଵାରା ଦିଗପହଣ୍ଡି, କୁକୁଡ଼ାଖଣ୍ଡି, ଆସିକା, ଭଞ୍ଜନଗର ଭଳି ଅଞ୍ଚଳରୁ ଏମକେସିଜି ମେଡିକାଲକୁ ଆସୁଥିବା ଲୋକ ସୁବିଧାରେ ଆସିପାରିବେ ।

ବରିଷ୍ଠ ବିଜେଡି ନେତା ପ୍ରସନ୍ନ ଆଚାର୍ଯ୍ୟଙ୍କୁ ଭେଟି ସ୍ୱାସ୍ଥ୍ୟବସ୍ଥା ପଚାରି ବୁଝିଲେ ବିଭିନ୍ନ ଦଳର ନେତା

ନନ୍ଦିଘୋଷ ବ୍ୟୁରୋ: ଦୁର୍ଘଟଣାରେ ଆହତ ହୋଇ ଚିକିତ୍ସିତ ହେଉଥିବା ବିଜେଡିର ବରିଷ୍ଠ ନେତା ପ୍ରସନ୍ନ ଆଚାର୍ଯ୍ୟଙ୍କୁ ଭେଟି ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ବିଭିନ୍ନ ଦଳର ନେତା। ପୂର୍ବତନ କେନ୍ଦ୍ରମନ୍ତ୍ରୀ ଦିଲ୍ଲୀପ ରାୟ, ଢେଙ୍କାନାଳ ସାଂସଦ ମହେଶ ସାହୁ, ବିଧାୟକ ନୃସିଂହ ଚରଣ ସାହୁ ଭେଟିଛନ୍ତି। ମନ୍ତ୍ରୀ ଅଶୋକ ପଣ୍ଡା, ପରିବହନ ମନ୍ତ୍ରୀ ଟୁକୁନି ସାହୁ, ଜଟଣୀ ବିଧାୟକ ସୁରେଶ ରାଉତରାୟ, ଯୁବ ନେତା ମନ୍ମଥ ରାଉତରାୟ ପ୍ରମୁଖ ଭେଟିଛନ୍ତି। ପ୍ରସନ୍ନ ଆଚାର୍ଯ୍ୟଙ୍କୁ ଭେଟି ସ୍ୱାସ୍ଥ୍ୟାବସ୍ଥା ପଚାରି ବୁଝିବା ସହ ଆସୁ ଆରୋଗ୍ୟ କାମନା କରିଛନ୍ତି ।

ନଜର ପକାନ୍ତୁ ଦେଶର ଭୋଟର ଏବଂ ନିର୍ବାଚନୀ ପ୍ରକ୍ରିୟା ଉପରେ

ନନ୍ଦିଘୋଷ ବ୍ୟୁରୋ: ଦେଶରେ ୧୦. ୫ ଲକ୍ଷ ପୋଲିଂ ବୁଥ୍ ବ୍ୟବସ୍ଥା ହୋଇଥିବାବେଳେ ଦେଶରେ ୯୭ କୋଟି ପଞ୍ଜିକୃତ ଭୋଟର ଅଛନ୍ତି। ୮୩ ଲକ୍ଷ ଭୋଟରଙ୍କ ବୟସ ୮୦ ବର୍ଷରୁ ଅଧିକ। ଦେଶରେ ଅଛନ୍ତି ୪୮ ହଜାର କିନ୍ନର ଭୋଟର। ୮୫ ବର୍ଷରୁ ଅଧିକ ବୟସର ଭୋଟରଙ୍କ ଘରକୁ ଯିବେ ପ୍ରତିନିଧି। ଭୋଟ ପ୍ରକ୍ରିୟାରେ ହେଲିକପ୍ଟର, ହାତୀର ବ୍ୟବହାର କରାଯିବ। ୧୦୦ ବର୍ଷରୁ ଅଧିକ ବୟସର ଭୋଟରଙ୍କ ସଂଖ୍ୟା ୨ ଲକ୍ଷ ୧୮ ହଜାର। ଦେଶରେ ୪୭.୧ କୋଟି ମହିଳା ଭୋଟର ଥିବାବେଳେ ଆଚରଣବିଧି ଉଲ୍ଲଂଘନ, ଅର୍ଥବଳ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ। ବେଆଇନ କାର୍ଯ୍ୟକଳାପ, ଅନ୍ତରାଷ୍ଟ୍ରୀୟ ସୀମାରେ ଡ୍ରୋନ ବ୍ୟବସ୍ଥା କରାଯାଇଥିବାବେଳେ ୫୫ ଲକ୍ଷ ଇଭିଏମ ଜରିଆରେ ହେବ ନିର୍ବାଚନ। ମାଗଣା ସାମଗ୍ରୀ ଘୋଷଣା ଉପରେ ରୋକ୍ ଲାଗିବ। ପ୍ରତି ତାରକା ପ୍ରଚାରକଙ୍କୁ ଗାଇଡଲାଇନ ପ୍ରଦାନ କରାଯିବ।  ନିର୍ବାଚନ ପରିଚାଳନା ଲାଗି ଦେଶବ୍ୟାପୀ ୨୧ଶହ ପର୍ଯ୍ୟବେକ୍ଷକଙ୍କୁ ନିଯୁକ୍ତି ଦିଆଯିବ।

ନିର୍ବାଚନ ଘୋଷଣା ପରେ ରାଜ୍ୟ ରାଜନୀତି ଉଷ୍ମ

ଭୁବନେଶ୍ବର: ନିର୍ବାଚନ ଘୋଷଣା ପରେ ରାଜ୍ୟ ରାଜନୀତି ଉଷ୍ମ । ତିନି ପ୍ରମୁଖ ରାଜନୈତିକ ଦଳ ମଧ୍ଯରେ ଜୋରଦାର ହୋଇଛି ଟିକେଟ୍ କସରତ । ନିର୍ବାଚନରେ ଶକ୍ତିଶାଳୀ ଆଞ୍ଚଳିକ ଦଳ ବିଜେଡି ଏକ ପାଖିଆ ବିଜୟୀ ହେବ ବୋଲି ଦମ୍ଭୋକ୍ତି ପ୍ରକାଶ କରିଛି । ବିକାଶ ଧାରାକୁ ଆଗକୁ ନେଇ ଦଳ ରଣନୀତି ଅନୁସାରେ କାମ କରୁଛି। ନିର୍ବାଚନ ପାଇଁ ବିଜେଡି ସମ୍ପୂର୍ଣ୍ଣ ପ୍ରସ୍ତୁତ ଥିବା ବେଳେ ଦୁଇ ବିରୋଧୀ ବିଜେପି ଓ କଂଗ୍ରେସ ମଧ୍ୟ ଜୋରରେ ଲାଗିଛନ୍ତି । ସବୁ ଦଳ ପାଇଁ ଟିକେଟ୍ କସରତ ଫୋକସରେ ରହିଛି।

ବାଜିଲା ବିଗୁଲ, ପ୍ରସ୍ତୁତ ଓଡ଼ିଶା । ବିଜେଡିର ଦମ୍ଭୋକ୍ତି- ହେବ ଏକ ପାଖିଆ ବିଜୟ । ବିକାଶକୁ ନେଇ ଦଳ ପ୍ରସ୍ତୁତ କରିଛି ରଣନୀତି । ସୁର କହିଲେ- କଂଗ୍ରେସ ଟିକେଟ ବଣ୍ଟନ ହେବ ବିଳମ୍ବ । ବିଜେପି କହିଲା ଆମେ ପ୍ରସ୍ତୁତ। ସାଧାରଣ ନିର୍ବାଚନ ତାରିଖ ଘୋଷଣା ପରେ ଚଳଚଞ୍ଚଳ ହୋଇଛି ସବୁ ଦଳର ଶିବିର । ସବୁ ଦଳରେ ଜୋରଦାର ହୋଇଛି ଟିକେଟ କସରତ। କାହାକୁ କେଉଁଠି ପ୍ରାର୍ଥୀ କଲେ, ବଡ଼ ବିଜୟ ହେବ, ସେନେଇ କସରତ  ଜୋରଦାର ହୋଇଛି । ନିର୍ବାଚନରେ ବିଜେଡି ଏକ ପାଖିଆ ବିଜୟୀ ହେବ ବୋଲି ଦଳର ବିଧାୟକ ଓ ନେତାମାନେ ଦମ୍ଭୋକ୍ତି ପ୍ରକାଶ କରିଛନ୍ତି ।

୪ ବର୍ଷ ଧରି ନିରନ୍ତର ଭାବେ ଓଡ଼ିଶାବାସୀଙ୍କ ସେବା କରି ବିଜେଡି ତୃଣମୂଳ ସ୍ତରରେ ଶକ୍ତିଶାଳୀ ଦଳ ଭାବେ ଉଭା ହୋଇଛି । ବିକାଶକୁ ସବୁବେଳେ ଗୁରୁତ୍ବ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାମ କରିଚାଲିଛନ୍ତି  । ନିର୍ବାଚନ ପାଇଁ ସବୁବେଳେ ପ୍ରସ୍ତୁତ ବୋଲି ବିଜେଡି କହିଛି । ସବୁ ବର୍ଗକୁ ସୁରକ୍ଷା ଦେଇ ସାଢ଼େ ୪ କୋଟି ଓଡ଼ିଆଙ୍କ ଆସ୍ଥା ଓ ବିଶ୍ବାସ ଜିତିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୋ ଓଡ଼ିଶା, ନବୀନ ଓଡ଼ିଶା କାର୍ଯ୍ୟକ୍ରମ ଜରିଆରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଫାଇଭ-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ୩୦ଟି ଜିଲ୍ଲା ଗସ୍ତ ପରେ ବିଜେଡି ପ୍ରତି ଲୋକଙ୍କ ବିଶ୍ବାସ ବଢ଼ିଛି।

ଗତ ପଞ୍ଚାୟତ, ପୌର ଓ ଉପନିର୍ବାଚନରେ ବିଜେଡି ଏକ ପାଖିଆ ବିଜୟୀ ହୋଇଛି । ଦଳର ଭୋଟ୍ ହାର ବଢ଼ିବା ସହ  ୩୦ରୁ ୩୦ ଜିଲ୍ଲା ପରିଷଦ ଦଖଲ କରିଛି ବିଜେଡି । ଏପରି ସ୍ଥିତିରେ ବିଜେଡିକୁ ଟକ୍କର ଦେବା ପାଇଁ ବିରୋଧୀ ଚିନ୍ତାରେ ପଡ଼ିଛନ୍ତି । ତେବେ ପ୍ରତିଦ୍ବନ୍ଦ୍ବିତା ପାଇଁ  ଅଣ୍ଟା ଭିଡ଼ିଛନ୍ତି ଦୁଇ ବିରୋଧୀ। ବିଜେପି ନିର୍ବାଚନ ପାଇଁ ପ୍ରସ୍ତୁତ ଥିବା କହିଥିବା ବେଳେ କଂଗ୍ରେସ କହିଛି ଦଳୀୟ ଟିକେଟ ବଣ୍ଟନ ବିଳମ୍ବ ହେବ ।

ସାଧାରଣ ନିର୍ବାଚନ ପୂର୍ବରୁ ବିଭିନ୍ନ ସର୍ଭେ ରିପୋର୍ଟରେ ଉଭୟ ବିଧାନସଭା ଓ ଲୋକସଭା ନିର୍ବାଚନରେ ବିଜେଡିର ବଡ଼ ବିଜୟ ହେବ ବୋଲି ଆକଳନ କରାଯଇଛି । ବିଜେଡି ମଧ୍ୟ ଓଡ଼ିଶାବାସୀଙ୍କ ଆର୍ଶୀବାଦରେ ୧୨୮ ବିଧାନସଭା ଆସନ  ଓ ୧୮ ଲୋକସଭା ଆସନରେ ବିଜୟ ଲାଭ କରିବ ବୋଲି ଦମ୍ଭୋକ୍ତି ପ୍ରକାଶ କରିଛି ।

ରାଜ୍ଯ ମୁଖ୍ଯ ନିର୍ବାଚନ ଅଧିକାରୀଙ୍କ ପ୍ରେସମିଟ

ଭୁବନେଶ୍ବର: ରାଜ୍ଯ ନିର୍ବାଚନ ନେଇ ସାମ୍ବାଦିକ ସମ୍ମିଳନୀରେ ବିସ୍ତୃତ ସୂଚନା ଦେଇଛନ୍ତି ରାଜ୍ଯ ମୁଖ୍ଯ ନିର୍ବାଚନ ଅଧିକାରୀ ନିକୁଞ୍ଜ ଧଳ । ଓଡ଼ିଶାର ମୋଟ ଲୋକସଭା ଆସନ ସଂଖ୍ଯା ୨୧ ରହିଥିବାବେଳେ ଅନୁସୂଚିତ ଜାତି ପାଇଁ ୩ ଓ ଜନଜାତିଙ୍କ ପାଇଁ ୫ ଆସନ ସଂରକ୍ଷିତ ରହିଛି । ସେହିପରି ୧୪୭ ବିଧାନସଭା ଆସନରୁ ଅନୁସୂଚିତ ଜାତିଙ୍କ ପାଇଁ ୨୪ ଓ ଜନଜାତିଙ୍କ ପାଇଁ ୩୩ ଆସନ ସଂରକ୍ଷିତ ରହିଛି । ନିର୍ବାଚନକୁ ସୁରୁଖୁରୁରେ ପରିଚାଳନା ପାଇଁ ୩୦ ଜିଲ୍ଲା ନିର୍ବାଚନ ଅଧିକାରୀ ନିଯୁକ୍ତ ହୋଇଛନ୍ତି । ପ୍ରାୟ ୨ ଦଶମିକ ୭୦ ଲକ୍ଷ ମତଦାନ କର୍ମଚାରୀ ନିଯୁକ୍ତ ହୋଇଛି । ପ୍ରତି ମତଦାନ କେନ୍ଦ୍ରରେ ଜଣେ ପ୍ରିଜାଇଡିଂ ଅଫିସର ଓ ୫ଜଣ ଲେଖାଏଁ ପୋଲିଂ ଅଫିସର ରହିବେ । ମତଦାନ କେନ୍ଦ୍ରରେ ଭୋଟର ପରିଚୟ ପତ୍ର ସହ ଆଧାରକାର୍ଡ, ପାନକାର୍ଡ, ସ୍ବତନ୍ତ୍ର ଭିନ୍ନକ୍ଷମ ପରିଚୟପତ୍ର, ଡ୍ରାଇଭିଂ ଲାଇସେନ୍ସ, ପାସପୋର୍ଟ, ମନରେଗା କାର୍ଡ ଦେଖାଇପାରିବେ । ଓଡ଼ିଶାରେ ଭୋଟରଙ୍କ ସଂଖ୍ଯା ୩ କୋଟି ୩୪ ଲକ୍ଷ ୭୩ ହଜାର ୫୬୧ । ସେମାନଙ୍କ ମଧ୍ଯରେ ପୁରୁଷ ଭୋଟରଙ୍କ ସଂଖ୍ଯା ୧ କୋଟି ୬୯ ଲକ୍ଷ ୫୫ ହଜାର ୩୬୯, ମହିଳା ଭୋଟରଙ୍କ ସଂଖ୍ଯା ୧ କୋଟି ୬୫ ଲକ୍ଷ ୧୪ ହଜାର ୭୫୪, ତୃତୀୟଲିଙ୍ଗୀ ଭୋଟରଙ୍କ ସଂଖ୍ଯା ୩ ହଜାର ୪୩୮, ଭିନ୍ନକ୍ଷମ ଭୋଟରଙ୍କ ସଂଖ୍ଯା ୫ ଲକ୍ଷ ୧୯ ହଜାର ୮୬୧, ବରିଷ୍ଠ ନାଗରିକ ଭୋଟରଙ୍କ ସଂଖ୍ଯା ୩ ଲକ୍ଷ ୨ ହଜାର ୨୭୩, ୧୮ରୁ ୧୯ ବର୍ଷ ବୟସ୍କ ଭୋଟରଙ୍କ ସଂଖ୍ଯା ୭ ଲକ୍ଷ ୯୯ ହଜାର ୩୩୪, ସର୍ଭିସ ମତଦାତାଙ୍କ ସଂଖ୍ଯା ୪୯ ହଜାର ୫୯୯ ଓ ପ୍ରବାସୀ ଭୋଟରଙ୍କ ସଂଖ୍ଯା ୧୮୪ । ୬୦ ପ୍ରତିଶତ ମତଦାନ କେନ୍ଦ୍ରରେ ୱେବକାଷ୍ଟିଂ ହେବ । ୨୦ ପ୍ରତିଶତ ମଡେଲ ପୋଲିଂ ଷ୍ଟେସନ ଯୁବ ପରିଚାଳିତ ମତଦାନ କେନ୍ଦ୍ର ହେବ । ଭିନ୍ନକ୍ଷମ ଓ ୮୫ ବର୍ଷ ବୟସରୁ ଅଧିକ ବୟସର ନାଗରିକ ନାଗରିକଙ୍କୁ ମତଦାନ ବୁଥରେ ପ୍ରବେଶ ପାଇଁ ଅଗ୍ରାଧିକାର ଦିଆଯିବ । ପ୍ରାର୍ଥୀମାନେ ନିର୍ଦ୍ଦିଷ୍ଟ ଫର୍ମାଟରେ ତାଙ୍କ ବିରୋଧରେ ରହିଥିବା ମାମଲାର ବିବରଣୀ ପ୍ରଦାନ କରିବେ । ପ୍ରଚାର ସମୟରେ ଖବରକାଗଜ, ଟେଲିଭିଜନ ଚ୍ଯାନେଲରେ ତିନିଥର ଅପରାଧିକ ମାମଲାର ତଥ୍ଯ ପ୍ରକାଶ କରିବାକୁ ହେବ । ଲୋକସଭା ନିର୍ବାଚନ ପାଇଁ ପ୍ରାର୍ଥୀମାନେ ସର୍ବାଧିକ ୯୫ ଲକ୍ଷ ଓ ବିଧାନସଭା ନିର୍ବାଚନ ପାଇଁ ୪୦ ଲକ୍ଷ ଟଙ୍କା ଖର୍ଚ୍ଚ କରିପାରିବେ । ପ୍ରାର୍ଥୀ ଓ ରାଜନୈତିକ ଦଳ ନାମାଙ୍କନ ଦାଖଲ, ରାଲି, ବୈଠକ, ଲାଉଡ ସ୍ପିକର ବ୍ଯବହାର ଆଦି ପାଇଁ ସୁବିଧା ପୋର୍ଟାଲ ରେ ଆବେଦନ କରିପାରିବେ ।

ଶୁଣନ୍ତୁ ଇଭିଏମ ହ୍ୟାକ୍ ପ୍ରସଙ୍ଗରେ କଣ କହିଲେ ନିର୍ବାଚନ କମିଶନ

ନନ୍ଦିଘୋଷ ବ୍ୟୁରୋ: ଘୋଷଣା ହେଲା ନିର୍ବାଚନ ତାରିଖ । ୭ଟି ପର୍ଯ୍ୟାୟରେ ଦେଶରେ ହେବ ଲୋକସଭା ନିର୍ବାଚନ । ଏପ୍ରିଲ ୧୯ରୁ ଆରମ୍ଭ ହୋଇ ଜୁନ୍ ୪ ତାରିଖ ପର୍ଯ୍ୟନ୍ତ ଚାଲିବ । ତେବେ ପ୍ରତି ନିର୍ବାଚନରେ ଇଭିଏମକୁ ନେଇ ରାଜନୈତିକ ଦଳମାନେ ପ୍ରଶ୍ନ ଉଠାଇଥାନ୍ତି । କହିଥାନ୍ତି କି, ଇଭିଏମ ହ୍ୟାକ କରାଯାଏ । ଏବଂ ଇଭିଏମରେ ଦୁର୍ନୀତି କରାଯାଇ ନିର୍ବାଚନ ଜିତାଯାଏ । ତେବେ ସାମ୍ବାଦିକ ସମ୍ମିଳନୀରେ ଏକ ସମ୍ପର୍କରେ ଇସି ଏକ ଗୁରୁତ୍ବପୂର୍ଣ୍ଣ କଥା କହିଛନ୍ତି । କହିଛନ୍ତି କି, ଫଳାଫଳ ଆସିବା ପରେ ରାଜନୈତିକ ଦଳମାନେ ଇଭିଏମକୁ ଦାୟୀ କରିଥାନ୍ତି । କିନ୍ତୁ ସବୁ ଭୋଟରଙ୍କ ଉପରେ ନିର୍ଭର କରୁଛି । କୌଣସି ଇଭିଏମ ହ୍ୟାକ୍ ହୋଇନଥାଏ । ଏଡା ଉପରେ କଡ଼ା ନଜର ରଖାଯାଇଥାଏ । ତେବେ ନିର୍ବାଚନ ତାରିଖ ଘୋଷଣା ହେବା ପରେ ସାରା ଦେଶରେ ଆରମ୍ଭ ହୋଇଛି ରାଜନୈତିକ ଉଷ୍ମତା । ପ୍ରେସମିଟରେ ନିର୍ବାଚନ ତାରିଖ ଘୋଷଣା କରୁଛନ୍ତି ସିଇସି ରାଜୀବ କୁମାର । ଆସନ୍ତୁ ନଜର ପକାଇବା ସମ୍ପୂର୍ଣ୍ଣ ପ୍ରେସମିଟ୍ ଉପରେ ।

ନିର୍ବାଚନ ପରିଚାଳନା ଲାଗି ଇସି ସମ୍ପୂର୍ଣ୍ଣ ପ୍ରସ୍ତୁତ

୧୬ ଜୁନରେ ସରୁଛି ଲୋକସଭା କାର୍ଯ୍ୟକାଳ

ନିର୍ବାଚନ ପ୍ରସ୍ତୁତି ଲାଗି ୨ ବର୍ଷର କସରତ

ଦେଶରେ ୯୭ କୋଟି ପଞ୍ଜି ଭୋଟର

୮୩ ଲକ୍ଷ ଭୋଟରଙ୍କ ବୟସ ୮୦ ବର୍ଷରୁ ଅଧିକ

୪୮ ହଜାର କିନ୍ନର ଭୋଟର

ସବୁ ବୁଥ ଲାଗି ସମସ୍ତ ପ୍ରକାର ସୁବିଧା କରାଯାଇଛି

ହେଲ୍ପ ଫାସିଲିଟି, ରାମ୍ପ ବ୍ୟବସ୍ଥା କରାଯାଇଛି

୮୫ ବର୍ଷରୁ ଅଧିକ ବୟସର ଭୋଟରଙ୍କ ଘରକୁ ଯିବେ ପ୍ରତିନିଧି

ହେଲିକପ୍ଟର, ହାତୀ, ହେଲିକପ୍ଟରରେ ବି ଯିବେ ପ୍ରତିନିଧି

୧୦୦ ବର୍ଷରୁ ଅଧିକ ବୟସର ଭୋଟରଙ୍କ ସଂଖ୍ୟା ୨ ଲକ୍ଷ ୧୮ ହଜାର

ଅପରାଧ ରେକର୍ଡ ସମ୍ପର୍କରେ ବ୍ୟାପକ ସଚେତନତା କରାଯିବ

ଆଚରଣବିଧି ଉଲ୍ଲଂଘନ, ଅର୍ଥବଳ ବିରୋଧରେ କଡା କାର୍ଯ୍ୟାନୁଷ୍ଠାନ

ବାହୁବଳର ମୁକାବିଲା ସିଏପିଏଫ ମୁତୟନ କରାଯିବ

ଏନବିଡଲ୍ୟୁ ଥିବା ବ୍ୟକ୍ତିଙ୍କ କାର୍ଯ୍ୟକଳାପକୁ ରୋକାଯିବ

ବେଆଇନ କାର୍ଯ୍ୟକଳାପ, ଅନ୍ତରାଷ୍ଟ୍ରୀୟ ସୀମାରେ ଡ୍ରୋନ ବ୍ୟବସ୍ଥା

୫୫ ଲକ୍ଷ ଇଭିଏମ ଜରିଆରେ ହେବ ନିର୍ବାଚନ

ମାଗଣା ସାମଗ୍ରୀ ଘୋଷଣା ଉପରେ ରୋକ୍

ପୋଲିସ, ବିଏସଏଫ, କୋଷ୍ଟଗାର୍ଡ ରହିବେ ସତର୍କ

ପୋଲିସ, ବିଏସଏଫ, କୋଷ୍ଟଗାର୍ଡ ରହିବେ ସତର୍କ

ସମସ୍ତ ବିମାନବନ୍ଦରରେ ଯାଞ୍ଚ ବ୍ୟବସ୍ଥା କରାଯିବ

ରାଜନୈତିକ ପାଣ୍ଠି ପ୍ରଦାନ ଉପରେ ରୋକ୍

ପ୍ରତି ତାରକା ପ୍ରଚାରକଙ୍କୁ ଗାଇଡଲାଇନ ପ୍ରଦାନ କରାଯିବ

ବ୍ୟକ୍ତିଗତ ଆକ୍ଷେପ, ଧାର୍ମିକ ପ୍ରଚାର ଉପରେ କଟକଣା

ରେଡ ଲାଇନ ଅତିକ୍ରମ ନକରିବାକୁ ଇସିଆଇଙ୍କ ପରାମର୍ଶ

ପ୍ରଚାରରେ ଶିଶୁଙ୍କ ବ୍ୟବହାର କରିବା ଉପରେ ବାରଣ

୨୧ଶହ ଅବଜର୍ଭର ନିଯୁକ୍ତ

ଫେକ ନ୍ୟୁଜ ଉପରେ କଟକଣା

 

 

 

 

 

 

 

 

ମେଣ୍ଢାଶାଳସ୍ଥିତ ପୋଲିସ ଆଉଟ ପୋଷ୍ଟ ହେବ ‘ଶିଳ୍ପାଞ୍ଚଳ ପୋଲିସ ଷ୍ଟେସନ’

ଭୁବନେଶ୍ବର : ସହରାଞ୍ଚଳ ପୋଲିସ ଜିଲ୍ଲା ମଧ୍ୟରେ ମେଣ୍ଢାଶାଳ ଅଞ୍ଚଳ ଏକ କ୍ରମବର୍ଦ୍ଧିଷ୍ଣୁ ଶିଳ୍ପାଞ୍ଚଳ ଭାବେ ଗଢିଉଠୁଛି । ସେହି ଅଞ୍ଚଳରେ IIIT, NALCO R&D Centre, Birla Global University, GIET ପରି ଅନେକ ଜାତୀୟ ସ୍ତରର ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ଓ ଶିଳ୍ପାନୁଷ୍ଠାନ ରହିଛି । ଏହାସହିତ ବଢୁଥିବା ଲୋକସଂଖ୍ୟା ଓ ଆବାସିକ କଲୋନୀକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ମେଣ୍ଢାଶାଳରେ ଥିବା ପୋଲିସ ଆଉଟ ପୋଷ୍ଟକୁ ଏକ ଶିଳ୍ପାଞ୍ଚଳ ପୋଲିସ ଷ୍ଟେସନ (Industrial Police Station) ଭାବେ ଉନ୍ନୀତ କରିବାକୁ ନିଷ୍ପତ୍ତି ନେଇଛନ୍ତି । ଏହି ନୂତନ ପୋଲିସ ଷ୍ଟେସନଟି ୧୫୦ ବର୍ଗ କିଲୋମିଟର ପରିମିତ ଏବଂ ଏକ ଲକ୍ଷ ଜନସଂଖ୍ୟା ବିଶିଷ୍ଟ ଅଞ୍ଚଳରେ ୪ଟି ଗ୍ରାମ ପଞ୍ଚାୟତ ଏବଂ BMCର ଗୋଟିଏ ୱାର୍ଡକୁ ଆଂଶିକ ଭାବେ ନେଇ କାର୍ଯ୍ୟ କରିବ। ଏଥିପାଇଁ ୩୪ଟି ନୂଆ ପଦବୀ ସୃଷ୍ଟି କରାଯିବ। ପୂର୍ବରୁ ଏହି ଆଉଟ ପୋଷ୍ଟରେ ୫ ଜଣ କର୍ମଚାରୀ ଅଛନ୍ତି ଏବଂ ୨ଟି ପଦବୀ ଏସ୍‌.ପି ପୋଲିସ ମୋଟର ଟ୍ରେନିଂ ସଂସ୍ଥାରୁ ନିୟୋଜିତ କରାଯିବ। ଏହିପରି ଏହି ଥାନାରେ ସମୁଦାୟ ୪୧ ଜଣ ଅଧିକାରୀ ଓ କର୍ମଚାରୀ ରହିବେ । ଏହି ୩୪ଟି ନୂତନ ପଦବୀ ଗୁଡିକ ହେଉଛି – ଗୋଟିଏ ଇନ୍‌ସପେକ୍ଟର, ୪ଟି ସବ୍‌ଇନ୍‌ସିପେକ୍ଟର, ୬ଟି ଏ.ଏସ୍‌.ଆଇ, ୨ଟି ହାବିଲଦାର ଓ ୨୧ଟି  କନେଷ୍ଟବଳ । ପୂର୍ବରୁ ଥିବା ୫ଟି ପଦବୀ ହେଉଛି – ଗୋଟିଏ ସବ୍‌ଇନ୍‌ସପେକ୍ଟର ଓ ୪ଟି କନେଷ୍ଟବଳ ।

 

 

ଘରେ ପଶି ଶାଶୁ ଓ ଶଳାକୁ ଛୁରାମାଡ଼ କଲା ଜ୍ବାଇଁ

କାକଟପୁର: ଘରେ ପଶି ଶାଶୁ ଓ ଶଳାକୁ ଛୁରାମାଡ଼ କଲା ଜ୍ବାଇଁ। ପୁରୀ ଜିଲ୍ଲା କାକଟପୁର ଥାନା ମେଡିକାଲ ଛକ ଅଞ୍ଚଳରେ ଘଟିଛି ଏଭଳି ଘଟଣା। ଘରର ଲାଇନ କାଟି ଶାଶୁ ମନ୍ଦାକିନୀ ବେହେରା ଓ ଶଳା ସନ୍ତୋଷ ବେହେରାଙ୍କୁ ଜ୍ୱାଇଁ ସୁଶୀଲ ବେହେରା ଛୁରାମାଡ଼ କରିଥିବା ଅଭିଯୋଗ ହୋଇଛି। ଏକ ଧାରୁଆ ଛୁରୀ ସାହାଯ୍ୟରେ ମନ୍ଦାକିନୀଙ୍କ ମୁହଁ ସହ ବାମ ହାତ ଆଙ୍ଗୁଳିରେ ଧାରୁଆ ଅସ୍ତ୍ରରେ ଆକ୍ରମଣ କରିଛି । ମାଙ୍କୁ ଆକ୍ରମଣ ହେଉଥିବା ଦେଖି ପୁଅ ସନ୍ତୋଷ ବାହାରକୁ ଆସିଥିବା ବେଳେ ତାଙ୍କ ଗଳାକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା ଜ୍ୱାଇଁ ସୁଶୀଲ। ଆକ୍ରମଣ ପରେ ଘଟଣାସ୍ଥଳରୁ ଫେରାର ହୋଇଯାଇଛି ଜ୍ୱାଇଁ। ଏ ନେଇ କାକଟପୁର ଥାନାରେ ଜ୍ୱାଇଁ ନାଁରେ ଲିଖିତ ଅଭିଯୋଗ କରିଛନ୍ତି ଶାଶୁ ମନ୍ଦାକିନୀ । କାକଟପୁର ପୋଲିସ ପ୍ରାଥମିକ ତଦନ୍ତ କରି ଛୁରୀ ଜବତ କରିଛି । ମା ଓ ପୁଅଙ୍କୁ ମେଡିକାଲରେ ଚିକିତ୍ସା ପାଇଁ ପଠାଯାଇଛି।

ଜାଣନ୍ତୁ ଆପଣଙ୍କ ବିଧାନସଭା କ୍ଷେତ୍ରରେ କେବେ ହେବ ଭୋଟ୍ ?

ନନ୍ଦିଘୋଷ ବ୍ୟୁରୋ: ବାଜିଲା ନିର୍ବାଚନ ବିଗୁଲ୍ । ଦେଶରେ ୭ଟି ପର୍ଯ୍ୟାୟ ଏବଂ ଓଡ଼ିଶାରେ ୪ଟି ପର୍ଯ୍ୟାୟରେ ହେବ ନିର୍ବାଚନ । ମେ’୧୩ରେ ପ୍ରଥମ ପର୍ଯ୍ୟାୟ ଆରମ୍ଭ ହୋଇଥିବାବେଳେ ଜୁନ୍ ୪ ତାରିଖରେ ହେବ ଭୋଟ୍ ଗଣତି । ମେ’୧୩ ତାରିଖରେ ୧୮ ବିଧାନସଭା ଆସନରେ ଭାଟ୍ ଗ୍ରହଣ ହେବ । ସହିପରି ମେ’ ୨୦ରେ ୩୫, ମେ’ ୨୫ରେ ୪୨ ଏବଂ ଜୁନ୍ ୧ରେ ୪୨ ବିଧାନସଭା କ୍ଷେତ୍ରରେ ଭୋଟ୍ ପଡ଼ିବ । ତେବେ ଆସନ୍ତୁ ନଜର ପକାଇବା ଏହି ୪ ପର୍ଯ୍ୟାୟରେ କେଉଁ ବିଧାନସଭା ଆସନରେ ପଡ଼ିବ ଭୋଟ୍ ।

୧୩ ମେ’

ନୂଆପଡ଼ା

ଖଡ଼ିଆଳ

ଉମରକୋଟ

ଝରିଗାଁ

ନବରଙ୍ଗପୁର

ଡାବୁଗାଁ

ଲାଞ୍ଜିଗଡ଼

ଜୁନାଗଡ଼

ଧର୍ମଗଡ଼

ଭବାନିପାଟଣା

ନର୍ଲା

ଛତ୍ରପୁର

ଗୋପାଳପୁର

ବ୍ରହ୍ମପୁର

ଦିଗପହଣ୍ଡି

ଚିକିଟି

ମୋହନା

ପାରଳାଖେମୁଣ୍ଡି

ଗୁଣୁପୁର

ବିଷମକଟକ

ରାୟଗଡ଼ା

ଲକ୍ଷ୍ମୀପୁର

କୋଟପାଡ଼

ଜୟପୁର

କୋରାପୁଟ

ପଟ୍ଟାଙ୍ଗୀ

ମାଲକାନଗିରି

ଚିତ୍ରକୋଣ୍ଡା

————————-

ମେ’୨୦

ପଦମପୁର

ବିଜେପିରୁ

ବରଗଡ଼

ଅତାବିରା

ଭଟଲି

ବ୍ରଜରାଜନଗର

ଝାରସୁଗୁଡ଼ା

ତଳସରା

ସୁନ୍ଦରଗଡ଼

ବୀରମିତ୍ରପୁର

ରଘୁନାଥପାଲ୍ଲି

ରାଉରକେଲା

ରାଜଗାଙ୍ଗପୁର

ବଣାଇ

ବୀରମହାରାଜପୁର

ସୋନପୁର

ଲୋଇସିହାଂ

ପାଟଣାଗଡ଼

ବଲାଙ୍ଗୀର

ଟିଟିଲାଗଡ଼

କଣ୍ଟାବାଞ୍ଜି

ବାଲିଗୁଡ଼ା

ଜି.ଉଦୟଗିରି

ଫୁଲବାଣୀ

କଣ୍ଟାମାଳ

ବୌଦ୍ଧ

ଦଶପଲ୍ଲା

ଭଞ୍ଜନଗର

ପୋଲସରା

କବିସୂର୍ଯ୍ଯନଗର

ଖଲ୍ଲିକୋଟ

ଆସ୍କା

ସୋରଡ଼ା

ସାନଖେମୁଣ୍ଡି

ହିଞ୍ଜିଳି

———————

ମେ’ ୨୫

କୁଚିଣ୍ଡା

ରେଙ୍ଗାଲି

ସମ୍ବଲପୁର

ରେଢାଖୋଲ

ଦେବଗଡ଼

ତେଲକୋଇ

ଘଷିପୁରା

ଆନନ୍ଦପୁର

ପାଟଣା

କେନ୍ଦୁଝର

ଚମ୍ପୁଆ

କରଞ୍ଜିଆ

ଢେଙ୍କାନାଳ

ହିନ୍ଦୋଳ

କାମାକ୍ଷାନଗର

ପରଜଙ୍ଗ

ପାଲଲହଡା

ତାଳଚେର

ଅନୁଗୁଳ

ଛେଣ୍ଡିପଦା

ଆଠମଲ୍ଲିକ

ବଡ଼ମ୍ବା

ବାଙ୍କି

ଆଠଗଡ଼

ବାରବାଟୀ କଟକ

ଚୌଦ୍ବାର କଟକ

କଟକ ସଦର

ପୁରୀ

ବ୍ରହ୍ମଗିରି

ସତ୍ୟବାଦୀ

ପିପିଲି

ଜୟଦେବ

ଭୁବନେଶ୍ବର ମଧ୍ୟ

ଭୁବନେଶ୍ବର ଉତ୍ତର

ଏକାମ୍ର ଭୁବନେଶ୍ବର

ଜଟଣି

ବେଗୁନିଆ

ଖୋର୍ଦ୍ଧା

ଚିଲିକା

ରଣପୁର

କେନ୍ଦ୍ରାପଡ଼ା

ନୟାଗଡ଼


ଜୁନ୍ ୧

ଯଶିପୁର

ସାରସକଣା

ରାଇରଙ୍ଗପୁର

ବାଙ୍ଗିରିପୋଷି

ଉଦଳା

ବଡସାହି

ବାରିପଦା

ମୋରଡା

ଜଳେଶ୍ବର

ଭୋଗରାଇ

ବସ୍ତା

ବାଲେଶ୍ବର

ରେମୁଣା

ନୀଳଗିରି

ସୋର

ସିମୁଳିଆ

ଭଣ୍ଡାରିପୋଖରୀ

ଭଦ୍ରକ

ବାସୁଦେବପୁର

ଧାମନଗର

ଚାନ୍ଦବାଲି

ବିଂଝାରପୁର

ବରୀ

ବଡ଼ଚଣା

ଧର୍ମଶାଳା

ଯାଜପୁର

କୋରେଇ

ସୁକିନ୍ଦା

ନିଆଳି

ସାଲେପୁର

ମାହାଙ୍ଗା

ପାଟକୁରା

କେନ୍ଦ୍ରାପଡ଼ା

ଆଳି

ରାଜନଗର

ମହାକାଳପଡ଼ା

ପାରାଦୀପ

ତିର୍ତ୍ତୋଲ

ବାଲିକୁଦା-ଏରସମା

ଜଗତସିଂହପୁର

କାକଟପୁର

ନିମାପଡ଼ା

 

ଲୋକସଭା ନିର୍ବାଚନ ଅଧିସୂଚନା ଜାରି ସହିତ ଲାଗୁ ହେଲା ଆଚରଣବିଧି,ଜାଣନ୍ତୁ ଆଚରଣ ସଂହିତା କ’ଣ ?

ନନ୍ଦିଘୋଷ ବ୍ୟୁରୋ: ଲୋକସଭା ନିର୍ବାଚନ ୨୦୨୪ ପାଇଁ ବିଜ୍ଞପ୍ତି ପ୍ରକାଶ ପାଇବା ମାତ୍ରେ ନିର୍ବାଚନ ଆୟୋଗର ମଡେଲ ଆଚରଣ ବିଧି ଲାଗୁ ହୋଇଛି । ଏହା ଅଧୀନରେ ସାରା ଦେଶରେ ଏକ ଅଭିଯାନ ଚଳାଇ ହୋର୍ଡିଂ, ବ୍ୟାନର ଏବଂ ରାଜନୈତିକ ଦଳର ପୋଷ୍ଟର ହଟାଯିବ। କେବଳ ଏତିକି ନୁହେଁ ସରକାରୀ ଯୋଜନାର ହୋର୍ଡିଂ ମଧ୍ୟ ହଟାଯିବ। ଆଚରଣ ବିଧି ଉଲ୍ଲଂଘନ ବାବଦରେ ସିଧାସଳଖ ନିର୍ବାଚନ ଆୟୋଗଙ୍କୁ ଜଣାଯାଇପାରିବ। ଅଭିଯୋଗ ଠିକ ଥିଲେ  ଆୟୋଗ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ଆଚରଣ ବିଧି ଲାଗୁ ପରେ ସରକାରୀ କର୍ମଚାରୀମାନେ ଆଚରଣ ସଂହିତାର  ସୁଯୋଗ ନେଇ ଲୋକଙ୍କ  କାର୍ଯ୍ୟ କରିବାକୁ ମନା କରନ୍ତି। ଅନ୍ୟପକ୍ଷରେ ଲୋକମାନଙ୍କର ମଧ୍ୟ  ଭୁଲ ଧାରଣା ରହିଛି ଯେ ଆଚରଣ ବିଧି କେବଳ ରାଜନୈତିକ ଦଳ ଏବଂ ନେତାଙ୍କ ପାଇଁ ପ୍ରଯୁଜ୍ୟ । ଯଦି ଆପଣ ମଧ୍ୟ ଏହିପରି ଭାବୁଛନ୍ତି  ତେବେ ସାବଧାନ ରୁହନ୍ତୁ । ଏହା ରାଜନୈତିକ ଦଳ,ସରକାରଙ୍କ ସହିତ ସାଧାରଣ ନାଗରିକଙ୍କ ପାଇଁ ମଧ୍ୟ ପ୍ରଜୁଯ୍ୟ ।

କେବଳ ରାଜନୈତିକ ଦଳ କିମ୍ବା ନେତା ନୁହଁନ୍ତି, ଯଦି ଜଣେ ସାଧାରଣ ଲୋକ ମଧ୍ୟ ଆଚରଣ ବିଧି ଉଲ୍ଲଂଘନ କରନ୍ତି, ତେବେ ତାଙ୍କୁ ଜେଲ ମଧ୍ୟ ଯିବାକୁ ପଡିପାରେ। ତଥାପି, ଏହା ଜାଣିବା ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯେ ଏହି ସମୟ ମଧ୍ୟରେ ସମସ୍ତ ସରକାରୀ କାର୍ଯ୍ୟ ବନ୍ଦ ହୁଏ ନାହିଁ ।  ତେଣୁ, ଯଦି କୌଣସି ସରକାରୀ ଅଧିକାରୀ ଆପଣଙ୍କ କାମ କରିବାକୁ ମନା କରନ୍ତି, ତେବେ ନିୟମ କ’ଣ ତାହା  ଜାଣିବା ଜରୁରୀ । ଏହା ଜାଣି ରଖନ୍ତୁ ଯେ, ଆପଣଙ୍କ ଜୀବନ ସହିତ ଜଡିତ ଗୁରୁତ୍ୱପୂର୍ଣ୍ଣ କାର୍ଯ୍ୟ ଆଚରଣ ସଂହିତା କାର୍ଯ୍ୟକାରୀ ହେବା ପରେ ବି କୌଣସି ପରିସ୍ଥିତିରେ ବନ୍ଦ ହେବ ନାହିଁ ।  ମଡେଲ୍ ଆଚରଣ ସଂହିତା କାର୍ଯ୍ୟକାରୀ ହେବା ପରେ ଆପଣ  କ’ଣ କରିପାରିବେ  ଏବଂ କ’ଣ କରିବା ଉଚିତ ନୁହେଁ ଆସନ୍ତୁ ଜାଣିବା ।

ଆଚରଣ ସଂହିତା କାର୍ଯ୍ୟକାରୀ ହେବା ପରେ ମଧ୍ୟ କେଉଁ କାର୍ଯ୍ୟ ବନ୍ଦ ହେବ ନାହିଁ?

ମଡେଲ ଆଚରଣ ସଂହିତା ଲାଗୁ ହେବା ପରେ ମଧ୍ୟ ଆପଣ ପେନସନ ପାଇବା ପାଇଁ ସରକାରୀ କାର୍ଯ୍ୟାଳୟକୁ ଯାଇପାରିବେ । କୌଣସି ଅଧିକାରୀ ଏହାକୁ ପ୍ରତ୍ୟାଖ୍ୟାନ କରିପାରିବେ ନାହିଁ । ଏହି ସମୟରେ ଆଧାର କାର୍ଡ ଏବଂ ଜାତି ପ୍ରମାଣପତ୍ର ତିଆରି କରିବାର କାର୍ଯ୍ୟ ମଧ୍ୟ ଜାରି ରହିବ ।  ବିଦ୍ୟୁତ୍, ଜଳ ଏବଂ ପରିଷ୍କାର ପରିଚ୍ଛନ୍ନ କାର୍ଯ୍ୟଗୁଡିକ ସୁରୁଖୁରୁରେ ଜାରି ରହିବ । ସେହି ସମୟରେ, ଆପଣ ଚିକିତ୍ସା ପାଇଁ ଆର୍ଥିକ ସହାୟତା ମଧ୍ୟ ନେଇ ପାରିବେ । ରାସ୍ତା ମରାମତି ପାଇଁ ପ୍ରଶାସନ କାର୍ଯ୍ୟ ଜାରି ରଖି ପାରିବ । ଏହା ବ୍ୟତୀତ କୌଣସି ଚାଲୁଥିବା ପ୍ରକଳ୍ପ କାର୍ଯ୍ୟକୁ ମଧ୍ୟ ବନ୍ଦ କରାଯାଇ ପାରିବ ନାହିଁ । କୌଣସି ଅଧିକାରୀ ଆଚରଣ ସଂହିତା ବାହାନା କରି ଆପଣଙ୍କର  ଗୁରୁତ୍ୱପୂର୍ଣ୍ଣ କାର୍ଯ୍ୟକୁ ସ୍ଥଗିତ କରିପାରିବେ ନାହିଁ ।  ଯଦି ଆପଣ ଘର ପ୍ଲାନ୍  ପାଇଁ ଆବେଦନ କରିସାରିଛନ୍ତି ତେବେ ଏହା ଅନୁମୋଦିତ ହେବ,ତେବେ  ଏଥିପାଇଁ ନୂତନ ଆବେଦନ ଗ୍ରହଣ କରାଯିବ ନାହିଁ ।

ମଡେଲ୍ ଆଚରଣ ସଂହିତା ଅନୁଯାୟୀ କେଉଁ କାର୍ଯ୍ୟ ସଂପୂର୍ଣ୍ଣ ବନ୍ଦ ହୋଇଯିବ?

ନିର୍ବାଚନ ତାରିଖ ଘୋଷଣା ହେବା ମାତ୍ରେ ଏବଂ ଆଚରଣ ବିଧି କାର୍ଯ୍ୟକାରୀ ହେବା ମାତ୍ରେ କୌଣସି ନେତା କିମ୍ବା ଅଧିକାରୀ କୌଣସି ପ୍ରକଳ୍ପ ଉଦ୍ଘାଟନ କରିପାରିବେ ନାହିଁ କିମ୍ବା ଶିଳାନ୍ୟାସ କରି ପାରିବେ ନାହିଁ। ଏହା ସହିତ ନୂତନ କାର୍ଯ୍ୟ ପାଇଁ ଅନୁମୋଦନ ମଧ୍ୟ ଦିଆଯିବ ନାହିଁ । ଯେଉଁ ଅଂଚଳରେ ଆଚରଣ ସଂହିତା କାର୍ଯ୍ୟକାରୀ ହେବ, ସେଠାରେ ସରକାରଙ୍କ ସଫଳତାର ହୋର୍ଡିଂ ରହିବ  ନାହିଁ ।  ପୂର୍ବରୁ ଲାଗିଥିବା  ହୋର୍ଡିଂଗୁଡିକ ଅପସାରିତ ହେବ । ସଂପୃକ୍ତ ନିର୍ବାଚନମଣ୍ଡଳୀକୁ କୌଣସି ସରକାରୀ ପରିଦର୍ଶନ ହେବ ନାହିଁ। ସରକାରୀ ଗାଡିରେ ସାଇରନ୍ ଲଗାଯିବ ନାହିଁ ।  ସରକାରୀ ଭବନରେ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ, ମନ୍ତ୍ରୀ ଏବଂ ରାଜନୈତିକ ବ୍ୟକ୍ତିତ୍ୱଙ୍କ ଫଟୋ ରଖିବା ଉପରେ ପ୍ରତିବନ୍ଧକ ଲଗାଯିବ। କୌଣସି ବ୍ୟକ୍ତି କିମ୍ବା ନେତା ପ୍ରିଣ୍ଟ୍ କିମ୍ବା ଇଲେକ୍ଟ୍ରୋନିକ୍ ବା ଅନ୍ୟାନ୍ୟ ଗଣମାଧ୍ୟମରେ ସରକାରଙ୍କ ସଫଳତା ବିଷୟରେ ବିଜ୍ଞାପନ ଦେଇ ପାରିବେ ନାହିଁ ।  ଏହି ସମୟ ମଧ୍ୟରେ ସାଧାରଣ ଲୋକମାନେ ମଧ୍ୟ ସୋସିଆଲ ମିଡିଆରେ ପୋଷ୍ଟ କରିବା ସମୟରେ ସାବଧାନ ହେବା ଉଚିତ । ଆପଣଙ୍କର ଗୋଟିଏ ପୋଷ୍ଟ ଆପଣଙ୍କୁ ଜେଲକୁ ପଠାଇବା ପାଇଁ ଯଥେଷ୍ଟ । କୌଣସି ପୋଷ୍ଟ ସେୟାର କରିବା ପୂର୍ବରୁ କିମ୍ବା ଲେଖିବା ପୂର୍ବରୁ ଭଲ ଭାବରେ ବୁଝନ୍ତୁ ଯେ, ତାହା  ଆଚରଣ ସଂହିତା ନିୟମର ଉଲ୍ଲଂଘନ କରୁଛି କି ନାହିଁ ।

କେଉଁ କ୍ଷେତ୍ରରେ ଜଣେ ସାଧାରଣ ଲୋକ ମଧ୍ୟ ଜେଲ ଯାଇପାରନ୍ତି?

ଯଦି କୌଣସି ସାଧାରଣ ବ୍ୟକ୍ତି ଏହି ସମସ୍ତ ନିୟମ ଉଲ୍ଲଂଘନ କରନ୍ତି, ତେବେ ମଡେଲ ଆଚରଣ ସଂହିତା ଅନୁଯାୟୀ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସରଳ ଭାବରେ କହିବାକୁ ଗଲେ, ଯଦି ଆପଣ କୌଣସି ନେତାଙ୍କ ଅଭିଯାନ ସହିତ ଜଡିତ ଅଛନ୍ତି, ତେବେ ଆପଣଙ୍କୁ ଏହି ନିୟମଗୁଡ଼ିକ ବିଷୟରେ ସଚେତନ ହେବାକୁ ପଡିବ । ଯଦି କୌଣସି ରାଜନେତା ଆପଣଙ୍କୁ ଏହି ନିୟମ ବିରୁଦ୍ଧରେ କାର୍ଯ୍ୟ କରିବାକୁ କୁହନ୍ତି, ତେବେ ଆପଣ ତାଙ୍କୁ ଆଚରଣ ସଂହିତା ବିଷୟରେ କହି ତାହା କରିବାକୁ ମନା କରିପାରିବେ । ଯଦି ଆପଣ ଏପରି କିଛି କରନ୍ତି ଯାହାକି ଆଚରଣ ବିଧି ଉଲ୍ଲଂଘନ କରୁଥାଏ,ତେବେ କମିଶନ ତୁରନ୍ତ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ । ଏମିତିକି ଆପଣଙ୍କୁ ଜେଲ ଯିବାକୁ ପଡିପାରେ ।

ପ୍ରାର୍ଥୀ ଏବଂ ଦଳ ପାଇଁ ନିୟମ କ’ଣ ?

ଲୋକସଭା ନିର୍ବାଚନ 2024 ପାଇଁ ନିର୍ବାଚନ ଆଚରଣ ବିଧି କାର୍ଯ୍ୟକାରୀ ହେବା ପରେ ସରକାର ଭୋଟରଙ୍କୁ ପ୍ରଭାବିତ କରିବାକୁ କୌଣସି ଘୋଷଣା କରିପାରିବେ ନାହିଁ। ରାଜ୍ୟଗୁଡିକରେ ନିର୍ବାଚନ ତାରିଖ ଘୋଷଣା ହେବା ସହିତ ସରକାରୀ କର୍ମଚାରୀମାନେ ନିର୍ବାଚନ ପ୍ରକ୍ରିୟା ଶେଷ ହେବା ପର୍ଯ୍ୟନ୍ତ ନିର୍ବାଚନ ଆୟୋଗର କର୍ମଚାରୀ ହୁଅନ୍ତି। ଆଚରଣ ସଂହିତା ହେଉଛି ନିର୍ବାଚନ ଆୟୋଗ ଦ୍ୱାରା ପ୍ରସ୍ତୁତ ନିୟମ, ଯାହାକୁ ପ୍ରତ୍ୟେକ ଦଳ ଏବଂ ସବୁ ପ୍ରାର୍ଥୀ ପାଳନ କରିବା ଆବଶ୍ୟକ । ଯଦି ଏହାକୁ ଉଲ୍ଲଂଘନ କରାଯାଏ ତେବେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ପ୍ରାର୍ଥୀଙ୍କୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ବାରଣ କରାଯାଇପାରେ। ଏଫଆଇଆର ଦାଖଲ  ପରେ ପ୍ରାର୍ଥୀଙ୍କୁ ଜେଲ ପଠାଯାଇପାରିବ।