ନନ୍ଦିଘୋଷ ବ୍ୟୁରୋ: କ୍ବାର୍ଟର୍ସ ଛାଡିନାହାନ୍ତି ପୂର୍ବତନ ତୃଣମୂଳ କଂଗ୍ରେସ ସାଂସଦ ମହୁଆ ମୈତ୍ରୋ । ଘର ଛାଡିବାକୁ ନୋଟିସ ଜାରି କଲା ଡିରେକ୍ଟୋରେଟ ଅଫ ଏଷ୍ଟେଟ୍ସ । ଗତ ଡିସେମ୍ବର ୮ରେ ଲୋକସଭା ସାଂସଦ ପଦରୁ ବହିଷ୍କୃତ ହୋଇଥିଲେ ସାଂସଦ । ପ୍ରଶ୍ନ ଲାଗି ଟଙ୍କା ମାମଲାରେ ବିବାଦରେ ଫସିଥିଲେ ମହୁଆ ମୈତ୍ରୋ । ପୂର୍ବରୁ ଜାନୁଆରୀ ୭ ସୁଦ୍ଧା ବଙ୍ଗଳା ଛାଡିବା ଲାଗି ତାଙ୍କୁ ନୋଟିସ ହୋଇଥିଲା । ମାତ୍ର ସେ କ୍ବାର୍ଟର୍ସ ଛାଡି ନଥିବାରୁ ତାଙ୍କୁ ପୁଣି ନୋଟିସ ଜାରି କରାଯାଇଛି ।
ରାଜସ୍ଥାନରେ ବିଜେପିକୁ ଝଟକା
ଜୟପୁର: ରାଜସ୍ଥାନରେ ବିଜେପିକୁ ଝଟକା । ଶ୍ରୀକରଣପୁର ବିଧାନସଭା ଉପନିର୍ବାଚନରେ ହାରିଲେ ବିଜେପିରୁ ମନ୍ତ୍ରୀ ଥିବା ସୁରେନ୍ଦର ପାଲ ସିଂହ । କଂଗ୍ରେସ ପ୍ରାର୍ଥୀ ରୁପିନ୍ଦର ସିଂ କୁନ୍ନର ସୁରେନ୍ଦ୍ର ପାଲ ସିଂହଙ୍କୁ ପରାସ୍ତ କରି ବିଧାୟକ ଭାବେ ନିର୍ବାଚିତ। ରାଜସ୍ଥାନରେ ମୁଖ୍ୟମନ୍ତ୍ରୀ ଭଜନ ଲାଲଙ୍କ ନେତୃତ୍ବାଧିନ ସରକାରରେ ମନ୍ତ୍ରୀ ହୋଇଥିଲେ ସୁରେନ୍ଦର ପାଲ ସିଂହ । ସୁରେନ୍ଦର ପାଲଙ୍କୁ ରୁପିନ୍ଦର ସିଂହ କୁନ୍ନର ୧୧ ହଜାର ୨୮୪ ଭୋଟରେ ପରାସ୍ତ କରିଛନ୍ତି ।ରୁପିନ୍ଦର ମୋଟ ୯୦ ହଜାର ୯୮ଟି ଭୋଟ ପାଇ ବିଧାୟକ ଭାବେ ନିର୍ବାଚିତ ହୋଇଛନ୍ତି । ରାଜସ୍ଥାନ ବିଧାନସଭା ନିର୍ବାଚନରେ ବିଜେପିର ବିପୁଳ ବିଜୟ ପରେ ସରକାର ଥାଇ ନିର୍ବାଚନ ହାରିବା ବିଜେପି ପାଇଁ ବଡ଼ ଝଟକା ।
କାରଣ ନିକଟରେ ଶେଷ ହୋଇଥିବା ବିଧାନସଭା ନିର୍ବାଚନରେ ବିଜେପି ଏହି ସିଟ୍ ହାତେଇଥିଲା।୧୯୯ ଆସନରୁ ୧୧୫ ସିଟ ପାଇଛି ବିଜେପି । ବିଧାନସଭା ନିର୍ବାଚନରେ ବିପୁଳ ବିଜୟ ପରେ ଉପନିର୍ବାଚନ ହାରିବା କେନ୍ଦ୍ରୀୟ ନେତୃତ୍ବକୁ ବଡ଼ ଝଟକା।କଂଗ୍ରେସ ପ୍ରାର୍ଥୀ ରୁପିନ୍ଦରଙ୍କ ବିଜୟ ପରେ କଂଗ୍ରେସରୁ ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲଟ ବିଜୟର ଶୁଭେଚ୍ଛା ଜଣାଇଛନ୍ତି । ଶ୍ରୀକରଣପୁର ଆସନ କଂଗ୍ରେସ ଜିତିବା ପରେ ବିଜେପିର ଗର୍ବ ଅହଂକାର ଚୁରମାର ହୋଇଯାଇଛି ବୋଲି କହିଛନ୍ତି ଅଶୋକ ଗେହଲଟ । ରାଜସ୍ଥାନବାସୀ ବିଜେପିକୁ ତାର ବାଟ ଦେଖାଇଛନ୍ତି। ଶ୍ରୀକରଣପୁରରୁ ବିଧାୟକ ଥିବା ଗୁରମିତ ସିଂହଙ୍କ ମୃତ୍ୟୁ ପରେ ଏହି ଆସନ ଖାଲି ହୋଇଥିଲା । ପରାଜୟ ପ୍ରାର୍ଥୀ ସୁରେନ୍ଦର ପାଲ ସିଂହ ହେଉଛନ୍ତି ଗୁରମିତଙ୍କ ପୁଅ ।
ରାୟଗଡ଼ା ପର୍ଯ୍ୟଟନସ୍ଥଳୀର ହେବ ବିକାଶ, ମଞ୍ଜୁର ହୋଇଛି ୩ କୋଟି ଟଙ୍କା
ରାୟଗଡା: ରାୟଗଡା ଜିଲ୍ଲା ପର୍ଯ୍ୟଟନ ସ୍ଥଳୀର ହେବ ବିକାଶ । ଜିଲ୍ଲାକୁ ଘେରିରହିଛି ସବୁଜିମା ଘେରା ପ୍ରାକୃତିକ ପରିବେଶ ସାଙ୍ଗକୁ ଚିରସ୍ରୋତା ନଦୀ ,ଝରଣା ଓ ଜଳପ୍ରପାତ । ପର୍ଯ୍ୟଟନ ସ୍ଥଳୀର ବିକାଶ ପାଇଁ ରାଜ୍ୟ ସରକାର ମଞ୍ଜୁର କରିଛନ୍ତି ୩ କୋଟି ୪୪ଲକ୍ଷ ୨୯ ହଜାର ଟଙ୍କା । ଆର୍ଥିକ ଅନୁଦାନରେ ହେବ ଦୁମାଗୁଡା ଭ୍ୟୁ ପଏଣ୍ଟ ଠାରେ ମିଶନ ଶକ୍ତି କାଫେଟେରିଆ, ହଲୁଆ ଠାରୁ ଗୁମ୍ମା ପର୍ଯ୍ୟନ୍ତ ବୋହିଯାଇଥିବା ଚିରସ୍ରୋତା ଝଞ୍ଜାବତୀ ନଦୀ ଉପକୂଳର ସୌନ୍ଦର୍ଯ୍ୟକରଣ ଓ ଦୁର୍ଗାପାଡ଼ୁ ଜଳପ୍ରପାତର ସୌନ୍ଦର୍ଯ୍ୟକରଣ , ନିୟମଗିରି ପାହାଡ଼ରେ ବୋହୁଥିବା ଉପର ଗଦଗଦା ଜଳପ୍ରପାତର ସୌନ୍ଦର୍ଯ୍ୟକରଣ ।
ସିଲଟିଗୁଡା ଡ୍ୟାମରେ ମିଶନ ଶକ୍ତି ମାଆ ମାନେ ମାଛ ଚାଷ କରି ଉପକୃତ ହେଉଛନ୍ତି । ଏହାର ବିକାଶ ପରେ ଅଧିକ ମାତ୍ରାରେ ମାଛ ଚାଷ ହେବା ସହ ଜିଲ୍ଲାରେ ପର୍ଯ୍ୟଟନ କ୍ଷେତ୍ରର ବିକାଶ ହୋଇପାରିଛି। ଫଳରେ ସ୍ଥାନୀୟ ବାସିନ୍ଦା ବ୍ୟବସାୟ କରି ସ୍ୱାବଲମ୍ବୀ ହେବା ସହ ସେମାନଙ୍କର ଆର୍ଥିକ ଅଭିବୃଦ୍ଧି ହୋଇପାରିବ। ରାଜ୍ୟ ସରକାର ପର୍ଯ୍ୟଟନ କ୍ଷେତ୍ରର ବିକାଶ ପାଇଁ ଏପରି ପଦକ୍ଷେପ ନେଇଥିବାରୁ ସ୍ଥାନୀୟ ବାସିନ୍ଦା ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।
ବଡ଼ବିଲରେ ଯୁବକଙ୍କ ଉନ୍ମତ୍ତକାଣ୍ଡ, ପୌର ନିର୍ବାହୀ ଅଧିକାରୀଙ୍କ ଉପରେ ପେଟ୍ରୋଲ ଢ଼ାଳି ନିଆଁ ଲଗାଇବାକୁ ଉଦ୍ୟମ
କେନ୍ଦୁଝର: କେନ୍ଦୁଝର ଜିଲ୍ଲା ବଡ଼ବିଲରେ ଯୁବକଙ୍କ ଉନ୍ମତ୍ତ କାଣ୍ଡ । ପୌର ନିର୍ବାହୀ ଅଧିକାରୀଙ୍କ ଉପରେ ପେଟ୍ରୋଲ ଢ଼ାଳି ନିଆଁ ଲଗାଇବାକୁ ଉଦ୍ୟମ । ଅଳ୍ପକେ ବାର୍ତ୍ତିଲେ ନିର୍ବାହୀ ଅଧିକାରୀ ଅଭିଷେକ ପଣ୍ଡା । ପେଟ୍ରୋଲ ଢ଼ାଳିଥିବା ଯୁବକକୁ କାବୁକଲେ ପୌର କର୍ମଚାରୀ । ଅଭିଯୁକ୍ତ ଯୁବକ ଅଭିଷେକ ଗୁପ୍ତା ବଡ଼ବିଲ ଥାନାରେ ଅଟକ । ନିଜ ଘର ସମ୍ମୁଖ ସରକାରୀ ଜମିରେ ଥିବା କିଛି ଦୋକାନ ଘର ଉଚ୍ଛେଦ ନହେବାକୁ ନେଇ ଅସନ୍ତୁଷ୍ଟ ଥିଲେ ଯୁବକ।

