ରାଉରକେଲା: ୮ କୋଟି ୭୦ ଲକ୍ଷ ଟଙ୍କା ଜିଏସଟି ଠକିଥିବା ଅଭିଯୋଗରେ ରାଉରକେଲା ଵରସୁଆଁ ଅଞ୍ଚଳର ଵ୍ୟଵସାୟୀ ରାକେଶ କୁମାର କାନୋଡିଆ ଗିରଫ । ଆସାମ ଓ ନାଗାଲାଣ୍ଡରୁ ଜିଏସଟି ନମ୍ଵର ଆଣି ଜାଲି କମ୍ପାନୀ ଓ ଵ୍ୟଵସାୟୀକ ପ୍ରତିଷ୍ଠାନ ନାମରେ ଜିଏସଟି  ଠକୁଥିଵା ଅଭିଯୋଗ ହୋଇଛି ।

ଜାଲି ଡକ୍ୟୁମେଣ୍ଟ ଜରିଆରେ ୫୦ କୋଟି ଟଙ୍କାର  କାରବାର କରିଥିବା ମିଥ୍ୟା ରେକର୍ଡ ଦର୍ଶାଇ ୮ କୋଟି ୭୦ ଲକ୍ଷ ଟଙ୍କା ଜିଏସଟି ଠକେଇ କରିଥିବା ଅଭିଯୋଗ ହୋଇଛି । ସେଣ୍ଟ୍ରାଲ ଜିଏସଟି ଵରସୁଆଁରୁ ଵ୍ୟଵସାୟୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଵ୍ୟଵସାୟୀ ନିଜ ଭାଇଙ୍କ ସହିତ ପାର୍ଟନରସିପରେ ଵ୍ୟଵସାୟ କରୁଥିଲେ ।

ମାଧନଵର୍ଷୀ ଏଣ୍ଟରପ୍ରାଇଜେସ, ଅର୍ଣ୍ଣପୂର୍ଣ୍ଣା ଏଣ୍ଟରପ୍ରାଇଜେସ ଓ ମେସର୍ସ ରାକେଶ କୁମାର, ନାମରେ ରହିଛି ଵ୍ୟଵସାୟିକ ପ୍ରତିଷ୍ଠାନ।

ପାରାଦୀପ: ପାରାଦୀପ କୁଜଙ୍ଗ ୧୫ ନମ୍ବର ଜାତୀୟ ରାଜପଥରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ ଉପରେ ମାଡ଼ିଗଲା ହାଇଓ୍ବା। ଦୁର୍ଘଟଣାରେ ୨ ଜଣ ବାଇକ ଆରୋହୀଙ୍କର ମୃତ୍ୟୁ ହୋଇଛି । ଉଭୟ ପାରାଦ୍ଵୀପରୁ କୁଜଙ୍ଗ ଆଡ଼କୁ ଯାଉଥିବା ବେଳେ କୁଜଙ୍ଗ ପଟରୁ ଆସୁଥିବା ଏକ ହାଇଓ୍ବା ଗାଡ଼ି ଉଭୟଙ୍କ ଉପରେ ମାଡିଯାଇଥିଲା। ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଥିଲା। ମୃତକଙ୍କ ମଧ୍ୟରୁ ଜଣଙ୍କ ଘର ରଘୁନାଥପୁର ଓ ଅନ୍ୟ ଜଣଙ୍କ ଘର କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଛନ୍ଦା ଅଞ୍ଚଳରେ ବୋଲି ସୂଚନା ମିଳିଛି । ଘଟଣାସ୍ଥଳରେ  ତଦନ୍ତ କରୁଛି ପୋଲିସ ।

କାମାକ୍ଷାନଗର: ବହୁ ଚର୍ଚ୍ଚିତ ଦୀପକ ମାହୁନ୍ତ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତକୁ ବିଭତ୍ସ ହତ୍ୟା। ଦୀପକ ମାହୁନ୍ତ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ନିରଞ୍ଜନ ସାହୁଙ୍କୁ ବିଭତ୍ସ ଭାବେ ହତ୍ୟା କଲେ ଦୁର୍ବୁତ୍ତ । କାମାକ୍ଷାନଗର ଆଳତୁମା ଗାଁ ରେଲୱେ ଓଭର ବ୍ରିଜ ପାଖ ସଉରିଆ ନିକଟରେ ହତ୍ୟା କରାଯାଇଛି । ଘଟଣା ସ୍ଥଳରୁ ରକ୍ତ ଜୁଡୁବୁଡୁ ମୃତଦେହ ସହ ଗୁଳି ଜବତ ହୋଇଛି । ବିଳମ୍ବିତ ରାତିରେ ବିଭତ୍ସ ଭାବେ ହତ୍ୟା କରିଛନ୍ତି ଦୁର୍ବୁତ୍ତ ।

୨୦୨୧ ସେପ୍ଟେମ୍ବର ୨୪ରେ ବିଳମ୍ବିତ ରାତିରେ ବାରୁଆଁର ପୂର୍ବତନ ସମିତିସଭ୍ୟ ଦୀପକ ମାହୁଁନ୍ତଙ୍କୁ  ପଣ୍ଡୁଆ-ଜିରାଳ ରାସ୍ତାର ଜାମୁନାଳୀ ନିକଟରେ କରାଯାଇଥିଲା ହତ୍ୟା । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିଲେ ନିରଞ୍ଜନ ସାହୁ। ଗତ କିଛି ମାସ ତଳେ ଜାମିନରେ ଆସିଥିଲେ ନିରଞ୍ଜନ । ଗତକାଲି ବାଲି ଘାଟ କାମରେ କାମାକ୍ଷାନଗର ଆସିଥିବା ବେଳେ ତାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ଘଟଣା ସ୍ଥଳରେ କାମାକ୍ଷାନଗର ପୋଲିସ ତନାଘନା କରୁଛି।