ନୂଆଦିଲ୍ଲୀ: କୁମ୍ଭୀର ଏକ ଭୟଙ୍କର ପ୍ରାଣୀ । ଆମେ ଯେତେବେଳେ କୁମ୍ଭୀରକୁ ଦେଖୁ ଭୟ କରିଯାଉ । କୁମ୍ଭୀରମାନେ ପାଣିରେ ବାସ କରନ୍ତି । କିନ୍ତୁ ଭୂମି ତଳୁ ଦୁଇଟି କୁମ୍ଭୀର ଉଦ୍ଧାର ହୋଇଛି । ଯାହାକୁ ଦେଖି ଲୋକେ ଭୟଭୀତ ହୋଇଯାଇଛନ୍ତି । ସୋସିଆଲ ମିଡିଆରେ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହାକୁ ୟୁଜର୍ସମାନେ ଲାଇକ କରିବା ସହ ସେୟାର ମଧ୍ୟ କରୁଛନ୍ତି । ଜଣେ ୟୁଜର୍ସ ନିଜ ସୋସିଆଲ ମିଡିଆରେ ଭୂମିତଳୁ କୁମ୍ଭୀର ଉଦ୍ଧାର ହେଉଥିବାର ଭିଡିଓକୁ ସେୟାର କରିଛନ୍ତି । ସେ ମଜାଳିଆ ଢ଼ଙ୍ଗରେ ଲେଖିଛନ୍ତି କି, କୁମ୍ଭୀରମାନେ ଗାତ ଖୋଳିବା ଶିଖୁଛନ୍ତି । ଯାହାକୁ ଅନ୍ୟ ୟୁଜର୍ସମାନେ ମଧ୍ୟ ବିଭିନ୍ନ ମଜାଳିଆ କମେଣ୍ଟମାନ ଦେଉଛନ୍ତି । ଏହି ଭିଡିଓଟି ୧୦ ଲକ୍ଷରୁ ଅଧିକ ଲୋକ ଦେଖିଥିବାବେଳେ ୪୮ ହଜାରରୁ ଅଧିକ ଲୋକ ଲାଇକ କରିଛନ୍ତି । ଭିଡିଓରୁ ସ୍ପଷ୍ଠଭାବେ ଜଣାପଡ଼ୁଛି କି ଲାଲ ରଙ୍ଗର ସାର୍ଟ ପିନ୍ଧିଥିବା ଜଣେ ବ୍ୟକ୍ତି ଏହି ଦୁଇ କୁମ୍ଭୀରଙ୍କୁ ଉଦ୍ଧାର କରୁଛନ୍ତି । ପାଖରେ ରହିଥିବା ଲୋକମାନେ ଭୟଭୀତ ହେଉଥିବା ନଜର ଆସିଛନ୍ତି ।
ମହିଳାଙ୍କୁ କମ୍ପାନୀ ପଠାଇଲା ୧.୬୪ କୋଟି ଟଙ୍କାର ଫୋନ୍ ବିଲ୍
ନୂଆଦିଲ୍ଲୀ: ଫୋନ ବିଲ୍ ଦେଖି ଆଶ୍ଚର୍ଯ୍ୟ ହୋଇଗଲେ ମହିଳା । ବିଲ୍ ଆସିଥିଲା ୨୦୧,୦୦୦ ଡଲାର ଅର୍ଥାତ ୧.୬୪ କୋଟି । ଯେତେବେଳେ ମହିଳା ସମ୍ପୃକ୍ତ କମ୍ପାନୀକୁ ଏବାବଦରେ ପଚାରିଥିଲେ ସେତେବେଳେ କମ୍ପାନୀ କହିଥିଲା କି, ଏହା କୌଣସି ଭୁଲ୍ ତଥ୍ୟ ନୁହେଁ । ବିଲ୍ ଠିକ୍ ଆସିଛି । ତେବେ ଏତେ ଟଙ୍କାର ଫୋନ ବିଲ୍ ଦେଖି ମହିଳା ଜଣକ ଆଶ୍ଚର୍ଯ୍ୟ ହୋଇଯାଇଥିଲେ । କିନ୍ତୁ ମହିଳାଙ୍କ ବିଲ୍ ୧୩,୭୧୫ ଲକ୍ଷ ଟଙ୍କା ପର୍ଯ୍ୟନ୍ତ ଆସିଥାଏ । ଏଣୁ ସେଲିନା ଏତେ ଅଧିକ ବିଲ୍ ଦେଖି ସେ ବିଶ୍ବାସ କରିପାରିନଥିଲେ । ସେ ଟି- ମୋବାଇଲକୁ ଯେତେବେଳେ ଫୋନ କରିଥିଲେ ଏବଂ ସୂଚନା ପାଇବାକୁ ଜାଣିଥିଲେ । ପରେ ତାଙ୍କ ବିଲ୍ ୧.୬୨ କୋଟି ଟଙ୍କା ଆସିଥିଲା । ପରେ ଅଭିଯୋଗ ପରେ ତାଙ୍କ ବିଲ୍ ୨.୫ ଲକ୍ଷ ହୋଇଥିଲା । ତେବେ ବିଲ୍ ଅଧିକ ଆସିବାର ମୁଖ୍ୟ କାରଣ ଥିଲା ତାଙ୍କ ଭାଇମାନେ ପାଠ ପଢ଼ିବା ପାଇଁ ଅଧିକ ଇଣ୍ଟରନେଟ୍ର ବ୍ୟବହାର କରିଥିଲେ । ଡାଇନଲୋଡ ସାଙ୍ଗକୁ ଡାଟା ଅଧିକ ସାରିବା କାରଣରୁ ଆବଶ୍ୟକତାଠାରୁ ଅଧିକ ବିଲ୍ ଆସିଥିଲା ।
ବିଜେପି ସହଯୋଗୀ ଏନପିଏଫ ସାଂସଦଙ୍କ ଗମ୍ଭୀର ଅଭିଯୋଗ, ମଣିପୁର ପ୍ରସଙ୍ଗରେ ଆମ ହାତ ବାନ୍ଧି ଦିଆଯାଇଛି
ନୂଆଦିଲ୍ଲୀ: ମଣିପୁର ୩ ମାସରୁ ଉର୍ଦ୍ଧ୍ୱ ସମୟ ଧରି ଜଳୁଛି । ବିରୋଧୀ ଲଗାତାର ଏହି ପ୍ରସଙ୍ଗକୁ ନେଇ କେନ୍ଦ୍ର ସରକାରଙ୍କୁ ଘେରିଛନ୍ତି । ସେହିପରି ଏବେ ଭାରତୀୟ ଜନତା ପାର୍ଟିର ସହଯୋଗୀ ଦଳ ମଧ୍ୟ ସରକାରଙ୍କ ଉପରେ ପ୍ରଶ୍ନ ଉଠାଇବା ଆରମ୍ଭ କରିଛନ୍ତି । ନାଗା ପିପୁଲ୍ସ ଫ୍ରଣ୍ଟ (ଏନପିଏଫ)ର ସାଂସଦ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । ଏହି ସାଂସଦଙ୍କ ନାଁ ହେଉଛି ଲୋରହୋ ପଫୋଜ । ପଫୋଜ କହିଛନ୍ତି ଯେ ଆମେ ସଂସଦରେ ମଣିପୁର ଉପରେ ନିଜ କଥା ରଖିବାକୁ ଚାହୁଁଛୁ । ହେଲେ ଏଥିପାଇଁ ଆମକୁ ଅନୁମତି ମିଳୁନାହିଁ । ଏନପିଏଫ ସାଂସଦ କହିଛନ୍ତି ଯେ ଆମେ ଅବଶ୍ୟ ବିଜେପିର ସହଯୋଗୀ ଅଟୁ ହେଲେ ଆମ ଲୋକଙ୍କ ସ୍ୱରକୁ ଆମକୁ ଉଠାଇବାକୁ ହେବ । ଉଲ୍ଲେଖଯୋଗ୍ୟ, ମଣିପୁର ପ୍ରସଙ୍ଗ ଉପରେ ବିରୋଧୀ ସଂସଦରେ ଅବିଶ୍ୱାସ ପ୍ରସ୍ତାବ ଆଣିଥିଲେ । ଏହି ଅବସରରେ କଂଗ୍ରେସ ସମେତ ବିଭିନ୍ନ ବିରୋଧୀ ରାଜନୈତିକ ଦଳ ସରକାରଙ୍କୁ ଘେରିଥିଲେ ।
ଏମିତିକି ଜଣେ ଏନଡିଏ ସହଯୋଗୀ ଦଳ ରାଜ୍ୟସଭାରେ ଅମିତ ଶାହଙ୍କ ମିଜୋରାମ ବୟାନକୁ ବିରୋଧ କରିଥିଲେ । ହେଲେ ତାଙ୍କୁ ଅଧାରୁ ଅଟକାଯାଇଥିଲା ଏବଂ କହିବାକୁ ଦିଆଯାଇନଥିଲା । ତେବେ ଏନପିଏଫ ସାଂସଦ ପଫୋଜ ମଣିପୁର ପ୍ରସଙ୍ଗକୁ ନେଇ ପ୍ରଧାନମନ୍ତ୍ରୀଙ୍କ ଉପରେ ମଧ୍ୟ ବିରକ୍ତି ପ୍ରକାଶ କରିଛନ୍ତି । ଲୋରହୋ ପଫୋଜ କହିଛନ୍ତି ପ୍ରଧାନମନ୍ତ୍ରୀଙ୍କୁ ମଣିପୁର ଯିବା ଆବଶ୍ୟକ ଏବଂ ଲୋକଙ୍କ ଜଖମ ଉପରେ ମଲମ ଲଗାଇବା ଆବଶ୍ୟକ । ସେ କହିଛନ୍ତି ପ୍ରଧାନମନ୍ତ୍ରୀ ମଣିପୁର ଉପରେ ଜମାରୁ ଧ୍ୟାନ ଦେଉନାହାନ୍ତି ଏବଂ ଏହି କଥାକୁ ନେଇ ମୁଁ ଦୁଃଖିତ । ତେବେ ଏହା ପୂର୍ବରୁ ମଧ୍ୟ ସେ ବିରେନ ସିଂଙ୍କୁ ଟାର୍ଗେଟ କରିସାରିଛନ୍ତି । ଉଲ୍ଲେଖଯୋଗ୍ୟ, ମଣିପୁରରେ ବିଜେପିର ସହଯୋଗୀ ଦଳ କୁକୀ ପିପୁଲ୍ସ ଆଲିଆନ୍ସ ବିରେନ ସରକାରରୁ ସମର୍ଥନ ପ୍ରତ୍ୟାହର କରିନେଇଥିଲା ।
ମୟୁରଭଞ୍ଜ ଗସ୍ତର ଦ୍ବିତୀୟ ଦିନରେ ଗ୍ରାଉଣ୍ଡ ଜିରୋରେ ଭିକେ ପାଣ୍ଡିଆନଙ୍କ ସମୀକ୍ଷା, 5T ସଚିବଙ୍କୁ ରାକ୍ଷୀ ବାନ୍ଧିଲେ ସ୍ବୟଂ ସହାୟିକା ମା’
ବାରିପଦା: ଦୁଇ ଦିନିଆ ଗସ୍ତରେ 5T ସଚିବ ଭି.କେ ପାଣ୍ଡିଆନ୍ । ବାରିପଦାର ଛଉ ପଡ଼ିଆରେ ପହଞ୍ଚିବା ପରେ 5T ସଚିବଙ୍କୁ ରାକ୍ଷୀ ବାନ୍ଧିଲେ ସ୍ବୟଂ ସହାୟିକା । ମା’ଙ୍କ ଠାରୁ ଦାବି ପତ୍ର ଗ୍ରହଣ କରିବା ସହ ସମସ୍ୟାର ସମାଧାନ କରିବାକୁ ଦେଉଛନ୍ତି ପ୍ରତିଶ୍ରୁତି । ଜନଶୁଣାଣି କାର୍ଯ୍ୟକ୍ରମରେ ସାମିଲ ହୋଇ ମିଶନ ଶକ୍ତି ମା’ଙ୍କ ସହ ଆଲୋଚନା କରିଥିଲେ । ମୁଖ୍ୟମନ୍ତ୍ରୀ ଆପଣଙ୍କୁ ବହୁତ ଭଲ ପାଆନ୍ତି, ଆପଣ ମାନଙ୍କ ଉନ୍ନତି ମୁଖ୍ୟମନ୍ତ୍ରୀ ଚାହାନ୍ତି । ଓଡିଶାକୁ ସଶକ୍ତ ରାଜ୍ୟ କରିବାକୁ ହେଲେ ମା’ ମାନଙ୍କୁ ଆଗକୁ ଆସିବାକୁ ପଡିବ ବୋଲି ମୁଖ୍ୟମନ୍ତ୍ରୀ କହୁଛନ୍ତି ।
ଏବେ ମିଶନ ଶକ୍ତି ଏକ ସାମାଜିକ ବିପ୍ଳବରେ ପରିଣତ ହୋଇଛି । ସରକାରଙ୍କ ବିଭିନ୍ନ କାର୍ଯ୍ୟକ୍ରମରେ ମିଶନ ଶକ୍ତି ମା’ ମାନଙ୍କୁ ମୁଖ୍ୟମନ୍ତ୍ରୀ ସାମିଲ କରିଛନ୍ତି । ରାଜ୍ୟରେ 3 ଲକ୍ଷ 75 ହଜାର ଗ୍ରୁପ 11 ହଜାର 3ଶହ ଋଣ ନେଇଛନ୍ତି । ମୟୂରଭଞ୍ଜ ଜିଲ୍ଲାର 750 କୋଟି ଟଙ୍କା ଋଣ ନେଇଛନ୍ତି । ସେହିପରି ଗାଁ ଗଣ୍ଡାରେ ପଡି ରହିଥିବା ସରକାରୀ ପ୍ରତିଷ୍ଠାନ ଉପରେ ନଜର ରଖନ୍ତୁ । ସେହି ଗୁଡିକ ଭଲ କାମରେ ବ୍ୟବହାର ପାଇଁ ମିଶନ ଶକ୍ତିକୁ ହସ୍ତାନ୍ତର କରାଯିବ ।
ଯେଉଁଠି ପଞ୍ଚାୟତରେ ସରକାରୀ ଘର ଅବ୍ୟବହୃତ ଅଛି, ସେଗୁଡିକ ଖୋଜିବାକୁ ପରାମର୍ଶ ଦେଇଛନ୍ତି । ସ୍ମାର୍ଟ ଆଇଡି କାର୍ଡ ମାସ ଦୁଇ ମାସ ଭିତରେ ମିଳିବ । ବ୍ୟାଙ୍କ ମିତ୍ର, ପ୍ରାଣୀ ମିତ୍ର ମାନଙ୍କ ଦରମା ବଢାଇବା କଥା ସରକାର ଚିନ୍ତା କରୁଛନ୍ତି । ମା ମାନେ ଏବେ ଉଦ୍ୟୋଗପତି ହେଲେଣି, ତାହା ଦେଖି ଅନେକ ପ୍ରେରଣା ମିଳୁଛି । ସବୁ କାମରେ ମିଶନ ଶକ୍ତି ସାମିଲ ହୋଇଛନ୍ତି ବୋଲି କହିଛନ୍ତି 5T ସଚିବ । ଯେଉଁ ସବୁ ଦାବି ଅଛି ତାହା ଖୁବଶୀଘ୍ର ପୂରଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି 5T ସଚିବ ।
ସୀମାଙ୍କ ପାଇଁ ବୁକିଂ ହେଲା ମୁମ୍ବାଇରୁ କରାଚି ଟିକେଟ, ୩୧ ଡିସେମ୍ବରରେ ଯିବେ ପାକିସ୍ତାନ !
ନୂଆଦିଲ୍ଲୀ: ପୁଣି ପାକିସ୍ତାନ ଫେରିଯିବେ ସୀମା । ମୁମ୍ବାଇରୁ କରାଚି ପାଇଁ ଟିକେଟ ବୁକିଂ କଲା କର୍ଣ୍ଣି ସେନା । ସେନାର ଜିଲ୍ଲାଧକ୍ଷ ମନୀଷ ସିଂହ ୩୩ ହଜାର ଟଙ୍କା ଦେଇ ଟିକେଟ ବୁକିଂ କରିଛନ୍ତି । ପ୍ରଶାସନର ଅନୁମତି ନେଇ ସେମାନେ ଏହି ଟିକେଟ ଦେବେ ବୋଲି କହିଛନ୍ତି । ବିମାନବନ୍ଦରରେ ତାଙ୍କୁ ଛାଡ଼ିବା ସହ ଆର୍ଥିକ ସହାୟତା ୫୦ ହଜାର ଟଙ୍କା ଯୋଗାଇ ଦେବାକୁ କହିଛନ୍ତି । ସୀମାଙ୍କୁ ଆମେ ପାକିସ୍ତାନ ପଠାଇବୁ । ପବଜୀ ଖେଳୁଥିବା ଯୁବପିଢ଼ୀ ତାଙ୍କ କାହାଣୀ ଶୁଣିବା ପରେ ପଥଭ୍ରଷ୍ଟ ହେଉଛନ୍ତି । ଯଦି ସଚିନଙ୍କ ପରିବାର ଚାହିଁବେ ତାଙ୍କୁ ମଧ୍ୟ ପାକିସ୍ତାନରେ ଛାଡ଼ିଦେବୁ ।
ସୀମା ଏବଂ ସଚିନଙ୍କୁ ନେଇ ନିର୍ମାଣ ହେବାକୁ ଥିବା ଫିଲ୍ମକୁ ଆମେ ଦେଖିଦେବୁ । କିନ୍ତୁ ଫିଲ୍ମ ରିଲିଜ ହେବାକୁ ଦେବୁନାହିଁ । ଯଦି ଅମିତ ଜାନୀ ଏହି ଫିଲ୍ମ ରିଲିଜ କରାନ୍ତି ତାହେଲେ ତାଙ୍କୁ ମଧ୍ୟ ପାକିସ୍ତାନ ପଠାଇବାର ବ୍ୟବସ୍ଥା କରିବୁ ।
ପାକିସ୍ତାନ ଓ ଚୀନକୁ ଚେକ୍ ଦେବ ଭାରତ, ମୁତୟନ ହେଲା ମିଗ-୨୯ ଫାଇଟର ଜେଟର ଏକ ସ୍କ୍ବାଡ୍ରନ
ନୂଆଦିଲ୍ଲୀ: ପାକିସ୍ତାନ ଓ ଚୀନକୁ ଚେକ୍ ଦେବା ଲାଗି ଭାରତର ରଣନୀତି । ଶ୍ରୀନଗର ଏୟାରବେସରେ ମୁତୟନ ହେଲା ଅପଗ୍ରେଡେଡ ମିଗ-୨୯ ଫାଇଟର ଜେଟର ଏକ ସ୍କ୍ବାଡ୍ରନ । ଦିନକୁ ଦିନ ସୀମାନ୍ତରେ ଦୁଇ ଦେଶକୁ ନେଇ ନାନା ବିବାଦ ସୃଷ୍ଟି ହୋଇଆସୁଥିବାରୁ ସୀମାର ସୁରକ୍ଷା ଲାଗି ପଦକ୍ଷେପ ନେଇଛି ଭାରତ ।
ପାକିସ୍ତାନ ଠାରୁ ବେଶୀ ବିପଦର ସମ୍ମୁଖୀନ ହୋଇଆସୁଥିବା ଶ୍ରୀନଗରରେ ମିଗ୍-୨୧ ସ୍କ୍ବାଡ୍ରନ ବଦଳରେ ମିଗ୍- ୨୯ ସ୍କ୍ବାଡ୍ରନକୁ ମୁତୟନ କରାଯାଇଛି । ଏହାକୁ ଟ୍ରାଇଡେଣ୍ଟ ସ୍କ୍ବାଡ୍ରନ ବା ବର୍ତ୍ତମାନର ଡିଫେଣ୍ଡର ଅଫ ଦି ନର୍ଥ ସ୍କ୍ବାଡ୍ରନ ଭାରତର ସୁରକ୍ଷାକୁ ମଜଭୁତ କରିବ । ଭାରତୀୟ ବାୟୁସେନା ପାଇଲଟ ସ୍କ୍ବାଡ୍ରନ ଲିଡର ବିପୁଳ ଶର୍ମା କହିଛନ୍ତି- କାଶ୍ମୀର ଉପତ୍ୟାକର ମଧ୍ୟଭାଗରେ ଶ୍ରୀନଗର ଅବସ୍ଥିତ ।
ଏହା ସମସ୍ତ ସମତଳ ଅଞ୍ଚଳଠାରୁ ଉଚ୍ଚରେ ଅବସ୍ଥିତ । ସୀମାନ୍ତରେ ଜାଗୁଆର ଭୂମିକା ନେବା କ୍ଷେତ୍ରରେ ଏହି ସ୍ଥାନ ସବୁଠାରୁ ଅଧିକ ଉପଯୁକ୍ତ । ବିମାନ ପରିଚାଳନା ଲାଗି ମଧ୍ୟ ଏହା ସର୍ବୋତ୍କୃଷ୍ଟ ସ୍ଥାନ । ଏଠାରୁ ପରିଚାଳିତ ହେବା କ୍ଷେତ୍ରରେ ମିଗ-୨୯ ସମସ୍ତ ଯୋଗ୍ୟତା ପୂରଣ କରୁଛି । ଉଭୟ ପାକିସ୍ତାନ ଓ ଚୀନ ପଟୁ ଆକ୍ରମଣକୁ ଏହି ସ୍ଥାନରୁ ସଠିକ୍ ଜବାବ ଦିଆଯାଇପାରିବ ।
ମିଗ୍-୨୧ ତୁଳନାର ମିଗ ୨୯ ଅଧିକ ଉନ୍ନତ ଏବଂ କାଶ୍ମୀର ଉପତ୍ଯକାରେ ନିଜର କର୍ତ୍ତବ୍ୟ ସମ୍ପାଦନ କ୍ଷେତ୍ରରେ ମିଗ-୨୯ ପ୍ରମୁଖ ଭୂମିକା ନିର୍ବାହା କରିଆସିଛି । ଏହାସହ ୨୦୧୯ରେ ବାଲକୋଟ ଏୟାର ଷ୍ଟ୍ରାଇକ ପରେ ପାକିସ୍ତାନୀ ଆତଙ୍କବାଦୀ ଶିବିରରେ ହମଲା କରିବା କ୍ଷେତ୍ରରେ ଏଫ-୧୬ ସଫଳ ହୋଇଥିଲା ।
ମିଗ-୨୯ରେ ବି ଦୂରଗାମୀ ଏୟାର-ଟୁ-ଏୟାର ମିସାଇଲ ଓ ଏୟାର-ଟୁ-ଗ୍ରାଉଣ୍ଡ ଯୁଦ୍ଧାସ୍ତ୍ର ନେବାର ସାମର୍ଥ୍ୟ ରହିଛି । ଗତ ଜାନୁଆରୀରେ ଶ୍ରୀନଗରକୁ ମିଗ-୨୯ ପଠାଯାଇଥିଲା । ଏହା ସହ ଆତଙ୍କବାଦୀଙ୍କ ମୁକାବିଲା ଲାଗି ମଧ୍ୟ କାଶ୍ମୀର ଉପତ୍ୟକାରେ ବାୟୁସେନାର ସ୍ବତନ୍ତ୍ର ବାହିନୀକୁ ନିୟୋଜିତ କରାଯାଇଛି ।
ସନାଙ୍କୁ ହତ୍ୟା କରିଥିଲେ ସ୍ବାମୀ, ଜାଣନ୍ତୁ ହତ୍ୟା ପଛର କାହାଣୀ
ମଧ୍ୟପ୍ରଦେଶ: ମହାରାଷ୍ଟ୍ରର ବିଜେପି ନେତ୍ରୀ ସନା ଖାନ ନିଖୋଜ ଥିବାବେଳେ ତାଙ୍କ ମୃତ୍ୟୁକୁ ନେଇ ଅନେକ ଚର୍ଚ୍ଚା ହୋଇଥିଲା । ସ୍ବାମୀ ଅମିତ ସାହୁ ତାଙ୍କୁ ହତ୍ୟା କରିଥିବା ନେଇ ସନାଙ୍କ ପରିବାର ଲୋକେ ଅଭିଯୋଗ କରିଥିଲେ । ଗତ ୪ ତାରିଖରେ ପୁଲି ଅମିତଙ୍କୁ ଗିରଫ କରିଥିବାବେଳେ ମାରାଥନ ଜେରା କରିଥିଲା । ଆଉ ଅମିତ ନିଜେ ପତ୍ନୀଙ୍କୁ ହତ୍ୟା କରିଥିବା ମଧ୍ୟ ମାନିଛନ୍ତି । ହତ୍ୟା ପରେ ନଦୀରେ ଫୋପାଡ଼ି ଦେଇଥିଲା । ତେବେ ଏହି ହତ୍ୟା ପଛର କାହାଣୀ କହିଛି ଅମିତ୍ ।
ନାଗପୁର ବିଜେପିର ସଂଖ୍ୟାଲଘୁ ମେର୍ଚ୍ଚାର ସାଧାରଣ ସମ୍ପାଦକ ଥିବା ସନା ଅମିତଙ୍କ ପ୍ରେମରେ ପଡ଼ିଥିଲେ । ଅମିତ ସନାଙ୍କଠାରୁ ଟଙ୍କା ନେଇ ବ୍ୟବସାୟ କରୁଥିଲେ । ଏପରିକି ଉଭୟ ମିଶି ବ୍ୟବସାୟ ମଧ୍ୟ କରୁଥିଲେ । ୬ମାସ ପୂର୍ବେ କୋର୍ଟରେ ବିବାହ କରିଥିଲେ । କିଛି ଦିନ ସେମାନଙ୍କ ବ୍ୟବସାୟ ଭଲ ଚାଲିଥିଲା । କିନ୍ତୁ ଯେତେବେଳେ ସନା ଅମିତଙ୍କୁ ଟଙ୍କା ମାଗିଥିଲେ ଉଭୟ ମଧ୍ୟରେ ଝଗଡ଼ା ହୋଇଥିଲା । ଦୀର୍ଘଦିନ ଧରି ସେମାନଙ୍କ ମଧ୍ୟରେ କଳହ ଲାଗି ରହିଥିଲା । ଜବଲପୁରରେ ସନା ଯେତେବେଳେ ପହଞ୍ଚଥିଲେ ସେତେବେଳେ ଉଭୟଙ୍କ ଝଗଡ଼ା ଉଗ୍ର ରୂପ ନେଇଥିଲା । ସନା ଏସମ୍ପର୍କରେ ପରିବାର ଲୋକଙ୍କୁ ମଧ୍ୟ ଜଣାଇଥିଲେ । ମାତ୍ର ପରେ ତାଙ୍କ ମୋବାଇଲ ସୁଇଚ ଅଫ ରହିଥିଲା । ପରିବାର ଲୋକେ ଚିନ୍ତାରେ ରହିଥିବାବେଳେ ପୁଲିସକୁ ଖବର ଦେଇଥିଲେ ।
ପୁଲିସ ଖୋଳତାଡ଼ କରିବା ସହ ଅମିତଙ୍କୁ ପଚରା ଉଚରା କରିଥିଲା । ତାଙ୍କୁ ଗିରଫ କରିବା ସହ ଜେରା କରିଥିଲା । ଅମିତ ସତ ପୁଲିସ ସମ୍ମୁଖରେ କହିଥିଲେ । ସେ କହିଛନ୍ତି କି, ବାଡ଼ିରେ ମାଡ଼ ମାରୁଥିବାବେଳେ ସନାଙ୍କ ମୃତ୍ୟୁ ହୋଇଥିଲା । ଏହାକୁ ଲୁଚାଇବା ପାଇଁ ଅମିତ ସନାଙ୍କ ମୃତଦେହକୁ ନଦୀରେ ଫୋପାଡ଼ି ଦେଇଥିବା ମାନିଛି ।
ଥାନାରେ ହାଜର ହେଲେ ରାଜ ପରିବାରର ବୋହୂ ଅଦ୍ରିଜା ମଞ୍ଜରୀ ସିଂହଦେଓ
ବଲାଙ୍ଗୀର: ବଲାଙ୍ଗୀର ଟାଉନ ଥାନାରେ ରାଜ ପରିବାରର ବୋହୂ । ଅନଙ୍ଗ ଉଦୟ ସିଂହଦେଓଙ୍କ ସାନବୋହୂ ତଥା ଅର୍କେଶ ସିଂହଦେଓଙ୍କ ପତ୍ନୀ ଅଦ୍ରିଜା ମଞ୍ଜରୀ ସିଂହଦେଓ ବଲାଙ୍ଗୀର ଟାଉନ ଥାନାର ଦ୍ବାରସ୍ଥ ହୋଇଛନ୍ତି I ପ୍ୟାଲେସକୁ ଯିବା ପାଇଁ ଅଦ୍ରିଜା ପୋଲିସ ସୁରକ୍ଷା ମାଗିଛନ୍ତି I
ଶ୍ୱଶୁର ଘରେ ଥିବା ତାଙ୍କର କିଛି ଜିନିଷ ନେବା ପାଇଁ ସେ ପୋଲିସ ସହାୟତାରେ ଯିବେ I ଗତ ଡିସେମ୍ବର ମାସରେ ସ୍ଵାମୀ ଅର୍କେଶ ନାରାୟଣ ସିଂହଦେଓଙ୍କ ନାଁରେ ଅଦ୍ରିଜା ଡେରାଡୁନ ଥାନାରେ ନିର୍ଯାତନା ଅଭିଯୋଗ କରିଥିଲେ I
କିନ୍ତୁ ପୋଲିସ ମାମଲା ରୁଜୁ ନକରିବାରୁ ମେ ମାସରେ କୋର୍ଟର ଦ୍ୱାରସ୍ଥ ହୋଇଥିଲେ I କୋର୍ଟଙ୍କ ନିର୍ଦ୍ଦେଶ ପରେ ଡେରାଡୁନ୍ ପୋଲିସ ଅର୍କେଶ ସିଂହଦେଓ ଏବଂ ତାଙ୍କର ଦୁଇ ଜଣ କର୍ମଚାରୀଙ୍କ ନାଁରେ ମାମଲା ରୁଜୁ କରି ତଦନ୍ତ କରୁଛି ।
ପଞ୍ଚଭୂତରେ ଲୀନ ହେଲେ ସହିଦ ସୁଶାନ୍ତ ଖୁଣ୍ଟିଆ, ଗାଁ ଶ୍ମାଶାନରେ ହେଲା ଶେଷକୃତ୍ୟ
କେନ୍ଦୁଝର: ଜନ୍ମମାଟିରେ ସହିଦ ସୁଶାନ୍ତ ଖୁଣ୍ଟିଆଙ୍କ ସରିଲା ଅନ୍ତିମ ସଂସ୍କାର । ଗାଁରେ ମୃତଦେହ ପହଞ୍ଚିବା ପରେ ଶୋଭାଯାତ୍ରା ନିଆଯାଇଥିଲା । ଗାଁ ଶ୍ମଶାନରେ ସୁଶାନ୍ତଙ୍କ ଶେଷକୃତ୍ୟ କରାଯାଇଛି । ସହିଦ ସୁଶାନ୍ତ ଅମର ରହେ ଧ୍ବନୀରେ ଫାଟି ପଡୁଥିଲା ପୂରା ପରିବେଶ । ସୁଶାନ୍ତ ବିୟୋଗକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ଦେଖିବାକୁ ମିଳିଛି ।
ମାଓବାଦୀଙ୍କ ଆକ୍ରମଣରେ ଓଡ଼ିଆ ପୁଅ ସୁଶାନ୍ତ ଖୁଣ୍ଟିଆ ସହିଦ ହୋଇଥିଲେ । ମୃତ ଯବାନଙ୍କ ଘର କେନ୍ଦୁଝର ଜିଲ୍ଲା ଆନନ୍ଦପୁର ନନ୍ଦିସାହିରେ ହୋଇଥିବା ବେଳେ ସେ CRPF 60 ବାଟାଲିଆନର ଯବାନ ଭାବେ କାର୍ଯ୍ୟରତ ଥିଲେ । ଦୁଇମାସ ତଳେ ସୁଶାନ୍ତଙ୍କ ବିବାହ ହୋଇଥିଲା । ଝାଡଖଣ୍ଡ ପଶ୍ଚିମ ସିଂହଭୂମି କୋଲହନ ଜଙ୍ଗଲରେ ସିଆରପିଏଫ ଯବାନଙ୍କ ଚାଲିଥିଲା କମ୍ବିଂ ଅପରେସନ । ଏହି ସମୟରେ ମାଓବାଦୀଙ୍କ ଆକ୍ରମଣରେ ସୁଶାନ୍ତ ଗୁରୁତର ଆହତ ହୋଇଥିଲେ । ରାଞ୍ଚି ମେଡିକାଲରେ ତାଙ୍କୁ ଭର୍ତ୍ତି କରାଯାଇଥିବା ବେଳେ ସେ ସହିଦ ହୋଇଥିଲେ । ୨୦୧୧ ମସିହାରେ ସିଆରପିଏଫରେ ଯୋଗ ଦେଇଥିଲେ ସୁଶାନ୍ତ । ସୁଶାନ୍ତଙ୍କ ମୃତ୍ୟୁ ଖରର ଅଞ୍ଚଳବାସୀଙ୍କୁ ସ୍ତବ୍ଧ କରିଛି । ଦୁଃଖରେ ଭାଙ୍ଗିପଡିଛନ୍ତି ପରିବାର ଏବଂ ଗାଁ ଲୋକେ । ୨୦୨୦ ମସିହାରେ ବାପା ଆତୁଳ ଖୁଣ୍ଟିଆଙ୍କ ମୃତ୍ୟୁ ହୋଇଥିଲା । ଚଳିତବର୍ଷ ବଡଭାଇ ସନ୍ତୋଷ ଖୁଣ୍ଟିଆ ଓ ମଝିଆ ଭାଇ ପ୍ରଶାନ୍ତ ଖୁଣ୍ଟିଆ ଚଳିତ ବର୍ଷ ଆଗପଛ ହୋଇ ପ୍ରାଣ ହରାଇଥିଲେ ।
NCERT ଦେଲା ଗୁରୁ ଦାୟିତ୍ବ , ପିଲାଙ୍କ ସିଲାବସ ତିଆରି କରିବେ ସୁଧା ମୂର୍ତ୍ତି
ନୂଆଦିଲ୍ଲୀ: ପିଲାଙ୍କ ସିଲାବସ ତିଆରି କରିବେ ଦେଶର ଜଣାଶୁଣା ଲେଖିକା ତଥା ଇନଫୋସିସର ପ୍ରତିଷ୍ଠାତା ନାରାୟଣ ମୂତ୍ତିଙ୍କ ପତ୍ନୀ ସୁଧା ମୂର୍ତ୍ତି । NCERT ପ୍ୟାନେଲ ପକ୍ଷରୁ ତାଙ୍କ ନାମକୁ ଅନ୍ତଭୂକ୍ତ କରାଯାଇଛି । କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ NCERT କମିଟିରେ ସୁଧାଙ୍କ ନାମ ରହିଛି । ବିଦ୍ୟାଳୟ ସିଲାବସରେ ସଂଶୋଧନ ଏବଂ ନିଆ ସିଲାବସ ତିଆରି କରିବ ଏହି କମିଟି । ଏହି ପ୍ୟାନେଲରେ ପ୍ରଧାନମନ୍ତ୍ରୀଙ୍କ ଅଥର୍ନୈତିକ ପରାମର୍ଶଦାତା ପରିଷଦର ସଭାପତି ବିବେକ ଦେବରାୟ, ଉପଦେଷ୍ଟା କିମଟିର ସଦସ୍ୟ ସଞ୍ଜୀବ ସାନ୍ୟାଲ, ଆରଏସଏସ ବିଚାରକ ଚାମୁ କୃଷ୍ଣା ଶାସ୍ତ୍ରୀ ଏବଂ ଗାୟକ ତଥା ମ୍ୟୁଜିକ କମ୍ପୋଜର ମହାଦେବନ ପ୍ରମୁଖ ସାମିଲ ଅଛନ୍ତି ।
ପିଲାଙ୍କ ସିଲାବସ ତିଆରି କରିବା ଏବଂ ସଂଶୋଧନ କରିବା ପାଇଁ ୧୯ ଜଣିଆଁ କମିଟି ଗଠନ କରାଯାଇଛି । ନ୍ୟାସନାଲ ସ୍କୁଲ ଅଫ ଏଜୁକେସନ ପ୍ଲାନିଂ ଆଣ୍ଡ ଆଡ଼ମିନଷ୍ଟେସନର କୁଳପତି ମହେଶଚନ୍ଦ୍ର ପନ୍ଥ ଏହି କମିଟିର ସଭାପତି ରହିଛନ୍ତି ।
ସୂଚନାଯୋଗ୍ୟ, ସରକାର ୨୦୨୪-୨୫ ଶିକ୍ଷାବର୍ଷରେ ନୂଆା ସିଲାବସ ଏବଂ ପୁସ୍ତକ ଆଣିବା ପାଇଁ ଚିନ୍ତା କରୁଛନ୍ତି । ତୃତୀୟରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଏହି ନୂତନ ନିୟମ ଆଣିବାକୁ ଯୋଜନା କରି ନୂଆ କମିଟି ଗଠନ କରିଛନ୍ତି । ଶିକ୍ଷା କ୍ଷେତ୍ରରେ ବିକାଶ ଆଣିବା ଏହାର ମୁଖ୍ୟ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର ।