ହଂକଂ: କୁଆଡେ ଗଲେ ଚୀନର ପ୍ରତିରକ୍ଷା ମନ୍ତ୍ରୀ? ଆତ୍ମଗୋପନ ନା ଅନ୍ୟକିଛି? ଏହାକୁ ନେଇ ସାରା ଦେଶରେ ଜାରି ରହିଛି ସସପେ୍ନସ । ପ୍ରାୟ ୨ ସପ୍ତାହ ଧରି ପ୍ରତିରକ୍ଷା ମନ୍ତ୍ରୀ ଲି ସାଙ୍ଗଫୁ ହୋଇଯାଇଛନ୍ତି ଗାଏବ। ତେବେ ତାଙ୍କୁ ଅଟକ ରଖାଯାଇ ତଦନ୍ତ କରାଯାଉଛି ବୋଲି ସୂଚନା ଦେଇଛି ଆମେରିକା ।
ଏପରିକି ତାଙ୍କୁ ଦାୟିତ୍ବରୁ ହଟାଇ ଦିଆଯାଇଛି ବୋଲି ଚର୍ଚ୍ଚା ଧରିଛି। ଗତ ଜୁଲାଇରେ ଚୀନର ବୈଦେଶିକ ମନ୍ତ୍ରୀ କ୍ବିନ ଗାଙ୍ଗ ନିଖୋଜ ହେବା ପରେ ପ୍ରତିରକ୍ଷା ମନ୍ତ୍ରୀ ଗାଏବ ଘଟଣାକୁ ନେଇ ଜାରି ରହିଛି ସସପେନ୍ସ। ପୂର୍ବରୁ ରକେଟ ଫୋର୍ସ କମାଣ୍ଡର ବି ହୋଇଯାଇଥିଲେ ନିଖୋଜ। ଗତ ଦୁଇ ମାସ ତଳେ ଚୀନ ରାଷ୍ଟ୍ରପତି ସି ଜିନପିଙ୍ଗ ପିପୁଲସ ଲିବରେସନ ଆର୍ମି ରକେଟ ଫୋର୍ସର ଦୁଇ ଜଣ ଟପ୍ ଜେନେରାଲଙ୍କୁ ହଟାଇ ଦେଇଥିଲେ। ଆର୍ମି ରକେଟ ଫୋର୍ସ ହେଉଛି ଚୀନର ପାରମ୍ପରିକ ଓ ଆଣବିକ କ୍ଷେପଣାସ୍ତ୍ରକୁ ସମ୍ଭାଳୁଥିବା ବିଭାଗ।
