spot_img
Home Blog Page 2830

ଭୁବନେଶ୍ୱର ଲିଙ୍ଗରାଜ ଷ୍ଟେସନ ପାଖରେ ସିଗ୍ନାଲ ନଥିବାରୁ ଟ୍ରାକରେ ଏକକାଳୀନ ୩ଟି ଟ୍ରେନ

ଭୁବନେଶ୍ୱର : ଗୋଟିଏ ଟ୍ରାକରେ ୩ଟି ଟ୍ରେନ। ଲିଙ୍ଗରାଜ ଷ୍ଟେସନ ରୋଡ଼ ଓ ପଲ୍ଲାସପଲି ଓଭର ବ୍ରିଜ ମଧ୍ୟରେ ଗୋଟିଏ ଟ୍ରାକରେ ତିନିଟି ଟ୍ରେନ୍ ରହିବା ଦେଖି ଭୟଭୀତ ହୋଇ ପଡିଥିଲେ ଲୋକେ। ସିଗ୍ନାଲ ନଥିବାରୁ ଟ୍ରାକରେ ଏକକାଳୀନ ୩ଟି ଟ୍ରେନ ଅଟକି ଯାଇଥିଲା। ଏହାକୁ ଦେଖି ବଡ଼ ଦୁର୍ଘଟଣା ହେବା ନେଇ ଆଶଙ୍କା କରିଥିଲେ ଲୋକେ।

ପଢନ୍ତୁ ଏହି ଖବର :  ଏମ୍ସ ଡାକ୍ତରଙ୍କ ଦେଶୀ ଯୋଗାଡ଼: ୭ ବର୍ଷ ଶିଶୁ ଫୁସଫୁସରୁ ଚୁମ୍ବକ ସାହାଯ୍ୟରେ ବାହାରିଲା ଛୁଞ୍ଚି

ତେବେ ରେଳ ଲାଇନ୍ କାମ ଚାଲିଥିବାରୁ ମଝି ଟ୍ରାକଟି ବନ୍ଦ କରାଯାଇଥିବା ସ୍ପଷ୍ଟ କରିଛନ୍ତି ରେଲୱେ ଲାଇନ କର୍ତ୍ତୃପକ୍ଷ। ଏଥିସହ ଏହାକୁ ନେଇ ଭୟଭୀତ ନହେବାକୁ ପରାମର୍ଶ ଦେଇଛନ୍ତି। କିଛି ସମୟ ମଧ୍ୟରେ ରେଳବାଇ ପକ୍ଷରୁ ଲାଇନ୍ କ୍ଲିୟର କରାଯାଇଥିଲା।

ଡି ବ୍ରଦର୍ସ ନାଁରେ ଦାଦାବଟି ମାଗି ବନ୍ଧା ହେଲେ ଦୁଇ ଅଭିଯୁକ୍ତ

କଟକ : ଡି ବ୍ରଦର୍ସ ନାଁରେ ଦାଦାବଟି ମାଗି ବନ୍ଧା ହେଲେ ଦୁଇ ଅଭିଯୁକ୍ତ । ଛତ୍ର ବଜାରର ଜଣେ ପ୍ରତିଷ୍ଠିତ ବ୍ୟବସାୟୀଙ୍କୁ ୫ ଲକ୍ଷ ଟଙ୍କାର ଦାଦାବଟି ମାଗିବାରୁ ଏହି ଦୁଇ ଜଣ ଅଭିଯୁକ୍ତକୁ ଗିରଫ କରିଛି ଚାଉଳିଆଗଞ୍ଜ ଥାନା ପୋଲିସ । ସାମ୍ବାଦିକ ସମ୍ମିଳନୀରେ ଅତିରିକ୍ତ ଡିସିପି ଅନିଲ ମିଶ୍ର ଏନେଇ ସୂଚନା ଦେଇଛନ୍ତି । ଗିରଫ ଦୁଇ ଜଣ ହେଲେ ମଣ୍ଟୁ ଓରଫ କମଳାକାନ୍ତ ବାରିକ ଓ ବାବୁ ଓରଫ ଦିଲ୍ଲୀପ କୁମାର ଦାସ । ସେମାନଙ୍କ ନିକଟରୁ ନଗଦ ୯୨ ହଜାର ଟଙ୍କା, ୫ଟି ମୋବାଇଲ ଫୋନ୍, ଦୁଇଟି ବାଇକ ଜବତ ହୋଇଛି ।

ଉଭୟଙ୍କ ନାଁରେ କଟକ, ଭୁବନେଶ୍ବର ଓ ଢ଼େଙ୍କାନାଳ ଜିଲ୍ଲାର ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ରହିଛି । ଉଭୟ ବିଭିନ୍ନ ସମୟରେ ବଡ଼ ବଡ଼ ଗ୍ୟାଙ୍ଗଷ୍ଟରଙ୍କ ନାଁରେ ପ୍ରତିଷ୍ଠିତ ବ୍ୟକ୍ତିଙ୍କୁ ଫୋନ୍ ଯୋଗେ ଦାଦାବଟି ମାଗିଥାନ୍ତି । ଦାଦାବଟି ନଦେଲେ ଏମାନେ ହତ୍ୟା ଧମକ ଦେଉଥିଲେ ବୋଲି ପୋଲିସ କହିଛି ।

ଏହି ଖବର ଉପରେ ନଜର ପକାନ୍ତୁ : ଜମି ବିବାଦକୁ କେନ୍ଦ୍ର କରି ସୋରରେ ହଣାକଟା, ୧୨ ଆହତ

ବିରାଟଙ୍କ ଜନ୍ମଦିନରେ ଏମିତି ଲେଖି ଓ୍ବିସ୍ କଲେ ଅନୁଷ୍କା

ନୂଆଦିଲ୍ଲୀ: ଭାରତର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ତଥା ରନ ମେସିନ ଭାବେ ଜଣା କିଙ୍ଗ କୋହଲିଙ୍କ ରବିବାର ହେଉଛି ଜନ୍ମଦିନ । ବିଶ୍ବର ବଡ଼ ବଡ଼ ଖେଳାଳିଙ୍କଠାରୁ ଆରମ୍ଭ କରି ସେଲିବ୍ରେଟି ସମସ୍ତେ ଓ୍ବିସ୍ କରୁଛନ୍ତି । ଏହି ଅବସରରେ କୋହଲିଙ୍କ ପତ୍ନୀ ତଥା ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ସ୍ବାମୀଙ୍କ ଜନ୍ମଦିନରେ ଓ୍ବିସ କରିଛନ୍ତି । ସେ କୋହଲିଙ୍କ ଏକ ବୋଲିଂ କରୁଥିବାର ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି । କ୍ୟାପସନରେ ଲେଖିଛନ୍ତି କି, ତୁମେ ଜୀବନରେ ପ୍ରତ୍ୟେକ ଭୂମିକା ଭଲଭାବେ ନିଭାଇପାର । ଏହା ସହ ଆଇ ଲଭ ୟୁ ବୋଲି ମଧ୍ୟ ଲେଖିଛନ୍ତି ।

https://www.instagram.com/p/CzQSyuOoMKR/

ଅନୁଷ୍କାଙ୍କ ଏହି ପୋଷ୍ଟଟି ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଏହାସହ ୟୁଜର୍ସମାନେ ବିଭିନ୍ନ କମେଣ୍ଟମାନ ଦେବା ସହ ସେୟାର ମଧ୍ୟ କରୁଛନ୍ତି । ବହୁ ୟୁଜର୍ସ ଜନ୍ମଦିନର ଶୁଭେଚ୍ଛା କମେଣ୍ଟ ମାଧ୍ୟମରେ ଜଣାଇଛନ୍ତି । ସେପଟେ ଅନୁଷ୍କାଙ୍କ ପ୍ରେମଭରା ପୋଷ୍ଟକୁ ୟୁଜର୍ସମାନେ ମଜାଳିଆ କମେଣ୍ଟ ମଧ୍ୟ ଦେଇଥିବା ଦେଖିବାକୁ ମିଳିଛି । ସୂଚନା ଥାଉକି, ୩୫ ବର୍ଷ ବୟସରେ ପାଦ ଥାପିଛନ୍ତି ବିରାଟ କୋହଲି । ଭାରତୀୟ କ୍ରିକେଟ ଜଗତରେ ତାଙ୍କର ଅବଦାନ ଅତୁଳନୀୟ ରହିଥିବାବେଳେ ଅନେକ ରେକର୍ଡର ଅଧିକାରୀ ମଧ୍ୟ ହୋଇଛନ୍ତି । କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକରଙ୍କ ଅନେକ କିର୍ତ୍ତୀକୁ ମଧ୍ୟ ଭାଙ୍ଗିଛନ୍ତି କୋହଲି । ଆଜି ବିରାଟଙ୍କ ଜନ୍ମଦିନ ହୋଇଥିବାବେଳେ ଦକ୍ଷିଣଆଫ୍ରିକା ବିପକ୍ଷ ମ୍ୟାଚରେ ଅର୍ଦ୍ଧଶତକୀୟ ପାଳି ଖେଳିଛନ୍ତି ।

 

ଏମ୍ସ ଡାକ୍ତରଙ୍କ ଦେଶୀ ଯୋଗାଡ଼: ୭ ବର୍ଷ ଶିଶୁ ଫୁସଫୁସରୁ ଚୁମ୍ବକ ସାହାଯ୍ୟରେ ବାହାରିଲା ଛୁଞ୍ଚି

ଦିଲ୍ଲୀ: ଦିଲ୍ଲୀ ଏମସରେ ବିରଳ ଅପରେସନ । ଜଣେ ୭ ବର୍ଷ ବୟସ୍କ ପିଲାର ଫୁସଫୁସରୁ ଛୁଞ୍ଚି ବାହାର କରିବାକୁ ଡାକ୍ତରଙ୍କ ଦେଶୀ ଯୋଗାଡ଼ । ଚୁମ୍ବକ ସାହାଯ୍ୟରେ ପିଲାର ଫୁସଫୁସରୁ ବାହାର କରାଗଲା ଛୁଞ୍ଚି । ପେଡିଆଟ୍ରିକ ସର୍ଜରୀ ପକ୍ଷରୁ ଏହି ବିରଳ ଚିକିତ୍ସା କରାଯାଇଛି । ଆଶ୍ଚର୍ଯ୍ୟଜନକ ଉଦ୍ୟମ ପରେ ଶିଶୁର ଫୁସଫୁସରୁ ବାହାର କରାଯାଇଛି ୪ ସେଣ୍ଟିମିଟରର ଏହି ଛୁଞ୍ଚି ।

ସୂଚନାଯୋଗ୍ୟ, ପିଲାଟିର ବାମ ଫୁସଫୁସରେ ଏକ ସିଲେଇ ମେସିନ ଛୁଞ୍ଚି ଅଟକିଯାଇଥିବାରୁ ତାର ରକ୍ତ କ୍ଷରଣ ହେଉଥିଲା । ରେଡିଓଲୋଜିକାଲ ଯାଞ୍ଚରୁ ଫୁସଫୁସରେ ଛୁଞ୍ଚି ଅଟକିଥିବା ଜଣାପଡିଥିଲା । ବଡ଼କଥା ହେଉଛି ଛୁଞ୍ଚିଟି ଏପରି ଗଭୀରରେ ରହିଥିଲା ଯେ ତାହାକୁ ସାଧାରଣ ଅସ୍ତ୍ରୋପଚାର ଜରିଆରେ ବାହାର କରିବା ସମ୍ଭବ ନଥିଲା । ଶେଷରେ ଚୁମ୍ବକ ଜରିଆରେ ଛୁଞ୍ଚି ବାହାର କରିବା ଲାଗି ନିଷ୍ପତ୍ତି ହୋଇଥିଲା ବୋଲି କହିଛନ୍ତି ଡାକ୍ତର ବିଶେଷ ଜୈନ ।

ଚାନ୍ଦିନୀ ଚୌକ ମାର୍କେଟରୁ ଏକ ସ୍ବତନ୍ତ୍ର ଧରଣର ଚୁମ୍ବକ ଅଣାଯାଇଥିଲା ଯାହା ୪ ମିଲିମିଟର ଓସାର ଓ ୧. ୫ ମିଲିମିଟରର ଘନତା ଥିଲା । ଅତ୍ୟନ୍ତ କଷ୍ଟସାଧ୍ୟ ଯୋଜନା ଓ କୌଶଳ ବଳରେ ସର୍ଜିକାଲ ଟିମ, ଟେକନିକାଲ ଷ୍ଟାଫଙ୍କ ସହାୟତାରେ ଶେଷରେ ଛୁଞ୍ଚିଟିକୁ ବାହାର କରାଯାଇଥିଲା । ତେବେ ପିଲାଟିର ଫୁସଫୁସକୁ କିପରି ଛୁଞ୍ଚିଟି ପଶିଯାଇଥିଲା ତାହା ପିଲାଟିର ପରିବାର ସୂଚନା ଦେଇପାରି ନଥିଲେ ।

ଶ୍ବାସନଳିରେ ସୁରକ୍ଷିତ ଚୁମ୍ବକଟିକୁ ଭିତରକୁ ପଠାଇବା କାଷ୍ଟକର ଥିଲା । ଏତିପାଇଁ ବିଶେଷଜ୍ଞ ଟିମ୍ ଏକ ସରଳ ଯନ୍ତ୍ର ତିଆରି କରିଥିଲେ । ଏକ ରବର ବ୍ୟାଣ୍ଡରେ ଚୁମ୍ବକକୁ ବନ୍ଧା ଯାଇ ସୁରଖିତ ଭାବେ ପିଲାର ଫୁସଫୁସକୁ ପଠାଯାଇଥିଲା ।

ଦିନିକିଆ ବିଶ୍ବକପ୍: ଟସ୍ ଜିତି ଭାରତର ବ୍ୟାଟିଂ ନିଷ୍ପତ୍ତି

ଭୁବନେଶ୍ବର: ଦିନିକିଆ ବିଶ୍ବକପରେ ଆଜି ସୁପର ସଣ୍ଡେରେ ସୁପର ମୁକାବିଲା । ମୁହାଁମୁହିଁ ହେଉଛନ୍ତି ଦୁଇ ଶକ୍ତିଶାଳୀ ଟିମ ଭାରତ ଓ ଦକ୍ଷିଣ ଆଫ୍ରିକା । ମ୍ୟାଚକୁ ନେଇ ସାରା ବିଶ୍ବରେ କ୍ରିକେଟ ପ୍ରେମୀଙ୍କ ମଧ୍ୟରେ ଉତ୍ସାହର ମାହୋଲ । ଟସ୍ ଜିତି ଭାରତ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି । ୭ଟିରୁ ୭ଟି ଜିତି ଅପରାଜୟ ଥିବା ଭାରତ ବିଜୟ ଧାରା ବଜାଇ ରଖିବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ । ଅନ୍ୟପକ୍ଷରେ ୭ଟି ମ୍ୟାଚରୁ ୬ଟି ବିଜୟ ହାସଲ କରିଥିବା ଦକ୍ଷିଣ ଆଫ୍ରିକା ବି ମ୍ୟାଚ୍ ଜିତିବାକୁ ପୂରା ଦମ ଲଗାଇ ଦେବ ।

ଭାରତୀୟ ଦଳରେ କୌଣସି ପରିବର୍ତ୍ତନ ହୋଇନାହିଁ । ସେପଟେ ଦକ୍ଷିଣ ଆଫ୍ରିକା ପ୍ଲେଇଂ ଇଲେଭେନରେ ଗୋଟିଏ ପରିବର୍ତ୍ତନ କରିଛି । କୋଏଟିଜିଙ୍କ ସ୍ଥାନରେ ଖେଳିବେ ତାବରେଜ ସାମସି ।

ବିଶ୍ବକପ ଇତିହାସରେ ୫ ଥର ମୁହାଁମୁହିଁ ହୋଇଛନ୍ତି ଏହି ଦୁଇ ଦେଶ । ଭାରତ ୨ଟିରେ ବିଜୟ ଲାଭ କରିଥିବା ବେଳେ ୩ଟି ମ୍ୟାଚ ଜିତିଛି ଦକ୍ଷିଣ ଆଫ୍ରିକା । ଉଭୟ ଦେଶ ମଧ୍ୟରେ ମୋଟ ୯୦ଟି ଦିନିକିଆ ଖେଳାଯାଇଥିବା ବେଳେ ଦକ୍ଷିଣ ଆଫ୍ରିକା ୫୦ ଓ ଭାରତ ୩୭ଟିରେ ବିଜୟୀ ହୋଇଛନ୍ତି । ବର୍ତ୍ତମାନ ସ୍ଥିତିରେ ଭାରତର ପଲ୍ଲା ଭାରି ରହିଛି । ଅନ୍ୟପଟଷ ଆଜି ବିରାଟ କୋହଲିଙ୍କ ୩୫ ତମ ଜନ୍ମଦିନ । ଏହି ଅବସରରେ ଆଜି ଇହେନ୍ ଗାର୍ଡେନରେ ୭୦ ହଜାର ମାସ୍କ ବଣ୍ଯନ କରାଯିବ । ଜନ୍ମଦିନରେ କୋହଲି ଆଜି ଇଡେନ ଗାର୍ଡେନରେ ଶତକ ମାରିବେ ବୋଲି କ୍ରୀଡାପ୍ରେମୀ ଆଶା ରଖିଛନ୍ତି ।

ଏୟାର ଇଣ୍ଡିଆ ବିମାନକୁ ବିସ୍ଫୋରଣରେ ଉଡାଇ ଦେବାକୁ ଖାଲିସ୍ଥାନୀ ଆତଙ୍କବାଦୀଙ୍କ ଧମକ

ଭୁବନେଶ୍ବର: ପୁଣି ଘଟିପାରେ ୧୯୮୫ର ଲୋମଟାଙ୍କୁରା ଏୟାର ଇଣ୍ଡିଆର ବୋଇଂ ୭୪୭ କନିଷ୍କ ବିମାନ ବିସ୍ଫୋରଣ ଘଟଣା । କାନାଡା ଭିତ୍ତିକ ଆତଙ୍କବାଦୀ ସଂଗଠନ ଶିଖସ୍ ଫର୍ ଜଷ୍ଟିସ ଦେଲା ଧମକ । ଏପରିକି ନଭେମ୍ବର ୧୯ ଓ ତା’ପରେ ଏୟାର ଇଣ୍ଡିଆ ବିମାନରେ ନ ଯିବା ଲାଗି ଶିଖମାନଙ୍କୁ କହିଛି ସଂଗଠନ ।

ଏସଏଫଜେ ନେତା ଗୁରୁ ପତଓ୍ବନ୍ତ ସିଂ ପନ୍ନୁ ଧମକ ଦେଇ କହିଛି ୧୯ ନଭେମ୍ବରରେ କୌଣସି ଶିଖ୍ ଏୟାର ଇଣ୍ଡିଆ ବିମାନରେ ଯାଆନ୍ତୁ ନାହିଁ । ସାରା ବିଶ୍ବରେ ଏୟାର ଇଣ୍ଡିଆ ବିମାନକୁ ଅବରୋଧ କରାଯିବ ଓ ସେହିଦିନ ବିଶ୍ବର କୌଣସି ସ୍ଥାନକୁ ଯିବାକୁ ଏୟାର ଇଣ୍ଡିଆ ବିମାନକୁ ଅନୁମତି ଦିଆଯିବ ନାହିଁ ବୋଲି ସେ କହିଛି ।

ଏହି ନିଷ୍ପତ୍ତି ଭାରତ ସରକାରଙ୍କ ପ୍ରତି ଏକ ଓ୍ବାର୍ଣ୍ଣିଂ ହୋଇପାରେ ବୋଲି ସେ କହିଛି । ୧୯ ନଭେମ୍ବରରେ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦର ବନ୍ଦ ରଖିବାକୁ ସେ ଚେତାବନୀ ଦେଇଛି । ସେହିଦିନ ଓ୍ବାର୍ଲଡ ଟେରର କପ୍ ମ୍ୟାଚ ଖେଳାଯାଇ ଓ ସାରା ବିଶ୍ବ ଏହି ମ୍ୟାଚ ଦେଖିବ ବୋଲି ସେ କହିଛି । ଏହା ଭାରତରେ ହୋଇଥିବା ଶିଖ ଗଣହତ୍ୟାର ଜବାବ ହେବ । ପଞ୍ଜାବ ମୁକ୍ତ ହେବା ପରେ ଏହି ବିମାନ ବନ୍ଦରର ନାମ ସହିଦ ବିୟନ୍ତ ସିଂ ଓ ସହିଦ ସତଓ୍ବନ୍ତ ସିଂ ବିମାନ ବନ୍ଦର ରଖାଯିବ ବୋଲି କହିଛି ।

୧୯୮୫ ଜୁନ ୨୩ରେ ଏୟାର ଇଣ୍ଡିଆ ବିମାନ କନିଷ୍କ ମଣ୍ଟ୍ରିଲ-ଲଣ୍ଡନ-ଦିଲ୍ଲୀ-ମୁମ୍ବାଇ ରୁଟରେ ଥିବାବେଳେ ଆଟଲାଣ୍ଟିକ ମହାସାଗର ଉପରେ ବିସ୍ଫୋରଣ ଘଟାଯାଇଥିଲା । କାନାଡାର ଶିଖ ଆତଙ୍କବାଦୀଙ୍କ ଦ୍ବାରା ଖଞ୍ଜା ଯାଇଥିବା ଏହି ବିସ୍ଫୋରଣରେ ୩୨୯ ଯାତ୍ରୀଙ୍କ ମୃତ୍ୟୁ ଘଟିଥିଲା ।

ଜମି ବିବାଦକୁ କେନ୍ଦ୍ର କରି ସୋରରେ ହଣାକଟା, ୧୨ ଆହତ

ସୋର: ଜମିଜମା ବିବାଦକୁ କେନ୍ଦ୍ର କରି ବାଲେଶ୍ବର ଜିଲ୍ଲା ସୋର ଥାନା ମୋହନପୁର ଗାଁରେ ଗୋଷ୍ଠୀ ସଂଘର୍ଷ । ଉଭୟ ପକ୍ଷ ମଧ୍ୟରେ ହଣାକଟାରୁ ୧୨ ଜଣ ଆହତ । ସମସ୍ତ ଆହତ ସୋର ମେଡିକାଲରେ ଭର୍ତ୍ତି ।

ଆଜି ସକାଳେ ବାଡ଼ ଉପୁଡ଼ାକୁ କେନ୍ଦ୍ର କରି ଉଭୟ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା । ପରେ ଗଣ୍ଡଗୋଳ ଏତେ ଉଗ୍ରରୂପ ନେଇଥିଲା ଯେ ପରିସ୍ଥିତି ଅଣାୟତ୍ତ ହୋଇଯାଇଥିଲା । ଉଭୟ ପକ୍ଷ ଖଣ୍ଡା, ଭୁଜାଲିରେ ପରସ୍ପରକୁ ଆକ୍ରମଣ କରିଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଛି । ଏହାସହ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ଗୋଟିଏ ପରିବାରର ୮ ଜଣ ଆହତ ହୋଇଥିବା ବେଳେ ଅନ୍ୟ ପରିବାରର ୪ ଜଣ ହୋଇଛନ୍ତି । ଘଟଣା ସ୍ଥଳରୁ ପୋଲିସ ଖଣ୍ଡା ଜବତ କରିବା ସହ ଦୁଇ ଜଣଙ୍କୁ ଅଟକ ରଖି ତଦନ୍ତ ଜାରି ରଖିଛି ।

ମିଳିଥିବା ଅଭିଯୋଗ ଅନୁସାରେ ଜମିକୁ ନେଇ ଭାଇ, ଭଉଣୀଙ୍କ ମଧ୍ୟରେ ବିବାଦ ଲାଗି ରହିଛି । ଭାଇ ଜମି ଦଖଲରେ ରଖିଥିବା ବେଳେ ଭଉଣୀକୁ ଦେଉନାହାନ୍ତି । ଆଜି ଭଉଣୀ ସମ୍ପର୍କୀୟଙ୍କ ସହ ଯାଇଥିବା ବେଳେ ବିବାଦର ସୂତ୍ରପାତ ହୋଇଥିଲା ।

ଆତଙ୍କ ମଚାଇଛି ଭାଲୁ: ସପ୍ତାହେ ହେଲା ପଶୁଛି ଲୋକଙ୍କ ଘରେ

ନବରଙ୍ଗପୁର: ଆତଙ୍କ ଖେଳାଇଛି ଭାଲୁ । ସପ୍ତାହେ ହେଲା ପଶୁଛି ଲୋକଙ୍କ ଘରେ । ପୂରା ଅଞ୍ଚଳରେ ଭାଲୁକୁ ନେଇ ଭୟର ବାତାବରଣ । ଘରୁ ବାହାରିବାକୁ ଡରୁଛନ୍ତି ଲୋକେ । ଏମିତି ଘଟଣା ଦେଖିବାକୁ ମିଳିଛି ନବରଙ୍ଗପୁର ବ୍ଲକ ଭତରାସିଉନି ଗାଁରେ ।

ଅଭିଯୋଗ ଅନୁସାରେ, ଗତ ଏକ ସପ୍ତାହ ହେଲେ ଭାଲୁଟି ଭତରାସିଉନି ଗାଁରେ ଆତଙ୍କ ସୃଷ୍ଟି କରିଛି । ୪ ଦିନ ପୂର୍ବେ ଗାଁରେ ଏକ ମେଣ୍ଡାକୁ ମାରି ଥିବା ମଧ୍ୟ ଅଭିଯୋଗ ହୋଇଛି । ଯାହାକୁ ନେଇ ଗ୍ରାମବାସୀ ଭୟଭୀତ ଥିବା ଦେଖିବାକୁ ମିଳିଛି ।

ସେହିଭଳି ନବରଙ୍ଗପୁର ସହରର ମଧ୍ୟ ଭାଗରେ ଥିବା ମିଶନ କମ୍ପାଉଣ୍ଡରେ ମଧ୍ୟ ଭାଲୁ ବୁଲୁଥିବାର ଭିଡିଓ ସାମ୍ନାକୁ ଆସିଛି । ଯାହାକୁ ନେଇ ଲୋକେ ଭୟଭୀତ ଅଛନ୍ତି । ଦିନକୁ ଦିନ ଜଙ୍ଗଲ କ୍ଷୟ, ଜଙ୍ଗଲରେ ନିଆଁ ଓ ଖାଦ୍ୟ ସଂଗ୍ରହ ପାଇଁ ବନ୍ୟଜନ୍ତୁ ଗାଁ ମୁହାଁ ହେଉଛନ୍ତି ।

ନେପାଳ ପରେ ପରବର୍ତ୍ତୀ ଭୂକମ୍ପ କ’ଣ ଉତ୍ତରାଖଣ୍ଡରେ ?

ଭୁବନେଶ୍ବର: ନେପାଳ ପରେ ପରବର୍ତ୍ତୀ ଭୂକମ୍ପ କେଉଁଠି ? ଆମ ଭାରତରେ ହେବ ନି ତ ? କାରଣ ନେପାଳରେ ବାରମ୍ବାର ଭୂକମ୍ପ ଆସୁଥିବା ବେଳେ ଦିଲ୍ଲୀ ପର୍ଯ୍ୟନ୍ତ ଥରି ଯାଉଛି । ଏମିତି ସ୍ଥିତିରେ ପରବର୍ତ୍ତୀ ସମୟରେ ଏକ ବଡ଼ ଧରଣର ଭୂକମ୍ପ ଭାରତରେ ହେବାର ଆଶଙ୍କା ବଢ଼ି ଯାଇଛି । ଏପରି ଆଶଙ୍କାକୁ ଆହୁରି ଦୃଢ଼ କରିଛି କାନପୁର ଆଇଆଇଟିର ଏକ ଷ୍ଟଡି ରିପୋର୍ଟ । ଏଥିରେ ପରବର୍ତ୍ତୀ ଭୂକମ୍ପ ନେଇ ଆଶଙ୍କା ଓ ସମ୍ଭାବ୍ୟ ସ୍ଥାନକୁ ଦର୍ଶାଯାଇଛି । ଆଉ ଏହି ଭୂକମ୍ପର କେନ୍ଦ୍ରସ୍ଥଳ ଦେବଭୂମି ଉତ୍ତରାଖଣ୍ଡ ହେବ ବୋଲି ଅନୁମାନ କରାଇଛି ।

କାନପୁର ଆଇଆଇଟି ପ୍ରଫେସର ଜାଭେଦ ମଲିକ କହିଛନ୍ତି, ଗୋଟିଏ ସ୍ଥାନରେ ବାରମ୍ବାର ଭୂକମ୍ପ ଆସିବା ଏକ ଚିନ୍ତାର ବିଷୟ । କମ ମ୍ୟାଗ୍ନିଚ୍ୟୁଡର ଏକାଧିକ ଭୂମିକମ୍ପ ଆସିବା ଏକ ବଡ଼ ଭୂକମ୍ପ ଆଶଙ୍କାକୁ ବଢ଼ାଇ ଦେଉଛି । ନେପାଳ ଭଳି ଉତ୍ତରାଖଣ୍ଡ ଜୋନ ବି ସକ୍ରିୟ ଅଛି । ଏଠାରେ ଏକ ବଡ଼ ଧରଣର ଭୂକମ୍ପ ଆସିପାରେ ।

ସେ ଆଗକୁ କହିଛନ୍ତି, ଭୂକମ୍ପ ଟ୍ରେଣ୍ଡ ଦେଖିଲେ ଏହା ପଶ୍ଚିମ ଆଡ଼କୁ ଗତି କରୁଥିବା ଜଣାପଡ଼ିଛି । ଯାହାର ପ୍ରଭାବ ଉତ୍ତରାଖଣ୍ଡ ଉପରେ ଆସିବ । ଆଗାମୀ ଦିନରେ ଏକ ବଡ଼ ଭୂକମ୍ପ ଉତ୍ତରାଖଣ୍ଡରେ ଆସିପାରେ । ଏକ ସର୍ଭେରୁ ଜଣାପଡ଼ିଛି, ବର୍ଷାଦିନେ ଫାଟ ଦେଇ ପାଣି ତଳକୁ ଯିବା ପରେ ଯେଉଁ ଚାପ ସୃଷ୍ଟି ହେଉଛି ତାହା ଭୂକମ୍ପ ଆଶଙ୍କାକୁ ବଢ଼ାଇ ଦେଉଛି ।

ଏକ ପ୍ରୋଜେକ୍ଟ ଜରିଆରେ କାନପୁର ଆଇଆଇଟି ଫ୍ଲାଟ୍ ଲାଇନ୍ ଚିହ୍ନଟ କରିଛି । ଏଠାରେ ଭୂକମ୍ପ ଆସିବାର ଆଶଙ୍କା ଅଧିକ ରହିଛି । ଏହି ସର୍ଭେ ଅର୍ବାନ ଡେଭଲପର ଏବଂ ପ୍ଲାନରଙ୍କ ପାଇଁ ସହାୟକ ହେବ । ଏହି ଡାଟା ଉପଯୋଗ କରି କେଉଁ କେଉଁ ସ୍ଥାନରେ ଭୂକମ୍ପ ଆଶଙ୍କା ରହିଛି ଜାଣି ହେବ । ସେଠାରେ କୌଣସି ପ୍ରୋଜେକ୍ଟ କରିବା ଆଗରୁ ଚିନ୍ତା କରିବାକୁ ସମୟ ମିଳିବ । ଏହାଦ୍ବାରା ଯଦି ଭୂକମ୍ପ ହେବ ତେବେ ଅଧିକ କ୍ଷୟକ୍ଷତିରୁ ରକ୍ଷା ମିଳିପାରିବ ।

ହାପି ବାର୍ଥ ଡେ’ ବିରାଟ: ୩୫ ବର୍ଷରେ କୋହଲି, ସ୍ପେଶାଲ ଡେ’ରେ ତାଙ୍କର ୩୫ ରେକର୍ଡ

ଭୁବନେଶ୍ବର: କ୍ରିକେଟ ଦୁନିଆରେ ବୋଲରଙ୍କ ପାଇଁ ଦୁଃସ୍ବପ୍ନ ସାଜିଥିବା ବିସ୍ଫୋରକ ବ୍ୟାଟ୍ସମ୍ୟାନ ବିରାଟ କୋହଲିଙ୍କ ଆଜି ଜନ୍ମଦିନ । ୩୫ ବର୍ଷରେ ପଦାର୍ପଣ କରିଛନ୍ତି ବିରାଟ । କ୍ରିକେଟ ଦୁନିଆରେ ରେକର୍ଡ ପରେ ରେକର୍ଡ କରି ଚାଲିଛନ୍ତି ବିରାଟ । ବର୍ତ୍ତମାନ ବିଶ୍ବକପ ଖେଳୁଥିବା ବିରାଟ ଫୁଲ୍ ଫର୍ମରେ ଅଛନ୍ତି । ବର୍ତ୍ତମାନ ସୁଦ୍ଧା ୭ଟି ମ୍ୟାଚରୁ ୪୪୨ ରନ୍ କରିସାରିଛନ୍ତି । ତେବେ ଆଜି ତାଙ୍କ ୩୫ ତମ ଜନ୍ମଦିନରେ ଆସନ୍ତୁ ଜାଣିବା ତାଙ୍କର ୩୫ଟି ରେକର୍ଡ ସମ୍ପର୍କରେ ।

୧. ବିରାଟ କୋହଲିଙ୍କ ନେତୃତ୍ବରେ ଭାରତ ୨୦୦୮ ଅଣ୍ଡର-୧୯ ବିଶ୍ବକପ୍ ଜିତିଥିଲା । ମାଲେସିଆରେ ଏହି ବିଶ୍ବକପ ଖେଳାଯାଇଥିଲା । ୨୦୦୮ ଅଗଷ୍ଟ ୧୮ରେ ଶ୍ରୀଲଙ୍କା ବିପକ୍ଷରେ ସେ ତାଙ୍କ ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ ।

୨. ଦେଓଧର ଟ୍ରଫି ଫାଇନାଲ ଟିମର ନେତୃତ୍ବ ନେବାରେ କୋହଲି ହେଉଛନ୍ତି ଦ୍ବିତୀୟ ଯୁବ କ୍ରିକେଟର । ୨୦୦୯-୧୦ ବର୍ଷ ଫାଇନାଲରେ ନେତୃତ୍ବ କରିବା ବେଳେ ତାଙ୍କ ବୟସ ୨୧ ବର୍ଷ ୧୨୪ ଦିନ ହୋଇଥିଲା । ୪ ବର୍ଷ ପୂର୍ବରୁ ଶୁବମନ ଗିଲ ୨୦ ବର୍ଷ ୫୭ ଦିନରେ ବିରାଟଙ୍କ ରେକର୍ଡ ଭାଙ୍ଗିଥିଲେ ।

୩. ଗୋଟିଏ ଦଶକରେ ୨୦ ହଜାର ରନ୍ କରିବାର ରେକର୍ଡ ତାଙ୍କ ନାଁରେ ରହିଛି । ୨୦୨୯ରେ ଭାରତ ଓ୍ବେଷ୍ଟଇଣ୍ଡିଜ ସିରିଜର ତୃତୀୟ ମ୍ୟାଚରେ ସେ ଏହି ରେକର୍ଡ ବନାଇଥିଲେ । ଏହି ମ୍ୟାଚରେ ସେ ୯୯ ବଲରେ ୧୧୪ ରନ୍ କରି ଏହି ମାଇଲ ଖୁଣ୍ଟ ଛୁଇଁଥିଲେ ।

୪. ଦିନିକିଆରେ ଦ୍ରୁତ ୧୦ ହଜାର କରିବାର ରେକର୍ଡ ମଧ୍ୟ ତାଙ୍କ ନାଁରେ ରହିଛି । ୨୦୧୮ରେ ଏହି ସଫଳତା ବିରାଟଙ୍କ ଖାତାକୁ ଆସିଥିଲା । ଓ୍ବେଷ୍ଟଇଣ୍ଡିଜ ବିପକ୍ଷରେ ୧୫୭ ରନ୍ କରି ସେ ଏହି ରେକର୍ଡ ଛୁଇଁଥିଲେ । ଏଥିପାଇଁ ତାଙ୍କୁ ୨୦୫ ଦିନିକିଆ ଖେଳିବାକୁ ପଡ଼ିଥିଲା । ଏହା ପୂର୍ବରୁ କ୍ରିକେଟର ଭଗବାନ ସଚିନ ତେନ୍ଦୁଲକରଙ୍କ ନାଁରେ ଏହି ରେକର୍ଡ ଥିଲା । ସେ ୨୫୯ ମ୍ୟାଚରେ ଏହି ମାଇଲଖୁଣ୍ଟ ଛୁଇଥିଲେ ।

୫. ଗୋଟିଏ କ୍ୟାଲେଣ୍ଡ ବର୍ଷରେ ଦ୍ରୁତ ୧୦୦୦ ରନ୍ କରିବା ରେକର୍ଡ ମଧ୍ୟ ବିରାଟଙ୍କ ନାଁରେ ରହିଛି । ୧୧ ମ୍ୟାଚରେ ସେ ଏହି କୃତିତ୍ବ ହାସଲ କରିଥିଲେ । ହାସିମ ଅମଲାଙ୍କୁ ପଛରେ ପକାଇ ସେ ଏହି ରେକର୍ଡ କରିଥିଲେ । ଅମଲା ୧୫ ମ୍ୟାଚରେ ଏହି ରେକର୍ଡ କରିଥିଲେ ।

୬. ଦୁଇଟି ଟିମ୍ ବିପକ୍ଷରେ ଦିନିକିଆରେ ଲଗାତାର ୩ଟି ଲେଖାଏଁ ଶତକ ମାରିବା ରେକର୍ଡ କୋହଲିଙ୍କ ନାଁରେ ରହିଛି । ୨୦୧୨ ଫେବୃଆରୀରୁ ୨୦୧୨ ଜୁଲାଇ ମଧ୍ୟରେ ଶ୍ରୀଳଙ୍କା ବିପକ୍ଷରେ ୧୩୩ (ନଟ୍ ଆଉଟ୍), ୧୦୮ ଓ ୧୦୬ ରନ୍ କରିଥିଲେ । ସେହିପରି ୨୦୧୮ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ୧୪୦, ୧୫୭ (ନଟ୍ ଆଉଟ୍) ଓ ୧୦୭ ରନ୍ ବନାଇଥିଲେ ।

୭. ଗୋଟିଏ ବର୍ଷରେ ICC ବାର୍ଷିକ ବ୍ୟକ୍ତିଗତ ପୁରସ୍କାର ଜିତିଥିବା ଏକମାତ୍ର କ୍ରିକେଟର ହେଉଛନ୍ତି ବିରାଟ । ୨୦୧୮ରେ କୋହଲିଙ୍କୁ ସାର ଗାରଫିଲ୍ଡ ସୋବର୍ସ ଟ୍ରଫି, ଆଇସିସି ଟେଷ୍ଟ ଓ ଓ୍ବାନଡେ ପ୍ଲେୟାର ଅଫ୍ ଦି ଇୟର ସମ୍ମାନରେ ସମ୍ମାନିତ କରାଯାଇଥିଲା ।

୮. ବର୍ତ୍ତମାନ ସୁଦ୍ଧା କୌଣସି କ୍ୟାଲେଣ୍ଡର ଇୟରରେ କୋହଲି ୮ ଥର ୧୦୦୦ରୁ ଅଧିକ ରନ୍ କରିସାରିଛନ୍ତି । ଏହି କରିସ୍ମା କରିବାର ସେ ହେଉଛନ୍ତି ଏକମାତ୍ର ଖେଳାଳି । ୨୦୧୧ରୁ ୨୦୧୪, ୨୦୧୭ରୁ ୨୦୧୯ ଏବଂ ୨୦୨୩ରେ ସେ ଏହି ରେକର୍ଡ କରିଛନ୍ତି ।

୯. ୨୦୧୯ ବିଶ୍ବକପ ସେମିଫାଇନାଲ ହାରି ଭାରତ ବାହାର ହେବା ପରେ ବି ବିରାଟ କୋହଲି ଏହି ବିଶ୍ବକପରେ ଲଗାତାର ୫ଟି ଅର୍ଦ୍ଧ ଶତକ ମାରିଥିବା ଏକମାତ୍ର ଅଧିନାୟକ ଥିଲେ ।

୧୦. ବିରାଟ ହେଉଛନ୍ତି ଏକାମାତ୍ର ଟେଷ୍ଟ ଅଧିନାୟକ ଯିଏ କ୍ରମାଗତ ୩ଟି କ୍ୟାଲେଣ୍ଡର ବର୍ଷରେ ୧୦୦୦ରୁ ଅଧିକ ରନ୍ ବନାଇଛନ୍ତି । ୨୦୧୬ରେ ୧୫୧୫ ରନ, ୨୦୧୭ରେ ୧୦୫୯ ରନ୍ ଓ ୨୦୧୮ରେ ୧୩୨୨ ରନ୍ କରିଛନ୍ତି ।

୧୧. ଟେଷ୍ଟ କ୍ରିକେଟ ଅଧିନାୟକ ଭାବେ ସର୍ବାଧିକ ଦ୍ବିଶତକ ରେକର୍ଡ ତାଙ୍କ ନାଁରେ ରହିଛି । ତାଙ୍କ ନାଁରେ ୭ଟି ଦ୍ବିଶତକ ଥିବା ବେଳେ ତାଙ୍କ ପଛକୁ ଅଛନ୍ତି ବ୍ରାୟନ ଲାରା । ସେ ୫ ଦ୍ବିଶତକ ହାସଲ କରିଛନ୍ତି ।

୧୨. IPLରେ ଗୋଟିଏ ସିଜିନରେ ସର୍ବାଧିକ ରନ୍ ରେକର୍ଡ କୋହଲିଙ୍କ ନାଁରେ ରହିଛି । ୨୦୧୬ ଆଇପିଏଲ ସିଜନରେ ସେ ୯୭୩ ରନ୍ କରିଥିଲେ ।

୧୩. ଅଧିନାୟକ ଭାବେ ଦ୍ରୁତ ୩ ହଜାର ରନ ରେକର୍ଡ ବିରାଟ ହାସଲ କରିଛନ୍ତି । ୪୯ ମ୍ୟାଚରେ ସେ ଏହି ରେକର୍ଡ କରିଚନ୍ତି । ଏହି କ୍ରମରେ ଏବି ଡିବିଲିୟର୍ସ ଏବଂ ଏମଏସ ଧୋନୀଙ୍କୁ ପଛରେ ପକାଇଛନ୍ତି ।

୧୪. ଗୋଟିଏ କ୍ୟାଲେଣ୍ଡର ବର୍ଷରେ କୋହଲି ୧୧ଟି ଶତକ ହାସଲ କରିଛନ୍ତି । ତାଙ୍କ ଆଗରେ କେବଳ ସଚିନ ତେନ୍ଦୁଲକର ଅଛନ୍ତି । ସଚିନ ୧୯୯୮ରେ ୧୨ଟି ଶତକ ହାସଲ କରିଥିଲେ । ୨୦୧୮ରେ କୋହଲି ୧୧ଟି ଶତକ ବନାଇଥିଲେ ।

୧୫. ଓ୍ବେଷ୍ଟଇଣ୍ଡିଜରେ ଭାରତୀୟ ଅଧିନାୟକ ଭାବେ ବିରାଟଙ୍କ ପାଖରେ ସର୍ବାଧିକ ରନ୍ କରିବାର ରେକର୍ଡ ରହିଛି । ୨୦୧୯ରେ ୧୨୫ ବଲ ଖେଳି ସେ ୧୨୦ ରନ୍ ସ୍କୋର କରିଥିଲେ ।

୧୬. ୨୦୧୮ରେ ଦ୍ରୁତ ୪ ହଜାର ଟେଷ୍ଟ ରନ୍ କରିବା ରେକର୍ଡ ତାଙ୍କ ନାଁରେ ରହିଛି । ୬୫ତମ ମ୍ୟାଚରେ ସେ ଏହି ମାଇଲଖୁଣ୍ଟ ଛୁଇଁଥିଲେ । ୭୧ ମ୍ୟାଚ ଖେଳି ଲାରା ତାଙ୍କ ପୂର୍ବରୁ ଏହି ରେକର୍ଡ କରିଥିଲେ ।

୧୭. ଭାରତରେ ଆଷ୍ଟ୍ରେଲିଆ ବିପକ୍ଷରେ ସର୍ବାଧିକ ଦିନିକିଆ ଶତକ ରେକର୍ଡ କୋହଲିଙ୍କ ନାଁରେ ରହିଛି । କଙ୍ଗାରୁ ବିପକ୍ଷରେ ସେ ୮ଟି ଶତକ ହାସଲ କରିଛନ୍ତି । ଏଥିରୁ ୫ଟି ଭାରତ ମାଟିରେ ସେ ମାରିଛନ୍ତି ।

୧୮. ୩୦ ଓ ୩୫ ଦିନିକିଆ ଶତକ ହାସଲ କରିଥିବା ଦ୍ରୁତ କ୍ରିକେଟର ରେକର୍ଡ ତାଙ୍କ ନାଁରେ ରହିଛି । ୧୮୬ ମ୍ୟାଚରେ ୩୦ ଶତକ କରିଥିବା ବେଳେ ୨୬୭ ମ୍ୟାଚରେ ସଚିନ ଏହି ରେକର୍ଡ କରିଥିଲେ । ୨୦୦ ମ୍ୟାଚରେ ତାଙ୍କ ୩୫ତମ ଶତକ ଆସିଥିଲା ।

୧୯. ଟି-୨୦ରେ ରନ୍ ଚେଜ କରିବା ବେଳେ ଭାରତୀୟ ଭାବେ ସର୍ବାଧିକ ରନ୍ କୋହଲି କରିଛନ୍ତି । ଲକ୍ଷ୍ୟର ପିଛା କରିବା ବେଳେ ୫୦ଟି ଟି-୨୦ରେ ସେ ୧୯୮୩ ରନ୍ କରିଛନ୍ତି ।

୨୦. ଦିନିକିଆରେ ଅଧିନାୟକ ଭାବେ କୋହଲି ଲଗାତାର ୩ଟି ଶତକ ହାସଲ କରିଥିବା ଏକମାତ୍ର ଖେଳାଳି ।

୨୧. ୩୫୦ ଓ ତା’ଠୁ ଅଧିକ ରନର ପିଛା କରିବାରେ କୋହଲିଙ୍କ ଦମଦାର ରେକର୍ଡ ରହିଛି । ବର୍ତ୍ତମାନ ସୁଦ୍ଧା ୩ଟି ମ୍ୟାଚରେ ୩୫୦ ରନର ପିଛା କରି ଭାରତ ସଫଳ ହୋଇଥିବା ବେଳେ କୋହଲି ୩ଟି ଶତକ ମାରିଛନ୍ତି ।

୨୨. ୨୦୧୧ ଟି-୨୦ ମ୍ୟାଚରେ ଇଂଲଣ୍ଡର ପୂର୍ବତନ ଅଧିନାୟକ କେବିନ ପିଟରସନଙ୍କୁ ଆଉଟ କରିଥିଲେ । ବଲ ଓ୍ବାଇଡ ହୋଇଥିଲେ ବି ଧୋନୀ ପିଟରସନଙ୍କୁ ଷ୍ଟମ୍ପ ଆଉଟ କରିଥିଲେ ।

୨୩. ୨୦୧୧ ବିଶ୍ବକପରେ କୋହଲି ପଦାର୍ପଣ କରିଥିବା ବାଂଲାଦେଶ ବିପକ୍ଷ ମ୍ୟାଚରେ ସେ ଶତକ କରିଥିଲେ । ବିଶ୍ବକପର ପ୍ରଥମ ମ୍ୟାଚରେ ଶତକ ହାସଲ କରିବାରେ ସେ ହେଉଛନ୍ତି ଏକମାତ୍ର ଭାରତୀୟ ଖେଳାଳି ।

୨୪. ବିଶ୍ବକପରେ ପାକିସ୍ତାନ ବିପକ୍ଷରେ ପ୍ରଥମ ଭାରତୀୟ ଭାବେ ସେ ଶତକ ହାସଲ କରିଛନ୍ତି । ୨୦୧୫ ବିଶ୍ବକପରେ ସେ ୧୦୭ ରନ୍ କରିଥିଲେ ।

୨୫. ଦ୍ବିପାକ୍ଷିକ ସିରିଜରେ ସର୍ବାଧିକ ରନ୍ ବନାଇବା ରେକର୍ଡ କୋହଲିଙ୍କ ନାଁରେ ରହିଛି । ୨୦୧୮ରେ ଦକ୍ଷିଣ ଆଫ୍ରିକା ବିପକ୍ଷରେ ୬ଟି ମ୍ୟାଚରୁ ୫୫୮ ରନ୍ କରିଥିଲେ ।

୨୬. ICC ଦ୍ବିପାକ୍ଷିକ ସିରିଜରେ ୫୦୦ ରନ୍ କରିଥିବା ଏକମାତ୍ର ବ୍ୟାଟ୍ସମ୍ୟାନ ହେଉଛନ୍ତି କୋହଲି ।

୨୭. IPLର ଏକ ସଂସ୍କରଣରେ ସର୍ବାଧିକ ଶତକ କରିବାରେ ଯୁଗ୍ମ ଭାବେ ଏକ ନମ୍ବରରେ ଅଛନ୍ତି କୋହଲି । ୨୦୧୬ରେ ଆରସିବି ଅଧିନାୟକ ଥିବା ବେଳେ ୪ଟି ଶତକ ମାରିଥିଲେ ।

୨୮. ୨୦୧୯ରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜରେ ସର୍ବାଧିକ ଫଲୋଅନ୍ ଦେଇଥିବା ପ୍ରଥମ ଅଧିନାୟକ । ଭାରତୀୟ ଅଧିନାୟକ ଭାବେ ୮ ଥର ଫଲୋଅନ୍ ଦେଇଥିବା ବେଳେ ଆଝାରୁଦ୍ଧିନ ୭ ଥର ଫଲୋଅନ୍ ଦେଇଥିଲେ ।

୨୯. ଅଧିନାୟକ ଭାବେ ଟେଷ୍ଟରେ ସର୍ବାଧିକ ୧୫୦ରୁ ଅଧିକ ରନ୍ କରିବାର ରେକର୍ଡ କୋହଲିଙ୍କ ପାଖରେ ରହିଛି । ୯ ଥର ସେ ୧୫୦ରୁ ଅଧିକ ରନ୍ କରିଛନ୍ତି । ସାର୍ ଡୋନାଲ୍ଡ ବ୍ରାଡମ୍ୟାନ ୮ ଥର ଏହି କୃତିତ୍ବ ହାସଲ କରିଥିଲେ ।

୩୦. ଭାରତୀୟ ବ୍ୟାଟ୍ସମ୍ୟାନ ଭାବେ କୋହଲି ଟେଷ୍ଟ କ୍ରିକେଟରେ ସର୍ବାଧିକ ଦ୍ବିଶତକ ହାସଲ କରିଛନ୍ତି । ୧୧ ଟେଷ୍ଟରୁ ୭ଟି ଦ୍ବିଶତକ ହାସଲ କରିଛନ୍ତି । ତାଙ୍କ ପଛକୁ ଉଭୟ ସଚିନ ଓ ସେହଓ୍ବାଗ ୬ଟି ଲେଖାଏଁ ଦ୍ବିଶତ ହାସଲ କରିଛନ୍ତି ।

୩୧. ଦିନିକିଆରେ କୋହଲି ଦ୍ରୁତଗତିରେ ୮ ହଜାର, ୯ ହଜାର, ୧୦ ହଜାର, ୧୧ ହଜାର ୧୨ ହଜାର ଓ ୧୩ ହଜାର ରନ୍ କରିଥିବା ଏକମାତ୍ର ବ୍ୟାଟ୍ସମ୍ୟାନ ।

୩୨. ଟେଷ୍ଟ କ୍ରିକେଟ ଇତିହାସରେ କ୍ରମାଗତ ୪ଟି ସିରିଜରେ ୪ଟି ଦ୍ବିଶତକ ହାସଲ କରିଥିବା ଏକମାତ୍ର ଖେଳାଳି ।

୩୩. ଟି-୨୦ ବିଶ୍ବକପ ଇତିହାସରେ ସର୍ବାଧିକ ରନ୍ କରିଥିବା ଖେଳାଳି ହେଉଛନ୍ତି କୋହଲି । ଟି-୨୦ ବିଶ୍ବକପରେ ୨୭ଟି ମ୍ୟାଚ୍ ଖେଳି ୧୧୪୧ ରନ୍ କରିଛନ୍ତି ।

୩୪. ଟି-୨୦ ଇଣ୍ଟରନ୍ୟାସନାଲରେ କୋହଲି ସର୍ବାଧିକ ରନ୍ କରିଥିବା ଖେଳାଳି । ୧୧୫ ମ୍ୟାଚ ଖେଳିଥିବା ବେଳେ ୧୦୭ଟିରେ ବ୍ୟାଟିଂ କରି ୪୦୦୮ ରନ୍ କରିଛନ୍ତି । ଏଥିରେ ଗୋଟିଏ ଶତକ ଓ ୩୭ଟି ଅର୍ଦ୍ଧଶତକ ରହିଛି ।

୩୫. ଟି-୨୦ରେ ସର୍ବାଧିକ ଥର ପ୍ଲେୟାର ଅଫ୍ ଦି ମ୍ୟାଚ୍ ରେକର୍ଡ କୋହଲିଙ୍କ ନାଁରେ ରହିଛି । ୧୫ ଥର ତାଙ୍କୁ ଏହି ସମ୍ମାନ ମିଳିଛି ।