ବରଗଡ଼: ବରଗଡ଼ ଜିଲ୍ଲା ପଦମପୁର ନିର୍ବାଚନମଣ୍ଡଳୀରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଧାୟିକା ବର୍ଷା ସିଂ ବରିହାଙ୍କ ନେତୃତ୍ବରେ ବିଜେଡିରେ ସାମିଲ ହୋଇଛନ୍ତି ୬୦ଜଣ ବିଜେପି କର୍ମୀ । ପାଇକମାଳ ବିଜେଡି କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ସମସ୍ତେ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ସମସ୍ତେ ବିଜେଡିରେ ମିଶିଥିବା କହିଛନ୍ତି । ଆଗାମୀ ଦିନରେ ପଦମପୁରରେ ବିଜେଡି ଅଧିକ ସୁଦୃଢ ହେବା ସହିତ ବିକାଶ କାର୍ଯ୍ୟ ଆଗେଇବ ବୋଲି ନୂତନ ବିଜେଡି କର୍ମୀ କହିଛନ୍ତି । ମିଶ୍ରଣ ପର୍ବରେ ବରଗଡ଼ ପୂର୍ବତନ ସାଂସଦ ପ୍ରଭାସ ସିଂ, ଜିଲ୍ଲା କାର୍ଯ୍ୟକାରୀ ସଭାପତି ସୁଶାନ୍ତ କୁମାର ମହାପାତ୍ର ଉପସ୍ଥିତ ଥିଲେ ।
ଗଞ୍ଜାମ ଜିଲ୍ଲାରେ 5T ସଚିବ, ବ୍ରହ୍ମପୁର, ସାନଖେମୁଣ୍ଡି, ଦିଗପହଣ୍ଡି ଓ ଚିକିଟିରେ ବିକାଶର ସମୀକ୍ଷା
ବ୍ରହ୍ମପୁର: ଗଞ୍ଜାମ ଗସ୍ତର ତୃତୀୟ ଦିନରେ ବିକାଶ କାର୍ଯ୍ୟର ସମୀକ୍ଷା କରୁଛନ୍ତି 5T ସଚିବ । ଆଜି ବ୍ରହ୍ମପୁରରେ ପହଞ୍ଚି ଅଭିଯୋଗ ପତ୍ର ଗ୍ରହଣ କରିଛନ୍ତି 5T ସଚିବ । ଲୋକଙ୍କୁ ସମସ୍ୟା ସମାଧାନର ପ୍ରତିଶ୍ରୁତି ଦେଇଛନ୍ତି । ଟାଟା ଏସଇଜେଡରେ ୪୦ ହଜାର କୋଟି ଟଙ୍କା ପୁଞ୍ଜିନିବେଶ ପାଇଁ ଚୁକ୍ତିନାମା ହୋଇଛି । ଯାହାଦ୍ବାରା ୧୦ ହଜାର ନିଯୁକ୍ତି ମିଳିବ । ମନ୍ଦିର ମସଜିଦ ଚର୍ଚ୍ଚ ଓ କମ୍ୟୁନିଟି ସେଣ୍ଟର ପାଇଁ ଯେଉଁ ଦରଖାସ୍ତ ଆସିଛି, ତାହା ସେପ୍ଟେମ୍ବର ୪ ତାରିଖ ମଧ୍ୟରେ ପୂରଣ ହେବ । ଯାହା ବି ଅନୁଦାନ ମିଳିବ, ତାକୁ ଭଲ ଭାବେ କାମ କରିବାକୁ ପରାମର୍ଶ ଦେଇଛନ୍ତି 5T ସଚିବ ।
ପିଇବା ପାଣି ନେଇ ଯାହା ସମସ୍ୟା ଅଛି, ତାହା ୨ ଦିନ ମଧ୍ୟରେ ସମାଧାନ ହେବ । ଆଜି ସନ୍ଧ୍ୟା ସୁଦ୍ଧା ଗାଁରେ ଇଞ୍ଜିନିୟର ପହଞ୍ଚିବେ । ଆପଣମାନଙ୍କ ସମସ୍ତ ଅଭିଯୋଗ ମାସକ ଭିତରେ ସମାଧାନ ହେବ ବୋଲି କହିଛନ୍ତି 5T ସଚିବ । ସେହିପରି ମହାତ୍ମା ଗାନ୍ଧୀ ନରେଗା ଯୋଜନାରେ ଶ୍ରମିକମାନଙ୍କ ମଜୁରୀ ସିଧା ସଳଖ ବ୍ୟାଙ୍କ ଆକାଉଣ୍ଟରେ ୧୦୦ କୋଟି ଟଙ୍କା ଦେଇଥିବାରୁ ପ୍ରଧାନମନ୍ତ୍ରୀଙ୍କ ଠାରୁ ଜାତୀୟ ପୁରସ୍କାର ଗଂଜାମ ପାଇଛି । ଦିବ୍ୟାଙ୍ଗ ଚିହ୍ନଟରେ ରେକର୍ଡ କରି ରାଷ୍ଟ୍ରପତିଙ୍କ ଠାରୁ ଜାତୀୟ ପୁରସ୍କାର ମିଳିଛି । ଏହାସହ ଏଚଆଇଭି କମାଇବାରେ ଗଂଜାମ ଜିଲ୍ଲା ରେକର୍ଡ କରି ଜାତୀୟ ପୁରସ୍କାର ପାଇଛି । ସାରା ଦେଶରେ ପ୍ରଥମ ଜିଲ୍ଲା ଭଣେ ଗଞ୍ଜାମରେ ଏଚଆଇଭି ସଂକ୍ରମିତଙ୍କୁ ଭତ୍ତା ଦିଆଯାଉଛି । ଗିରିସୋଲା ଚେକ୍ ଗେଟକୁ ଦୁର୍ନୀତି ମୁକ୍ତ କରିଛନ୍ତି ମୁଖ୍ୟମନ୍ତ୍ରୀ । ଗ୍ରାମାଞ୍ଚଳ ମେଧାବୀ ପିଲାଙ୍କୁ ସହରରେ ମାଗଣା ପଢ଼ିବାର ଯୋଜନା ଅନ୍ୱେସା ପାଇଁ ଗଂଜାମରୁ ପ୍ରେରଣା ମିଳିଥିଲା । ସାରା ରାଜ୍ୟ ଓ ସାରା ଦେଶ ପାଇଁ ଗଂଜାମ ଉଦାହରଣ ସାଜିଛି ବୋଲି କହିଛନ୍ତି 5T ସଚିବ । ସେହିପରି ମିଶନ ଶକ୍ତି ମା’ମାନଙ୍କ ସହ ଆଲୋଚନା କରିଛନ୍ତି । ସ୍ୱାସ୍ଥ୍ୟ ସେବା ପାଇଁ ମୁଖ୍ୟମନ୍ତ୍ରୀ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମା ମାନଙ୍କ ପାଇଁ ୧୦ ଲକ୍ଷ ଓ ପୁରୁଷ ମାନଙ୍କ ପାଇଁ ୫ ଲକ୍ଷ ରଖିଛନ୍ତି । ପ୍ରତି ବର୍ଷ ସ୍ୱାସ୍ଥ୍ୟ ସୁରକ୍ଷା ପାଇଁ ମହିଳାଙ୍କ କ୍ଷେତ୍ରରେ ୧୦ ଲକ୍ଷ ଓ ପୁରୁଷଙ୍କ ପାଇଁ ୫ ଲକ୍ଷ ଟଙ୍କା ମିଳିବ । ପ୍ରତି ମାସ ସରକାର ୨୨୦ କୋଟି ଟଙ୍କା ଖର୍ଚ୍ଚ କରୁଛନ୍ତି । ଏହା ଅନ୍ୟ କୌଣସି ରାଜ୍ୟରେ ନାହିଁ ବୋଲି କହିଛନ୍ତି 5T ସଚିବ । ଚାଷୀମାନଙ୍କୁ ଲକ୍ଷେ ଟଙ୍କାର ଋଣ ବିନା ସୁଧରେ ଦିଆଯାଉଛି । ତାସହ ବୀମା ରାଶିର ପ୍ରିମୀୟମ ବି ସରକାର ଦେଉଛନ୍ତି। ଗଂଜାମ ଜିଲ୍ଲାର ୧ ଲକ୍ଷ ୨୫ ହଜାର ଚାଷୀ ପଞ୍ଜିକରଣ କରିଛନ୍ତି ବୋଲି ସେ କହିଛନ୍ତି ।
ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ ମାମଲା, ଧରାପଡ଼ିଲା ଅଭିଯୁକ୍ତ
କଟକ: ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ ମାମଲା । ଘଟଣାର ପର୍ଦ୍ଦାଫାସ କଲା କଟକ ସାଇବର ଥାନା ପୋଲିସ । ଘଟଣାରେ ଜଣେ ଅଭିନେତାଙ୍କୁ ଗିରଫ କରିଛି ପୋଲିସ୍ । ଗିରଫ ଅଭିଯୁକ୍ତ ଜଣଙ୍କ ହେଉଛନ୍ତି ମିଥୁନ ଭୋଇ । ମିଥୁନ ଚଳଚିତ୍ର ଜଗତରେ ଜଣେ ପାର୍ଶ୍ବ ଖଳନାୟକ ଭାବେ ଅଭିନୟ କରନ୍ତି । ତାଙ୍କ ନିକଟରୁ ଦୁଇଟି ସିମ୍ କାର୍ଡ ଓ ଦୁଇଟି ମୋବାଇଲ୍ ଫୋନ୍ ଜବତ କରାଯାଇଛି ।
ମିଥୁନ ଚଳଚ୍ଚିତ୍ର ପ୍ରଯୋଜକଙ୍କ ନାଁରେ ନକଲି ହ୍ବାଟସଆପ୍ ଆକାଉଣ୍ଟ ଖୋଲି ହ୍ୱାଟସଆପ ଚାଟ କରୁଥିଲା । ସେହି ଆକାଉଣ୍ଟରୁ ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ କରୁଥିଲା । ୨୦ରୁ ଅଧିକ ଅଭିନେତ୍ରୀଙ୍କୁ ହ୍ବାଟସଆପରେ ଅଶ୍ଳୀଳ ଚାଟିଂ କରୁଥିଲା ମିଥୁନ । ବଦନାମ କରିବା ଉଦ୍ଦେଶ୍ୟରେ ମିଥୁନ ଏଭଳି କରୁଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଅତିରିକ୍ତ ଡିସିପି ଅନୀଲ ମିଶ୍ର ।
ଢେଙ୍କାନାଳରେ କୁମ୍ଭୀର ଆତଙ୍କ
ଢେଙ୍କାନାଳ: ଢେଙ୍କାନାଳରେ କୁମ୍ଭୀର ଆତଙ୍କ । ମହାବୀର ରୋଡ୍ ରେଞ୍ଜ ଅନ୍ତର୍ଗତ ବାସୁଲେଇଠାରେ ବ୍ରାହ୍ମଣୀ ନଦୀରେ କୁମ୍ଭୀର ଆତଙ୍କ ଦେଖାଦେଇଛି । ନଦୀରେ କୁମ୍ଭୀର ଥିବା ଚର୍ଚ୍ଚା ପରେ ସ୍ଥାନୀୟ ଲୋକ ଭୟଭୀତ ହୋଇପଡ଼ିଛନ୍ତି । ବିନ ବିଭାଗ ତରଫରୁ ଲୋକଙ୍କୁ ସଚେତନ କରାଯାଉଛି । ନଦୀକୁ ନଯିବାରୁ ଲୋକଙ୍କୁ ସତର୍କ କରିଛି ବନ ବିଭାଗ ।
ବିଚାରାଧିନ କଏଦୀଙ୍କ ସନ୍ଦେହଜନକ ମୃତ୍ୟୁ
ବଣାଇ: ସୁନ୍ଦରଗଡ଼ ଜିଲ୍ଲା ବଣାଇ ସ୍ଵତନ୍ତ୍ର ଉପ-କାରାଗାରରେ ବିଚାରାଧୀନ କଏଦୀଙ୍କ ସନ୍ଦେହଜନକ ମୃତ୍ୟୁ l କେ. ବଳାଙ୍ଗ ଥାନା ଲଙ୍ଗଳକଟା ଗାଁର ଯୁବକ ଶୁକରାମ ମୁଣ୍ଡା ଗତ ୨୦୨୦ ମସିହାରୁ ହତ୍ୟା ଅଭିଯୁକ୍ତ ଭାବେ ବଣାଇ ସ୍ଵତନ୍ତ୍ର ଉପ-କାରାଗାରରେ ଥିଲେ । ରବିବାର ମଧ୍ୟାହ୍ନରେ ତାଙ୍କର ସନ୍ଦେହଜନକ ଭାବେ ମୃତ୍ୟୁ ହେଇଛି l ହଠାତ ଅସୁସ୍ଥ ହେବାରୁ ବଣାଇ ଉପଖଣ୍ଡ ଚିକିତ୍ସାଳୟରେ ତାଙ୍କୁ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି l ବଣାଇ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି l
ବିଜେଡିରୁ ବାହାରିଥିବା ନେତାଙ୍କ ପ୍ରତି ମନମୋହନ ସାମଲଙ୍କ ଦୁର୍ବଳତା: ଲେନିନ ମହାନ୍ତି
ଭୁବନେଶ୍ବର: ବିଜେପି ରାଜ୍ୟ ସଭାପତି ମନମୋହନ ସାମଲଙ୍କୁ ଟାର୍ଗେଟ କଲେ ବିଜେଡି ମୁଖପାତ୍ର ଲେନିନ ମହାନ୍ତି । ବିଜେଡିରୁ ପ୍ରତ୍ୟାଖାତ ନେତାଙ୍କ ପ୍ରତି ରହିଛି ମନମୋହନଙ୍କ ଦୁର୍ବଳତା । ଲୋକଙ୍କ ପଇସା ଖାଇଥିବା ନେତାଙ୍କୁ ତାଙ୍କ ଦଳରେ ମିଶାଇବା ପାଇଁ ସେ ବ୍ୟାକୁଳ । ଯୁବକଙ୍କୁ ଚାକିରୀ ଦେବା ନାଁରେ କୋଟି କୋଟି ଟଙ୍କା ଠକିଥିବା ନେତାଙ୍କୁ ଦଳରେ ମିଶାଇବାକୁ ବ୍ୟାକୁଳ ହେଉଛନ୍ତି । ପୂର୍ବ ନିର୍ବାଚନରେ ମଧ୍ୟ ବିଜେଡିରୁ ପ୍ରତ୍ୟାଖାତ ନେତାଙ୍କୁ ଦଳରେ ମିଶାଇଥିଲେ । ଜନତା ଏହାର ଉଚିତ ଜବାବ ଦେଇଛନ୍ତି । ବିଜେଡି ଲୋକପ୍ରିୟତାକୁ ସେ ସହିପାରୁନାହାନ୍ତି । ଗତବର୍ଷ ୩୦ଟି ଜିଲ୍ଲାରେ ବିଜେପି ପ୍ରତ୍ୟାଖ୍ୟାତ ହୋଇଛି । ପ୍ରତ୍ୟେକ ସର୍ଭେ ସୂଚାଇଛି ନଂ-୧ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କ୍ଷତି ପୂରଣ ଦାବିରେ ରାସ୍ତା ଅବରୋଧ
ଫୁଲବାଣୀ: ଅସୁସ୍ଥ ଛାତ୍ରଙ୍କ ମୃତ୍ୟୁ ପାଇଁ ଅବହେଳାକୁ ଦାୟୀ କରି ପରିବାରକୁ କ୍ଷତିପୂରଣ ପ୍ରଦାନ ଦାବିରେ ରାସ୍ତା ଅବରୋଧ । କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ବାଟାଗୁଡ଼ା ସରକାରୀ ଆଶ୍ରମ ବିଦ୍ୟାଳୟର ଷଷ୍ଠ ଶ୍ରେଣୀ ଛାତ୍ରଙ୍କ ମୃତ୍ୟୁ ନେଇ ଉତ୍ତେଜନା ପ୍ରକାଶ ପାଇଛି । ସ୍କୁଲ ସମ୍ମୁଖ ୫୯ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି ଅଞ୍ଚଳବାସୀ । ପ୍ରଧାନ ଶିକ୍ଷୟିତ୍ରୀଙ୍କ ଦାୟିତ୍ବ ହୀନତା ଯୋଗୁ ଛାତ୍ରଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଶନିବାର ଅପରାହ୍ନରେ ଷଷ୍ଠ ଶ୍ରେଣୀର ଛାତ୍ର ସତ୍ୟାନନ୍ଦ ନାୟକ କୌଣସି କାରଣରୁ ତଳେ ତଳେ ପଡ଼ି ଅଚେତ ହୋଇପଡ଼ିଥିଲେ । ତାଙ୍କୁ ବିଦ୍ୟାଳୟ କର୍ତ୍ତୃପକ୍ଷ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଜି ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲା ବାଲିଗୁଡ଼ା ପୋଲିସ୍ । ପରିବାର ଲୋକଙ୍କ ଅଭିଯୋଗ ପରେ ପୋଲିସ ତଦନ୍ତ ଜାରି ରଖିଛି ।
ସାଂସଦ ଅପରାଜିତା ଷଢ଼ଙ୍ଗୀଙ୍କୁ ବିଜେଡିର ସମାଲୋଚନା
ଭୁବନେଶ୍ବର: ବିଜେପି ସାଂସଦ ଅପରାଜିତା ଷଢ଼ଙ୍ଗୀଙ୍କୁ ବିଜେଡିର ସମାଲୋଚନା । ରବିବାର ବିଜେଡି ପ୍ରେସମିଟ୍ କରି ସାଂସଦଙ୍କୁ ସମାଲୋଚନା କରିଛି । ନିକଟରେ ସାଂସଦଙ୍କ ଗସ୍ତ ସମୟରେ ସାଧାରଣ ଲୋକେ ତାଙ୍କୁ ବିରୋଧ କରିଥିଲେ । ତେବେ ସେହି ଲୋକଙ୍କୁ ସାଂସଦ ଗୁଣ୍ଡା ବୋଲି କହିଥିଲେ । ତେବେ ଏଠାରେ ସାଂସଦଙ୍କୁ ପ୍ରଶ୍ନ କରିଛି ବିଜେଡି । ଯେଉଁ ଭୋଟରମାନେ ତୁମକୁ ଭୋଟ ଦେଇ ଜିତାଇଲେ ସେମାନେ କେମିତି ଗୁଣ୍ଡା ହେଲେ । ଅପରାଜିତା ଭୋଟରଙ୍କୁ ଗୁଣ୍ଡା କହିବା ଦୁର୍ଭାଗ୍ୟଜନକ ବୋଲି କହିଛନ୍ତି ବିଜେଡି ନେତ୍ରୀ ଶ୍ରୀମୟୀ ମିଶ୍ର । ଏହାସହ ସେ କହିଛନ୍ତି କି, ଭୋଟରମାନେ ଯାହାଙ୍କୁ ଭୋଟ ଦେଇ ନିର୍ବାଚିତ କରିଛନ୍ତି ସେଇ ଜନପ୍ରତିନିଧିଙ୍କୁ ପ୍ରଶ୍ନ ପଚାରିବା ତାଙ୍କର ଅଧିକାର ଅଛି । ସାଂସଦ ଅପରାଜିତାଙ୍କୁ ଲୋକମାନେ ବିକାଶ ନେଇ ପ୍ରଶ୍ନ ପଚାରିଛନ୍ତି । ଆଉ ଅପରାଜିତା ସେମାନଙ୍କୁ ଗୁଣ୍ଡା କହିବା ଦୁର୍ଭାଗ୍ୟଜନକ । ଭୋଟରଙ୍କ ପାଖରେ ଅଧିକାର ଅଛି ଯେ ସେ ତାଙ୍କ ନିର୍ବାଚିତ ପ୍ରତିନିଧିଙ୍କୁ ପ୍ରଶ୍ନ ପଚାରିପାରିବେ ।
ବ୍ରହ୍ମପୁର ପରେ ସାନଖେମୁଣ୍ଡିରେ 5T ସଚିବଙ୍କ ବିକାଶ କାର୍ଯ୍ୟର ସମୀକ୍ଷା
ସାନଖେମୁଣ୍ଡି: ବ୍ରହ୍ମପୁର ପରେ ସାନଖେମୁଣ୍ଡିରେ 5T ସଚିବଙ୍କ ବିକାଶ କାର୍ଯ୍ୟର ସମୀକ୍ଷା । ଲୋକଙ୍କ ହାତରୁ ଅଭିଯୋଗପତ୍ର ନେବା ସହ ସମସ୍ୟାର ସମାଧାନ ପାଇଁ ଦେଉଛନ୍ତି ପ୍ରତିଶ୍ରୁତି । ସାନଖେମୁଣ୍ଡିରେ ଘୋଡାହାଡ ଡ୍ୟାମ୍ ଜଳ ପ୍ରକଳ୍ପ ପାଇଁ ୧୭୦ କୋଟି ଖର୍ଚ୍ଚ ହେବ । ଏହାଦ୍ବାରା ୮ଟି ପଞ୍ଚାୟତ ଉପକୃତ ହେବେ । ଋଷିକୂଲ୍ୟା ଜାନିବିଲି ପ୍ରକଳ୍ପ ପାଇଁ ୧୦୩ କୋଟି ଟଙ୍କା ଖର୍ଚ୍ଚ ହେବ । ଧରାକୋଟ କୁକୁଡ଼ାଖଣ୍ଡି ସାନଖେମୁଣ୍ଡି ୧ ଲକ୍ଷ ୩୦ ହଜାର ଏକର ଚାଷ ଜମିକୁ ପାଣି ଯୋଗାଯିବ । ପଲାସପୁର ଡେଙ୍ଗାଉସ୍ତା ମୁଖ୍ୟ ରାସ୍ତା ମରାମତି ପାଇଁ ୨୧ କୋଟି ଟଙ୍କା ଖର୍ଚ୍ଚ ହେବ । ପାଟପୁର କଙ୍କରଡ଼ା ଆମ୍ବଗାଁ ତିତିଖଣ୍ଡି ସେଟେଲ ମେଣ୍ଟ ସର୍ଭେ କାମ ଆରମ୍ଭ ହେବ । ୧୦୦ ବର୍ଷର ଜମି ଘର ସମସ୍ୟା ଦୂର ହେବ । ରାସ୍ତାର ଉନ୍ନତି କରଣ ପାଇଁ ୧୬ କୋଟି ଟଙ୍କା ଖର୍ଚ୍ଚ ହେବ । ମିଶନ ଶକ୍ତି କେମିତି ଟଙ୍କା ପାଇବେ ସେ ଚିନ୍ତା କରିଛନ୍ତି ମୁଖ୍ୟମନ୍ତ୍ରୀ । ମା’ ମାନଙ୍କୁ ବିନା ସୁଧରେ ୧ ଲକ୍ଷ ଟଙ୍କା ବିନା ସୁଧରେ ଦେଇଛନ୍ତି। । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଯାହା ମୁଖ୍ୟମନ୍ତ୍ରୀଙ୍କ ଯୁଗାନ୍ତ କାରି ପଦକ୍ଷେପ ବୋଲି କହିଛନ୍ତି 5T ସଚିବ ।
5T ସଚିବଙ୍କ ପ୍ରତିଶୃତି, ୨ଦିନ ମଧ୍ୟରେ ପିଇବା ପାଣି ସମସ୍ୟାର ହେବ ସମାଧାନ
ଦିଗପହଣ୍ଡି: ଦିଗପହଣ୍ଡିରେ ଜନଅଭିଯୋଗ ଶୁଣାଣି କାର୍ଯ୍ୟକ୍ରମରେ ଯୋଗଦେଇଛନ୍ତି 5T ସଚିବ ଭିକେ ପାଣ୍ଡିଆନ । ଲୋକଙ୍କଠାରୁ ଅଭିଯୋଗ ଗ୍ରହଣ କରି ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଛନ୍ତି 5T ସଚିବ । ସପ୍ତାହକରେ ମନ୍ଦିର, ଚର୍ଚ୍ଚ, ମସଜିଦ, କମ୍ୟୁନିଟି ସେଣ୍ଟର ସମ୍ପର୍କିତ ଅଭିଯୋଗର ବିଚାର କରାଯାଇ ମୁଖ୍ୟମନ୍ତ୍ରୀ ଖୁସି ଖବର ଦେବେ ବୋଲି 5T ସଚିବ ପ୍ରତିଶ୍ରୁତି ଦେଇଛନ୍ତି । ମୁଖ୍ୟମନ୍ତ୍ରୀ ଦେଉଥିବା ଅନୁଦାନକୁ ସ୍ବଚ୍ଛତାର ସହିତ ଉପଯୋଗ କରିବାକୁ ଆହ୍ବାନ ଦେଇଛନ୍ତି 5T ସଚିବ । ଆସନ୍ତା ୨ଦିନ ମଧ୍ୟରେ ପିଇବା ପାଣି ସମସ୍ୟାର ସମାଧାନ କରାଯିବ । ଲୋକଙ୍କ ଅଭିଯୋଗ ଅନୁସାରେ ସନ୍ଧ୍ୟା ସୁଦ୍ଧା ଗାଁର ଇଞ୍ଜିନିୟର ପହଞ୍ଚି ଅନୁଧ୍ୟାନ କରିବେ । ପାନୀୟ ଜଳ ପ୍ରକଳ୍ପ ପାଇଁ ଦିଗପହଣ୍ଡି ବ୍ଲକରେ ୧୭୦ କୋଟି ଟଙ୍କା ଖର୍ଚ୍ଚ ହେଉଥିବାବେଳେ ଜମିକୁ ଜଳସେଚନ ପାଇଁ ୫୦ କୋଟି ଟଙ୍କାରେ ଇନଷ୍ଟ୍ରିମ ଷ୍ଟୋରେଜ ନିର୍ମାଣ ଚାଲିଛି । ମିଶନ ଶକ୍ତି ମାଆ ଓ ଚାଷୀଙ୍କ ପାଇଁ ରାଜ୍ୟ ସରକାର ଅନେକ ଯୋଜନା ପ୍ରଣୟନ କରିଛନ୍ତି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ଗରିବ କିଭଳି ମାଗଣାରେ ଚିକିତ୍ସିତ ହେଉଛନ୍ତି ସେନେଇ ଲୋକଙ୍କ ଅବଗତ କରିଥିଲେ ଫାଇଭ-ଟି ସଚିବ ।