ବାଲେଶ୍ୱର: ବାଲେଶ୍ବର ଚନ୍ଦନେଶ୍ଵର ବ୍ୟାଙ୍କ ରବରି ଘଟଣା । ୬ ଆନ୍ତଃରାଜ୍ୟ ଡକାୟତ ଗିରଫ । ଅଭିଯୁକ୍ତଙ୍କ ନିକଟରୁ ୬ ଲକ୍ଷ ନଗଦ ଟଙ୍କା, ୩୦୦ ଗ୍ରାମ୍ ସୁନା ଅଳଙ୍କାର ଜବତ କରିଛି ବାଲେଶ୍ବର ପୋଲିସ୍ । ୧୦ଟି ମୋବାଇଲ ଓ ୩ଟି ପିସ୍ତଲ ଜବତ । ଗିରଫଙ୍କ ମଧ୍ଯରେ ପଶ୍ଚିମବଙ୍ଗ ଓ ଓଡ଼ିଶାର ଡକାୟତ ରହିଛନ୍ତି । ଅନ୍ୟ ୧୦ଟି ବ୍ୟାଙ୍କ ଡକାୟତିରେ ଅଭିଯୁକ୍ତଙ୍କ ସମ୍ପୃକ୍ତି ଥିବା ପୋଲିସ ସୂଚନା ଦେଇଛି ।

ଚଳିତ ବର୍ଷ ଏପ୍ରିଲ ୨୬ ତାରିଖରେ ଘଟିଥିଲା ଏହି ଫିଲ୍ମୀ ଷ୍ଟାଇଲ୍ ରବରୀ । ବନ୍ଧୁକ ମୁନରେ ବ୍ୟାଙ୍କ ଲୁଟିଥିଲେ ପଶ୍ଚିମବଙ୍ଗ ଲୁଟେରା । ୬ ରୁ ୭ ଜଣ ଦୁର୍ବୁତ୍ତ ଗ୍ରାହକ ସାଜି ବ୍ୟାଙ୍କକୁ ପଶିଥିଲେ । କିଛି ଲୁଟେରା ବାହାର ପଟୁ ବ୍ୟାଙ୍କ ଗେଟ୍ ବନ୍ଦ କରିଦେଇଥିଲେ । ମ୍ୟାନେଜର ଓ ଗ୍ରାହକଙ୍କୁ ବନ୍ଧୁକ ଓ ଛୁରା ଦେଖାଇ ଭୟଭୀତ କରାଇଥିଲେ । ବ୍ୟାଙ୍କ କର୍ମଚାରୀଙ୍କୁ ଆଣ୍ଠେଇ ଦେବା ସହ ଗ୍ରାହକଙ୍କ ପାଖରୁ ମୋବାଇଲ ଛଡାଇ ନେବା ସହ ଟଙ୍କା ଛଡ଼ାଇ ନେଇଥିଲେ । ଏହାପରେ ବ୍ୟାଙ୍କ ଲୁଟ୍ କରିଥିଲେ । ବ୍ୟାଙ୍କ ଲୁଟି ପଶ୍ଚିମବଙ୍ଗ ଅଭିମୁଖେ ବାଇକରେ ଛୁ ମାରିଥିଲେ ଲୁଟେରା । ଘଟଣାସ୍ଥଳରେ ପୂର୍ବାଞ୍ଚଳ ଆଇଜି ହିମାଂଶୁ ଲାଲ୍, SP ସାଗରିକା ନାଥା, ଜଳେଶ୍ଵର SDPO , ତାଳସାରୀ ମେରାଇନ୍ ପୋଲିସ ପହଞ୍ଚି ସିସିଟିଭି ଯାଞ୍ଚ କରିବା ସହିତ ଅଧିକ ତଦନ୍ତ କରିଥିଲେ ।