ଆସନ୍ତା ବର୍ଷ ଫେବୃଆରୀ ୧୫ ରୁ ୨୫ ଭିତରେ ଆରମ୍ଭ ହେବ ଯୁକ୍ତ ଦୁଇ ପରୀକ୍ଷା। ଡିସେମ୍ବର ୧୫ ସୁଦ୍ଧା ମିଳିବ ଆଡମିଟ କାର୍ଡ। ଇଣ୍ଟରନାଲ ପରୀକ୍ଷା ଡିସେମ୍ବର ୨୨ ରୁ ୩୧ ଯାଏ ହେବ। ଯେଉଁମାନେ ଏହି ସମୟରେ ଇଣ୍ଟରନାଲ ଦେଇ ପାରିବେ ନାହିଁ, ସେମାନେ ଜାନୁଆରୀ ୧୦ ରୁ ୧୫ ଯାଏଁ ଇଣ୍ଟରନାଲ ପାଇଁ ଆଉ ଏକ ସୁଯୋଗ ପାଇବେ। ଜାନୁଆରୀ ୨ ରୁ ୧୫ ଯାଏଁ ହେବ ପ୍ରକାରଟିକାଲ ପରୀକ୍ଷା। ଏକ୍ସ ରେଗୁଲାର ଫାର୍ମ ଫିଲ ଆପ ଅକ୍ଟୋବର ୧୩ ରୁ ନଭେମ୍ବର ୨୨ ଯାଏଁ ଚାଲିବ। ସେହିପରି ଆସନ୍ତା ଅକ୍ଟୋବର ୨୦ରୁ ନଭେମ୍ବର ୨୨ ଯାଏଁ ରେଗୁଲାର ପିଲାଙ୍କ ଫର୍ମ ଫିଲଅପ ଚାଲିବ। ନଭେମ୍ବର ୨୯ ସୁଦ୍ଧା ପରୀକ୍ଷା ସେଣ୍ଟରରେ ଲାଗିବ ସିସିଟିଭି କ୍ୟାମେରା। ଏଥର ନୂଆ ୮୯ ପରୀକ୍ଷା ସେଣ୍ଟର ଅପଗ୍ରେଡ଼ ସ୍କୁଲରେ ହେବ। ସମୁଦାୟ ୧୩୪୯ ସେଣ୍ଟରରେ ହେବ ଯୁକ୍ତ ଦୁଇ ପରୀକ୍ଷା। ଏଥର ନୂଆ କରି ପ୍ରୋଭିଜନାଲ ସାର୍ଟିଫିକେଟକୁ ଡିଜିଟାଲ କରାଯିବ।
ଗୁଜରାଟରେ ମନ୍ତ୍ରିମଣ୍ଡଳ ସମ୍ପ୍ରସାରଣ: ଶପଥ ନେଲେ ୨୫ ଜଣ ମନ୍ତ୍ରୀ
ଗୁଜରାଟରେ ଆଜି ମନ୍ତ୍ରିମଣ୍ଡଳର ବିସ୍ତାର ହୋଇଛି । ମୁଖ୍ୟମନ୍ତ୍ରୀ ପୂପେନ୍ଦ୍ର ପଟେଲଙ୍କ ନେତୃତ୍ବରେ ନୂଆ କ୍ୟାବିନେଟj ଶପଥ ଗ୍ରହଣ ସମାରୋହ କାର୍ଯ୍ୟକ୍ରମ ଆୟୋଜିତ ହୋଇଛି । ଗାନ୍ଧୀନଗରର ମହାତ୍ମା ମନ୍ଦିରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ହର୍ଷ ସଂଘଭିଙ୍କୁ ଡେପଟି ସିଏମ୍ କରାଯାଇଛି । ଏହି ଅଦଳବଦଳରେ ମୁଖ୍ୟତଃ ଜାତୀୟ ଓ କ୍ଷେତ୍ରୀୟ ସନ୍ତୁଳନକୁ ଧ୍ୟାନ ରଖାଯାଇଛି । ବିଭିନ୍ନ ଅଞ୍ଚଳରେ କ୍ୟାବିନେଟ ଓ ରାଜ୍ୟ ମନ୍ତ୍ରୀଙ୍କ ଚୟନ ଶ୍ରେଣୀବଦ୍ଧ ଭାବେ କରାଯାଇଛି । କିଛି ପୂର୍ବ କଂଗ୍ରେସ ନେତାଙ୍କୁ ବିଜେପିରେ ସାମିଲ ହେବା ପରେ ମନ୍ତ୍ରୀ ପଦ ମିଳିଛି । ୨୦୨୭ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ମନ୍ତ୍ରିମଣ୍ଡଳର ବିସ୍ତାର କରାଯାଇଛି । ନୂଆ ଶକ୍ତି ସଂଗ୍ରହ କରିବା ଓ ପାର୍ଟିର ସଂଗଠନକୁ ମଜବୁତ କରିବା ଲକ୍ଷ୍ୟ ରହିଛି । ଆଦିବାସୀ ସମ୍ପ୍ରଦାୟରୁ ୪ ଜଣ ମନ୍ତ୍ରୀ ହୋଇଛନ୍ତି । କ୍ଷେତୀୟ ସମାଜରୁ ରିଭାବା ଜାଡେଜା ଓ ସଞ୍ଜୟସିଂହ ମହିଡାଙ୍କୁ ମନ୍ତ୍ରୀ କରାଯାଇଛି । ଓବିସି ସମ୍ପ୍ରଦାୟରୁ ୮ ଜଣଙ୍କୁ ମନ୍ତ୍ରୀପଦ ମିଳିଛି । କ୍ୟାବିନେଟରେ ୧୯ ଜଣ ନୂଆ ଚେହେରା ସ୍ଥାନ ପାଇଛନ୍ତି ।
ପୋଲିସ ଏସଆଇ କେଳେଙ୍କାରୀ ଘଟଣାରେ ୪ ଜଣ ଗିରଫ
ପୋଲିସ ଏସଆଇ କେଳେଙ୍କାରୀ ଘଟଣା। ମୁନା ମହାନ୍ତି ସମେତ ବର୍ତ୍ତମାନ ସୁଦ୍ଧା ଗିରଫ ହୋଇଛନ୍ତି ୪ ଜଣ। ଏନେଇ ସୂଚନା ଦେଇଛନ୍ତି କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ର। ସେମାନେ ହେଲେ ମୁନ୍ନା ମହାନ୍ତି, ସହଯୋଗୀ ଶ୍ରୀକାନ୍ତ ମହାରଣା, ସୌମ୍ୟା ପ୍ରିୟଦର୍ଶିନୀ ସାମଲ, ଅଭିମନ୍ୟୁ ଦୋରା । ଅଭିଯୁକ୍ତ ମୁନ୍ନା ମହାନ୍ତି ପରୀକ୍ଷାର୍ଥୀମାନଙ୍କ ଲାଗି ବସ୍ ବୁକ୍ କରିଥିଲେ । ନିଜ ସ୍କର୍ପିଓରେ ପିଲାଙ୍କୁ ଖଣ୍ଡଗିରି ଆଣି ଛାଡିଥିଲେ ମୁନ୍ନା। ମୁନ୍ନାର ସ୍କର୍ପିଓ ଓ ହାଇୱା ଜବତ ହୋଇଛି । ସେହିଭଳି ସୌମ୍ୟା ପ୍ରିୟଦର୍ଶିନୀ ଆଶାୟୀ ମାନଙ୍କୁ ପ୍ରଥମରୁ ଯୋଗାଯୋଗ କରି କେଳାଙ୍କାରୀରେ ଯୋଡିଥିବାରୁ ତାକୁ ପୋଲିସ ଗିରଫ କରିଛି। ଆଗକୁ ଏ ନେଇ ଗିରଫଦାରୀ ବଢିବ ବୋଲି କ୍ରାଇମବ୍ରାଞ୍ଚ ଡିଜି କହିଛନ୍ତି । ଅନ୍ୟପଟେ ବିଜୟୱାଡା ଭଳି ଦିଘାରେ ମଧ୍ଯ ପରୀକ୍ଷା ଦେବାକୁ ୧୧୦ ଜଣ ଆଶାୟୀ ଯାଇଥାନ୍ତେ। ଏହି ସିଣ୍ଡିକେଟ ବା କ୍ୟାମ୍ପ କଥା ଅରବିନ୍ଦ ଦାସ ବୁଝୁଥିଲା। ତେବେ ୨୯ ତାରିଖରେ ଆନ୍ଧ୍ରପ୍ରଦେଶକୁ ତିନୋଟି ବସରେ ଯାଉଥିବା ୧୧୪ ଜଣ ଆଶାୟୀ ଗିରଫ ହେବା ପରେ ଦିଘା ଆଶାୟୀ ଆତ୍ମଗୋପନ କରିବାକୁ ସୁଯୋଗ ପାଇଥିଲେ । ଏବେ ସେମାନଙ୍କ ବିଷୟରେ ତଦନ୍ତ ଚାଲିଛି । ଘଟଣାରେ ୧୧୦ ଟି ମୋବାଇଲ ଜବତ ହୋଇଛି । ଏହାକୁ ପରୀକ୍ଷା ନିରୀକ୍ଷା ପାଇଁ ଫୋରେନସିକ ଲାବକୁ ପଠାଯାଇଛି । ପୂର୍ବରୁ ୧୧୭ ଓ ବର୍ତ୍ତମାନ ୪ ଜଣ ଗିରଫ ହେଲେଣି। କେଳେଙ୍କାରୀରେ ସାମିଲ ଥିବା ଲୋକଙ୍କୁ ଖୁବ୍ ଶୀଘ୍ର ଗିରଫ କରାଯିବ। ମୁଖ୍ୟ ଅଭିଯୁକ୍ତ ଶଙ୍କର ପୃଷ୍ଟିର ମୋବାଇଲ ସୁଇଚ ଅଫ ରହିଛି। ଦିଲ୍ଲୀ ଅଞ୍ଚଳରେ ଥିଲା ଶଙ୍କର ପୃଷ୍ଟି। ମାତ୍ର ଏବେ ସ୍ଥାନ ବଦଳାଇଛି। ଖୁବ୍ ଶୀଘ୍ର ଶଙ୍କରକୁ ଗିରଫ କରାଯିବ ବୋଲି କହିଛନ୍ତି କ୍ରାଇମବ୍ରାଞ୍ଚ ଡିଜି।
ବଡ଼ ନିଷ୍ପତ୍ତି: କ୍ରିକେଟର୍ସଙ୍କ ପରି ପୋଲିସଙ୍କ ପାଇଁ yo-yo ଟେଷ୍ଟ ବାଧ୍ୟତାମୂଳକ
ଉତ୍ତରପ୍ରେଦଶ ପୋଲିସରେ ଫିଟନେସକୁ ନେଇ ଏକ ବଡ଼ ନିଷ୍ପତ୍ତି ଗ୍ରହଣ କରାଯାଇଛି । ଏଣିକି କ୍ରିକେଟରଙ୍କ ପରି ଟ୍ରେନିଂ ଯବାନଙ୍କ ପାଇଁ ୟୋ-ୟୋ ଟେଷ୍ଟ ପାସ କରିବା ବାଧ୍ୟତାମୂଳକ ହେବ । ମୁରାଦାବାଦର ଡ. ଭୀମରାଓ ଅମ୍ବେଦକର ପୋଲିସ ଏକାଡେମୀରୁ ଏହାର ଶୁଭାରମ୍ଭ ହେବ । ପୋଲିସ କର୍ମୀଙ୍କୁ ଶାରୀରିକ ଭାବେ ଅଧିକ ସକ୍ଷମ କରାଇବା ଏହା ପଛର ଉଦ୍ଦେଶ୍ୟ ।
ପୋଲିସ ଟ୍ରେନିଂ ସମୟରେ ଟ୍ରେନି ଯବାନଙ୍କ ପାଇଁ କ୍ରିକେଟରଙ୍କ ପରି ୟୋ-ୟୋ ଟେଷ୍ଟ ପାସ କରିବା ବାଧ୍ୟତାମୂଳକ ବୋଲି ରାଜ୍ୟ ସରକାର ନିଷ୍ପତ୍ତି ଗ୍ରହଣ କରିଛନ୍ତି । ଏହି ଟେଷ୍ଟ ନଭେମ୍ବର ୧ରୁ ରାଜ୍ୟର ସମସ୍ତ ୧୧୨ ଟ୍ରେନିଂ ସେଣ୍ଟରରେ ଆରମ୍ଭ ହେବ । ଏହାଦ୍ବାରା ୟୁପି ପୋଲିସ ଶାରୀରିକ ଭାବେ ଅଧିକ ସକ୍ଷମ ହେବା ସହ ସେମାନଙ୍କର କାର୍ଯ୍ୟକ୍ଷମତାରେ ବୃଦ୍ଧି ଘଟିବ । ଏଥିସହ ପୋଲିସ କର୍ମୀ ଯେ କୌଣସି ଚ୍ୟାଲେଞ୍ଜପୂର୍ଣ୍ଣ ଅପରେସନ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ରହିବେ ।
Jioର ସବୁଠାରୁ ଶସ୍ତା ପ୍ଲାନ: ୮୯୫ ଟଙ୍କାରେ ୧୧ ମାସ ପର୍ଯ୍ୟନ୍ତ ମିଳିବ କଲିଂ-ଡାଟା ଓ SMS ସର୍ଭିସ
ରିଲାଏନ୍ସ ଜିଓର ପୋର୍ଟଫୋଲିଓରେ ଅନେକ ପ୍ରକାରର ରିଚାର୍ଜ ପ୍ଲାନ ମିଳିଥାଏ । କମ୍ପାନୀ ତରଫରୁ ଶସ୍ତା, ମହଙ୍ଗା ଏକାଧିକ ଅପ୍ସନ ଅଫର କରାଯାଇଥାଏ । ସେଥିମଧ୍ୟରେ କିଛି ଖାସ୍ ପ୍ଲାନ ମଧ୍ୟ ରହିଥାଏ । ଏହି ପ୍ଲାନ୍ସର ଫାଇଦା ଉଠାଇ ଗ୍ରାହକମାନେ କମ୍ ଦାମରେ ଅଧିକ ବେନିଫିଟ ହାସଲ କରିଥାନ୍ତି । ଏହା ମଧ୍ୟରେ ଜିଓ ଆଣିଦେଇଛି ସବୁଠାରୁ ଶସ୍ତା ପ୍ଲାନ । ଏଥିରେ ଗ୍ରାହକମାନେ ୮୯୫ ଟଙ୍କାରେ ୧୧ ମାସ ପର୍ଯ୍ୟନ୍ତ କଲି-ଡାଟା ଓ ଏସଏସଏମ ସର୍ଭିସ ପାଇପାରିବେ । ଏହା କମ୍ପାନୀର ଲଙ୍ଗ ଟର୍ମ ପ୍ଲାନ ହୋଇଥିବା ବେଳେ ଗ୍ରାହକମାନେ ୧୧ ମାସ ପର୍ଯ୍ୟନ୍ତ ଭାଲିଡିଟୀ ପାଇପାରିବେ ।
୮୯୫ ଟଙ୍କିଆ ପ୍ଲାନ ୩୩୬ ଦିନର ଭାଲିଡିଟି ସହିତ ଆସିଛି । ଏଥିରେ ୨ ଜିବି ଡାଟା ୨୮ ଦିନ ପାଇଁ ମିଳିବ । ଅର୍ଥାତ ପୂରା ଭାଲିଡିଟି ପାଇଁ ଆପଣଙ୍କୁ ୨୪ ଜିବି ଡାଟା ମିଳିବ । ଡାଟା ଲିମିଟି ସମାପ୍ତ ହୋଇଯିବା ପରେ ୟୁଜର୍ସଙ୍କୁ 64Kbpsର ସ୍ପିଡରେ ଡାଟା ମିଳିବ । ଏହାଛଡ଼ା କମ୍ପାନୀ ଅନଲିମିଟେଡ କଲିଂ ଓ ୫୦ ଏସଏମଏସ ୨୮ ଦିନ ପାଇଁ ଅଫର କରୁଛି । ଗ୍ରାହକଙ୍କୁ ମୋଟ ୬୦୦ ଏସଏମଏସ ମିଳିବ । ଏହି ପ୍ଲାନ ସହ କମ୍ପାନୀ ଅତିରିକ୍ତ ବେନିଫିଟ ମଧ୍ୟ ଅଫର କରୁଛି । ଏହି ପ୍ଲାନରେ JioTV ଓ JioAICloudର ଏକ୍ସେସନ ମିଳିବ । କିଛି ବଛା ବଛା ଓ ଖାସ ୟୁଜର୍ସଙ୍କୁ ଏହି ସୁବିଧା ମିଳିବ ।
ବାଇକକୁ ପିଟିଲା ଟ୍ରକ: ଘଟଣାସ୍ଥଳରେ ତିନି ଜଣଙ୍କ ମୃତ୍ୟୁ, ଜଣେ ଗୁରୁତର
ଢେଙ୍କାଳନ ଜିଲ୍ଲା କାମାକ୍ଷାନଗର ଥାନା ୫୩ ନମ୍ବର ଜାତୀୟ ରାଜପଥର ମାଳପୁରା ଓଭରବ୍ରିଜ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକକୁ ପଛରୁ ପିଟିଲା ଟ୍ରକ । ଘଟଣାସ୍ଥଳରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି l ମୃତକ ମଧ୍ୟରେ ଦୁଇ ଶିଶୁ ରହିଛନ୍ତି । ଜଣେ ପୁରୁଷଙ୍କ ମୃତ୍ୟୁ ହୋଇଥିବା ବେଳେ ଜଣେ ମହିଳା ଗୁରୁତର ଅବସ୍ଥାରେ କାମାକ୍ଷାନଗର ମେଡ଼ିକାଲରେ ଭର୍ତ୍ତି ହୋଇଛନ୍ତି l ଘଟଣାସ୍ଥଳରୁ ଦୁର୍ଘଟଣା ଘଟାଇଥିବା ଟ୍ରକ ଫେରାର ହୋଇଯାଇଛି l ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।
ଭୁବନେଶ୍ବର ସାଲିଆ ସାହିରେ ବୁଲିଲା ବୋଲଡଜର, ଭାଙ୍ଗିଲା ବସ୍ତି
ଭୁବନେଶ୍ବର ସାଲିଆ ସାହିରେ ବୁଲିଲା ବୋଲଡଜର, ଭାଙ୍ଗିଲା ବସ୍ତି । ସାଲିଆ ସାହିରେ ଆରମ୍ଭ ହେଲା ବସ୍ତି ଉଚ୍ଛେଦ ଅଭିଯାନ । ଏହାକୁ ବିରୋଧ କରି ଲୋକେ କରିଛନ୍ତି ହୋହଲ୍ଲା I ଉଚ୍ଛେଦ ଅଭିଯାନରେ ମୁତୟନ ହୋଇଛନ୍ତି ପୋଲିସ। ଜବରଦଖଲ ଉଚ୍ଛେଦ ଜାରି ରହିଥିବାବେଳେ ଏହାକୁ ନେଇ ଉତ୍ତେଜନା ପ୍ରକାଶ ପାଇଛି। ଯେଉଁମାନେ ଜାଗା ମିସନରେ ଘର ପାଇ ସାରିଛନ୍ତି ସେମାନେ ଘର ଛାଡୁ ନଥିବା ବେଳେ ଆଜି ବିଏମସି ତରଫରୁ ଉଚ୍ଛେଦ ଆରମ୍ଭ କରାଯାଇଛି।
ଖୁବଶୀଘ୍ର ହେବ ଯୁଦ୍ଧର ଅନ୍ତ ; ବୁଡାପେଷ୍ଟରେ ଟ୍ରମ୍ପ-ପୁଟିନ ଆଲୋଚନା
ନନ୍ଦିଘୋଷ ବ୍ୟୁରୋ: ଖୁବଶୀଘ୍ର ଅନ୍ତ ହୋଇପାରେ ରୁଷ-ୟୁକ୍ରେନ ଯୁଦ୍ଧ। ଦୁଇ ସୁପରପାୱାର ରାଷ୍ଟ୍ରର ରାଷ୍ଟ୍ରମୁଖ୍ୟ ହେବେ ଏକାଠି। ହଙ୍ଗେରୀ ବୁଦାପେଷ୍ଟରେ ଏକାଠି ହେବେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ। ଏନେଇ ନିଜେ ସୂଚନା ଦେଇଛନ୍ତି ଟ୍ରମ୍ପ। ନିଜର ସୋସିଆଲ ମିଡିଆରେ ଟ୍ରମ୍ପ କହିଛନ୍ତି- ମଧ୍ୟପ୍ରାଚ୍ୟରେ ଶାନ୍ତି ପ୍ରତିଷ୍ଠା ସମ୍ପର୍କରେ ତାଙ୍କୁ ପୁଟିନ ଅଭିନନ୍ଦନ ଜଣାଇଥିଲେ। ବହୁ ଦିନ ଧରି ଚାଲିଆସିଥିବା ବିବାଦର ଅବସାନ କ୍ଷେତ୍ରରେ ପ୍ରମୁଖ ଭୂମିକା ଯୋଗୁ ଟ୍ରମ୍ପଙ୍କୁ ଅଭିନନ୍ଦନ ଜଣାଇଥିଲେ ପୁଟିନ। ମଧ୍ୟପ୍ରାଚ୍ୟ ପରି ରୁଷ-ୟୁକ୍ରେନ ଯୁଦ୍ଧର ଅବସାନ ହେଉ ବୋଲି ସେ ଆଶା ବ୍ୟକ୍ତ କରିଥିଲେ। ଏହା ସହ ଟ୍ରମ୍ପଙ୍କ ମାନବିକତାକୁ ମଧ୍ୟ ପ୍ରଶଂସା କରିଥିଲେ ପୁଟିନ। ଟ୍ରମ୍ପ କହିଛନ୍ତି- ଏହି କଥାବାର୍ତ୍ତାର ଭିତ୍ତି ପ୍ରସ୍ତୁତ କରିବା ଲାଗି ଆସନ୍ତା ସପ୍ତାହରେ ଏକ ଉଚ୍ଚସ୍ତରୀୟ ପରାମର୍ଶଦାତା ବୈଠକ କରାଯିବ। ହ୍ବାଇଟହାଉସରେ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସହ ଟ୍ରମ୍ପଙ୍କ ସାକ୍ଷାତ କାର୍ଯ୍ୟକ୍ରମ ରହିଛି ।
ନୂଆପଡ଼ା ଉପନିର୍ବାଚନ ପାଇଁ ଅଣ୍ଟା ଭିଡିଲା ବିଜେଡି ; ବିଭିନ୍ନ ବ୍ଲକ ଓ ଏନଏସି ପାଇଁ ନେତାଙ୍କୁ ମିଳିଲା ଦାୟିତ୍ୱ
ନୂଆପଡ଼ା : ନୂଆପଡ଼ା ଉପନିର୍ବାଚନ ପାଇଁ ଅଣ୍ଟା ଭିଡିଲା ବିଜେଡି। ଉପନିର୍ବାଚନ ପାଇଁ ବିଜେଡି ନେତାଙ୍କୁ ଦିଆଯାଇଛି ଦାୟିତ୍ୱ। ବିଭିନ୍ନ ବ୍ଲକ ଓ ଏନଏସି ପାଇଁ ନେତାଙ୍କୁ ମିଳିଲା ଦାୟିତ୍ୱ। ନୂଆପଡ଼ା ବ୍ଲକ ପାଇଁ ୧୮ ଓ ଏନଏସି ପାଇଁ ୮ ନେତାଙ୍କୁ ଦାୟିତ୍ୱ ଦିଆଯାଇଛି। ସେହିପରି କୋମନା ବ୍ଲକ ଦାୟିତ୍ୱରେ ୧୮ ଜଣ ନେତା ଥିବା ବେଳେ, ଖରିଆର ରୋଡ୍ ଏନଏସି ପାଇଁ ୮ ନେତାଙ୍କୁ ଦାୟିତ୍ୱ ଦିଆଯାଇଛି ।
ଦାୟିତ୍ୱ ବଣ୍ଟନ କରିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ। ନୂଆପଡ଼ା ବ୍ଲକ ପାଇଁ ନିରଞ୍ଜନ ପୂଜାରୀ, ସଂଜୟ ଦାସବର୍ମା, ଅରୁଣ ସାହୁ, ପ୍ରତାପ ଜେନା, ପ୍ରୀତିରଂଜନ ଘଡ଼େଇ, ଦିବ୍ୟଶଙ୍କର ମିଶ୍ର, ଧ୍ରୁବ ସାହୁ, ମନୋହର ରନ୍ଧାରୀ, ପ୍ରଦୀପ ଦିଶାରୀ, ତୁଷାରକାନ୍ତି ବେହେରା, ବ୍ରଜ ପ୍ରଧାନ, ରମେଶ ଚନ୍ଦ୍ର ବେହେରା, ସାରଦା ଜେନା, ରୋମାଞ୍ଚ ରଂଜନ ବିଶ୍ୱାଳ, ସୁଦର୍ଶନ ହରିପାଲ, ପ୍ରଶାନ୍ତ ବେହେରା, ଦେବୀ ରଂଜନ ତ୍ରିପାଠୀ ଓ ନୀହାର ରଂଜନ ବେହେରାଙ୍କୁ ଦାୟିତ୍ୱ ଦିଆଯାଇଛି। ସେହିପରି କୋମନା ବ୍ଲକ ପାଇଁ ପ୍ରଣବ ପ୍ରକାଶ ଦାସ, ପ୍ରତାପ ଦେବ, ଅଧିରାଜ ପାଣିଗ୍ରାହୀ, ପୁଷ୍ପେନ୍ଦ୍ର ସିଂହଦେଓ, ଯୋସେଫ ସିଂ, ରବି ନନ୍ଦ, ପ୍ରଦୀପ ମାଝୀ, ନଳିନୀକାନ୍ତ ପ୍ରଧାନ, ବ୍ୟୋମକେଶ ରାୟ, ସୁଶାନ୍ତ ରାଉତ, ଶୁଭାଶିଷ ଖୁଣ୍ଟିଆ, ଜଗନ୍ନାଥ ସାରକା, ସରୋଜ ମେହେର, ବିଶ୍ୱରଂଜନ ମଲ୍ଲିକ, ଅବିନାଶ ସାମଲ, ଈଶ୍ୱର ପାଣିଗ୍ରାହୀ, ରୋହିତ ଯୋସେଫ ତିର୍କୀ ଓ ଉମାକାନ୍ତ ସାମନ୍ତରାୟଙ୍କୁ ଦାୟିତ୍ୱ ଦେଇଛନ୍ତି ସୁପ୍ରିମୋ ନବୀନ ପଟ୍ଟନାୟକ।
ଏହାସହ ନୂଆପଡ଼ା ଏନଏସି ପାଇଁ ଅତନୁ ସବ୍ୟସାଚୀ ନାୟକ, ସାରଦା ନାୟକ, ଦେବେଶ ଆଚାର୍ଯ୍ୟ, ମନୋରମା ମହାନ୍ତି, ଦୀପାଳି ଦାସ, ଆୟୁବ ଖାନ, ରୀତା ସାହୁ, ସ୍ୱରୂପ ଦାସ ଓ ଖରିଆର ରୋଡ ପାଇଁ ରଣେନ୍ଦ୍ର ପ୍ରତାପ ସ୍ୱାଇଁ, ବିକ୍ରମ ପଣ୍ଡା, କଳିକେଶ ସିଂହଦେଓ, ସୌଭିକ ବିଶ୍ୱାଳ, ପ୍ରଦ୍ୟୁମ୍ନ ତ୍ରିପାଠୀ, ଗୌତମବୁଦ୍ଧ ଦାସ, ପ୍ରଶାନ୍ତ ମୁଦୁଲି ଓ ରୁଦ୍ର ପ୍ରସାଦ ମହାରଥିଙ୍କ ଦାୟିତ୍ବ ପ୍ରଦାନ କରିଛନ୍ତି ନବୀନ ପଟ୍ଟନାୟକ।
ବହୁଚର୍ଚ୍ଚିତ SI ନିଯୁକ୍ତି ପରୀକ୍ଷା ମହାକେଳେଙ୍କାରୀ : ମାଷ୍ଟରମାଇଣ୍ଡ ମୁନା ମହାନ୍ତି ଗିରଫ
ଭୁବନେଶ୍ବର : ବହୁଚର୍ଚ୍ଚିତ ସବ-ଇନିସପେକ୍ଟର ନିଯୁକ୍ତି ପରୀକ୍ଷା ମହାକେଳେଙ୍କାରୀର ମାଷ୍ଟରମାଇଣ୍ଡ ମୁନା ମହାନ୍ତି ଗିରଫ । ମୁନାକୁ ଦଶପଲ୍ଲାରେ ଥିବା ଏକ ଫାର୍ମ ହାଉସରୁ ଗିରଫ କରିଛି କ୍ରାଇମବ୍ରାଞ୍ଚ । ମୁନା ସମେତ ଦୁଇ ସହଯୋଗୀ ସୁକାନ୍ତ ମହାରଣା ଓ ଶ୍ରୀକାନ୍ତ ମହାରଣାକୁ ଗିରଫ କରାଯାଇଛି । ମୋଟ ୩ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଆଜି ୩ ଜଣଙ୍କୁ ବ୍ରହ୍ମପୁର କୋର୍ଟରେ ହାଜର କରାଯିବ । ଗିରଫ ପରେ ଅଭିଯୁକ୍ତଙ୍କୁ ବ୍ରହ୍ମପୁର ନେଉଛି କ୍ରାଇମବ୍ରାଞ୍ଚ । ସେପଟେ ମାଷ୍ଟରମାଇଣ୍ଡ ଶଙ୍କର ପୃଷ୍ଟିର ଖୋଜ ଖବର ପାଉନି ତଦନ୍ତାକାରୀ ସଂସ୍ଥା । ଗତ ୩୦ ତାରିଖରୁ ରାଜ୍ୟରେ ସବଇନିସପେକ୍ଟର ନିଯୁକ୍ତି ପରୀକ୍ଷା ମହାକେଳେଙ୍କାରୀ ନେଇ ହଇଚଇ ସୃଷ୍ଟି ହୋଇଥିବାବେଳେ, ମୁନା ମହାନ୍ତି ତାଙ୍କ ସହଯୋଗୀଙ୍କ ସହ ଗୋଟିଏ ଫାର୍ମ ହାଉସରୁ ଗିରଫ ହେଉଛନ୍ତି । କିଏ ସେ ଫାର୍ମ ହାଉସ ମାଲିକ ? ଯିଏ ଏଭଳି ଅଭିଯୁକ୍ତଙ୍କୁ ତାଙ୍କ ଫାର୍ମ ହାଉସରେ ଶରଣ ଦେଇଥିଲା ? କ୍ରାଇମବ୍ରାଞ୍ଚ ତାଙ୍କୁ ସ୍କାନରକୁ ଆଣିବ କି ? ପୂର୍ବରୁ ଏହି ମହାକେଳେଙ୍କାରୀ ମାମଲାରେ ୩ ଦଲାଲ ଗିରଫ ହୋଇଥିଲେ। ଯେଉଁମାନେ କି ଗତକାଲି ଜାମିନ ପାଇଁ ହାଇକୋର୍ଟରେ ଆବେଦନ କରିଥିଲେ। ମୁନା ମହାନ୍ତି ହେଉଛି ମାଷ୍ଟରମାଇଣ୍ଡ ଶଙ୍କର ପୃଷ୍ଟିର ସହଯୋଗୀ। ଆଶାୟୀଙ୍କ ଠାରୁ ଟଙ୍କା ସଂଗ୍ରହ କରି ବରମୁଣ୍ଡା ବସଷ୍ଟାଣ୍ଡରେ ଆଶାୟୀଙ୍କୁ ବସରେ ବସାଇବାକୁ ଆସିଥିବା ଭିଡିଓ ଦେଖିବାକୁ ମିଳିଥିଲା। ଏବେ ପ୍ରଶ୍ନ ଉଠୁଛି କେଳେଙ୍କାରୀର ମାଷ୍ଟରମାଇଣ୍ଡ କୁହାଯାଉଥିବା ଶଙ୍କର ପୃଷ୍ଟି ଗଲେ କୁଆଡ଼େ ? ଶଙ୍କର ପୃଷ୍ଟି ଏବେ କେଉଁଠି? ଶୁଣାଯାଉଛି ଲୁକ ଆଉଟ ସର୍କୁଲାର ଜାରି ହେବା ପୂର୍ବରୁ ମାଷ୍ଟରମାଇଣ୍ଡ ଶଙ୍କର ପୃଷ୍ଟି ଦୁବାଇ ଚାଲିଯାଇଛି ? ଯଦି ଏହା ସତ ତାହେଲେ ସାଂଘାତିକ।
ଏହାର ଅର୍ଥ ଶଙ୍କର ପୃଷ୍ଟି ପଛରେ ବଡ଼ ବଡ଼ିଆ ବାବୁଙ୍କ ଲମ୍ବା ହାତ ରହିଛି। ଲୁକ ଆଉଟ ସର୍କୁଲାର ଜାରି ହେଲା ଗତ ୧୨ ତାରିଖ ରବିବାର ଦିନ। ଏହାସହିତ ଶଙ୍କର ପୃଷ୍ଟି ସମେତ ୧୦ ଜଣଙ୍କ ଆଉକାଉଣ୍ଟଙ୍କୁ ଫ୍ରିଜ କରିଥିଲା କ୍ରାଇମବ୍ରାଞ୍ଚ। ଶଙ୍କର ପୃଷ୍ଟି ଧରାପଡ଼ିଗଲେ କାଳେ ଅସଲ ଗୁମର ଖୋଲିଯିବ। ଧରା ପଡ଼ିଯିବେ ବଡ଼ ବଡ଼ିଆ। ସେଥିପାଇଁ ତାଙ୍କୁ ଆଗରୁ ବିଦେଶକୁ ଖସାଇ ଦେଇ ଲୁକ ଆଉଟ ସର୍କୁରାଲ ଜାରି କରାଗଲା ବୋଲି ଚର୍ଚ୍ଚା ହେଉଛି। ଏବେ ଶଙ୍କର ପୃଷ୍ଟି ଗିରଫ ନ ହେବା ଯାଏ SI କେଳେଙ୍କାରୀର ଗୁମର ଖୋଲିବନି। କଣ ରାଜ୍ଯ କ୍ରାଇମବ୍ରାଞ୍ଚ ଦୁବାଇ ଯାଇ ଶଙ୍କରଙ୍କୁ ଠାବ କରିପାରିବ ? ନା ରାଜ୍ଯ କି ଦେଶ ଭିତରେ ରହି ଶଙ୍କର ଗୋଟି ଚଳାଉଛନ୍ତି । ସେପଟେ ମାନବସମ୍ବଳ ଅଭାବ ବୋଲି ଦର୍ଶାଇ ଭାଇରାଲ ହୋଇଥିବା ଏକ ପ୍ରେସ ରିଲିଜ ଜରିଆରେ ନିଜ ମୁଣ୍ଡରୁ ଦୋଷ ଝାଡ଼ିଦେବାକୁ ଉଦ୍ୟମ କରିଛି ଓପିଆରବି।