spot_img
Home Blog Page 3008

ଚାଷୀଙ୍କ ମୁହଁରେ ହସ

0

ଟାଙ୍ଗୀ: ଚାଷୀର ଦୂର ହୋଇଛି ଦୁଃଖ । ବର୍ଷା ଛୁଆଁରେ ହସୁଛି  ଉଜୁଡା କ୍ଷେତ । ଦୀର୍ଘ ଦିନ ପରେ ପୁଣି ଆରମ୍ଭ ହୋଇଛି ରୂଆ ବେଉସା । ଲଘୁଚାପ ବର୍ଷା  ହେବା ଫଳରେ  ଗଜା ମରୁଡି ହେବାକୁ ବସିଥିବା ଜମିରେ  ହସୁଛି ଧାନ ତଳି । ଟାଙ୍ଗି ବ୍ଲକରେ ମରୁଡ଼ି ଭଳି ପରିସ୍ଥିତିକୁ ଲଘୁଚାପ ବର୍ଷା ଏଡାଇ ଦେଇଛି  । ଫଳରେ  ଆଗେଇଇଛି ଚାଷ କାମ  । ବିଳମ୍ବ ହେଲେ ବି ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକରେ ଆରମ୍ଭ ହୋଇଛି ଚାଷ କାର୍ଯ୍ୟ  । ଏହି ଅଞ୍ଚଳରେ ମରୁଡ଼ି ଭଳି ପରିସ୍ଥିତିକୁ ଲଘୁଚାପ ବର୍ଷା ଏଡାଇ ଦେଇଛି । ପଛକୁ ପଛକୁ ଲଘୁଚାପ ଆସୁଥିବାରୁ ଚଳିତବର୍ଷ ଭଲ ଫସଲ  ହେବ ବୋଲି ଆଶା ରଖିଛି ଚାଷୀ  ।

ଲଘୁଚାପ ବର୍ଷା ଯୋଗୁ ଜମିରେ ଭରି ରହିଛି ପାଣି  । ଫଳରେ ରୁଆ ବେଉସା ସାଙ୍ଗକୁ ବଛା ବଛିରେ ଲାଗି ପଡିଛି ଚାଷୀ । ଚଳିତ ବର୍ଷ  ଟାଙ୍ଗି ବ୍ଲକର 26 ପଂଚାୟତରେ 23 ହଜାର 722 ଏକର ଚାଷ ଜମିରେ ଧାନ ରୁଆ କାମ ଶେଷ ହୋଇଛି । ଧାନ ରୁଆ ଶେଷ ପରେ ନାନୋ ୟୁରିଆ ଵ୍ୟଵହାର କରିବାକୁ ପରାମର୍ଶ ଦେଇଛି କୃଷି ବିଭାଗ । ଏହା ସହ ଧାନ ଚାଷ ହୋଇଥିବା ଜମି ହୁଡ଼ାରେ ବିରି ବିହନ ବୁଣି ରୋଜଗାର ବୃଦ୍ଧି କରିବାକୁ ପରାମର୍ଶ ଦେଇଛନ୍ତି ଟାଙ୍ଗି କୃଷି ଜିଲା ଅଧିକାରୀ ।

 

କଟକରେ ଛୁରାମାଡ଼

କଟକ: କଟକରେ ଚାଞ୍ଚଲ୍ୟ । ଦିନ ଦ୍ବିପ୍ରହରରେ ମହିଳାଙ୍କୁ ଛୁରା ମାଡ଼ । ଦୋଳମୁଣ୍ଡେଇ ଅଞ୍ଚଳରେ ଘଟିଛି ଘଟଣା । ଏକ ପାର୍ଲର ରେ କାମ କରନ୍ତି ମହିଳା । ଛୁରାମାଡ଼ କରି ଦୁର୍ବୃତ୍ତ ଫେରାର ହୋଇଯାଇଥିବାବେଳେ ଆହତ ଅବସ୍ଥାରେ ମହିଳାଙ୍କୁ ଏସସିବି ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୁରୀଘାଟ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଆଖପାଖ ଅଂଚଳର ସିସି ଟିଭି ଯାଞ୍ଚ କରୁଛି ପୋଲିସ । ମହିଳା ଜଣଜ ତେଲେଙ୍ଗା ବଜାର ଅଂଚଳର ସୁଚିତ୍ରା ଖଟୁଆ । ଛିରାମାଡ଼ କରିଥିବା ଯୁବକ ଜଣକ ମୁହଁରେ ମାସ୍କ ପିନ୍ଧିଥିବାରୁ ଚିହ୍ନି ପାରି ନଥିଲେ ମହିଳା । ପ୍ରେମ ବ୍ୟାପାରକୁ କେନ୍ଦ୍ର କରି ଛୁରାମାଡ଼ ହୋଇଥିବା ସନ୍ଦେହ କରୁଛି ପୋଲିସ୍ ।

ଜାଣନ୍ତୁ ୪ ଦିନରେ କେତେ ରୋଜଗାର କଲାଣି ’ଯବାନ’

ନନ୍ଦିଘୋଷ ବ୍ୟୁରୋ: ବକ୍ସ ଅଫିସରେ ବୋବାଲ ମଚାଉଛି ଶାହାରୁଖ ଖାନଙ୍କ ଅଭିନୀତ ଫିଲ୍ମ ଯବାନ । ଭଲ ରୋଜଗାର କରିବା ସହ ଦର୍ଶକଙ୍କ ମହଲରେ ଆଦୃତ ହୋଇପାରିଛି । ଗୋଟିଏ ପରେ ଗୋଟିଏ ଫିଲ୍ମର ରେକର୍ଡ ଭାଙ୍ଗିବାକୁ ଯାଉଛି ଯବାନ । ପ୍ରଥମ ଦିନରେ ୭୫ କୋଟି ଟଙ୍କା ବ୍ୟବସାୟ କରିଥିଲା । ଦ୍ବିତୀୟ ଦିନରେ ୫୩ କୋଟି ଏବଂ ତୃତୀୟ ଦିନରେ ୭୪.୫ କୋଟି ଯଙ୍କା ସଂଗ୍ରହ କରିଛି । ସେପଟେ ଚତୁର୍ଥ ଦିନରେ ସବୁଠାରୁ ଅଧିକ ବ୍ୟବସାୟ ଅଥବା ୮୦ କୋଟି ଟଙ୍କା ବ୍ୟବସାୟ କରିବାକୁ ଯାଉଛି । ଆାଡ଼ଭାନ୍ସ ଟିକେଟ ବୁକିଂରେ ଯବାନ ପୂର୍ବରୁ ରେକର୍ଡ କରିସାରିଛି ।

ସମୁଦାୟ ୨୮୨.୭୩ କୋଟି ଯଙ୍କା ସଂଗ୍ରହ କରିଛି । ଯଦି ଆମେ ରେକର୍ଡ ସମ୍ପର୍କରେ କହିବା ତାହେଲେ ୪ ଦିନରେ ୪ଟି ବଡ଼ ରେକର୍ଡ ମଧ୍ୟ ଭାଙ୍ଗିଛି । ରିଲିଜର ପ୍ରଥମ ଦିନରେ ୭୫ କୋଟି ଟଙ୍କା ସଂଗ୍ରହ କରିବାର ରେକର୍ଡ କରିଛି । ପୂର୍ବରୁ ପଠାନ ୫୫ କୋଟି ଟଙ୍କା ସଂଗ୍ରହ କରିଥିଲା । ଅନ୍ୟପଟେ ’ପଠାନ’ ତିନି ଦିନରେ ୧୬୬.୫ କୋଟି ଟଙ୍କା ବ୍ୟବସାୟ କରିଥିବାବେଳେ ଯବାନ ୨୦୨ କୋଟି ଟଙ୍କା ଆୟ କରିପାରିଛି । କେବଳ ବଲିଉଡ ନୁହେଁ ସାଉଥ ଫିଲ୍ମ ଇଣ୍ଡଷ୍ଟ୍ରିର ଅନେକ ଫିଲ୍ମର ରେକର୍ଡ ମଧ୍ୟ ଭାଙ୍ଗିଛି । ତିନି ଦିନରେ ବିଶ୍ବବ୍ୟାପି କଲେକ୍ସନ ୩୭୫ କୋଟି ସଂଗ୍ରହ କରିପାରିଛି ।

 

ପୁଣି ରକ୍ତମୁଖା ଋଷ, କିବରେ ହମଲା

ନନ୍ଦିଘୋଷ ବ୍ୟୁରୋ: ପୁଣି ରକ୍ତମୁଖା ଋଷ । ରବିବାର ସକାଳୁ ୟୁକ୍ରେନ ରାଜଧାନୀ କିବ୍ ଉପରେ ଋଷ କରିଛି ହମଲା । ଫଳରେ କିବର ବିଭନ୍ନ ସ୍ଥାନରେ ବିସ୍ଫୋରଣ ଘଟିଛି । ପ୍ରାୟ ୨ ଘଣ୍ଟା ଧରି ଚାଲିଥିବା ହମଲାରେ ଅନେକ କ୍ଷୟକ୍ଷତି ଘଟିଥିବା ସୂଚନା ମିଳିଛି । ୟୁକ୍ରେନର ବିଭିନ୍ନ ସ୍ଥାନରେ ଋଷ ୩୨ଟି ଡ୍ରୋନ ଆକ୍ରମଣ କରିଥିଲା । ହେଲେ ସେଥିରୁ ୨୫ଟିକୁ ଖସାଇଦିଆଯାଇଛି ବୋଲି ଦାବି କରିଛି ୟୁକ୍ରେନ । କିବରେ ୫ଟି ବିସ୍ଫୋରଣ ଘଟିଥିବା କୁହାଯାଇଛି । କିବ୍ ମେୟର ଭିତାଲି କ୍ଲିତସ୍କୋ କହିଛନ୍ତି- ଋଷର ଆକ୍ରମଣରେ ଜଣେ ବ୍ୟକ୍ତି ଆହତ ହୋଇଥିବାବେଳେ ଏକ ପାର୍କରେ ଅଗ୍ନିକାଣ୍ଡ ଘଟିଛି ।

ସହରର ୪ଟି ଡିଷ୍ଟ୍ରିକ୍ଟରେ ବ୍ୟାପକ କ୍ଷତି ଘଟିଛି । ସେଭିନଭିସ୍କି ଡିଷ୍ଟ୍ରିକ୍ଟରେ ଏକ ଆପାର୍ଟମେଣ୍ଟରେ ଅଗ୍ନିକାଣ୍ଡ ଘଟିଛି । ଗତ ଗୁରୁବାର କୋସ୍ତିନଭକା ସହରରେ ଋଷ ହମଲାରେ ପ୍ରାଣ ହରାଇଥିଲେ ୧୭ ଜଣ । ସେପଟେ ଆସନ୍ତା ବର୍ଷ ବ୍ରାଜିଲର ରିଓ ଡି ଜେନେରୋରେ ହେବାକୁ ଯାଉଥିବା ଗ୍ରୁପ ୨୦ ସମ୍ମିଳନୀରେ ଯଦି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଯୋଗଦେବେ ତେବେ ତାଙ୍କୁ ଗିରଫ କରାଯାଇପାରିବ ନାହିଁ ବୋଲି କହିଛନ୍ତି ବ୍ରାଜିଲ ରାଷ୍ଟ୍ରପତି ଲୁଲା ଡା ସିଲଭା ।

ଦିଲ୍ଲୀ ସମ୍ମିଳନୀରେ ଯୋଗ ଦେଇଥିବା ସିଲଭା କହିଛନ୍ତି- ଆସନ୍ତା ବର୍ଷ ତାଙ୍କ ଦେଶରେ ଗ୍ରୁପ୨୦ ସମ୍ମିଳନୀ ହେବ । ଏହି ସମ୍ମିଳନୀରେ ଯୋଗଦେବାକୁ ପୁଟିନଙ୍କୁ ଅନୁରୋଧ କରାଯିବ । ସେ ବିଶ୍ବାସ କରୁଛନ୍ତି- ପୁଟିନ ନିରାପଦରେ ବ୍ରାଜିଲ ଯାଇପାରିବେ । ଋଷ-ୟୁକ୍ରେନ ଯୁଦ୍ଧକୁ ନେଇ ପୁଟିନଙ୍କ ବିରୋଧରେ ଆନ୍ତର୍ଜାତିକ କ୍ରିମିନାଲ କୋର୍ଟ ଗିରଫ ପରଓ୍ବାନା ଜାରି କରିଥିବାବେଳେ ସମ୍ଭବତଃ ଏହି କାରଣକୁ ନେଇ ସେ ନୂଆଦିଲ୍ଲୀ ଆସିନାହାନ୍ତି ବୋଲି ଚର୍ଚ୍ଚା ହେଉଛି ।

 

ଜୟନାରାୟଣ ମିଶ୍ରଙ୍କୁ ଲେନିନଙ୍କ ସମାଲୋଚନା

ଭୁବନେଶ୍ବର: ଓଡ଼ିଶାରେ ଭଲ କାମ ହେଲେ ଅଥବା ଲୋକଙ୍କର ମଙ୍ଗଳ ହେଲେ ଦୁଃଖିତ ନହୋଇ ଖୁସି ହେଉ ବିଜେପି । ବିରୋଧୀ ଦଳ ନେତା ଜୟନାରାୟଣ ମିଶ୍ରଙ୍କୁ ସମାଲୋଚନା କରି ବିଜେଡି ମୁଖପାତ୍ର ଲେନିନ ମହାନ୍ତି କହିଛନ୍ତି, ଓଡ଼ିଶାର ଉନ୍ନତିରେ ରାଜ୍ୟ ବିଜେପି ହତୋତ୍ସାହିତ ହୋଇନଯାଉ । ଯେତେବେଳେ ଓଡ଼ିଶା ହକି ବିଶ୍ବକପ୍‌ ଆୟୋଜନ କରିଥିଲା, ସେତେବେଳେ ସାଢ଼େ ଚାରି କୋଟି ଓଡ଼ିଆ ଓ ୧୪୦ କୋଟି ଭାରତୀୟ ଗର୍ବ ଅନୁଭବ କରିଥିଲେ । ମାତ୍ର ଏଥିରେ ଓଡ଼ିଶା ବିଜେପି ଦୁଃଖଦ ଘଟଣା ଘଟିଲା ଭଳି ପ୍ରତିକ୍ରିୟା ରଖୁଛି । ରାଜ୍ୟ ଓ ଦେଶ ପାଇଁ ଯେତେବେଳେ କିଛି ଭଲ କାମ ହୁଏ ଓ ଲୋକ ଖୁସି ହୁଅନ୍ତି, ସେତେବେଳେ କେମିତି ଖୁସି ହେବା, ତାହା ବିଜୁ ଜନତା ଦଳକୁ ଓଡ଼ିଶାର ବିଜେପି ଶିଖାଇବାର ଆବଶ୍ୟକତା ନାହିଁ ବୋଲି ଲେନିନ କହିଛନ୍ତି । ରାଷ୍ଟ୍ର ନିର୍ମାଣ ପାଇଁ ହେଉଥିବା କଲ୍ୟାଣମୂଳକ କାମ ପାଇଁ ସବୁଠୁ ବେଶି ଖୁସି ବିଜେଡି କର୍ମୀ ହୋଇଥାନ୍ତି । ଓଡ଼ିଶାରେ ଯେତେବେଳେ କିଛି ଭଲ କାମ ହେଉଛି, ସେତେବେଳେ ବିଜେପି କର୍ମୀ ଯେଭଳି ଦୁଃଖିତ ଓ ହତୋତ୍ସାହିତ ହୋଇଯାଉଛନ୍ତି, ସେପରି ନହେବାକୁ ବିଜେଡି ଅନୁରୋଧ କରିଛି  ।

 

ଗୋଟିଏ ପରିବାରର ୩ଜଣଙ୍କ ଆତ୍ମହତ୍ୟା ଉଦ୍ୟମ

ବରଗଡ଼: ବରଗଡ଼ ଜିଲ୍ଲା ସୋହେଲା ମାଷ୍ଟରପଡ଼ାରେ ଅଭାବନୀୟ ଘଟଣା  । ଗୋଟିଏ ପରିବାରର ୩ ଜଣଙ୍କ ଆତ୍ମହତ୍ୟା ଉଦ୍ୟମ । ସ୍ବାମୀଙ୍କ ବିୟୋଗ ପରେ ସ୍ତ୍ରୀ ଓ ଦୁଇ ପିଲା ଆତ୍ମହତ୍ୟା ଉଦ୍ୟମ କରିଛନ୍ତି । ବିଷ ପିଇ ଘରେ ଆତ୍ମହତ୍ୟା ଉଦ୍ୟମ କରିଥିଲେ । ଏହି ସମୟରେ ଲୋକ ଚିତ୍କାର ଶୁଣି ସମସ୍ତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି । ମାଆଝିଅ ସୁସ୍ଥ ଥିବାବେଳେ ପୁଅ ଗୁରୁତର ଥିବା ସୂଚନା ମିଳିଛି । ଅଭିଯୋଗ ଅନୁସାରେ ୪ଦିନ ତଳେ ଅର୍ଜୁନ ସାହୁଙ୍କର ଅକାଳ ମୃତ୍ୟୁ ହୋଇଥିଲା । ପରେ ପୁଅ ଓ ଝିଅଙ୍କ ସହିତ ମାଆ ମାନସିକ ଅବସାଦରେ ରହୁଥିଲେ । ମାନସିକ ଅବସାଦରୁ ସମସ୍ତେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।

ସୋସିଆଲ ମିଡିଆରେ ଟ୍ରେଣ୍ଡ୍ କରୁଛି ଋଷି ସୁନକ ଏବଂ ପତ୍ନୀ ଅକ୍ଷତାଙ୍କ ଫଟୋ

ନନ୍ଦିଘୋଷ ବ୍ୟୁରୋ: ସୋସିଆଲ ମିଡିଆରେ ଟ୍ରେଣ୍ଡ କରୁଛି ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଏବଂ ପତ୍ନୀ ଅକ୍ଷତାଙ୍କ ଫଟୋ । ୟୁଜର୍ସମାନେ ଲାଇକ୍ କମେଣ୍ଟ କରିବା ସହ ସେୟାର ମଧ୍ୟ କରୁଛନ୍ତି । କହି ରଖୁଛୁ କି, ଜି-୨୦ ଶିଖର ସମ୍ମିଳନୀରେ ଯୋଗଦେବାକୁ ଆସିଥିବା ଋଷି ସୁନକ ଓ ପତ୍ନୀ ଅକ୍ଷତା ଅକ୍ଷରଧାମ ମନ୍ଦିର ପରିଦର୍ଶନ କରିଛନ୍ତି । ବ୍ରିଟେନର ପ୍ରଧାନମନ୍ତ୍ରୀ ହେବା ପରେ ଭାରତକୁ ପ୍ରଥମ ସରକାରୀ ଗସ୍ତ କାର୍ଯ୍ୟକ୍ରମରେ ଆସିଥିବା ସୁନକଙ୍କ ମନ୍ଦିର ପରିଦର୍ଶନ ଲାଗି ବ୍ୟାପକ ବ୍ୟବସ୍ଥା କରାଯାଇଥିଲା । ମନ୍ଦିର ଚାରିପଟେ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଥିଲା । ମନ୍ଦିରରେ ପୂଜାର୍ଚ୍ଚନା କରିବା ପରେ ସୁନକ ରାଜଘାଟ ଯାଇ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ । ଭାରତ ଗସ୍ତ କାଳରେ ବ୍ରିଟେନ ସହ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଛି ।

ସରିଲା ଜି-୨୦ ଶିଖର ସମ୍ମିଳନୀ

ନୂଆଦିଲ୍ଲୀ: ସରିଲା ଜି-୨୦ ମହାକୁମ୍ଭ । ବ୍ରାଜିଲ ରାଷ୍ଟ୍ରପତି ଲୁଲା ଦା ସିଲଭାଙ୍କ ହାତରେ ସଭାପତିତ୍ବ ଭାର ଅର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆସନ୍ତାବର୍ଷ ଜୁଲାଇରେ ବ୍ରାଜିଲର ରିଓ ଡି ଜେନେରୋରେ ହେବ ପରବର୍ତ୍ତୀ ସମ୍ମିଳନୀ । ଗୋଟିଏ ପୃଥିବୀ, ଗୋଟିଏ ପରିବାର ଗୋଟିଏ ଭବିଷ୍ୟତ ଆହ୍ବାନରେ ଅନୁଷ୍ଠିତ ସମ୍ମିଳନୀରେ ସବୁଜ ଜଳବାୟୁ ପାଣ୍ଠି ଲାଗି ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ୨ ବିଲିୟନ ଡଲାର ସହାୟତା ଘୋଷଣା କରିଛନ୍ତି । ଏହି ଐତିହାସିକ ସମ୍ମିଳନୀରେ ଗୃହୀତ ନୂଆଦିଲ୍ଲୀ ଘୋଷଣାନାମା ଲାଗି ଲାଗିଯାଇଥିଲା ୨୦୦ ଘଣ୍ଟା । ବସିଥିଲା ୩୦୦ରୁ ଅଧିକ ବୈଠକ । ଏହା ସହ ଆମେରିକା, ଭାରତ, ସାଉଦିଆରବ ଓ ଉପସାଗରୀୟ ରାଷ୍ଟ୍ରମଧ୍ୟରେ ଯୋଗାଯୋଗ ନେଇ ହୋଇଥିଲା ଐତିହାସିକ ବୁଝାମଣା । ସମ୍ମିଳନୀରେ ଆଫ୍ରିକାନ ୟୁନିଅନକୁ କରାଯାଇଥିଲା ନୂଆ ସଦସ୍ୟ ।

ପ୍ରବଳ ବର୍ଷାରେ ବେହାଲ ଦିଲ୍ଲୀ

ନୂଆଦିଲ୍ଲୀ: ପ୍ରବଳ ବର୍ଷାରେ ଦିଲ୍ଲୀ ବେହାଲ । ପ୍ରଗତି ମଇଦାନ ସମେତ ବିଭିନ୍ନ ସ୍ଥାନରେ ଜୋରଦାର ବର୍ଷା । ଏପରିକି ଗ୍ରୁପ ୨୦ ସମ୍ମିଳନୀ ହେଉଥିବା ଭାରତ ମଣ୍ଡପମରେ ବି ପଶିଛି ପାଣି । ତେଣେ ମଧ୍ୟମରୁ ଅଧିକ ବର୍ଷା ହେବ ବୋଲି ଆଲର୍ଟ ଜାରି କରିଛି ପାଣିପାଗ ବିଭାଗ । ପ୍ରବଳ ବର୍ଷା ଯୋଗୁ ଦିଲ୍ଲୀର ବହୁ ସ୍ଥାନ ଜଳବନ୍ଦୀ ହେବା ଯୋଗୁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ସଫଦରଜଙ୍ଗ, ବିମାନବନ୍ଦର, ରାଜଘାଟ, ବସନ୍ତକୁଞ୍ଜ, ମୁନିର୍କ, ନରେଲା ଆଦି ସ୍ଥାନରେ ଲହଡ଼ିମାରୁଛି ପାଣି । ତେଣେ ଏନସିଆରର ବାହାଦୂରଗ଼, ଘାଜିଆବାଦ, ଇନ୍ଦିରାପୁରମ, ନୋଏଡା, ଗୁରୁଗ୍ରାମ, ଫରିଦାବାଦ, ମାନେସର ବି ପ୍ରବଳ ବର୍ଷା ହେବ ବୋଲି କହିଛି ପାଣିପାଗ ବିଭାଗ । ମଥୁରାରେ ବି ସ୍ଥିତି ହୋଇଛି ବେହାଲ । ଦୋକାନ ବଜାରରେ ପଶିଛି ପାଣି ।

ପୁଣି ଫେରୁଛି ବର୍ଷା

ଭୁବନେଶ୍ବର: ରାଜ୍ୟରେ ସାମାନ୍ୟ କମିଛି ବର୍ଷା । ଲଘୁଚାପ ଦୁର୍ବଳ ହେବାପରେ ଲଗାଣ ବର୍ଷାରେ ବ୍ରେକ ଲାଗିଛି । ତେବେ ବିଭିନ୍ନ ସ୍ଥାନରେ ଘଡ଼ଘଡ଼ି ବିଜୁଳି ସହିତ ବର୍ଷା ଜାରି ରହିବ ବୋଲି ସତର୍କ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଏଥିପାଇଁ ୨୦ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି  । ସେହିପରି ସୋମବାରଠାରୁ ରାଜ୍ୟରେ ପୁଣି ବର୍ଷା ଆରମ୍ଭ ହେବ  । ୧୨ ତାରିଖରେ ଉତ୍ତର-ପଶ୍ଚିମ ପାର୍ଶ୍ଵବର୍ତ୍ତୀ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ଅଛି  । ପ୍ରଭାବରେ ବର୍ଷାର ପରିମାଣ ଓ ବିସ୍ତୃତି ବଢିବ । ୧୨ ଏବଂ ୧୩ ତାରିଖରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ନେଇ ଆକଳନ କରାଯାଇଛି । ସେପ୍ଟେମ୍ବର ପହିଲାରୁ ଏବେ ପର୍ଯ୍ୟନ୍ତ ରାଜ୍ୟରେ ସ୍ବାଭାବିକ ଠାରୁ ୩୦ ପ୍ରତିଶତ ଅଧିକ ବର୍ଷା ରେକର୍ଡ ହୋଇଥିବା ବେଳେ ପୂରା ମୌସୁମୀ ସିଜିନରେ ୧୧ ପ୍ରତିଶତ ନିଅଣ୍ଟିଆ ବର୍ଷା ରେକର୍ଡ ହୋଇଛି ।