spot_img
Home Blog Page 3010

ରାଜଘାଟରେ ମହାତ୍ମା ଗାନ୍ଧୀଙ୍କୁ ବିଶ୍ବ ନେତାଙ୍କ ଶ୍ରଦ୍ଧାଞ୍ଜଳି

ନୂଆଦିଲ୍ଲୀ: ଜି-୨୦ ବୈଠକର ଆଜି ଦ୍ବିତୀୟ ଦିନ । ରାଜଘାଟ ଯାଇ ମହାତ୍ମା ଗାନ୍ଧୀଙ୍କ ସମାଧିସ୍ଥଳରେ ଶ୍ରଦ୍ଧାଞ୍ଜଳି ଦେଉଛନ୍ତି ବିଶ୍ବନେତା । ଏଥିସହ ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟ ରହିଛି । ଆମେରିକା ରାଷ୍ଟ୍ରପତି ଜୋ ବାଇଡେନ, ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ, ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନ୍, ବାଂଲାଦେଶ ରାଷ୍ଟ୍ରପତି ଶେଖ ହସିନା ଏବଂ ଅନ୍ୟ ବିଶ୍ବ ନେତା ରାଜଘାଟ ଯାଇ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉପସ୍ଥିତ ରଖି ବିଶ୍ବନେତାଙ୍କୁ ସ୍ବାଗତ କରିଥିଲେ ।

ଗତକାଲି ଅନେକ ପ୍ରସ୍ତାବ ଉପରେ ବିଶ୍ବନେତା ନିଜର ସହମତି ପ୍ରକାଶ କରିଛନ୍ତି । ନୂଆଦିଲ୍ଲୀ ଘୋଷଣାନାମାରେ ୟୁକ୍ରେନରେ ଏକ ବ୍ୟାପକ, ନ୍ୟାୟପୂର୍ଣ୍ଣ ଓ ସ୍ଥାୟୀ ଶାନ୍ତି ପ୍ରତିଷ୍ଠା ପାଇଁ ଆହ୍ଵାନ ଦିଆଯାଇଛି । ସଦସ୍ୟ ରାଷ୍ଟ୍ରମାନଙ୍କୁ ମଧ୍ୟ ଅନ୍ୟ ରାଷ୍ଟ୍ରର ସୀମାକୁ ବଳପୂର୍ବକ ଅକ୍ତିଆର କରିବା ଭଳି କାର୍ଯ୍ୟରୁ ଦୂରେଇ ରହିବାକୁ କୁହାଯାଇଛି । କୌଣସି ରାଷ୍ଟ୍ରର ଅଖଣ୍ଡତାକୁ କ୍ଷୁର୍ଣ୍ଣ କରିବା ଭଳି କାର୍ଯ୍ୟକଳାପରେ ଲିପ୍ତ ରହିବା କାର୍ଯ୍ୟରୁ ଦୂରେଇ ରହିବାକୁ ଅନୁରୋଧ କରାଯାଇଛି । ଆଣବିକ ଅସ୍ତ୍ରଶସ୍ତ୍ରର ବ୍ୟବହାର କିମ୍ବା ଧମକକୁ ଅଗ୍ରହଣୀୟ ବୋଲି ମଧ୍ୟ ଘୋଷଣାନାମାରେ ସ୍ପଷ୍ଟ କରାଯାଇଛି । ଆଜିର ସମୟ, ଯୁଦ୍ଧର ସମୟ ନୁହେଁ ବୋଲି ଘୋଷଣାନାମାରେ ଦର୍ଶାଯାଇଛି । ୟୁକ୍ରେନ୍ ଆକ୍ରମଣ ପ୍ରସଙ୍ଗରେ ଋଷ ବିରୋଧରେ କୌଣସି ସିଧାସଳଖ ମନ୍ତବ୍ୟ ରଖା ନଯାଇ ଏଭଳି ସଂକଳ୍ପ ନିଆଯାଇଛି ।

ଦିଲ୍ଲୀରେ ଅନୁଷ୍ଠିତ ଜି-୨୦ ଶିଖର ସମ୍ମିଳନୀରେ ବିଶ୍ୱରେ ବିଶ୍ୱାସର ଅଭାବ ଦୂର କରିବା, ଆମେରିକା, ଭାରତ, ସାଉଦି ଆରବ, ଉପସାଗରୀୟ ଓ ଆରବ ରାଷ୍ଟ୍ରକୁ ସଂଯୋଗ କରୁଥିବା ରେଳ ଏବଂ ଜାହାଜ ଚଳାଚଳ ଯୋଗାଯୋଗ ନେଟୱାର୍କର ଶୁଭାରମ୍ଭ, ବିଶ୍ୱ ଜୈବ ଇନ୍ଧନ ‘ଆଲାଏନ୍ସ’ର ଶୁଭାରମ୍ଭ ପାଇଁ ଆହ୍ଵାନ ଦିଆଯାଇଛି । ଏହା ବ୍ୟତୀତ ବୈଠକରେ ବହୁ ରାଷ୍ଟ୍ର ମଧ୍ୟରେ ଦ୍ବିପାକ୍ଷିକ ବୈଠକ ଅନୁଷ୍ଠିତ ହୋଇଛି ।

ଆଉ ପାଦେ ଆଗେଇଲା ମିଶନ ସନ୍: ତୃତୀୟ କକ୍ଷପଥ ବଦଳାଇଲା ଆଦିତ୍ୟ ଏଲ୧

ବେଙ୍ଗାଲୁରୁ: ଶନିବାର ରାତି ୨ଟା ୩୦ରେ ଆଉ ପାଦେ ଆଗେଇଲା ଭାରତର ସୂର୍ଯ୍ୟ ମିଶନ । ନିର୍ଦ୍ଧାରିତ ସମୟରେ ତୃତୀୟ କକ୍ଷପଥ ପରିବର୍ତ୍ତନ କରିଛି ଆଦିତ୍ୟ ଏଲ୧ । ଏଥିପାଇଁ ଆଦିତ୍ୟ ଏଲ୧ରେ ଥ୍ରିଷ୍ଟାର ଫାୟର କରାଯାଇଥିଲା । ଏବେ ଆଦିତ୍ୟ ପୃଥିବୀ କକ୍ଷପଥରୁ ୨୯୬ କିମି * ୭୧ ହଜାର ୭୬୭ କିମି ଦୂରରେ ରହିଛି । ଅର୍ଥାତ ଆଦିତ୍ୟ ଏଲ୧ ପୃଥିବୀଠାରୁ ସର୍ବାଧିକ ଦୂରତା ୭୧ ହଜାର ୭୬୭ କିମି ଥିବା ବେଳେ ସର୍ବନିମ୍ନ ଦୂରତା ୨୯୬ କିମି ରହିଛି ।

ଆଦିତ୍ୟ ଏଲ୧ ତୃତୀୟ କକ୍ଷପଥ ପରିବର୍ତ୍ତନ କରିବା ବେଳେ ଏହାକୁ ମରିଶସ ଓ ପୋର୍ଟ ବ୍ଲେୟରରେ ଥିବା ଇସ୍ରୋର ଗ୍ରାଉଣ୍ଡ ଷ୍ଟେସନରୁ ଟ୍ରାକ୍ କରାଯାଇଥିଲା । ସେପ୍ଟେମ୍ବର ୧୫ରେ ଆଦିତ୍ୟ ଏଲ୧ ଚତୁର୍ଥ କର୍କ୍ଷପଥ ପରିବର୍ତ୍ତନ କରିବ ।

ସେପ୍ଟେମ୍ବର ୨ ତାରିଖର ସକାଳ ୧୧ଟା ୫୦ରେ ଶ୍ରୀହରିକୋଟା ସ୍ଥିତ ସତିଶ ଧଓ୍ବନ ସ୍ପେସ୍ ସେଣ୍ଟରରୁ PSLV-C57 ଜରିଆରେ ଏହାର ଉତକ୍ଷେପଣ କରାଯାଇଥିଲା । ସେପ୍ଟେମ୍ବର ୩ରେ ଆଦିତ୍ୟ ଏଲ୧ ପ୍ରଥମ କକ୍ଷପଥ ବଦଳାଇଥିବା ବେଳେ ୫ ତାରିଖରେ ଦ୍ବିତୀୟ କକ୍ଷପଥ ପରିବର୍ତ୍ତନ କରିଥିଲା ।

ରାଜଘାଟ ସ୍ଥିତ ମହାତ୍ମାଗାନ୍ଧୀଙ୍କ ସମାଧିସ୍ଥଳରେ ଶ୍ରଦ୍ଧାଞ୍ଜଳି ଦେବେ ବିଶ୍ବନେତା

ନୂଆଦିଲ୍ଲୀ : ଆଜି ଜି-୨୦ ବୈଠକର ଦ୍ବିତୀୟ ଦିନ । ଆଜି ରାଜଘାଟ ଯାଇ ମହାତ୍ମାଗାନ୍ଧୀଙ୍କ ସମାଧିସ୍ଥଳରେ ଶ୍ରଦ୍ଧାଞ୍ଜଳି ଦେବେ ବିଶ୍ବନେତା  । ଏଥିସହ ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟ ରହିଛି । ଗତକାଲି ଅନେକ ପ୍ରସ୍ତାବ ଉପରେ ବିଶ୍ବନେତା ନିଜର ସହମତି ପ୍ରକାଶ କରିଛନ୍ତି  । ନୂଆଦିଲ୍ଲୀ ଘୋଷଣାନାମାରେ ୟୁକ୍ରେନରେ ଏକ ବ୍ୟାପକ, ନ୍ୟାୟପୂର୍ଣ୍ଣ ଏବଂ ସ୍ଥାୟୀ ଶାନ୍ତି ପ୍ରତିଷ୍ଠା ପାଇଁ ଆହ୍ଵାନ ଦିଆଯାଇଛି । ସଦସ୍ୟ ରାଷ୍ଟ୍ରମାନଙ୍କୁ ମଧ୍ୟ ଅନ୍ୟ ରାଷ୍ଟ୍ରର ସୀମାକୁ ବଳପୂର୍ବକ ଅକ୍ତିଆର କରିବା ଭଳି କାର୍ଯ୍ୟରୁ ଦୂରେଇ ରହିବାକୁ କୁହାଯାଇଛି । କୌଣସି ରାଷ୍ଟ୍ରର ଅଖଣ୍ଡତାକୁ କ୍ଷୁଣ୍ଣ କରିବା ଭଳି କାର୍ଯ୍ୟକଳାପରେ ଲିପ୍ତ ରହିବା କାର୍ଯ୍ୟରୁ ଦୂରେଇ ରହିବାକୁ ଅନୁରୋଧ କରାଯାଇଛି। ଆଣବିକ ଅସ୍ତ୍ରଶସ୍ତ୍ରର ବ୍ୟବହାର କିମ୍ବା ଧମକକୁ ଅଗ୍ରହଣୀୟ ବୋଲି ମଧ୍ୟ ଘୋଷଣାନାମାରେ ସ୍ପଷ୍ଟ କରାଯାଇଛି ।Delhi: With Centre's nod for development work, Mahatma Gandhi samadhi at Rajghat to go digital - India Today

ଆଜିର ସମୟ, ଯୁଦ୍ଧର ସମୟ ନୁହେଁ ବୋଲି ଘୋଷଣାନାମାରେ ଦର୍ଶାଯାଇଛି । ୟୁକ୍ରେନ୍ ଆକ୍ରମଣ ପ୍ରସଙ୍ଗରେ ରୁଷ ବିରୋଧରେ କୌଣସି ସିଧାସଳଖ ମନ୍ତବ୍ୟ ରଖା ନଯାଇ ଏଭଳି ସଂକଳ୍ପ ନିଆଯାଇଛି । ଦିଲ୍ଲୀରେ ଅନୁଷ୍ଠିତ ଜି-୨୦ ଶିଖର ସମ୍ମିଳନୀରେ ‘ବିଶ୍ୱରେ ବିଶ୍ୱାସର ଅଭାବ’ ଦୂର କରିବା, ଆମେରିକା, ଭାରତ, ସାଉଦି ଆରବ ଏବଂ ଉପସାଗରୀୟ ଏବଂ ଆରବ ରାଷ୍ଟ୍ରକୁ ସଂଯୋଗ କରୁଥିବା ରେଳ ଏବଂ ଜାହାଜ ଚଳାଚଳ ଯୋଗାଯୋଗ ନେଟୱାର୍କର ଶୁଭାରମ୍ଭ ଏବଂ ବିଶ୍ୱ ଜୈବ ଇନ୍ଧନ ‘ଆଲାଏନ୍ସ’ର ଶୁଭାରମ୍ଭ ପାଇଁ ଆହ୍ଵାନ ଦିଆଯାଇଛି । ଏହା ବ୍ୟତୀତ ବୈଠକରେ ବହୁ ରାଷ୍ଟ୍ର ମଧ୍ୟରେ ଦ୍ବିପାକ୍ଷିକ ବୈଠକ ଅନୁଷ୍ଠିତ ହୋଇଛି ।

ନୂଆଁଖାଇ: ୨୦ରେ ଶ୍ରୀନୃସିଂହନାଥଙ୍କ ନବାନ୍ନ

ପଦ୍ମପୁର: ପଶ୍ଚିମ ଓଡ଼ିଶାର ପ୍ରସିଦ୍ଧ ତୀର୍ଥକ୍ଷେତ୍ର ପଦ୍ମପୁର ଉପଖଣ୍ଡ ନୃସିଂହନାଥ ମନ୍ଦିରରେ ନୂଆଁଖାଇ ଲାଗି ବାହାରି ସାରିଛି ଲଗ୍ନ । ଆସନ୍ତା ୨୦ ତାରିଖ ଦିନ ୧୧ଟା ୨୧ରୁ ୧୧ଟା ୩୬ ମିନିଟ ମଧ୍ୟରେ ମହାପ୍ରଭୁ ଶ୍ରୀ ଶ୍ରୀ ମାର୍ଜାର କେଶରୀ ନୃସିଂହନାଥଙ୍କ ଠାରେ ନବାନ୍ନ ଲାଗି ହେବ । ମନ୍ଦିର ପୂଜକଙ୍କ ନୀତିକାନ୍ତି ତଥା ଚର୍ଚ୍ଚା ପରେ ପାଞ୍ଜିକା ଦେଖି ମହାପ୍ରଭୁଙ୍କ ନକ୍ଷେତ୍ର ଅନୁସାରେ ପଣ୍ଡିତ ସଭା ଏହି ଲଗ୍ନ ସ୍ଥିର କରିଛନ୍ତି । ପ୍ରଥମେ ମହାପ୍ରଭୁଙ୍କୁ ଭୋଗ ଲାଗି ପରେ ପାର୍ଶ୍ବ ଦେବାଦେବୀଙ୍କୁ ଲାଗିବ ନବାନ୍ନ । ଏହାପରେ ଅଞ୍ଚଳବାସୀ ଏବଂ ଶ୍ରଦ୍ଧାଳୁ ନୂଆ ଖାଇପାରିବେ ।

ଏସିଆ କପର ସୁପର ଫୋରରେ ସମ୍ନାସାମ୍ନି ହେବେ ଦୁଇ ପାରମ୍ପରିକ ପ୍ରତିଦ୍ବନ୍ଦୀ

ନନ୍ଦିଘୋଷ ବ୍ୟୁରୋ : ଆଜି ଭାରତ ପାକିସ୍ତାନ ମଧ୍ୟରେ ମହାଲଢେଇ । ଏସିଆ କପର ସୁପର ଫୋରରେ ସମ୍ନାସାମ୍ନି ହେବେ ଦୁଇ ପାରମ୍ପରିକ ପ୍ରତିଦ୍ବନ୍ଦୀ । ଦିନ ୩ଟାରେ ମ୍ୟାଚ୍ ଅନୁଷ୍ଠିତ ହେବ  । ଚଳିତ ଏସିଆ କପର ଗ୍ରୁପ ପର୍ଯ୍ୟାୟରେ ଭାରତ ପାକିସ୍ତାନ ମ୍ୟାଚ ବର୍ଷା ପାଇଁ ଧୋଇ ଯାଇଥିବା ବେଳେ ଆଜିର ମ୍ୟାଚକୁ ଚାହିଁ ବସିଛି ସାରା ବିଶ୍ୱ । ଉଭୟ ଦଳ ସ୍ୱତନ୍ତ୍ର ରଣକୌଶଳ ସହ ପଡିଆକୁ ଓହ୍ଲାଇ ବିଜୟ ହାସଲ ପାଇଁ ଲକ୍ଷ୍ୟ ରଖିଛନ୍ତି ।  ମ୍ୟାଚ୍‌ରେ ବର୍ଷା ବାଧକ ସାଜିପାରେ । ଏହାକୁ ନଜରରେ ରଖି ମ୍ୟାଚ୍‌ ପାଇଁ ପରବର୍ତ୍ତୀ ଦିନକୁ ସଂରକ୍ଷିତ ଦିବସ ରଖାଯାଇଛି । ଯଦି ଆଜି ମ୍ୟାଚ୍‌ ହେବା ସମ୍ଭବ ନହୁଏ, ତାହେଲେ କାଲି ସଂରକ୍ଷିତ ଦିବସରେ ମ୍ୟାଚ୍‌ ଖେଳାଯିବାକୁ ଧାର୍ଯ୍ୟ କରାଯାଇଛି । ପ୍ରତିଯୋଗିତାରେ ଫାଇନାଲ୍‌ ମ୍ୟାଚ୍‌ ସହିତ କେବଳ ଏହି ଗୋଟିଏ ମ୍ୟାଚ୍‌ ପାଇଁ ସଂରକ୍ଷିତ ଦିବସ ରଖାଯାଇଛି। ଯଦି ଆଜି ଅଧାରୁ ମ୍ୟାଚ୍‌ ବନ୍ଦ ରୁହେ, ତା‌ହେଲେ ଅବଶିଷ୍ଟ ମ୍ୟାଚ୍‌କୁ କାଲି ଖେଳାଯିବ । ତେ‌ଣୁ ଦର୍ଶକମାନେ ଏହି ରୋମାଞ୍ଚଭରା ମ୍ୟାଚ୍‌କୁ ଉପଭୋଗ କରିବାରୁ ଆଦୌ ବଞ୍ଚିତ ହେବେ ନାହିଁ ବୋଲି  ଆୟୋଜକ ପାକିସ୍ତାନ କ୍ରିକେଟ୍‌ ବୋର୍ଡ ପିସିବି ପକ୍ଷରୁ କୁହାଯାଇଛି।

ସିକ୍ୟୁରିଟି ଗାର୍ଡ ଚାକିରି କରାଇ ଦେବାକୁ କହି ଠକେଇ, ଅଭିଯୁକ୍ତ ବାପା-ପୁଅ ଗିରଫ

ବଲାଙ୍ଗୀର: ସିକ୍ୟୁରିଟି ଗାର୍ଡ ଚାକିରି କରାଇ ଦେବାକୁ କହି ଠକେଇ । ପାଟଣାଗଡ ସମେତ ବିଭିନ୍ନ ଅଞ୍ଚଳରେ ଠକେଇ ଅଭିଯୋଗରେ ବାପା-ପୁଅକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଦୁଇ ଅଭିଯୁକ୍ତ ହେଲେ ପାଟଣାଗଡ ଥାନା ରାମପୁର ସନସାଇନ ରେଷ୍ଟୁଡାଣ୍ଟର ମାଲିକ ବେଣୁଧର ଜଗତ ଓ ତାଙ୍କ ପୁଅ ହେମନ୍ତ । କୋର୍ଟର ଜାମିନ ନାମଞ୍ଜୁର ପରେ ଉଭୟଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।

ଗତ ଜୁନ ମାସରୁ ଉଭୟ ବାପା ଓ ପୁଅ ଏକ ନିର୍ଦ୍ଧିଷ୍ଟ ସଂସ୍ଥାରେ ସିକ୍ୟୁରିଟି ଗାର୍ଡ ଚାକିରି କରାଇ ଦେବା ନାଁ ରେ ପାଟଣାଗଡ, ଲୋଇସିଂହା, ପଦ୍ମପୁର, ବଲାଙ୍ଗୀର ସଦର ,ବରଗଡ଼ ଓ ସମ୍ବଲପୁର ଅଞ୍ଚଳର ୨୪ ରୁ ୨୫ ଜଣ ଯୁବକଙ୍କ ଠାରୁ ପ୍ରାୟ ୯ ଲକ୍ଷ ଟଙ୍କା ନେଇଥିଲେ । ୩ ମାସ ବିତିଯାଇଥିଲେ ମଧ୍ୟ ବିଭିନ୍ନ ଆଳ ଦେଖାଇ ସମୟ ଗଡାଇ ଚାଲୁଥିଲେ । ଯୁବକମାନେ ଆଜି ଥାନାରେ ଏକ ଲିଖିତ ଅଭିଯୋଗ କରିଥିଲେ । ପାଟଣାଗଡ଼ ପୋଲିସ ଏକ ମାମଲା ରୁଜୁ କରି ତଦନ୍ତ କରିବା ସହ ଅଭିଯୁକ୍ତକୁ ଗିରଫ କରିଛି ।

ଭୁବନେଶ୍ୱର ସିଆରପି ଛକରେ ଯାତ୍ରୀଙ୍କୁ ଆକ୍ରମଣ କଲେ ବସ୍ କର୍ମଚାରୀ

ଭୁବନେଶ୍ୱର: ଭୁବନେଶ୍ବର ସିଆରପି ଛକରେ ଯାତ୍ରୀଙ୍କୁ ଆକ୍ରମଣ । ଗାଡି ସାଇଡ଼ ମରାକୁ ନେଇ ଆକ୍ରମଣ କଲେ ବସ କର୍ମଚାରୀ । ରାସ୍ତା ଉପରେ ବସ ଥୋଇ ଗଣ୍ଡଗୋଳ ଲାଗିଲେ ଯାତ୍ରୀ ଓ ବସ କର୍ମଚାରୀ । ଯାତ୍ରୀଙ୍କୁ ଆକ୍ରମଣ ପରେ ଘଟଣାସ୍ଥଳରେ ପିସିଆର ପହଞ୍ଚିଥିଲା । ନୟାପଲ୍ଲୀ ପୋଲିସ ପହଞ୍ଚି ଦୁଇ ଜଣ ବସ କର୍ମଚାରୀଙ୍କୁ ଅଟକ ରଖି ତଦନ୍ତ କରୁଛି । ଗଣ୍ଡଗୋଳ ଯୋଗୁ ଅନେକ ଗାଡ଼ିମୋଟର ଅଟକି ରହିଥିଲା । ଫଳରେ ସିଆରପି ଛକରେ କିଛି ସମୟ ପାଇଁ ରାସ୍ତା ଜାମ୍ ସ୍ଥିତି ଉପୁଜିଥିଲା ।

ଭାରତ-ମଧ୍ୟପ୍ରାଚ୍ୟ-ୟୁରୋପ ଇକୋନମିକ କରିଡରର ହେଲା ଘୋଷଣା, ଚୀନକୁ ମିଳିବ ଜବାବ

ନୂଆଦିଲ୍ଲୀ: ଭାରତ, ଆମେରିକା, ସାଉଦୀ ଆରବ ଏବଂ ୟୁରୋପୀୟ ସଂଘ ଶନିବାର ଜି-୨୦ ଶିଖର ସମ୍ମିଳନୀ ଅବସରରରେ ଏକ ବହୁରାଷ୍ଟ୍ରୀୟ ରେଳ ଏବଂ ବନ୍ଦର ପରିକଳ୍ପନାର ଘୋଷଣା କରିଛନ୍ତି । ଏହି ଘୋଷଣାକୁ ଚୀନର ମହତ୍ତ୍ୱାକାଂକ୍ଷୀ ବେଲ୍ଟ ଆଣ୍ଡ ରୋଡ ଇନିସିଏଟିଭ (ବିଆରଆଇ)କୁ ପ୍ରତିହତ କରିବା ଉଦ୍ଦେଶ୍ୟରେ ଏହି ଘୋଷଣାକୁ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଆମେରିକୀୟ ରାଷ୍ଟ୍ରପତି ଜୋ ବାଇଡେନ, ସାଉଦି ଆରବର କ୍ରାଉନ ପ୍ରିନ୍ସ ମହମ୍ମଦ ବିନ ସଲମାନ ଏବଂ ୟୁରୋପୀୟ ସଂଘର ନେତାଙ୍କ ସହ ଏହି ମେଗା ଭିତ୍ତିଭୂମି ଚୁକ୍ତି ଘୋଷଣା କରିଛନ୍ତି ।

ଏହି ଭାରତ-ମଧ୍ୟପ୍ରାଚ୍ୟ-ୟୁରୋପ ଅର୍ଥନୈତିକ କରିଡରର ଶୁଭାରମ୍ଭ ଏବଂ ବୈଶ୍ୱିକ ଭିତ୍ତିଭୂମିରେ ପୁଞ୍ଜି ବିନିଯୋଗ ପାଇଁ ମିଳିତ କାର୍ଯ୍ୟକ୍ରମର ଘୋଷଣା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ମୋର ମିତ୍ର ରାଷ୍ଟ୍ରପତି ଜୋ ବାଇଡେନଙ୍କ ସହ ମୋତେ ଏହି ଆୟୋଜନର ଅଧ୍ୟକ୍ଷତା କରି ବହୁତ ଖୁସି ଅନୁଭବ ହେଉଛି । ଆଜି ଆମେ ସମସ୍ତେ ଏକ ମହତ୍ତ୍ୱପୂର୍ଣ୍ଣ ଏବଂ ଐତିହାସିକ ଚୁକ୍ତିନାମା ହୋଇଥିବା ଦେଖିଛୁ । ଆଗାମୀ ସମୟରେ ଏହା ଭାରତ, ପଶ୍ଚିମ ଏସିଆ ଏବଂ ୟୁରୋପ ମଧ୍ୟରେ ଅର୍ଥନୈତିକ ଏକୀକରଣର ଏକ ପ୍ରଭାବଶାଳୀ ମାଧ୍ୟମ ହେବ ।

ଏହା ସମଗ୍ର ବିଶ୍ୱର ସଂଯୋଗ ଏବଂ ସ୍ଥାୟୀ ବିକାଶ ପାଇଁ ଏକ ନୂତନ ଦିଗ ଦେବ । ଆମେରିକାର ରାଷ୍ଟ୍ରପତି ଜୋ ବାଇଡେନ କହିଛନ୍ତି, ଏହି ଚୁକ୍ତି ବାସ୍ତବରେ ଏକ ବଡ଼ ଚୁକ୍ତି । ଏହା ବାସ୍ତବରେ ଏକ ବଡ଼ କଥା । ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେବାକୁ ଚାହୁଁଛି । ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ ହେଉଛି ଜି-୨୦ ଶିଖର ସମ୍ମିଳନୀର କେନ୍ଦ୍ରବିନ୍ଦୁ । ଏବଂ ଅନେକ ଉପାୟରେ ଏହି ମଧ୍ୟ ଏହି ସହଭାଗିତାର କେନ୍ଦ୍ରବିନ୍ଦୁ ଯାହା ବିଷୟରେ ଆମେ ଆଜି କହୁଛୁ ।

Asia Cup 2023: ଆସନ୍ତାକାଲି ଭାରତ ପାକିସ୍ତାନ ମଧ୍ୟରେ ମହାଲଢ଼େଇ

ନନ୍ଦିଘୋଷ ବ୍ୟୁରୋ: ଆସନ୍ତାକାଲି ଭାରତ ପାକିସ୍ତାନ ମଧ୍ୟରେ ମହାଲଢେଇ । ଏସିଆ କପର ସୁପର -4 ରେ ସମ୍ନାସାମ୍ନି ହେବେ ଦୁଇ ପାରମ୍ପରିକ ପ୍ରତିଦ୍ବନ୍ଦୀ । ଚଳିତ ଏସିଆ କପର ଗ୍ରୁପ ପର୍ଯ୍ୟାୟରେ ଭାରତ ପାକିସ୍ତାନ ମ୍ୟାଚ ବର୍ଷା ପାଇଁ ଧୋଇ ଯାଇଥିବା ବେଳେ ଆସନ୍ତା କାଲି ମ୍ୟାଚକୁ ଚାହିଁ ବସିଛି ସାରା ବିଶ୍ୱ । ଉଭୟ ଦଳ ସ୍ୱତନ୍ତ୍ର ରଣକୌଶଳ ସହ ପଡିଆକୁ ଓଲ୍ହାଇ ବିଜୟ ହାସଲ ପାଇଁ ଲକ୍ଷ୍ୟ ରଖିଛନ୍ତି । ଏସିଆ କପ୍‌ ସୁପର-୪ରେ ଆସନ୍ତାକାଲି ଖେଳାଯିବାକୁ ଥିବା ଭାରତ-ପାକିସ୍ତାନ ମ୍ୟାଚ୍‌ରେ ବର୍ଷା ବାଧକ ସାଜିପାରେ । ଏହାକୁ ନଜରରେ ରଖି ମ୍ୟାଚ୍‌ ପାଇଁ ପରବର୍ତୀ ଦିନକୁ ସଂରକ୍ଷିତ ଦିବସ ରଖାଯାଇଛି ।

ଯଦି ରବିବାର ମ୍ୟାଚ୍‌ ହେବା ସମ୍ଭବ ନହୁଏ, ତାହେଲେ ସେମାବାର ସଂରକ୍ଷିତ ଦିବସରେ ମ୍ୟାଚ୍‌ ଖେଳାଯିବାକୁ ଧାର୍ଯ୍ୟ କରାଯାଇଛି। ପ୍ରତିଯୋଗିତାରେ ଫାଇନାଲ୍‌ ମ୍ୟାଚ୍‌ ସହିତ କେବଳ ଏହି ଗୋଟିଏ ମ୍ୟାଚ୍‌ ପାଇଁ ସଂରକ୍ଷିତ ଦିବସ ରଖାଯାଇଛି। ଯଦିଓ ରବିବାର ଅଧାରୁ ମ୍ୟାଚ୍‌ ବନ୍ଦ ରୁହେ, ତା‌ହେଲେ ଅବଶିଷ୍ଟ ମ୍ୟାଚ୍‌କୁ ସୋମବାର ଖେଳାଯିବ। ତେ‌ଣୁ ଦର୍ଶକମାନେ ଏହି ରୋମାଞ୍ଚଭରା ମ୍ୟାଚ୍‌କୁ ଉପଭୋଗ କରିବାରୁ ଆଦୌ ବଞ୍ଚିତ ହେବେ ନାହିଁ ବୋଲି ଆୟୋଜକ ପାକିସ୍ତାନ କ୍ରିକେଟ୍‌ ବୋର୍ଡ ପିସିବିପକ୍ଷରୁ କୁହାଯାଇଛି।

ଦଳୀୟ ବିଧାୟକ ହୋଇ ବି ବିରୋଧୀଙ୍କ ପରି କଥା କହୁଛନ୍ତି ସୌମ୍ୟ: ପ୍ରତାପ ଦେବ

ଭୁବନେଶ୍ୱର: ବିରୋଧୀଙ୍କ ଭାଷା କହୁଛନ୍ତି ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ । ଦଳୀୟ ବିଧାୟକ ହୋଇ ବି ବିରୋଧୀଙ୍କ ପରି କଥା କହୁଛନ୍ତି । ୨୦୦୦ ମସିହାରୁ ବିରୋଧୀ ଯେଉଁ କଥା କହୁଛନ୍ତି ଏବେ ସୌମ୍ୟ ମଧ୍ୟ ସମାନ କଥା କହୁଛନ୍ତି । ସୌମ୍ୟଙ୍କ ଏଭଳି ମତକୁ ସମାଲୋଚନା କରିଛନ୍ତି ବିଜେଡି ସାଧାରଣ ସମ୍ପାଦକ ତଥା ଶିଳ୍ପ ମନ୍ତ୍ରୀ ପ୍ରତାପ ଦେବ । ସୌମ୍ୟଙ୍କୁ ଜବାବ ଦେଇ ପ୍ରତାପ କହିଛନ୍ତି ବିଧାୟକ ଓ ମନ୍ତ୍ରୀଙ୍କ ସମେତ ସବୁ ଜନପ୍ରତିନିଧିଙ୍କୁ ମୁଖ୍ୟମନ୍ତ୍ରୀ ସାକ୍ଷାତ କରୁଛନ୍ତି । ମାତ୍ର ସୌମ୍ୟଙ୍କ ଭଳି ପ୍ରତିଷ୍ଠିତ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ ସାକ୍ଷାତ ନକରିବା କହିବା ଗ୍ରହଣୀୟ ନୁହେଁ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାରମ୍ବାର ରାଜ୍ୟବାସୀଙ୍କ ଭରସା ଜିତୁଛନ୍ତି । ନବୀନଙ୍କ ଲୋକପ୍ରିୟତାକୁ ବିଭିନ୍ନ ସମୟରେ ସୌମ୍ୟ ନିଜ ମୁହଁରେ ମାନିଛନ୍ତି । ହେଲେ ଏବେ ବିରୋଧୀଙ୍କ ପରି ଭାଷା କହୁଛନ୍ତି । ସୌମ୍ୟଙ୍କର ଚିନ୍ତାଧାରା କଣ ତାହା ସ୍ପଷ୍ଟ କରିବାକୁ ପ୍ରତାପ କହିଛନ୍ତି । ଯାହା କିଛି ସମସ୍ୟା ରହିଛି ତାହାକୁ ସମ୍ପାଦକୀୟରେ ନୁହେଁ ବରଂ ଦଳୀୟ ଫୋରମରେ ଉଠାଇବା ଆବଶ୍ୟକ । ସୌମ୍ୟ ମୁଖ୍ୟମନ୍ତ୍ରୀଙ୍କୁ ପରାମର୍ଶ ଦେଉଛନ୍ତି ନା ସମାଲୋଚନା କରୁଛନ୍ତି ତାହା ସ୍ପଷ୍ଟ କରନ୍ତୁ । ସୌମ୍ୟ ମନ୍ତ୍ରୀ ହେବାକୁ ଇଚ୍ଛା କରିଥିଲେ ମାତ୍ର ତାଙ୍କ ଇଚ୍ଛା ପୂରଣ ନହେବାରୁ ଏପରି କରୁଛନ୍ତି ବୋଲି ଜନସାଧାରଣ କହୁଛନ୍ତି । ଏଣୁ ସୌମ୍ୟ ତାଙ୍କ ଚିନ୍ତାଧାରାକୁ ସ୍ପଷ୍ଟ କରନ୍ତୁ ବୋଲି ପ୍ରତାପ କହିଛନ୍ତି ।