ସୋନପୁର: ବଜ୍ରକାପ୍ତା ଚୋରାଚାଲାଣ ବେଳେ ମାଡି ବସିଲା STF । ୧୦ କେଜି ଓଜନର ୨ଟି ବଜ୍ରକାପ୍ତା ଉଦ୍ଧାର ହୋଇଛି । ଗୋଟିଏର ଓଜନ ୭ କେଜି ଓ ଅନ୍ୟଟିର ୩ କେଜି ହେବ । ସୋନପୁର ଫରେଷ୍ଟ ଡିଭିଜନ ଭିତରେ ଚାଲିଥିଲା ଡିଲ୍ । ୨ ଭାଇ ଡିଲ୍ କରୁଥିବା ନେଇ ଖବର ପାଇଥିଲା STF । ଗିରଫ ୨ ଅଭିଯୁକ୍ତ ହେଲେ ବେଦବ୍ୟାସ ଧାରୁଆ ଓ ନବଦୀପ ଧାରୁଆ ।
ଉଭୟଙ୍କ ଘର ସୋନପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ଝଙ୍କାରପଲ୍ଲୀ । ବନ୍ୟପ୍ରାଣୀ ସୁରକ୍ଷା ଆଇନ୍ ଅନୁସାରେ ଉଭୟଙ୍କୁ ଗିରଫ କରାଯାଇଛି । ଗୋଟିଏ ବଜ୍ରକାପ୍ତାକୁ ୧୦ ଲକ୍ଷ ଟଙ୍କାରେ ବିକିଥାନ୍ତେ ଅଭିଯୁକ୍ତ । ଦେଢ଼ରୁ ଅଢ଼େଇ ଲକ୍ଷ ଟଙ୍କା କେବଳ କାତିର ଦାମ । ଫିଲିପାଇନ୍ସ, ଚାଇନା, ନେପାଳ ଓ ବାଂଲାଦେଶକୁ ଭାରତରୁ ଚାଲାଣ ହେଉଛି ବଜ୍ରକାପ୍ତା । ବନ୍ୟଜନ୍ତୁ ଅପରାଧ ରୋକିବା ପାଇଁ ସ୍ପେଶାଲ ଡ୍ରାଇଭ ଚଳାଇଛି STF ।
