ଭୁବନେଶ୍ୱର: ବରିଷ୍ଠ କଂଗ୍ରେସ ବିଧାୟକ ସୁରେଶ ରାଉତରାୟଙ୍କ ବଡ଼ ପୁଅ ସିଦ୍ଧାର୍ଥ ରାଉତରାୟ ଋଷର ମାଉଣ୍ଟ ଏଲବ୍ରସ ଗିରିଶୃଙ୍ଗ ଉପରେ ଶଙ୍ଖ ଫୁଙ୍କିଲେ । ପାହାଡର ଶିଖରରେ ପହଞ୍ଚିବା ପରେ ସେଠାରେ ଲିଙ୍ଗରାଜଙ୍କ ପତାକା ଉଡାଇବା ସହ ତ୍ରୀରଙ୍ଗା ଏବଂ ପାଇକ ପତାକା ଉଡାଇଥିଲେ ସିଦ୍ଧାର୍ଥ ରାଉତରାୟ । ୟୁରୋପ ମହାଦେଶର ସବୁଠୁ ଉଚ୍ଚ ପର୍ବତ ମାଉଣ୍ଟ ଏଲବ୍ରସ । ସେଠାରେ ପହଞ୍ଚିବା ପରେ ସିଦ୍ଧାର୍ଥ ରାଉତରାୟ ବିଭିନ୍ନ ପତାକା ଧରି ଫଟୋ ଉଠାଇଥିଲେ । ଋଷ ୟୁକ୍ରେନ ଯୁଦ୍ଧ ଶେଷ ହେଉ ବୋଲି ବାର୍ତ୍ତା ଦେଇଛନ୍ତି ସିଦ୍ଧାର୍ଥ ରାଉତରାୟ ।
ମୁକ୍ତ ସାମ୍ବାଦିକତା କ୍ଷେତ୍ରରେ ଭାରତ ଅତ୍ୟନ୍ତ ସଙ୍ଗୀନ ଦେଶ
ନୂଆଦିଲ୍ଲୀ: ମୁକ୍ତ ସାମ୍ବାଦିକତା କ୍ଷେତ୍ରରେ ଭାରତ ଏକ ଅତ୍ୟନ୍ତ ସଙ୍ଗୀନ ଦେଶ । ରିପୋର୍ଟର୍ସ ଓ୍ବିଦାଉଟ୍ ବଡର୍ସ ପକ୍ଷରୁ ପ୍ରକାଶ ପାଇଥିବା ବିଶ୍ବ ଫ୍ରୀଡମ୍ ଇଣ୍ଡେକ୍ସ ତାଲିକାରେ ଭାରତ ଅତ୍ୟନ୍ତ ସଙ୍ଗୀନ ସ୍ଥିତିରେ । ପ୍ରତିବର୍ଷ ୧୮୦ ଦେଶକୁ ନେଇ ହେଉଥିବା ସର୍ଭେରେ ଏଥର ଭାରତ ୧୬୧ ନମ୍ବର ସ୍ଥାନରେ ରହିଛି । ୨୦୨୨ରେ ୧୫୦ ତମ ସ୍ଥାନରେ ଥିବା ଭାରତ ଏଥର ପୁଣି ତଳକୁ ଖସିଛି । ୩୬.୬୨ ପ୍ରତିଶତ ସ୍କୋର ସହ ଭାରତ ୧୬୧ ତମ ସ୍ଥାନରେ ଥିବା ବେଳେ ଏହା ଉପରକୁ ପାକିସ୍ତାନ ୧୫୦ ତମ ସ୍ଥାନରେ ବେଳେ ଆଫଗାନିସ୍ତାନ ୧୫୨, ସୁଦାନ ୧୪୮ ସ୍ଥାନରେ ରହିଛି । ନରଓ୍ବେ ଏକ ନମ୍ବର ସ୍ଥାନରେ ଥିବା ବେଳେ ଚୀନ୍ ଶେଷରେ ଅଛି । ବିଭିନ୍ନ କାରଣ ଯୋଗୁଁ ଭାରତ ପ୍ରେସ୍ ସ୍ବାଧୀନତା ତାଲିକାରେ ତଳକୁ ଖସୁଛି ବୋଲି ବିଶେଷଜ୍ଞ ମତ ରଖିଛନ୍ତି ।
୨୦୧୩ରୁ ବିଶ୍ବ ପ୍ରେସ ଫ୍ରିଡମ ରିପୋର୍ଟ ପ୍ରକାଶିତ ହେଉଛି । ୨୦୨୩ରେ ପ୍ରେସ୍ ସ୍ବାଧୀନତା ପାଇଁ ଭଲ ଦେଶ ତାଲିକାରେ ୮ଟି ଦେଶ ଥିବା ବେଳେ ସନ୍ତୋଷଜନକ ତାଲିକାରେ ୪୪ଟି ଦେଶ ଅଛନ୍ତି । ପ୍ରେସ୍ ପାଇଁ ସମସ୍ୟାବହୁଳ ଦେଶ ତାଲିକାରେ ୫୫ଟି ଥିବା ବେଳେ, କଷ୍ଟକର ସ୍ଥିତି ତାଲିକାରେ ୪୨ଟି ଏବଂ ଅତି ସଙ୍ଗୀନ ସ୍ଥିତି ତାଲିକାରେ ୩୧ଟି ଦେଶ ରହିଛି । ତାଲିକାରେ ସର୍ବାଗ୍ରେ ନରଓ୍ବେ ଥିବା ବେଳେ ଏହା ପଛକୁ ଆୟାର୍ଲାଣ୍ଡ, ଡେନମାର୍କ, ସ୍ବିଡେନ, ଫିନଲ୍ୟାଣ୍ଡ ରହିଛି । ଭାରତରେ ପ୍ରାୟ ୧ ଲକ୍ଷ ଖବରକାଗଜ ଥିବା ବେଳେ ୩୮୦ଟି ଟିଭି ଚ୍ୟାନେଲ କାମ କରୁଛି । ଗୋଟିଏ କର୍ପୋରେଟ କମ୍ପାନୀ ହାତରେ ୮୦ କୋଟି ଲୋକ ଦେଖୁଥିବା ୭୦ଟି ମିଡିଆ ହାଉସ ଅଛି । ୨୦୧୪ରେ ଭାରତ ୧୪୦ତମ ସ୍ଥାନରେ ଥିବା ବେଳେ ଗତ ୯ ବର୍ଷ ଭିତରେ ସ୍ଥିତି ଆହୁରି ଖରାପ ଆଡ଼କୁ ଯାଇଛି । ୨୦୨୨ ପ୍ରେସ ଫ୍ରିଡମ ଇଣ୍ଡେକ୍ସରେ ଶ୍ରୀଲଙ୍କା ୧୪୬ରୁ ଏଥର ୧୩୫କୁ, ପାକିସ୍ତାନ ୧୫୭ରୁ ଏଥର ୧୫୦କୁ ଉନ୍ନୀତ ହୋଇଥିବା ବେଳେ ଭାରତ ୧୫୦ ସ୍ଥାନରୁ ଏଥର ୧୬୧ ସ୍ଥାନକୁ ଖସିଛି ।
ପାଖେଇ ଆସୁଛି ମହାପ୍ରଭୁଙ୍କ ଘୋଷଯାତ୍ରା, ତିନି ରଥର ତୁମ୍ବରେ ବିନ୍ଧ କାର୍ଯ୍ୟ ଶେଷ
ପୁରୀ: ଚଳଚଞ୍ଚଳ ରଥଖଳା । ତିନି ରଥର ତୁମ୍ବରେ ବିନ୍ଧ କାର୍ଯ୍ୟ ଶେଷ ହୋଇଥିବା ବେଳେ ଅଗର ବିନ୍ଦ କାମ ମଧ୍ୟ ସରିଛି । ଆଜି ତୁମ୍ବ ଗୁଡ଼ିକରେ ପନ୍ଦାରି ବିନ୍ଧ କରୁଛନ୍ତି ମହାରଣା । ଆସନ୍ତାକାଲି ନୃସିଂହ ଚତୁର୍ଦ୍ଦଶୀ ଥିବାରୁ ଯନ୍ତା ଗାଡ଼ ପ୍ରସ୍ତୁତ ପାଇଁ ଭୋଇ ସେବକମାନେ ବ୍ୟବସ୍ଥା କରିଛନ୍ତି । ତିନି ରଥର କାଲି ଗୁଜ ଅନୁକୂଳ ହେବାକୁ ଥିବାବେଳେ ଆଜି ରଥ ଖଳାରେ ଆବଶ୍ୟକୀୟ ଗୁଜକାଠ ପକାଯାଇ ସାଇଜ କରିବା ପରେ ରୂପକାରମାନେ ଗୁଜ ଅନୁକୂଳ କରି ନୃସିଂହ ବିରାଳ ପ୍ରସ୍ତୁତ କରିବେ । ରଥ ଖଳାରେ ଚକା ନିର୍ମାଣ ପାଇଁ ପହି କାଠ ଆସି ପହଞ୍ଚି ସାରିଛି । ସେଗୁଡିକରେ ମଧ୍ୟ ବିନ୍ଧ କରାଯିବା ସହ ଅର ନିମିତ୍ତ କାଠ ଆସିଲେ ଅର ନିର୍ମାଣ କରାଯିବ ବୋଲି ଜଣାପଡିଛି ।
କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନରେ ସମ୍ମାନିତ ହେଲେ ନନ୍ଦିଘୋଷ ଟିଭିର ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ର
ଭୁବନେଶ୍ୱର: ସାପ୍ତାହିକ ସମ୍ବାଦପତ୍ର ଚିରସନ୍ଧାନ ପକ୍ଷରୁ ରାଜ୍ୟସ୍ତରୀୟ କବି ସମ୍ରାଟ ଉପେନ୍ଦ୍ର ଭଞ୍ଜ ଜୟନ୍ତୀ ପାଳିତ। ଏହି ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ପାଇଁ ପ୍ରତିଷ୍ଠିତ ବ୍ୟକ୍ତି ବିଶେଷଙ୍କୁ ବିଭିନ୍ନ ସମ୍ମାନରେ ସମ୍ମାନିତ କରାଯାଇଛି । ଚଳିତ ବର୍ଷର ମର୍ଯ୍ୟାଦା ଜନକ କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନରେ ନନ୍ଦିଘୋଷ ଟିଭିର ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ରଙ୍କୁ ସମ୍ମାନିତ କରାଯାଇଛି । ବିଶିଷ୍ଟ ଲେଖକ ତ୍ରିନାଥ ନାୟକଙ୍କୁ ଭଞ୍ଜ ପ୍ରତିଭା ସମ୍ମାନ, ସମାଜସେବୀ ଆଶାଲତା ଦାଶ, ଓଡ଼ିଶୀ ନୃତ୍ୟଶିଳ୍ପୀ ସିନ୍ଧୁ ବ୍ରାଉନ, ଗବେଶିକା ଡ଼ଃ କବିତା ମିଶ୍ର ଓ କବୟିତ୍ରୀ ଦିପ୍ତୀ ମହାନ୍ତିଙ୍କୁ ସନ୍ଧାନ ସମ୍ମାନରେ ସମ୍ବର୍ଦ୍ଧିତ କରାଯାଇଛି ।
ବୁଦ୍ଧ ମନ୍ଦିର ପ୍ରାଙ୍ଗଣରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ସାଂସଦ ତଥା ବିଶିଷ୍ଟ ଚଳଚ୍ଚିତ୍ର ଅଭିନେତା ଓ ନିର୍ଦ୍ଦେଶକ ଡ଼ଃ ପ୍ରଶାନ୍ତ କୁମାର ନନ୍ଦ ଯୋଗ ଦେଇ ଉତ୍ସବକୁ ଉଦଘାଟନ କରିଥିଲେ। ଏଥିରେ ଆୟୋଜକ ତଥା ଚିରସନ୍ଧାନର ସମ୍ପାଦକ ଡ଼ଃ ପାର୍ଥସାରଥୀ ଅଜୟ ବାରିକ ସଭାପତିତ୍ୱ କରିଥିବା ବେଳେ ସଂସ୍କୃତି ବିଭାଗର ଅତିରିକ୍ତ ଶାସନ ସଚିବ ମଧୁସୂଦନ ଦାସ ଓ ଓଡ଼ିଶା ସଂସ୍କୃତି ଓ ନାଟକ ଏକାଡେମୀର ଉପ ସଭାପତି ମନ୍ମଥ କୁମାର ଶତପଥୀ ଯୋଗ ଦେଇଥିଲେ ।
ଆସନ୍ତାକାଲି ମୟୂରଭଞ୍ଜ ଆସିବେ ଦ୍ରୌପଦୀ ମୁର୍ମୁ, ୩ ଦିନିଆ ଗସ୍ତରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ ମହାମହିମ
ମୟୂରଭଞ୍ଜ: ଜନ୍ମମାଟିକୁ ଆସୁଛନ୍ତି ମହାମହିମ । ରାଷ୍ଟ୍ରପତି ହେବା ପରେ ଆସନ୍ତାକାଲି ପ୍ରଥମ କରି ମୟୂରଭଞ୍ଜ ଆସିବେ ଦ୍ରୌପଦୀ ମୁର୍ମୁ । ରାଷ୍ଟ୍ରପତି ଭାବରେ ଓଡ଼ିଶାକୁ ଏହା ତାଙ୍କର ତୃତୀୟ ଗସ୍ତ ହୋଇଥିବାବେଳେ ଜନ୍ମମାଟିକୁ ପ୍ରଥମ ଗସ୍ତ । ୩ ଦିନିଆ ଗସ୍ତରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ ମହାମହିମ । ଏଥିପାଇଁ ଉତ୍ସାହିତ ହୋଇପଡ଼ିଛି ସାରା ମୟୂରଭଞ୍ଜ । କାଲି ସକାଳ ୧୦ଟା ୧୫ ମିନିଟରେ ସ୍ବତନ୍ତ୍ର ବିମାନରେ ଆସି ବାଦାମପାହାଡ଼ଠାରେ ଅବତରଣ କରିବେ ରାଷ୍ଟ୍ରପତି । ସେଠାରୁ ଶାଶୂଘର ଗାଁ ପାହାଡ଼ପୁର ଗସ୍ତ କରିବେ । ସେଠାରେ ସ୍ବର୍ଗତ ଶ୍ୟାମ ଚରଣ ମୁର୍ମୁଙ୍କୁ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବାପରେ ଗୋସାଣୀ ଗସ୍ତ କରିବେ । ନାବାର୍ଡ ପକ୍ଷରୁ ଏସଏଲଏସ ଟ୍ରଷ୍ଟ ସ୍କୁଲ ପାଇଁ ନିର୍ମିତ ହେବାକୁ ଥିବା କମ୍ୟୁନିଟି ସେଣ୍ଟରର ଭିତ୍ତିପ୍ରସ୍ତର ସ୍ଥାପନ କରିବେ । L&T ଦ୍ବାରା ପ୍ରତିଷ୍ଠା କରାଯାଉଥିବା ଦକ୍ଷତା ବିକାଶ କେନ୍ଦ୍ରର ଶିଳାନ୍ୟାସ କରିବେ । ପରେ ସ୍କୁଲ ଛାତ୍ରଛାତ୍ରୀ ଓ ଗାଁ ଲୋକଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ପରେ ହାତବାଦ୍ରାର ସାତପଉଟିଆରେ ପ୍ରଜାପିତା ବ୍ରହ୍ମକୁମାରୀ କେନ୍ଦ୍ର ପରିଦର୍ଶନ କରି ନିଶାମୁକ୍ତ ଓଡ଼ିଶା କ୍ୟାମ୍ପେନର ଶୁଭାରମ୍ଭ କରିବେ । ପରେ ପୂର୍ତ୍ତ ବିଭାଗ ଡାକବଙ୍ଗଳାରେ ମଧ୍ୟାହ୍ନ ଭୋଜନ ପରେ ବିଶ୍ରାମ ନେବେ । ସେଠାରୁ ରାଇରଙ୍ଗପୁର ଯାଇ ସୂନାରାମ ସୋରେନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ । ବଡବନ୍ଧଠାରେ ଶହେ ଫୁଟ ଉଚ୍ଚତାରେ ଏକ ଜାତୀୟ ପତାକାର ଉତ୍ତୋଳନ କରିବା ପରେ ପଣ୍ଡିତ ରଘୁନାଥ ମୁର୍ମୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । ଉତ୍କଳ ଗୌରବ ମଧୁସୂଦନ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ପୌର ପରିଷଦ ନାଗରିକ ସମ୍ବର୍ଦ୍ଧନା ସଭାରେ ଯୋଗ ଦେବେ ରାଷ୍ଟ୍ରପତି । ରାତିରେ ମହୁଳଢିହା ବଙ୍ଗଳାରେ ରାତ୍ରୀଯାପନ କରିବା କାର୍ଯ୍ୟକ୍ରମ ରହିଛି ।
ସେହିପରି ୫ ତାରିଖରେ ମଧ୍ୟ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ ରାଷ୍ଟ୍ରପତି । ଶିମିଳିପାଳ ଅଭୟାରଣ୍ୟ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ସେହିପରି ୬ ତାରିଖରେ ଶ୍ରୀରାମଚନ୍ଦ୍ର ଭଞ୍ଜଦେବ ବିଶ୍ବବିଦ୍ୟାଳୟର ସମାବର୍ତ୍ତନ ଉତ୍ସବରେ ଯୋଗଦେବେ ମହାମହିମ । ସେଠାରେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଦୀକ୍ଷାନ୍ତ ଭାଷଣ ଦେବାର କାର୍ଯ୍ୟକ୍ରମ କରିଛି । ପରେ ସେହିଦିନ ନୂଆଦିଲ୍ଲୀ ଫେରିଯିବେ ମହାମହିମ । ରାଷ୍ଟ୍ରପତିଙ୍କ ଗସ୍ତକୁ ନଜରରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଭାରତୀୟ ବାୟୁସେନା ବିମାନରେ ବରିଷ୍ଠ ଅଧିକାରୀମାନେ ବିଭିନ୍ନ କ୍ଷେତ୍ର ପରିଦର୍ଶନ କରି ସମୀକ୍ଷା କରିଛନ୍ତି । ପୂର୍ବାଞ୍ଚଳ ଆଇଜି ରାଇରଙ୍ଗପୁରରକୁ ଯାଇ ସୁରକ୍ଷା ବ୍ୟବସ୍ଥାର ଅନୁଧ୍ୟାନ କରିଛନ୍ତି । ସୁରକ୍ଷା ଦୃଷ୍ଟିରୁ ୫୦ ପ୍ଲାଟୁନ ଫୋର୍ସ, ୪୦୦ରୁ ଅଧିକ ପୋଲିସ ଅଧିକାରୀ ସୁରକ୍ଷା ଦାୟିତ୍ବରେ ନିୟୋଜିତ ହେବେ । ବ୍ଲୁ ବୁକ୍ ଅନୁସାରେ ସମସ୍ତ ସୁରକ୍ଷା ନିୟମ ପାଳନ କରାଯାଉଛି । ରାଷ୍ଟ୍ରପତି ଶିମିଳିପାଳ ପରିଦର୍ଶନ କରିବାର କାର୍ଯ୍ୟକ୍ରମଥିବାରୁ ଦୁଇଦିନ ପର୍ଯ୍ୟନ୍ତ ଅଭୟାରଣ୍ୟକୁ ବନ୍ଦ କରିଦିଆଯାଇଛି ।
ଟ୍ରେନ୍ ଦୁର୍ଘଟଣାରେ ଆହତ ହୋଇଥିବା ଯୁବକଙ୍କୁ ସହାୟତା ଯୋଗାଇଲେ 5T ସଚିବ
ଗଞ୍ଜାମ: ପୁଣି ସଙ୍କଟମୋଚନ ସାଜିଲେ 5T ସଚିବ ଭିକେ ପାଣ୍ଡିଆନ୍ । ଗଞ୍ଜାମ ଜିଲ୍ଲା ଖୋଲିକୋଟ ବ୍ଲକର ସାମଲନାସି ଅଞ୍ଚଳର ରତ୍ନାକର ଜାଲି ନାମକ ଜଣେ ବ୍ୟକ୍ତି ଖୋର୍ଦ୍ଧାରୁ ଭୁବନେଶ୍ୱର ଟ୍ରେନ୍ ଯୋଗେ ଯାଉଥିଲେ । ସେ ଓହ୍ଲାଇବା ବେଳେ ପଡ଼ିଯିବା ସହ ଟ୍ରେନରେ ହାତ କଟି ଯାଇଥିଲା । ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକ ତାଙ୍କୁ ଭୁବନେଶ୍ୱର ଏମ୍ସରେ ଭର୍ତ୍ତି କରିଥିଲେ । ସେଠାରେ ଆଇସିୟୁ ବେଡର ଅଭାବ ଥିଲା । ରତ୍ନାକରଙ୍କ ପାଖରେ ଅର୍ଥର ଅଭାବ ଥିଲା, ଏ ସମୟରେ ଏମ୍ସ ଡାକ୍ତର କହିଲେ ଯେ ତାଙ୍କୁ ତୁରନ୍ତ ଅନ୍ୟ ହସ୍ପିଟାଲକୁ ନେଇଯାଅ । ତୁରନ୍ତ ଆଇସିୟୁରେ ଭର୍ତ୍ତି ନକଲେ ବଂଚିବା ଅସମ୍ଭବ । ଏ ବିଷୟରେ ଶୁଣିବା ପରେ ତାଙ୍କ ପରିବାର ଲୋକ ଚିନ୍ତାରେ ଥିଲେ ।
ଏହି ସମୟରେ ବ୍ରହ୍ମପୁରର ସମାଜସେବୀ ପ୍ରବୀର ପଣ୍ଡା ନାମକ ଏକ ଯୁବକ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଫୋନ କରି ଏ ବିଷୟରେ ଜଣାଇଥିଲେ । ଖବର 5T ସଚିବ ଭିକେ ପାଣ୍ଡିଆନଙ୍କ ପାଖରେ ପହଞ୍ଚିଥିଲା । ଏହାପରେ ରତ୍ନାକରଙ୍କୁ ବିଏସକେଓ୍ବାଇ ମାଧ୍ୟମରେ ଚିକିତ୍ସା କରିବା ପାଇଁ ସମ୍ ହସ୍ପିଟାଲରେ ବ୍ୟବସ୍ଥା କରିବାକୁ ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ପରେ ତାଙ୍କୁ ହସ୍ପିଟାଲରେ ଆଡମିଟ କରାଯାଇଥିଲା । ଅପରେସନ ପରେ ଏବେ ରତ୍ନାକର ସୁସ୍ଥ ଅଛନ୍ତି । 5T ସଚିବଙ୍କ ଏଭଳି ତ୍ୱରିତ ପଦକ୍ଷେପ ପାଇ ଏକ ଅସହାୟର ଜୀବନ ରକ୍ଷା ହେଇପାରିଲା । ବିଭିନ୍ନ ମହଲରୁ 5T ସଚିବଙ୍କୁ ପ୍ରଶଂସାର ସୁଅ ଛୁଟୁଛି ।
ଦୁବାଇ ପରେ ବ୍ୟାଙ୍କକ୍ ଓ ସିଙ୍ଗାପୁରକୁ ଉଡ଼ିବ ବିମାନ, ଟିକେଟ ବୁକିଂର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: ସିଙ୍ଗାପୁର ଓ ବ୍ୟାଙ୍କକକୁ ବିମାନ ଟିକେଟ ବିକ୍ରିର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାଦ୍ବାରା ଦକ୍ଷିଣ-ପୂର୍ବ ଏସୀୟ ରାଷ୍ଟ୍ରକୁ ଯୋଗାଯୋଗ ସହଜ ଓ ସୁଲଭ ହେବ । ଲୋକଙ୍କ ସ୍ବାର୍ଥ ରକ୍ଷା କରି ଆନ୍ତର୍ଜାତିକ ବିମାନ ଚଳାଇବାରେ ଓଡ଼ିଶା ଦେଶର ପ୍ରଥମ ରାଜ୍ୟ । ଜୁନ ୩ ତାରିଖରୁ ବ୍ୟାଙ୍କକ୍ ଓ ସିଙ୍ଗାପୁରକୁ ଚାଲିବ ଇଣ୍ଡିଗୋ ବିମାନ । ମେ ୧୫ ତାରିଖରୁ ଦୁବାଇକୁ ଚାଲିବ ବିମାନ ଏବଂ ଏଥିପାଇଁ ପୂର୍ବରୁ ମୁଖ୍ୟମନ୍ତ୍ରୀ ଦୁବାଇ ଟିକେଟ ବୁକିଂର ଶୁଭାରମ୍ଭ କରିଥିଲେ । ଏହାଦ୍ବାରା ରାଜ୍ୟର ଛାତ୍ରଛାତ୍ରୀଙ୍କ ପାଇଁ ବିଦେଶରେ ନିଯୁକ୍ତି ସୁଯୋଗ ସୃଷ୍ଟି ହେବା ସହ ପର୍ଯ୍ୟଟନ ଶିଳ୍ପର ଅଭିବୃଦ୍ଧିରେ ସହାୟକ ହେବ । ଏଥିସହିତ ଆଇଟି କ୍ଷେତ୍ରର ବିକାଶ ପାଇଁ ସୁଯୋଗ ସୃଷ୍ଟି କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଦୁବାଇ, ସିଙ୍ଗାପରୁ ଓ ବ୍ୟାଙ୍କକକୁ ସିଧାସଳଖ ବିମାନ ସେବା ଦ୍ବାରା ଏସିଆ ମହାଦେଶର କସମୋପଲିଟାନ ସହର ସହ ଓଡ଼ିଶା ଯୋଡ଼ିହେବ । ପୂର୍ବରୁ ଭୁବନେଶ୍ବରକୁ ଦେଶର ବିଭିନ୍ନ ସ୍ଥାନକୁ ଏୟାର କନେକ୍ଟିଭିଟି ବୃଦ୍ଧି ପାଇଥିବା ବେଳେ ଏବେ ଆନ୍ତର୍ଜାତିକ ବିମାନ ଟ୍ରାଫିକରେ ମଧ୍ୟ ବୃଦ୍ଧି ଘଟିଛି ।
ସାଧାରଣ ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ସରକାର ଏହି ସୁଯୋଗ ସୃଷ୍ଟି କରିଛନ୍ତି । ଏଥିପାଇଁ ମୁଖ୍ୟମନ୍ତ୍ରୀ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଓ ଇଣ୍ଡିଗୋ ବିମାନ କର୍ତ୍ତୃପକ୍ଷଙ୍କୁ ଧନ୍ୟବାଦ ଜଣାଇଛନ୍ତି । ଚଳିତ ବର୍ଷ ରାଜ୍ୟ ସରକାର ବିମାନ ସେବା ପାଇଁ ବଜେଟରେ ୧୦୦ କୋଟି ଟଙ୍କାର ବଜେଟ ବ୍ୟବସ୍ଥା କରିଛନ୍ତି । ଓଡ଼ିଶାବାସୀ ସୁଲଭ ମୂଲ୍ୟରେ ବିଦେଶ ଯାତ୍ରା ପାଇଁ ରାଜ୍ୟ ସରକାର ଆର୍ଥିକ ସହଯୋଗ କରୁଛନ୍ତି । ସିଙ୍ଗାପୁର ଓ ବ୍ୟାଙ୍କକକୁ ବିମାନ ସେବା ଦ୍ବାରା ଓଡ଼ିଶା ଏବେ ଗଲ୍ଫ ଓ ୟୁରୋପୀୟ ରାଷ୍ଟ୍ର ସହ ଯୋଡ଼ି ହୋଇପାରିଛି । ବର୍ତ୍ତମାନ ମାତ୍ର ଦୁଇରୁ ଅଢ଼େଇ ଘଣ୍ଟାର ଯାତ୍ରାରେ ଦେଶର ବହୁ ରାଷ୍ଟ୍ର ସହ ରାଜ୍ୟ ରାଜଧାନୀ ଯୋଡ଼ି ହୋଇପାରିଛି । ଭୁବନେଶ୍ବରରୁ ଦୁବାଇ ସୋମବାର, ବୁଧବାର ଓ ଶୁକ୍ରବାର ବିମାନ ଉଡିବ । ଏକପାଖିଆ ବିମାନ ଯାତ୍ରା ପାଇଁ ଫେୟାର ୧୦ ହଜାର ଟଙ୍କା ଥିବା ବେଳେ ଉଭୟ ପକ୍ଷର ଯାତ୍ରା ପାଇଁ ୨୦ ହଜାର ଟଙ୍କା ଫେୟାର ରହିଛି । ସେହିଭଳି ଭୁବନେଶ୍ବରରୁ ସିଙ୍ଗାପୁର ଓ ବ୍ୟାଙ୍ଗକକକୁ ଫେୟାର ସାଢେ ୭ ହଜାର ଓ ୧୫ ହଜାର ଟଙ୍କା । ସପ୍ତାହର ପ୍ରତି ମଙ୍ଗଳବାର ଓ ଶନିବାର ସିଙ୍ଗାପୁର ଓ ବ୍ୟାଙ୍କକକୁ ବିମାନ ଉଡ଼ିବ ।
ଅଗ୍ରିଆ ସମାଜ ପାଇଁ ଅଧ ଏକର ଜମି ଓ ତିନି କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: ଅଗ୍ରିଆ ସମାଜ ପଶ୍ଚିମ ଓଡ଼ିଶାର ଏକ ପ୍ରମୁଖ ଗୋଷ୍ଠୀ । କୃଷି ଉପରେ ନିର୍ଭର କରୁଥିବା ଏହି ସମାଜର ଲୋକମାନେ ମୁଖ୍ୟତଃ ବରଗଡ଼, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼, କଳାହାଣ୍ଡି, ବଲାଙ୍ଗୀର ଓ ଦେବଗଡ଼ ଆଦି ଜିଲ୍ଲାମାନଙ୍କରେ ବସବାସ କରିଥାନ୍ତି ।
ସେମାନେ ନିକଟରେ ସେମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଭେଟି ଥିଲେ । ବିଭିନ୍ନ କାର୍ଯ୍ୟକ୍ରମରେ ସେମାନେ ଭୁବନେଶ୍ୱର ଆସୁଥିବା ସମୟରେ ରହିବାରେ ଅସୁବିଧା ହେଉଥିବାରୁ ଭୁବନେଶ୍ୱର ନିକଟରେ ଏକ ଜାଗା ଦେବା ପାଇଁ ସେମାନେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ।
ସେମାନଙ୍କ ଅନୁରୋଧ ତଥା ଅଗ୍ରିଆ ସମାଜର ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଭୁବନେଶ୍ୱର ନିକଟରେ ଅଗ୍ରିଆ ସମାଜ ପାଇଁ ଅଧ ଏକର ଜମି ଯୋଗାଇବା ଦିଆଯିବ ବୋଲି ଘୋଷଣା କରିଛନ୍ତି । ଏଥିପାଇଁ ଜମି ଚିହ୍ନଟ ଦିଗରେ ପଦକ୍ଷେପ ନେବା ପାଇଁ ମୁଖ୍ଯ ଶାସନ ସଚିବଙ୍କୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏଥିସହିତ ଅଗ୍ରିଆ ସମାଜ ଭବନ ନିର୍ମାଣ ପାଇଁ ତିନି କୋଟି ଟଙ୍କା ମୁଖ୍ୟମନ୍ତ୍ରୀଙ୍କ ସ୍ଵତନ୍ତ୍ର ସହାୟତା ପାଣ୍ଠିରୁ ଯୋଗାଇ ଦିଆଯିବ ବୋଲି ଘୋଷଣା କରିଛନ୍ତି ।
ଭ୍ଲାଦିମିର ପୁଟିନଙ୍କୁ ହତ୍ୟା ଉଦ୍ୟମ ! ୟୁକ୍ରେନ୍ ଉପରେ ଅଭିଯୋଗ ଆଣିଲା ମସ୍କୋ
ମସ୍କୋ: ଆହୁରି ଭୟାବହ ହେବ ଯୁଦ୍ଧ । ଋଷ-ୟୁକ୍ରେନ ଯୁଦ୍ଧ ଭିତରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ହତ୍ୟା ଉଦ୍ୟମ । କ୍ରେମଲିନ୍ ଉପରେ ଡ୍ରୋନ ଆଟାକ । ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ୟୁକ୍ରେନ ହତ୍ୟା ଉଦ୍ୟମ କରିଥିବା ସାଂଘାତିକ ଅଭିଯୋଗ କରିଛି ମସ୍କୋ । ୟୁକ୍ରେନ ପକ୍ଷରୁ ପୁଟିନଙ୍କୁ ହତ୍ୟା ଉଦ୍ଦେଶ୍ୟରେ ଡ୍ରୋନ୍ ଯୋଗେ ଆକ୍ରମଣ କରାଯାଇଥିବା ଋଷ କହିଛି । କ୍ରେମଲିନ ଉପରେ ଡ୍ରୋନ୍ ଆଟାକର ଭିଜୁଆଲ ମଧ୍ୟ ସିସିଟିଭିରେ କଏଦ ହୋଇଛି । ଆକ୍ରମଣ କରିଥିବା ଦୁଇଟି ଡ୍ରୋନକୁ ଖସାଇ ଦିଆଯାଇଛି ବୋଲି ମସ୍କୋ ପକ୍ଷରୁ କୁହାଯାଇଛି । ସେପଟେ ଋଷର ଅଭିଯୋଗକୁ ଖଣ୍ଡନ କରିଛି କିଭ୍ । ୟୁକ୍ରେନ ପକ୍ଷରୁ ଆକ୍ରମଣ କରାଯାଇ ନଥିବା କିଭ୍ କହିଛନ୍ତି ।
ଟାଟା କମ୍ପାନୀରେ ନିଯୁକ୍ତି ନେଇ ଠକେଇ ମାମଲା, କୋର୍ଟରେ ହାଜର ହେଲେ ଅଭୟ ପାଠକ ଓ ଆକାଶ ପାଠକ
ବ୍ରହ୍ମପୁର: ବ୍ରହ୍ମପୁର କୋର୍ଟରେ ହାଜର ହେଲେ ପୂର୍ବତନ ଆଇଏଫଏସ ଅଧିକାରୀ ଅଭୟ ପାଠକ ଓ ପୁଅ ଆକାଶ ପାଠକ । ଉଭୟେ ୫ଟି ମାମଲାରେ ବ୍ରହ୍ମପୁର କୋର୍ଟରେ ହାଜର ହୋଇଛନ୍ତି । ଅଭୟ ଓ ଆକାଶଙ୍କ ସହ ବିଧାୟକ ପ୍ରଦୀପ ପାଣିଗ୍ରାହୀ ମଧ୍ୟ ହାଜର ହୋଇଥିଲେ । ୪ଟି ମାମଲା ପାଇଁ ଜେଏମଏଫସି କୋର୍ଟ ଓ ଗୋଟିଏ ମାମଲା ରୁରାଲ ଜେଏମଏଫସିଙ୍କ କୋର୍ଟରେ ହାଜର ହୋଇଛନ୍ତି । ଗୋଳନ୍ଥରା ଥାନାରେ ୪ଟି ଅଭିଯୋଗ ହୋଇଥିବା ବେଳେ ଗୋଟିଏ ବୈଦ୍ୟନାଥପୁର ଥାନାରେ ଅଭିଯୋଗ ହୋଇଛି । ଟାଟା କମ୍ପାନୀରେ ନିଯୁକ୍ତି ନେଇ ଠକେଇ ଅଭିଯୋଗରେ କୋର୍ଟରେ ହାଜର ହୋଇଛନ୍ତି ପାଠକ ବାପା ଓ ପୁଅ ।