ଆସିକା: 5T ମାଧ୍ୟମରେ ରୂପାନ୍ତରିତ ହେବ ଆସିକା ଉପଖଣ୍ଡ ସ୍ଵାସ୍ଥ୍ୟ କେନ୍ଦ୍ର। ଏଥର ରୋଗୀ ପାଇବେ ଉନ୍ନତମାନର ଚିକିତ୍ସା। ୧ କୋଟି ୬୩ଲକ୍ଷ ଟଙ୍କା ବ୍ୟୟରେ ଭିତ୍ତିପ୍ରସ୍ତର ସ୍ଥାପନ କଲେ ଆସିକା ସାଂସଦ ପ୍ରମିଳା ବିଷୋୟୀ ଓ ବିଧାୟିକା ମଞ୍ଜୁଳା ସ୍ୱାଇଁ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ 5T ସଚିବ ଭି କେ ପାଣ୍ଡିଆନଙ୍କୁ କୃତଜ୍ଞତା ଜଣାଇଛନ୍ତି ଆସିକା ସହରବାସୀ । କାର୍ଯ୍ୟକ୍ରମରେ ସାମିଲ ଥିଲେ ଜିଲ୍ଲା ପରିଷଦ ସଭ୍ୟ, ସରପଞ୍ଚ, ସମିତି ସଭ୍ୟଙ୍କ ସମେତ ବହୁ ବୁଦ୍ଧିଜୀବୀ ।
ପାଟନା: ଆସନ୍ତା ୨୩ରେ ପାଟନାରେ ହେବାକୁ ଯାଉଥିବା ବିରୋଧୀଙ୍କ ମେଳିକୁ ନେଇ ଅଙ୍କକଷା । କଂଗ୍ରେସ ସାଧାରଣ ସମ୍ପାଦକ କେ.ସି. ଭେନୁଗୋପାଲ କହିଛନ୍ତି- ଏହି ମହାମେଳିରେ ସାମିଲ ହେବେ କଂଗ୍ରେସ ନେତା ରାହୁଲ ଗାନ୍ଧି, ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ । ସେ କହିଛନ୍ତି- ଏହି ମେଳିକୁ ନେଇ ବିଜେପି ଛାନିଆ ହୋଇଛି । ୨୦୨୪ରେ ପ୍ରକୃତ ଲଢେଇ ହେବାକୁ ଯାଉଛି ବୋଲି ବିଜେପି ଜାଣିସାରିଲାଣି । ଦେଶକୁ ଧ୍ବଂସପଥକୁ ନେଉଥିବା ବିଜେପି ପରି ଶକ୍ତି ବିରୋଧରେ ଲଢିବା ଲାଗି ବିରୋଧୀ ଦଳ ଆବଶ୍ୟକତା ଉପଲବ୍ଧି କରିଛନ୍ତି ।
ଏହି ମହାସମାବେଶରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ବିହାର ମୁଖ୍ୟମନ୍ତ୍ରୀ ନୀତୀଶ କୁମାର, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ, ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ପ୍ରମୁଖ ସାମିଲ ହେବା ସମ୍ଭାବନା ରହିଛି । ସେହିପରି ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ, ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ, ଜେଡିୟୁ ସଭାପତି ରାଜୀବ ରଞ୍ଜନ, ଶିବସେନା ନେତା ଉଦ୍ଧବ ଠାକରେ, ଏନସିପି ନେତା ଶରଦ ପାଓ୍ବାର ପ୍ରମୁଖ ଯୋଗଦେବା ଆଶା ରହିଛି । ଏହି ସମାବେଶରେ ଆସନ୍ତା ଲୋକସଭା ନିର୍ବାଚନରେ ଏକତ୍ର ଲଢେଇ କରିବା ଲାଗି ବ୍ଲୁପ୍ରିଣ୍ଟ ପ୍ରସ୍ତୁତ କରିବା ସମ୍ଭାବନା ରହିଛି ।
ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ଏବଂ ଚଳିତ ବର୍ଷ ଶେଷ ବେଳକୁ ୫ଟି ରାଜ୍ୟରେ ନିର୍ବାଚନ ହେବାକୁ ଯାଉଛି । ମେଗା ନିର୍ବାଚନକୁ ଦୃଷ୍ଟିରେ ରଖି ନିର୍ବାଚନ କମିଶନ ପକ୍ଷରୁ ଆରମ୍ଭ ହୋଇଛି ପ୍ରସ୍ତୁତି । ପର୍ଯ୍ୟାୟ ଭିତ୍ତିରେ ଇଭିଏମ ଓ ପେପର ଟ୍ରେଲ ମେସିନଗୁଡ଼ିକର ଯାଞ୍ଚ କରୁଛି କମିଶନ । ଫାଷ୍ଟ ଲେବଲ ଚେକ୍ ବା ଏଫଏଲସି ପ୍ରକ୍ରିୟାରେ ମକ୍ ପୋଲ୍ ପ୍ରକ୍ରିୟା ବି ଚାଲିଥିବା ସୂଚନା ମିଳିଛି । କେରଳର ସମସ୍ତ ନିର୍ବାଚନ ମଣ୍ଡଳୀରେ ଏହି ପ୍ରକ୍ରିୟା ଯାଞ୍ଚ ଚାଲିଛି ବୋଲି କମିଶନ ପକ୍ଷରୁ କୁହାଯାଇଛି । ପ୍ରତି ରାଜ୍ୟର ମୁଖ୍ୟ ନିର୍ବାଚନ ଅଧିକାରୀମାନଙ୍କୁ ନିର୍ଦ୍ଧାରିତ ସୂଚନା ପ୍ରଦାନ କରାଯାଉଛି । ଚଳିତ ବର୍ଷ ଶେଷ ବେଳକୁ ରାଜସ୍ଥାନ, ମିଜୋରାମ, ଛତିଶଗଡ଼, ତେଲଙ୍ଗାନା ଓ ମଧ୍ୟପ୍ରଦେଶରେ ନିର୍ବାଚନ ହେବାକୁ ଯାଉଛି ।
ବର୍ତ୍ତମାନ କେରଳର ଓ୍ବାୟନାଡ, ମହାରାଷ୍ଟ୍ରର ପୁଣେ ଓ ଚନ୍ଦ୍ରପୁର, ଉତ୍ତରପ୍ରଦେଶର ଗାଜିପୁର ଓ ହରିଆଣାର ଅମ୍ବାଲା ଲୋକସଭା ଆସନ ଖାଲି ପଡିଛି । କିଛି ଜାତୀୟ ଗଣମାଧ୍ୟମର ସର୍ଭେ ଅନୁସାରେ ରାଜସ୍ଥାନ ଓ ଛତିଶଗଡ଼ରେ କଂଗ୍ରସ ପୁଣି ସରକାର ଗଢିବ । ତେବେ ମଧ୍ୟପ୍ରଦେଶରେ ବିଜେପିର ଅନ୍ତଃକନ୍ଦଳ କଂଗ୍ରେସକୁ ସୁହାଇବ ବୋଲି କୁହାଯାଇଛି ।
ଭୁବନେଶ୍ୱର: ଉଚ୍ଚଶିକ୍ଷା ମନ୍ତ୍ରୀ ପଦରୁ ବାଦ ପଡ଼ିଲେ ରୋହିତ ପୂଜାରୀ । ତାଙ୍କ ସ୍ଥାନରେ ସମବାୟ ଓ ଖାଦ୍ୟ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କୁ ମିଳିଛି ଉଚ୍ଚ ଶିକ୍ଷା ବିଭାଗର ଅତିରିକ୍ତ ଦାୟିତ୍ବ । ମନ୍ତ୍ରିମଣ୍ଡଳରୁ ରୋହିତଙ୍କୁ ବାଦ ଦେବାକୁ ରାଜ୍ୟପାଳଙ୍କୁ ସୁପାରିସ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ । ବାର୍ଷିକ ସମୀକ୍ଷାରେ ଉଚ୍ଚଶିକ୍ଷା ବିଭାଗର ଦୁର୍ବଳ ପ୍ରଦର୍ଶନ ଯୋଗୁ ରୋହିତଙ୍କୁ ମନ୍ତ୍ରିମଣ୍ଡଳରୁ ବିଦା କରିବାକୁ ସୁପାରିସ କରିଥିଲେ ମୁଖ୍ୟମନ୍ତ୍ରୀ ।
ଭୁବନେଶ୍ୱର: ଉଚ୍ଚଶିକ୍ଷା ମନ୍ତ୍ରୀଙ୍କ ବିରୋଧରେ ଉଚ୍ଚା ଆକ୍ସନ । ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀଙ୍କୁ ମନ୍ତ୍ରିମଣ୍ଡଳରୁ ବାଦ ଦେବାକୁ ସୁପାରିସ । ରାଜ୍ୟପାଳଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସୁପାରିସ । ବାର୍ଷିକ ସମୀକ୍ଷାରେ ଉଚ୍ଚଶିକ୍ଷା ବିଭାଗର ଦୁର୍ବଳ ପ୍ରଦର୍ଶନ । ଏଥିପାଇଁ ରୋହିତ ପୂଜାରୀଙ୍କୁ ମନ୍ତ୍ରୀମଣ୍ଡଳରୁ ବାଦ ଦେବାକୁ ସୁପାରିସ କରିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ କରିଥିଲେ ବାର୍ଷିକ ବିଭାଗୀୟ ସମୀକ୍ଷା । ନୈରାଶ୍ୟଜନକ ପ୍ରଦର୍ଶନ ଯୋଗୁ ମନ୍ତ୍ରିମଣ୍ଡଳରୁ ବାଦ ଦେବାକୁ ସୁପାରିସ କରିଛନ୍ତି ମୁଖ୍ୟମନ୍ତ୍ରୀ । ୨୦୨୨ ଜୁନ ୫ରେ ଉଚ୍ଚଶିକ୍ଷା ମନ୍ତ୍ରୀ ଭାବରେ ଦାୟିତ୍ୱ ନେଇଥିଲେ ରୋହିତ । ବାର୍ଷିକ ବିଭାଗୀୟ ସମୀକ୍ଷା କରିଥିଲେ ମୁଖ୍ୟମନ୍ତ୍ରୀ । ବାର୍ଷିକ ସମୀକ୍ଷାରେ ଉଚ୍ଚଶିକ୍ଷା ବିଭାଗରେ ଦୁର୍ବଳ ପ୍ରଦର୍ଶନ କରିଥିଲା । ଉଚ୍ଚଶିକ୍ଷା ବିଭାଗର ବହୁ କାର୍ଯ୍ୟ ଅଟକି ରହିଥିଲା ।
ସୂଚନା ଅନୁସାରେ ରୋହିତ ପୂଜାରୀ ରେଢ଼ାଖୋଲ ବିଧାନସଭା ଆସନରୁ ବିଧାୟକ ଅଛନ୍ତି । ୨୦୧୪ରେ ବିଜେଡି ଟିକେଟରୁ ପ୍ରଥମ ଥର ପାଇଁ ବିଧାନସଭା ପାଇଁ ନିର୍ବାଚିତ ହୋଇଥିଲେ ରୋହିତ । ଏହା ପରେ ୨୦୧୯ରେ ମଧ୍ୟ ଲଗାତର ଦ୍ୱିତୀୟ ଥର ପାଇଁ ନିର୍ବାଚିତ ହୋଇଥିଲେ ସେ । ତେବେ ୨୦୨୨ ଜୁନ୍ ୫ରେ ହୋଇଥିବା ମନ୍ତ୍ରିମଣ୍ଡଳ ଅଦଳବଦଳରେ ଉଚ୍ଚଶିକ୍ଷା ବିଭାଗର ମନ୍ତ୍ରୀ ହୋଇଥିଲେ ରୋହିତ ପୂଜାରୀ ।
ଓ୍ୱାଶିଂଟନ: କେତେକ ଗୁରୁତ୍ବପୂର୍ଣ୍ଣ ନଥି ପ୍ରସଙ୍ଗରେ ତାଙ୍କୁ ଅଭିଯୁକ୍ତ ସାବ୍ୟସ୍ତ କରାଯାଇଛି ବୋଲି ଅଭିଯୋଗ କରିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଦ୍ବିତୀୟ ଥର ଲାଗି ରାଷ୍ଟ୍ରପତି ନିର୍ବାଚନରେ ପ୍ରତିଦ୍ବନ୍ଦ୍ବିତା କରିବାକୁ ଯାଉଥିବା ଟ୍ରମ୍ପଙ୍କ ଲାଗି ଏବେ ଅନେକ ଆଇନଗତ ସଙ୍କଟ ସୃଷ୍ଟି ହୋଇଛି । ଟ୍ରମ୍ପ କହିଛନ୍ତି- କ୍ଲାସିଫାଏଡ ଡକ୍ୟୁମେଣ୍ଟ ନେବା ପ୍ରସଙ୍ଗରେ ଦୁର୍ନୀତିଗ୍ରସ୍ତ ବାଇଡେନ ପ୍ରଶାସନ ପକ୍ଷରୁ ତାଙ୍କ ଆଟର୍ଣ୍ଣିଙ୍କୁ ସୂଚନା ଦିଆଯାଇଥିଲା । ଟ୍ରମ୍ପଙ୍କ ଆଟର୍ଣ୍ଣି ଜିମ୍ ଟ୍ରଷ୍ଟି କହିଛନ୍ତି ଟ୍ରମ୍ପଙ୍କ ନାମରେ ୭ଟି ଅଭିଯୋଗ ଦାୟର ହୋଇଛି । ତନ୍ମଧ୍ୟରେ ରହିଛି ଗୁଇନ୍ଦାଗିରି ଆଇନ ଉଲ୍ଲଂଘନ, ମିଥ୍ୟା ବିବୃତି ପ୍ରଦାନ, ଅନ୍ୟାୟ, ଷଡ଼ଯନ୍ତ୍ର ରଚନା ଇତ୍ୟାଦି । ଟ୍ରମ୍ପ କହିଛନ୍ତି ଆସନ୍ତା ମଙ୍ଗଳବାର ଦିନ ତାଙ୍କୁ ମିଆମିର ଏକ ଫେଡେରାଲ କୋର୍ଟ ହାଉସରେ ହାଜର ହେବା ଲାଗି ତାଙ୍କୁ ସମନ ଜାରି କରାଯାଇଛି । କ୍ଲାସିଫାଏଡ ଡକ୍ୟୁମେଣ୍ଟ ମାମଲାରେ ଟ୍ରମ୍ପଙ୍କୁ ଟାର୍ଗେଟ କରାଯାଉଛି ବୋଲି କହିଛନ୍ତି ତାଙ୍କ ଓକିଲ ।
ପୂର୍ବରୁ ପର୍ଣ୍ଣଷ୍ଟାରଙ୍କୁ ଟଙ୍କା ଦେବା ମାମଲାରେ ବି ଅଡୁଆର ସମ୍ମୁଖୀନ ହୋଇଥିଲେ ଟ୍ରମ୍ପ । ଟ୍ରମ୍ପଙ୍କ ଅଡୁଆ ଭିତରେ ତାଙ୍କୁ ସମର୍ଥନ କରିଛନ୍ତି ପ୍ରତିନିଧି ସଭାର ବାଚସ୍ପତି କେଭିନ ମ୍ୟାକାର୍ଥି । ଆମେରିକା ଲାଗି ଏକ କଳା ଦିବସ ଆସିଛି ବୋଲି ସେ କହିଛନ୍ତି । ଆଇନକୁ ବିଶ୍ବାସ କରୁଥିବା ପ୍ରତିଟି ଆମେରିକୀୟ ଟ୍ରମ୍ପଙ୍କ ସପକ୍ଷରେ ରହିବେ ବୋଲି ସେ କହିଛନ୍ତି । ହ୍ବାଇଟ ହାଉସ ପରିତ୍ୟାଗ କରିବା ପରେ ଫ୍ଲୋରିଡାସ୍ଥିତ ନିଜର ମାର-ଏ-ଲାଗୋ ପ୍ରାସାଦରେ କେତେକ କ୍ଲାସିଫାଏଡ ନଥି ଟ୍ରମ୍ପ ରଖିଥିବା ନେଇ ଅଭିଯୋଗ ହୋଇଥିଲା । ଗତବର୍ଷ ଅଗଷ୍ଟରେ ମାର-ଏ-ଲାଗୋ ପ୍ରାସାଦରୁ ଏଫବିଆଇ ସର୍ଚ୍ଚ ଓ୍ବାରେଣ୍ଟ ବଳରେ ୧୧ ହଜାର ନଥି ନେଇଯାଇଥିଲା । ଗତ ୨୦୨୨ ଜାନୁଆରୀରେ ଟ୍ରମ୍ପ ୨୦୦ କ୍ଲାସିଫାଏଡ ଡକ୍ୟୁମେଣ୍ଟକୁ ନ୍ୟାସନାଲ ଆର୍କାଇଭସକୁ ପ୍ରଦାନ କରିଥିଲେ । ୨୦୨୦ ରାଷ୍ଟ୍ରପତି ନିର୍ବାଚନରେ ପରାସ୍ତ ପରେ ୨୦୨୧ ଜାନୁଆରୀ ୬ରେ ହଙ୍ଗାମା ନେଇ ବି ଟ୍ରମ୍ପଙ୍କ ବିରୋଧରେ ମାମଲା ଚାଲୁ ରହିଛି ।
ଭୁବନେଶ୍ୱର: ବାହାନଗା ହାଇସ୍କୁଲର ହେବ ପୁନଃନିର୍ମାଣ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନିଷ୍ପତ୍ତି ନେଇଛନ୍ତି । 5T ଉପକ୍ରମରେ ଏହାକୁ ଏକ ମଡେଲ ସ୍କୁଲ କରାଯିବ । ବାଲେଶ୍ୱର ଜିଲ୍ଲା ବାହନଗା ହାଇସ୍କୁଲ ତଥା ଏହାର ପରିସରରେ ଥିବା ପ୍ରାଥମିକ ଓ ଏଲିମେଣ୍ଟାରୀ ସ୍କୁଲ ଘରକୁ ସମ୍ପୂର୍ଣ୍ଣ ଭଙ୍ଗାଯିବ । 5T ଉପକ୍ରମରେ ଏହାର ପୁନଃନିର୍ମାଣ କରାଯିବା ସହିତ ଏହାକୁ ଏକ ଆଦର୍ଶ ସ୍କୁଲ ଭାବରେ ଗଢ଼ି ତୋଳିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ଗତ ୨ ତାରିଖରେ ବାହନଗା ରେଳ ଷ୍ଟେସନରେ ଭୟାବହ ରେଳ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ମୃତଦେହ ସାମୟିକ ଭାବରେ ବାହନଗା ହାଇସ୍କୁଲରେ ରଖାଯାଇଥିଲା । ପରବର୍ତ୍ତୀ ସମୟରେ ମୃତଦେଗୁଡ଼ିକୁ ଅନ୍ୟତ୍ର ନିଆଯାଇ ସ୍କୁଲ ବିଶୋଧନ କରାଯାଇଥିଲେ ମଧ୍ୟ ଛାତ୍ରଛାତ୍ରୀ, ଶିକ୍ଷକ, ଜନସାଧାରଣଙ୍କ ମଧ୍ୟରେ ଭୟ ରହିଛି । ତେଣୁ ସ୍କୁଲଘର ଭାଙ୍ଗି ଏହାର ପୁନଃନିର୍ମାଣ ପାଇଁ ବିଭିନ୍ନ ମହଲରେ ଦାବି ହୋଇଥିଲା ।
ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ମୁଖ୍ୟ ଶାସନ ସଚିବ ପ୍ରଦୀପ ଜେନା, 5T ସଚିବ ଭିକେ ପାଣ୍ଡିଆନ, ସ୍କୁଲ ଓ ଗଣଶିକ୍ଷା ସଚିବ ଏସ୍. ଅଶ୍ୱଥୀ ଭିଡିଓ କନଫରେନ୍ସିଂ ଜରିଆରେ ବାଲେଶ୍ୱର ଜିଲ୍ଲାପାଳ, ସ୍କୁଲ ପରିଚାଳନା କମିଟିର ସଦସ୍ୟ, ପଞ୍ଚାୟତ ପ୍ରତିନିଧି, ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ ଓ ପୁରାତନ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ସମସ୍ତଙ୍କର ମତାମତ ନିଆଯାଇଥିଲା । ଛାତ୍ରଛାତ୍ରୀ, ଅଭିବାବକ ଓ ଶକ୍ଷକ ଶିକ୍ଷୟିତ୍ରୀଙ୍କ ମନରେ ସେ ଦିନର ଦୃଶ୍ୟ ଏବେବି ଭୟ ସୃଷ୍ଟି କରୁଛି ଏବଂ ସେମାନେ ଆତଙ୍କିତ ଅବସ୍ଥାରେ ଅଛନ୍ତି । ତେଣୁ ପିଲାମାନଙ୍କର ମାନସିକ ସ୍ୱାସ୍ଥ୍ୟକୁ ଗୁରୁତ୍ୱ ଦେଇ ବାହାନଗା ହାଇସ୍କୁଲ ଓ ଏହାର ପରିସରରେ ଥିବା ପ୍ରାଥମିକ ଓ ଏଲିମେଣ୍ଟାରୀ ସ୍କୁଲଘର ଭାଙ୍ଗି ପୁନଃନିର୍ମାଣ କରିବା ପାଇଁ ବୈଠକରେ ଆଲୋଚନା କରାଯାଇଥିଲା । ଏହା ପରେ ସ୍କୁଲ ପୁନଃନିର୍ମାଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଷ୍ପତ୍ତି ନେଇଛନ୍ତି ।
ଶ୍ରୀନଗର: ଶ୍ରୀନଗର ସ୍କୁଲରେ ଡ୍ରେସ୍ କୋଡକୁ ନେଇ ଆତଙ୍କୀଙ୍କ ଧମକ । ବିଶ୍ବ ଭାରତୀ ସରକାରୀ ସ୍କୁଲରେ ଡ୍ରେସ୍ କୋଡ୍ ଲାଗୁ କରାଯିବା ପରେ ଏହାକୁ ନେଇ ଆତଙ୍କବାଦୀ ଧମକ ମିଳିବା ପରେ ସ୍କୁଲ ପ୍ରିନ୍ସପାଲ କ୍ଷମା ମାଗିଛନ୍ତି । ମୁସଲମାନ ମହିଳାମାନେ ପିନ୍ଧୁଥିବା କଳା ପୋଷାକ ସ୍କୁଲରେ ପିନ୍ଧିବାକୁ ବାରଣ କରାଯାଇଥିଲା । ଏହାକୁ କିଛି ଛାତ୍ର ବିରୋଧ କରିଥିଲେ । ଧାର୍ମିକ ଭାବନାକୁ ଆଘାତ ଦିଆଯାଇ ସ୍କୁଲରେ ଡ୍ରେସକୋଡ୍ ଲାଗୁ କରାଯାଉଛି ବୋଲି ଛାତ୍ରୀମାନେ ଅଭିଯୋଗ ଆଣିବା ସହ ବିରୋଧ ପ୍ରଦର୍ଶନ କରିଥିଲେ । ଏହାକୁ ନେଇ ବିବାଦ ବଢ଼ିବା ପରେ କିଛି ଆତଙ୍କୀ ସଂଗଠନ ପ୍ରିନ୍ସିପାଲଙ୍କୁ ଧମକ ଦେଇଥିଲେ । ଏହାପରେ ସ୍କୁଲର ପ୍ରିନ୍ସିପାଲ କ୍ଷମା ପ୍ରାର୍ଥନା କରିଛନ୍ତି । ପୂର୍ବରୁ ସ୍କୁଲର ଏହି ନିୟମକୁ ପିଡିପି ଅଧ୍ୟକ୍ଷା ମେହବୁବା ମୁଫତି ବିରୋଧ କରିଥିଲେ ।
ଭୁବନେଶ୍ୱର: ଓଡ଼ିଶାର ବେଷ୍ଟ ସ୍କୁଲ ହେବ ବାହାନଗା ହାଇସ୍କୁଲ । ୪ରୁ ୬ ମାସରେ ବାହାନଗା ହାଇସ୍କୁଲ ନୂଆ ରୂପ ପାଇବ । ମୁଖ୍ୟ ଶାସନ ସଚିବ ପ୍ରଦୀପ ଜେନା ଓ 5T ସଚିବ ଭି.କେ ପାଣ୍ଡିଆନ ଏହି ପ୍ରତିଶ୍ରୁତି ଦେଇଛନ୍ତି । ବାହାନଗା ଟ୍ରେନ୍ ଟ୍ରାଜେଡି ପରେ ଶତାଧିକ ମୃତଦେହ ହାଇସ୍କୁଲର କିଛି ଶ୍ରେଣୀଗୃହରେ ରଖାଯାଇଥିଲା । ପରେ ମୃତଦେହ ସ୍ଥାନାନ୍ତର କରାଯାଇଥିଲେ ମଧ୍ୟ ଭୟରେ ପିଲା ସ୍କୁଲ ଯିବାକୁ ରାଜି ହୋଇନଥିଲେ । ଏଥିପାଇଁ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ ସ୍କୁଲ ପରିଚାଳନା କମିଟି ସଦସ୍ୟ, ଅଭିଭାବକ ଓ ପିଲାଙ୍କ ଉପସ୍ଥିତିରେ ବୈଠକ ଅନୁଷ୍ଠିତ ହୋଇଥିଲା ।
ମୁଖ୍ୟ ଶାସନ ସଚିବ ଓ 5T ସଚିବ ଭିଡିଓ କନଫରେନସିଂରେ ଉପସ୍ଥିତ ଥିଲେ । ପିଲାଙ୍କ ସହ କଥା ହୋଇ ସମସ୍ୟା ସମ୍ପର୍କରେ ଅବଗତ ହେଲା ପରେ ୪ରୁ ୬ ମାସରେ ନୂଆ ସ୍କୁଲ ଗୃହ ନିର୍ମାଣ ସାରିବାକୁ 5T ସଚିବ ପ୍ରତିଶ୍ରୁତି ଦେଇଛନ୍ତି । ଏହାସହ ଖେଳ ପଡ଼ିଆ ବି ହେବ । ଏଥିପାଇଁ ଛାତ୍ରଛାତ୍ରୀ ଓ ଅଭିଭାବକମାନେ ଖୁସି ପ୍ରକାଶ କରିଛନ୍ତି । ଆଜି ପୁରୁଣା ଶ୍ରେଣୀ ଗୃହ ଭଙ୍ଗା ଆରମ୍ଭ ହୋଇଛି । ଗତ ୨ ତାରିଖରେ ଦିନ ଟ୍ରେନ୍ ଦୁର୍ଘଟଣା ପରେ ହାଇସ୍କୁଲର କିଛି ଅତିରିକ୍ତ ଶ୍ରେଣୀ ଗୃହ ଓ ଖାଇବା ସ୍ଥାନରେ ମୃତଦେହ ରଖାଯାଇଥିଲା । ମୋ ସ୍କୁଲ ଯୋଜନାରେ ନୂଆ କୋଠା ନିର୍ମାଣ ଚାଲିଛି । ଏହାସହ 5T ସ୍କୁଲ କୋଠା ମଧ୍ୟ ରହିଛି । ତଥାପି ମୃତଦେହ ରଖାଯାଇଥିବା କଥା ଶୁଣି ପିଲା ସ୍କୁଲ ଯିବାକୁ ଡରୁଥିଲେ । ଆଜି ସଚିବଙ୍କ ସହ କଥା ହୋଇ ପ୍ରତିଶ୍ରୁତି ପାଇବା ପରେ ପିଲା ଓ ଅଭିଭାବକ ଆଶ୍ବସ୍ତି ହୋଇଛନ୍ତି । ମୃତଦେହ ରଖାଯାଇଥିବା ଶ୍ରେଣୀଗୃହ ଆଜି ଭଙ୍ଗାଯାଉଛି ।
ମୁମ୍ବାଇ: ଏନସିପି ସୁପ୍ରିମୋ ଶରଦ ପାଓ୍ବାରଙ୍କୁ ହ୍ବାଟ୍ସଆପରେ ଧମକ । ରାଜନୈତିକ ଶତ୍ରୁତା ଯୋଗୁ ପାଓ୍ବାରଙ୍କୁ ଧମକ ମିଳିଥିବା ବେଳେ ମୁମ୍ବାଇ ପୋଲିସ କମିଶନରଙ୍କୁ ଭେଟି ଅଭିଯୋଗ କରିଛନ୍ତି ତାଙ୍କ ଝିଅ ତଥା ଏନସିପି ସାଂସଦ ସୁପ୍ରିୟା ସୁଲେ । ଉଭୟ କେନ୍ଦ୍ର ଓ ରାଜ୍ୟ ସରକାର ପାଓ୍ବାରଙ୍କ ସୁରକ୍ଷା ବ୍ୟବସ୍ଥା ସୁନିଶ୍ଚିତ କରିବାକୁ ଦାବି କରିଛି ସୁପ୍ରିୟା । ମହାରାଷ୍ଟ୍ରରେ ଦିନକୁ ଦିନ କ୍ରାଇମ ବଢ଼ୁଥିବା ବେଳେ ରାଜନେତାଙ୍କୁ ଖୁଲମଖୁଲା ଧମକ ଦିଆଯାଉଛି । ଗୃହ ମନ୍ତ୍ରଣାଳୟ ଏ ଦିଗରେ ଦୃଷ୍ଟି ଦେବାକୁ ଦାବି କରିଛନ୍ତି ସୁପ୍ରିୟା । ନିଚ୍ଚସ୍ତରର ରାଜନୀତି କରୁଥିବା ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ଏନସିପି ନେତ୍ରୀ ।
