ବ୍ୟୁରୋ : ବହୁଚର୍ଚ୍ଚିତ ଅଭିନେତ୍ରୀ ଜିୟା ଖାନ ଆତ୍ମହତ୍ୟା ମାମଲା । ଅଭିନେତା ସୁରଜ ପାଞ୍ଚୋଲୀ ନିର୍ଦ୍ଦୋଷ । ସୁରଜଙ୍କୁ ଦୋଷମୁକ୍ତ କଲେ ସିବିଆଇ ସ୍ପେଶାଲ କୋର୍ଟ । ସୁରଜଙ୍କ ବିରୋଧରେ ପ୍ରମାଣ ନମିଳିବାରୁ ତାଙ୍କୁ କୋର୍ଟ ଦୋଷମୁକ୍ତ କରିଛନ୍ତି । ଆଜି କୋର୍ଟରେ ଶୁଣାଣି ବେଳେ ଜିୟାଙ୍କ ମାଆ ମଧ୍ୟ ଉପସ୍ଥିତ ଥିଲେ । ସୁରଜ ପଞ୍ଚୋଲି, ଜିୟାଙ୍କୁ ଆତ୍ମହତ୍ୟା ପାଇଁ ଉକୁସାଇଥିବା ଅଭିଯୋଗ ଆଣିଥିଲା ଜିୟାଙ୍କ ମାଆ ।
୨୦୧୩ ମସିହା ଜୁନ ୩ ତାରିଖରେ ଜିୟା ଖାନଙ୍କ ଝୁଲନ୍ତା ମୃତେଦହ ତାଙ୍କ ମୁମ୍ବାଇସ୍ଥିତ ଘରୁ ମିଳିଥିଲା । ଜିୟାଙ୍କ ଘରୁ ପୋଲିସ ୬ ପୃଷ୍ଠାର ସୁଇସାଇଡ ନୋଟ ମଧ୍ୟ ଜବତ କରିଥିଲେ । ଜିୟା ଅଭିନେତା ସୁରଜ ପଞ୍ଚୋଲିଙ୍କୁ ଡେଟ୍ କରୁଥିଲେ ।
ହେଲେ ସୁରଜ ତାଙ୍କୁ ଶାରୀରିକ ନିର୍ଯାତନା ଦେଉଥିବା ବେଳେ ଧୋକା ଦେଇଛନ୍ତି । ସୁରଜଙ୍କ ଏଭଳି ବ୍ୟବହାର ପାଇଁ ସେ ଭିତରୁ ମରି ସାରିଥିଲେ ବୋଲି ସୁଇସାଇଡ ନୋଟରେ ଉଲ୍ଲେଖ କରିଥିଲେ । ସୁଇସାଇଡ ନୋଟ ଆଧାରରେ ପୋଲିସ ସୁରଜ ପଞ୍ଚୋଲିଙ୍କୁ ଗିରଫ କରିଥିଲା । ପରେ ତାଙ୍କୁ ହାଇକୋର୍ଟରୁ ଜାମିନ ମିଳିଥିଲା । ହେଲେ ଜିୟାଙ୍କ ମାଆ ହାର ମାନି ନଥିଲେ । ଜିୟାଙ୍କ ମୃତ୍ୟୁ ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ତାଙ୍କ ମାଆ ଅଭିଯୋଗ କରିଥିଲେ । ମାଆଙ୍କ ଅଭିଯୋଗ ଆଧାରରେ ସିବିଆଇକୁ ମାମଲାର ଯାଞ୍ଚ ପାଇଁ ନିର୍ଦ୍ଦେଶ ଦେଇଥିଲେ କୋର୍ଟ ନିର୍ଦ୍ଦେଶ ଦେଇଥିଲେ ।
ଜିୟା ୨୦୦୭ ମସିହାରୁ ବଲିଉଡରେ କ୍ୟାରିଅର ଆରମ୍ଭ କରିଥିଲେ । ଡେବ୍ୟୁ ଫିଲ୍ମ ନିଶବ୍ଦରେ ଅମିତାଭ ବଚ୍ଚନଙ୍କ ସହ ଅଭିନୟ କରିଥିଲେ ଜିୟା । ଆମୀର ଖାନଙ୍କ ଫିଲ୍ମ ଗଜନୀରେ ମଧ୍ୟ ଜିୟାଙ୍କୁ ଦେଖିବାକୁ ମିଳିଥିଲା । ୧୦ବର୍ଷ ପରେ ଜିୟା ଖାନ ଆତ୍ମହତ୍ୟା ମାମଲାର ରାୟ ଶୁଣାଇଛନ୍ତି କୋର୍ଟ ।
