ଭୁବନେଶ୍ବର: ଆଇନଶୃଙ୍ଖଳା ନାଁରେ ପୋଲିସକୁ ବିଜେପିର ଆକ୍ରମଣ ଘଟଣା। ଅତିରିକ୍ତ ପୋଲିସ କମିଶନର ଉମାଶଙ୍କର ଦାଶଙ୍କୁ ଭେଟିଲା ଅଲ୍ ଓଡ଼ିଶା ଷ୍ଟୁଡେଣ୍ଟ ଭଏସ ସଂଗଠନ ।
ସମ୍ବଲପୁରରେ ମହିଳା ପୋଲିସ ଅଧିକାରୀଙ୍କୁ ବିରୋଧୀ ଦଳ ନେତା ଜୟ ନାରାୟଣ ମିଶ୍ରଙ୍କ ଆକ୍ରମଣ ଓ ଭୁବନେଶ୍ୱରରେ ଆଇନଶୃଙ୍ଖଳା ନାଁରେ ହିଂସାକାଣ୍ଡ ଘଟାଇବା ପଛର ଷଡ଼ଯନ୍ତ୍ରକାରୀଙ୍କୁ ଗିରଫ ଦାବିରେ ଦାବିପତ୍ର ପ୍ରଦାନ କରାଯାଇଛି । ଡିଜିପିଙ୍କ ଉଦ୍ଦେଶ୍ୟରେ ଅତିରିକ୍ତ ପୋଲିସ କମିଶନର ଉମାଶଙ୍କର ଦାଶଙ୍କୁ ଦାବିପତ୍ର ପ୍ରଦାନ ସହ କାର୍ଯ୍ୟାନୁଷ୍ଠାନ ଦାବି କରିଛି ଅଲ୍ ଓଡ଼ିଶା ଷ୍ଟୁଡେଣ୍ଟ ଭଏସ ସଂଗଠନ ।
ଭୁବନେଶ୍ବର: ଆସନ୍ତାକାଲି ବିଜୁ ଜୟନ୍ତୀରେ ନବୀନ ଓଡ଼ିଶା ପାଇଁ ନିଆଯିବ ସଂକଳ୍ପ l ବିଜେଡିର ନିଷ୍ପତି ଅନୁସାରେ ସବୁ ନିର୍ବାଚନମଣ୍ଡଳୀରେ ସଂକଳ୍ପ ସମାବେଶ ହେବ । ନବୀନ ଓଡ଼ିଶାର ସଂକଳ୍ପ ନେବେ ବିଜେଡି ନେତା ଓ କର୍ମୀ ।
ନୂଆ ସଶକ୍ତ ଓଡ଼ିଶା ଗଠନ ଆହୁରି ବ୍ୟାପକ ହେବ l ୨୩ ବର୍ଷ ଶାସନରେ ବିଜୁ ପଟ୍ଟନାୟକଙ୍କ ଅଭିଳାଷ ପୂରଣ କରିବା ପାଇଁ ବିଜେଡି କାମ କରିଛି। ବିଜୁ ଜୟନ୍ତୀରେ ସାଇକେଲ ଶୋଭାଯାତ୍ରା ସହ ବିଭିନ୍ନ କାର୍ଯ୍ୟକ୍ରମ ହେବ ବୋଲି ବିଜେଡି ବିଧାୟକ ଶଶିଭୂଷଣ ବେହେରା କହିଛନ୍ତି ।
ନବୀନ ଓଡ଼ିଶା ଏକ ନୂତନ ଓଡ଼ିଶା ଓ ବିକାଶଶୀଳ ଓଡ଼ିଶା। ନବୀନ ଏବେ ଏକ ମଡେଲ । ନବୀନ ପଟ୍ଟନାୟକ ବିକାଶ ପୁରୁଷ ଭାବେ ପରିଚିତ । ଆସନ୍ତାକାଲି ବିଜୁବାବୁଙ୍କ ପ୍ରିୟ ଡାକୋଟା ଉନ୍ମୋଚତ ହେବ। ଡାକୋଟା ଏକ ବିମାନ ନୁହେଁ, ଏକ ସ୍ୱାଭିମାନ । ଆସନ୍ତାକାଲି ବିଜୁ ଏକ୍ସପ୍ରେସ ୱେ ମଧ୍ୟ ଲୋକାର୍ପଣ ହେବ ବୋଲି ସରକାରୀ ଦଳ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି କହିଛନ୍ତି।
ରାଞ୍ଚି: ଜବତ ହେଲା ୧ କୋଟି ଟଙ୍କାର ନକଲି ବିଦେଶୀ ମଦ । ମଦ ସହ ୩ ଜଣ ଗିରଫ ହୋଇଛନ୍ତି । ଝାଡ଼ଖଣ୍ଡ ବୋକାରୋ ଜିଲ୍ଲା ସ୍ଥିତ ବଲରାମପୁରରେ ନକଲି ବିଦେଶୀ ମଦ ତିଆରି କାରଖାନାରେ ରେଡ୍ ହୋଇଛି । ଏହି ରେଡ ବେଳେ ଏତେ ଟଙ୍କାର ମଦ ଜବତ ହୋଇଛି ।
ଏହାସହ ୨ ହଜାର ଲିଟରରୁ ଅଧିକ ସ୍ପିରିଟ୍, ବିଭିନ୍ ବିଦେଶୀ କମ୍ପାନୀର ଲୋଗୋ ଥିବା ମଦ ଜବତ ହୋଇଛି । ଏହାସହ ତିନି ଜଣକୁ ଗିରଫ କରିଛି ପୋଲିସ । ରେଡ୍ ହୋଇଥିବା ନକଲି ବିଦେଶୀ ମଦ ମୂଲ୍ୟ ୧ କୋଟି ଟଙ୍କା ହେବ।
ଯେହେତୁ ଝାରଖଣ୍ଡ ଓ ପଶ୍ଚିମବଙ୍ଗ ସୀମାନ୍ତ ଅଞ୍ଚଳ । ସେଥିପାଇଁ ନକଲି ମଦ ତିଆରି ହୋଇ ବିହାର, ଝାରଖଣ୍ଡ ସହ, ଓଡ଼ିଶା ସୀମାନ୍ତ ଓ ପଶ୍ଚିମବଙ୍ଗ ଯାଉଥିବା ସନ୍ଦେହ କରାଯାଉଛି । ଏହି ନକଲି ବିଦେଶୀ ମଦକୁ କେଉଁ କେଉଁ ସ୍ଥାନରେ ପଠାଯାଉଛି ସେନେଇ ତଦନ୍ତ ଜାରି ରହିଛି ।
ପୁରୀ: ବସଷ୍ଟାଣ୍ଡରୁ ବସ୍ ଚୋରି । ପୁରୀ ଗୋପ ରାସ୍ତାର ଛଇତନା ନିକଟରୁ ଉଦ୍ଧାର ହେଲା ବସ୍ । ପୁରୀ ବସଷ୍ଟାଣ୍ଡରୁ ଏକ ଘରୋଇ ବସ୍ ଚୋର ହୋଇଯାଇଥିଲା । କଟକର ଜଣେ ବସ ମାଲିକଙ୍କ ବସ୍ ଚୋରି ହୋଇଥିବା କୁମ୍ଭାରପଡ଼ା ଥାନାରେ ଅଭିଯୋଗ କରିଥିଲେ ।
ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିବା ପରେ ବସଟି ପୁରୀ ଗୋପ ରାସ୍ତାର ଛଇତନା ନିକଟରୁ ମିଳିଛି । ଗାଡ଼ିର ଅନେକ ଯନ୍ତ୍ରାଂଶ ଓ ତେଲ ଟାଙ୍କିରୁ ସମସ୍ତ ତେଲ ଚୋରି ହୋଇଛି । ଏନେଇ ଥାନାରେ ବସ କଣ୍ଡକ୍ଟର ଛବୀନ୍ଦ୍ର ବେହେରା ଅଭିଯୋଗ କରିଛନ୍ତି ।
ଭୂବନେଶ୍ବର: ରିଲିଜ ହୋଇଛି ଓଲିଉଡ଼ ଫିଲ୍ମ ‘ବାପା ସୁପରମ୍ୟାନ୍’। ଓଲିଉଡ଼ର ମେଗାଷ୍ଟାର ସିଦ୍ଧାନ୍ତ ମହାପାତ୍ର ଷ୍ଟାରର ଫିଲ୍ମରେ ବାପା ଭୂମିକାରେ ନଜର ଆସିଛନ୍ତି । ପୁଅ ଚରିତ୍ରରେ ଶୁଭମ ଫିଲ୍ମରେ ନଜର ଆସିଛନ୍ତି ।
ଦୁନିଆ ସବୁବେଳେ ମା’ର ତ୍ୟାଗକୁ ଦେଖି ଆସିଛି । କିନ୍ତୁ ପିଲାଙ୍କ ପାଇଁ ବାପାଙ୍କ ତ୍ୟାଗ, ସେବା ,କଷ୍ଟ ଦୁନିଆ ସାମ୍ନାକୁ ଆସିପାରେନି। ସେମିତି ଜଣେ ବାପାଙ୍କ ତ୍ୟାଗର କଥା ଦେଖିବାକୁ ମିଳିଛି ଏହି ଫିଲ୍ମରେ । ଯାହା ଦର୍ଶକଙ୍କୁ ଖୁବ୍ ପସନ୍ଦ ଆସିଛି ।
ଓଁକାର ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଫିଲ୍ମର ନିର୍ଦ୍ଦେଶନା ଦେଇଛନ୍ତି ସୁଧାଂଶୁ ମୋହନ ସାହୁ ।୨୫ ଟି ହଲରେ ରିଲିଜ୍ ହୋଇଛି ଫିଲ୍ମ । ଅନ୍ୟାନ୍ୟ ଭୂମିକାରେ ସୁପ୍ରିୟା, ସୋଫିଆ ଆଲମ୍, ପ୍ରକାଶ ଜେନା ପ୍ରମୁଖ ଅଭିନୟ କରିଛନ୍ତି। ଚଳଚ୍ଚିତ୍ରର କାହାଣୀ ଲେଖିଛନ୍ତି ପ୍ରିୟବ୍ରତ ପଣ୍ଡା।
ଭୁବନେଶ୍ବର: ଖୁବଶୀଘ୍ର ପିଆଜ ଉତ୍ପାଦନରେ ଓଡ଼ିଶା ଆତ୍ମ ନିର୍ଭରଶୀଳ ହେବାକୁ ଯାଉଛି । ବର୍ତ୍ତମାନ ବଳକା ପିଆଜ ଛତିଶଗଡ଼କୁ ରପ୍ତାନୀ ହେଉଛି। ଏଥର ବଜେଟରେ ପ୍ରବଳ ପ୍ରୋତ୍ସାହନ ବି ରଖାଯାଇଛି ।
ସବସିଡି ୪୦ ପ୍ରତିଶତରୁ ଅଧିକ ରହିଛି । ସ୍ଥଳ ବିଶେଷରେ ମହିଳା ଚାଷୀଙ୍କୁ ଅଧିକ ପ୍ରୋତ୍ସାହନ ଦିଆଯିବାର ବ୍ୟବସ୍ଥା ରହିଛି । ଫୁଲ, ପିଆଜ, ଫଳ ସବୁଥିରେ ଆତ୍ମ ନିର୍ଭରଶୀଳ ହେବ ରାଜ୍ୟ ।
ଏହି ପ୍ରୋତ୍ସାହନ ଯୋଗୁଁ ଚାଷୀ ସେହି ଚାଷରେ ଅଧିକ ନିୟୋଜିତ ହେଉଥିବାରୁ ଉତ୍ପାଦନ ଭଲ ହେଉଛି ବୋଲି କହିଛନ୍ତି କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ।
ନୂଆ ଦିଲ୍ଲୀ : ଭାରତ ଆସିଛନ୍ତି ମାଇକ୍ରୋସଫ୍ଟ କୋ-ଫାଉଣ୍ଡର ବିଲ୍ ଗେଟ୍ସ । ଭାରତ ଆସିବା ପରେ ବର୍ତ୍ତମାନ ସବୁଆଡେ ଛାଇ ଯାଇଛନ୍ତି ଗେଟ୍ସ । ତା’ ସହ ପୁଣି ଭାରତର ସବୁଠାରୁ ପାରମ୍ପରିକ ଖାଦ୍ୟ ରାନ୍ଧିବା ବି ଶିଖିଛନ୍ତି। ଭାରତର ପ୍ରସିଦ୍ଧ ଖାଦ୍ୟ ଖେଚୁଡି ରାନ୍ଧିବା ଶିଖିଲେ ବିଲ୍ ଗେଟ୍ସ । କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ଠାରୁ ଶିଖିଲେ ରାନ୍ଧିବା ପଦ୍ଧତି। ଦୁହିଁଙ୍କର ଖେଚୁଡି ରାନ୍ଧିବାର ଭିଡିଓ ଏବେ ଭାଇରାଲ ହେଉଛି। ଏଠାରେ କହି ରଖୁଛୁ, ମାଇକ୍ରୋସଫ୍ଟ ପ୍ରତିଷ୍ଠାତା ବିଲ୍ ଗେଟ୍ସ ଭାରତ ଗସ୍ତରେ ଅଛନ୍ତି। ଗୁରୁବାର ଦିନ ଜଣେ ଶିଶୁର ଅନ୍ନପ୍ରସନ୍ନ ଉତ୍ସବରେ ସେ ଯୋଗ ଦେଇଥିଲେ। ଭାରତର ପାରମ୍ପାରିକ ଖାଦ୍ୟ ଏବଂ ଶରୀର ପାଇଁ ଏହାର ଗୁରୁତ୍ବକୁ ବୁଝିବା ପରେ ବିଲ୍ ଗେଟ୍ସ ଖୁବ ପ୍ରଶଂସା ମଧ୍ୟ କରିଥିଲେ। ଖାସ ସେଥିପାଇଁ ସେ ସ୍ମୃତି ଇରାନୀଙ୍କଠାରୁ ଖେଚୁଡି ରାନ୍ଧିବାର ପଦ୍ଧତି ମଧ୍ୟ ଶିଖିଲେ।
Recognising the Super Food of India and its POSHAN component..
When @BillGates gave tadka to Shree Ann Khichdi! pic.twitter.com/CYibFi01mi
— Smriti Z Irani (@smritiirani) March 2, 2023
ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଦ୍ୱାରା ଆୟୋଜିତ ପୁଷ୍ଟିକର ଖାଦ୍ୟ ମାଧ୍ୟମରେ ସଶକ୍ତିକରଣ ତଥା ମହିଳାମାନଙ୍କ ଉତ୍ସବ କାର୍ଯ୍ୟକ୍ରମରେ ବିଲ୍ ଗେଟ୍ସ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଏହି ଅବସରରେ ମହିଳା ଏବଂ ଶିଶୁଙ୍କ ଉନ୍ନତି କ୍ଷେତ୍ରରେ କାର୍ଯ୍ୟ କରୁଥିବା ପୋଷଣ ୨.୦ ଯୋଜନାରେ କାର୍ଯ୍ୟ କରୁଥିବା ସମସ୍ତ ଅଧିକାରୀଙ୍କୁ ଭେଟି ଥିଲେ ବିଲ୍ ଗେଟ୍ସ। ଅନ୍ୟପଟେ ସେହି କାର୍ଯ୍ୟକ୍ରମକୁ ସମ୍ବୋଧିତ କରି ଏହି ଯୋଜନା ଉପରେ ଆଲୋକପାତ କରିଥିଲେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ।
ଏହା ସହ ରତନ ଟାଟା ଏବଂ ଟାଟା ସନ୍ସର ଅଧ୍ୟକ୍ଷ ନଟରାଜନ ଚନ୍ଦ୍ରଶେକରନଙ୍କୁ ଭେଟିଛନ୍ତି ବିଲ୍ ଗେଟ୍ସ । ସେହି ସାକ୍ଷାତକାରର କିଛି ମୁହୂର୍ତ୍ତର ଫଟୋ ସେ ଟୁଇଟରରେ ସେୟାର କରିଛନ୍ତି।
Our co-chair & founder, @BillGates had an enriching discussion with @RNTata2000 & N. Chandrasekaran, about their philanthropic initiatives. We look forward to strengthening our work together & partnering for health, diagnostics, and nutrition. pic.twitter.com/Xqs1hooDyX
— Gates Foundation India (@BMGFIndia) March 1, 2023
ଯେଉଁ ଫଟୋରେ ଦେଖିବାକୁ ମିଳିଛି ଯେ ରତନ ଟାଟା ଏବଂ ଏନ ଚନ୍ଦ୍ରଶେକରନଙ୍କୁ ବିଲ୍ ଗେଟ୍ସ କିଛି ପୁସ୍ତକ ଉପହାରରେ ଦେଉଛନ୍ତି। ଗେଟ୍ସ ତାଙ୍କର ” ହାଓ ଟୁ ପ୍ରିଭେଣ୍ଟ ଦ ନେକ୍ସଟ ପାନଡେମିକ୍” ଏବଂ ”ହାଓ ଟୁ ଆଭଏଡ ଏବଂ କ୍ଳାଇମେଟ୍ ଡିଜାଷ୍ଟର” ପୁସ୍ତକ ଉଭୟଙ୍କୁ ଦେଇଥିଲେ। ଏହା ଛଡା ପୁଣି ବିଲ୍ ଗେଟ୍ସ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର, ଆରବିଆଇ ଗଭର୍ଣ୍ଣର ଶକ୍ତିକାନ୍ତି ଦାସ ଏବଂ ମହିନ୍ଦ୍ରା ଗ୍ରୁପ୍ର ଅଧ୍ୟକ୍ଷ ଆନନ୍ଦ ମହିନ୍ଦ୍ରାଙ୍କୁ ଭେଟିଥିଲେ। ଯେତେବେଳେ ରତନ ଟାଟା ଏବଂ ବିଲଗେଟ୍ସଙ୍କ କଥା ଉଠେ ସମସ୍ତଙ୍କ ମୁହଁରେ ଉଭୟଙ୍କ ମହାନତାର ଚର୍ଚ୍ଚା ହୋଇଥାଏ।
ଇସଲାମାବାଦ: ଆମେରିକାର ତୀବ୍ର ବିରୋଧ ସତ୍ତ୍ବେ ପାକିସ୍ତାନକୁ ଋଣ ଯୋଗାଇଲା ଚୀନ । ସଙ୍କଟ ଜର୍ଜରିତ ପାକିସ୍ତାନ ଲାଗି ୧ ଦଶମିକ ୫ ବିଲିୟନ ଡଲାରର ଋଣ ସହାୟତା ଘୋଷଣା କରିଛି ଚୀନ ।
ଦେବାଳିଆ ଅବସ୍ଥାରେ ଥିବା ପାକିସ୍ତାନକୁ ଏହି ଅର୍ଥ ସହାୟତା ଦେବ ଇଣ୍ଡଷ୍ଟ୍ରିଆଲ ଆଣ୍ଡ କମର୍ସିଆଲ ବ୍ୟାଙ୍କ ଅଫ ଚୀନ ଲିମିଟେଡ। ଏନେଇ ସୂଚନା ଦେଇଛନ୍ତି ପାକିସ୍ତାନ ଅର୍ଥମନ୍ତ୍ରୀ ଇଶାକ୍ ଦର । ତିନିଟି ପର୍ଯ୍ୟାୟରେ ଅର୍ଥାତ ପ୍ରତିଥର ୫ଶହ ନିୟୁତ ଡଲାର ଲେଖାଏଁ ଅର୍ଥ ପ୍ରଦାନ କରିବ ଚୀନ ।
ପ୍ରଥମ ପର୍ଯ୍ୟାୟରେ ୫ଶହ ନିୟୁତ ଡଲାର ଗ୍ରହଣ କରିଛି ପାକିସ୍ତାନ ସେଣ୍ଟ୍ରାଲ ବ୍ୟାଙ୍କ । ପାକିସ୍ତାନରେ ଆର୍ଥିକ ସଙ୍କଟ ଘନୀଭୂତ ହୋଇଥିବାବେଳେ ବୈଦେଶିକ ମୁଦ୍ରା ରିଜର୍ଭ ପରିମାଣ ବ୍ୟାପକ ହ୍ରାସ ପାଇଛି । ବର୍ତ୍ତମାନ ଯେତିକି ବୈଦେଶିକ ମୁଦ୍ରା ଗଚ୍ଛିତ ରହିଛି ସେଥିରେ ମାତ୍ର ୩ ସପ୍ତାହ ଯାଏ ପାକିସ୍ତାନର ଆମଦାନୀ କ୍ଷମତା ରହିବ ।
କିଛିଦିନ ପୂର୍ବରୁ ପାକିସ୍ତାନକୁ ୭ଶହ ନିୟୁତ ଡଲାର ଋଣ ଦେଇଥିଲା ଚୀନ । ସେହି ଅର୍ଥ ନ ସୁଝୁଣୁ ପୁଣି ଥରେ ୧ ଦଶମିକ ୫ ବିଲିୟନ ଡଲାରର ରୋଲ ଓଭର ଋଣ ପ୍ରଦାନ କରିଛି ଚୀନ । ବର୍ତ୍ତମାନର ସ୍ଥିତି ଯାହା ରହିଛି ସେଥିରେ ପାକିସ୍ତାନକୁ ସ୍ବାଭାବିକ ସ୍ଥିତିକୁ ଆସିବା ଲାଗି ଆବଶ୍ୟକ ୫ ବିଲିୟନ ଡଲାରର ସହାୟତା ।
ଜଗତସିଂହପୁର: କଟକ ପାରଦୀପ ରାସ୍ତାର ଜଇପୁରରେ ଦୁର୍ଘଟଣା। ମଣିଜଙ୍ଗା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରୁ ଏକ ଗୁରୁତର ରୋଗୀକୁ ୧୦୮ ଆମ୍ବୁଲାନ୍ସରେ ଅଣାଯାଉଥିବା ବେଳେ ଏକ ଭାରି ଯାନ ସହ ମୁହାଁମୁହିଁ ଧକ୍କା ହୋଇଛି ।
ଦୁର୍ଘଟଣାରେ ଆମ୍ବୁଲାନ୍ସ ଡ୍ରାଇଭରର ବେକରେ ଗୁରୁତର ଆଘାତ ଲାଗିଥିବା ବେଳେ ପ୍ରବଳ ରକ୍ତସ୍ରାବ ହୋଇଥିଲା । ଆମ୍ବୁଲାନ୍ସରେ ଥିବା ରୋଗୀ ଜଣକ ଅଧିକ ଗୁରୁତର ହୋଇ ପଡିଥିଲେ।
ଏହାସହ ଏହି ଦୁର୍ଘଟଣାରେ ରୋଗୀ ସାଥିରେ ଥିବା ଫାର୍ମାସିଷ୍ଟ ଏବଂ ଆମ୍ବୁଲାନ୍ସ ହେଲପର ମଧ୍ୟ ଆହତ ହୋଇଛନ୍ତି । ସମସ୍ତଙ୍କୁ ପ୍ରଥମେ ରଘୁନାଥପୁର ମେଡିକାଲ ଓ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ତିର୍ତ୍ତୋଲ ପୋଲିସ ପହଞ୍ଚି ତଦନ୍ତ ଆରମ୍ଭ କରିଦେଇଛି।
ବାଲେଶ୍ବର: ସୋର ସବିରା ଗ୍ରାମର ଦମ୍ପତି ହତ୍ୟା ଘଟଣାର ପର୍ଦ୍ଦାଫାସ । ଜମି ପାଇଁ ବଡ଼ ଭାଇ ଓ ଭାଉଜକୁ ହତ୍ୟା କରିଛି ସାନ ଭାଇ ମଧୁସୂଦନ ବେହେରା l ଜମି ଦଖଲକୁ ନେଇ ଲାଗିରହିଥିଲା ଅସନ୍ତୋଷ ।
ହତ୍ୟା ପାଇଁ ପୂର୍ବରୁ ଯୋଜନା କରିଥିଲା ମଧୁସୂଦନ। ତେବେ ଗତ ବୁଧବାର ବଡ଼ ଭାଇ ରଘୁନାଥ ବେହେରା ଓ ସ୍ତ୍ରୀ ପ୍ରଭାତି ବେହେରାଙ୍କୁ ଅତି ନୃଶଂସ ଭାବେ ଗଳାକାଟି ହତ୍ୟା କରିଥିଲେ ସାନ ଭାଇ ମଧୂସୁଦନ ଓ ଜେନା ସାହିର ସହଯୋଗୀ ମାନସ ଜେନା ।
ହତ୍ୟାକାଣ୍ଡ ଠାରୁ ଶହେ ମିଟର ଦୂର ପୋଖରୀରୁ ଖଣ୍ଡା, ଏସିଡ ବୋତଲ ଜବତ ହୋଇଛି । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ମୟୂରଭଞ୍ଜ ଏସପି । ଅଭିଯୁକ୍ତଙ୍କ ବିରୋଧର ଦୃଢ଼ କାର୍ଯ୍ୟାନୁଷ୍ଠାନ ନେବାକ ଦାବି ହୋଇଛି ।
