ବରଗଡ଼: ବନ୍ଦ ଘରେ ତିନିଜଣଙ୍କ ମୃତଦେହ ଠାବ । ବରଗଡ଼ ଜିଲ୍ଲା ଭେଡେନ ବ୍ଲକ ଆଖିଫୁଟା ଗାଁରେ ଚାଞ୍ଚଲ୍ୟକର ଘଟଣା ଘଟିଛି । ଏକ ବନ୍ଦ ଘରୁ ମିଳିଛି ତିନିଜଣଙ୍କ ମୃତଦେହ । ଏହି ଘଟଣା ସାମ୍ନାକୁ ଆସିବା ପରେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ତେବେ ଏହା ହତ୍ୟା ନା ଆତ୍ମହତ୍ୟା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନି । ପୋଷ୍ଟମର୍ଟମ ପରେ ପ୍ରକୃତ ତଥ୍ୟ ପଦାକୁ ଆସିବ ବୋଲି କହିଛି ପୋଲିସ ।
ନୂଆଦିଲ୍ଲୀ: ଗ୍ୟାଙ୍ଗଷ୍ଟର ଅତିକ ଅହମଦ ଓ ଅସରଫ୍ ହତ୍ୟାକାଣ୍ଡ ପରେ ନୂଆ ନୂଆ ଖୁଲାସା ହେବାରେ ଲାଗିଛି । ସାବରମତି ଜେଲରେ ରହି ବି ନିଜ ସିଣ୍ଡିକେଟ୍ ଚଳାଉଥିଲା ଅତିକ । କିଛି ଦିନ ପୂର୍ବେ ମହମ୍ମଦ ମୁସଲିମ୍ ନାମକ ଜଣେ ବିଲ୍ଡରକୁ ଧମକ ଦେବା ସହ ୫ କୋଟି ଟଙ୍କା ମାଗିଥିଲା । ଯାହାପରେ ପୁଅ ଅସଦକୁ ୮୦ ଲକ୍ଷ ଟଙ୍କା ଦେଇଥିଲେ ବିଲ୍ଡର ।
ରିପୋର୍ଟ ଅନୁସାରେ ଏହି ୮୦ ଲକ୍ଷ ଟଙ୍କା ଉମେଶ ପାଲ ହତ୍ୟାକାଣ୍ଡରେ ଖର୍ଚ୍ଚ ହୋଇଥିଲା । ଖାଲି ଏତିକି ନୁହେଁ ମହମ୍ମଦ ମୁସଲିମକୁ ଅତିକ ଧମକ ଭରା ମେସେଜ ମଧ୍ୟ ପଠାଇଥିଲା । ଯେଉଁଥିରେ ଲେଖିଥିଲା- ମୋର ପୁଅ ନା ଡାକ୍ତର ବନିବ, ନା ଓକିଲ ବନିବ । ଖାଲ ହିସାବ କରିବ । ମୁଁ ଶେଷଥର ପାଇଁ କହୁଛି ଚୁପଚାପ୍ ୫କୋଟି ପଠା । ଇଡି ଏଯାଏଁ ତୁମ ପଇସା ସିଜ୍ କରିନି । ପୁଅ ଉମରର ଯେଉଁ ହିସାବ ଓ ଅସଦ ଯେଉଁ ପଇସା ଦେଇଥିଲା, ତାକୁ ପଠେଇଦିଅ । ନିର୍ବାଚନ ପାଇଁଦରକାର ପଡିବ । ଅତିକର ଧମକକୁ ଡରି ପ୍ରୟାଗରାଜ ଛାଡି ଲକ୍ଷ୍ନୌ ଚାଲିଯାଇଥିଲେ ସମ୍ପୃକ୍ତ ବିଲ୍ଡର। ଅତିକ ୨୦୨୩ ଜାନୁଆରୀରୁ ଲଗାତାର ଭାବେ ମହମ୍ମଦ ମୁସଲିମକୁ ଧମକଚମକ ଦେଇଆସୁଛି।
ଅତିକ ସବୁବେଳେ ନିର୍ବାଚନ ଲଢିବା ସମୟରେ ଟଙ୍କା ଅସୁଲ୍ କରିଥାଏ । ବଡବଡ ବିଲ୍ଡର ଓ ବ୍ୟବସାୟୀଙ୍କ ସହ ସମ୍ପୃକ୍ତ ବିଜନେସମ୍ୟାନଙ୍କ ଠାରୁ ନିର୍ବାଚନ ଲଢିବା ପାଇଁ ବଟି ନେଇଥାଏ । ଏପରିକି ଗୁଣ୍ଡା ଟ୍ୟାକ୍ସ ବଟି ପାଇଁ ରସିଦ୍ ଜାରି ହୋଇଥାଏ । ଗୋଲାପୀ ରସିଦର ରେଟ୍ ୩ରୁ ୫ ଲକ୍ଷ ଯାଏଁ ରହିଥିବା ବେଳେ ଧଳା ରସିଦ୍ ୫ ଲକ୍ଷ ଟଙ୍କାରୁ ଅଧିକ ପାଇଁ କଟାଯାଇଥାଏ । କ୍ୟାସ୍ ସହ ଆକାଉଣ୍ଟରେ ମଧ୍ୟ ଟଙ୍କା ଜମା ହୋଇଥାଏ । ନିର୍ବାଚନ ଟ୍ୟାକ୍ସ ପାଇଁ ଆଦାୟ ଅର୍ଥରାଶି ବ୍ୟାଙ୍କ ଅଫ୍ ମହାରାଷ୍ଟ୍ରର ଆକାଉଣ୍ଟରେ ଜମା ହୋଇଥାଏ ।
ଭଦ୍ରକ: ଆଧୁନିକ ଯୁଗରେ ଅନ୍ଧ ବିଶ୍ବାସର ଅନ୍ଧାର ଗଳିରେ ମଣିଷ । ମୃତ ଛୁଆକୁ ଲୁଣରେ ପୋତି ଜୀବନ ବଞ୍ଚାଇବାକୁ ପ୍ରୟାସ କଲେ ପରିବାର । ଭଦ୍ରକ ଜିଲ୍ଲାର ବାସୁଦେବପୁର ଡାକ୍ତରଖାନା ପରିସରରେ ଦେଖିବାକୁ ମିଳିଛି ଏଭଳି ଅଭାନୀୟ ଘଟଣା । ବିଦେଇପୁର ପଞ୍ଚାୟତର ଗଦେଇବିନ୍ଧା ଗ୍ରାମର ରୋହିତ ଜେନାଙ୍କର ଦେଢ଼ ବର୍ଷର ଶିଶୁ ପୁତ୍ର ପୋଖରୀରେ ବୁଡ଼ିଯାଇଥିଲା । ଭାସୁଥିବା ସମୟରେ ପରିବାର ଲୋକ ଉଦ୍ଧାର କରି ପାଖରେ ଏକ ବେସରକାରୀ କ୍ଲିନିକରେ ଦେଖାଇଥିଲେ । ପରେ ବାଇକ ଯୋଗେ ବାସୁଦେବପୁର ଡାକ୍ତରଖାନାରରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ ।
କିନ୍ତୁ ବାପା ମାଆ ଡାକ୍ତରଙ୍କ କଥାକୁ ବିଶ୍ବାସ ନକରି ଅନ୍ଧବିଶ୍ବାସର ସାହାରା ଲୋଡିଲେ । ଲୋକଙ୍କ କଥାରେ ପଡ଼ି ଶିଶୁଟିକୁ ୧୩ କିଲୋ ଲୁଣରେ ଡାକ୍ତରଖାନା ପଛପଟେ ପୋତି ବଞ୍ଚାଇବାକୁ ପ୍ରୟାସ କରିଥିଲେ ପରିବାର ଲୋକ । ଅନେକ ଲୋକ ମଧ୍ୟ ଏହାର ଦେଖଣାହାରି ପାଲଟିଥିଲେ ।
ପ୍ରୟାଗରାଜ: ଗ୍ୟାଙ୍ଗଷ୍ଟର ଅତିକ୍ ଅହମଦର ପତ୍ନୀ ଶାଇସ୍ତା ପରୱୀନ ଆଜି ଆତ୍ମସମର୍ପଣ କରିପାରନ୍ତି । ଗତ ସପ୍ତାହରେ ତାଙ୍କ ପୁଅ ଅସଦର ଏନକାଉଣ୍ଟର କରାଯାଇଥିଲା ଏବଂ ଏହାପରେ ଶନିବାର ରାତିରେ ସ୍ୱାମୀ ଅହମଦ ଏବଂ ଦିଅର ଅସରଫକୁ ପୋଲିସ ସୁରକ୍ଷାରେ ହତ୍ୟା କରାଯାଇଥିଲା । ଶାଇସ୍ତା ପରୱୀନ ପୁଅ, ସ୍ୱାମୀ ଏବଂ ଦିଅରଙ୍କ ଚେହେରା ଶେଷଥର ପାଇଁ ମଧ୍ୟ ଦେଖିବାକୁ ଆସିନଥିଲେ । ମଡିଆ ରିପୋର୍ଟସ ମୁତାବକ ଶାଇସ୍ତା ପରୱୀନଙ୍କ ଆତ୍ମସମର୍ପଣର ସମ୍ଭାବନାକୁ ଦୃଷ୍ଟିରେ ରଖି ପ୍ରୟାଗରାଜ ଜିଲ୍ଲାରେ ଅତିରିକ୍ତ ପୋଲିସ ଫୋର୍ସ ମୁତୟନ କରାଯାଇଛି । ସୁରକ୍ଷା ବ୍ୟବସ୍ଥା ମଧ୍ୟ ବୃଦ୍ଧି କରାଯାଇଛି । ଉମେଶ ପାଲ ହତ୍ୟା ମାମଲାରେ ଅଭିଯୁକ୍ତ ଭାବେ ଶାଇସ୍ତା ପରୱୀନଙ୍କ ନାଁ ରୁଜୁ ଅଛି ଏବଂ ସେ ବର୍ତ୍ତମାନ ଫେରାର ଅଛନ୍ତି ।
ଶାଇସ୍ତା ପରୱୀନଙ୍କ ନାଁରେ ବର୍ତ୍ତମାନ ୫୦ ହଜାର ଟଙ୍କାର ପୁରସ୍କାର ରାଶି ଘୋଷଣା କରାଯାଇଛି । ୟୁପି ପୋଲିସର ଟିମ୍ ଭିନ୍ନ ଭିନ୍ନ ସହରରେ ତାଙ୍କୁ ଖୋଜୁଛି । କିନ୍ତୁ ବର୍ତ୍ତମାନ ସୁଦ୍ଧା ତାଙ୍କୁ ଗିରଫ କରାଯାଇ ପାରିନାହିଁ । କୁହାଯାଉଥିଲା ଯେ ସେ ସ୍ୱାମୀ ଅତିକକୁ ଶେଷ ଦର୍ଶନ ପାଇଁ ଆସିବେ ହେଲେ ଆସିନଥିଲେ । ଏବେ ସମସ୍ୟା ଅଧିକ ନବଢ଼ୁ ସେଥିପାଇଁ ସେ ସରେଣ୍ଡର କରିବା ପାଇଁ ଚିନ୍ତା କରୁଥିବା କଥା କୁହାଯାଉଛି । ସୂଚନାଥାଉକି ଶାଇସ୍ତା ପରୱୀନଙ୍କ ବାପାଘର ଲୋକେ ମଧ୍ୟ ନିଜ ଘରୁ ଫେରାର ଅଛନ୍ତି । କୁହାଯାଉଛି ଯେ ପରିବାର ଲୋକଙ୍କୁ ପୋଲିସ ଅଧିକ ହାଇରାଣ ନକରୁ ଏଥିପାଇଁ ଶାଇସ୍ତା ପରୱୀନ ଏବେ ଆତ୍ମସମର୍ପଣ କରିବାକୁ ଚାହୁଁଛନ୍ତି । ଉମେଶ ପାଲ ହତ୍ୟାକାଣ୍ଡରେ ଅଗ୍ରୀମ ଜାମିନ ପାଇଁ ଶାଇସ୍ତା ଏମପି/ଏମଏଲଏ କୋର୍ଟରେ ଆବେଦନ କରିଥିଲେ, ଯାହାକୁ କୋର୍ଟ ଖାରଜ କରିଦେଇଥିଲେ ।
ଭୁବନେଶ୍ୱର: ଚଳିତ ବର୍ଷ ପ୍ରଥମ ଥର ପାଇଁ ରାଜ୍ୟ ସରକାର ଆରମ୍ଭ କରିବେ ଅବକାସକାଳୀନ ଶିକ୍ଷା । ମେ ମାସ ୪ ତାରିଖରୁ ହେଉଥିବା ଖରା ଛୁଟିରୁ ଏହି ଅବକାଶକାଳୀନ ଶିକ୍ଷା ଆରମ୍ଭ ହେବ । ଏଥିପାଇଁ ସ୍ବତନ୍ତ୍ର ସିଲାବସ କରାଯାଇଛି । କ୍ଲାସର ଛାତ୍ରଛାତ୍ରୀଙ୍କୁ ନେଇ ଗ୍ରୁପ କରାଯାଇଛି । ପ୍ରତି ଗ୍ରୁପର ମନିଟର କରିବେ ଜଣେ ଶିକ୍ଷକ । ଅବକାଶକାଳୀନ ସିଲାବସ ଅନୁସାରେ କେତେ ପାଠ ଛାତ୍ରଛାତ୍ରୀ ପଢ଼ିଛନ୍ତି, ସେନେଇ ଫୋନରେ ଅଭିଭାବକ ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିବେ ଶିକ୍ଷକ । ଛୁଟିରେ ଶିକ୍ଷା ସହ ଜଡ଼ିତ ରହିବା ସହ ସମୟ ଯେପରି ନଷ୍ଟ ନହେବ, ସେଥିପାଇଁ ଗୁରୁତ୍ବ ଦିଆଯାଇଛି ।
ଯୋଧପୁର: ଦେଶ ନୁହେଁ ସାରା ବିଶ୍ୱରେ ରାଜସ୍ଥାନ ଯୋଧପୁର ତା’ର ସୌନ୍ଦର୍ଯ୍ୟତା ପାଇଁ ପରିଚିତ । ଏହାର ସୌନ୍ଦର୍ଯ୍ୟତାକୁ ଉପଭୋଗ କରିବା ପାଇଁ ଦେଶ ଓ ବିଦେଶରୁ ବହୁ ପର୍ଯ୍ୟଟକ ପ୍ରତିବର୍ଷ ଏଠାକୁ ଆସନ୍ତି । କିନ୍ତୁ ଜଣେ ଯୁବକଙ୍କ କାରନାମା ପାଇଁ ହଟହଟା ହୋଇଛନ୍ତି ବିଦେଶୀ ପର୍ଯ୍ୟଟକ ।
ଏହାର ଏକ ଭିଡ଼ିଓ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି । ଉକ୍ତ ଭିଡ଼ିଓରେ ଦକ୍ଷିଣ କୋରିଆର ଜଣେ ଯୁବତୀ କ୍ୟାମେରାରେ ଯୋଧପୁରର ସୌନ୍ଦର୍ଯ୍ୟତାକୁ କଏଦ କରୁଥିବା ବେଳେ ଅଚାନକ ଜଣେ ଯୁବକ ତାଙ୍କ ପିଛା କରିବାରେ ଲାଗିଥିଲା । ଖାଲି ଏତିକି ନୁହେଁ ଯୁବତୀଙ୍କ ପିଛା କରିବା ସହ ଅଶ୍ଲୀଳ ଇଙ୍ଗିତ ମଧ୍ୟ କରୁଥିବା ନଜର ଆସିଛି । ଯାହାପରେ ମୋତେ ବଞ୍ଚାଅ, ମୋତେ ବଞ୍ଚାଅ ବୋଲି ପାଟି କରିଥିଲେ ବିଦେଶୀ ପର୍ଯ୍ୟଟକ ଜଣକ ।
https://twitter.com/dsrajpurohit291/status/1648190896532492288?s=20
ପରେ ଏହି ଭିଡ଼ିଓକୁ ସେ ସୋସିଆଲ୍ ମିଡିଆରେ ଅପଲୋଡ୍ କରିବା ସହ ଯୋଧପୁର ପୋଲିସକୁ ଟ୍ୟାଗ୍ କରିଥିଲେ । ଯାହାପରେ ସମ୍ପୃକ୍ତ ଯୁବକଙ୍କୁ ଧରିବା ପାଇଁ ତତ୍ପର ହୋଇଥିଲା ପୋଲିସ । ଏହି ଘଟଣା ଯୋଧପୁରର ପଚେଟିୟା ହିଲରେ ଘଟିଥିବା ଜଣାପଡିଛି।
ଦକ୍ଷିଣ କୋରିଆର ଏହି ଯୁବତୀ ଜଣକ ଜଣେ ବ୍ଲଗର। ଭିଡ଼ିଓ ଭାଇରାଲ୍ ହେବା ପରେ ପୋଲିସ ସେହି ଯୁବକଙ୍କୁ କାବୁ କରିଛି । ତା’ ବିରୋଧରେ ଧାରା ୧୫୧ ଲାଗିଥିବା ବେଳେ ଯୁବକଙ୍କ ନାମ ଦୀପକ ବୋଲି ଜଣାପଡିଛି ।
Rajasthan | A woman foreign tourist blogger had put up a post on her social media that a man had sexually harassed her in Jodhpur. Taking cognizance of this information, we identified the man and arrested him: Dr Amrita Duhan, DCP, Jodhpur East pic.twitter.com/DTAYNXLbeg
— ANI MP/CG/Rajasthan (@ANI_MP_CG_RJ) April 18, 2023
ଭୁବନେଶ୍ୱର: ଆସନ୍ତାକାଲି ଖୋର୍ଦ୍ଧା ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଅପରାହ୍ନରେ ଜିଲ୍ଲାଗସ୍ତରେ ଯାଇ ବିଭିନ୍ନ ଉନ୍ନୟନ ପ୍ରକଳ୍ପର ଉଦଘାଟନ କରିବେ । ଗୁରୁଜଙ୍ଗରେ କୃତ୍ରିମ ଅଙ୍ଗପ୍ରତ୍ୟେଙ୍ଗ ଉତ୍ପାଦନ ଗବେଷଣା କେନ୍ଦ୍ରକୁ ଉଦଘାଟନ କରିବେ ମୁଖ୍ୟମନ୍ତ୍ରୀ । ଗୁରୁଜଙ୍ଗରେ ୧୯୪୧ ମସିହାରେ ପ୍ରତିଷ୍ଠିତ ପ୍ରାଥମିକ ଶିକ୍ଷା କେନ୍ଦ୍ର ଜରାଜୀର୍ଣ୍ଣ ଅବସ୍ଥାରେ ପଡ଼ିରହିଥିଲା । ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ ପରେ ସେଠାରେ ଗଢ଼ି ଉଠିଛି ବିଜୁ ମହାବୀର ଜୟପୁର ଫୁଟ ସେଣ୍ଟର । ରାଜସ୍ଥାନ ଜୟପୁରର ଏକ ସ୍ବେଚ୍ଛାସେବୀ ଅନୁଷ୍ଠାନ ଦ୍ବାରା ଏଠାରେ କୃତ୍ରିମ ଅଙ୍ଗପ୍ରତ୍ୟେଙ୍ଗ ପ୍ରସ୍ତୁତ ହେବ। ସେ ସଂପର୍କରେ ଗବେଷଣା ତାଲିମ କେନ୍ଦ୍ର ମଧ୍ୟ ଚାଲିବ ।
ରାଜ୍ୟ ସରକାରଙ୍କ ସହଯୋଗରେ ଏହାର ପ୍ରତିଷ୍ଠା ହୋଇଥିବାବେଳେ ଆସନ୍ତାକାଲି ମୁଖ୍ୟମନ୍ତ୍ରୀ ଉଦଘାଟନ କରିବା କାର୍ଯ୍ୟକ୍ରମ ରହିଛି । ପରେ ଏକ ସାଧାରଣ ସଭାରେ ଯୋଗଦେବେ ନବୀନ । ସେଠାରେ ଦିବ୍ୟାଙ୍ଗଙ୍କୁ ଶ୍ରବଣ ଯନ୍ତ୍ର, ଟ୍ରାଇସାଇକେଲ୍, ଓ୍ବିଲଚେୟାର ଆଦି ବଣ୍ଟନ କରିବାର କାର୍ଯ୍ୟକ୍ରମ ରହିଛି । ନବୀନଙ୍କ ଗସ୍ତକୁ ନେଇ ଉତ୍ସାହିତ ହୋଇ ପଡ଼ିଛନ୍ତି ଖୋର୍ଦ୍ଧାବାସୀ । ସୁରକ୍ଷାକୁ ଦୃଷ୍ଟିରେ ରଖି ବ୍ୟାପକ ବ୍ୟବସ୍ଥା କରିଛି ପୋଲିସ ପ୍ରଶାସନ ।
ଭୁବନେଶ୍ୱର: ଟ୍ରାଫିକ ଚେକିଂ ବେଳେ ଅଘଟଣ । ଜଣେ ନାବାଳକ ସ୍କୁଟି ଚାଳକ ଧକ୍କା ଦେବାରୁ ଆହତ ହୋଇଛନ୍ତି RTO କର୍ମଚାରୀ । ଭୁବନେଶ୍ବର ୟୁନିଟ ୮ ଅଞ୍ଚଳରେ ଆଜି ସକାଳୁ ଚାଲିଥିଲା ଆରଟିଓ ଏବଂ ଟ୍ରାଫିକ ପୋଲିସର ଚେକିଂ । ଏହି ସମୟରେ ପାୱାର ହାଉସ ଛକରୁ ଜଣେ ନାବାଳକ ସ୍କୁଟି ଚାଳକ ଦ୍ରୁତଗତିରେ ସ୍କୁଟି ନେଇ ଯାଉଥିଲେ ।
ନାବାଳକ ଜଣକୁ RTO କର୍ମଚାରୀ ଅଟକାଇବା ପାଇଁ ଚେଷ୍ଟା କରିବା ସମୟରେ ଧକ୍କା ଦେଇଥିଲା ସ୍କୁଟି ଚାଳକ । ଦୁର୍ଘଟଣାରେ RTO କର୍ମଚାରୀଙ୍କ ସହ ନାବାଳକ ସ୍କୁଟି ଚାଳକ ଆହତ ହୋଇଛନ୍ତି । ଉଭୟଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
ଭୁବନେଶ୍ୱର: ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧିନରେ ସମ୍ବଲପୁର ଜୋନର ୧୨ଟି ଜିଲ୍ଲାର ଶିକ୍ଷା ଅଧିକାରୀ ଓ ବ୍ଲକ୍ ଶିକ୍ଷା ଅଧିକାରୀଙ୍କ ଦୁଇଦିନିଆ ସମୀକ୍ଷା ବୈଠକ ଓ ପ୍ରଶିକ୍ଷଣ ଶିବିର ଉଦ୍ଯାପିତ ହୋଇଯାଇଛି । ଭୁବନେଶ୍ୱରସ୍ଥିତ କୃଷି ଭବନ ଅଡିଟୋରିୟମ୍ରେ ଅନୁଷ୍ଠିତ ଏହି ପ୍ରଶିକ୍ଷଣ ଶିବିରରେ ମୁଖ୍ୟ ଅତିଥି ଭାବେ ଯୋଗଦେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ କହିଲେ ଯେ ରାଜ୍ୟର ଶିକ୍ଷା ବ୍ୟବସ୍ଥାକୁ ଅଧିକ କ୍ରୀୟାଶୀଳ କରିବା ଏବଂ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱପ୍ନକୁ ସାକାର କରିବା ହିଁ ଆମର ଲକ୍ଷ୍ୟ । ଚିରାଚରିତ କାର୍ଯ୍ୟପନ୍ଥାରୁ ବାହାରି ଆମକୁ ଶିକ୍ଷାକ୍ଷେତ୍ରରେ ସ୍ୱତନ୍ତ୍ର କାର୍ଯ୍ୟପନ୍ଥା ଗ୍ରହଣ କରିବାକୁ ପଡ଼ିବ ।
“୨୦୩୬ରେ ରାଜ୍ୟର ୧୦୦ ବର୍ଷ ପୂର୍ତ୍ତି ଉପଲକ୍ଷେ ଶିକ୍ଷାକ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆମର ଲକ୍ଷ୍ୟ’’ ମୁଖ୍ୟମନ୍ତ୍ରୀଙ୍କ ବାର୍ତ୍ତା ବୋଲି ମନ୍ତ୍ରୀ ଶ୍ରୀ ଦାଶ ମତବ୍ୟକ୍ତ କରିଛନ୍ତି । ଡିଇଓ ଏବଂ ବିଇଓ ମାନେ ଏବଂ ସିଆର୍ସିସିମାନେ ବିଦ୍ୟାଳୟ ପର୍ଯ୍ୟବେକ୍ଷଣ କରିବା, ଛାତ୍ରମାନଙ୍କ ନାମଲେଖା, ଶତପ୍ରତିଶତ ପିଲା ଦଶମ ପରୀକ୍ଷା ଦେବା, ଡ୍ରପ୍ ଆଉଟ୍ କମାଇବା, ପିଲାମାନଙ୍କୁ ପୁନଃ ସ୍କୁଲକୁ ଫେରାଇ ଆଣିବା ଏବଂ ଛୁଟିରେ ଶିକ୍ଷକମାନେ ପିଲାମାନଙ୍କ ଘରକୁ ଯାଇ ସେମାନଙ୍କ ପାଠ୍ୟକ୍ରମ ସଂପର୍କରେ ପଚାରି ବୁଝିବା ବାବଦରେ ମନ୍ତ୍ରୀ ଶ୍ରୀ ଦାଶ ଗୁରୁତ୍ୱ ପ୍ରଦାନ କରିଥିଲେ ।
ବିଭାଗୀୟ କମିଶନର ତଥା ଶାସନ ସଚିବ ଶ୍ରୀମତୀ ଆଶ୍ୱଥୀ ଏସ୍. ଶିକ୍ଷାର ବିକାଶ ଏବଂ ବିଭାଗର ସମସ୍ତ ସ୍କିମ୍ ତଥା ଉଦ୍ୟମର ସଫଳ ରୂପାୟନ ନିମନ୍ତେ ଯଥାସାଧ୍ୟ ପ୍ରୟାସ କରିବାକୁ ଡିଇଓ ଏବଂ ବିଇଓମାନଙ୍କୁ ପରାମର୍ଶ ଦେଇଥିଲେ । ଅନ୍ୟମାନଙ୍କ ମଧ୍ୟରେ ରାଜ୍ୟ ପ୍ରକଳ୍ପ ନିର୍ଦ୍ଦେଶକ (ଓସେପା) ଅନୁପମ ସାହା, ମାଧ୍ୟମିକ ଶିକ୍ଷା ନିର୍ଦ୍ଦେଶକ ସୁଶାନ୍ତ କୁମାର ଦାଶ, ପ୍ରାଥମିକ ଶିକ୍ଷା ନିର୍ଦ୍ଦେଶକ ଜ୍ୟୋତି ରଞ୍ଜନ ମିଶ୍ର, ଏସ୍ସିଇଆର୍ଟିର ନିର୍ଦ୍ଦେଶକ ମନୋଜ କୁମାର ପାଢ଼ୀ ପ୍ରମୁଖ ଉପସ୍ଥିତ ରହି ପ୍ରଶିକ୍ଷଣ ଶିବିର କାର୍ଯ୍ୟକ୍ରମର ପରିଚାଳନା କରିଥିଲେ । ସମ୍ବଲପୁର ଜୋନର ୧୨ଟି ଜିଲ୍ଲାରୁ ଆସିଥିବା ସମସ୍ତ ଡିଇଓ ଏବଂ ବିଇଓଙ୍କ ସମେତ ବିଦ୍ୟାଳୟ ଓ ଗଣଶିକ୍ଷା ବିଭାଗର ବରିଷ୍ଠ ପଦାଧିକାରୀବୃନ୍ଦ ଉପସ୍ଥିତ ଥିଲେ ।
ଭୁବନେଶ୍ୱର: ଭୁବନେଶ୍ବରରେ ୩ଟି ନୂଆ ଅଗ୍ନିଶମ ସେବା କେନ୍ଦ୍ର ପ୍ରତିଷ୍ଠା ପ୍ରସ୍ତାବକୁ ଅନୁମୋଦନ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭୁବନେଶ୍ବରର କ୍ରମ ବର୍ଦ୍ଧିଷ୍ଣୁ ପରିସର ଓ ଜନସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଅଗ୍ନିଶମ ବ୍ୟବସ୍ଥାକୁ ସୁଦୃଢ଼ କରି ଧନଜୀବନକୁ ସୁରକ୍ଷା ଯୋଗାଇଦେବା ପାଇଁ ମୁଖ୍ୟମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି।
ଏହି ୩ଟି ଅଗ୍ନିଶମ ସେବା କେନ୍ଦ୍ର ତମାଣ୍ଡୋ, ମଞ୍ଚେଶ୍ବର ଓ ପାହାଳରେ ପ୍ରତିଷ୍ଠା କରାଯିବ। ଏଥିପାଇଁ ୪୫ଟି ପଦବୀ ମଧ୍ୟ ଅନୁମୋଦନ କରାଯାଇଛି । ପ୍ରତ୍ୟେକ କେନ୍ଦ୍ରରେ ୧୫ ଜଣ ଲେଖାଏଁ କର୍ମଚାରୀ ରହିବେ। ଏଥିରେ ଜଣେ ଷ୍ଟେସନ ଅଫିସର, ଦୁଇ ଜଣ ଲିଡିଂ ଫାୟାରମ୍ୟାନ, ଜଣେ ଡ୍ରାଇଭର-ହାବିଲଦାର, ଜଣେ ଫାୟାରମ୍ୟାନ ଡ୍ରାଇଭର ଓ ୧୦ ଜଣ ଫାୟାରମ୍ୟାନ ଅଛନ୍ତି ।
