ନୂଆପଡ଼ା: ବିବାହ ବନ୍ଧନରେ ବାନ୍ଧି ହେଲେ ୨୫ ଯୁବକ ଯୁବତୀ । ନୂଆପଡା ଖରିଆର ରୋଡ ଗୁରୁ କୁଳ ଆଶ୍ରମ ଆମସେନା ଠାରେ ଅନୁଷ୍ଠିତ ହୋଇଥିଲା ସାମୁହିକ ବିବାହ ଉତ୍ସବ । ଏହି ସାମୁହିକ ବିଭାଗ ଆୟୋଜନ କରିଥିଲେ ଓଡ଼ିଶା ଯୋଜନା ଓ ସଂଯୋଜନା ମନ୍ତ୍ରୀ ରାଜେନ୍ଦ୍ର ଢୋଲକିଆ ଓ ତାଙ୍କ ପତ୍ନୀ କଳ୍ପନା ଢୋଲକିଆ ।
ଦୀର୍ଘ ୧୧ ବର୍ଷ ଧରି ଏପରି ସାମୁହିକ ବିବାହ କରି ଆସୁଥିବା ବେଳେ ଏଥର ୨୫ ଯୋଡା ବରକନ୍ୟାଙ୍କ ସାମୁହିକ ବିବାହ ଆଡମ୍ବର ଶହ ସଂପୂର୍ଣ୍ଣ ହୋଇଛି । ଏପରି ବିବାହରେ ସାମିଲ ହୋଇ ବେସ ଖୁସି ପ୍ରକାଶ କରିଛନ୍ତି ବର କନ୍ୟା ।
ରାୟଗଡ଼ା: ପୁଅ ଗୁଳିରେ ବାପା ମୃତ । ଗୁଣପୁର ପୁଟାସିଂ ଥାନା ଗୁଡି ଗ୍ରାମରେ ଗୁଳିକାଣ୍ଡ । ପାରିବାରିକ କଳହରୁ ବାପାଙ୍କୁ ଗୁଳି କରି ହତ୍ୟା କରିଛି ପୁଅ । ଘଟଣାସ୍ଥଳରେ ପୋଲିସ ପହଞ୍ଚି ଛାନବିନ ଆରମ୍ଭ କରିଛି । କେଣସି କାରଣରୁ ବାପା-ପୁଅଙ୍କ ମଧ୍ୟରେ ଯୁକ୍ତିତର୍କ ହେବା ପରେ ଉତ୍ତ୍ୟକ୍ତ ହୋଇ ପୁଅ ବାପାଙ୍କୁ ଗୁଳି କରିଥିବା କୁହାଯାଉଛି ।
ନନ୍ଦିଘୋଷ ବ୍ୟୁରୋ: ପୁଣି ଓଡ଼ିଶାକୁ ଜାତୀୟ ପୁରସ୍କାର । ମୁମ୍ବାଇରେ ସମ୍ମାନ ଗ୍ରହଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସ୍ପୋର୍ଟ୍ସ ଷ୍ଟାର ପକ୍ଷରୁ ଓଡିଶାକୁ ମିଳୁଛି ପୁରସ୍କାର । କ୍ରୀଡ଼ାର ପ୍ରୋତ୍ସାହନ ଓ ପ୍ରଚାର ପ୍ରସାର ଦିଗରେ ଯେଉଁଭଳି ଅଗ୍ରଗତି ଘଟିଛି ତାହା ଉଲ୍ଲେଖନୀୟ । ଅନ୍ୟ ରାଜ୍ୟ ପାଇଁ ଓଡ଼ିଶା ପାଲଟିଛି ଉଦାହରଣ । କ୍ରୀଡ଼ା ଠାରୁ କ୍ରୀଡାବିତ ସଭିଙ୍କ ବିକାଶ ଦିଗରେ ଓଡିଶା ପାଲଟିଛି ରୋଲ ମଡେଲ । ହକି ବିଶ୍ୱକପ ଠାରୁ ବିଭିନ୍ନ କ୍ରୀଡାର କ୍ୟାପିଟାଲ ଏବେ ଓଡିଶା ।
କ୍ରୀଡା କ୍ଷେତ୍ରରେ ଏଭଳି ବୈପ୍ଲବିକ ପରିବର୍ତ୍ତନ ପାଇଁ ଓଡିଶା ସାଜିଛି ଉଦାହରଣ । ସମସ୍ତ ଦୃଷ୍ଟିକୋଣକୁ ପରିଲିଖିତ କରି ସ୍ପୋର୍ଟ୍ସ ଷ୍ଟାର ପକ୍ଷରୁ ଓଡିଶାକୁ ମିଳିବାକୁ ଯାଉଛି ଏହି ସମ୍ମାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଉକ୍ତ ଅନୁଷ୍ଠାନ ପୁରସ୍କାର ପ୍ରଦାନ କରିବାର କାର୍ଯ୍ୟକ୍ରମ ରହିଛି । ଏକ ଭବ୍ୟ ଉତ୍ସବରେ ଯୋଗଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁମ୍ବାଇ ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ।
ଓଡ଼ିଶାରେ ସଫଳ ଆୟୋଜନ ପରେ ଜାତୀୟ ସ୍ତରରେ ପ୍ରଶଂସା ଓ ପୁରସ୍କାର । କ୍ରୀଡ଼ାର ବିକାଶ ପାଇଁ ଲଗାତର ଚତୁର୍ଥ ଥର ପାଇଁ ଓଡ଼ିଶା ହାତେଇବ ସ୍ପୋର୍ଟ୍ସ ଷ୍ଟାର ଆସେସ ଆଓ୍ବାର୍ଡ-୨୦୨୩ । ମୁମ୍ବାଇଠାରେ ସ୍ପୋର୍ଟ୍ସ ଷ୍ଟାର ପକ୍ଷରୁ ଆୟୋଜିତ ଏକ ସ୍ବତନ୍ତ୍ର ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପୁରସ୍କାର ଗ୍ରହଣ କରିବେ। ଦେଶର ବିଶିଷ୍ଟ ଖେଳାଳିଙ୍କ ଗହଣରେ ଏହି ପୁରସ୍କାର ଉତ୍ସବ ଅନୁଷ୍ଠିତ ହେଉଛି । କ୍ରୀଡାର ବିକାଶ ପାଇଁ ରାଜ୍ୟ ସରକାର ଗ୍ରହଣ କରୁଥିବା ବିଭିନ୍ନ ପଦକ୍ଷେପର ଫଳ ସ୍ବରୂପ ଜାତୀୟ ସ୍ତରରେ ସମ୍ମାନିତ ହେବାକୁ ଯାଉଛି ଓଡ଼ିଶା । କ୍ରୀଡାର ବିକାଶ ସାଙ୍ଗକୁ ଭିତ୍ତିଭୂମିର ବିକାଶ, ବିଶ୍ବସ୍ତରୀୟ ତାଲିମ ଓ ପ୍ରତିଭାବାନ୍ କ୍ରୀଡିବିତଙ୍କୁ ପ୍ରୋତ୍ସାହନ ଭଳି ଯୋଜନା ଦେଶର ଅନ୍ୟ ରାଜ୍ୟ ପାଇଁ ଉଦାହରଣ ସୃଷ୍ଟି କରିଛି ।
ଜାତୀୟ ଓ ଅନ୍ତର୍ଜାତୀୟ ସ୍ତରରେ ଓଡ଼ିଶାର ଖେଳାଳିମାନେ ଅନେକ ପଦକ ଜିତି ଦେଶ ପାଇଁ ସମ୍ମାନ ଆଣିଛନ୍ତି । ନିକଟରେ ଭୁବନେଶ୍ବର ଓ ରାଉରକେଲାରେ ପୁରୁଷ ହକି ବିଶ୍ବକପ ସଫଳତାର ସହ ଆୟୋଜନ କରି ବିଶ୍ବରେ ଚର୍ଚ୍ଚାକୁ ଆସିଛି ଓଡ଼ିଶା । ୨୦୨୨ରେ ଓଡ଼ିଶା ଓପନ, SAAF ଅଣ୍ଡର ଟ୍ବେଣ୍ଟି ଚାମ୍ପିୟନସିପ, ଫିଫା ଅଣ୍ଡର ଥାର୍ଟିନ୍ ମହିଳା ବିଶ୍ବକପ, ଫିଫା-୨୦୨୨, FIH ହକି ପ୍ରୋ ଲିଗ ଭଳି ଅନ୍ତରାଷ୍ଟ୍ରୀୟ ପ୍ରତିଯୋଗିତା ସଫଳତାର ସହ ଆୟୋଜନ କରିଛି ଓଡ଼ିଶା । ସେହିପରି ଇଣ୍ଡିଆନ ଓମେନ୍ସ ଲିଗ୍, ଆକ୍ବାଟିକ୍ ଜୁନିଅର ନ୍ୟାସନାଲସ, ସିନିଅର ନ୍ୟାସନାଲ ଓ୍ବେଟଲିଫ୍ଟିଂ ଚାମ୍ପିଅନସିପ, ପାରା ଆଥଲେଟିକ ଚାମ୍ପିଅନସିପ ଏବଂ ପାରା ବ୍ୟାଡମିଣ୍ଟନ ନ୍ୟାସନାଲସ ଟୁର୍ଣ୍ଣାମେଣ୍ଟ ଓଡ଼ିଶା ମାଟିରେ ସଫଳତାର ସହ ଖେଳାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ରାଜ୍ୟ ସରକାର କ୍ରୀଡ଼ାର ବିକାଶ କ୍ଷେତ୍ରରେ ଅନେକ ଦୃଷ୍ଟାନ୍ତମୂଳକ ପଦକ୍ଷେପ ନେଇଛନ୍ତି ।
ଭୁବନେଶ୍ବରସ୍ଥିତ କଳିଙ୍ଗ ଷ୍ଟାଡିୟମକୁ ଏକ ମେଗା ସ୍ପୋର୍ଟ କମ୍ପ୍ଲେକ୍ସ ଭାବେ ବିକଶିତ କରାଯାଇଛି । ଦେଶର ପ୍ରଥମ ଇନଡୋର୍ ଆଥଲେଟିକ୍ ସେଣ୍ଟର ସହ ହକି ପାଇଁ ହାଇପରଫରମାନ୍ସ ସେଣ୍ଟର, ବ୍ୟାଡମିଣ୍ଟର କୋର୍ଟ, ବିସ୍ତୃତ ସ୍ପୋର୍ଟ୍ସ ସାଇନ୍ସ ସେଣ୍ଟର ପ୍ରତିଷ୍ଠା କରାଯାଇଛି । ଆଗାମୀ ଦିନରେ ଦେଶ ପାଇଁ କଳିଙ୍ଗ ସ୍ପୋର୍ଟ୍ସ କଂପ୍ଲେକ୍ସ ଚମ୍ପିଆନ୍ ସୃଷ୍ଟି କରିବ । ରାଉରକେଲାର ବିର୍ସା ମୁଣ୍ଡା ହକି ଷ୍ଟାଡିୟମ ବିଶ୍ବର ସର୍ବବୃହତ ହକି ଷ୍ଟାଡିୟମ ଭାବେ ଗିନିଜ ବୁକ ଅଫ ଓ୍ବାଲଡ ରେକର୍ଡରେ ସ୍ଥାନ ପାଇଛି । ବିର୍ସାମୁଣ୍ଡା ଷ୍ଟାଡିୟମର ନିର୍ମାଣ ମାତ୍ର ୧୫ ମାସ ଭିତରେ ସଂପୂର୍ଣ୍ଣ କରାଯାଇଥିଲା । ଅଲିମ୍ପିକ୍ ଢାଞ୍ଚାରେ ଏଠାରେ ୨୨୫ଟି ଫାଇଭ୍ ଷ୍ଟାର ରୁମ୍ ଥିବା ହକି ଭିଲେଜ୍ ପ୍ରତିଷ୍ଠା କରାଯାଇଛି । କ୍ରୀଡାର ବିକାଶ ପାଇଁ ରାଜ୍ୟ ସରକାର ସହରାଞ୍ଚଳରେ ୯୦ଟି ବହୁମୁଖୀ ଇନଡୋର ହଲ ନିର୍ମାଣ କରିଛନ୍ତି । କେବଳ ହକି ନୁହେଁ ସନ୍ତରଣ ଓ ଫୁଟବଲ୍ ତାଲିମ ପାଇଁ ମଧ୍ୟ ସ୍ପୋର୍ଟ୍ସ କଂପ୍ଲେକ୍ସ ନିର୍ମାଣ କରାଯାଇଛି ।
ମୁମ୍ବାଇ: ବିଶିଷ୍ଟ ଶିଳ୍ପପତି ତଥା ରିଲାୟନ୍ସ ଗ୍ରୁପର ମୁଖ୍ୟ ମୁକେଶ ଅମ୍ବାନୀଙ୍କୁ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁମ୍ବାଇରେ ମୁକେଶ ଅମ୍ବାନୀ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମଧ୍ୟରେ ସାକ୍ଷାତ ହୋଇଛି । ଓଡ଼ିଶା ନିବେଶର ଉପଯୁକ୍ତ ସ୍ଥାନ ବୋଲି କହିଛନ୍ତି ମୁକେଶ ଅମ୍ବାନୀ । ଆଗାମୀ ଦିନରେ ରିଲାୟନ୍ସ ଗ୍ରୁପ ଓଡିଶାରେ ନିବେଶ କରିବେ ବୋଲି ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ଆଲୋଚନାରେ ଓଡିଶାରେ ମୁକେଶ ଆମ୍ବାନୀ ନିବେଶ କରିବା ନେଇ ଆଗ୍ରହ ପ୍ରକାଶ କରିଛନ୍ତି ଏବଂ ରାଜ୍ୟ ସରକାରଙ୍କ ଉଦ୍ୟମକୁ ପ୍ରଶଂସା କରିଛନ୍ତି ।
ଏହି ସମୟରେ ମୁକେଶଙ୍କୁ ହକିର ଜର୍ସି ଉପହାର ଦେଇଛନ୍ତି ନବୀନ । ସେହିଭଳି ସିଏଟ୍ ଗ୍ରୁପର ଅନନ୍ତ ଗୋଏଙ୍କା ମଧ୍ୟ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି । ଅନନ୍ତଙ୍କ ସହ ମଧ୍ୟ ରାଜ୍ୟରେ ପୁଞ୍ଜି ନିବେଶ ନେଇ ଆଲୋଚନା କରିବା ପରେ ହକିର ଜର୍ସି ଉପହାର ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଭୁବନେଶ୍ୱର: ଚଳିତ ବର୍ଷ ଓଡ଼ିଶାରେ ଅଲିଭ ରିଡଲେ କଇଁଛ ଅଣ୍ଡାଦାନରେ ରେକର୍ଡ ହୋଇଛି । ଆଜି ସକାଳ ସୁଦ୍ଧା ୫ ଲକ୍ଷ ୫୭ ହଜାର ଅଣ୍ଡାଦାନ ହୋଇଥିବା ରେକର୍ଡ ହୋଇଛି । ଯାହା ଗତବର୍ଷ ତୁଳନାରେ ଖୁବ୍ ଅଧିକ । ଗତବର୍ଷ ୫ ଲକ୍ଷ ୫୦ ହଜାର ପାଖାପାଖି ଅଣ୍ଡା ଦେଇଥିଲେ ଅଲିଭ ରିଡଲେ କଇଁଛ । ଚଉଡା ସମୁଦ୍ର କୁଳରେ ଲଗାତାର ନଜର ରଖାଯାଉଛି । ଅଣ୍ଡା ନଷ୍ଟ କରିବାକୁ ସୁଯୋଗ ନ ଦେବା ଯୋଗୁଁ ଏଥର ଅଣ୍ଡାଦାନ ବଢିଛି। ଏହି ପ୍ରକ୍ରିୟାରେ ସ୍ଥାନୀୟ ବାସିନ୍ଦା, ସ୍ବେଛାସେବୀ, ଜିଲ୍ଲା ପ୍ରଶାସନ ଏବଂ ବିଭାଗୀୟ କର୍ମଚାରୀ ସାମିଲ ହୋଇଛନ୍ତି । ସମସ୍ତଙ୍କ ସହଯୋଗ ଯୋଗୁ ଏହା ସମ୍ଭବ ହୋଇଥିବା କହିଛନ୍ତି ପିସିସିଏଫ ସୁଶୀଲ କୁମାର ପୋପଲି ।
ଭୁବନେଶ୍ୱର: କେନ୍ଦୁଝରରେ ବାଘ ବୁଲିବା ପ୍ରସଙ୍ଗ । କ୍ୟାମେରାରେ କଏଦ ହୋଇଛି ମହାବଳର ଫଟୋ । ବାଘର ବୟସ ୩ରୁ ୪ ବର୍ଷ ହେବ। କେନ୍ଦୁଝର ଘଟଗାଁ ରେଞ୍ଜରେ ଠାବ ହୋଇଛି ଏହି ମହାବଳ ବାଘ । ଶିମିଳିପାଳରୁ କରଞ୍ଜିଆ ସାତକୋଶିଆ ଦେଇ ଆସୁଛି ପୁଣି ଫେରୁଛି । ବାଘ ଗତିବିଧି ଉପରେ ନଜର ରଖାଯାଇଥିବା ପିସିସିଏଫ୍ ସୂଚନା ଦେଇଛନ୍ତି । ଏହି ମହାବଳ ବାଘ ଉପରେ ନଜର ରଖିଛି ବନ ବିଭାଗ । ଖାଦ୍ୟ ଅନ୍ୱେଷଣ ଏବଂ ପ୍ରାକୃତିକ ସହବାସ ପାଇଁ ବାହାରକୁ ବାଘ ଆସିଥାଇପାରେ ବୋଲି ପିସିସିଏଫ ସୁଶୀଲ କୁମାର ପୋପଲି ସୂଚନା ଦେଇଛନ୍ତି । ବାଘର ଗତିବିଧି ଉପରେ ନଜର ରଖିବାକୁ କ୍ୟାମେରା ଲାଗିଛି । ବନବିଭାଗ କର୍ମଚାରୀ ସଜାଗ ଅଛନ୍ତି ବୋଲି ପିସିସିଏଫ ସୁଶୀଲ କୁମାର ପୋପଲି କହିଛନ୍ତି ।
ନୂଆଦିଲ୍ଲୀ: ଦିଲ୍ଲୀ ମଦ ଦୁର୍ନୀତି ମାମଲାରେ ମିଳିନି କୌଣସି ପ୍ରମାଣ । ରାଜନୈତିକ ଚାପ ଯୋଗୁଁ ମନୀଷ ସିସୋଦିଆଙ୍କୁ ଗିରଫ କରାଯାଇଥିବା ଆପ୍ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଟ୍ବିଟ୍ କରିଛନ୍ତି। ଏପରିକି ଅଧିକାଂଶ ସିବିଆଇ ଅଧିକାରୀ ସିସୋଦିଆଙ୍କ ଗିରଫଦାରୀ ବିରୋଧରେ ରହିଥିଲେ । ସମସ୍ତ ସିବିଆଇ ଅଧିକାରୀଙ୍କର ସିସୋଦିଆଙ୍କ ପ୍ରତି ସମ୍ମାନ ରହିଛି । ତେବେ ରାଜନୈତିକ ଚାପ ଯୋଗୁଁ ତାଙ୍କୁ ଗିରଫ କରିଥିବା କେଜ୍ରିଓ୍ବାଲ ଟ୍ବିଟ୍ କରିଛନ୍ତି। ଗତକାଲି ମଦ ଦୁର୍ନୀତି ମାମଲାରେ ୮ ଘଣ୍ଟା ମାରାଥନ୍ ଜେରା ପରେ ସିସୋଦିଆଙ୍କୁ ଗିରଫ କରିଛି ସିବିଆଇ । ମନୀଷ ସିସୋଦିଆ ନିର୍ଦ୍ଦୋଷ, ତାଙ୍କ ଗିରଫଦାରୀକୁ ଡାର୍ଟି ପଲିଟିକ୍ସ ବୋଲି ଟ୍ବିଟ୍ କରିଥିଲେ ଅରବିନ୍ଦ କେଜ୍ରିଓ୍ବାଲ୍।
ନୂଆଦିଲ୍ଲୀ: ଭୁଶୁଡୁଛି ଆଦାନୀଙ୍କ ସାମ୍ରାଜ୍ୟ । ଧନୀ ତାଲିକାରେ ୩ ନମ୍ବରରୁ ୩୭ ନମ୍ବରକୁ ଖସିଲେ ବିଜନେସ ଟାଇକୁନ ଗୌତମ ଆଦାନୀ । ଆମେରିକୀୟ ସଂସ୍ଥା ହିଣ୍ଡେନବର୍ଗ ରିସର୍ଚ୍ଚ ଆଦାନୀ ଗ୍ରୁପ ବିରୋଧରେ ଜାଲିଆତି ଓ ହେରେଫେର ଅଭିଯୋଗ ଆଣିବା ପରେ ତାଙ୍କ ବ୍ୟକ୍ତିଗତ ସମ୍ପତ୍ତିର ମୂଲ୍ୟ ନିୟମିତ ହ୍ରାସ ପାଇବାରେ ଲାଗିଛି । ଜାନୁଆରୀ ୨୪ ତାରିଖରେ ହିଣ୍ଡେନବର୍ଗ ରିପୋର୍ଟ ଆସିବା ପରଠୁ ତାଙ୍କ ସମ୍ପତ୍ତି ମୂଲ୍ୟ ୮୦୦୦ କୋଟିରୁ ଊର୍ଦ୍ଧ୍ବ ଡଲାର ହ୍ରାସ ପାଇଛି । ସେୟାର ବଜାରରେ ନିବେଷକମାନେ ଆଦାନୀ କମ୍ପାନୀର ସେୟାର ବିକ୍ରି କରୁଥିବାରୁ ସେଗୁଡିକର ଦାମ୍ କ୍ରମାଗତ ଭାବେ ହ୍ରାସ ପାଇ ଚାଲିଛି ।
ରିପୋର୍ଟରୁ ଜଣାଯାଇଛି, ଗତ ଏକମାସ ଭିତରେ ଆଦାନୀଙ୍କ ବିଭିନ୍ନ କମ୍ପାନୀର ବଜାର ପୁଞ୍ଜି ପରିମାଣ ୧୨ ଲକ୍ଷ କୋଟି ଟଙ୍କାରୁ ଅଧିକ ହ୍ରାସ ପାଇଛି । ଆଦାନୀ ଟୋଟାଲ ଗ୍ୟାସର ବଜାର ପୁଞ୍ଜିରେ ୮୧ ପ୍ରତିଶତ, ଆଦାନୀ ଗ୍ରୀନ ଏନର୍ଜିର ମୂଲ୍ୟ ୭5 ପ୍ରତିଶତ, ଆଦାନୀ ଟ୍ରାନ୍ସମିଶନରେ ୭୪ ପ୍ରତିଶତ ଓ ଆଦାନୀ ଏଣ୍ଟରପ୍ରାଇଜେସ ବଜାର ପୁଞ୍ଜିରେ ୬୨ ପ୍ରତିଶତ ହ୍ରାସ ପାଇଛି । ଏହା ବ୍ୟତୀତ ତାଙ୍କର ଅନ୍ୟାନ୍ୟ କମ୍ପାନୀର ବଜାର ମୂଲ୍ୟ ମଧ୍ୟ ହ୍ରାସ ପାଇଥିବା ଜଣାଯାଇଛି ।
ଭୁବନେଶ୍ୱର: ପଞ୍ଚଭୂତରେ ଲୀନ ହେଲେ ବରିଷ୍ଠ ସାମ୍ବାଦିକ ଗଜେନ୍ଦ୍ର ମହାରଣା । ଆଜି ପୁରୀର ସ୍ୱର୍ଗଦ୍ୱାରଠାରେ ତାଙ୍କର ଅନ୍ତିମ ସଂସ୍କାର କରାଯାଇଛି । ବରିଷ୍ଠ ସାମ୍ବାଦିକ ଗଜେନ୍ଦ୍ର ମହାରଣା ଗତକାଲି ଶେଷ ନିଶ୍ୱାସ ତ୍ୟାଗ କରିଥିଲେ । ଚିକିତ୍ସାଧିନ ଅବସ୍ଥାରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ ଗଜେନ୍ଦ୍ର ମହାରଣା । ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ବୟସ ହୋଇଥିଲେ । ମୃତ୍ୟୁ ପରେ ଗତକାଲି ତାଙ୍କ ମରଶରୀରକୁ ପୁରୀ ନିଆଯାଇଥିଲା । ସେଠାରେ ବିଭିନ୍ନ ବର୍ଗର ଲୋକ ତାଙ୍କୁ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ତେବେ ଆଜି ସ୍ୱର୍ଗଦ୍ୱାରରେ ତାଙ୍କର ଅନ୍ତିମ ସଂସ୍କାର କରାଯାଇଛି ।
ବାଲେଶ୍ୱର: ବାଲେଶ୍ବର ଓ ବାରିପଦା ଆକାଶରେ ଶୁଭିଲା ପ୍ରଚଣ୍ଡ ଶବ୍ଦ । ଏହି ପ୍ରଚଣ୍ଡ ଶବ୍ଦରେ ଘର କବାଟ, ଝରକା ଥରିବା ସହିତ ଦୁଲୁକିଲା ମାଟି । ବାଲେଶ୍ବର ସାରା ଜିଲ୍ଲାବାସୀ ଶବ୍ଦ ଶୁଣିଥିବା କହିଛନ୍ତି । ସେପଟେ ମୟୂରଭଞ୍ଜ ବାରିପଦାରେ ବି ପ୍ରଚଣ୍ଡ ଶବ୍ଦ ଲୋକଙ୍କୁ ଭୟଭୀତ କରାଇଛି । ତେବେ ଶବ୍ଦ କେଉଁଠୁ ଓ କିପରି ଆସିଲା ସେନେଇ ସ୍ପଷ୍ଟ ସୂଚନା ମିଳିପାରିନି ।
